ខេត្តសៀមរាប៖ផ្ទះមួយខ្នងរួមនឹងទ្រព្យសម្បត្តិត្រូវបានបំផ្លាញដោយអគ្គីភ័យ។ ហេតុការណ៍បានកើតឡើង នៅវេលាម៉ោង១៥និង00នាទី ថ្ងៃទី២៣ខែធ្នូ ឆ្នាំ២០២០ នៅចំណុច ភូមិព្រៃក្មេង ឃុំខ្នាត ស្រុកពួក ខេត្តសៀមរាប។

អធិការនគរបាលស្រុកពួកលោកវរសេនីយ៍ឯក
ទេព ពុំសែន បានឲ្យដឹងថា ម្ចាស់ផ្ទះ.រងគ្រោះឈ្មោះ សៅ កុសល់ ភេទស្រី អាយុ៤៤ឆ្នាំ (ប្រពន្ធ) និងប្ដីឈ្មោះ សេង មេត អាយុ៥៧ឆ្នាំ ជាកសិករ។

ករណីនេះបណ្ដាលឲ្យឆេះផ្ទះ១ខ្នងទាំងស្រុង ទំហំ៤ម៉ែត្រ × ៦ម៉ែត្រ ក្រាលក្ដារ ជញ្ជីងក្ដារ ប្រក់ស័ង្កសី កំពស់ពីដីទៅក្ដារក្រាល ២,៥០ម៉ែត្រ។និងឆេះអស់រួមមាន÷
-ស្រូវ ៨ការុងធំ (800Kg)
-អង្ករ ៧០គីឡូក្រាម
-ប្រាក់ចំនួន ២០.០០០០៛(ម្ភៃម៉ឺន)រៀល
-កង់ចំនួន ២គ្រឿង
-ទូរទស្សន៍ ១គ្រឿង
និងសម្ភាខោអាវពូកដេកចានឆ្នាំងមួយចំនួន។

ការអះអាងរបស់ម្ចាស់ផ្ទះមូលហេតុ៖ បណ្ដាលមកពីទុសេខ្សែភ្លើងត្រង់ចំណុចបារ៉ែតភ្លើង ឆេះ ហើយពួកគាត់ស្រែកហៅគ្នីគ្នាពន្លត់ភ្លើងមិនឈ្នះ។

មានការជួយអន្តរាគមន៍ ពីឡានទឹករបស់អធិការដ្ឋាន ប៉ុន្តែចូលមិនដល់ ដោយផ្លូវចង្អៀត មានចំងាយ២៥០ម៉ែត្រ ក្នុងនោះមានការជួយអន្ដាគមន៍ ពីកងកម្លាំង និងប្រជាពលរដ្ឋ ដោយប្រើម៉ូទ័របាញ់ និងដោយដៃ   ផងដែរ៕SRP

ខេត្តសៀមរាប៖ប៉ូលិសស្រុកស្វាយលើ បានឃាត់ខ្លួន កម្មករសំណង់ម្នាក់ ទៅតាមបណ្តឹង
របស់គ្រួសារជនរងគ្រោះ ករណីចាប់រំលោភក្មេងស្រី បានសម្រេច។

ការឃាត់ខ្លួន ធ្វើឡើងនៅរសៀល ថ្ងៃទី២៣ ខែធ្នូ ម្សិលមិញ ស្ថិតនៅភូមិខ្នារក្រៅ ឃុំកន្ទួត ស្រុកស្វាយលើ ខេត្តសៀមរាប។

លោកវរសេនីយ៍ឯកស៊ុន អេង អធិការនគរបាលស្រុកស្វាយលើ បានឲ្យដឹងថា ជនសង្ស័យ មាន ឈ្មោះមួក ម៉េង ភេទប្រុស អាយុ៣៥ឆ្នាំ មានស្រុកកំណើតភូមិដូនស្វា ឃុំសំរោងយា ស្រុកពួក ខេត្តសៀមរាប។ ស្នាក់នៅបណ្តោះអាសន្នភូមិខ្នារក្រៅឃុំកន្ទួត ស្រុកស្វាយលើ ខេត្តសៀមរាប ដែលពាក់និងបទល្មើសរំលោភសេពសន្ថវៈ។

លោកអធិការបន្តថា នៅវេលាម៉ោង១០និង៤០នាទីថ្ងៃទី២២ ខែធ្នូឆ្នាំ២០២០ ជនរងគ្រោះឈ្មោះ រ ស.ត អាយុ១០ឆ្នាំ រស់នៅ ស្រុកពួក ខេត្តសៀមរាប។

ជនរងគ្រោះបានទៅដាំបង្គោលរបង និងដាក់លួសបន្លា នៅចំណុចដីចំការឈ្មោះរៀម វ៉ាន់សាក់ ភូមិខ្នារក្រៅឃុំកន្ទួតស្រុកស្វាយលើ ខេត្តសៀមរាប ជាមួយឪពុកបង្កើតនិងពូ ព្រមទាំងជនសង្ស័យ។ ពេលទៅដល់ចំណុចដីចំការ ឪពុកជនរងគ្រោះ បានដាំបង្គោលរបង នៅចំងាយពី ជនរងគ្រោះប្រហែល២០០ម៉ែត្រ។

ចំណែកជនសង្ស័យនិងជនរងគ្រោះ បានវាយបន្លាលួស ជាមួយគ្នាដោយជនរងគ្រោះ ជាអ្នកទាញបន្លាលួសជនសង្ស័យ ជាអ្នកដំបន្លាលួសភ្ជាប់និងបង្គោលរបង។

នៅពេលជនរងគ្រោះ ហត់អស់កម្លាំង ក៏បានទៅសំរាកនៅព្រៃល្បះក្នុងចំការ។ ជនសង្ស័យ ក៏ដើរតាមពីក្រោយ សំដៅទៅរក ហើយបានធ្វើសកម្មភាព ចាប់ផ្តូល ទៅនិងដីរួច សង្កត់ សំរាតខោ ត្រឹមក្បាលជង្គង រួច រំលោភតែម្ដង
ធ្វើឲ្យជនរងគ្រោះ ឈឺចុកចាប់ ក៏ខំរើបំរាស់
និងស្រែកយំ ស្របពេលនោះ ឪពុក មកទាន់ជនសង្ស័យ ក៏ឈប់សកម្មភាព ហើយគេចខ្លួននៅក្នុងដីចំការ។

ជនសង្ស័យ សារភាពថា ពិតជាបានប្រព្រឹត្ត ដូចការចោទប្រកាន់មែន។បច្ចុប្បន្ន កសាងសំណុំរឿង ដើម្បីបន្តនិតិវិធីទៅតាមផ្លូវច្បាប់៕SRP

ខេត្តកំពង់ចាម៖លោក អ៊ុន​​ ចាន់ដា​ អភិបាលខេត្តកំពង់ចាម​ ​នារសៀល​ ថ្ងៃទី២៣ ខែធ្នូ ម្សិលមិញ បាន​ដឹកនាំ​មន្ត្រី​ជំនាញ​ពាក់ព័ន្ធ​ និង​អាជ្ញាធរ​មូលដ្ឋាន​ អញ្ជេីញចុះ​ពិនិត្យ​គម្រោង​ស្ថាបនា​​ផ្លូវ​ក្រាល​កៅស៊ូ​បេទីម​ លើកំណាត់ផ្លូវកម្ពុជាក្រោម ប្រវែង​៨៤០ម៉ែត្រ ទទឹង​៨ម៉ែត្រ​ ចាប់ពីរង្វង់មូល (១-៧៩) ដល់ក្រោយអង្គភាពរដ្ឋករទឹក ស្ថិតនៅក្នុងសង្កាត់បឹងកុក ក្រុងកំពង់ចាម ដេីម្បី​ជំរុញ​ដល់​ការ​សាងសង់​ ឲ្យមានគុណភាពល្អ និង​ការ​ប្រើប្រាស់​បាន​យូរ​អង្វែង​។​

ឆ្លៀត​​​​ក្នុង​ឱកាស​អញ្ជើញ​​ ចុះពិនិត្យគម្រោងស្ថាបនា ផ្លូវ នេះដែរ លោក​​ អ៊ុន​ ចាន់ដា បានជួបសំណេះសំណាលាល​ និងសាកសួរសុខទុក្ខ បងប្អូន​ ប្រជាពលរដ្ឋ ដែល​រស់នៅ​អម​សងខាង​ផ្លូវនោះ​ ដោយ​​គាត់​ពិត​ជា​​មាន​ការ​ត្រេកអរ​ ជាខ្លាំង ចំពោះ​រដ្ឋបាល​ ខេត្តកំពង់ចាម ដែល​បាន​ផ្តល់​កញ្ចប់​ថវិកា​ប្រចាំឆ្នាំ​​ សម្រាប់​ការ​កសាង​ផ្លូវ​មួយ​ខ្សែ​នេះ​ឡើង​ បង្ក​លក្ខណៈ​ងាយ​ស្រួល​ដល់​ការ​​ធ្វើដំណើរ​ ​ក៏ដូចជា​ការ​ដឹក​ជញ្ជូន​ទំនិញ​​យក​ទៅ​លក់​នៅ​ផ្សារ​បឹងកុក​ផងដែរ។

គួរ​បញ្ជាក់​ផង​ដែរ​ថា​ ជាមួយ​គ្នា​នោះ​ក៏មាន​ការ​ស្ថាបនា​ផ្លូវ​ក្រាល​កៅស៊ូ​ប្រភេទ​AC​ ចំនួន​៣ខ្សែ​ផ្សេង​ទៀត​ ​រួមមាន​៖​ ខ្សែទី១ (ផ្លូវលេខ ៧ ចាស់ ) ប្រវែង ១,៥៦២ ម៉ែត្រ ទទឹង ១០ ម៉ែត្រ ចាប់ពីកែងវរង្វង់មូល ១-៧៩ ភូមិទី៦ សង្កាត់វាលវង់ ដល់ផ្លូវមុនីវង្ស ភូមិទី៤ សង្កាត់ វាលវង់ ក្រុងកំពង់ចាម។

ខ្សែទី២ (ផ្លូវលេខ ៥១) ប្រវែង​ ៥១២ ម៉ែត្រ ទទឹង ៨ ម៉ែត្រ ចាប់ពីស្តុបលំហែរផ្លូវជាតិលេខ៧ថ្មី​ ភូមិបឹងស្នាយ​ សង្កាត់សំបួរមាស​ ដល់ផ្លូវលេខ៧ចាស់​ ភូមិទី៦ សង្កាត់វាលវង់​ ក្រុងកំពង់ចាម។

និង​ខ្សែទី៣ (ផ្លូវលេខ ៥៥) ប្រវែង ៧៧១ ម៉ែត្រ ទទឹង ៧,៥ម៉ែត្រ ៨ម៉ែត្រ ចាប់ពីផ្លូវភ្លោះព្រះបាទ មុនីវង្ស ភូមិទី៤ សង្កាត់វាលវង់ ទល់ផ្លូវលេខ ៨៥ ភូមិទី៦ សង្កាត់វាលវង់ ក្រុងកំពង់ចាម​ ៕SRP

ខេត្តកំពង់ចាម៖លោ អ៊ុន​ ចាន់ដា​ អភិបាលខេត្ត​កំពង់ចាម​ បាន​ថ្លែង​ថា​ យើងត្រូវប្រើប្រាស់ឲ្យអស់លទ្ធភាពធនធាន ដែលបានពីថ្នាក់ជាតិតាមរយៈក្រសួង ឬធនធានពីដៃគូនានា ដើម្បីបន្តការអភិវឌ្ឍន៍ជារៀងរាល់ឆ្នាំ ធ្វើយ៉ាងណាឲ្យជីវភាពរស់នៅ​ របស់ ប្រជាពលរដ្ឋ មានភាពប្រសើរឡើង ឲ្យបានទាន់ពេលវេលា។​

លោកថ្លែងយ៉ាងដូច្នេះក្នុងកិច្ចប្រជុំ ពិគ្រោះយោបល់លើសេចក្តីព្រាងកម្មវិធីវិនិយោគបីឆ្នាំរំកិល (២០២១-២០២៣)​ ដែល​បាន​ធ្វើ​ឡើង​នាព្រឹក​ថ្ងៃទី២៣​ ខែធ្នូ ឆ្នាំ២០២០​ នៅ​មន្ទីរ​ផែនការ​ខេត្តកំពង់ចាម​ ។

ថ្លែង​ក្នុង​កិច្ច​ប្រជុំ​នោះ​ដែរ​ លោក​​ អ៊ុន​ ចាន់ដា បាន​លេីក​ឡើង​ថា​​ លទ្ធផលសិក្ខាសាលា សមាហរណកម្ម កម្មវិធីវិនិយោគ ឃុំ សង្កាត់ ក្រុង ស្រុក ទទួលបានការគាំទ្រ​ សរុបចំនួន ២ ៣៧៤គម្រោង ស្មើនឹង៤៨% នៃគម្រោងស្នើឡើងចំនួន ៤ ៩១៣ គម្រោង ក្នុងនោះមានមន្ទីរ អង្គភាពគាំទ្របានចំនួន ២ ២២៤ គម្រោង និងអង្គការសង្គមស៊ីវិលគាំទ្របានចំនួន ១៥០គម្រោង។ ដោយឡែក គម្រោងវិនិយោគ កំពុងដំណើរការរបស់រដ្ឋបាលខេត្តមានចំនួន ៣៩គម្រោង ដែលត្រូវចំណាយថវិកាចំនួន ៣៥ ៥៤០ លានរៀល និងគម្រោងដែលមានថវិកាគាំទ្រមានចំនួន ៣៥៣ គម្រោង ដែលត្រូវចំណាយថវិកាចំនួន ១ ៥៦៧ ០៣៨ លានរៀល ដែលត្រូវអនុវត្តក្នុងឆ្នាំ២០២១។

លោក​អភិបាលខេត្ត​ បាន​សង្កត់​ធ្ងន់ថា​ គម្រោងទាំងអស់ នៅក្នុងកម្មវិធីវិនិយោគបីឆ្នាំរំកិល (២០២១-២០២៣) គឺជាផែនការសម្រាប់អនុវត្តនៅឆ្នាំ២០២១ សូមលោក -លោកស្រី ប្រធានមន្ទីរ អង្គភាពជំរុញការអនុវត្តគម្រោង នីមួយៗឲ្យចប់តាមការកំណត់ ដោយធ្វើការសហការជាមួយអាជ្ញាធរមូលដ្ឋានឲ្យបានជិតស្និទ្ធ។​ ជាមួយគ្នា​នោះ​ ក្រុមការងារកសាងផែនការខេត្ត រដ្ឋបាលក្រុង ស្រុក រដ្ឋបាលឃុំ សង្កាត់ ត្រូវត្រៀមខ្លួន ចាប់ផ្តើមដំណើការប្រមូលតម្រូវការអាទិភាពរបស់មូលដ្ឋាន នៅចុងខែមករា ដើម្បីដាក់ក្នុងផែនការ យុទ្ធសាស្រ្តថវិកាឲ្យបានទាន់ពេលវេលា ស្របតាមប្រកាសអន្តរក្រសួងលេខ ០១៤៩ ផក .ប្រក ចុះថ្ងៃទី០៧ ខែតុលា ឆ្នាំ២០២០​ របស់ក្រសួងផែនការ និងក្រសួងមហាផ្ទៃ ស្តីពី ការដាក់ឲ្យ ប្រើប្រាស់សេចក្តីណែនាំបំពេញបន្ថែម លើសេចក្តីណែនាំបច្ចេកទេស ស្តីពីការរៀបចំ និងកសាង កម្មវិធីវិនិយោគបីឆ្នាំរំកិលរាជធានី ខេត្ត ក្រុង ស្រុក ខណ្ឌ និងឃុំ សង្កាត់​ ៕SRP

ខេត្តបាត់ដំបង៖ផ្ទះនិងរោងស្តុកឥវ៉ាន់ ត្រូវបាន អគ្គិភ័យបំផ្លាញ ដោយការដុតទៀនទុកចោល។

ហេតុការណ៍បានកើតឡើង នៅវេលាម៉ោង ៣និង៤០នាទីទៀបភ្លឺ ឈានចូលថ្ងៃទី២៣ ខែធ្នូ ឆ្នាំ២០២០ នេះ នៅចំណុចក្រុមទី១៩ ភូមិព្រៃទទឹង ឃុំជ្រៃ ស្រុកថ្មគោល ខេត្តបាត់ដំបង។

សមត្ថកិច្ចមូលដ្ឋានបានអោយដឹងថា ផ្ទះត្រូវឆេះ មានទំហំ ៤ម៉ែត្រX៥ម៉ែត្រ ធ្វើអំពីឈើ ប្រក់ស័ង្កសី ដំបូលស័ង្កសី និងជញ្ជីងស័ង្កសី (ខូចខាតទាំងស្រុង ) មានម្ចាស់ឈ្មោះ យាន វឿត ភេទប្រុស អាយុ៦៣ឆ្នាំ រស់នៅភូមិព្រៃទទឹង ឃុំជ្រៃ ស្រុកថ្មគោល ខេត្តបាត់ដំបង រួមនិងសម្ភារខូចខាតមាន -កង់ចំនួន០១ គ្រឿង និងគ្រែដេក០១ សរុបជាទឹកប្រាក់ចំនួន ១០០០ដុល្លារនឹងរបស់របរជាច្រើនទៀត។

ចំណែករោងទាមស្តុកឥវ៉ាន់០១ខ្នង មានទំហំ ៦ម៉ែត្រX៩ម៉ែត្រ ធ្វើអំពីឈើ ប្រក់ស័ង្កសី ដំបូលស័ង្កសី និងជញ្ជាំងស្បូវ (ខូចខាត២០%) ដែលមានម្ចាស់រោងឈ្មោះ
វង់ សុផាន់ណា ភេទប្រុស អាយុ៣៨ឆ្នាំ រស់នៅភូមិព្រៃទទឹង ឃុំជ្រៃ ស្រុកថ្មគោល ខេត្តបាត់ដំបង សរុបជាទឹកប្រាក់ ចំនួន១០០ដុល្លារ។

ករណីនេះ សមត្ថកិច្ច ចុះអន្តរាគមន៍ ពន្លត់ដោយប្រើប្រាស់ទឹកអស់ចំនួន០១ឡានទើប អាចគ្រប់គ្រង បានទាំងស្រុង មិនអោយឆេះរាលដាល ទៅផ្ទះអ្នកជិតនោះទេ។

សមត្ថកិច្ចបានសន្និដ្ឋានថា មូលហេតុ ដែលផ្តើមអោយមានអគ្គិភ័យនេះ គឺបណ្តាលមកពីលោក យាន វឿត ដែលជាម្ចាស់ផ្ទះខាងលើបានដុតទៀនទុកចោល ដើម្បីថ្វាយបង្គំព្រះពេលទៀបភ្លឺ ទើបបណ្តាលអោយឆេះតែម្តង៕SRPដោយប៊ុនថេត

ភ្នំពេញ៖សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជានៅថ្ងៃទី ២២ ខែធ្នូ ឆ្នាំ២០២០នេះ បានសម្រេចផ្តល់ថវិកាចំនួន ៧៩.០៦០.០០០រៀល ដល់សាខាកាកបាទក្រហមកម្ពុជា ខេត្តមណ្ឌលគីរី បន្ថែមពីលើថវិការបស់សាខាចំនួន ២១.២៤០.០០០រៀល ដើម្បីចាត់ចែងទិញស្បៀងអាហាររួមមាន អង្ករ មី និងត្រីខ សម្រាប់ចែកជូនប្រជាពលរដ្ឋងាយរងគ្រោះបំផុតចំនួន ១.១៨០គ្រួសារ រស់នៅក្នុងស្រុកកោះញែក និងស្រុកពេជ្រាដា ខេត្តមណ្ឌលគិរី។ គ្រួសារងាយរងគ្រោះបំផុតនីមួយៗនឹងទទួលបាន អង្ករ ២៥គីឡូក្រាម មី ១កេស និងត្រីខ ១០កំប៉ុង ដើម្បីសម្រាលដល់ជីវភាពប្រចាំថ្ងៃ។

សូមបញ្ជាក់ថា ក្នុងឆ្នាំ២០២០នេះ កាកបាទក្រហមកម្ពុជា ដែលមាន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន បានផ្តល់អំណោយមនុស្សធម៌ជូនប្រជាពលរដ្ឋរងគ្រោះ និងងាយរងគ្រោះបំផុតបានសរុបចំនួន ១០៤.៩៤២ គ្រួសារ។ ដោយឡែក ចាប់ពីថ្ងៃទី ១ ខែតុលា ដល់ថ្ងៃទី ២២ ខែធ្នូ ឆ្នាំ២០២០នេះ បានផ្តល់អំណោយមនុស្សធម៌ជូនប្រជាពលរដ្ឋរងគ្រោះដោយទឹកជំនន់ និងប្រជាពលរដ្ឋងាយរងគ្រោះបំផុត បានសរុបចំនួន ៤០.៥៩៣គ្រួសារ រស់នៅភូមិចំនួន១០៤១ ឃុំចំនួន៤៤៨ ស្រុកចំនួន១៧៩ និងរាជធានី-ខេត្តចំនួន២៥ (ក្នុងនោះឆ្លើយតបដោយទីស្នាក់ការថ្នាក់កណ្តាលចំនួន ១៤.៩៨៦គ្រួសារ និងដោយសាខាចំនួន ២៥.៦០៧គ្រួសារ)៕SRP

ខេត្តកំពង់ចាម៖ប្រជាពលរដ្ឋ​ នៅឃុំថ្មពូន ស្រុក​ព្រៃឈរ​ ខេត្តកំពង់ចាម​ ដែល​និយម​​ប្រកប​មុខរបរ​កសិកម្ម​ ប្រមាណ​ជា​៦០%​ លេី​ផ្ទៃដី​ប្រមាណ​ ជាង៥ពាន់ហិកតា នៅ​តែ​បន្ត​ដាំដុះ​ដំណាំ​ចេកណាំវ៉ា​ ព្រោះ​វា​មាន​ទីផ្សារ​ ដែលអាចផ្គត់ផ្គង់ ជីវភាពក្នុងគ្រួសារ
បានយ៉ាងល្អប្រសើរ ។

លោកស្រី​ សុទ្ធ​ សុភាព​ ជា​អ្នក​ដាំ​ដំណាំ​ចេក​ណាំវ៉ា​ និង​ជាឈ្មួញ​កណ្ដាល​ម្នាក់​ រស់នៅភូមិទួលថ្ម ឃុំ​ថ្មពូន​ បាន​ឲ្យដឹងថា​ ការ​ដាំ​ចេក​ណាំវ៉ា​នេះ​ ក្នុង​រយៈពេល​១ខែ​ ត្រូវប្រមូលផលបាន២ដង ដោយ​ក្នុង​១ដងបានពី​៣០០ទៅ៦០០ស្និត​។ ចំពោះ​ការ​ប្រមូល​ទិញ​ចេកណាំវ៉ា​ ជារៀងរាល់ថ្ងៃនេះ គឺ​គាត់​បាន​ទិញ​ចូល​ក្នុង​១ស្និត​តម្លៃ​១៥០០រៀល​ ហើយ​ដឹក​យក​ទៅ​លក់​ នៅរាជធានីភ្នំពេញ ក្នុង​១ស្និត​តម្លៃ​១៨០០រៀល​ ដោយ​ក្នុង​១រថយន្ត​ ពី២ទៅ៤ពាន់ស្និត។

ដោយ​ឡែក​ លោក​ស្រី​ ថ្លាង​ ចាន់លីម​ រស់នៅ​ភូមិទួលថ្ម​ ឃុំ​ថ្មពូន​ បាន​ឲ្យដឹងផងដែរថា​ ការ​ប្រមូល​ទិញ​ ចេកណាំវ៉ានេះ ដែរ គាត់​បាន​ទិញ​ចូល​ក្នុង​១ស្និត​តម្លៃ​១៥រៀល​ ហើយ​ដឹក​យក​ទៅ​លក់​នៅ​រាជធានីភ្នំពេញ​ ក្នុង​១ស្និត​តម្លៃ១៧០០រៀលទៅ១៨០០រៀល​ ដោយ​ក្នុង​១​​រថយន្ត​ ដឹកបានពី៣ពាន់ស្និត ទៅ​៤ពាន់​ស្និត​ ហេីយ​ក្នុង​ខែ​ដឹក​បានពី​៧ទៅ​៨ជេីង​ ​ចំពោះ​ប្រាក់​ចំណេញ​ត្រូវ​បែងចែក​ ទៅឲ្យថ្លៃឈ្នួល កម្មករ និង​ការ​ដឹក​ជញ្ជូន​ផងដែរ​។

លោក​ វុទ្ធី​ រស់នៅ​ក្នុង​ឃុំ​ថ្មពូន​ បាន​ឲ្យដឹងថា​ ការ​ប្រកប​មុខ​របរ​ ដាំដំណាំចេកណាំវ៉ានេះ គឺ​វា​ពិបាក​កំណត់​ដែរ​ ព្រោះ​ទិន្នន័យ​មិន​សូវ​ទៀងទាត់​ អាស្រ័យ​លើ​ចេក​ដាំ​ថ្មី​ និង​ចេក​ចាស់​ ព្រមជាមួយ​អាកាសធាតុ​ តាមរដូវកាលទៀតផង ក្នុង​នោះ​គាត់​មាន​ដី​ទំហំ​ជាង​៣​ហិកតា​ ដោយ​ប្រមូល​ផល​បាន​២ដង​ក្នុង​១ខែ​ ដែល​បាន​ប្រាក់​កម្រៃ​​​ចាប់​ពី​​៤០​ម៉ឺន​រៀល​ទៅ៥០​ម៉ឺន​រៀល​ ក្នុង​១ហិកតា​ គ្រាន់​ដោះស្រាយ​ជីវភាព​ក្នុង​គ្រួសារ​ ។

សូមបញ្ជាក់ផងដែរថា ដំណាំចេកគឺមានសារសំខាន់ណាស់ សំរាប់ធ្វើម្ហូប និងចំនីអាហាររួមមាន យកផ្លែចេកមកធ្វើ ចេកឆាប ចេកចៀន ស្ករគ្រាប់ចេក ចំរាញ់ចេញជាស្រាចេក ហើយត្រសូង​ និងដើមគេយកធ្វើម្ហូប ឬអន្លក់ផងដែរ៕SRP

ភ្នំពេញ៖សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជានៅថ្ងៃទី ២២ ខែធ្នូ ឆ្នាំ២០២០នេះ បានសម្រេចផ្តល់ថវិកាចំនួន ៧០.០៤០.០០០រៀល ដល់សាខាកាកបាទក្រហមកម្ពុជា ខេត្តក្រចេះ ដើម្បីចាត់ចែងទិញស្បៀងអាហាររួមមាន អង្ករ មី និងត្រីខ សម្រាប់ចែកជូនប្រជាពលរដ្ឋងាយរងគ្រោះបំផុតចំនួន ៦៨០គ្រួសារ រស់នៅក្នុងស្រុកសំបូរ និងស្រុកចិត្របុរី ខេត្តក្រចេះ។ គ្រួសារងាយរងគ្រោះបំផុតនីមួយៗនឹងទទួលបាន អង្ករ ២៥គីឡូក្រាម មី ១កេស និងត្រីខ ១០កំប៉ុង ដើម្បីសម្រាលដល់ជីវភាពប្រចាំថ្ងៃ។

សូមបញ្ជាក់ថា ក្នុងឆ្នាំ២០២០នេះ កាកបាទក្រហមកម្ពុជា ដែលមាន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន បានផ្តល់អំណោយមនុស្សធម៌ជូនប្រជាពលរដ្ឋរងគ្រោះ និងងាយរងគ្រោះបំផុតបានសរុបចំនួន ១០៤.៩៤២ គ្រួសារ។ ដោយឡែក ចាប់ពីថ្ងៃទី ១ ខែតុលា ដល់ថ្ងៃទី ២២ ខែធ្នូ ឆ្នាំ២០២០នេះ បានផ្តល់អំណោយមនុស្សធម៌ជូនប្រជាពលរដ្ឋរងគ្រោះដោយទឹកជំនន់ និងប្រជាពលរដ្ឋងាយរងគ្រោះបំផុត បានសរុបចំនួន ៤០.៥៩៣គ្រួសារ រស់នៅភូមិចំនួន១០៤១ ឃុំចំនួន៤៤៨ ស្រុកចំនួន១៧៩ និងរាជធានី-ខេត្តចំនួន២៥ (ក្នុងនោះឆ្លើយតបដោយទីស្នាក់ការថ្នាក់កណ្តាលចំនួន ១៤.៩៨៦គ្រួសារ និងដោយសាខាចំនួន ២៥.៦០៧គ្រួសារ)៕SRP

ភ្នំពេញ៖សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជានៅថ្ងៃទី ២២ ខែធ្នូ ឆ្នាំ២០២០នេះ បានសម្រេចផ្តល់ថវិកាចំនួន ១១៤.៧៨៥.៥០០រៀល ដល់សាខាកាកបាទក្រហមកម្ពុជា ខេត្តរតនគីរី ដើម្បីចាត់ចែងទិញស្បៀងអាហាររួមមាន អង្ករ មី និងត្រីខ សម្រាប់ចែកជូនប្រជាពលរដ្ឋងាយរងគ្រោះបំផុតចំនួន ១.៣២៧គ្រួសារ រស់នៅក្នុងស្រុកវើនសៃ ស្រុកអណ្តូងមាស ស្រុកបរកែវ ស្រុកលំផាត់ និងស្រុកអូរជុំ ខេត្តរតនគិរី។ គ្រួសារងាយរងគ្រោះបំផុតនីមួយៗនឹងទទួលបាន អង្ករ ២៥គីឡូក្រាម មី ១កេស និងត្រីខ ១០កំប៉ុង ដើម្បីសម្រាលដល់ជីវភាពប្រចាំថ្ងៃ។

សូមបញ្ជាក់ថា ក្នុងឆ្នាំ២០២០នេះ កាកបាទក្រហមកម្ពុជា ដែលមាន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន បានផ្តល់អំណោយមនុស្សធម៌ជូនប្រជាពលរដ្ឋរងគ្រោះ និងងាយរងគ្រោះបំផុតបានសរុបចំនួន ១០៤.៩៤២ គ្រួសារ។ ដោយឡែក ចាប់ពីថ្ងៃទី ១ ខែតុលា ដល់ថ្ងៃទី ២២ ខែធ្នូ ឆ្នាំ២០២០នេះ បានផ្តល់អំណោយមនុស្សធម៌ជូនប្រជាពលរដ្ឋរងគ្រោះដោយទឹកជំនន់ និងប្រជាពលរដ្ឋងាយរងគ្រោះបំផុត បានសរុបចំនួន ៤០.៥៩៣គ្រួសារ រស់នៅភូមិចំនួន១០៤១ ឃុំចំនួន៤៤៨ ស្រុកចំនួន១៧៩ និងរាជធានី-ខេត្តចំនួន២៥ (ក្នុងនោះឆ្លើយតបដោយទីស្នាក់ការថ្នាក់កណ្តាលចំនួន ១៤.៩៨៦គ្រួសារ និងដោយសាខាចំនួន ២៥.៦០៧គ្រួសារ)៕SRP

ខេត្តសៀមរាប៖លោក ទៀ សីហា អភិបាលខេត្ត នៅថ្ងៃទី២១ ខែធ្នូ ឆ្នាំ២០២០ ម្សិលមិញ បានដឹកនាំក្រុមការងារចុះពិនិត្យទីតាំង និងការរៀបចំដីធ្លី សម្រាប់ ប្រជាពលរដ្ឋ រស់នៅលើដីចំណីស្ទឹង តាមបណ្តោយស្ទឹងសៀមរាប ចាប់ពីស្ពាននាគ រហូតដល់ស្ពានអង្គរ ស្ថិតក្នុងសង្កាត់ស្លក្រាម ក្រុងសៀមរាប ដែលបានស្ម័គ្រចិត្ត រុះរើសំណង់ នៅតាមបណ្តោយស្ទឹងសៀមរាប។

លោកទៀ សីហា អភិបាលខេត្តបានបញ្ជាក់ថា បងប្អូនប្រជាពលរដ្ឋ ដែលធ្វើការផ្លាប់ប្តូរទីតាំងនេះ ទទួលបានគោលនយោបាយ ដីទំហំ ២០ម៉ែត្រគុណនឹង ៣០ម៉ែត្រ ដែលស្ថិតក្នុងភូមិធម្មជាតិរុនតាឯក ឃុំឃុនរាម ស្រុកបន្ទាយស្រី។

ក្នុងឱកាស ចុះពិនិត្យទីតាំងនេះ អភិបាលខេត្តបានណែនាំដល់ក្រុមការងារបច្ចេកទេស ត្រូវធ្វើការបោះបង្គោលព្រំ ឱ្យបានត្រឹមត្រូវ ប្រព័ន្ធទឹក ភ្លើង និងរៀបចំ ហេដ្ឋារចនាសម្ព័ន្ធ ឱ្យសមស្រប ទៅតាមតម្រូវ របស់បងប្អូនប្រជាពលរដ្ឋ។

ក្នុងការទទួលគោលនយោបាយនេះ បងប្អូនប្រជាពលរដ្ឋ មានការសប្បាយចិត្តនឹងការទទួលយកគោលនយោបាយនេះ និងបានថ្លែងអំណរគុណយ៉ាងជ្រាលជ្រៅ ចំពោះការយកចិត្តរបស់រាជរដ្ឋាភិបាល កម្ពុជា ដែលមានសម្តេចតេជោ ហ៊ុន សែន នាយករដ្ឋមន្ត្រី និងថ្នាក់ដឹកនាំខេត្ត ដែលបានគិតគូរដល់ប្រជាពលរដ្ឋ។ ជាមួយគ្នានេះ ដោយស្ថានភាពបច្ចុប្បន្នដែលកំពុងធ្វើឱ្យវិបត្តិសេដ្ឋកិច្ច មានការធ្លាក់ចុះ បងប្អូនប្រជាពលរដ្ឋ ក៏បានសំណូមពរដល់រដ្ឋបាល ជួយក្នុងការរុះរើ និងដឹកជញ្ជូនសំណង់ របស់ពួកគាត់មកទីតាំងថ្មីផងដែរ។

សម្មភាពនេះ គឺជាការចូលរួមពីប្រជាពលរដ្ឋ ក្នុងការអភិវឌ្ឍខេត្តសៀមរាប តាមរយៈការផ្តល់នូវហេដ្ឋារចនាសម្ព័ន្ធចំនួន ៣៨ខ្សែ និងការស្តារស្ទឹងសៀមរាប ដែលជាអំណោយដ៏ថ្លៃថ្លារបស់ នាយករដ្ឋមន្ត្រី ហ៊ុន សែនដើម្បីលើកកម្ពស់ សោភ័ណភាព ក្រុងសៀមរាប ឱ្យស័ក្កសម ជាទីក្រុងវៃឆ្លាតនាពេលខាងមុខ។ ម៉្យាងទៀត ក៏ជាការទាក់ទាញភ្ញៀវទេសចរជាតិ និងអន្តរជាតិឱ្យមកទស្សនាឱ្យបានច្រើនកុះករបន្ទាប់ពីកូវីដបានចប់។

រដ្ឋបាលខេត្តសៀមរាបក៏សូមថ្លែងអំណរគុណផងដែរ ចំពោះកាយវិកា ចូលរួមរបស់ប្រជាពលរដ្ឋ ក្នុងការអភិវឌ្ឍន៍ ខេត្តសៀមរាប ឱ្យមានសោភ័ណភាព និងក្លាយជាទីក្រុងវ័យឆ្លាតនាពេលអនាគត៕SRP

ខេត្តសៀមរាប៖ប្រជាពលរដ្ឋនៅស្រុកអង្គរធំជាច្រើននាក់ នៅព្រឹក ថ្ងៃទី២២ ខែធ្នូ ឆ្នាំ២០២០ នេះបាននាំគ្នាបិទផ្លូវ មិនឲ្យរថយន្តធុនធំធ្វើចរាចរណ៍ ដោយសារទ្រាំលែងបាន និង
ហុយខ្លាំងពេក។

ទីតាំងប្រជាពលរដ្ឋបិទផ្លូវ នៅភូមិពាក់ស្នែងថ្មី ឃុំពាក់ស្នែង ស្រុកអង្គរធំមានចំនួន៨០នាក់ ស្រី៣០។

ប្រភពបានរាយការណ៍ថា ការ
នាំគ្នាបិតផ្លូវ មិនឲ្យឡានធ្វើដំណើរនៅលើដងផ្លូវនេះ មូលហេតុ ហុយធូលីដីខ្លាំងពេក។

ជាមួយនឹងការបិទផ្លូវនេះ ពលរដ្ឋបាន
ទាមទារ សូមឲ្យក្រុមហ៊ុនឡានដឹកដីមានការស្រោចទឹកក្នុង០១ថ្ងៃ០៣ដងដើម្បីកុំឲ្យហុយធូលីដីខ្លាំងពេក។

សូមបញ្ជាក់ថាកាលពីកន្លងទៅថ្មីៗនេះប្រជាពលរដ្ឋ ក៏មានការបិទផ្លូវខាងលើផងដែរ ដោយសារទ្រាំនិងការហុយខ្លាំងពេក។ បើទោះបីជាពលរដ្ឋ នាំគ្នាបិទផ្លូវ យ៉ាងណាក៏ដោយ អាជ្ញាធរស្រុកអង្គរធំហាក់មិនមានចំណាត់ការ ចុះដោះស្រាយជូនប្រជាពលរដ្ឋឡើយ ដោយទុកឲ្យក្រុមហ៊ុនទាំងនោះ ដឹកជញ្ជូនតាមតែអំពើចិត្ត។

សូមជម្រាបថាបន្ទាប់ពីមានពលរដ្ឋបិទផ្លូវ
លោក សំ សៅ អភិបាលរង ស្រុកអង្គរធំ លោក នាយករដ្ឋបាល និងសហការី កងកម្លាំង មេឃុំពាក់ស្នែង បានចុះជួបពលរដ្ឋ ក្នុងឃុំពាក់ស្នែង ក្នុងការសម្រុះសម្រួល ករណីបិទផ្លូវ មិនអោយក្រុមហ៊ុនធ្វើអាជីវកម្មដឹកថ្ម ឆ្លងកាត់លើបណ្តោយផ្លូវ 2SR2 ក្នុងភូមិសាស្ត្រស្រុកអង្គរធំ ដោយលើកឡើងសំណូមពរ០៣៖
១.សូមអោយក្រុមហ៊ុនស្រោចទឹក តាមបណ្តោយផ្លូវ។
២.សូមបើកបរដោយបន្ថយល្បឿន។
៣.សូមមានការជួសជុលផ្លូវឡើងវិញ។
ជាលទ្ធផល៖
លោក សួន សុភាព តំណាងក្រុមហ៊ុន ជានចុងវ៉ាង សន្យា
១.ជួសជុលផ្លូវឡើងវិញ។
២.ស្រោចទឹកយ៉ាងតិច៣ដងក្នុង១ថ្ងៃ។ នឹងចាប់ផ្តើមអនុវត្ត ថ្ងៃទី២៤ខែធ្នូ ឆ្នាំ២០២០។
៣.ពេលបើកបរបន្ថយល្បឿន។
ក្រោយការសម្រុះសម្រួល ត្រូវបានបញ្ជប់ ប្រជាពលរដ្ឋ បានបើកផ្លូវអោយមានរថយន្តចរាចរណ៍ឡើងវិញ៕SRP

ខេត្តឧត្ដរមានជ័យ​៖​លោកប៉ូលិស ស័ក្ដិ៥ ម៉ា សុភាព ប្រធានផ្នែកសន្តិសុខ​ នៃស្នងការដ្ឋាននគរបាលខេត្តឧត្ដរមានជ័យ ត្រូវបានស្ត្រីម្នាក់ឈ្មោះ ហង្ស សំណាង អាយុ២៨ឆ្នាំ ត្រូវជាប្រពន្ធ​ ប្ដឹងទៅតុលាការ ខេត្តឧត្ដរមានជ័យ កាលពីថ្ងៃទី០៩ ខែធ្នូ ឆ្នាំ២០២០ ករណី ថាបានបង្កហិង្សាទៅលើស្រ្ដីជាប្រពន្ធ កាលពីថ្ងៃទី០៦​ ខែធ្នូ​ ឆ្នាំ២០២០កន្លងទៅថ្មីៗ ស្ថិតនៅក្នុងបន្ទប់ស្នាក់នៅ ក្នុងស្នងការដ្ឋាននគរបាលខេត្តឧត្តរមានជ័យ ក្នុងភូមិបុរីរដ្ឋបាល សង្កាត់សំរោង​ ក្រុងសំរោង​ ខេត្តឧត្ដរមានជ័យ។

បើយោងទៅតាមពាក្យបណ្ដឹងស្រ្ដីឈ្មោះ​ ហង្ស សំណាង ដាក់ទៅប្ដឹងទៅ តុលាការ មានខ្លឹមសារ​ដូចខាងក្រោម​ ៖​ ឈ្មោះ ម៉ា សុភាព ភេទប្រុស​ អាយុ៤៨ឆ្នាំ ពីបទហិង្សាប្រព្រឹត្តដោយអនិតិសន្វាសជន គំរាមកំហែង ប្រព្រឹត្តនៅចំណុច​ ក្នុងស្នងការដ្ឋាននគរបាលខេត្តឧត្ដរមានជ័យ កាលពីថ្ងៃទី០៦​ ខែធ្នូ​ ឆ្នាំ២០២០ ក្នុងភូមិបុរីរដ្ឋបាល សង្កាត់សំរោង​ ក្រុងសំរោង​ ខេត្តឧត្ដរមានជ័យ។​

ឈ្មោះ​ ម៉ា​ សុភាព បានប្រើអំពើហិង្សានិងគំរាមកំហែង ជាច្រើនលើកច្រើនសារមកហើយ ធ្វើអោយនាងខ្ញុំ​ ទ្រាំរស់នៅមិនបានតទៅទៀតឡើយ និងបានសម្រេចិត្ដប្ដឹងមកសាលាដំបូងខេត្តឧត្ដរមានជ័យ និងទាមទារបស់របរនាងខ្ញុំមកវិញ និងទាមទាសំណងជំងឺចិត្ត​ ១០ម៉ឺនដុល្លារ ជាថ្លៃខាតបង់ពេលវេលា​ និងការចំណាយផ្សេងៗ​ ក្នុងការដំណើរនិតិវិធី និងអោយតុលាការផ្ដន្ទាទោសតាមច្បាប់។

ពាក់ព័ន្ធទៅនឹងការចោទប្រកាន់ ពីសំណាក់ប្រពន្ធ នេះ លោក​ ម៉ា សុភាព បានប្រាប់អ្នកសារព័ត៌មានថា៖ រឿងក្នុងគ្រួសារ អ្នកណា ក៏មានដែរ​ ប៉ះទង្គិចបន្តិចបន្តួច មិនគួរណាធ្វើបែបនេះទេ​ ដោយសារតែប្រពន្ធខ្លួនជឿលើម៉ែក្មេកទើបបកប្តឹងលោកបែបនេះ​។

ចំណែកឧត្តមសេនីយ៍ទោ ហួត សុធី ស្នងការប៉ូលិសខេត្តឧត្ដរមានជ័យ បានបញ្ជាក់ថា៖
ព្រឹកនេះបុគ្គលិកហៅ សួរនាំហើយ៕SRP