ភ្នំពេញ៖ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន ផ្ញើលិខិតគោរពជូនពរ សម្តេចតេជោ ហ៊ុន សែន ក្នុងឱកាសគម្រប់ជន្មាយុ ៦៩ឆ្នាំ ឈានចូល៧០ឆ្នាំ៕SRP

ភ្នំពេញ៖ លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន បានលើកឡើងថាសូមមន្រ្តីកុំយកអ្នកកាសែត ធ្វើជាសត្រូវ។

លោកថ្លែងយ៉ាងដូច្នេះនៅក្នុងឱកាសរៀបចំវេទិការពិភាក្សាវាយតម្លៃសកម្មភាព ស្ដីពីសន្និសីទសារព័ត៌មាន ស្ដីពីវឌ្ឍនភាពការងារឆ្នាំ២០១៩ និងទិសដៅការងារបន្ដឆ្នាំ២០២០ របស់ក្រសួង ស្ថាប័ន និងរដ្ឋបាលរាជធានី-ខេត្ត នាព្រឹកមិញនេះ៕SRP

ខេត្តកំពង់ចាម៖លោក​​ អ៊ុន​ ចាន់ដា​ ​​អភិបាលខេត្តកំពង់ចាម​​ និងប្រធានក្រុមប្រឹក្សាខេត្ត នៅព្រឹកមិញនេះបានអញ្ជើញបើកយុទ្ធនាការចាក់ថ្នាំវ៉ាក់សាំងទប់ស្កាត់​ជំងឺឆ្លងផ្សេងៗ ដល់​សត្វ​គោក្រ​បី​ នៅ​ឃុំ​តុងរុង ស្រុកព្រៃឈរ។
ការចុះចាក់វ៉ាក់សាំងការពារជំងឺសារទឹក ជំងឺអ៊ុចក្តាម ​​​លេីសត្វគោក្របីនេះ ក្រោមការរៀបចំរបស់មន្ទីរកសិកម្ម រុក្ខាប្រមាញ់​ និងនេសាទ។
លោក​​ អ៊ុន​ ចាន់ដា​ ​​បានធ្វេីការណែនាំ​ដល់​អាជ្ញាធរ គ្រប់លំដាប់ថ្នាក់ ​ត្រូវ​ជួយផ្សព្វផ្សាយដល់ប្រជាពលរដ្ឋ​ ឲ្យ​បានចូលរួមជាមួយជំនាញ​ ដើម្បីចាក់ថ្នាំការពារទប់ស្កាត់នូវជំងឺឆ្លងដល់សត្វ និងជួយរាយការណ៍​ អំពីស្ថានភាពជំងឺសត្វទៅកាន់ភ្នាក់ងារ សុខភាពសត្វភូមិ និងមន្ត្រីបសុព្យាបាល ប្រចាំស្រុក ដោយត្រូវចូលរួមធ្វើការចាក់ថ្នាំការពារឲ្យបានទាន់​ពេលវេលា​ ​ចៀសវាង​បង្ក​ឲ្យ​មាន​ការ​​ឆ្លង​ជំងឺរីករាលដាលធ្ងន់ធ្ងរ ។
លោក​អភិបាលខេត្ត​ ក៏បាន​សំណូមពរ​ដល់​បងប្អូន​ប្រជាពលរដ្ឋ​​ ឲ្យ​ធ្វេី​ការ​សំអាត​​ថែរក្សា​បរិវេណ​ជុំវិញ​លំនៅឋាន​របស់ខ្លួន​​​ ដែល​ជា​កន្លែង​សត្វ​មូសបង្កាត់ពូជ​ ដេីម្បី​ការពារ​ជំងឺ​ឆ្លង​ផ្សេងៗ​​បេី​មាន​ជំងឺ​អ្វី​​កេីនឡេីង​ សូម​ប្រញាប់​ទៅ​កាន់​មន្ទីរពេទ្យ​ជា​បន្ទាន់​។ ​

បេីយោងតាម​​លោក​ស៊ីម​ ថាវីរះ​ ប្រធានមន្ទីរកសិកម្ម​ រុក្ខាប្រមាញ់​ និងនេសាទ​ខេត្តកំពង់ចាម​ បានឲ្យដឹងថា​ សម្រាប់​ខេត្ត​កំពង់ចាម​ មាន​សត្វ​គោក្របី​សរុប​ចំនួន​២០៤.៨៦០ក្បាល​ ត្រូវ​បាន​ចាក់​វ៉ាក់សាំង​ការពារ​ជំងឺហើយ ចំនួន១.០៨៧​ក្បាល​ ដោយឡែក​នៅ​ក្នុង​ស្រុកព្រៃឈរ​ មាន​សត្វ​គោក្របីចំនួន៤៨​.៣៩៥ក្បាល ចំពោះ​ឃុំ​តុងរ៉ុង​មាន​គោក្របី​ចំនួន​១២៣៧​ក្បាល​ ហើយត្រូវបានចាក់វ៉ាក់សាំងការពារ​ជំងឺចំនួន៧៣៩ក្បាល ដែលយុទ្ធនាការចាក់វ៉ាក់សាំងនេះ តែងតែធ្វើឡេីងជាប្រចាំនារដូវទឹកឡើង​ ដោយ​មិន​មាន​ការ​តម្រូវ​ឲ្យ​ប្រជាពលរដ្ឋ​បង់ប្រាក់​​ឡេីយ​៕SRP

ភ្នំពេញ៖ ក្រុមហ៊ុននាំចេញអង្ករកម្ពុជាមួយកំពុងតែណែនាំនូវបច្ចេកវិទ្យាថ្មីមួយសម្រាប់បម្រើដល់ការធ្វើពាណិជ្ជកម្មឬការជួញដូរស្រូវអង្ករតាមរយៈខ្សែសង្វាក់អាជីវកម្មនៃប្លកមួយដែលភាសាអង់គ្លេសគេហៅថា BlocRice ។

លោក សុង សារ៉ន ជាប្រធានក្រុមហ៊ុន អេមរុ រ៉ាយស៍ បានមានប្រសាសន៍ប្រាប់ទីភ្នាក់ងារសារ ព័ត៌មានកម្ពុជា (AKP) ថា ប្លករ៉ាយ (BlocRice) នេះអាចដំណើរការបានដោយការរួមបញ្ចូលគ្នានូវបច្ចេកវិទ្យាពីរទៀត គឺទីមួយ គេហៅហៅថា ប្លកឆេន (Bloc Chain ) និង កម្មវិធីគ្រប់គ្រងកសិដ្ឋាន ដែល ភាសាអង់គ្លេសហៅថា Farm Management ។

លោកបានបន្តថា តាមរយៈបច្ចេកវិទ្យាដែលហៅថា ប្លកឆេននេះគឺអាចឲ្យអ្នកដែលប្រើប្រាស់ស្រូវអង្ករអាចនឹងទំនាក់ទំនងជាមួយនឹងកសិករទៅវិញទៅមកបាន ។ ហើយមិនតែប៉ុណ្ណោះតាមរយៈបច្ចេកវិទ្យានោះ ពូកគេក៏អាចដឹងព័ត៌មានលំអិតតាំងពីដំណើរការនៃការផលិត គុណភាព តម្លៃ និង ចំណូល របស់អ្នកផលិតអង្ករ ។

លោកបានបន្តទៀតថា ប្រព័ន្ធបច្ចេកវិទ្យានេះគឺជាប្រព័ន្ធមួយដែលនឹងជំរុញឲ្យការធ្វើពាណិជ្ជកម្មឬក៏ជូញដូរស្រូវអង្ករកម្ពុជាមានទំនុកចិត្តនិងតម្លាភាពរវាងអ្នកទិញឬអ្នកប្រើប្រាស់ជាមួយ នឹងកសិករដែលជាអ្នកផលិតស្រូវអង្ករផ្ទាល់ ។

លោកបានបន្តទៀតថា អ្នកដែលអនុវត្តការ លក់និងការបញ្ជាទិញស្រូវអង្ករតាមប្រព័ន្ធបច្ចេកវិទ្យានេះ គឺទំនើបដោយរវាងអ្នកទិញនិងអ្នកលក់គឺមិនចាំបាច់ត្រូវការក្រដាសឬត្រូវការការទូទាត់តាមរយៈក្រដាសប្រាក់អ្វីឡើយ ។ ដោយប្រតិបត្តិករនេះ គឺធ្វើការទូទាត់គ្នាដោះស្រាយបញ្ហាគ្នាដោយមិនចាំបាច់ជួបមុខគ្នាឡើយ ។ លោកបានបញ្ជាក់ថា ” នេះអាចនិយាយបានថា ជាកម្មវិធីជួញដូរស្រូវអង្ករវ័យឆ្លាតមួយ” ។

លោកបានបន្តទៀតថា សព្វថ្ងៃនេះប្រព័ន្ធនេះគឺបានរួមបញ្ចូលនួវប្រមាណជា ៦ ខ្សែសង្វាក់ ផលិតកម្ម នៅក្នុងបច្ចេកវិទ្យាដែលហៅថា ប្លករ៉ាយ នេះ ដោយមានកសិករ រោងម៉ាស៊ីន ក្រុមហ៊ុនអេមរុ រ៉ាយស៍ ក្រុមហ៊ុនបញ្ជាទិញ និង បណ្តាហាងដៃគូដែលយកទៅលក់អង្ករ និង អ្នកដែលទិញអង្ករនោះទៅហូប ។

លោកបានបញ្ជាក់ថា “ទាំង៦ភាគីនៅលើខ្សែសង្វាក់ជួញដួរនេះ នរណារចង់មើលព័ត៌មាន ឫ ស្វែងយល់អំពីអ្វីគ្នា គឺបានទៅវិញទៅមក និយាយរួមម៉ាសង្វាក់ផលិតកម្មនេះតែម្តង “។

ដោយឡែកទាក់ទងជាមួយនឹងកម្មវិធីគ្រប់គ្រងកសិកម្មដែលហៅថា Farm Management វិញ គឺជា កម្មវិធីកាលវិភាគផលិតកម្មស្រូវមួយសម្រាប់បង្កើតផលិតផលស្រូវ ប្រកបដោយចិរភាព មិនបំពុលបរិស្ថាន មិនប្រើប្រាស់ទឹកខ្ជះខ្ជាយ ការប្រើប្រាស់ជីសម្រាប់ជម្រុញផលិតកម្មស្រូវ ។ កម្មវិធទាំងនេះគឺមាននៅក្នុងទូរស័ព្ឌដៃរបស់កសិករម្នាក់ៗ។ កម្មវិធីនេះនឹងជួយដាស់តឿន កសិករឲ្យធ្វើស្រែតាមកាលវិភាគត្រឹមត្រូវតាមគន្លងផលិតកម្មស្រូវ។

លោកបានបន្តទៀតថា ប្រព័ន្ធក៏អាចជួយកាត់ត្រារបាយការណ៍ហិរញ្ញវត្ថុរបស់កសិករ ឫ ក៏សហគមន៍ប្រកបដោយតម្លាភាពនិងគណនេយ្យភាព ដោយគ្មាននរណាអាចចូលទៅផ្លាស់ប្តូរ ក៏ដោះដូរបានឡើយ ។

លោកបានបន្តទៀតថា បច្ចេកវិទ្យាទាំងនេះគឺដើម្បីជួយធ្វើទំនើបកម្មវិស័យកសិកម្មនៅកម្ពុជា ពោលគឺតាំងពីដំណើរការនៃការដាំដុះ ការថែទាំ ការច្រូតកាត់និង មានការកត់ត្រាច្បាស់លាស់។

លោកបានបន្តទៀតថា នៅក្នុងការដំណើរដំបូង ដែលជាដំណាក់កាលសាកល្បងគឺឃើញថា បានជោគជ័យលើការអនុវត្តជាមួយនឹងគ្រួសារកសិករចំនួន ៥០ គ្រួសារ ហើយនៅពេលនេះកំពុងតែស្ថិតនៅក្នុងដំណាក់កាលទី២ ដែលមានចំនួន ប្រមាណជា ៥០០ គ្រួសារ នៅពីរសហគមន៍ ។ ហើយនៅឆ្នាំក្រោយនេះ ក្រុមហ៊ុនគ្រោងនឹងជំរុញឲ្យបានពី២០.០០០ ទៅ ៣០.០០០កសិករ។ ហើយជារួមគឺយើងចង់ណែនាំបច្ចេកវិទ្យានេះទៅដល់កសិករនៅទូទាំងប្រទេសទាំង អស់អាចចូលរួមបាន ។

លោកបានបន្តទៀតថា នេះគឺជាការរៀបចំសម្រាប់វិស័យកសិកម្មនៅកម្ពុជាពីព្រោះថា នៅ ពេលអនាគតមនុស្សម្នាក់ៗពិតជារវល់ និងមិនមានពេលវេលា ដូច្នេះបច្ចេកវិទ្យានេះ វាអាចជួយសម្រួលចំណុចនេះបាន ។
លោកបានបន្តទៀតថា នៅពេលអនាគត គេមិនចាំបាច់ទៅផ្សារទិញអង្ករទេ គេគ្រាន់តែមើល លើទូរស័ព្ទ ហើយចុចទៅ គឺមានគេដឹកជូនយើងហើយ ។

លោកបានបន្តទៀតថា ជាការពិតការណែនាំនូវបច្ចេកវិទ្យានេះវាមិនមែនជាកិច្ចការងាយស្រួល សម្រាប់កសិករនៅពេលបច្ចុប្បន្ននេះទេ ប៉ុន្តែគឺជាការណែនាំសម្រាប់កសិករនៅពេលអនាគត។

ពាក់ព័ន្ធនឹងបច្ចេកវិទ្យានេះ កសិករមួយរូប ឈ្មោះ ជុំ សម្បត្តិ ដែលបានឡើងមកទិញជីនៅផ្សារវាលរេញ នៅស្រុក ព្រៃនប់ ខេត្តព្រះសីហនុ បានមានប្រសាសន៍ថា សព្វថ្ងៃនេះគាត់ កំពុងតែធ្វើស្រែ ប្រមាណជា ៤ ហិកតាដែរ ប៉ុន្តែលោកមិនស្គាល់បច្ចេកវិទ្យានេះនៅឡើយទេ ។

លោក សម្បត្តិ ដែលមានវ័យ៦៤ ឆ្នាំបានថ្លែងថា ជាការពិតនៅភូមិស្រុករបស់លោកនាពេល បច្ចុប្បន្ននេះកំពុងតែធ្វើទំនើបកម្មនៃការធ្វើស្រែ ដោយឈប់ប្រើប្រាស់កម្លាំងសត្វពាហនៈនៅក្នុងការភ្ជួររាស់ទៀតហើយ គឺប្រើគោយន្ត និង ច្រូតកាត់ដោយម៉ាស៊ីន ។

លោកបានបញ្ជាក់ថា ” ថ្វីត្បិតតែខ្ញុំស្គាល់ គោរយន្ត ស្គាល់ម៉ាស៊ីនភ្ជួរ តែដូចជាមិនដែលឭអាស្អីគេ ហៅថា ប្លករ៉ាយអីគេនោះនៅឡើយទេ” ។

លោកបានបន្តទៀតថា បើទោះបីជាលោកមិនដែនស្គាល់អ្វីដែលហៅថា ប្លករ៉ាយនោះក៏ពិតមែន ប៉ុន្តែទោះបីជាយ៉ាងណាក៏ដោយលោកក៏ចង់សាកល្បងនិងចង់ស្គាល់ដែរ ។ លោកបានបញ្ជាក់ថា ” ចេះតែចង់ស្គាល់ហើយ អ្វីដែលថ្មីនិងមានប្រយោជន៍” ។

ពាក់ព័ន្ធនឹងចំណុចនេះ លោកប្រធានក្រុមហ៊ុន អេមរុ រ៉ាយស៍ បានមានប្រសាសន៍ថា ជាការពិតមកដល់ពេលនេះ កសិករកម្ពុជាទូទៅនៅមិនទាន់ស្គាល់ ប្លករ៉ាយនេះទាំងអស់នៅឡើយទេ អ្នកដែលស្គាល់ ភាគច្រើនគឺកសិករជំនាន់ក្រោយ ហើយក្រុមហ៊ុនកំពុងតែសហការជាមួយនឹងក្រុមអ្នកស្ម័គ្រចិត្តដើម្បីធ្វើការផ្សព្វផ្សាយ៕SRP

ខេត្តសៀមរាប៖លោកស្រេង ប្រណី បានបដិសេធទៅនឹងការបង្ហោះព័ត៌មាន របស់ផេករស្មីឧត្តរ ដែលបានផ្សាយព័ត៌មានចោទប្រកាន់រូបលោកថា ពូកែទាលុយពីក្រុមអ្នករកស៊ីបទល្មើសរាប់ពាន់ៗដុល្លារ។

ជុំវិញការបង្ហោះព័ត៌មា​នរបស់ផេករស្មីឧត្តរ កាលពីថ្មីៗនេះ លោកស្រេង ប្រណី បានបកស្រាយថា ខ្ញុំមិនល្អគ្រប់១០ទេ ហើយខ្ញុំធ្វើក៏មិនត្រឹមត្រូវគ្រប់១០ដែរ តែអ្វីដែលខ្ញុំធ្វើខ្ញុំហ៊ានទទួលខុសត្រូវចំពោះមុខច្បាប់ តែលោកឯងវិញសំអាងលើទឹកប៊ិចសរសេរគ្មានការពិតសរទៅជាខ្មៅ ខ្មៅប្រែក្លាយជាសរ ខ្ញុំ ស្រេង ប្រណី សុខចិត្តទទួលទោសតាមច្បាប់ជាធរមាន តែសំណូមពរ គណកម្មការថ្នាក់ជាតិទប់ស្កាត់បទល្មើសធនធានធម្មជាតិចុះស្រាវជ្រាវ ទៅលើឈ្មោះឈឿង ស័ក្កអោយដល់ឬសគល់ ថាតើដូចលោកឯងសរសេរដែរឬយ៉ាងណា ។

លោកស្រេង ប្រណី​ បានបន្តថាខ្ញុំស្រេងប្រណី ដើម្បីកុំអោយសាធារណ:មតិ មានកាយល់ច្រឡំជឿតាមគេហទំព័រដែលសរសេរគ្មានវិជ្ជាជីវ: សរទៅជាខ្មៅ ឧក្រិដជនអោយកម្មកឆ្លងដែនលួចកាប់ឈើដោយខុសច្បាប់ បែជាសសើរ បែជាមកវាយប្រហារអ្នកអនុវត្តច្បាប់ ខ្ញុំសុំស្នើអធិកាកិច្ចថ្នាក់ជាតិចុះស្រាវជ្រាវឈ្មោះឈឿនស័ក័្អ អោយដល់ឬសគល់ អោយដឹងសរខ្មៅ ហើយបើករណីខ្ញុំបានយកលុយគេទាំងពាន់ៗមែន ខ្ញុំនឹងទទួលទោសចំពោះមុខច្បាប់។

លោកស្រេង ប្រណី​បន្តទៀតថាខ្ញុំនឹងបើកវាំងននខ្មៅ នៅពីក្រោយរឿងដែលមេឈ្មួញទុច្ចរិតនៅតំបន់អូរស្មាច់ល្បីខាងបញ្ជូនកម្មករ ទៅលួចឈើធ្នង់ពីទឹកដីថៃ មកលក់អោយខ្លួនចន្លោះថ្ងៃទី២៣ ប៉ូលិសវីរ៩០៥ចាប់បានកូនចៅវាពីនាក់ខ្ញុំនឹងបង្ហាញរូបតាមក្រោយ។សុំអោយមានគណកម្មកាថ្នាក់ជាតិជុះស្រាវជ្រាយរកអោយឃើញថាតើអ្នកណាជាឈ្មួញទុច្ចរិតបញ្ជូនកម្មករ ទៅលួចឈើក្នុងទឹកដីថៃររៀងរាល់ថ្ងៃអោយប្រាកដ។ លោកថា សំរាប់ខ្ញុំឈប់រកស៊ីរបរនេះ១០ឆ្នាំជាងមកហើយ។

លោកស្រេង ប្រណី បានសូមអោយម្ចាស់គេហទំព័ររស្មីឧត្តរ មេត្តាបំភ្លឺជូនសាធារណមតិអោយបានជ្រាបច្បាស់ផង ថាខ្ញុំទទួលលុយពីអ្នកណាទាំងពាន់ៗដុល្លារហើយរកភស្តតាងបញ្ជាក់ផង។ ឈ្មួញឈ្មោះឈឿង ស័ក្ក ហៅអោយខ្ញុំទៅជួបលើភ្នំអូស្មាច់ ខ្ញុំមិនទៅជួបផងទានប្រុស មិនជឿលោកតេជួបផ្ទាល់ទៅបើលោកមិនស្គាល់លេខខ្ញុំអោយលេខទៀត បងប្អូនខាងក្រោមនេះជាលេខមេឈ្មួញឈឿង ស័ក្ក 0976666419 ។

សូមបញ្ជាក់ថាប៉ុន្មានថ្ងៃមកនេះផេកហ្វេសប៊ុកដែលមានឈ្មោះរស្មីឧត្តរ បានបង្ហោះថាលោកស្រេង ប្រណី ទារលុយពីឈ្មួញរាប់ពាន់ដុល្លារនិងបានកាក់រថយន្តមិនរើសមុខជាពិសេសរថយន្តដឹកទំនិញ។ ពាក់ព័ន្ធករណីការបង្ហោះចោទប្រកាន់បែបនេះលោកសូមធ្វើការច្រានចោលទាំងស្រុង។

បណ្ដាញសៀមរាបប៉ុស្ដិ៍ នៅមិនទាន់ទទួលបានការបកស្រាយបំភ្លឺពីលោកឈឿង ស័ក្ក ដែលព័ត៌មានថារូបលោកជាឈ្មួញឈើដ៏សកម្មនៅតំបន់អូរស្មាច់ខេត្តឧត្តរមានជ័យនៅឡើយទេដោយទូរស័ព្ទមិនចូល៕SRP

ខេត្តព្រៃវែង៖បច្ចុប្បន្ននៅក្នុងស្រុកពារាំងកំពុងតែមានការ អភិវឌ្ឍ គួរអោយកត់សំគាល់ដូចជាផ្លូវលំនៅតាមភូមិមួយចំនួនប្រែក្លាយជាផ្លូវចាក់បេតុងជាបន្តបន្ទាប់ដែលមិនធ្លាប់មានពីមុនមក។
ក្នុងនោះដែរ ផ្លូវចូលទៅភូមិពារាំង ឃុំរាប ស្រុកពារាំង ដោយមានលោក ឧកញ៉ា ប៊ុត ចន្ធូ បានសហការគ្នាជាមួយអាឮ
ជ្ញាធរមូលដ្ឋានដើម្បីអភិវឌ្ឍ ពីតំបន់ដែលមានទឹកលិចប្រែក្លាយទៅជាតំបន់មួយដែលមានទីផ្សារល្អដូចនៅតាមបណ្តាខេត្តផ្សេងៗទៀតផងដែរ។

លោក ហា អុិន មេការក្នុងការអភិវឌ្ឍ នៅតំបន់ខាងលើ បានប្រាប់អ្នកសារព័ត៌មានថាក្នុងការអភិវឌ្ឍ នេះគឺមានការស្ថាបនានូវផ្លូវលំមួយខ្សែដែលមានប្រវែង១២០០ម៉ែត្រ ទទឹង៨ម៉ែត្រនឹងត្រូវចាក់បេតុងក្នុងពេលឆាប់ៗខាងមុខនេះមិនតែប៉ុណ្ណោះក៏នឹងមានស្ថាបនាជាស្ពានមួយទៀតឆ្លងពីភូមិពារាំងទៅភូមិស្នាយពល។ ចំណែកប្រឡាយទឹកដែលហូរកាត់ពីភូមិពារាំងពីត្បូងទៅជើង ក៏នឹងត្រូវជីកដាក់លូនឹងធ្វើជាលូស្តុបចំនួន៣កន្លែងទៀតដើម្បីបញ្ចៀសទឹកអោយហូរចូល ស្ទឹងស្នាយពល ទាំងអស់។ លោកថា ធ្វើបែបនេះគឺអាច អភិវឌ្ឍពីតំបន់ដែលលិចទឹក ប្រែក្លាយជាទីផ្សារនឹងមានផ្ទះល្វែង មានភ្លើងបំភ្លឺផ្លូវនៅជុំវិញតំបន់ខាងលើទៀតផង។

ជុំវិញការអភិវឌ្ឍ ខាងលើនេះ ប្រជាពលរដ្ឋ មានការសារទនឹងរីករាយបំផុតព្រោះកន្លងមកនៅតំបន់នេះគឺជាតំបន់មួយដែលលិចទឹក ជារៀងរាល់ឆ្នាំ។ដោយរាល់ពេលដែលទឹកឡើងខ្លាំងម្តងៗពួកគាត់ធ្វើដំណើរឆ្លងកាត់ផ្លូវនេះគឺជិ:ទូកទៅមក ពិបាកក្នុងការធ្វើដំណើរ ទៅផ្សារឬទៅមន្ទីពេទ្យ ។ ក៏ប៉ុន្តែឥឡូវឮថាលោកឧកញ៉ា ប៊ុត ចន្ធូ បានមកសហការជាមួយអាជ្ញាធរ ដើម្បីអភិវឌ្ឍ។ ជាពិសេស លោក ហ៊ី ធួក អភិបាលស្រុកពារាំង បានអភិវឌ្ឍតំបន់នេះគឺពួកគាត់មានការសប្បាយចិត្ត សង្ឃឹមថានឹងមានការអភិវឌ្ឍបន្ថែមទៀត៕SRP

ខេត្តសៀមរាប៖បុរសម្នាក់បានស្លាប់នៅកន្លែងកើតហេតុដោយសារក្រឡាប់គោយន្ត។
ហេតុការណ៍បានកើតឡើងនៅវេលាម៉ោង០៧និង១០នាទីយប់ ថ្ងៃទី០២ខែសីហាឆ្នាំ២០២០នៅចំណុចភូមិដូនអែម ឃុំគោកដូង ស្រុកអង្គរជុំ។
សមត្ថកិច្ចបានឲ្យដឹងថាករណីគ្រោះថ្នាក់ចរាចរណ៍នេះគឺក្រឡាប់គោយន្តឆ្នៃមួយគ្រឿងបណ្តាលឲ្យ ស្លាប់ម្នាក់ ជនរងគ្រោះឈ្មោះចិន ជឿងអាយុ៤២ឆ្នាំរស់នៅភូមិ ករលំ ឃុំតាសោម ស្រុកអង្គរជុំ។ បើតាមសមត្ថកិច្ចមូលហេតុបណ្ដាលមកពីជនរងគ្រោះស្រវឹងស្រា៕SRP

ខេត្តកំពង់ចាម​៖លោក អ៊ុន ចាន់ដា អភិបាលខេត្តកំពង់ចាម បានជំរុញដល់ប្រជាពលរដ្ឋ ឲ្យស្រឡាញ់ និងដាំដើមឈើឲ្យបានច្រើន ដើម្បីលើកកម្ពស់វិស័យទេសចរណ៍ និងទប់ស្កាត់ការប្រែប្រួលអាកាសធាតុ។
ថ្លែងយ៉ាងដូច្នេះ ធ្វើឡើងនៅក្នុងឱកាស លោក រួមជាមួយ លោក ខ្លូត ផន ប្រធានក្រុមប្រឹក្សាខេត្ត និងមន្ត្រីពាក់ព័ន្ធ ដាំដើមឈើ ប្រភេទក្ងោក ប្រមាណជា ៥០០ដើម នៅជុំវិញប្រាសាទនគរបាជ័យ ស្ថិតក្នុងឃុំអំពិល ស្រុកកំពង់សៀម។ រៀបចំដោយរដ្ឋបាល ខេត្តកំពង់ចាម សហការជាមួយមន្ទីរកសិកម្មរុក្ខាប្រម៉ាញ់ និងនេសាទខេត្ត និងមន្ទីរបរិស្ថាន ខេត្តកំពង់ចាម នៅព្រឹកមិញនេះ។
លោកអ៊ុន ចាន់ដា បានមានប្រសាសន៍ថា រមណីយដ្ឋានប្រាសាទនគរបាជ័យ ជារមណីយដ្ឋានប្រវត្តិសាស្ត្រមួយ នៅក្បែរទីក្រុងកំពង់ចាម ត្រូវបានធ្វើអភិវឌ្ឍ ជាបន្តបន្ទាប់ ជាពិសេស ការកែប្រែនូវសោភ័ណភាព ឲ្យស្រស់បំព្រង ដើម្បី ទាក់ទាញភ្ញៀវទេសចរណ៍ជាតិ និងអន្តរជាតិ មកទស្សនាកម្សាន្ត។
យ៉ាងណាម៉ិញ យើងបានកសាងផ្លូវបេតុង១ខ្សែ មានប្រវែងជិត២ពាន់ម៉ែត្រ ដែលជាផ្លូវក្រវ៉ាត់ព័ទ្ធជុំវិញប្រាសាទនគរបាជ័យ។
លោក អ៊ុន ចាន់ដា បញ្ជាក់ដែរថា ដើមក្ងោក ដែលយើងដាំនេះ ជាប្រភេទឈើលំអរ ដែលមានផ្កាពណ៌លឿង បាននាំចូលពីបរទេស តាមរយៈ រដ្ឋមន្ត្រីក្រសួងបរិស្ថាន។ ក្រៅពីនោះ យើងក៏បានដាំនូវប្រភេទឈើប្រណិតផ្សេងៗទៀត នៅក្នុងបរិវេណប្រាសាទនគរបាជ័យផងដែរ។
លោកអ៊ុន ចាន់ដា ក៏រំពឹងថា រមណីយដ្ឋានប្រវត្តិសាស្ត្រមួយនេះ នឹងបានទាក់ទាញភ្ញៀវទេសចរណ៍ជាតិ និងអន្តរជាតិ មកទស្សនាកំសាន្ត យ៉ាងច្រើនកុះករ ជាមិនខានឡើយ បន្ទាប់ពីធ្វើការអភិវឌ្ឍ។ ដូច្នេះត្រូវរួមគ្នា ដាំដើមឈើគ្រប់ប្រភេទ ឲ្យបានច្រើន ដើម្បី បង្កើតនូវគម្របបៃតង។
អភិបាលខេត្ត ក៏បានផ្ដាំផ្ញើ ដល់ប្រជាពលរដ្ឋ រួមសហការ ជាមួយអាជ្ញាធរមូលដ្ឋាន ជួយថែរក្សាសមិទ្ធផលទាំងអស់នេះ ឲ្យបានគង់វង្ស
ដើម្បីរួមចំណែកលើកកម្ពស់ ដល់វិស័យទេសចរណ៍ នៅក្នុងខេត្តកំពង់ចាម ពោលគឺ «អេកូទេសចរណ៍ ផ្សាភ្ជាប់ជាមួយនឹងវប្បធម៌ធម្មជាតិ» ដែលជាគោលដៅសក្ដានុពល សម្រាប់ភ្ញៀវមកទស្សនា លើទឹកដីខេត្តកំពង់ចាម ម្ដងហើយ ម្ដងទៀត៕SRP

ខេត្តសៀមរាប៖សេចក្ដីរាយការណ៍បានឲ្យដឹងថាបុរសម្នាក់បានស្លាប់ នៅក្នុងថ្លុកឈាម ដោយសារអារប្រដាប់ភេទ ខ្លួនឯង។
ហេតុការណ៍បានកើតឡើងនៅវេលាម៉ោង១១និង៣០នាទី ថ្ងៃទី០២ ខែសីហា ឆ្នាំ២០២០ នៅចំណុចក្រុមទី៧ ភូមិស្លក្រាម សង្កាត់ស្លក្រាម ក្រុងសៀមរាប ខេត្តសៀមរាប។
សមត្ថកិច្ចបានឲ្យដឹងថាបុរសនេះសង្ស័យបែកថ្នាំបានអារប្រដាប់ភេទ និងកាត់ដៃខ្លួនឯងបណ្ដាលឱ្យស្លាប់នៅនឹងកន្លែង។
បើតាមប្រភពពីអ្នកជិតខាងបានឱ្យដឹងថា បុរសដែលស្លាប់ខាងលើមានឈ្មោះ ញ៉ាញ់ ភេទប្រុស អាយុ២៦ឆ្នាំ មុខរបរ កម្មករលើកឪឡឹកនៅផ្សារសាមគ្គី ក្រុងសៀមរាប។
ក្នុងហេតុការណ៍ ក៏បណ្ដាលឱ្យនគរបាលប៉ុស្តិ៍ស្លក្រាមម្នាក់រងរបួស ពេលចុះមកអន្តរាគមន៍។
បើតាមការសន្និដ្ឋាន ជនរងគ្រោះអាចបណ្ដាលមកពីបែកថ្នាំ៕SRP

ខេត្តកំពង់ចាម៖នគរបាលខេត្តកំពង់ចាម បានចាត់ទុកការបង្ហោះព័ត៌មានរបស់
facebook ហ៊ុន​ ម៉ាលីនី​ ជាព័ត៌មានមិនពិត។
ក្រុមប្រតិកម្មរហ័ស​ នៃស្នងការដ្ឋាននគរបាលខេត្តកំពង់ចាម​ សូមជម្រាប​ដល់សាធារណជន​ និងអ្នកនិយមប្រេីប្រាស់​ នូវបណ្ដាញទំនាក់ទំនងសង្គម​ facebook ទាំងអស់ឲ្យបានជ្រាបថា៖មានគណនី facebook ឈ្មោះ​ ហ៊ុន​ ម៉ាលីនី​ បានបង្ហោះ​ខ្លឹមសារ​ថា​ “មេីលមុខប៉ូលិសគ្រឿងញៀនស្រុកស្ទឹងត្រង់ ឃុបឃិត​ដោះលែងជនល្មេីសជាថ្នូរនឹងលុយ​៧០០$ គាត់ឈ្មោះបូរី​,​ លោកពូស្នង​ការប៉ូលិសខេត្តជួយស៊េីបអង្កេតផង បេីប៉ូលិសពុករលួយ មានទោស​ ឫទេចា៎​ ?”​

សូមបញ្ជាក់​ថា ក្រោយទទួលបានព័ត៌មាននេះភ្លាម​ នៅព្រឹក​ថ្ងៃទី០១​ ខែសីហា​ ឆ្នាំ​២០២០​ លោកឧត្តមសេនីយ៍ទោ​ ឯម​ កុសល​ ស្នងការខេត្ត​កំពង់ចាម​ បានបញ្ជា​ឲ្យ​កម្លាំង​ជំនាញខេត្ត​ និងកម្លាំងជំនាញអធិការដ្ឋាននគរបាលស្រុកស្ទឹងត្រង់​ធ្វេីការស្រាវជ្រាវលេីករណីខាលេីនេះ​ ដោយកម្លាំងជំនាញរបស់យេីងបានសុំការ​សហការពី​ឈ្មោះ​ អាត ម៉ារីណា​ ភេទស្រី​ អាយុ​២៨ឆ្នាំ​ មានទីលំនៅភូមិបឹងកេតក្រោម​ ឃុំព្រែកកក់​ ស្រុកស្ទឹងត្រង់​ ខេត្ត​កំពង់ចាម​ ​ដែលមានគណនី​ facebook ឈ្មោះ​ លីន​ ណា​ ដែលរងការចោទប្រកាន់ពាក់ព័ន្ធ និងករណីបទល្មេីសគ្រឿងញៀន​ បានមកបំភ្លឺនៅអធិការដ្ឋាននគរបាលស្រុកស្ទឹងត្រង់ថា​ រូបនាង​ (​ អាត​ ម៉ារីណា​ )​ សូមធ្វេីការបដិសេធទាំងស្រុង​ចំពោះ​ខ្លឹមសារ​ដែលគណនី​ facebook ឈ្មោះ​ ហ៊ុន​ ម៉ាលីនី​ បានបង្ហោះ​នោះ​ គឺជាការប្រឌិតដែលមានចេតនា​បំផុសបំផុល​ ព័ត៌មាន​មិនពិត ក្នុងរូបភាពចង់បរិហាកេរ្តិ៍ចំពោះរូបនាង​ និងបងប្រុសបង្កេីតរបស់ខ្លួន​ ឈ្មោះ​ ហ្វា​ ។

បន្ទាប់​ពីការបំភ្លឺរបស់​ឈ្មោះ​ អាត​ ម៉ារីណា​ (​ facebook ឈ្មោះ លីន​ ណា​ )​ បានដាក់ពាក្យបណ្ដឹង​ និងសំណូមពរដល់សមត្ថកិច្ច​ ជួយស្រាវជ្រាវរក​គណនី​ facebook ឈ្មោះ​ ហ៊ុន​ ម៉ាលីនី​ ដេីម្បីចាត់ការផ្លូវច្បាប់ផងដែរ​ ។

ក្រុមប្រតិកម្មរហ័ស​ នៃស្នងការដ្ឋាននគរបាលខេត្តកំពង់ចាម​ សូមជម្រាប​ដល់សាធារណជន​ និងអ្នកនិយមប្រេីប្រាស់​នូវបណ្ដាញទំនាក់ទំនងសង្គម​facebook​ សូមបញ្ជាក់​ថា​ ឈ្មោះ​ អាត​ម៉ារីណា​ (​ លីន​ ណា​ )​ និងឈ្មោះហ្វា​ គឺពុំដែលពាក់ព័ន្ធ​ និងការបង្រ្កាបករណីប្រេីប្រាស់​ ឬចែកចាយនូវសាធាតុញៀនខុសច្បាប់ពីមុនមកឡេីយ​ ។

សមត្ថកិច្ច​យេីងខ្ញុំ​ និងធ្វើ​ការ​ស្រាវជ្រាវ​រក អត្តសញ្ញាណ​បុគ្គល​ដែលបង្ហោះ​ ពាក់ព័ន្ធ​និងករណីខាងលេី​នេះ​មកបំភ្លឺ​ និងដេីម្បីកសាងសុំណុំរឿង​តាមនីតិវិធីច្បាប់​ ព្រោះការបង្ហោះខ្លឹមសារបែបនេះ​ ធ្វេីឲ្យមានការ​យល់ច្រឡំ​​ពីសំណាក់សាធារណជនមួយចំនួន​ ដែលមិនមានមូលដ្ឋានច្បាស់លាស់​ និងធ្វើឲ្យរងការប៉ះពាល់ដល់កិត្តិយស​ មន្រ្តី​នគរបាល​ជាតិ​ ក៏ដូចជាអង្គភាពស្នងការដ្ឋាននគរបាលខេត្តកំពង់ចាមយេីងខ្ញុំ​ និងប៉ះពាល់កិត្តិយសបុគ្គលដែលមិនបានប្រព្រឹត្តបទល្មេីស ផងនោះ​ដែរ​៕SRP

ខេត្តកំពង់ចាម​៖លោក​ អ៊ុន ចាន់ដា អភិបាលខេត្តកំពង់ចាម​ នៅថ្ងៃទី​៣១​ ខែកក្កដាម្សិលមិញ បានដឹកមន្ត្រីជំនាញពាក់ព័ន្ធ ចុះពិនិត្យការងារបង្កបង្កើនផលស្រូវវស្សា នៅភូមិប្រវ៉ាស់ ឃុំបឹងណាយ ស្រុកព្រៃឈរ ដែលកំពុងប្រមូលផលប្រមាណ៥១២ហិកតា​ ដោយ​តំបន់នេះ​ប្រេីប្រាស់​ប្រភពទឹក​ចេញ​ពី​អាងទឹកឆា។
លោកអ៊ុន ចាន់ដា កក៏បានបន្តពិនិត្យផ្ទៃដីរងផលប៉ះពាល់នៅភូមិឈូក ឃុំគោករវៀង ស្រុកជើងព្រៃ ដែលបច្ចុប្បន្នកំពុងរងផលប៉ះពាល់ ចំនួន៩៤ហិចតា ដោយសារនៅក្នុងភូមិសាស្រ្តនេះពុំ​មាន​ប្រភពទឹកសម្រាប់ស្រោចស្រព។
ក្នុងដំណើរចុះពិនិត្យស្រូវរបស់កសិករ លោកអ៊ុន ចាន់ដា បានជម្រុញលើកទឹកចិត្តដល់ ប្រជាកសិករឲ្យបន្តខិតខំធ្វើការបង្កបង្កើនផលដាំដំណាំស្រូវ និងដំណាំរួមផ្សំផ្សេងៗ ដើម្បីជួយទ្រទ្រង់ដល់ជីវភាពគ្រួសារឲ្យកាន់តែល្អប្រសើរ។ ចំពោះ​តំបន់ដែលរងផលប៉ះពាល់ លោក​ បានធ្វើការណែនាំដល់មន្ទីរជំនាញ ឲ្យធ្វើការសិក្សាលើកជាគម្រោងកសាងប្រព័ន្ធធារាសាស្ត្រ ដើម្បីបង្កលក្ខណៈ​ ងាយស្រួលជូនដល់ប្រជាពលរដ្ឋ៕SRP

ខេត្តកំពង់ចាម៖លោក អ៊ុន ចាន់ដា អភិបាលខេត្តកំពង់ចាម នៅព្រឹកមិញ បាន​អញ្ជើញ​ចុះពិនិត្យតំបន់អភិរក្ស​
រមណីយ៍ដ្ឋាន​ក្បាល​ទឹក​(ទឹក​ឆា​)ស្ថិតក្នុងព្រំប្រទល់ឃុំក្រូច និង​ឃុំបឹងណាយ ស្រុកព្រៃឈរ និងឃុំសំព័រ ស្រុកចំការលើ ដើម្បីរៀបចំសណ្តាប់ធ្នាប់ កែលម្អសោភ័ណភាព និងកំណត់ទីតាំងព្រំប្រទល់ តំបន់រមណីយ៍ ដ្ឋានឲ្យបានច្បាស់ ព្រមទាំង​ចុះពិនិត្យការបង្ករបង្កើនផលដំណាំស្រូវ នៅឃុំបឹងណាយ ស្រុក​ព្រៃឈរ​ផងដែរ​។
លោក​​ អ៊ុន​ ចាន់ដា​ បាន​ធ្វើ​ការ​ណែនាំ​ដល់​អាជ្ញាធរ​ពាក់ព័ន្ធ​ ត្រូវ​បិទ​ការ​ឆ្លង​ចូល​តំបន់​ហាមឃាត់​ ដែល​ជា​ប្រភព​ទឹក​ផុស​ ព្រោះ​វា​អាច​នាំ​ឲ្យ​មាន​ការ​រាំងស្ទះ​ដល់​ចរន្ត​ទឹក​ផុស​ចេញ​ពី​ដី​ ហើយ​ក៏​អាច​ប៉ះពាល់​ដល់​ការ​បង្កបង្កេីន​ផល​លេី​ដំណាំ​របស់​ប្រជាពលរដ្ឋ នៅ​តំនៅតំបន់ខាងក្រោម។
គួរ​បញ្ជាក់​ថា រមណីយដ្ឋាន​ទឹក​ឆា​ មានទេសភាពស្អាត ដោយ​មានខ្សែទឹក ផុសព្រុចៗ ផុសចេញពីក្នុងដីថ្លាឈ្វេង ត្រជាក់ស្រេប ជម្រៅត្រឹមកំភួនជើង កំពុង ក្លាយជាទីឋានកម្សាន្ដពេញនិយមបំផុត មួយនៅក្នុងទឹកដីក្រហមនៃខេត្ដកំពង់ចាម ។ ក្បាលហុងទឹករមណីយដ្ឋាន ចុះបញ្ជីក្នុង ឆ្នាំ២០១១ គឺជាទឹកផុសត្រជាក់ ដែល ជ្រាបចេញពីប្រភពអាងស្ដុកទឹកថ្មដា ស្ថិតក្នុងឃុំបឹងណាយ ស្រុកព្រៃឈរ ចម្ងាយ ប្រមាណជាង៣០គីឡូម៉ែត្រ ពីក្រុងកំពង់ចាម ទទួលភ្ញៀវ រាប់រយនាក់រៀងរាល់ថ្ងៃ ដោយ
ចំនួនបានកើនឡើងរាប់ពាន់ក្នុងរដូវ បុណ្យទាន។
ជាមួយ​គ្នានោះ​ រដូវបុណ្យទាន មនុស្សមកលេងទីនេះ ពាសពេញគ្រប់ ទីកន្លែង។ ប៉ុន្ដែបើទោះបីជាភ្ញៀវទេសចរ មកកម្សាន្ដរមណីយដ្ឋាននេះយ៉ាងណាក្ដី ក៏ភាគច្រើនពួកគេគ្រាន់ តែងមកអង្គុយ ក្នុងក្យូស ទទួលទានអាហារថ្ងៃត្រង់ ខណៈ ភ្ញៀវមួយចំនួនត្រូវដើរទៅកាន់ប្រភពទឹកផុសព្រុចៗ ចេញពីក្នុងដីគួរឲ្យក្បង់ ស្រោចប្រាណ។ ចំពោះបញ្ហាភ្ញៀវឈូឆរទៅជ្រំ ប្រភពក្បាលទឹក មជ្ឈដ្ឋានមួយចំនួនបានចោទថា ទង្វើនេះ បង្កឲ្យផ្ទៃ ទឹកស្ងប់ អត់ហូរ និងល្អក់ កខ្វក់ នៅផ្នែកខាងក្រោម ដែលជះ ក្លិនអសោចដល់ភ្ញៀវទេសចរ៕SRP