Siem Reap Post – Page 580 – Siem Reap News, Cambodia News

ខេត្តសៀមរាប៖ក្មេងប្រុសម្នាក់មានអាយុទើបតែ០៨ឆ្នាំ បានចងក លែងបណ្តាលអោយស្លាប់មែនទែន។ហេតុការណ៍បានកើតឡើងទី០១ខែកក្កដាឆ្នាំ២០២០ វេលាម៉ោង១០ព្រឹក ចំណុចភូមិដូនស្វា ឃុំសំរោងយា ស្រុកពួក ខេត្តសៀមរាប។

អធិការនគរបាលស្រុកពួកលោកវរសេនីយ៍ឯកទេព ពុំសែន បានឲ្យដឹងនៅល្ងាចនេះថាជនរងគ្រោះឈ្មោះ ឈង់ គិមឡាង រស់នៅភូមិ-ឃុំកើតហេតុខាងលើ។

អធិការនគរបាលស្រុកពួកបានបន្តថាក្រោយទទួលសេចក្តីរាយការណ៍ កម្លាំងផ្នែកនគរបាលប៉ុស្តិ៍ សហការណ៍ជាមួយកម្លាំងនគរបាលបច្ចេកទេសខេត្ត និងលោកវេជ្ជបណ្ឌិត អ៊ិត ឆបឆរ័ត្ន គ្រូពេទ្យមន្ធីរពេទ្យខេត្ត ចុះដល់កន្លែងកើតហេតុ ធ្វើការស៊ើបអង្គេត ស្រាវជ្រាវភ្លាមៗ។

ការពិនិត្យលើសាកសពឃើញថាសាកសពបានចង.ក.ដោយខ្សែអង្រឹង ពណ៌ត្រេអ៊ី ប្រវែង៦៥សង់ទីមែត្រ ភ្ជាប់និងមែកដើមស្វាយ មានកម្ពស់១១០សង់ទីម៉ែត្រ នៅបរិវេណមុខផ្ទៈផ្នែកខាងលិច។សាកសពមានកំពស់១២៥សង់ទីម៉ែត្រមានស្នាមជាំនៅចំណុច.ក(ចង) ក្រៅពីនេៈមិនមានស្លាកស្នាម អ្វីពាក់ព័ន្ធនិងបទឃាតកម្ម នោះទេ។ការសន្និដ្ឋានផ្នែកនគរបាលបច្ចេកទេសខេត្តសាកសពអាចស្លាប់ដោយការចងកលែងបណ្តាលស្ទៈផ្លូវដង្ហើម។

លោកអធិការបញ្ជាក់ថា:តាមការបំភ្លឺរបស់ឈ្មោះ ទូច សុគុណ ភេទប្រុស អាយុ៥១ឆ្នាំ ជាជីតារបស់សាកសពប្រាប់ថា៖ ចៅគាត់(ឈង់ គិមឡាង)មានសតិស្មារតីធម្មតា បច្ចុប្បន្នរស់នៅផ្ទះជាមួយគាត់ ដោយឪពុកម្តាយគេទៅធ្វើកម្មករប្រទេសថៃ ។ចៅខាងលើតែងដើរលេងផ្ទះអ្នកខាងឬអង្គុយលេងនៅក្រោមដើមស្វាយ បរិវេណដីមុខផ្ទះគាត់(កន្លែងកើតហេតុ)។

ដោយឡែកនៅថ្ងៃកើតហេតុម៉ោង០៩និង៣០ព្រឹក គាត់ឃើញចៅ(ឈង់ គិមឡាង)មកពីដើរលេងផ្ទះអ្នកជិតខាង ដោយមានកាន់ខ្សែអង្រឹង១ខ្សែ(មិនដឹងថាយកពីណាទេ) សួរគាត់រកជំពាមកៅស៊ូក្នុងផ្ទះតែដោយរកមិនឃើញ គេកាន់ខ្សែអង្រឹងនោៈចេញទៅក្រៅផ្ទះ គាត់និងប្រពន្ធនៅក្នុងផ្ទះមិនបានមើលចៅទេ។ លុះរំលងកន្លះម៉ោងបន្ទាប់ ដោយស្ងាត់បាត់ចៅ គាត់ក៏ចេញមកមើលមុខផ្ទះ ស្រាប់តែឃើញចៅ(ឈង់ គិមឡាង)ចង.ក.នៅមែកដើមស្វាយដែលជាកន្លែងគេធ្លាប់អង្គុយលេង ដោយឃើញចុងជើងទាំង២ទល់ដី ជង្គង់បន្តុញ មាត់ចំហរ គាត់ហៅប្រពន្ធ និងអ្នកជិតខាងជួយលើកគ្រា និងកាត់ខ្សែចង.ក.នោៈផ្តាច់ និងបានធ្វើចលនាបេះដូងតែចៅមិនដឹងខ្លួន ទើបដឹកទៅមន្ទីរពេទ្យបង្អែកស្រុកពួក គ្រូពេទ្យប្រាប់ថា ចៅ(ឈង់ គិមឡាង)ស្លាប់បាត់ហើយ គាត់ក៏ដឹកសាកសពចៅមកផ្ទះវិញនិងរាយការណ៍មកសមត្ថកិច្ច។

គាត់អះអាងថាចៅ(ឈង់ គិមឡាង)ពិតជាចង.ក.លេង បណ្តាលអោយស្លាប់ខ្លួនឯងពិតមែន! មិនមានពាក់ព័ន្ធបទល្មើសព្រហ្មទណ្ឌនោះទេ។លោកអធិការបញ្ជាក់ថាក្រោយពិនិត្យចប់សព្វគ្រប់បានធ្វើកំណត់ហេតុប្រគល់សពជូនក្រុមគ្រួសារធ្វើបុណ្យតាមប្រពៃណី៕SRP

ខេត្តកំពង់ចាម៖លោក អ៊ុន ចាន់ដា អភិបាលខេត្តកំពង់ចាម បានអះអាងថា គិតរហូតមកដល់ពេលនេះ ខេត្តកំពង់ចាម មានប្រជាពលរដ្ឋប្រមាណជាង៤ម៉ឺនគ្រួសារ ដែលកំពុងតែជួបបញ្ហាធ្លាក់ក្នុងជីវភាពក្រីក្រកម្រិត១-កម្រិត២។
លោកលោក អ៊ុន ចាន់ដា ថា
អាជ្ញាធរខេត្ត បានធ្វេីគោលការណ៍ទាំងនេះ ដោយបានណែនាំដល់អាជ្ញាធរឃុំ-សង្កាត់ ក៏ដូចជាក្រុមការងារចុះធ្វើការដោយផ្ទាល់ជាមួយនឹងមន្ទីរផែនការ និងមន្ទីរសង្គមកិច្ច បានធ្វើការស្រង់ទិន្នន័យទាំងនោះយ៉ាងសុក្រឹតបំផុត ដោយមានការជួបសម្ភាសន៍ជាមួយនឹងអ្នកពាក់ព័ន្ធ និងប្រជាពលរដ្ឋរស់នៅក្បែរខាងដែលដឹងរឿងពិតប្រាកដ ហេីយអាជ្ញាធរបានផ្ដល់ជូននូវប័ណ្ណក្រីក្រកម្រិត១-កម្រិត២ រហូតមកដល់ពេលនេះ គឺបានជាង២ម៉ឺន៥ពាន់គ្រួសារហេីយ ដែលគិតជាថវិកាសរុបអស់ជាង៤ពាន់លានរៀល ស្មើនឹងប្រមាណជា១លានដុល្លារអាមេរិក បេីគិតជាទូទៅសម្រាប់ខេត្តកំពង់ចាម គឺត្រូវការប្រេីប្រាស់កញ្ចប់ថវិកាប្រមាណជា២លានដុល្លា ដេីម្បីឧបត្ថម្ភដល់ពលរដ្ឋក្រីក្រកម្រិត១-កម្រិត២ ក្នុងខែមិថុនាកន្លងមកនេះ។
លោកថាទាំងនេះគឺជាទឹកចិត្តដ៏ប្រពៃមួយដែលប្រមុខរាជរដ្ឋាភិបាលកម្ពុជា ជាពិសេសសម្តេចតេជោ ហ៊ុន សែន ដែលតែងតែគិតគូរពីបញ្ហាសុខទុក្ខនៅគ្រប់កាលៈទេសៈ ដោយមិនបានបោះបង់ចោលបងប្អូនប្រជាពលរដ្ឋឡេីយ។
ការការថ្លែងយ៉ាងដូច្នេះនាពេលបានអញ្ជេីញចែកប័ណ្ណក្រីក្រកម្រិត១-កម្រិត២ ជូនប្រជាពលរដ្ឋ ៤៩៦គ្រួសារ ដែលរស់នៅក្នុងមូលដ្ឋានសង្កាត់សំបួរមាស ក្រុងកំពង់ចាម នៅព្រឹកថ្ងៃទី១ ខែកក្កដា ឆ្នាំ២០២០នេះ។
ការឧបត្ថម្ភថវិកាដេីម្បីចូលរួមសម្រួលដល់ជីវភាពប្រជាពលរដ្ឋក្នុងកំឡុងពេលបង្ការទប់ស្កាត់ការឆ្លងរីករាលដាលនៃជំងឺកូវីដ១៩ ដោយផ្តល់សាច់ប្រាក់ជូនតាមវីង ស្របតាមគោលនយោបាយរបស់សម្តេចតេជោ ហ៊ុន សែន នាយករដ្ឋមន្ត្រីុំ

សូមជម្រាបថា អ្នកដែលអាចទទួលបានការឧបត្ថម្ភសាច់ប្រាក់ពីកម្មវិធីនេះ គឺជាអ្នកដែលមានប័ណ្ណក្រីក្រកម្រិត១ ឬកម្រិត២ ហើយ ដើម្បីទទួលបានប័ណ្ណនោះ អ្នកដែលគិតថាខ្លួនឯងក្រីក្រ ត្រូវទៅស្នើសុំប័ណ្ណនេះ នៅឯសាលាឃុំ ឬ សង្កាត់ បន្ទាប់មក បើពិនិត្យឃើញថា ស្ថានភាពអ្នកស្នើសុំនោះ ឆ្លើយតបទៅនឹងលក្ខន្តិកៈ ទើបគាត់ទទួលបានប័ណ្ណនោះ។ ប៉ុន្តែករណីខ្លះដូចជា នៅពេលក្រុមការងារបច្ចេកទេស ពិនិត្យឃើញថា ស្ថានភាពជីវភាពរបស់គាត់មិនស្ថិតនៅក្នុងលក្ខន្តិកៈទេនោះ គាត់នឹងមិនទទួលបានប័ណ្ណឡើយ ហើយរហូតមកដល់ពេលនេះ នៅតែទទួលការស្នើសុំរបស់ប្រជាពលរដ្ឋក្នុងការស្នើសុំប័ណ្ណក្រីក្រ៕SRP

ខេត្តកំពង់ចាម៖លោកស្រីញូងចរិយា អ៊ុន ចាន់ដា ប្រធានកិត្តយសសាខាសមាគម នារីកម្ពុជាដើម្បីសន្តិភាពនិងអភិវឌ្ឍន៍ ខេត្តកំពង់ចាម លោកស្រីប៉ាងដានីអភិបាលរងខេត្តនិងជាប្រធានសាខាសមាគមនារីកម្ពុជា រួមដំណើរជាមួយលោកស្រី ស្រី គឹមឆយ សមាជិករដ្ឋសភានៅព្រឹកថ្ងៃទី៣០ខែមិថុនាម្សិលមិញបាននាំយកទៀនព្រះវស្សា និងគ្រឿងឧបភោគ បរិភោគ ទៅប្រគេនដល់វត្តចំនួន២ គឺវត្តគង់វង្សរង្ស៊ី “ហៅវត្ត កោះកុក” និងវត្តសន្សំកុសល្យកោះប្រាក់ ស្ថិតក្នុងឃុំកោះទន្ទឹម ស្រុកកំពង់សៀម ខេត្តកំពង់ចាម។

វត្តទាំងពីរទទួលបានរួមមាន៖ផ្កាស្រស់០៤កន្ត្រក់ សាដក់០៨ អង្ករ០៨បេ ទៀន០២គូ ទឹកសុទ្ធ០២កេស ទឹកក្រូច០៨កេស ទឹកត្រី១៥យួរទឹកស៊ីអ៊ីវ១៥យួរ មី១០កេស ត្រីខ១២យួរ បច្ច័យកសាងវត្ត៣លានរៀល និងបច្ច័យប្រគេនព្រះសង្ឃ១លាន៦០ម៉ឺន៤ម៉ឺនរៀល។ឧបត្ថម្ភដល់ប្រជាការពារ១០ម៉ឺនរៀល ជូនលោកតា លោកយាយ៨០នាក់ ម្នាក់ទទួលបាន២ម៉ឺនរៀលផងដែរ៕SRP

ខេត្តសៀមរាប៖លោកនួន ពុទ្ធារ៉ា អភិបាលក្រុងសៀមរាបនៅរសៀលថ្ងៃទី៣០ខែមិថុនានេះបានដឹកនាំមន្ត្រីជំនាញពាក់ព័ន្ធចុះរកដំណោះស្រាយ ករណីវិវាទបើកផ្លូវ ស្ថិតនៅភូមិបន្ទាយចាស់សង្កាត់ស្លក្រាមក្រុងសៀមរាបដើម្បីជូនប្រជាពលរដ្ឋ។ ជាមួយគ្នាដែរលោកនួន ពុទ្ធារ៉ា ក៏បានបន្តពិនិត្យស្ថានភាពផ្លូវតំបន់ខាងលើដើម្បី ធ្វើការសាងសង់នាពេលខាងមុខផងដែរ។ ទោះយ៉ាងណាអភិបាលក្រុងបញ្ជាក់ថាជុំវិញករណីនេះលោកនឹងធ្វើការពិភាក្សាជាមួយថ្នាក់ដឹកនាំដើម្បីសម្រេចនិងអនុវត្ត។

សូមបញ្ជាក់ថាកាលពីថ្ងៃទី២៦ខែឧសភាឆ្នាំ២០២០ប្រជាពលរដ្ឋចំនួន០៣គ្រួសារបាន ស្នើដល់អាជ្ញាធរជំនាញពាក់ព័ន្ធ ជួយអន្តរាគមន៍ដល់ពួកគាត់ ខណ:ផ្ទះពួកគាត់ ត្រូវបានឲ្យមានការរុះរើផ្នែកខ្លះ ដើម្បីបើកផ្លូវ។ ពលរដ្ឋថាពួកគាត់ថាមិនជំទាស់ទៅនឹងការរុះរើរបស់អាជ្ញាធរនោះទេ ប៉ុន្តែ សូមឲ្យមានតម្លាភាព ទាំងសងខាង។ ដោយហេតុថាឲ្យរើតែខាងផ្ទះពួកគាត់៦ម៉ែត្រ។ បើរើ៣ម៉ែត្រ ពួកគាត់មិនជំទាស់នោះឡើយ។

ពាក់ព័ន្ធករណីនេះនៅថ្ងៃទី៣០ខែមិថុនាម្សិលមិញប្រជាពលរដ្ឋ ដែលមានវិវាទខាងលើហាក់មានការសប្បាយចិត្តរីករាយបន្ទាប់ពីលោកអភិបាលក្រុងសៀមរាបបានធ្វើការពន្យល់ណែនាំចំពោះបញ្ហាមួយចំនួនប្រាប់ដល់ពួកគាត់៕SRP

ខេត្តកំពង់ចាម៖មន្ត្រីនគរបាលជាតិ ជាង៤០០នាក់ ត្រូវបានប្រកាសផ្ទេរភារកិច្ចតែងតាំងមុខតំណែង និងបំពាក់ឋានន្តរស័ក្តិជូននៅសាលសន្និសីទសាលាខេត្តកំពង់ចាម នារសៀលថ្ងៃទី៣០ ខែមិថុនា ឆ្នាំ២០២០នេះ។
ពិធីនេះក្រោមវត្តមាននាយឧត្តមសេនីយ៍ ប៉ែន វិបុល អគ្គស្នងការរងនគរបាលជាតិ និងជាប្រធាននាយកដ្ឋានបុគ្គលិក តំណាង នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងលោក អ៊ុន ចាន់ដាអភិបាលខេត្តកំពង់ចាម។

បេីតាមរបាយការណ៍ស្វាគមន៍របស់លោកឧត្តមសេនីយ៍ទោ ឯម កុសល ស្នងការនគរបាលខេត្តកកំពង់ចាម បានឲ្យដឹងថា មន្ត្រីជ័យលាភី ដែលត្រូវបានផ្ទេរភារកិច្ចតែងតាំងមុខតំណែង និងបំពាក់ឋានន្តរសក្កិនៅថ្ងៃនេះរួមមាន៖
ថ្នាក់ឧត្តមសេនីយ៍ត្រី០៥រូប ក្នុងនោះមានខេត្តកំពង់ចាម០៣រូប ,ខេត្តប៉ៃលិន០២រូប , ថ្នាក់វសេនីយ៍ឯក០៩រូប ក្នុងនោះខេត្តកំពង់ចាម០៧រូប ,ខេត្តប៉ៃលិន០២រូប ,
ថ្នាក់វរសេនីយ៍ទោ៩៦រូប ស្រី០៤រូប ,និងថ្នាក់វរសេនីយ៍ត្រី២៣៤
រូប ស្រី១២រូប ព្រមទាំងថ្នាក់ស្នងការរង០៥រូប ,នាយការិយាល័យ០៤រូប ,នាយររងការិយាល័យ៣១រូប ,និងអធិការរង១៧រូបផងដែរ។
ឆ្លៀតក្នុងឱកាសនោះដែរ លោកអ៊ុន ចាន់ដា បានធ្វើការផ្តាំផ្ញេីដល់មន្ត្រីនគរបាលដែលទេីបទទួលបានការតែងតាំងមុខតំណែង និងឋាន្តរស័ក្ក ត្រូវខិតខំប្រឹងប្រែង បំពេញតួនាទីភារកិច្ចរបស់ខ្លួន ដែលថ្នាក់ដឹកនាំបានប្រគល់ជូននាឱកាសនេះ ឲ្យបានស័ក្ដិសមជាមន្ត្រីនគរបាលមានស្នាដៃក្នុងការបម្រើជាតិយ៉ាងពិតប្រាកដ។
អភិបាលខេត្ត ក៏បានស្នេីដល់កងកម្លាំងនគរបាលទាំងអស់ ឲ្យបន្តការចូលរួមក្នុងការផ្សព្វផ្សាយអំពីវិធានការបង្ការទប់ស្កាត់ការឆ្លងរីករាលដាលនៃជំងឺកូវីដ១៩ ដោយត្រូវអនុវត្តតាមការណែនាំរបស់ក្រសួងសុខាភិបាលឲ្យបានជាប់ជាប្រចាំ ព្រោះពិភពលោកនៅមិនទាន់រកឃើញថ្នាំការពារមេរោគដ៏កាចសាហាវនេះនៅឡើយទេ។
ថ្លែងក្នុងពិធីនាយឧត្តមសេនីយ៍ ប៉ែន វិបុល បានពាំនាំនូវប្រសាសន៍ផ្តាំផ្ញើសាកសួរសុខទុក្ខពីសំណាក់ នាយឧត្តមសេនីយ៍ សន្តិបណ្ឌិត នេត សាវឿន ដល់ កងកម្លាំងនគរបាលទាំងអស់ត្រូវខិតខំបំពេញការងារ ភារកិច្ចតាមជំនាញរៀងៗខ្លួន ពិសេសត្រូវខិតខំបម្រើបងប្អូនប្រជាពលរដ្ឋក្នុងមូលដ្ឋានឲ្យបានល្អប្រសើរផងដែរ៕SR

Sponsored

ខេត្តកំពង់ធំ៖លោកឧត្តមសេនីយ៍ទោ អ៊ុកកុសល ស្នងការនគរបាលខេត្តកំពង់ធំ បានប្រាប់បណ្ដាញសារព័ត៌មានសៀមរាបប៉ុស្ដិ៍នៅមុននេះបន្តិចថា
សូមបញ្ជាក់ជូនបងប្អូន សារព័ត៌មានថា នារីមុខសញ្ញាដែលជាជន ប្រព្រឹត្តបទល្មើសខាងលើនេះ មានមុខរបរអតីត ជានារីបម្រើសេវ៉ាខារ៉ាអូខេ គាត់ មិនមែនជានគរបាល នារីនោះទេ។
លោកឧត្តមសេនីយ៍ស្នងការខេត្តកំពង់ធំបញ្ជាក់យ៉ាងដូច្នេះបន្ទាប់ពីមានសារព័ត៌មានមួយចំនួនបានចុះផ្សាយថាមានស្ត្រីជានគរបាលចរាចរណ៍មួយរូបកាប់ទៅលើនគរបាលចរាចរណ៍ដូចគ្នាបណ្ដាលឱ្យរងរបួស។
សូមបញ្ជាក់ថាហេតុការណ៍បានកើតឡើងនៅថ្ងៃទី៣០ខែមិថុនាឆ្នាំ២០២០វេលាម៉ោង១០និងង១០នាទី នៅឃុំច្រនាង ស្រុកតាំងគោក ខេត្តកំពង់ធំ។
ប្រភពបានឲ្យដឹងថាជនសង្ស័យមានឈ្មោះរិទ្ធ ស្រីនាង ភេទស្រីអាយុ២៨ឆ្នាំរស់នៅភូមិដំរីជាន់ខ្លា សង្កាត់ដំរីជាន់ខ្លា ក្រុងស្ទឹងសែន ខេត្តកំពង់ធំ។
ប្រភពបានបន្តថាស្ត្រីជាជនសង្ស័យ
បានប្រើកាំបិតកាប់ទៅលើបុរសមានឈ្មោះខៀន សុខល័ក្ខ ភេទប្រុសអាយុ៣៣ឆ្នាំមុខរបធ្វើប៉ូលិសចរាចរណ៍ រស់នៅភូមិតាំងក្រសៅ ឃុំតាំងក្រសៅ ស្រុកប្រាសាទសំបូរ ខេត្តកំពង់ធំ បណ្ដាលឲ្យ រងរបួសចំភ្លៅផ្នែកខាងឆ្វេង។
បើតាមប្រភពបានឲ្យដឹងថាក្រោយពីកើតហេតុជនរងគ្រោះត្រូវបានបញ្ជូនទៅមន្ទីពេទ្យបង្អែកបារាយណ៍ សន្ទុក។ ចំណែកជនសង្ស័យក្រោយ បានរត់គេចខ្លួនបាត់ស្រមោល។
ទោះយ៉ាងណាករណីខាងលើនេះបណ្ដាញសារព័ត៌មានសៀមរាបប៉ុស្តិ៍ នៅមិនទាន់ទទួលបានការបំភ្លឺពីលោកសន ថាល់ អធិការស្រុកតាំងគោក នៅឡើយទេ។បើតាមប្រភពករណីហិង្សានេះអាចបណ្ដាលមក ប្រច័ណ្ឌនិងគ្នាទើបឈានដល់ការប្រើអំពើហិង្សាបែបនេះ៕SRP

ខេត្តកំពង់ធំ៖ស្ត្រីជានគរបាលចរាចរណ៍ម្នាក់ កាប់បុរសម្នាក់ជានគរបាលចរាចរណ៍ដូចគ្នា បណ្ដាលឱ្យរងរបួស។
ហេតុការណ៍បានកើតឡើងនៅ
ថ្ងៃទី៣០ខែមិថុនាឆ្នាំ២០២០វេលាម៉ោង១០និងង១០នាទី នៅឃុំច្រនាង ស្រុកតាំងគោក ខេត្តកំពង់ធំ។
ប្រភពបានឲ្យដឹងថាជនសង្ស័យមានឈ្មោះរិទ្ធ ស្រីនាង ភេទស្រីអាយុ២៨ឆ្នាំមុខរបធ្វើប៉ូលិសចរាចរណ៍រស់នៅភូមិដំរីជាន់ខ្លា សង្កាត់ដំរីជាន់ខ្លា ក្រុងស្ទឹងសែន ខេត្តកំពង់ធំ។
ប្រភពបានបន្តថាស្ត្រីជាជនសង្ស័យ
បានប្រើកាំបិតកាប់ទៅលើបុរសមានឈ្មោះខៀន សុខល័ក្ខ ភេទប្រុសអាយុ៣៣ឆ្នាំមុខរបធ្វើប៉ូលិសចរាចរណ៍ រស់នៅភូមិតាំងក្រសៅ ឃុំតាំងក្រសៅ ស្រុកប្រាសាទសំបូរ ខេត្តកំពង់ធំ បណ្ដាលឲ្យ រងរបួសចំភ្លៅផ្នែកខាងឆ្វេង។

បើតាមប្រភពបានឲ្យដឹងថាក្រោយពីកើតហេតុជនរងគ្រោះត្រូវបានបញ្ជូនទៅមន្ទីពេទ្យបង្អែកបារាយណ៍ សន្ទុក។ ចំណែកជនសង្ស័យក្រោយ បានរត់គេចខ្លួនបាត់ស្រមោល។
ទោះយ៉ាងណាករណីខាងលើនេះបណ្ដាញសារព័ត៌មានសៀមរាបប៉ុស្តិ៍ នៅមិនទាន់ទទួលបានការបំភ្លឺពីលោកសន ថាល់ អធិការស្រុកតាំងគោក នៅឡើយទេ។បើតាមប្រភពករណីហិង្សានេះអាចបណ្ដាលមកប្រច័ណ្ឌនិងគ្នា៕SRP

ភ្នំពេញ៖ នៅថ្ងៃអង្គារទី៣០ ខែមិថុនានេះប្រមុខដឹកនាំកម្ពុជាសម្ដេចតេជោ ហ៊ុន សែន បានបង្ហោះសារប្រាប់ដល់ប្រជាពលរដ្ឋដែលមានជីវភាពក្រីក្រ និងងាយរងគ្រោះដោយសារជំងឺឆ្លងកូវីដ-១៩ នឹងបានទទួលថវិកាឧបត្ថម្ភដូចម៉្តេចដែរ?។
សម្តេចតេជោហ៊ុន សែន បានសរសេរថាតើបងប្អូនប្រជាពលរដ្ឋខ្មែរដែលមានជីវភាពក្រីក្រ និងងាយរងគ្រោះដោយសារជំងឺឆ្លងកូវីដ-១៩ នឹងបានទទួលថវិកាឧបត្ថម្ភដូចម៉្តេចដែរ?

កាលពីថ្ងៃទី ២៤ ខែមិថុនា ឆ្នាំ ២០២០ នៅវិមានសន្តិភាព សម្តេចតេជោ ហ៊ុន សែន នាយករដ្ឋមន្រ្តី បានប្រកាសដាក់ចេញនូវ “កម្មវិធីផ្តល់សាច់ប្រាក់ជូនប្រជាពលរដ្ឋដែលមានជីវភាពក្រីក្រ និងងាយរងគ្រោះដោយសារផលប៉ះពាល់នៃជំងឺកូវីដ-១៩” ដូចខាងក្រោម៖

ទី១៖ តំបន់ទីប្រជុំជនក្នុងរាជធានីភ្នំពេញ
* «សម្រាប់បណ្ណ [ក្រ-១]» ៖ ក្នុង ១គ្រួសារទទួលបានប្រាក់ចំនួន ១២ ម៉ឺនរៀល បូកបន្ថែម ៥២០០០៛ សម្រាប់សមាជិកគ្រួសារម្នាក់ៗ ហើយបូកបន្ថែម៤ ម៉ឺនរៀលម្នាក់ទៀត សម្រាប់សមាជិកនៅក្នុងគ្រួសារ ដែលជាកុមារអាយុក្រោម៥ ឆ្នាំ, ជាជនមានពិការភាព, ជាជនចាស់ជរាអាយុចាប់ពី ៦០ ឆ្នាំឡើង និង ជាអ្នកផ្ទុកមេរោគអេដស៍។

* «សម្រាប់បណ្ណ [ក្រ-២]»៖ ក្នុង១គ្រួសារ ទទួលបានប្រាក់ចំនួន ១២ ម៉ឺនរៀល បូកបន្ថែម ៣៦ ០០០៛ សម្រាប់សមាជិកគ្រួសារម្នាក់ៗ ហើយបូកបន្ថែម ២៨០០០៛ម្នាក់ទៀត សម្រាប់សមាជិកនៅក្នុងគ្រួសារ ដែលជាកុមារអាយុក្រោម ៥ឆ្នាំ, ជាជនមានពិការភាព, ជាជនចាស់ជរាអាយុចាប់ពី ៦០ឆ្នាំឡើង និងជាអ្នកផ្ទុកមេរោគអេដស៍។

ទី២៖ តំបន់ទីប្រជុំជនក្រៅពីរាជធានីភ្នំពេញ
* «សម្រាប់បណ្ណ [ក្រ-១]» ៖ ក្នុង១គ្រួសារទទួលបានប្រាក់ចំនួន ១២ ម៉ឺនរៀល បូកបន្ថែម ៤ម៉ឺនរៀល) សម្រាប់សមាជិកគ្រួសារម្នាក់ៗ ហើយបូកបន្ថែម ៤ម៉ឺនរៀល ម្នាក់ទៀត សម្រាប់សមាជិកនៅក្នុងគ្រួសារ ដែលជាកុមារអាយុក្រោម ៥ ឆ្នាំ, ជនមានពិការភាព, ជនចាស់ជរាអាយុចាប់ពី ៦០ ឆ្នាំឡើង និងអ្នកផ្ទុកមេរោគអេដស៍ ។

* «សម្រាប់បណ្ណ [ក្រ-២]» ៖ ក្នុង ១គ្រួសារទទួលបានប្រាក់ចំនួន ១២ ម៉ឺនរៀល បូកបន្ថែម២៨ ០០០៛ សម្រាប់សមាជិកគ្រួសារម្នាក់ៗ ហើយបូកបន្ថែម ២៨ ០០០៛ ម្នាក់ទៀត សម្រាប់សមាជិកនៅក្នុងគ្រួសារ ដែលជាកុមារអាយុក្រោម ៥ឆ្នាំ, ជនមានពិការភាព, ជនចាស់ជរាអាយុចាប់ពី ៦០ ឆ្នាំ ឡើង និង អ្នកផ្ទុកមេរោគអេដស៍ ។

ទី៣៖ តំបន់ជនបទ

* «សម្រាប់បណ្ណ [ក្រ-១]» ៖ ក្នុង ១គ្រួសារទទួលបានប្រាក់ចំនួន ៨ ម៉ឺនរៀល បូកបន្ថែម ២៤ ០០០៛ សម្រាប់សមាជិកគ្រួសារម្នាក់ៗ ហើយបូកបន្ថែម ២៤ ០០០៛ ម្នាក់ទៀត សម្រាប់សមាជិកនៅក្នុង គ្រួសារ ដែលជាកុមារអាយុក្រោម ៥ ឆ្នាំ, ជនមានពិការភាព, ជនចាស់ជរាអាយុចាប់ពី ៦០ឆ្នាំ ឡើង និង អ្នកផ្ទុកមេរោគអេដស៍ ។

* «សម្រាប់បណ្ណ [ក្រ-២]» ៖ ក្នុង ១រួសារទទួលបានប្រាក់ចំនួន ៨ ម៉ឺនរៀល បូកបន្ថែម ១៦ ០០០៛ សម្រាប់សមាជិកគ្រួសារម្នាក់ៗ ហើយបូកបន្ថែម១៦ ០០០៛ ម្នាក់ទៀត សម្រាប់សមាជិកនៅក្នុង គ្រួសារ ដែលជាកុមារអាយុក្រោម ៥ ឆ្នាំ, ជនមានពិការភាព, ជនចាស់ជរាអាយុចាប់ពី ៦០ឆ្នាំ ឡើង និងអ្នកផ្ទុកមេរោគអេដស៍។

បើតាមសម្តេចតេជោ ហ៊ុន សែន រហូតដល់ពេលនេះកម្ពុជាបានបញ្ចេញប្រាក់១២៥លានដុល្លាររួចទៅហើយ ហើយរាជរដ្ឋាភិបាលនឹងត្រៀមបញ្ចេញថវិកាបន្តទៀត បើសិនជាហេតុការណ៍ផលប៉ះពាល់នៃជំងឺកូវីដ១៩ នេះអូសអន្លាយបន្តទៀត ប៉ុន្តែរាជរដ្ឋាភិបាលនឹងបញ្ឈប់សកម្មភាពវិញផងដែរ បើសិនជាស្ថានភាពបានប្រសើរឡើង៕SRP

ភ្នំពេញ៖សម្តេចតេជោហ៊ុនសែននាយករដ្ឋមន្ត្រី បានសរសេរព្រមានចំពោះអាជ្ញាធរមូលដ្ឋានណាដែលឃុបឃិតគ្នាដាក់បញ្ចូលសាច់ញាតិមិនមែនជាជនក្រីក្រដែលដើម្បីបើកប្រាក់ពីរាជរដ្ឋាភិបាល។

ក្នុងសារដែលបានបង្ហោះលើទំព័រ page facebook របស់សម្ដេចតេជោ នាយករដ្ឋមន្ត្រីបានឲ្យដឹងនៅមុននេះបន្តិចថា៖សុខសប្បាយជាទេបងប្អូនជនរួមជាតិជាទីនឹករឮក?

កាលពីពេលថ្មីៗកន្លងមកនេះ ខ្ញុំបានប្រកាសដាក់អោយប្រើជាផ្លូវការនូវ “កម្មវិធីផ្តល់សាច់ប្រាក់ជូនប្រជាពលរដ្ឋដែលមានជីវភាពក្រីក្រ និងងាយរងគ្រោះដោយសារផលប៉ះពាល់នៃជំងឺកូវីដ-១៩”។ ដើម្បីធានាថាបងប្អូនប្រជាពលរដ្ឋក្រីក្រដែលកំពុងជួបបញ្ហាលំបាកពិតប្រាកដទទួលបាននូវជំនួយឧបត្ថម្ភពីរាជរដ្ឋាភិបាល គឺការងារធ្វើបច្ចុប្បន្នភាពគ្រួសារក្រីក្រ និងជនងាយរងគ្រោះក្នុងអំឡុងពេលប្រយុទ្ធនឹងជំងឺកូវីដ-១៩ នេះមានសារៈសំខាន់ខ្លាំងណាស់។

ការងារនេះគឺត្រូវពឹងផ្អែកស្ទើរតែទាំងស្រុងលើអាជ្ញាធរមូលដ្ឋាន គឺមេភូមិ និងក្រុមប្រឹក្សាឃុំ/សង្កាត់ដែលត្រូវតែធ្វើអោយបានច្បាសលាស់និងហ្មត់ចត់បំផុត ។ ដូច្នេះដើម្បីធានាឲ្យបាននូវតម្លាភាព និងសុច្ចរិតភាពក្នុងការផ្តល់សេវាសម្រាប់កម្មវិធីឧបត្ថម្ភសាច់ប្រាក់នេះ ខ្ញុំសូមចេញបទបញ្ជាយ៉ាងម៉ឺងម៉ាត់ដល់អាជ្ញាធរមូលដ្ឋានគ្រប់លំដាប់ថ្នាក់ ពិសេសចំពោះអ្នកអនុវត្តផ្ទាល់នៅតាមឃុំសង្កាត់ទាំងអស់គឺត្រូវផ្តោតការយកចិត្តទុកដាក់បំពេញការងារនេះឲ្យបានត្រឹមត្រូវ និងខ្ជាប់ខ្ជួនបំផុត គឺត្រូវចៀសវាងដាច់ខាតនូវការឃុបឃិតគ្នាដាក់បញ្ចូលសាច់ញាតិបងប្អូនកូនក្មួយខ្លួនឯងដែលមិនមែនជាគ្រួសារក្រីក្រនឹងងាយរងគ្រោះពិតប្រាកដដើម្បីទទួលបាននូវប្រាក់ឧបត្ថម្ភនេះ។
សម្តេចតេជោបានបញ្ជាក់ថា
ខ្ញុំនឹងចាត់វិធានការណ៍ក្តៅហើយនឹងមិនមានការលើកលែងឡើយ ប្រសិនបើរកឃើញថានៅក្នុងភូមិ និងឃុំ/សង្កាត់មួយណាមានករណីមិនប្រក្រតីនេះកើតមានឡើង៕SRP