ខេត្តឧត្ដរមានជ័យ៖លោកឧត្តមសេនីយ៍ត្រី ហួត សុធី ស្នងការនគរបាលខេត្ត នៅព្រឹកថ្ងៃទី ២៦ ខែ ធ្នូ ឆ្នាំ ២០២០ នេះ បានប្រគល់ថវិកាសមាគមមិត្តនគរបាលជាតិ ចំនួន 24,០០០,០០០ រៀល(ម្ភៃបួនលានរៀលគត់) ជូនដល់គ្រួសារសព ចំនួន០៤គ្រួសារ។

ពិធីនេះធ្វើនៅស្នងការនគរបាលខេត្តឧត្ដរមានជ័យ ដោយមានការចូលរួមពី លោក នាយ-នាយរងការិយាល័យបុគ្គលិក នាយ-នាយរងផ្នែក និងក្រុមគ្រួសារ នៃសពមិត្តនគរបាលជាច្រើនរូប។

នាឱកាសនោះផងដែរ លោកស្នងការ ក៏បានសំណេះសំណាល និងពាំនាំនូវប្រសាសន៍ផ្តាំផ្ញើសួរសុខទុក្ខ ពីសំណាក់ថ្នាក់ដឹកនាំ លោកនាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ចូលរួមជួយលើកទឹកចិត្តដល់ក្រុមគ្រួសារ និងសម្តែងនូវការសោកស្តាយចំពោះបងប្អូនមិត្តនគរបាល ដែលបានពលីក្នុងបុព្វហេតុបំរើជាតិមាតុភូមិផងដែរ៕SRP

ខេត្តឧត្ដរមានជ័យ៖បុរសម្នាក់ ត្រូវបានប៉ូលិសខេត្តឧត្តរមានជ័យ ឃាត់ខ្លួននិងបញ្ជូនទៅតុលាការ ដើម្បីអនុវត្តតាមផ្លូវច្បាប់ ពាក់ព័ន្ធករណី កត់ឆ្នោត ល្បែងស៊ីសង ឆ្នោតយួន។

លោកឧត្តមសេនីយ៍ទោ ហួត សុធី ស្នងការប៉ូលិស ខេត្តឧត្តរមានជ័យ បានឲ្យដឹងនៅព្រឹកថ្ងៃទី ២៦ ខែធ្នូ នេះថា៖ ក្រោយពីបានឃើញ បណ្ដាញព័ត៌មាន ចុះផ្សាយព័ត៌មានករណី ល្បែងស៊ីសង ឆ្នោតខុសច្បាប់ នៅស្រុកអន្លង់វែង ជាញឹកញាប់។

លោកឧត្តមសេនីយ៍ទោ ហួត សុធី បន្តថានៅថ្ងៃទី ២៥ ខែ ធ្នូ ឆ្នាំ២០២០ លោកបានចេញបញ្ជាអោយ កម្លាំងអធិការដ្ឋាននគរបាល ស្រុកអន្លង់វែងស្រាវជ្រាវ នឹងបង្ក្រាបល្បែងស៉ីខុសច្បាប់(ឆ្នោតយួន) ០១ករណី នៅភូមិអូរស្រម៉ ឃុំត្រពាំងតាវ ស្រុកអន្លង់វែង ដោយឃាត់ខ្លួនមនុស្សម្នាក់។

ជនសង្ស័យមាន ឈ្មោះ ចែម វេហា អាយុ ៣៤ ឆ្នាំ រស់នៅភូមិ ឃុំ ខាងលើ។

ដកហូតវត្ថុតាងរួមមាន៖ ក្រដាកត់លេខឆ្នោត ១១ សន្លឹក, សៀវភៅកត់លេខឆ្នោត ១ក្បាល, ស៉ីមីពណ៌ខ្មៅ០១, ប្រាក់រៀលចំនួន ១៥៩,៧៥០០៛ (មួយលានប្រាំសែនប្រាំបួនម៉ឺនប្រាំពីរពាន់ប្រាំរយរៀលគត់),
ទូរស័ព្ទ១គ្រឿង, ប៉ិច០៣ដើម, ហ្វឺតទឹកពណ៌លឿង១ដើម,បន្ទាត់ជ័រ១,កាស្យូម៉ាកCASIOពណ៌ខ្មៅ ១,ម៉ាស៉ីនឆ្នោតកីឡាជាតិពណ៌ខ្មៅ១ និងកាបូបស្ពាយចំហៀង១៕SRP

ខេត្តព្រះវិហារ៖រថយន្តធុនធំ មួយគ្រឿង ដឹកឈើផ្ទះចាស់ ត្រូវបានសមត្ថកិច្ច ចម្រុះ ខេត្តព្រះវិហារ បង្ក្រាបបាន។

ការចាប់នេះធ្វើឡើងនៅយប់ទី២៥ខែធ្នូ ឆ្នាំ២០២០ វេលាម៉ោង១០ ស្ថិតត្រង់ចំណុច ភូមិឯកភាព ឃុំប៉ាលហាល ក្រុងព្រះវិហារ ខេត្តព្រះវិហារ ដឹកនាំដោយលោក ឆេញ សេង រងខណ្ឌ រដ្ឋបាលព្រៃឈើ ព្រះវិហារ នឹងផ្នែករដ្ឋបាលព្រៃឈើត្បែង រួមនឹងសង្កាត់រដ្ឋបាលព្រៃឈើត្បែង សហការ ជាមួយកម្លាំង កងរាជអាវុធហត្ថខេត្ត នគបាលក្រុង។

មន្ត្រីរដ្ឋបាលព្រៃឈើបានអះអាងថារថយន្តខាងលើម៉ាក វេអង ដឹកផ្ទះចាស់ មួយគ្រឿងពាក់ស្លាកលេខ 3A 3927 កំពង់ចាម ពណ៌ទឹក ប៊ិច ដឹកចេញ ពីស្រុកជាំក្សាន្ត ឆ្ពោះទៅខេត្តតាកែវ។ ម្ចាស់រថយន្ត ឈ្មោះ សែម វិរះ នឹងប្រពន្ធឈ្មោះ ញ៉ធីតា រស់នៅ ភូមិតារេនជោ ឃុំអង្កាញ់ស្រុក ទ្រាំងខេត្តតាកែវ។ ដោយមានការសង្ស័យថា រថយន្តនេះ មានបង្កប់នូវឈើថ្មី ឬឈើ ទ្រាំទឹក បន្លំធ្វើជាឈើចាស់។

សុំជម្រាបថារថយន្ត ត្រូវបាន នាំយកទៅរក្សាទុកនៅផ្នែករដ្ឋបាលព្រៃឈើត្បែង ដើម្បីធ្វើការវាស់វែងនៅថ្ងៃទី២៦ ខែធ្នូនេះ៕SRP

ខេត្តសៀមរាប៖លោក ពិន ប្រាកដ​ និងលោក​ ង៉ាន់ ភិរុណ អភិបាលរងខេត្ត និងជាតំណាង លោកទៀ សីហា អភិបាលខេត្ត នៅថ្ងៃសុក្រ ទី២៥ ខែធ្នូ​ ឆ្នាំ២០២០ នេះ បានដឹកនាំ កិច្ចប្រជុំពិភាក្សា លើការងារ ផ្តល់សេវា កិច្ចសន្យា ការពារបរិស្ថាន សម្រាប់គម្រោងអាជីវកម្មធនធានរ៉ែ សំណង់គ្រប់ប្រភេទ ក្នុងភូមិសាស្រ្តខេត្តសៀមរាប។

កិច្ចប្រជុំនេះមានការអញ្ជេីញចូលរួមពីលោកប្រធានមន្ទីររ៉ែ មន្ទីរបរិស្ថាន មន្ទីរដែនដី​​ មន្ទីរសាធារណការនឹង​ដឹកជញ្ជូន ព្រមទាំងអាជ្ញធរ​ ក្រុង​ ស្រុក ទាំង១២ ផងដែរ។

មានប្រសាសន៍ក្នុងឱកាសនោះដែរ លោក ង៉ាន់ ភិរុណ បានសំណូមពរដល់មន្ទីរពាក់ព័ន្ធមួយចំនួនដូចខាងក្រោម៖
១-ត្រូវឲ្យមានការកំណត់តំបន់ ឬទីតាំងហាមឃាត់ ការធ្វើអាជីវកម្មសិប្បកម្មធនធានរ៉ែគ្រប់ប្រភេទ ដែលបានត្រូវកំណត់​ដោយ​​មន្ទីរបរិស្ថាន ឬមន្ទីររ៉ែ និងថាមពល ដែលមិនទាន់មានឯកសារជាលាយលក្ខណ៍អក្សរ និងផែនទីជាក់លាក់។
២-មន្ទីរ​ អង្គភាពពាក់ព័ន្ធ គួរសហការក្នុងការចុះធ្វើអធិការកិច្ច ត្រួតពិនិត្យ​ និងតាមដានការ​អនុវត្ត​របស់ម្ចាស់អាជីវកម្មឲ្យស្របតាមគោលការណ៍បច្ចេកទេសដែលបានកំណត់
៣-គួរមានការកំណត់ចំនុចនិយាមការទីតាំងស្នើសុំរបស់គម្រោងអាជីវកម្មរួម ដើម្បីផ្ទៀងផ្ទាត់លើ​ប្រតិបត្តិការ​អាជីវកម្មរបស់ម្ចាស់គម្រោង។​
៤-មន្ទីរ​ អង្គភាពពាក់ព័ន្ធ គួរតែកំណត់តំបន់ដែលមិនអនុញ្ញាតឲ្យមានអាជីវកម្មជីកអាចម៍ដី ជារណ្តៅចល័ត ឲ្យបានច្បាស់លាស់ និងមានការឯកភាពពីរដ្ឋបាលខេត្ត ដើម្បីជាមូលដ្ឋានក្នុង​ការផ្តល់ព័ត៌មាន​ទៅអាជីវករនៅអង្គភាពច្រកចេញចូលតែមួយ។
៥-អង្គភាពច្រកចេញចូលតែមួយ គួរតែមានការណែនាំឲ្យម្ចាស់អាជីវកម្មឲ្យរៀបចំកិច្ចសន្យា​ការពារបរិស្ថានដែលមានការឯកភាព ដោយមន្ទីរបរិស្ថានខេត្តដើម្បីជាមូលដ្ឋាន​សម្រេច​ក្នុង​ការផ្តល់អាជាបណ្ណផងដែរ៕SRP

ខេត្តបាត់ដំបង៖លោក ណុប ដារ៉ា អភិបាលរងខេត្តបាត់ដំបង នៅរសៀលថ្ងៃទី២៥ ខែធ្នូ ឆ្នាំ២០២០ បានចាត់តាំង ឲ្យ លោកអនុសេនីយ៍ឯក ហុង គឹមលាង ក្រុមការងារ នាំយកថវិកា ចូលបុណ្យសព ដែលគ្រោះថ្នាក់ចរាចរណ៍ ស្លាប់ចំនួន៨នាក់។ ក្នុងនោះមួយសព ទទួលបានថវិកា ១០ម៉ឺនរៀល ចំនួន ៨សព។ ចំពោះសពដែលក្រីក្រគ្មានថវិកា ទិញមឈូស សម្រាប់ដាក់ លោកណុប ដារ៉ា បានឧបត្ថម្ភ មឈូស ចំនួន៧ បន្ថែមទៀត។

សូមបញ្ជាក់ថា នៅពីយប់ថ្ងៃទី ២៤ ខែធ្នូ ឆ្នាំ២០២០ វេលាម៉ោង ២១និង២០ នៅចំណុចភូមិពពាល ខែឃុំអូរតាគី ស្រុកថ្មគោល មានគ្រោះថ្នាក់ចរាចរណ៍ មួយកើតឡើងរវាង រថយន្តតូចនិងរថយន្តដឹកទឹកកក បណ្ដាលឲ្យស្លាប់មនុស្សចំនួន ៨នាក់ នឹងរបួស ៣នាក់ ហើយសពទាំង ៨នាក់ ត្រូវបានតម្កល់ធ្វើបុណ្យនៅក្នុង វត្តអូរតាគី ស្រុកថ្មគោល ខេត្តបាត់ដំបង នឹងធ្វើពិធីបូជានៅក្នុងរាត្រីនេះផងដែរ។

ក្នុងនាមជាក្រុមគ្រួសារសព៨នាក់ បានលើកម្រាមដៃដប់ សូមថ្លែងអំណអគុណយ៉ាងជ្រាលជ្រៅ ចំពោះលោកណុបដារ៉ា អភិបាលរងខេត្តបាត់ដំបង ដែលតែងតែមានចិត្តសប្បុរសធម៌ ជួយទៅដល់ប្រជាពលរដ្ឋ ដែលរងទុក្ខលំបាកជានិច្ច។ ទោះបីលោកមិនបានចុះមកផ្ទាល់ក្តី ក៏បានចាត់ឲ្យក្រុមការងារទៅចូលរួមយ៉ាងសកម្មបំផុតផងដែរ៕SRPដោយប៊ុនថេត

ខេត្តព្រៃវែង៖ជុំវិញរថយន្តដឹកដី ដោយគ្មានសណ្តាប់ធ្នាប់ របស់ឈ្មោះ «ឃាង» នៅភូមិ ស្នាយពល ឃុំរកា ស្រុកពារាំង ខេត្តព្រៃវែង អាជ្ញាធរបានព្រមានចាត់វិធានការ តាមផ្លូវច្បាប់ បើនៅតែ មិនគោរព តាមការណែនាំ។

សេចក្ដីរាយការណ៍បានឲ្យដឹងថា បើទោះបីអាជ្ញាធរស្រុក ធ្លាប់ហៅមកប្រជុំណែនាំយ៉ាងណាក៏ដោយ ក្រុមរថយន្តដឹកដី ទាំងនេះនៅតែផ្គើន ដឹកដោយគ្មានសណ្តាប់ធ្នាប់ ដដែល ហាក់បីដូចជា មិនញញើតនឹងគោរពតាមការណែនាំរបស់អាជ្ញាធរនោះទេ។

ប្រជាពលរដ្ឋ បានលើកឡើងថា ក្រុមរថយន្តដឹកដីទាំងនេះ តែងតែដឹកជញ្ជូន.យ៉ាងអាណាធិបតេយ្យ ដោយគ្មានគ្រប និងដាក់សន្ទះ អោយបានត្រឹមត្រូវឡើយ ពោលធ្វើអោយធ្លាក់ដីរាយប៉ាយពេញផ្លូវតែម្ដង។ ចំណែករថយន្តវិញភាគច្រើន ជារថយន្តកែឆ្នៃ ជាហេតុ ធ្វើអោយពួកគាត់មានការព្រួយ បារម្ភ រាល់ការធ្វើដំណើរ
ផងដែរ។

ជុំវិញការលើកឡើងរបស់ពលរដ្ឋ លោក នេត នឿន មេឃុំរកា បានបញ្ជាក់ថា៖ តាមពិតក្រុមរថយន្តដឹកដីទាំងនេះ ខាងអាជ្ញាធរឃុំ ស្រុក ធ្លាប់បានហៅ ម្ចាស់រថយន្ត មកប្រជុំណែនាំជាច្រើនដងមកហើយ កាលពីពេលថ្មីៗនេះ។តែក្រុមរថយន្តដឹកដីទាំងនេះ នៅតែមិនស្តាប់។ បើនៅតែមិនស្តាប់ទេ ខាងអាជ្ញាធរនឹងមានវិធានការទៅលើក្រុមនេះហើយ។

ដោយឡែក លោក ហុង ដានី ប្រធានការិយាល័យសារធារណការស្រុក បានបញ្ជាក់ ថា៖ កាលពីថ្ងៃទី១៣ ខែធ្នូ ឆ្នាំ២០២០ ខាងអាជ្ញាធរស្រុក បានហៅក្រុមរថយន្តដឹកដីទាំងនេះ មកប្រជុំធ្វើការណែនាំរួចហើយ តែពួកគេនៅតែមិនស្តាប់។ បើនៅតែរបៀបនេះទៀត លោកនឹងសុំគោលការណ៍ពីខាងលោកអភិបាលស្រុក ដើម្បីធ្វើការផាកពិន័យ តាមផ្លូវច្បាប់ហើយ។

ទោះជាយ៉ាងណា លោក ហ៊ី ធួក អភិបាលស្រុកពារាំង មិនទាន់ឆ្លើយតប នៅឡើយទេចំពោះបញ្ហានេះ។ ករណីរថយន្ត ដឹកដី នេះ ប្រជាពលរដ្ឋ កំពុងរងចាំមើល ចំណាត់ការរបស់ អាជ្ញាធរ នឹងសង្ឃឹមថាវិធានការជាក់ជាមិនខាន៕SRPសូ សុខា

ខេត្តសៀមរាប៖នៅខណ:ពេលម៉ោងជិត៥ល្ងាច ថ្ងៃទី២៥ ខែធ្នូ ឆ្នាំ២០២០នេះ កម្លាំងនគរបាល ចម្រុះខេត្តសៀមរាប បានកំពុងបង្រ្កាប នូវទីតាំងអត់ច្បាប់ របស់ «ស្រីនាងសម្រស់ធម្មជាតិ» ប្រឹក្សា និងនិងលក់ផលិតផលសម្រស់ធម្មជាតិ។

ទីតាំងកំពុងត្រួតពិនិត្យនេះ ស្ថិតនៅផ្លូវលោកតាណឺយ ក្រុងសៀមរាបខេត្តសៀមរាប។

បើតាមសមត្ថកិច្ច នៅកន្លែងត្រួតពិនិត្យ បានឲ្យដឹងព័ត៌មានបឋមថា៖ ករណីទី១ ការបើកអាជីវកម្ម ពុំទាន់មានលិខិតអនុញ្ញាត។ សម្លេងមន្ត្រីមន្ទីរសុខាភិបាលខេត្តសៀមរាប៖

ទោះយ៉ាងណា ម្ចាស់ទីតាំងត្រូវបានសមត្ថកិច្ចនាំខ្លួន យកទៅសាកសួរបន្ថែមផងដែរ៕SRP

ខេត្តសៀមរាប៖អ្នកភូមិនៅស្រុកអង្គរធំ នៅតែបន្តបិទផ្លូវ មិនឲ្យរថយន្តធុនធំ របស់ក្រុមហ៊ុន កាយថ្ម ធ្វើចរាចណ៍ ដោយហេតុថាបានបង្កឲ្យហុយដីខ្លាំងពេក។ ករណីនេះ ពលរដ្ឋ បានលើកឡើងថា អាជ្ញាធរស្រុកហាក់មានភាពកំសោយ ជាមួយក្រុមហ៊ុន។

ហេតុការណ៍បន្តបិទផ្លូវនេះ នៅវេលាម៉ោង៧និង០០នាទី  ថ្ងៃទី២៥ ខែធ្នូ ឆ្នាំ២០២០ នៅចំណុចមុខវត្តព្រៃព្រះមាន ស្ថិតនៅភូមិពាក់ស្នែងថ្មី ឃុំពាក់ស្នែង ស្រុកអង្គរធំ ខេត្តសៀមរាប។

ប្រភពពីពលរដ្ឋថា ការនាំគ្នាបិតផ្លូវមួយខ្សែ នេះ ដោយកន្លងមកឡានធំធ្លាប់ដឹកថ្មពីឃុំគោកដូង ស្រុកអង្គរជុំ យកទៅ ក្រុងសៀមរាប​ ហើយ​បានធ្លាប់ធ្វើកិច្ចសន្យា មួយដងរួចមកហើយ ​ឆ្លងកាត់ ស្រុកអង្គរធំ ដែលឆ្លងកាត់៣ឃុំក្នុងនោះមានឃុំជប់តាត្រាវ ឃុំពាក់ស្នែង និងឃុំលាងដៃ មានចម្ងាយ ដែលប៉ះពាល់ជាង២០គីឡូម៉ែត្រ។ ដោយការដឹកជញ្ជូន ថ្ម មិនមានការស្រោយទឹកនោះទេ។

ពលរដ្ឋបានបញ្ជាក់ថា មូលហេតុ ដែលប្រជាពលរដ្ឋ បិតផ្លូវគឺដីហុយ និងផ្លូវខូច ព្រមទាំងបើកលឿនពេក។ ដោយពួកគាត់បានសំណូមពរ សុំអោយក្រុមហ៊ុន បាញ់ទឹក និងជួសជុលនិងបន្ថយល្បឿន ផងដែរ។

សូមបញ្ជាក់អាជ្ញាធរស្រុកអង្គរធំ កាលពីថ្ងៃទី២២ ខែធ្នូ ឆ្នាំ២០២០ លោក សំ សៅ អភិបាលរងស្រុក តំណាង លោក ឡុង រដ្ឋារក្ស     អភិបាលស្រុកអង្គរធំ  លោកនាយករដ្ឋបាល និងសហការី កងកម្លាំង មេឃុំពាក់ស្នែង បានចុះជួប ពលរដ្ឋ ក្នុងឃុំពាក់ស្នែង  ក្នុងការសម្រុះសម្រួល ករណី ពួកគាត់បានបិទផ្លូវ មិនអោយក្រុមហ៊ុនធ្វើអាជីវកម្មដឹកថ្ម ឆ្លងកាត់លើបណ្តោយផ្លូវ 2SR2 ក្នុងភូមិសាស្ត្រស្រុកអង្គរធំ ដោយលើកឡើងសំណូមពរ៣៖

១.សូមអោយក្រុមហ៊ុនស្រោចទឹក តាមបណ្តោយផ្លូវ

២.សូមបើកបរដោយបន្ថយល្បឿន

៣.សូមមានការជួសជុលផ្លូវឡើងវិញ។

ការសម្របសម្រួល គឺលោក សួន សុភាព តំណាងក្រុមហ៊ុន  ជានចុងវ៉ាង សន្យា

១.ជួសជុលផ្លូវឡើងវិញ

២.ស្រោចទឹកយ៉ាងតិច៣ដងក្នុង១ថ្ងៃ នឹងចាប់ផ្តើមអនុវត្ត ថ្ងៃទី២៤ខែធ្នូ ឆ្នាំ២០២០

៣.ពេលបើកបរបន្ថយល្បឿន។

ក្រោយការសម្រុះសម្រួល ត្រូវ បានបញ្ជប់ ប្រជាពលរដ្ឋ បានបើកផ្លូវអោយមានរថយន្ត ចរាចរណ៍ឡើងវិញ។

បើតាមពលរដ្ឋ បានបញ្ជាក់ថាកន្លងទៅថ្មីៗនេះ បន្ទាប់ពីមានការបិទ ហើយសំណូមពរដួចខាងលើ តំណាងក្រុមហ៊ុន ជនជាតិកូរ៉េ ឈ្មោះក្រុមហ៊ុន ជាន ចុងវ៉ាងចៅ និងលោកអភិបាលរងស្រុកអង្គរធំ និងប្រជាពលរដ្ឋ ជិទ១០០គ្រួសារ បានព្រមព្រៀងគ្នា ដោយក្រុមហ៊ុន បានសន្យា ធ្វើតាមសំណើរ របស់ប្រជាពលរដ្ឋ​។ ក៏ប៉ុន្តែមិនមានប្រសិទ្ធភាព​នោះទេ ព្រោះរថយន្តក្រុមហ៊ុន នៅតែបន្តដឹកថ្ម ហុយដី ទ្រលោម នឹងបើកបរលឿនៗដដែល។

ការបិទផ្លូវនេះ មិនមែន ជាលើកទី១នោះទេ កន្លងទៅពលរដ្ឋ ក៏បាននាំគ្នាបិទផងដែរ ដោយសារការទ្រាំលែងបាន ព្រោះដីហុយខ្លាំងពេក៕SRP

ខេត្តកំពង់ចាម៖សភាពាណិជ្ជកម្ម មណ្ឌល​ខេត្តកំពង់ចាម​ មណ្ឌលគីរី​ ដឹកនាំ​ដោយ​លោក​ ឧកញ៉ា​ ហួត​ ឈឿន​ នាព្រឹក​ថ្ងៃ​ទី​២៥​ ខែធ្នូ​ ឆ្នាំ​២០២០នេះ​ បាន​នាំយកនូវ​ថវិកា​ ចំនួន​២០០០អាមេរិក​​ តាម​រយៈ​​ លោក​ អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ ដើម្បីចូលរួម​ជាមួយ​សម្តេច​ ហ៊ុន​ សែន​ នាយករដ្ឋមន្ត្រី​កម្ពុជា​ ក្នុង​ការ​ទិញវ៉ាក់សាំង​ប្រឆាំង​នឹង​ជំងឺ​កូវីដ​-១៩ សម្រាប់​ចាក់ជូនប្រជាពលរដ្ឋ កម្ពុជាដោយឥតគិតថ្លៃ ។

លោក​​ អ៊ុន​ ចាន់ដា​ បាន​ថ្លែងនូវ​អំណរគុណ​ចំពោះ​កាយវិការ​ សប្បុរសធម៌​​ របស់​សមាជិក​សភាពាណិជ្ជកម្ម​ មណ្ឌល​ខេត្តកំពង់ចាម​ មណ្ឌលគីរី​ ដែល​បាន​ឯកភាព​គ្នា​ ក្នុង​ការ​ឧបត្តម្ភ​ជា​ថវិកា​ ​ចូលរួមចំណែក ជាមួយរាជរដ្ឋាភិបាលកម្ពុជា តាម​រយៈ​អាជ្ញាធរ​ខេត្ត​ ដេីម្បី​ប្រយុទ្ធប្រឆាំង​នឹង​ជំងឺ​កូវីដ-​១៩​ ដ៏​កាច​សាហាវ​នោះ។

គួរ​រំលឹក​ផង​ដែរ​ថា​ ក្នុង​អំឡុង​ខែ​មេសា​ ឆ្នាំ​២០២០​នេះដែរ​​ ​ខណៈ​ដែល​ជំងឺ​កូវីដ​-១៩​ បាន​បង្ក​ឲ្យ​មាន​ក្តីកង្វល់​ពី​គ្រប់​មជ្ឈដ្ឋាន​ផងនោះ សភាពាណិជ្ជកម្ម​ មណ្ឌល​ខេត្តកំពង់ចាម​ មណ្ឌលគីរី​ ដឹកនាំ​ដោយ​លោក​ ឧកញ៉ា​ ហួត​ ឈឿន​ ក៏​ធ្លាប់​បាន​នាំយក​នូវ​អំណោយ​ជាអង្ករ​ ចំនួន​៤តោន​ និង​ទឹក​ស៊ីអ៊ីវ​ ​១៦០យួរ​ ផ្តល់​ជូន​គណៈកម្មការ​ប្រយុទ្ធ​ប្រឆាំង​​នឹង​ជំងឺ​កូវីដ​១៩​ ខេត្តកំពង់ចាម​ សម្រាប់​ចាត់ចែង​ក្នុង​យុទ្ធនាការ​បង្ការ​ទប់ស្កាត់​ការ​រីករាលដាល​នៃ​វីរុស​កូរ៉ូណា​(កូវីដ​១៩)​ ក្នុង​ភូមិសាស្ត្រ​ខេត្តកំពង់ចាម​ ក៏ដូចជា​នៅ​ក្នុង​ប្រទេស​កម្ពុជា​យេីងផង​ដែរ​៕SRP

ខេត្តសៀមរាប៖មនុស្សប្រុសស្រីចំនួន ៧នាក់
ត្រូវបានកម្លាំងប៉ូលិស ខេត្តសៀមរាប ចាប់ខ្លួនជាបន្តបន្ទាប់ពាក់ព័ន្ធករណីគ្រឿងញៀន។

លោកឧត្តមសេនីយ៍ត្រីអ៊ុំ អមរា ស្នងការរងទទួលផែនប្រឆាំងគ្រឿងញៀន នៃស្នងការនគរបាលខេត្តសៀមរាបបានឲ្យដឹងថា
នៅថ្ងៃពុធ ថ្ងៃទី ២៣ ខែ ធ្នូ ឆ្នាំ២០២០ វេលាម៉ោង ១៨និង៤០នាទី កំលាំងផ្នែកប្រឆាំងគ្រឿងញៀន នៃអធិការដ្ឋាននគរបាល ស្រុកបន្ទាយស្រី បានចុះបង្ក្រាបបទរក្សាទុក ជួញដូរប្រើប្រាស់ដោយខុសច្បាប់នូវសារធាតុញៀន នៅចំណុច លើដងផ្លូវស្ថិតនៅភូមិព្រះដាក់ ឃុំ ព្រះដាក់ ស្រុកបន្ទាយស្រី ខេត្តសៀមរាប ឃាត់ជនសង្ស័យម្នាក់ ឈ្មោះ ខា សំអាត ហៅ លីន ភេទ ស្រី ឆ្នាំកំណើត ២០០២
មុខរបរលក់ដូរ មានទីលំនៅភូមិតាវៀន សង្កាត់ សាលាកំរើក ក្រុងសៀមរាប។(រក្សាទុក ជួញដូរនិងប្រើប្រាស់)(មានសារធាតុញៀននៅក្នុងខ្លួន)

ដកហូតម្សៅមេតំហ្វេតាមីន ប្រភេទទឹកកក០១ កញ្ចប់ស្មើនឹងទម្ងន់០.៨ក្រាម(ទាំងសំបក)។
ទូរស័ព្ទដៃចំនួន០១គ្រឿង។

នៅថ្ងៃព្រហស្បតិ៍ ថ្ងៃទី ២៤ ខែធ្នូ ឆ្នាំ២០២០ វេលាម៉ោង ១១និង ១០នាទី និងវេលាម៉ោង១៣ និង២០នាទី កំលាំងការិយាល័យ ប្រឆាំងគ្រឿងញៀន បានបន្តយកបក្ខពួកចំនួន០៣នាក់ ពីបទរក្សាទុក ជួញដូរ ចាត់ចែងនិងប្រើប្រាស់ដោយខុសច្បាប់ នូវសារធាតុ ញៀននៅចំណុចបន្ទប់ជួល ស្ថិតនៅភូមិធ្លកអណ្តូង សង្កាត់ស្លក្រាម ក្រុងសៀមរាប និងលំនៅដ្ឋានស្ថិតនៅភូមិភ្ញាជ័យ សង្កាត់ ស្វាយដង្គំ ក្រុងសៀមរាប។

២-ឈ្មោះ ឡាយ ដាវីន ភេទ ស្រី ឆ្នាំកំណើត ១៩៩៣ មុខរបរគ្មាន មានទីលំនៅភូមិធ្លកអណ្តូង សង្កាត់ស្លក្រាម ក្រុងសៀមរាប។(រក្សាទុក ជួញដូរ ចាត់ចែងនិងប្រើប្រាស់) (មានសារធាតុ ញៀននៅក្នុងខ្លួន)

៣-ឈ្មោះ ធី រដ្ឋា ហៅ ទ័រ ភេទ ប្រុស ឆ្នាំកំណើត ២០០៣ មុខរបរកម្មករសំណង់ មានទីលំនៅភូមិ ភ្ញាជ័យ សង្កាត់ស្វាយដង្គំ ក្រុងសៀមរាប។( ជួញដូរ ចាត់ចែងនិងប្រើប្រាស់) (មានសារធាតុ ញៀននៅក្នុងខ្លួន)

៤-ឈ្មោះ ស៊ុយ សុឡាយ ភេទ ប្រុស ឆ្នាំកំណើត ២០០៣ មុខរបរគ្មាន មានទីលំនៅភូមិភ្ញាជ័យ សង្កាត់ស្វាយដង្គំ ក្រុងសៀមរាប។( ជួញដូរ ចាត់ចែងនិងប្រើប្រាស់) (មានសារធាតុញៀននៅក្នុងខ្លួន)

ដកហូតម្សៅមេតំហ្វេតាមីន ប្រភេទទឹកកកចំនួន ០៣ កញ្ចប់ស្មើនឹងទម្ងន់១ក្រាម(ទាំងសំបក)។
ទូរស័ព្ទ០២គ្រឿង។ សម្ភារវេចខ្ចប់និងឧបករណ៍ប្រើប្រាស់គ្រឿងញៀនមួយចំនួន។

នៅថ្ងៃពុធ ទី២៣ ខែ ធ្នូ ឆ្នាំ២០២០ វេលាម៉ោង ២២និង០០នាទី កំលាំងការិយាល័យប្រឆាំងគ្រឿងញៀន សហការ ជាមួយកំលាំងការិយាល័យចរាចរណ៍ ផ្លូវគោកបានដាក់គោលដៅត្រួតពិនិត្យនឹងរឹតបន្តឹងច្បាប់ចរាចរណ៍ផ្លូវគោកនៅចំណុចលើដងផ្លូវស្ថិតនៅភូមិមណ្ឌល២ សង្កាត់ស្វាយដង្គំ ក្រុងសៀមរាប បានឃាត់ជនសង្ស័យ ចំនួន០២នាក់ ពីបទរក្សាទុក ចាត់ចែង និងប្រើប្រាស់ដោយខុសច្បាប់នូវសារធាតុញៀន។

១-ឈ្មោះ រ៉ា ឈិត ភេទប្រុស ឆ្នាំកំណើត ២០០១ មុខរបរគ្មាន មានទីលំនៅភូមិវាល សង្កាត់គោកចក ក្រុងសៀមរាប។
(រក្សាទុក ចាត់ចែងនិងប្រើប្រាស់)(មានសារធាតុ ញៀននៅក្នុងខ្លួន)

២-ឈ្មោះ នី សុជុនណា ភេទប្រុស ឆ្នាំកំណើត ២០០២ មុខរបរ បុគ្គលិកហាង មានទីលំនៅភូមិ
វាល សង្កាត់គោកចក ក្រុងសៀមរាប។
(រក្សាទុក ចាត់ចែងនិងប្រើប្រាស់)(មានសារធាតុ ញៀននៅក្នុងខ្លួន)

ដកហូត ម្សៅមេតំហ្វេតាមីន ប្រភេទទឹកកក០១ កញ្ចប់ស្មើនឹងទម្ងន់០,១ក្រាម(ទាំងសំបក)។
ទូរស័ព្ទ០១គ្រឿង។

នៅថ្ងៃព្រហស្បតិ៍ ទី២៤ ខែធ្នូ ឆ្នាំ២០២០ វេលាម៉ោង ០៩និង ០០នាទី កំលាំងការិយាល័យ ប្រឆាំងគ្រឿងញៀន បានបន្តយកបក្ខពួកម្នាក់
ពីបទរក្សាទុក ជួញដូរ ដោយខុសច្បាប់នូវសារធាតុ ញៀននៅចំណុចលំនៅដ្ឋានស្ថិតនៅភូមិវាល សង្កាត់គោកចក ក្រុងសៀមរាប។

៣-ឈ្មោះ សុខ សម្បត្តិ ភេទ ស្រី ឆ្នាំកំណើត ១៩៦០ មុខរបរ គ្មានមានទីលំនៅភូមិ វាល សង្កាត់គោកចក ក្រុងសៀមរាប។(រក្សាទុក ជួញដូរ) (គ្មានសារធាតុ ញៀននៅក្នុងខ្លួន)

ដកហូត ម្សៅមេតំហ្វេតាមីន ប្រភេទទឹកកកចំនួន ២៩ កញ្ចប់ស្មើនឹងទម្ងន់៧ក្រាម(ទាំងសំបក)។ ទូរស័ព្ទដៃ០១គ្រឿង។
ជនសង្ស័យ ទាំង៧នាក់រួមទាំងវត្ថុតាង ត្រូវបានការិយាល័យ ជំនាញបញ្ចូនទៅសាលាដំបូងថ្ងៃទី២៥ ខែ ធ្នូ ឆ្នាំ២០២០នេះ៕SRP

ភ្នំពេញ៖សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង ផ្ញើសារជូនពរ សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា និងលោកជំទាវ អ៊ូ សាន សាយ ឈុំ ក្នុងឱកាសចូលឆ្នាំថ្មី ឆ្នាំសកល គ្រិស្តសករាជ ២០២១ ដែលនឹងចូលមកដល់នៅថ្ងៃទី០១ ខែមករា ឆ្នាំ២០២១ ខាងមុខនេះ៕SRP