ខេត្តកំពង់ធំ៖ រថយន្តយីឌុបមួយគ្រឿង ដឹកឈើចាស់ បន្លំដឹកឈើថ្មី ចេញ ពី ស្រុកសណ្តាន់ ខេត្ត កំពង់ធំ ត្រូវបាន កម្លាំង រាជអាវុធហត្ថខេត្តកំពង់ធំ បង្ក្រាបបាន។

ហេតុការណ៍បានធ្វើឡើងនៅយប់ថ្ងៃទី១១ខែឧសភា ឆ្នាំ ២០២០ នៅភូមិសាស្ត្រស្រុកបន្ទុកខេត្តកំពង់ធំ។
រថយន្តនេះ ទ្រុងពណ៌ ខៀវ ពាក់ ស្លាក លេខ ព្រះសីហនុ ៤A_៣០៤៣ ដឹកប្រភេទលេខ០២ ប្រមាណជាង៤០ម៉ែត្រគូប។

យោង តាម កំណត់ហេតុ ជាឈើលក់ឡៃឡុង របស់ ក្រុមហ៊ុន ទី្រភាព តែត្រូវបានប្រគល់ផ្ទេរសិទ្ធ នៅ ថ្ងៃទី១៨ខែកញ្ញាឆ្នាំ២០១៩ ពី ក្រុមហ៊ុន អង្គ រផ្លាយវូត ឱ្យឈ្មោះ អ៊ុន ម៉ៅ ភេទ ប្រុស ក្នុងការទំនាក់ទំនង សមត្ថកិច្ច ដឹកជញ្ជូន ដែល មាន សុពលភាព ត្រឹម ថ្ងៃ ទី ៣១ខែមីនា ឆ្នាំ ២០២០ តែឈ្មួញបាន ប្រើប្រាស់ លិខិត នេះ ដឹកជញ្ជូន រហូតដល់ ថ្ថ្ងៃទី១២ ខែឧសភា ឆ្នាំ ២០២០ ទើបសមត្ថកិច្ចកងរាជអាវុធហត្ថខេត្តកំពង់ធំ ចាប់បាន៕SRP

ខេត្តសៀមរាប៖បុរស០២នាក់ត្រូវបានកម្លាំងអាវុធហត្ថខេត្តសៀមរាបចាប់ខ្លួន ករណីគ្រឿងញៀន។
ហេតុការណ៍បានកើតឡើងម៉ោង០៧និង០០នាទីថ្ងៃទី១១ខែឧសភាឆ្នាំ២០២០ នៅចំណុចភូមិកក្រាញ់ សង្កាត់សៀមរាប ក្រុងសៀមរាប។
សមត្ថកិច្ចថាករណីនេះដកហូតម្សៅក្រាមពណ៌ស(មេតាំហ្វេតាមីន)ចំនួន១៥កញ្ចប់ ស្មេីនិង០៦,២៤ក្រាម,ទូរស័ព្ទ០៣គ្រឿង។
បច្ចុប្បន្នជនសង្ស័យនិងវត្ថុតាងត្រូវបានអាវុធហត្ថខេត្តកសាងសំណុំរឿងបញ្ជូនទៅសាលាដំបូងខេត្ត៕SRP

ខេត្តសៀមរាប៖ជនជាតិបារាំងម្នាក់ បានដេកស្លាប់ ក្នុងបន្ទប់ជួល។ហេតុការណ៍បានកើតឡើងនៅវេលាម៉ោង ៧និង១០នាទីព្រឹកថ្ងៃទី១២ខែឧសភា២០២០នៅក្នុងបន្ទប់ជួលមួយកន្លែងស្ថិតនៅភូមិទ្រាំង ក្រុមទី៤ សង្កាត់ស្លក្រាម ក្រុងសៀមរាប។
សមត្ថកិច្ចថាជនរងគ្រោះជាភ្ញៀវជនជាតិបារាំងឈ្មោះ DUVIGNEAU JEN LOUIS ភេទប្រុស កើតថ្ងៃទី២១.០២.១៩៥៦កាន់លិខិតឆ្លងដែនលេខ១២DD៨២៩៤៧ ផុតកំណត់០២.១១.២០២២
ទិដ្ឋការលេខ EB ០១៣៧៨៦០៦ផុតកំណត់២០.EFB.២០២០។
ក្រោយពីក្រុមជំនាញបច្ចេកទេសនិងលោកគ្រូពេទ្យ អិត ឆបឆរត្ថ័ គ្រូពេទ្យអមតុលាការបានសនិ្នដ្ឋានថា÷ ជនរងគ្រោះស្លាប់ដោយសារមានជម្ងឹមហារីកថ្លើមដំណាក់កាលចុងក្រោយ។
សាកសពរក្សាទុកនៅកន្លែង កើតហេតុរង់ចាំស្ថានទូតទាក់ទងក្រុមគ្រួសារបាន ទើបសំរេចតាមក្រោយ៕SRP

ខេត្តសៀមរាប៖ទីតាំងការដ្ឋានបូមខ្សាច់មួយកន្លែងបានកំពុងតែធ្វើសកម្មភាពយ៉ាងគគ្រឹកគគ្រេងបំផុត មិនទាន់មានអាជ្ញាធរឬសមត្ថកិច្ចជំនាញណាចុះទប់ស្កាត់បង្ក្រាបនោះឡើយ។ ទីតាំងបូមខ្សាច់នេះស្ថិតនៅឃុំអំពិល ស្រុកប្រាសាទបាគង ខេត្តសៀមរាប។

យោងតាមលិខិតបានបញ្ជាក់ថាទីតាំងបូមខ្សាច់នេះ មានអាជ្ញាបណ្ណចេញដោយក្រសួងរ៉ែនិងថាមពល បានអនុញាតឲ្យក្រុមហ៊ុនយុវពាណិជ្ជ ដែលមានអាសយដ្ឋាននៅភ្នំពេញ ធ្វើអាជីវកម្មខ្សាច់សំណង់នៅតំបន់ស្ទឹងរលួស ភូមិត្រាច ឃុំបល្ល័ង្កនិងឃុំអំពិល ស្រុកប្រាសាទបាគង ខេត្តសៀមរាប ចុះហត្ថលេខាដោយលោកស៊ុយ សែម រដ្ឋមន្ត្រីក្រសួងរ៉ែនិងថាមពល នៅថ្ងៃទី០២ខែមេសាឆ្នាំ២០២០ ដោយមានសុពលភាពមួយឆ្នាំ។ ជាមួយគ្នានេះ អាជ្ញាធរជាតិអប្សរា ក៏បានទទួលស្គាល់ក្រុមហ៊ុនយុ វពាណិជ្ជ ធ្វើអាជីវកម្មតំបន់ខាងលើផងដែរ។ ដោយបានចុះហត្ថលេខាដោយលោកស៊ុំ ម៉ាប់ អតីតប្រធាអាជ្ញាធរជាតិអប្សរា។

សេចក្ដីរាយការណ៍បបានឲ្យដឹងថាទីតាំងអាជីវកម្មបូមខ្សាច់ខាងលើ បានឈូសឆាយពព្រៃឈើផងដែរ ដើម្បីវាទយកកន្លែងកាយបូមខ្សាច់។​ ពាក់ព័ន្ធករណីនេះលោកឡុង កុសល អ្នកនាំពាក្យអាជ្ញាធរជាតិអប្សរា បានបញ្ជាក់តាមប្រព័ន្ធតេលេក្រាមថាចាំមើលលោកសួរនាំសិន ប៉ុន្តែនេះមិនមែនជាគម្រោងរបស់អាជ្ញាធរជាតិអប្សរានោះទេ ការបូមស្ដារប្រហែលជាគម្រោងសំណូមពរ។ ទោះយ៉ាងណាលោកឡុង កុសល នៅមិនទាន់បញ្ជាក់លំអិតនៅឡើយ ជុំវិញការធ្វើអាជីវកម្មបូមខ្សាច់របស់ក្រុមហ៊ុន យុវ ពាណិជ្ជ នេះ។ ដោយឡែកលោកង៉ាន ភិរុណ អភិបាលរង ខេត្តសៀមរាប បានបញ្ជាក់ថាករណីនេះ ក្រុមហ៊ុន មានច្បាប់តាំងពីជំនាន់លោកឃឹម ប៊ុន សុង អតីតអភិបាលខេត្តសៀមរាប។

ទោះយ៉ាងណាប្រជាពលរដ្ឋ រស់នៅតំបន់ខាងលើ សង្ឃឹមថាអាជ្ញាធរគ្រប់ពាក់ព័ន្ធនិងចុះត្រួតពិនិត្យ ទីតាំងខាងលើជាក់ជាមិនខាន។ក្នុងនោះរថយន្តដឹកខ្សាច់បានបំផ្លាញផ្លូវផងដែរ៕SRP

ភ្នំពេញ៖សេចក្ដីរាយការណ៍បឋមបានឲ្យដឹងថានៅថ្ងៃទី១១ ខែឧសភា ឆ្នាំ២០២០ មន្ត្រីគយចល័ត សហការជាមួយកម្លាំងអាវុធហត្ថបានចុះឃាត់រថយន្តអត់ពន្ធ បានចំនួន០៣គ្រឿងរួមមាន៖
១/- នៅវេលាម៉ោង១០និង០០ព្រឹក ឃាត់រថយន្ត១គ្រឿងម៉ាក AUDI Q7 ស្លាកលេខ ភ្នំពេញ 2AB-8621ឆ្នាំ២០០៨ នៅចំណុចសង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ ។
២/- នៅវេលាម៉ោង១១និង០០ព្រឹក ឃាត់រថយន្ត១គ្រឿងម៉ាក Toyota Camry ស្លាកលេខ កំពង់ស្ពឺ 2A-2342 ឆ្នាំ២០១២ នៅចំណុចសង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញ ។ រួចអូសរថយន្តទាំង២គ្រឿងខាងលើ យកទៅរក្សាទុកនៅឃ្លាំងគយចល័ត ម្តុំទំនប់កប់ស្រូវ ដើម្បីរង់ចាំដោះស្រាយតាមច្បាប់ ។
៣/- នៅវេលាម៉ោង១និង១០រសៀល ឃាត់រថយន្ត១គ្រឿងម៉ាក IZUSU DEMEX ចង្កូតស្តាំ ស្លាកលេខ ចង្កូតស្តាំ MBC-2872 ឆ្នាំ២០១៥ នៅចំណុចផ្លូវជាតិលេខ៥ ភូមិអូរប្រាសាទ ឃុំអូរប្រាសាទ ស្រុកមង្គលបូរី ខេត្តបន្ទាយមានជ័យ។ រួចអូសរថយន្តខាងលើ យកទៅរក្សាទុកនៅឃ្លាំងគយចល័ត ខេត្តបន្ទាយមានជ័យ ដើម្បីរង់ចាំដោះស្រាយតាមច្បាប់៕SRP

ខេត្តសៀមរាប៖ផ្ទះមួយខ្នងលក់គ្រឿងសំណង់នៅឃុំស្រែណូយ បានរងការឆាប់ឆេះ។

ហេតុការណ៍បានកើតឡើងនៅវេលាម៉ោង ០៨និង១២នាទីថ្ងៃទី១២ខែឧសភាឆ្នាំ ២០២០នៅចំណុចភូមិវត្តឃុំស្រែណូយស្រុកវ៉ារិនខេត្តសៀមរាប។

សមត្ថកិច្ចបានឲ្យដឹងថាផ្ទះរងគ្រោះមានទំហំ៨x១២ធ្វើអំពីឈើប្រក់ស័ង្កសីដែលមានម្ចាស់ផ្ទះឈ្មោះសូ សារិន ភេទប្រុសអាយុ៤០ឆ្នាំនិងមានប្រពន្ធឈ្មោះ ភឿន សុភាន់ ភេទស្រីអាយុ៣៧ ឆ្នាំរស់នៅភូមិឃុំកើតហេតុខាងលើ។

បើតាមសមត្ថកិច្ចមូលហេតុដែលឆេះតាមការបញ្ជាក់ពីម្ចាស់ផ្ទះមកពីទុស្សេខ្សែភ្លើង។ ក្នុងនោះទ្រព្យសម្បត្តិដែលខូចខាតរួមមាន គ្រឿងសំណង់ដែលដាក់លក់សរុបទឹកប្រាក់ជាង០៤ម៉ឺនដុល្លាឆេះអស់និងប្រាក់ដែលទុកចាយវាយផ្សេងៗ(ដែលមិនដឹងចំនួន) នឹងឯកសារពាក់ពន្ធ័ផ្សេងៗ៕SRP

ខេត្តកំពង់ធំ៖រថយន្តមួយគ្រឿងដឹកស្រាបៀរកម្ពុជាបានក្រឡាប់បានក្រឡាប់ផ្ញាជើង។
ហេតុការណ៍បានកើតឡើងនៅថ្ងៃទី១២ខែឧសភាឆ្នាំ២០២០ វេលាម៉ោង៥និង៤០នាទីព្រឹកចំណុចភូមិព្រៃតាហ៊ូសង្កាត់ព្រៃតាហ៊ូ ក្រុងស្ទឹងសែន។
សមត្ថកិច្ចបានឲ្យដឹងថា
រថយន្តដឹកស្រាបៀរម៉ាកហុីយាន់ដាយ ពណ៌ខៀវ ផ្លាកលេខ ភ្នំពេញ៣E.៣៥២២ សណ្តោងសុឺមីរុឺម៉កផ្លាកលេខភ្នំពេញ៤A.៤៨៨៩ផ្ទុក(បើកបរទិសដៅពីត្បូងទៅជើង)ដឹកស្រាបៀរកម្ពុជា។
អ្នកបើកបរឈ្មោះ សារាត់ ពិសិត
ប្រុស២២ នៅខណ្ឌដង្កោ រាជធានីភ្នំពេញ។
សមត្ថកិច្ចបានបញ្ជាក់ថាមូលហេតុបង្កដោយខ្លួនឯងដោយអ្នកបើកបររបើកបរ ក្នុងស្ថានភាពងងុយដេក។ ទោះយ៉ាងណាករណីនេះមិនបណ្ដាលឲ្យមនុស្សរងរបួសឡើយ៕SRP

ខេត្តកំពង់ធំ៖សេចក្ដីរាយការណ៍បានឲ្យដឹងថាប៊ូ ប៊ុនណា បានក្លាយជាឈ្មួញឈើ ដ៏សកម្មនៅទឹកដីស្រុកសន្ទុក ខេត្តកំពង់ធំ ដោយបុគ្គលរូបនេះប្រើអំណាចរបស់ខ្លួនដឹកជញ្ជូនឈើយ៉ាងអនាធិបតេយ្យបំផុត។

សេចក្ដីរាយការណ៍បានបន្តថាលោក ប៊ូ ប៊ុនណា បានដឹកឈើចេញពីភូមិត្បែងស្រុកសន្ទុក ខេត្តកំពង់ធំ ឆ្ពោះទៅ ភូមិអូរពីរស្រុកស្ទឹងត្រង់ ខេត្តកំពង់ចាម។ការដឹកជញ្ជូនឈើ ត្រូវបានគេរាយការណ៍ថាដឹកឈើមិនសូវលោះថ្ងៃតាមមធ្យោបាយគោយន្តបុកស័រ ជាឈើលេខ០២ដែលគេសង្ស័យថាការដឹកជញ្ជូនមិនមានលិខិតអនុញាតនោះទេ។
ជុំវិញករណីនេះអង្គភាព សៀមរាបប៉ុស្ដិ៍ មិនទាន់់ទទួលបានការបកស្រាយបំភ្លឺពីលោកប៊ូ ប៊ុនណា បាននៅឡើយទេ នៅព្រឹកនេះ។
បើតាមសេចក្តីរាយការណ៍ បន្ថែមថា
លោកប៊ូ ប៊ុនណា ជាមន្ត្រីសមត្ថកិច្ចមួយរូបទៅប្រចាំការ នៅភូមិកំពប់អំបិលស្រុកសន្ទុក ខេត្តកំពង់ធំ៕SRP

ភ្នំពេញ៖លោកឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស នៅថ្ងៃទី១១ ខែឧសភា ឆ្នាំ២០២០នេះ បានធ្វើការឆ្លើយបំភ្លឺជូនសាធារណជន អ្នកសារព័ត៌មាន និងអ្នកយកព័ត៌មាន “LSN.TV នាទីកំសាន្ត” បានជ្រាបថា កម្លាំងកងរាជអាវុធហត្ថខេត្តស្វាយរៀង បានឃាត់រថយន្តចំនួន០៧គ្រឿងដែលមានដឹកធ្យូងសរុបចំនួន១.៣៨៩បាវ ស្មើនឹងចំនួន៥៦.១៣០គីឡូក្រាម ពិតប្រាកដមែន ដោយសារជាបទដឹកជញ្ជូនផល អនុផលព្រៃឈើ ដោយគ្មានលិខិតអនុញ្ញាតពីរដ្ឋបាលព្រៃឈើនូវធ្យូងចម្រុះ ដែលជាអំពើល្មើសនឹងមាត្រា៦៩ កថាខណ្ឌ១និងកថាខណ្ឌ៤នៃច្បាប់ស្តីពីព្រៃឈើ ដែលប្រកាសឱ្យប្រើតាមព្រះរាជក្រមលេខ នស/រកម/០៨០២/០១៦ ចុះថ្ងៃទី៣១/៨/២០០២។ អនុលោមតាមមាត្រា៧៨ នៃច្បាប់ស្តីពីព្រៃឈើ កងរាជអាវុធហត្ថ អាចឃាត់ខ្លួនជនប្រព្រឹត្តល្មើស និងចាប់ឃាត់វត្ថុតាងបទល្មើសជាបណ្តោះអាសន្ន រួចបញ្ជូនជាបន្ទាន់ទៅមន្ត្រីរដ្ឋបាលព្រៃឈើ ដែលទទួលនីតិសម្បទាជានគរបាលយុត្តិធម៌ ដើម្បីចាត់ការតាមនីតិវិធី។ ជំនាញនគរបាលយុត្តិធម៌នៃកងរាជអាវុធហត្ថខេត្តស្វាយរៀង បានប្រគល់ជូនលោក នេត គក នាយផ្នែករដ្ឋបាលព្រៃឈើរមាសហែក នៅថ្ងៃទី១៣ ខែមេសា ឆ្នាំ២០២០ ប៉ុន្តែដោយសារនៅផ្នែករដ្ឋបាលព្រៃឈើរមាសហែក ទីតាំងចង្អៀតមិនមានកន្លែងរក្សាទុក ក៏សុំរក្សាទុកបណ្តោះអាសន្ននៅបញ្ជាការដ្ឋានកងរាជអាវុធហត្ថខេត្តស្វាយរៀង (ទីតាំងបន្ទាយចាស់) “ភ្ជាប់លិខិលទទួលថែរក្សាវត្ថុតាង ចុះថ្ងៃទី១៣ ខែ០៤ ឆ្នាំ២០២០”។

លោកឧត្តមសេនីយ៍ត្រី អ្នកនាំពាក្យក៏បានបញ្ជាក់បន្ថែមថា ធ្យូងទាំងអស់សរុបចំនួនជាង៥៦តោន ឃាត់នៅចំណុចភូមិវាល ឃុំបុសមន ស្រុករំដួល ខេត្តស្វាយរៀង គោលដៅយកទៅលក់នៅប្រទេសវៀតណាម មិនមែនតូចតាចដូចការផ្សាយរបស់អ្នកព័ត៌មានអនឡាញ “LSN.TV នាទីកំសាន្ត” នោះទេ។ ចំណែកឯ ការលើកឡើងថា “ចោទពីបទល្មើសខុសច្បាប់ នឹង ផាកពិន័យម្នាក់ ១០លានជាង ហើយមិនឱ្យយកឡានទៅផ្ទះទេ” សូមជម្រាបជូនថា កងរាជអាវុធហត្ថ មិនមានសមត្ថកិច្ចចោទ ឬប្រមូលប្រាក់ពិន័យ ឬប្រគល់វត្ថុតាងជូនម្ចាស់ដើមវិញទេ គឺជាសមត្ថកិច្ចរបស់រដ្ឋបាលព្រៃឈើ និងតុលាការ។

កងរាជអាវុធហត្ថ សុំឱ្យ ព័ត៌មានអនឡាញ “LSN.TV នាទីកំសាន្ត” ធ្វើការកែតម្រូវ ដោយយកសេចក្តីប្រកាសព័ត៌មាននេះ ទៅធ្វើការផ្សព្វផ្សាយលើព័ត៌មានអនឡាញ “LSN.TV នាទីកំសាន្ត” វិញ ក្នុងករណីមិនមានការកែតម្រូវនោះ យើងខ្ញុំនឹងធ្វើពាក្យបណ្តឹង ប្តឹងទៅក្រសួងព័ត៌មាន និងតុលាការតាមនីតិវិធីដូចមានចែងក្នុងច្បាប់ស្តីពីសារព័ត៌មាន៕SRP

ភ្នំពេញ៖សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅរសៀលថ្ងៃទី១១ ខែឧសភា ឆ្នាំ២០២០នេះ បានអញ្ជើញទទួលព្រះរាជដំណើរយាងនិវត្តន៍របស់ព្រះករុណា ព្រះបាទ​សម្តេច​ ព្រះបរមនាថ នរោត្តម សីហមុនី ព្រះមហាក្សត្រ​ នៃ​ព្រះរាជាណាចក្រ​កម្ពុជា និងសម្តេចម៉ែ ព្រះមហាក្សត្រី នរោត្តម មុនីនាថ សីហនុ យាងពីទីក្រុងប៉េកាំង ប្រទេសចិន បន្ទាប់ពីព្រះអង្គទាំងទ្វេបានយាងទៅពិនិត្យព្រះរាជសុខភាព។

សូមព្រះអង្គទ្រង់ប្រកបដោយព្រះពលានុភាពខ្លាំងក្លា ព្រះបញ្ញាញាណវាងវៃ ព្រះរាជសុខភាពល្អបរិបូណ៌ ព្រះជន្មាយុយឺនយូរជាងរយព្រះវស្សា ដើម្បីគង់ប្រថាប់ជាម្លប់ដ៏ត្រជាក់ត្រជុំ ដល់ប្រជានុរាស្ត្រគ្រប់រូប រស់នៅក្នុងសុខសន្តិភាព តរៀងទៅ៕SRP

ខេត្តកំពង់ចាម​៖លោក​ អ៊ុន ចាន់ដា អភិបាលខេត្តកំពង់ចាម​ ​​នៅព្រឹកថ្ងៃទី១១ ខែឧសភា​ ឆ្នាំ​២០២០នេះ​ បាន​អញ្ជើញចូលរួមពិធីបុណ្យសព បងប្អូន​ប្រជាពលរដ្ឋ​ខ្មែរ​ឥស្លាម​ម្នាក់​ ឈ្មោះ​ យ៉ា ស្លេះ អាយុ៨៥ឆ្នាំ ដែលត្រូវជាឪពុកបង្កើតរបស់លោក ស្លេះ ពុនយ៉ាមីន​ អនុប្រធាន​សហភាព​សហព័ន្ធ​យុវជន​កម្ពុជា​ខេត្តកំពង់ចាម ស្ថិតក្នុងភូមិរកាក្រោម សង្កាត់​សំបួរមាស​ ក្រុងកំពង់ចាម។

ក្នុង​ឱកាស​អញ្ជើញ​ចូលរួម​ពិធីបុណ្យ​សព​នេះ​ដែរ​ លោក​ អ៊ុន ចាន់ដា ​ បានចូលរួមរំលែកទុក្ខ និងចូលជាបច្ច័យចំនួន០១លានរៀល ដេីម្បី​ឧទ្ទិស​កុសល​ផលបុណ្យ​ ជូន​ដល់​វិញ្ញាណក្ខន្ធ លោកតា យ៉ា ស្លេះ សូមឲ្យ​បានទៅកាន់សុគតិភពកុំបីឃ្លៀងឃ្លាតឡើយ។​

គួរ​កត់​សម្គាល់​ផង​ដែរ​ថា​ កន្លង​មក​ ក៏​ដូចជា​បច្ចុប្បន្ន​នេះ​ លោក​​អភិបាល​ខេត្ត​កំពង់ចាម​ រួមនឹង​​ថ្នាក់ដឹកនាំ​ មន្ត្រី​ពាក់ព័ន្ធ​ តែងតែ​មាន​ការ​យកចិត្តទុកដាក់​ និង​ចុះ​សាកសួរ​សុខទុក្ខ​ដោយផ្ទាល់​ ចំពោះ​​មន្ត្រី​រាជការ​ក្រោម​ឱវាទ​​ ក៏ដូចជា​បងប្អូន​ប្រជាពលរដ្ឋ​ គ្រា​ដែល​មាន​ទុក្ខ​ធុរៈ​ក្នុង​គ្រួសារ​ម្តងៗ​ ដោយ​មិន​ប្រកាន់​ពួជសាសន៍​ពណ៍សម្បុរ​ សាសនា​​ និងនិន្នាការនយោបាយ​អ្វី​ឡើយ​ គឺ​ទីណា​ដែល​មាន​ទុក្ខ​លំបាក​ ទីនោះ​តែងតែ​មាន​វត្តមាន​របស់​​ថ្នាក់ដឹកនាំ​ ក៏ដូចជា​អាជ្ញាធរ​ ដែល​ជា​អ្នក​បម្រើ​រាស្ត្រ​យ៉ាង​ពិតប្រាកដ​ នៅ​រួម​សុខ​រួម​ទុក្ខ​ ជាមួយ​បងប្អូន​ប្រជាពលរដ្ឋ​ ផង​ដែរ​៕SRP

ខេត្តសៀមរាប៖មនុស្ស០២នាក់បានរងរបួសដោយគ្រោះថ្នាក់ចរាចណ៍។ហេតុការណ៍បានកើតឡើងនៅវេលាម៉ោង១០និង៣០នាទីព្រឹក ថ្ងៃទី១១ ខែឧសភា ឆ្នាំ២០២០ នៅចំនុចភូមិភ្លង់ ឃុំលាងដៃ ស្រុកអង្គរធំ។
កណីនេះបង្កឡើង ដោយរថយន្តដឹកដីកង់១០ ពណ៌(ស) ពាក់ស្លាកលេខចង្កូតស្តា(BMC.0109) និងគោយន្តកន្ត្រៃចំនួនពីរគ្រឿង។
តាមការឆ្លើយបំភ្លឺរបស់សាក្សីបានឲ្យដឹងថារថយន្តដឹកដីនិងគោយន្តកន្ត្ត្រៃ
បើកបរបញ្ចា្រសទិសគ្នាពីលិចទៅកើត ដល់ចំណុចកើតហេតុ រថយន្តបានរេចង្កូតទៅបុកគោយន្តកន្ត្រៃចំនួន(០២គ្រឿង)ចំពីមុខពេញទំហឹងបណ្តាលអោយរងរបួសធ្ងន់អ្នកបើកបរគោយន្តកន្ត្រៃទាំង០២នាក់។
០១.ឈ្មោះកាក់ គា ភេទប្រុស អាយុ៣៧ឆ្នាំ រស់នៅភូមិទ័ពស្វាយ ឃុំជប់តាត្រាវ ស្រុកអង្គរធំ ជាអ្នកបើកគោយន្តកន្ត្រៃ។
០២.ឈ្មោះសែម សៀក ភេទប្រុស អាយុ៣៧ឆ្នាំ រស់នៅភូមិពងទឹក ឃុំជប់តាត្រាវ ស្រុកអង្គរធំ ជាអ្នកបើកគោយន្តកន្ត្រៃ។ ចំណែកភាគ្គីអ្នកបើករថយន្តដឹកដីឈ្មោះសែម សារិទ្ធ ភេទប្រុស អាយុ២៨ឆ្នាំ រស់ភូមិត្រយោងឃុំលាប ស្រុកព្រះនេតព្រះខេត្តបន្ចាយជ័យ ជាអ្នកបើកបរដឹកដីអោយក្រុមហ៑ុន យាយកិច្ច៕SRP