ខេត្តសៀមរាប៖បុរសម្នាក់បើកម៉ូតូធ្លាក់ពីលើស្ពាន បណ្ដាលឲ្យស្លាប់ភ្លាមៗ

ហេតុការណ៍បានកើតឡើង វេលាម៉ោង20និង30នាទី ថ្ងៃទី15 ខែមីនា ឆ្នាំ2024ធ្លាក់ពីលេីស្ពាននៅលេីកំណាត់ផ្លូវជាតិលេខ 6 ស្ថិតក្នុងភូមិក្នុង ឃុំល្វែងឫស្សី ស្រុកជីក្រែង ខេត្តសៀមរាប។

គ្រោះថ្នាក់ចរាចរណ៍ បង្កដោយខ្លួនឯង ដោយបានបេីកបរម៉ូតូម៉ាក C125 ពណ៌ខ្មៅពាក់ផ្លាកលេខបាត់ដំបង 1X-4741
(ទិសដៅពីលិចទៅកេីត) ក៏ធ្លាក់ពីលេីស្ពាន បណ្ដាលឲ្យស្លាប់តែម្ដង។

ជនរងគ្រោះ មានឈ្មោះ មុត ខុន ភេទប្រុសអាយុ 55ឆ្នាំមានទីលំនៅភូមិប្រគាប ឃុំកំពង់ចិនជេីង ស្រុកស្ទោង ខេត្តកំពង់ធំ។ ករណីនេះម៉ូតូ និងជនរងគ្រោះ ត្រូវបានសមត្តកិច្ចប្រគល់អោយក្រុមគ្រួសារយកទៅធ្វេីបុណ្យតាមប្រពៃណី៕

ខេត្តសៀមរាប៖យុវជនម្នាក់បើកម៉ូតូបុកជាមួយរថយន្តបណ្ដាលឱ្យស្លាប់ភ្លាមៗ។

ហេតុការណ៍បានកើតឡើង នៅវេលាម៉ោង១៥និង៥០នាទី ថ្ងៃទី១៥ ខែមីនាឆ្នាំ២០២៤ នៅចំណុចផ្លូវជាតិលេខ៦ ស្ថិតក្នុងភូមិក្បូន ឃុំខ្ចាស់ ស្រុកសូទ្រនិគម ខេត្តសៀមរាប។

សមត្ថកិច្ចបានប្រាប់ថា គ្រោះថ្នាក់ចរាចរណ៍នេះ ដោយម៉ូតូម៉ាក HONDA SCOOPY ពណ៌ស ពាក់ផ្លាកលេខ សៀមរាប 1H- 4775 បើកបរដោយឈ្មោះនួន ភក្ដី ភេទប្រុស អាយុ២៤ ឆ្នាំ នៅភូមិដំដែកផ្សារ ឃុំដំដែក ស្រុកសូទ្រនិគម ខេត្តសៀមរាប បើកបរតែម្នាក់ឯង ក្នុងទិសដៅពីលិចទៅកើត បានបុករថយន្តម៉ាកHyudai ពណ៌ខៀវ ពាក់ផ្លាកលេខភ្នំពេញ 2H -1697 បើកបរក្នុងទិសដៅពីកើតទៅលិច បណ្ដាលឲ្យស្លាប់មនុស្សម្នាក់ជាអ្នកបើកបរម៉ូតូ។

សមត្ថកិច្ចបានបន្តថា ករណីនេះ ក្រោយកាត់ហេតុសមត្ថកិច្ចបានចុះទៅវាស់វែង និងប្រគល់សាកសពអោយក្រុមគ្រួសារ យកទៅធ្វើបុណ្យតាមប្រពៃណី ឯរថយន្ត និងម៉ូតូរក្សាទុកនៅអធិការនគរបាលស្រុក។ ចំណែកតៃកុងរថយន្តបានរត់គេចខ្លួនបាត់៕

ខេត្តសៀមរាប៖លោក Kim Jih Yuk​ នាយកក្រុមហ៊ុនBFLABS​ បានថ្លែងអំណរគុណយ៉ាងជ្រាលជ្រៅចំពោះ ឯកឧត្តម​ អភិបាលខេត្ត ដែលឆ្លៀតឱកាសដ៏មានតម្លៃអញ្ជេីញជួបសម្តែងការគួរសមនាពេលនេះ។

លោក​ នាយកក្រុមហ៊ុនបានបន្តថា​គោលបំណងជួបនាពេលនេះ​ ដើម្បីពិភាក្សាក្នុងការអនុវត្តសាកល្បងគម្រោងសេវាកម្ម ទោចក្រយានយន្តអគ្គិសនី ដែលប្រើប្រាស់បច្ចេកវិទ្យាផ្លាស់ប្តូរអាគុយ ដោយមានការគាំទ្រពីក្រសួងដែនដី ហេដ្ឋារចនា សម្ព័ន្ធ និងដឹកជញ្ជូន នៃសាធារណរដ្ឋកូរ៉េ។​ គម្រោងនេះ​ ក៏បានអនុវត្តនៅខេត្តស្វយ័តពិសេស Jeju នៃសាធារណរដ្ឋកូរ៉េ​ ជាតំបន់ទេសចរណ៍ដែលមានសក្តានុពលដូចជាខេត្តសៀមរាបផងដែរ។

លោក Kim Jih Yuk​ នាយកក្រុមហ៊ុន BFLABS​ មានប្រសាសន៍យ៉ាងដូច្នេះ ក្នុងឱកាស ជំនួបសម្តែងការគួសម​ និងការចុះហត្ថលេខាលេីលិខិតផ្តួចផ្តើមស្តីពីកិច្ចសហប្រតិបត្តិការលើគម្រោង K-City Network នៅសាលាខេត្តសៀមរាប នាថ្ងៃសុក្រនេះ។

នៅក្នុងជំនួប ឯកឧត្តម​ ប្រាក់​ សោភ័ណ​ អអភិបាលខេត្តសៀមរាប បានថ្លែងអំណរគុណដល់ប្រតិភូ ដែលឆ្លៀតពេលដ៏មានតម្លៃ ដេីម្បីចូលរួមជួបសម្តែងកាតគួរសម ដេីម្បីពិភាក្សាការងារ​អំពីសាកល្បងគម្រោងសេវាកម្ម ទោចក្រយានយន្តអគ្គិសនីនេះ។

អអភិបាលខេត្ក៏បានឯកភាពគ្នាបង្កើតនូវលិខិតផ្តួចផ្តើមមួយ ក្នុងគោលបំណងដើម្បីអនុវត្តសាកល្បងគម្រោងសេវាកម្ម ទោចក្រយានយន្តអគ្គិសនីនៅខេត្តសៀមរាប​ ដេីម្បីកាត់បន្ថយនូវការបំពុលបរិស្ថាន។

សូមជម្រាបថា ជំនួបសម្តែងការគួរសម​ និងចុះហត្ថលេខាលេីលិខិតផ្តួចផ្តើម ស្តីពីកិច្ចសហប្រតិបត្តិការ លើគម្រោង K-City Network រវាងខេត្តសៀមរាប នៃព្រះរាជាណាចក្រកម្ពុជា​ ដឹកនាំដោយឯកត្តម​ ប្រាក់​ សោភ័ណ​ អភិបាលខេត្ត​ និង ក្រុមហ៊ុន BFLABS Inc., VERYWORDS Inc., GreeGo Inc. នៃសាធារណរដ្ឋកូរ៉េ​ ដឹកនាំដោយលោក Kim Jih Yuk​ នាយកក្រុមហ៊ុន BFLABS​ ព្រមទាំងមានការចូលរួមពីលោក​ យុន​ លីនណេ​ អភិបាលរងខេត្ត​ នាយករងរដ្ឋបាល​ និងទីចាត់ការពាក់ព័ន្ធផងដែរ៕

មនុស្សចំនួនពីរនាក់និងវត្ថុតាងត្រូវបានសមត្ថកិច្ចឃាត់ខ្លួនពាក់ព័ន្ធលេងល្បែង ឆ្នោតផ្សងសំណាង , ឆ្នោតឡូតូ និងជល់មាន់ តាមប្រពន្ធ័អនឡាញខុសច្បាប់។

ការបង្កាបធ្វើឡើង នៅថ្ងៃទី១៤ ខែមីនា ឆ្នាំ២០២៤
ស្ថិតនៅភូមិត្រពាំងប្រាសាទ ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ ដោយនគរបាលស្រុកត្រពាំងប្រាសាទ តាមបញ្ជា លោកឧត្ដមសេនីយ៍ទោ ហួត សុធី ស្នងការនគរបាលខេត្តឧត្តរមានជ័យ។

បច្ចុប្បន្នជនសង្ស័យ រួមទាំងវត្ថុតាង ត្រូវបានកម្លាំងជំនាញបានធ្វើការសាកសួរ និងរៀបចំសំណុំរឿងបញ្ជូនទៅសាលាដំបូង ដើម្បីចាត់ការបន្តតាមនីតិវិធីច្បាប់៕

ភ្នំពេញ៖អ្នកនាំពាក្យក្រសួងអធិការកិច្ចបានចេញសេចក្តីបំភ្លឺព័ត៌មានរបស់ខ្លួន ស្តីពីករណីផ្សាយជាសាធារណៈរបស់ស្ថានីយវិទ្យុ អេ ប៊ី ស៊ី (ABC) តាមរយៈជនអនាមិកទូរស័ព្ទចោទប្រកាន់មកលើមន្រ្តីក្រសួងអធិការកិច្ច ថា៖ បានទាមទារប្រាក់ ចំនួន ៥០០០$ ពីមន្ទីរសេដ្ឋកិច្ច និងហិរញ្ញវត្ថុ ខេត្តកំពង់ធំ ជាថ្នូរនឹងការមិនត្រួតពិនិត្យឯកសារ៕

សម្តេចធិបតី ហ៊ុន ម៉ាណែត បានគូសបញ្ជាក់ថា គម្រោងថ្មីរយៈពេល៦ខែ មាន១៧៣គម្រោងមកចុះបញ្ជីវិនិយោគនៅកម្ពុជា និងមានទំហំទឹកប្រាក់ជាង៤ពាន់លានដុល្លារ។

សម្តេចធិបតី ហ៊ុន ម៉ាណែត បានគូសបញ្ជាក់បន្ថែមថា គម្រោងទាំង១៧៣នោះ ត្រូវបានចុះបញ្ជីនៅ CDC រួចរាល់ហើយ ថែមទាំងមានការជ្រើសរើសទីតាំងថែមទៀតផង ដែលត្រូវបានគេព្យាករថា គម្រោងទាំងនេះ នឹងផ្តល់ឱកាសការងារជាង១៧ម៉ឺនកន្លែងសម្រាប់ប្រជាពលរដ្ឋ។

សម្តេចធិបតី ហ៊ុន ម៉ាណែត ក៏បានគូសបញ្ជាក់ថា រាជរដ្ឋាភិបាល កំពុងបន្តខិតខំប្រឹងប្រែងលើកកម្ពស់បរិយាកាសធុរកិច្ច និងជំរុញការវិនិយោគនៅកម្ពុជាដើម្បីបង្កើតការងារបន្ថែមទៀតជូនប្រជាពលរដ្ឋ។

សម្ដេចអះអាងបែបនេះក្នុងឱកាសអញ្ជើញជាអធិបតីដឹកនាំកិច្ចប្រជុំពេញអង្គគណៈរដ្ឋមន្រ្តី នៅព្រឹកថ្ងៃទី១៥ ខែមីនា ឆ្នាំ២០២៤ នៅវិមានសន្តិភាព៕

ព្រះរាជក្រឹត្យ-អនុក្រឹត្យ បានបញ្ចប់មុខតំណែងទីប្រឹក្សា និងជំនួយការក្រសួងមហាផ្ទៃ ចំនួន ៤១រូប៕

ខេត្តសៀមរាប៖បុរសចំនួន២នាក់ជិះម៉ូតូឌុបគ្នា បើកទៅបុកត្រាក់ទ័របណ្ដាលស្លាប់ចំនួន២នាក់។

ហេតុការណ៍ថ្ងៃទី១៤ ខែមីនាឆ្នាំ២០២៤  វេលាម៉ោង ១៩និង៤០នាទី លើផ្លូវលំក្រាលកៅស៊ូស្ថិតនៅភូមិសំរោងយា ឃុំសំរោងយា ស្រុក ពួក ខេត្តសៀមរាប។

គ្រោះថ្នាក់ចរាណ៍នេះកើតឡើងរវៀងម៉ូតូម៉ាកហុងដា១២៥  ពណ៌ខ្មៅសេរីឆ្នាំ២០១៥ ផ្លាកលេខ បន្ទាយមានជ័យ 1L- 2441 បើកបរដោយឈ្មោះ សំ ពា ភេទប្រុស អាយុ៣០ឆ្នាំ  មុខរបរ កសិករ  រស់នៅភូមិតាទក ឃុំពួក ស្រុកពួកខេត្តសៀមរាប (គ្មានពាក់មួកសុវត្ថិភាព) និងអ្នកជិះពីក្រោយ ឈ្មោះ សំ ណាង ភេទប្រុស អាយុ ២៤ឆ្នាំ រស់នៅភូមិឃុំជាមួយគ្នា
បើកបរក្នុងទិសដៅ ពីត្បូងទៅជើង ដែលមានទិសដៅស្របគ្នា បានបុកជាមួយត្រាក់ទ័រ
សំដោង រ៉ឺម៉ក(មិនស្គាល់អត្តសញ្ញាណ) ក្រោយពេលកើតហេតុម្ចាស់ត្រាក់ទ័រ បានចុះរត់គេចបាត់។

ករណីនេះបណ្តាលអោយស្លាប់ ២នាក់
1.ឈ្មោះ សំ ពា ភេទ ប្រុស
2.ឈ្មោះ សំ ណាង ភេទ ប្រុស
* ខូចខាត: ម៉ូតូ ០១គ្រឿង (ធ្ងន់)។
មូលហេតុ: បើកម៉ូតូក្នុងល្បឿនលឿនខ្វះការប្រុងប្រយ័ត្ន ឯបុកត្រាក់ទ័រសណ្តោងរ៉ឺម៉កពីក្រោយ គ្មានភ្លើងបំភ្លឺផ្លូវ។
ករណីនេះ កម្លាំងជំនាញចរាចរណ៍នៃ អធិការនគរបាលស្រុក ជាអ្នកគ្រប់គ្រង៕

ភ្នំពេញ៖សេចក្តីប្រកាសព័ត៌មានរបស់ សមាគមឧកញ៉ាកម្ពុជា ស្តីពី ការផ្សព្វផ្សាយថ្មីៗ តាមបណ្តាញសង្គមមួយចំនួនពាក់ព័ន្ធនឹង ឧកញ៉ា នៅកម្ពុជារបស់បុគ្គល ឬអង្គភាពព័ត៌មានមួយចំនួនដែលនាំឱ្យមានការវាយប្រហារ ឬយល់ច្រឡំ និងធ្វើឱ្យប៉ះពាល់ដល់សេចក្តីថ្លៃថ្នូរព្រមទាំងកិត្តិយសរបស់គោរមវន្តផ្សេងទៀតដែលមិនបានជាប់ពាក់ព័ន្ធឬបង្កបញ្ហាណាមួយនោះ។

សូមជម្រាបជូនសាធារណៈជនមេត្តាជ្រាបថា សមាគមឧកញ៉ាកម្ពុជាគឺជា ស្ថាប័នតែមួយគត់ដែលតំណាងឱ្យគោរមវន្តទាំងអស់នៅកម្ពុជា និងការពារផលប្រយោជន៍ស្របច្បាប់ និងកិត្តិយសរបស់ ឧកញ៉ា ជាសមាជិកនិងមានគោលបំណង ទស្សនវិស័យ និងបេសកកម្មច្បាស់លាស់។

ទន្ទឹមនឹងនេះដែរ សមាគមឧកញ៉ាកម្ពុជា កំពុងសិក្សាលទ្ធភាពក្នុងការចាត់វិធានការផ្លូវច្បាប់លើបុគ្គលមួយចំនួនដែលយកងារជា ឧកញ៉ា ទៅប្រព្រឹត្តខុសច្បាប់ធ្វើឱ្យប៉ះពាល់ដល់កិត្តិយស និងសេចក្តីថ្លៃថ្នូររបស់គោរមវន្តជាឧកញ៉ាដទៃទៀត។
ដូចេ្នះ សមាគមឧកញ៉ាកម្ពុជា សូមស្នើឱ្យម្ចាស់គណនីទាំងនោះធ្វើការលុបចោលជាបន្ទាន់នូវការចុះផ្សាយព័ត៌មានមិនពិត និងបញ្ឈប់ការចែករំលែកបន្តនូវព័ត៌មានទាំងនោះ៕

ខេត្តសៀមរាប៖សិស្សម្នាក់បានចងកសម្លាប់ខ្លួន បង្កឲ្យមានការភ្ញាក់ផ្អើល។

.ហេតុការណ៍បានកើតឡើង នៅវេលាម៉ោង​០៩:៣០នាទី​ ថ្ងៃទី​១១​ ខែមិនា​ ឆ្នាំ​២០២៤​ នៅចំណុចផ្ទះលក់ចាបភួយ​ ស្ថិត​នៅភូមិតាវៀន​ សង្កាត់​សាលាកំរេីក​ ក្ក្រុងសៀមរាប​។

សមត្ថកិច្ចបានប្រាប់ថា ជនរងគ្រោះ ឈ្មោះ​ ណាត​ សុវណ្ណបញ្ញា​ ភេទប្រុស​ អាយុ​១៥​ឆ្នាំ​ មុខរបរ​សិស្ស រស់នៅភូមិវាល ឃុំដារុន ស្រុកសូទ្រនិគម ខេត្តសៀមរាប។

តាមការពិនិត្យលើសាកសព នឹងតាមការបញ្ចាក់ពីលោកគ្រូពេទ្យកោសល្យវិច័យខេត្តសៀមរាប ជនរងគ្រោះ ពិតជា អត្តឃាតចងកសំលាប់ខ្លួន ដោយខ្លួនឯងមែន។ មូលហេតុមានវិបត្តិផ្លូវចិត្ត។ សាកសពបានប្រគល់អោយក្រុមគ្រួសារធ្វើបុណ្យតាមប្រពៃណី៕

រ៉ឺម៉កកង់បីត្រូវសុំស្នើសុំលិខិតអនុញ្ញាត និងឯកសណ្ឋានអ្នកបើកម៉ូតូកង់បីដឹកភ្ញៀវទេសចរ។

ដើម្បីកំណត់អត្តសញ្ញាណម៉ូតូកង់បីដឹកភ្ញៀវទេសចរ និងធានាសុវត្ថិភាព ផ្តល់ទំនុកចិត្តដល់ភ្ញៀវទេសចរ មន្ទីរទេសចរណ៍ខេត្តបាត់ដំបងសូមអញ្ជើញលោក លោកស្រីដែលប្រកបរបរជាអ្នកដឹកភ្ញៀវទេសចរមកធ្វើការដាក់ពាក្យស្នើសុំលិខិតអនុញ្ញាត និងឯកសណ្ឋានសម្គាល់ នៅមន្ទីរទេសចរណ៍ខេត្តបាត់ដំបង រៀងរាល់ម៉ោងធ្វើការ ចាប់ពីថ្ងៃជូនដំណឹងនេះតទៅ។

សូមបញ្ជាក់ថា អ្នកដែលអញ្ជើញមក ១០០ នាក់ដំបូង នឹងទទួលបានឯកសណ្ឋានអាវ ដោយឥតគិតថ្លៃ៕