ភ្នំពេញ៖សុន្ទរកថារបស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញក្នុងកិច្ចប្រជុំ ” វេទិកាភាពងាយរងគ្រោះនៃអាកាសធាតុ ” នៅវិមានសន្តិភាព រាជធានីភ្នំពេញ, ថ្ងៃទី០៧ ខែតុលា ឆ្នាំ២០២០៕SRP

ខេត្តព្រៃវែង៖លោកសួន សុម៉ាលីន អភិបាលរងខេត្តព្រៃវែង បានមានប្រសាសន៍ថាក្រុមបាល់ទាត់ខេត្តព្រៃវែង ដែលត្រូវបានគេស្គាល់ថា គឺជាក្រុមយុវជន ពេលនេះត្រូវបានប្រកាសឈ្មោះ «សមាគមកីឡាបាល់ទាត់ខេត្តព្រៃវែង» ។

លោកសួន សុម៉ាលីន ថាពួកយើងក៏កំពុងស្នើសុំអាជ្ញាប័ណ្ណក្លិបពីសហព័ន្ធកីឡាបាល់ទាត់កម្ពុជា ដើម្បីមានសិទ្ធិគ្រប់គ្រាន់ក្នុងការប្រជែងកៅអីលីគកំពូលកម្ពុជា ឆ្នាំ២០២១ ផងដែរ។

តាមរយៈសេចក្ដីប្រកាសព័ត៌មានលើបណ្ដាញសង្គមផ្លូវការរបស់ខ្លួន ក្រោយបញ្ចប់សន្និសីទសារព័ត៌មាន នៅព្រឹកថ្ងៃទី០៧ ខែតុលាម្សិលមិញសបញ្ជាក់ឲ្យឃើញថា ក្រុមដែលកកើតចេញពីយុវជនថ្នាលជំនាន់ទី១ នៅក្នុងខេត្តព្រៃវែងនេះហើយ ដោយបង្កើតនូវរចនាសម្ព័ន្ធ ថ្នាក់ដឹកនាំ និងក្រុមការងារថ្មី ដើម្បីចូលរួមការប្រកួតប្រជែងផ្សេងៗ។

លោកសួន សុម៉ាលីនបញ្ជាក់ថា ខេត្តព្រៃវែងយើង បានបង្កើតសមាគមកីឡាបាល់ទាត់ខេត្តព្រៃវែង ដែលមានរចនាសម្ព័ន្ធត្រឹមត្រូវ និងមានថ្នាក់ដឹកនាំ ក៏ដូចជាក្រុមការងារបច្ចេកទេស និងធនធានកីឡាករគ្រប់គ្រាន់ ដោយឈរលើទិសដៅមួយដ៏ច្បាស់លាស់ក្នុងការប្រកួតប្រជែង និងការអភិវឌ្ឍយុវជន មានសមត្ថភាព និងទេពកោសល្យបានលេងបាល់ទាត់ ហើយក្លាយជាធនធានបន្ដវេននាពេលអនាគតប្រកបដោយសក្ដានុពល ជាពិសេសដើម្បីត្រៀមខ្លួនសម្រាប់ចូលរួមប្រកួតកីឡា SEA Games ឆ្នាំ២០២៣ ដែលប្រទេសកម្ពុជា នឹងធ្វើជាម្ចាស់ផ្ទះជាលើកដំបូងរបស់ខ្លួនដែរ។ លើសពីនេះ ក្រុមជើងឯកពានរង្វាន់សម្ដេចតេជោ ហ៊ុន សែន ថ្នាក់ខេត្ត ឆ្នាំ២០២០ ដដែលបន្ថែមថា «បច្ចុប្បន្នសមាគមកីឡាបាល់ទាត់ខេត្តព្រៃវែងរបស់យើង កំពុងធ្វើការងារជាមួយសហព័ន្ធកីឡាបាល់ទាត់កម្ពុជា ដោយគោរពតាមនីតិវិធី និងច្បាប់របស់សហព័ន្ធ ដើម្បីទទួលបានអាជ្ញាប័ណ្ណក្លិប»។

គួរបញ្ជាក់ថា បច្ចុប្បន្នសមាគមកីឡាបាល់ទាត់ខេត្តព្រៃវែង មានបេសកកម្មធំៗពីរក្នុងដៃ

ទី១-ប្រកួតពានរង្វាន់សម្ដេចតេជោ ហ៊ុន សែន ថ្នាក់ជាតិ ដោយត្រូវជួបក្លិបកងយោធពលខេមរភូមិន្ទ ក្នុងជើងទី២ នៃវគ្គ ១/៤ ផ្ដាច់ព្រ័ត្រ នាថ្ងៃទី០៨ ខែតុលាស្អែក នៅកីឡដ្ឋានខេត្តព្រៃវែង

ទី២-ប្រកួតលីគទី២ កម្ពុជា ឆ្នាំ២០២០ ខណៈប្រកួតបើកឆាក ពួកគេបានលត់ក្រុមឬទ្ធីសែន ដោយលទ្ធផល ១១-២ កាលពីចុងសប្ដាហ៍មុន៕SRP

ភ្នំពេញ៖នាយករដ្ឋមន្ត្រី ហ៊ុន សែន នៅថ្ងៃពុធទី០៧ខែកញ្ញាឆ្នាំ២០២០នេះ បានមានប្រសាសន៍ថា
ដោយសារស្ថានភាពសេដ្ឋកិច្ចមិនច្បាស់លាស់នោះ ការដំឡើងប្រាក់បៀវត្សរ៍ សម្រាប់មន្ត្រីរាជការ និងកងកម្លាំងប្រដាប់អាវុធសម្រាប់ឆ្នាំ២០២១ និងត្រូវផ្អាកដោយរក្សា ទុកនូវប្រាក់បៀវត្សរ៍ដដែល តែប្រាក់ឧបត្ថម្ភសម្រាប់បុណ្យចូលឆ្នាំខ្មែរ និងបុណ្យភ្ជុំបិណ្ឌ នៅ បន្តផ្ដល់ឱ្យដដែល។

ក្នុងពិធីសម្ពោធដាក់ឱ្យប្រើប្រាស់មជ្ឈមណ្ឌលកម្សាន្តព្រីនស៍ ម៉ាណ័រ ដែលមាន ទីតាំងស្ថិតនៅតាមបណ្តោយផ្លូវជាតិលេខ១ គីឡូម៉ែត្រលេខ២៤ ភូមិដីឥដ្ឋកោះផុស២ ឃុំដីឥដ្ឋ ស្រុកកៀនស្វាយ ខេត្តកណ្តាល សម្ដេច ហ៊ុន សែន បានថ្លែងថា អ្វីដែលជាការយកចិត្តទុកដាក់នឹងជម្រាប ជូនទៅ អតីតយុទ្ធជននិងនិវត្តន៍ជននោះ គឺយើងនឹងបង្កើនប្រាក់បៀវត្សចំពោះនិវត្តន៍ជនអតីត យុទ្ធ ជន ដែលចូលនិវត្តន៍មុន។ព្រោះអ្នកចូលនិវត្តន៍មុនគាត់ប្រាក់ខែតែ ៤០ ម៉ឺនរៀល ដល់ពេល ចូលនិវត្តន៍កាត់ទៅនៅសល់ត្រឹម ៣០ម៉ឺនរៀលប៉ុណ្ណោះ។ បើប្រៀបធៀបអ្នកចូលនិវត្តន៍ បច្ចុប្បន្នឥឡូវប្រាក់ខែមួយលានរៀល ដល់ចូលនិវត្តន៍ទៅកាត់ ២០ភាគរយ គាត់នៅសល់ ៨០ ម៉ឺនរៀល ខុសពីរអ្នកចូលនិវត្តន៍មុន។ សម្ដេចតេជោបានបន្ដថា ដើម្បីកាត់បន្ថយគម្លាត អ្នកចូលនិវត្តន៍មុន និងក្រោយ រាជរដ្ឋាភិបាលបានចំណាយ១០លានដុល្លារអាមេរិក ក្នុងមួយឆ្នាំ ដើម្បីកុំឱ្យខុសឃ្លាតគ្នាឆ្ងាយពេកជាមួយអ្នកចូលនិវត្តន៍បច្ចុប្បន្ន។ ជាមួយគ្នានេះ ដែរ សម្តេចតេជោក៏បានប្រកាសពីការបន្តអនុវត្តន៍កម្មវិធីឧបត្ថម្ភសាច់ប្រាក់ជូនគ្រួសារក្រី ក្រ និងងាយរងគ្រោះ ក្នុងអំឡុងពេលជំងឺកូវីដ-១៩ សម្រាប់រយៈពេល០៣ខែបន្ថែមទៀត គឺ ចាប់ពីខែតុលា ដល់ខែធ្នូឆ្នាំ២០២០។

សម្ដេចតេជោបានគូសបញ្ជាក់ថា «ខ្ញុំសុំប្រកាសជូន ប្រជាពលរដ្ឋឱ្យបានជ្រាបថា រាជរដ្ឋាភិបាលនឹងបន្តក្នុងរយៈពេល៣ខែទៀត អ្នកដែល បានទទួលជំនួយឧបត្ថម្ភ ដែលជា គ្រួសារក្រីក្រប្រមាណ៦០ម៉ឺនគ្រួសារ ជាមួយនឹង មនុស្ស ជាង៣លាននាក់ ចាប់ពីពេលនេះ រហូតដល់ខែធ្នូ ដែលជាជុំទី៦ នៃអន្តរាគមន៍ របស់រាជ រដ្ឋាភិ បាល»។ ក្រៅពីបន្តការឧត្ថម្ភ ដល់ពលរដ្ឋក្រីក្រ និងងាយរងគ្រោះរយៈពេល ៣ខែទៀត នោះ សម្តេចតេជោនាយករដ្ឋមន្ត្រី ក៏បានប្រកាសពីការបន្តឧបត្ថម្ភកម្មករ និយោជិត បម្រើ ការ ងារនៅរោងចក្រ សហគ្រាស និងអាជីវកម្ម ក្នុងវិស័យកាត់ដេរ វាយនភណ្ឌ ស្បែកជើង កាបូប។ល។ និងវិស័យទេស ចរណ៍រយៈពេល៣ខែបន្តទៀតផងដែរ ដែលក្នុងនោះកម្មករ និយោជិតក្នុងវិស័យកាត់ដេរ ទទួលបានការឧបត្ថម្ភពីរាជរដ្ឋាភិបាលចំនួន៤០ដុល្លារអាមេរិក និងថៅកែរោងចក្រ៣០ ដុល្លារអាម៉េរិក សរុប៧០ដុល្លារអាម៉េរិកក្នុង១ខែ។ ចំណែកកម្មករនិយោជិតក្នុងវិស័យ ទេសចរណ៍ ទទួលបានការឧបត្ថម្ភពីរាជរដ្ឋាភិបាលចំនួន៤០ដុល្លារអាម៉េរិកក្នុង១ខែ។

សម្ដេចតេជោ ហ៊ុន សែន បានគូសបញ្ជាក់បន្ថែមថា រាជរដ្ឋាភិបាលក៏សម្រេចបង្កើន កម្ម វិធីសាច់ប្រាក់ពលកម្មពី៥០លានដុល្លារអាមេរិក ដល់១៥០លានដុល្លារអាម៉េរិកផងដែរ ដើម្បីឱ្យប្រជាពលរដ្ឋអាចធ្វើពលកម្ម ជាប្រព័ន្ធធារាសាស្ត្រតូចៗ និងជាផ្លូវលំ ដែលបាន ផ្តល់ ផលប្រយោជន៍ដល់ប្រជាពលរដ្ឋមូលដ្ឋាន និងទទួលបានប្រាក់ចំណូលនេះផងដែរ និង បន្តអនុវត្តន៍កិច្ចគាំពារសង្គមផ្សេងទៀត ដូចជាកម្មការិនីសម្រាលកូន ស្ត្រីមានផ្ទៃ ពោះ ចាប់ពីពេលមានផ្ទៃពោះរហូតដល់កូនអាយុ២ឆ្នាំ។

គួររម្លឹកផងដែរថា រាជរដ្ឋាភិបាលបានប្រកាសដាក់ឱ្យអនុវត្តជាផ្លូវការនូវ «កម្មវិធី ឧបត្ថម្ភ សាច់ប្រាក់ជូនគ្រួសារក្រីក្រ និងងាយរងគ្រោះ ក្នុងអំឡុងពេលប្រយុទ្ធនឹងជំងឺកូវីដ-១៩» កាលពីថ្ងៃទី ២៤ ខែ មិថុនា ឆ្នាំ ២០២០កន្លងមក។ ការអនុវត្តកម្មវិធីឧបត្ថម្ភសាច់ប្រាក់ សម្រាប់ ខែទី១ មានអ្នកទទួលផលចំនួន ៥៣០ ៨៣៨ គ្រួសារ ខែទី២ ចំនួន ៥៩៨ ៥១២ គ្រួសារ ខែទី៣ ចំនួន៦៤៤ ៦៥៥គ្រួសារ។ ដោយឡែកសម្រាប់ខែទី៤ ដែលបានចាប់ផ្ដើម អនុវត្តន៍បើកផ្ដល់កាលពីថ្ងៃទី ២៥ ខែ កញ្ញា ឆ្នាំ២០២០ រហូតដល់ថ្ងៃទី២៤ ខែតុលា ឆ្នាំ២០២០ រាជរដ្ឋាភិបាលគ្រោងចំណាយថវិកាចំនួន ១២៥ ១៧២ ៦៨៧ ៦០០ រៀលសម្រាប់ បើកផ្ដល់ជូនគ្រួសារក្រីក្រ និងងាយរងគ្រោះចំនួន៦៨៩ ៩៧៣គ្រួសារ៕SRP

ខេត្តព្រៃវែង៖លោកឧត្តមសេនិយ៍ទោ ព្រុំ សន្ធរ ស្នងការ នៃស្នងការដ្ឋាននគរបាល ខេត្តព្រៃវែង នៅថ្ងៃទី ០៧ ខែតុលា ឆ្នាំ២០២០នេះបានអញ្ជើញបើកប្រជុំ ត្រួតពិនិត្យការ អនុវត្តន៍ ការងារ នគរបាល និងសហគមន៍ នៅអធិការដ្ឋាននគរបាល ស្រុកស្វាយអន្ទរ។

ក្នុងកិច្ចប្រជុំនេះដែរលោកឧត្តមសេនីយ៍ ស្នងការ បានឧបត្ថម្ភសម្ភារ និងថវិកាជូន កម្លាំងអធិការដ្ឋាន និងកម្លាំងប៉ុស្តិ៍នគរបាលរដ្ឋបាល ក្នុងម្នាក់ទទួលបាន មួកសុវត្ថិភាព០១ និងអាវយឺត០១ កម្លាំងប្រជាការពារក្នុង ០១នាក់ អាវយឺត ០១ និងថវិកា ២០,០០០ រៀល ដើម្បីលើកទឹកចិត្ត ដល់កងកម្លាំងនិងប្រជាការពារ អោយខិតខំបន្តពង្រឹងការពារ សន្តិសុខ សណ្តាប់ធ្នាប់ សុវត្តិភាព ជូនប្រជាពលរដ្ឋអោយបានល្អប្រសើរ នៅក្នុងមូលដ្ឋាន៕SRP

ភ្នំពេញ៖ថ្លែងក្នុងពេលអញ្ជើញសម្ពោធមជ្ឈមណ្ឌលកម្សាន្ត «ព្រីនស៍ ម៉ាណ័រ» ស្ថិតនៅតាមបណ្តោយផ្លូវជាតិលេខ១ គីឡូម៉ែត្រលេខ២៤ ភូមិដីឥដ្ឋកោះផុស២ ឃុំដីឥដ្ឋ ស្រុកកៀនស្វាយ ខេត្តកណ្តាល នាព្រឹកមិញ ប្រមុខដឹកនាំកម្ពុជាសម្តេចតេជោ ហ៊ុន សែន បានមានប្រសាសន៍ថា អ្វីដែលកម្ពុជាខ្លាំង និងអាចធ្វើបានក្នុងវិបត្តិកូវីដនេះមាន២ គឺទី១) ការមិនក្ស័យធន , ការរក្សាការងារបានដល់ពលរដ្ឋទាំងរដ្ឋ និងឯកជន។ ទី២) កម្ពុជានៅតែបន្តបើករោងចក្រថ្មី ជាបន្តបន្ទាប់ ជាពិសេសឧស្សហកម្មធុនស្រាល។

សម្តេចតេជោបន្តថា នេះជាមោទនភាពមួយដែលកម្ពុជាមានកន្លែងកម្សាន្ត បែបទេសចរណ៍អន្តរជាតិនេះ ដែលក្រុមហ៊ុនបានចំណាយទុនវិនិយោគចំនួនប្រមាណ ៨៥លានដុល្លារ ដែលជាទុនវិនិយោគដ៏ធំមួយក្នុងប្រទេសកម្ពុជា ជាមជ្ឍមណ្ឌលកម្សាន្តលំដាប់អន្តរជាតិ ប្រកបដោយភាពទាក់ទាញ នៃទិសខាងកើតនៃទីក្រុងភ្នំពេញ។

សម្តេចតេជោនាយករដ្ឋមន្ត្រីបានមានប្រសាសន៍ថា បច្ចុប្បន្ននេះ ជំងឺកូវីដ-១៩ បានបង្កនូវផលប៉ះពាល់ដល់យើងមែន តែកូវីដ-១៩មិនអាចរារាំងដល់ការអភិវឌ្ឍយើង និងសម្លាប់យើងបាននោះទេ។
សម្តេចបន្តថា វិស័យទេសចរណ៍ ក្នុងវិបត្តិកូវីដនេះ គឺភ្ញៀវទេសចរមិនអាចចេញទៅកម្សាន្តនៅក្រៅប្រទេសនោះទេ ដូច្នេះហើយជាឱកាសដែលអោយពួកគាត់បានដើរកម្សាន្តក្នុងតំបន់ទេសចរណ៍ក្នុងស្រុក ដែលជាការផ្តល់ចំណូលក្នុងវិស័យនេះ។
ជាក់ស្តែង សម្តេចតេជោបានមានប្រសាសន៍លើកឡើងថា គ្រាន់តែថ្ងៃឈប់សម្រាកសងបុណ្យចូលឆ្នាំ៩ថ្ងៃ មានភ្ញៀវទេសចរដើរលេងក្នុងស្រុកប្រមាណ១លាន៦សែននាក់ ទៅតាមកន្លែងទេសចរណ៍សំខាន់ៗ។
សម្តេចតេជោបញ្ជាក់ថា យើងកំពុងជំរុញការអភិវឌ្ឍទេសចរណ៍ក្នុងស្រុកអោយបានច្រើន ជាពិសេសត្រូវខិតខំបង្កើតតំបន់ទេសចរណ៍ថ្មីៗបន្ថែមទៀត ដើម្បីកំណើនសេដ្ឋកិច្ចយើងនាពេលខាងមុខ។

សម្តេចតេជោនាយករដ្ឋមន្ត្រីបានមានប្រសាសន៍ថា នៅទីនេះ ពេលខាងមុខនឹងមានការរៀបចំជាកំពង់ផែទេសចរណ៍ផងដែរ ព្រោះភ្លៀវទេចរណ៍អាចធ្វើដំណើរតាមផ្លូវទឹក។ ដូច្នេះសម្តេចសូមអោយក្រសួងសាធារណការ និងក្រសួងទេសចរណ៍ ត្រូវសិក្សាពីគម្រោងនេះ បើមានការសំណូមពរអោយមានការសាងសង់កំពង់ផែនាពេលខាងមុខនោះ។

សម្តេចតេជោបានមានប្រសាសន៍បញ្ជាក់ទៀតថា អ្វីដែលសំខាន់ដែលធ្វើអោយបងប្អូនប្រជាពលរដ្ឋអាចដើរកម្សាន្តបានងាយស្រួលនោះ គឺដោយសារកត្តា៤យ៉ាង ទី១) ប្រទេសជាតិយើងមានសន្តិភាពគ្រប់ទីកន្លែង , ទី២)យើងមានហេដ្ឋារចនាសម្ព័ន្ធផ្លូវធ្វើដំណើរតភ្ជាប់គ្រប់ទីកន្លែង, ទី៣)បងប្អូនប្រជាពលរដ្ឋយើងមានមធ្យោបាយធ្វើដំណើរគ្រប់ៗគ្នា ទាំងម៉ូតូ និងរថយន្ត និងទី៤)ប្រជាពលរដ្ឋមានប្រាក់ចំណូល។ សម្តេចតេជោនាយករដ្ឋមន្ត្រីបានបញ្ជាក់ថា ថ្វីត្បិតតែឆ្នាំនេះយើងមិនព្រះរាជពិធីបុណ្យអុំទូកនៅភ្នំពេញក៏ដោយ តែអាជ្ញាធរមូលដ្ឋានអាចធ្វើតាមបណ្តាខេត្តនានាបាន ហើយពិធីសំពះព្រះខែ អកអំបុក អាចធ្វើនៅតាមវត្ត ឬតាមផ្ទះនានា។ តែទោះជាយ៉ាណា សម្តេចតេជោសុំអោយក្រសួងសុខាភិបាលសិក្សាមើល និងត្រូវមានវិធានការខ្ពស់ក្នុងការការពារជម្ងឺកូវីដ១៩ ជាពិសេសកីឡាករអុំទូក។

តាមរបាយការណ៍របស់ក្រុមហ៊ុនបានអោយដឹងថា មជ្ឈមណ្ឌលកម្សាន្ត «ព្រីនស៍ ម៉ាណ័រ» គឺជាគម្រោងសួនកម្សាន្តខ្នាតយក្សដំបូងគេនៅក្នុងប្រទេសកម្ពុជា ចម្ងាយជាង ២០គីឡូម៉ែត្រ ពីកណ្តាលរាជធានីភ្នំពេញ។ មជ្ឈមណ្ឌលកម្សាន្ត «ព្រីនស៍ ម៉ាណ័រ» ជាការវិនិយោគរបស់ក្រុមហ៊ុន «ព្រីនស៍ ខលឈ័រ អេន ធួរីហ្សឹម ឌីវេឡុបម៉ិន ឯ.ក» ដោយគ្របដណ្តប់លើផ្ទៃដីទំហំ ជាង ១៣ហិកតា ជាមួយគម្របរុក្ខជាតិបៃតងចំនួន ៨៨ភាគរយ។ មជ្ឈមណ្ឌលកម្សាន្ត «ព្រីនស៍ ម៉ាណ័រ» ជារមណីយដ្ឋានអេកូឡូស៊ីខ្នាតអន្តរជាតិមួយ ដែលផ្តល់ជូនភ្ញៀវទេសចរនូវការសម្រាកលម្ហែកាយ វិស្សមកាលជាមួយទេសភាពស្រស់បំព្រង ការកម្សាន្តលក្ខណៈគ្រួសារ និងទេសចរណ៍លក្ខណៈពិសេស ដែលរួមបញ្ចូលនូវសួនផ្កាចម្រុះពណ៌ សួនកម្សាន្ដរីករាយ បន្ទប់ស្នាក់នៅបែបផ្ទះឈើ និងអាហារឆ្ងាញ់ៗនៅក្នុងទីតាំងតែមួយ។ មជ្ឈមណ្ឌលកម្សាន្ត «ព្រីនស៍ ម៉ាណ័រ» មានគម្រោងកម្សាន្តដូចជា ការកម្សាន្តបែបផ្សងព្រេង រំភើប កក់ក្តៅ និងពោរពេញដោយមនោសញ្ចេតនា។ មជ្ឈមណ្ឌលកម្សាន្ត «ព្រីនស៍ ម៉ាណ័រ» ក៏មានកងវិលកម្ពស់ ៨៨ម៉ែត្រ ដែលប្រៀបដូចជាភ្នែកនៃទីក្រុងភ្នំពេញ រួមជាមួយពិភពទឹកកម្សាន្តព្រីនស៍ ដែលមានទំហំប្រមាណ ១ហិកតា ទីវាលប្រណាំងឡានប្រកបដោយស្តង់ដារ និងសួនរុក្ខជាតិអេកូឡូស៊ីជាដើម៕SRP

ខេត្តសៀមរាប៖សមត្ថកិច្ចបានថ្លែងថាបុគ្គលិកនាយកដ្ឋានសណ្ដាប់ធ្នាប់ និងសហប្រតិបត្តិការ អាជ្ញាធរជាតិអប្សារា ម្នាក់ត្រូវបានកម្លាំងសមត្ថកិច្ចចម្រុះចាប់ខ្លួន ករណីប្រើប្រាស់សារធាតុញៀន។

ហេតុការណ៍ចាប់ខ្លួននេះធ្វើឡើងនៅយប់ថ្ងៃទី០៦ ខែតុលា ឆ្នាំ២០២០ ខណៈសមត្ថកិច្ចកំពុងសកម្មភាពត្រួតពិនិត្យអាវុធជាតិផ្ទុះនៅត្រង់ចំណុច កែងអាវុធហត្ថក្រុងសៀមរាបចាស់ ស្ថិតនៅភូមិត្រពាំងសេះ សង្កាត់គោកចក ក្រុងសៀមរាប។
សមត្ថកិច្ចបានឲ្យដឹងថា ជនសង្ស័យម្នាក់ឈ្មោះ សៀវ សុមិត្រា ភេទ ប្រុស អាយុ៣០ឆ្នាំ មុខរបរបុគ្គលិកនាយកដ្ឋានសណ្ដាប់ធ្នាប់ និងសហប្រតិបត្តិការ នៃអាជ្ញាធរអប្សារា រស់នៅភូមិណ្ឌល៣ សង្កាត់ស្លក្រាម ក្រុងសៀមរាប មូលហេតុ កម្លាំងបានឆែកកែបម៉ូតូឃើញមានដែកកេះកែឆ្នៃចំនួន០២(ពណ៌លឿង១ ខៀវ១)។ ក្រោយពីយកមកសួរនាំនៅប៉ុស្តិ៍នគរបាលគោកចក ហើយជនសង្ស័យបានសារភាពថាខ្លួនបានប្រើប្រាស់គ្រឿងញៀនប្រភេទទឹកកក កាលពីថ្ងៃទី០៤ ខែតុលា ឆ្នាំ២០២០។ តាមលទ្ធផលតេស្តទឹកនោមមានសញ្ញាវិជ្ជមាន។បច្ចុប្បន្នសមត្ថកិច្ចជំនាញកំពុងរៀបចំសំណុំរឿងចាត់ការតាមច្បាប់៕SRP

ភ្នំពេញ៖បើមិនមានអ្វីប្រែប្រួលនោះទេ
នៅព្រឹកថ្ងៃពុធ ទី០៧ ខែតុលា ឆ្នាំ២០២០ស្អែកនេះ នាយករដ្ឋមន្ត្រីនៃព្រះរាជាណាចក្រកម្ពុជាសម្តេចតេជោ ហ៊ុន សែន នឹងអញ្ជើញសម្ពោធមជ្ឈមណ្ឌលកម្សាន្ត «ព្រីនស៍ ម៉ាណ័រ» ស្ថិតនៅតាមបណ្តោយផ្លូវជាតិលេខ១ គីឡូម៉ែត្រលេខ២៤ ភូមិដីឥដ្ឋកោះផុស២ ឃុំដីឥដ្ឋ ស្រុកកៀនស្វាយ ខេត្តកណ្តាល។

មជ្ឈមណ្ឌលកម្សាន្ត «ព្រីនស៍ ម៉ាណ័រ» គឺជាគម្រោងសួនកម្សាន្តខ្នាតយក្សដំបូងគេនៅក្នុងប្រទេសកម្ពុជា ចម្ងាយជាង ២០គីឡូម៉ែត្រ ពីកណ្តាលរាជធានីភ្នំពេញ។ មជ្ឈមណ្ឌលកម្សាន្ត «ព្រីនស៍ ម៉ាណ័រ» ជាការវិនិយោគរបស់ក្រុមហ៊ុន «ព្រីនស៍ ខលឈ័រ អេន ធួរីហ្សឹម ឌីវេឡុបម៉ិន ឯ.ក» ដោយគ្របដណ្តប់លើផ្ទៃដីទំហំ ជាង ១៣ហិកតា ជាមួយគម្របរុក្ខជាតិបៃតងចំនួន ៨៨ភាគរយ។ មជ្ឈមណ្ឌលកម្សាន្ត «ព្រីនស៍ ម៉ាណ័រ» ជារមណីយដ្ឋានអេកូឡូស៊ីខ្នាតអន្តរជាតិមួយ ដែលផ្តល់ជូនភ្ញៀវទេសចរនូវការសម្រាកលម្ហែកាយ វិស្សមកាលជាមួយទេសភាពស្រស់បំព្រង ការកម្សាន្តលក្ខណៈគ្រួសារ និងទេសចរណ៍លក្ខណៈពិសេស ដែលរួមបញ្ចូលនូវសួនផ្កាចម្រុះពណ៌ សួនកម្សាន្ដរីករាយ បន្ទប់ស្នាក់នៅបែបផ្ទះឈើ និងអាហារឆ្ងាញ់ៗនៅក្នុងទីតាំងតែមួយ។

មជ្ឈមណ្ឌលកម្សាន្ត «ព្រីនស៍ ម៉ាណ័រ» មានគម្រោងកម្សាន្តដូចជា ការកម្សាន្តបែបផ្សងព្រេង រំភើប កក់ក្តៅ និងពោរពេញដោយមនោសញ្ចេតនា។ មជ្ឈមណ្ឌលកម្សាន្ត «ព្រីនស៍ ម៉ាណ័រ» ក៏មានកងវិលកម្ពស់ ៨៨ម៉ែត្រ ដែលប្រៀបដូចជាភ្នែកនៃទីក្រុងភ្នំពេញ រួមជាមួយពិភពទឹកកម្សាន្តព្រីនស៍ ដែលមានទំហំប្រមាណ ១ហិកតា ទីវាលប្រណាំងឡានប្រកបដោយស្តង់ដារ និងសួនរុក្ខជាតិអេកូឡូស៊ីជាដើម។

មជ្ឈមណ្ឌលកម្សាន្ត «ព្រីនស៍ ម៉ាណ័រ» ផ្តល់ការកម្សាន្តជូនដល់អ្នកទេសចរគ្រប់វ័យ ពោលគឺមានកន្លែងកម្សាន្តសម្រាប់មនុស្សគ្រប់វ័យទាំងអស់។ មជ្ឈមណ្ឌលកម្សាន្ត «ព្រីនស៍ ម៉ាណ័រ» មានសេវាកម្មកម្សាន្តដូចជា៖ ឧបករណ៍ជិះទម្លាក់ កៅអីវិលហោះហើរ សេះវិល ទូកចោរសមុទ្រ រថយន្តបុកគ្នា ឌីស្កូក្រឡាប់ចាក់ រថយន្តប្រណាំង កន្ត្រកវិល និងសួនទឹកជាដើម។ មជ្ឈមណ្ឌលកម្សាន្ត «ព្រីនស៍ ម៉ាណ័រ» បើកទ្វារពីថ្ងៃចន្ទ ដល់ថ្ងៃអាទិត្យ។ តម្លៃសំបុត្រ មានចាប់ពី ៤ដុល្លារ រហូតដល់ ៤០ដុល្លារ។ សម្រាប់សំបុត្រតម្លៃ ៤០ដុល្លារ គឺអ្នកទេសចរអាចលេងរាល់ឧបករណ៍កម្សាន្តដែលមាននៅក្នុងមណ្ឌលកម្សាន្តមួយនេះ។ ក្រៅតែពីផ្តល់នូវការកម្សាន្តដ៏សម្បូរបែបហើយនោះ មជ្ឈមណ្ឌលកម្សាន្ត «ព្រីនស៍ ម៉ាណ័រ» ដែលវិនិយោគដោយក្រុមហ៊ុនចិននេះ ក៏បានរួមចំណែកផ្តល់ការងារជូនប្រជាពលរដ្ឋខ្មែររហូត ដល់ប្រមាណ១៩០នាក់ផងដែរ៕SRP

ភ្នំពេញ​៖នៅទីបំផុតក្រោយពីតុលាការខេត្តមណ្ឌលគិរី ចេញ​ដីកា​ឃុំ​ឧ​ត្ត​ម​សេនីយ៍​ទោ ពៅ សុធា​រ៉ា​ន់ អនុប្រធាននាយកដ្ឋាន​នគរបាល​ការពារ​ព្រំដែន​គោករួមទាំង​មនុស្ស​៣​នាក់​ទៀតពាក់ព័ន្ធករណីទន្ទ្រានដីខុសច្បាប់ នៅ​ខេត្តមណ្ឌលគិរី​។ ក្នុងសំណុំ​រឿងនេះ មាន​អ្នក​ជាប់​ពាក់ព័ន្ធ​ជាង​១០​នាក់​ទៀត ភាគច្រើន​ជាម​ន្រី្ត​រាជការ ពេលនេះសមត្ថកិច្ចកំពុងតាមចាប់ខ្លួនផងដែរ។ប៉ុន្តែបុគ្គលជាប់ចោទទាំងនោះពុំទាន់មានប្រភពណាមួយបញ្ជាក់ឈ្មោះនៅឡើយទេ។

នេះ​បើតាម​ការអះអាង​របស់«លោក មាស ប្រុស ប្រធាន​លេខាធិការដ្ឋាន​រដ្ឋបាល​នៃ​សាលាដំបូង​
ខេត្តមណ្ឌលគិរី» បានថ្លែងប្រាប់អ្នកសារព័ត៌មាននៅព្រលប់ថ្ងៃទី ០៦ខែតុលាឆ្នាំ ២០២០ នេះ។

​លោក មាស ប្រុស បានបានប្រាប់អ្នកសារព័ត៌មានថាលោក ពៅ សុធា​រ៉ា​ន់ កំពុង​ជាប់ឃុំ​នៅ​ពន្ធនាគារ​ខេត្តមណ្ឌលគិរី ពីបទ​៖កាប់​គាស់​រុករាន​ដីព្រៃ ឆ្ការ​ដុត និងឈូសឆាយ​ដីព្រៃ​ដើម្បី​យក​ដី​ធ្វើជា​កម្មសិទ្ធិ ផ្ទាល់ខ្លួន​។
ការទន្ទ្រាន​ដី​នេះ ត្រូវ​រកឃើញ កាលពី​ថ្ងៃទី​០៩ខែកញ្ញា នៅ​ចំណុច​ភ្នំរ​ហាំង ភូមិ​ពូ​ឆប ឃុំ​ដាក់​ដាំ ស្រុក​អូររាំង ខេត្តមណ្ឌលគិរី ដែលជា​ដី​ក្នុង​តំបន់ការពារធម្មជាតិ​។
លោក មាស ប្រុស ថ្លែងបន្តថាក្នុងចំណោម​មនុស្ស​៣​នាក់​ទៀត ដែល​ជាប់ឃុំ​ជាមួយ​លោក ពៅ សុធា​រ៉ា​ន់ មាន​ម្នាក់​ជា​នគរបាល​ព្រំដែន ម្នាក់​ជាម​ន្ត្រី​សុរិយោដី និង ម្នាក់ទៀតជា​អ្នកកាសែត​។

លោកបញ្ជាក់ថា​លោក ពៅ សុធា​រ៉ា​ន់ ត្រូវ​ឃាត់ខ្លួន​កាលពី​ថ្ងៃអាទិត្យទី៤​ខែតុលា​នេះ។ ហើយមិនមែនតែគាត់ម្នាក់ទេដែលក្នុងសំណុំរឿងនេះ មាន​៤​នាក់​ហើយ ដែល​កំពុង​ជាប់ឃុំ​។ បើគិតនឹងលោកលោក សុធា​រ៉ា​ន់​ ពាក់ព័ន្ធ​នឹង​រឿងរ៉ាវ​ដីធ្លី​នេះ នៅមាន​គ្នា​ជាង​១០​នាក់​ទៀត កំពុង​តាម​ចាប់ខ្លួន ដែល​ភាគច្រើន​ជាម​ន្រី្ត​..។
ជុំវិញរឿងរ៉ាវដីធ្លីនៅខេត្តមណ្ឌលគិរី
កាលពី​ថ្ងៃទី​១៥ ខែកញ្ញា នាយករដ្ឋមន្ត្រីី ហ៊ុន សែន បានសម្រេច​បញ្ចប់​តំណែង​លោក​អភិបាលស្រុក​កោះ​ញែក​ ខេត្តមណ្ឌលគិរី អាចពាក់ព័ន្ធសំណុំរឿងដីធ្លីនេះ។
អ្នកនាំពាក្យ​ក្រសួងមហាផ្ទៃ លោក ខៀវ សុភ័គ បាន​ប្រាប់​សារព័ត៌មាន​ថ្មីៗ កាលពី​ថ្ងៃទី​៣០ ខែកញ្ញា​ថា មិនមែន​មានតែ​អភិបាលស្រុក​មួយរូប​នេះ​ទេ។ ដែលត្រូវបញ្ចប់មុខតំណែងណែង គឺមាន​ម​ន្រី្ត​ពាក់ព័ន្ធ​ផ្សេងទៀត​។ ប៉ុន្តែត្រូវរង់ចាំអនុក្រឹត្យសម្រេច ពី​ប្រមុខ​រដ្ឋាភិបាល​ជា​ឬ​ព្រះរាជក្រឹត្យ​បង្គាប់​ពី​ព្រះមហា​ក្សា​ត្រ​ជាមុនសិន ទើប​លោក​អាច​ផ្ដល់ព័ត៌មាន​លម្អិត​បាន​។
លោក ប៉ែន ប៊ុណ្ណា​រ៍ មន្ត្រី​កម្មវិធី​ពង្រឹង​សិទ្ធិអំណាច​សហគមន៍​មូលដ្ឋាន​នៃ​សមាគម​ការពារសិទ្ធិមនុស្ស​អាដហុក មានប្រសាសន៍​ជាមួយ​សារព័ត៌មាន​ថ្មីៗ​ថានៅខេត្តមណ្ឌលគិរី មិនមែនមានតែស្រុកកោះញែកមួយទេ គឺមាន​ស្រុក​ជាច្រើន​ទៀត​ដែល​កំពុងមាន​បញ្ហាដីធ្លី​នេះ​។ លោក ប៉ែន ប៊ុណ្ណា​រ៍ថា ចាប់ពី​ឆ្នាំ​២០១៥​មក លោក និង​ពលរដ្ឋ​តាម​មូលដ្ឋាន​បានដាក់​បណ្ដឹង​ជាង​១០​បណ្ដឹង​ហើយ ពាក់ព័ន្ធ​នឹង​ការទន្ទ្រាន​ដី​ខុសច្បាប់​ក្នុង​ខេត្តមណ្ឌលគិរី​។

សូមរំលឹថាកាលពី​ថ្ងៃទី​២២ ខែកក្កដា សម្ដេច ស ខេង បានសម្រេច​បង្កើត​ក្រុមការងារ​អន្តរក្រសួង ចុះ​សិក្សា​លើ​ករណី​ទន្ទ្រាន​ដីព្រៃ​ខុសច្បាប់ ក្នុង​តំបន់ការពារធម្មជាតិ​ខេត្តមណ្ឌលគិរី ដើម្បី​ប្រមូល​ឯកសារ​និង​ភ​ស្ភុ​តាង​ជុំវិញ​បញ្ហា​នេះ​។កន្លងមកនាយករដ្ឋមន្ត្រី ក៏បាន​បញ្ជា​ឲ្យ​ក្រសួងកសិកម្ម ក្រសួងបរិស្ថាន និងក្រសួង​ដែនដី ដោះស្រាយ​បញ្ហា​ដី​ជូន​ពលរដ្ឋ ដែលមាន​ទីតាំងនៅ​លើដី​ព្រៃ​ឬ​តំបន់​ការពារ ហើយ​បើ​ពលរដ្ឋ​ណា​មាន​ទីលំនៅ​រយៈពេល​យូរ​ឆ្នាំ (​អាច​ពេល​១០​ទៅ​២០​ឆ្នាំ​) ត្រូវ​កាត់​ឆ្វៀល​ដី​នោះ​ឲ្យ​ពួកគាត់​។

ទន្ទឹមនឹងនោះប្រមុខរដ្ឋាភិបាលបញ្ជា​ឲ្យ​ចាត់វិធានការ​លើ​មន្ត្រី​និង​បុគ្គល​ណាដែល​រំលោភបំពាន​ដី​រដ្ឋឬ​ដី​របស់​ពលរដ្ឋ​ផងដែរ៕SRP

ខេត្តសៀមរាប៖ក្នុងកិច្ចប្រជុំសាមញ្ញលើកទី១៧ របស់ក្រុមប្រឹក្សា អាណត្តិទី៣ នៅរដ្ឋបាលខេត្តសៀមរាប នាថ្ងៃទី០៦ ខែតុលា ឆ្នាំ២០២០នេះ លោក ទៀ សីហា អភិបាលខេត្តបានធ្វើការថ្លែងអំណរគុណ និង កោតសរសើរពីស្មារតីចូល រួមសហការណ៍របស់បងប្អូនប្រជាពលរដ្ឋ ដែលមានក្បាលដី និង លំនៅដ្ឋានប៉ះពាល់លើគម្រោមស្ថាបនាផ្លូវទាំង៣៨ខ្សែក្នុងក្រុង សៀមរាប ដែលបានស្ម័ត្រចិត្តរុះរើ ជាមួយក្រុមការងារ ដើមី្បឲ្យកិច្ចដំណើរការស្ថាបនាផ្លូវបានដំណើរការទៅឲ្យរលូន ទទួលបានជោគជ័យ ហើយបងប្អូនមួយចំនួនតូចដែលមិនបានទាន់ធ្វើការរុះរើ ដោយពួកគាត់កង្វះនូវក្រុមជាងសំណង់ តែមុននឹងក្រោយពួកគាត់នឹងធ្វើការរុះរើផងដែរ ។

អភិបាលខេត្តបានសំណូមពរដល់បងប្អូនប្រជាពលរដ្ឋមួយចំនួន សុំឲ្យបញ្ឈប់នូវប្រពៃណីវប្បធម៌ អន្តរាគមន៍ សូមបែរមកទទួលយកនូវប្រពៃណីវប្បធម៌ចូលរួមសហការ ដើមី្បជាផលប្រយោជន៍ដល់សង្គមជាតិ ក៏ដូចជាផលប្រយោជន៍របស់បងប្អូនទៅថ្ងៃអនាគត ហើយទទួលបានជោគជ័យទាំងផ្លូវ និង សតិអារម្មណ៍ប្រជាពលរដ្ឋ។ លោកក៏បានគូសបញ្ជាក់ថា ផ្លូវទាំង៣៨ខ្សែនេះ គឺផែនការប្រវត្តិសាស្ត្ររបស់ខេត្តសៀមរាបមួយ ក្រោមការឧបត្ថម្ភគាំទ្រនិងការផ្តល់នូវកញ្ចប់ថវិការបស់សម្តេចនាយករដ្ឋមន្ត្រី ដើមី្បធ្វើការអភិវឌ្ឍន៍នូវហេដ្ឋារចនាសម្ព័ន្ធផ្លូវ ថ្នល់ ក្នុងទីក្រុងទេសចរណ៍ប្រវត្តសាស្ត្រ ឲ្យកាន់តែមានសោភណ្ឌភាពស្រស់ត្រកាលឡើង ក្នុងការទទួលស្វាគមន៍ភ្ញៀវទេសចរជាតិ អន្តរជាតិ។

បើតាមអភិបាលខេត្ត ក្រៅពីគម្រោងស្ថាបនាផ្លូវ៣៨ខ្សែ ខេត្តក៏មានលើក នូវគម្រោងស្ថាបនាផ្លូវមួយចំនួនទៀតក្នុងក្រុងសៀមរាប ហើយចំពោះគម្រោងផ្លូវនៅថ្នាក់ស្រុក ដែលស្ថិតនៅក្នុងដែនសមត្ថកិច្ចរបស់ អាជ្ញាធរអប្សរាគ្រប់គ្រង គឺជាភារកិច្ចរបស់អាជ្ញាធរជាតិអប្សរា។ កិច្ចប្រជុំនេះក្រោមការដឹកនាំរបស់ឯកឧត្តម អ៊ឹង ហឿន និងមានការចូលរួមពីមន្ត្រីពាក់ព័ន្ធនានាជុំវិញខេត្តផងដែរ៕SRP

ខេត្តសៀមរាប៖សមត្ថកិច្ចបានឲ្យដឹងថាបុរសម្នាក់ ឡើងផ្សាដែក នៅជាន់ទី២ កម្ពស់១២ម៉ែត្រ ហើយបានឆក់ខ្សែភ្លើងធ្លាក់ពីលអន្ទា បណ្តាលឲ្យស្លាប់ភ្លាមៗ។

ហេតុការណ៍នេះបានកើតឡើង នៅវេលាម៉ោង១១ និង៤៩នាទីថ្ងៃទី០៦ ខែតុលា ឆ្នាំ២០២០លើផ្លូវ៣០ ស្ថិតក្នុងភូមិវាល សង្កាត់គោកចក ក្រុងសៀមរាប ខេត្តសៀមរាប។

សមត្ថកិច្ចបានដកស្រង់សំដីការបំភ្លឺពីឈ្មោះ ហេង ឃាង និងម្ចាស់ផ្ទះថា ជនរងគ្រោះ បានម៉ៅការសំណង់ សាងសង់ដេគ័រផ្នែកខាងក្នុង និងផ្លាកយីយោទាំងមូល ដោយបានឲ្យពួកគាត់មកស្នាក់នៅ និងធ្វើការងារទីនេះអស់រយៈពេលមួយសប្តាហ៍មកហើយ។ លុះដល់ថ្ងទី៦ ខែ តុលា ឆ្នាំ២០២០ ជនរងគ្រោះ ដែលត្រូវជាបងប្រុស របស់អ្នកម៉ៅការសំណង់នោះ បានធ្វើផ្លាកយីហោដោយផ្ទាល់ ឡើងចុះធ្ចើផ្លាកនោះ ដោយលើកជើងអន្ទា ដាក់ខ្សែភ្លើងរ៉ត នៅចំកណ្តាលអន្ទានោះ លុះយកខ្សែទៅចងទាញឲ្យខ្សែទៅជាប់និងជើងអន្ទា ធ្ចើឲ្យខ្សែភ្លើងនោះឆ្លងចរន្ត បណ្តាលឲ្យឆក់ស្លាប់តែម្តង។

បើតាមសមត្ថកិច្ចបន្តថា ជនរងគ្រោះឈ្មោះ NGUYEN HAO HUU ភេទប្រុស អាយុ៤០ឆ្នាំ អត្តសញ្ញាណបណ្ណវៀតណាម លេខ 183441061 ជនជាតិវៀតណាម ស្នាក់នៅកន្លែងកើតហេតុ ភូមិវាល សង្កាត់គោកចក ក្រុងសៀមរាប ខេត្តសៀមរាប។ មានបងប្អូនប្រុស មុខរបរ ជាដេរគ័រ និងម៉ៅការ។សាកសពត្រូវបានដឹកតាមឡានពេទ្យ ទៅរក្សាទុកនៅភ្នំពេញ ដោយការិយាល័យពិនិត្យហេតុនៃ នាយកដ្ឋាន នគរបាល បច្ចេកទេសវិទ្យាសាស្រ្ត ក្រសួងមហាផ្ទៃ៕SRP

ខេត្តសៀមរាប៖នគរបាលក្រុងសៀមរាបបានឃាត់ខ្លួនជនសង្ស័យ០២នាក់ បន្ទាប់ពីបានប្រើកាំបិតកាប់ លើជនរងគ្រោះបណ្ដាលឲ្យរងរបួសធ្ងន់។

លោកវរសេនីយ៍ឯក ណុប  សារ៉ាក់ អធិការនគរបាលក្រុងសៀមរាបបានឲ្យដឹងថា ជនរងគ្រោះឈ្មោះយ ឌ ណ ភេទប្រុស អាយុ២៨ឆ្នាំ  ដើរមកពីដាក់សន្ទូចរកត្រី ហើយបែរភ្លើងពិល ត្រូវលើ  ក្រុមជនសង្ស័យមួយក្រុម ដែលកំពុង នាំគ្នាជក់ថ្នាំញៀន  បណ្តាលអោយក្រុមជនសង្ស័យខឹង  ហើយនាំគ្នា ជិះម៉ូតូនិងប្រើកាំបិត តាមរកនិងកាប់ជនរងគ្រោះ បណ្តាលរងរបួសដាច់ម្រាមដៃឆ្វេងចំនួន៣ របួសត្រង់ដើមដៃ នឹងកំភួនដៃខាងស្តាំដេរសរុប១៩ថ្នេរ។

ហេតុការណ៍បានកើតឡើងនៅកាលពីវេលាម៉ោង០៥ទាបភ្លឺ  ថ្ងៃទី០៤ ខែតុលា ឆ្នាំ២០២០នៅចំណុច  ភូមិអារញ្ញ សង្កាត់សៀមរាប ក្រុងសៀមរាប ខេត្តសៀមរាប។

លោកវរសេនីយ៍ឯក ណុប សារ៉ាក់ បន្តថាបន្ទាប់ពីទទួលបានពាក្យបណ្តឹងរបស់ជនរងគ្រោះកម្លាំងនគរបាលប៉ុស្តិ៍រដ្ឋបាលសង្កាត់សៀមរាប  សហការជាមួយកម្លាំងនគរបាលផ្នែកព្រហ្មទណ្ឌ ដឹកនាំប្រតិបត្តិការផ្ទាល់លោកវរសេនីយ៍ទោនួន  ស ក្តិ័ចំរើន រិទ្ធ  អធិការរងទទួលព្រហ្មទណ្ឌ  បានចុះធ្វើការស្រាវជ្រាវ និងកំណត់បានមុខសញ្ញាជនសង្ស័យ នឹងឈានដល់ឃាត់ខ្លួនឈ្មោះហេង គឹមឡាយ ភេទប្រុស អាយុ១៧ឆ្នាំរស់នៅភូមិអារញ្ញ សង្កាត់សៀមរាប ក្រុងសៀមរាប ខេត្តសៀមរាប មកធ្វើការសាកសួរ។ លោកលោកវរសេនីយ៍ឯក ណុប សារ៉ាក់ បន្តថា

វេលាម៉ោង១៧និង៣០នាទី ថ្ងៃទី០៥ខែតុលាម្សិលមិញ បាននាំខ្លួនជនសង្ស័យម្នាក់ទៀតឈ្មោះសួន សាក់ ភេទប្រុស អាយុ២០ឆ្នាំរស់នៅភូមិកក្រាញ់  សង្កាត់សៀមរាប ក្រុងសៀមរាប ខេត្តសៀមរាប។

ជនសង្ស័យទាំងពីរនាក់បានសារភាពថា ខ្លួនពិតជាបានចូលរួមជាមួយបក្ខពួក មានគ្នាសរុប៤នាក់  ជក់ថ្នាំញៀននៅថ្ងៃកើតហេតុពិតមែន។ ដោយកំពុងជក់ស្រាប់តែជនរងគ្រោះបានដើរមកក្បែរហើយ ឆួលពិលមកលើពួកគេ  ដោយសារខឹងទើបក្រុមខ្លួនជិះម៉ូតូ០២គ្រឿង  ទៅរកជនរងគ្រោះ។ ពេលឃើញជនរងគ្រោះ ឈ្មោះរាក់ ភេទប្រុស អាយុ២០ឆ្នាំ បានធ្វើសកម្មភាពកាប់លើជនរងគ្រោះ។ ចំណែកឈ្មោះគល់ ភេទប្រុស អាយុ២០ឆ្នាំ(ជាអ្នកដឹកឈ្មោះរាក់)  ឈ្មោះសាក់ និងឡាយ  ជិះម៉ូតូចាំនៅខាងក្រៅផ្ទះ  ជនរងគ្រោះ ពេលធ្វើសកម្មភាពរួចបក្ខពួកខ្លួនបាននាំគ្នាគេចខ្លួនអស់។

បើតាមអធិការថា ក្រោយធ្វើការសាកសួរ និងធ្វើតេស្តរកសារធាតុញៀនលើទឹកនោមជនសង្ស័យ ជាលទ្ធផលវិជ្ជមាន។ ជនសង្ស័យនិងវត្ថុតាង ត្រូវបានកម្លាំងនគរបាលក្រុងសៀមរាប កសាងសំណុំរឿងបញ្ជូនទៅតុលាការដើម្បីចាត់អនុវត្តតាមតាមផ្លូវច្បាប់។ចំណែកបក្ខពួកនៅសេសសល់បានធ្វើការកំណត់អត្តសញ្ញាណអស់ហើយ កំពុងតាមស្វែងរកចាប់ខ្លួនបន្តទៀត៕SRP