ខេត្តសៀមរាប៖លោក ឌិម ហេង អនុប្រធានផ្នែកបុគ្គលិក សាខាខេត្តសៀមរាប តំណាងអោយលោក ហ៊ុន ប៉ូគា ប្រធានសមាគមចលនាយុវជនកម្ពុជា(ក្រុម១៥៧) ខេត្តសៀមរាប នៅថ្ងៃចន្ទទី ០៧ ខែ មិថុនា ឆ្នាំ២០២១ នេះបាននាំយកអំណោយជូនលោក ស៊ូ វណ្ណដេត នាយប៉ុស្តិ៍នគរបាលរដ្ឋបាល សង្កាត់ស្វាយដង្គំ ក្រុងសៀមរាប ខេត្តសៀមរាប សម្រាប់ចែកជូនដល់កងកម្លាំងដែលប្រចាំការនៅតាមគោលដៅ ក្នុងការប្រយុទ្ធនឹងជំងឺកូវីដ១៩។

លោក ឌិម ហេង អនុប្រធានផ្នែកបុគ្គលិក សមាគមចលនាយុវជនកម្ពុជា(ក្រុម១៥៧) សាខាខេត្តសៀមរាប បានឲ្យដឹងថា
អំណោយដែលប្រគល់ជូន រួមមាន៖

-អង្ករ ៥០ គីឡូ -ទឹកសុទ្ធvital ៥ កេស -មីម៉ាម៉ា ២ កេស -ត្រីខ ២យួរ -ទឹកស៉ីអ៉ីវ ១យួរ -ទឹកត្រី ១យួរ -ប្រេងឆា ១ដប -ស្ករស ១គីឡូ -ប៊ីចេង កញ្ចប់ -អំបិល ១គីឡូ -ម៉ាស ៥០០ ម៉ាស -អាកុល ១កាន និងដបបាញ់អាល់កុល ៤ដប។

ក្នុងឱកាសនេះដែរ លោក ឌិម ហេង បានមានមតិផ្តាំផ្ញេីដល់កងកម្លាំង ដោយសូមយកចិត្តទុកដាក់ អោយបានខ្ពស់នូវអនាម័យ ។ ជាពិសេស សូមចូលរួមអនុវត្តតាមប្រសាសន៍ណែនាំរបស់ សម្តេចតេជោ (៣កុំ ៣ការពារ) ឲ្យបានខ្ជាប់ខ្ជួនដើម្បីចៀសផុតពីមេរោគកូវីដ-១៩ ដ៏កាចសាហាវនេះ។

នៅព្រឹកមិញនេះដែរ លោក វឿន វណ្ណារិទ្ធិ អនុប្រធានសមាគមចលនាយុវជនកម្ពុជា (ក្រុម១៥៧) ស្រុកសូទ្រនិគម សាខាខេត្តសៀមរាប បានដឹកនាំសមាជិក សមាជិកា និងមានការចូលរួមពី អាជ្ញាធរមូលដ្ឋាន ធ្វើការចែកអំណោយ មួយគ្រួសារ ជូនគ្រួសារ លោក ហ៊ត់ ហៃ ដែល មានទី លំនៅ ភូមិបន្ទាយឈេី សង្កាត់ ទឹក វិល ក្រុង សៀមរា ប ខេត្ត សៀមរាប ដែលមានជីវភាពខ្វះខាត ហើយ មាន ជំងឺប្រចាំកាយ ព្រមទាំងមានកូនក្នុងបន្ទុក៦នាក់។

អំណោយចែកជូន រួម មាន ៖ ១ អង្ករ ៥០គីឡូ ២/ ទឹកត្រី ១យួរ ៣/ ទឹក សុីអុីវ ១យួរ ៤/ ប៊ីចេង ១គីឡូ ៥/ អំបិល ១គីឡូ ៦/ ស្ករស ១គីឡូ ៧/ ខ្ទឹម ស ១គីឡូ ៨/ ត្រីខ ១យួរ ៩/ សាប៊ូលាង ចាន១ដប ១០/ សាប៊ូ ម្សៅ ១កញ្ចប់ ១១/ ប្រេងឆា ១ដប និងថវិកា ១០០,០០០រៀល ដប់ម៉ឺនរៀលផងដែរ៕SRP

ខេត្តកំពង់ចាម៖លោក អ៊ុន ចាន់ដា អភិបាលខេត្តកំពង់ចាម នៅព្រឹកមិញនេះ បានអញ្ជើញចុះពិនិត្យគម្រោងពង្រីកទីលានចាក់សំរាមថ្មីមួយកន្លែង​ ដែលមានទំហំ​ប្រមាណជា៥០ហិកតា ស្ថិតនៅក្នុងភូមិខ្នារ ឃុំស្ដើងជ័យ ស្រុកជើងព្រៃ សំដៅលើកកម្ពស់សុខភាព​ និងសុខុមាលភាពរបស់ប្រជាពលរដ្ឋ។

លោក នួន គង់សល្យ ប្រធានមន្ទីរបរិស្ថានខេត្ត​កំពង់ចាម​ បាន​ឲ្យដឹងថា​ ចំពោះ​គម្រោង​ពង្រីក​ទីលាន​ចាក់​សំរាម​ដែលអាជ្ញាធរខេត្តរួមជាមួយនឹងជំនាញបរិស្ថាន​ ចុះពិនិត្យដោយផ្ទាល់នេះ បច្ចុប្បន្ន​ទីតាំង​នេះមានដីទំហំ​ប្រមាណជា​៥០ហិកតា ស្ថិតនៅក្រោមការគ្រប់គ្រងរបស់ក្រសួងកសិកម្មរុក្ខាប្រមាញ់​ និងនេសាទ។ ក្នុងនោះបានពិនិត្យមើលតាមផែនទី ព្រមទាំងចុះដល់កន្លែងដោយផ្ទាល់ ធ្វើយ៉ាងណាមិនឲ្យមានផលប៉ះពាល់ទៅដល់អ្នកដទៃ។ ដោយទីនេះក៏ធ្លាប់ត្រូវបានមន្ត្រីជំនាញក្រសួងបរិស្ថានបានធ្វើការវាយតម្លៃដោយសមស្របគឺនឹងអាចប្រែក្លាយជាទីលានចាក់សំរាមបាន។

លោកប្រធានមន្ទីរបរិស្ថាន​ បានឲ្យដឹងទៀតថា លោក អ៊ុន ចាន់ដា អភិបាលខេត្តកំពង់ចាម​នឹងធ្វើការស្នើសុំលាយលក្ខណ៍អក្សរទៅក្រសួងកសិកម្មរុក្ខាប្រមាញ់និងនេសាទ ដើម្បី​បង្វែរ​ដី​នៅ​តំបន់​នោះ​ ឲ្យ​ស្ថិតនៅក្រោមការគ្រប់គ្រងរបស់រដ្ឋបាលខេត្តកំពង់ចាមវិញ ជាមួយនោះក៏មានការស្នើសុំទៅប្រមុខរាជរដ្ឋាភិបាលកម្ពុជាផងដែរ។

លោក​ប្រធាន​មន្ទីរ​បរិស្ថាន​ បាន​បញ្ជាក់​ថា​ នាពេលខាងមុខសម្រាប់ស្រុកជើងព្រៃ ស្រុកបាធាយ និងស្រុកព្រៃឈរ គឺចាក់សំរាមនៅតំបន់នេះ​ ដែល​នៅជិត​ងាយស្រួលមិន​ចាំបាច់ទៅឆ្ងាយ។ បច្ចុប្បន្ន​មានទីលានចាក់សំរាមមួយកន្លែងនៅក្នុងឃុំបុសខ្នុរ​ ស្រុកចំការលើ ដែលមានទំហំ១០ ហិកតា ត្រូវបានក្រុមហ៊ុនប្រមូលសំរាមនៅក្នុងក្រុងកំពង់ចាម ហើយយកទៅចាក់ចោលនៅតំបន់នោះ ដោយទីលាននោះស្ថិតនៅឆ្ងាយពីភូមិរបស់ប្រជាពលរដ្ឋ និងមិនមានក្លិនស្អុយជះទៅដល់អ្នកភូមិនោះឡេីយ​។

គួររំលឹក​ថា​ កន្លងមក លោក សាយ សំអាល់ រដ្ឋមន្ត្រីក្រសួងបរិស្ថាន បានឧបត្ថម្ភផ្ដល់ម៉ូតូ​ និងរថយន្តដឹកសំរាម ជូនដល់រដ្ឋបាលខេត្តកំពង់ចាមជាច្រើនគ្រឿង ដោយបានបែងចែកជូនតាមបណ្ដាក្រុង​ស្រុកមួយចំនួន​ ដេីម្បី​ប្រើប្រាស់ក្នុងយុទ្ធនាការប្រមូលសំរាមឲ្យបានស្អាត​ និងមានបរិស្ថានល្អ៕SRP

ភ្នំពេញ៖សម្ដេចនាយករដ្ឋមន្ត្រីហ៊ុន សែន បានសម្រេចតែងតាំងបន្ថែម លោកកើត រិទ្ធ រដ្ឋមន្ត្រីក្រសួងយុត្តិធម៌ ជាអនុប្រធានគណៈកម្មការ អន្តរក្រសួងដើម្បីប្រយុទ្ធ នឹងជំងឺកូវីដ១៩។ នេះបើយោងតាមលិខិតតែងតាំង ដែលបានចុះហត្ថលេខា ដោយនាយករដ្ឋមន្រ្តីហ៊ុន សែន។SRP

ខេត្តកំពង់ធំ៖លោកសុខ លូ អភិបាលខេត្តកំពង់ធំ បានឲ្យដឹងថា ករណីពលរដ្ឋ នៅឃុំសំព្រោជ ស្រុកស្ទោង មានទំនាស់ ដណ្តើមទឹកធ្វើស្រែ មកដល់ពេលនេះ មិនមានអ្នកតវ៉ាទៀតទេ។

តាមរបាយការណ៍ ដែលផ្ដល់ដោយ លោកសុខ លូ អភិបាលខេត្តកំពង់ធំ បានបង្ហាញថា៖
ដោយសារមួយរយៈនេះគ្មានភ្លៀង បណ្តាល ស្រូវដែលបានធ្វើរួចហើយ ឈានទៅរកការខូចខាត ទើបនៅថ្ងៃទី ០៥ ខែមិថុនា ឆ្នាំ២០២១ លោកមេឃុំ សំព្រោជ ឈ្មោះ ពាញ ពូល បានស្នើសុំទៅមន្ទីរធនធានទឹកខេត្ត ដើម្បីបង្ហូរទឹកពីទំនប់៣០កញ្ញា មកខាងស្រុកស្ទោង សង្គ្រោះស្រូវ ប្រជាជនប្រមាណជា២០០ហិកតា នៅតំបន់វាលក្រោម ក្នុងឃុំសំព្រោជ ស្រុកស្ទោង។

របាយការណ៍បន្តទៀតថាក្រោយពីមានការយល់ព្រមពីមន្ទីរធនធានទឹក លោកពាញ ពូល មេឃុំសំព្រោជ បានដឹកនាំប្រជាជនក្នុងឃុំសំព្រោជ ចំនួន ៧ភូមិ មានគ្នាប្រមាណជាជាង១០០នាក់ ដែលមានស្រែនៅតំបន់វាលក្រោម ទៅនាំទឹកពីទំនប់៣០កញ្ញា ក្នុងឃុំព្រះដំរី ស្រុកស្ទោង នាំទឹកមកបញ្វូលស្រែ ដើម្បីសង្គ្រោះស្រូវ ដោយត្រូវឆ្លងកាត់៥ឃុំ ចំងាយប្រមាណ ៣០គីឡូម៉ែត្រ និងមានការបណ្តាក់គ្នាដេកយាម កកាយ មុខទឹក អោយហូរបានលឿនផងដែរ។

របាយការណ៍បានបព្ជាក់ថាលុះបានទឹកធ្លាក់មកហើយនៅថ្ងៃទី ០៦ ខែមិថុនា ឆ្នាំ ២០២១នេះ មានប្រជាជនមួយចំនួន ក្នុងឃុំសំព្រោជ ដែរ ប្រមាណជា០៦ភូមិ ដែលមានស្រែនៅជាប់សងខាងប្រឡាយ បានតវ៉ាសុំបូមទឹកបញ្ចូលស្រែដែរ តែមេឃុំបានដោះស្រាយ ដោយ ប្រជាជនភាគច្រើនបានទទួលយកនិងបានព្រមព្រៀងគ្នាហើយ ថា ទុកពេលអោយប្រជាជនដែលខំទៅនាំទឹក បានបូមទឹកបញ្ចូលចូលស្រែពួកគាត់មុនចំនួន៤ថ្ងៃសិន គឺត្រឹមថ្ងៃទី ០៩ខែមិថុនា ឆ្នាំ២០២១ ហើយចាប់ថ្ងៃទី១០ខែមិថុនា ឆ្នាំ២០២១ ទៅទុកអោយប្រជាជន ដែលមានស្រែនៅជាប់ប្រឡាយបូមម្តង ។ ស្រាប់តែនៅថ្ងៃទី០៦ ខែមិថុនា ឆ្នាំ២០២១ វេលាម៉ោង១០ព្រឹក មានប្រជាជន ដែលមិនយល់ព្រម នាំអ្នកសារព័ត៌មានទៅថតឡាយ ថាមេឃុំ នាំទឹកមកហើយ មិនអោយប្រជាជនបូមដាក់ស្រែ ជាក់ស្តែង ពេលដែលទឹកធ្លាក់មកដល់ស្រែពួកគាត់ ទោះជា បានដោះស្រាយថា អោយអ្នកខំទៅនាំទឹកបូមមុន អ្នកមិនបានទៅ បូមក្រោយ យ៉ាងណាក៏ដោយ ក៏ពួកគាត់មួយចំនួនមិនស្តាប់ ហើយបានដណ្តើមបូមទឹកនេះ ដាក់ស្រែរួចទៅហើយ មកដល់ពេលនេះមិនមានអ្នកតវ៉ាទៀតទេ៕SRP

ខេត្តកំពង់ធំ៖តំណាងពលរដ្ឋជាង១០០នាក់មកពី៦ភូមិស្មើនឹងជាង ១០០០ គ្រួសាររស់នៅក្នុងឃុំ សំព្រោជ ស្រុកស្ទោង ខេត្តកំពង់ធំ ផ្ទុះការតវ៉ាជាមួយលោក ពេញ ពូល មេឃុំសំព្រោជ ដែលបានយកឈ្មោះប្រជាពលរដ្ឋ ទាំងអស់ទៅស្នើសុំទឹកពីទំនប់ ៣០ កញ្ញា បង្ហូរចូលតាមប្រឡាយចិនទៅស្រោចស្របលើផ្ទៃដីស្រែ របស់ខ្លួនឯង ដោយមិនអោយពលរដ្ឋ អ្នកមានស្រែនៅជិតៗនោះបើកប្រើប្រាស់ទឹកបញ្ចូលស្រែនោះទេ ធ្វើអោយស្រូវពួកគាត់ងាប់ជាហូរហែរ។

ការតវ៉ានេះបានផ្ទុះឡើងតាំងពីល្ងាចថ្ងៃទី ៥ខែមិថុនា ឆ្នាំ ២០២១ រហូតមកដល់ព្រឹកថ្ងៃទី ៦ ខែមិថុនាឆ្នាំ ២០២១ ពួកគាត់បានអះអាងថាលោកមេឃុំ ពេញ ពូល ធ្វើបែបនេះជារៀងរាល់ឆ្នាំមកហើយ។

លោក ពេញ ពូល មេឃុំ សំព្រោច បានផ្ដល់បទសម្ភាសន៍តាមទូរស័ព្ទថា លោកពិតជាបានស្នើសុំទឹកមែន ប៉ុន្ដែនៅពេលដែលលោកបើកទឹកពេញស្រែ របស់លោកនិងប្រជាពលរដ្ឋ១០០គ្រួសារទៀត ដែលកំពុងតែដេកយាមទឹកតាមមាត់ប្រឡាយចិននោះពេញហើយ លោកនិងប្រគល់ទឹកនោះ ឲ្យប្រជាពលរដ្ឋ ដែលមកតវ៉ានេះហើយ។

ពលរដ្ឋនបានសួរថា តើលោកពេញ ពូល មេឃុំ សំព្រោធ រងចាំអោយស្រូវពលរដ្ន ងាប់អស់សិនទើបលោកព្រមផ្ដល់ទឹកអោយពលរដ្នឬ ? ចុះបើស្រូវពលរដ្នងាប់មុនពេលលោក មេឃុំផ្ដល់ទឹកអោយតើលោក មេឃុំ ហ៊ានទទួលខុសត្រូវសងពលរដ្នដែរទេ?។

ពាក់ព័ន្ធនិងការខ្វះទឹកបញ្ចូលស្រែ របស់ពលរដ្ឋ អ្នកសារព័ត៌មាន បានទំនាក់ទំនងតាមទូស័ព្ទទៅ លោក កាង សុផាន់ណា ប្រធានការិយាល័យកសិកម្មធនធានធម្មជាតិនិងបរិស្ថានស្រុកស្ទោង ជាច្រើនដង តែលោកមិនលើកទូស័ព្ទ មិនដឹងថាលោក រវល់ ឬមិនហ៊ានលើកទូស័ព្ទនោះទេ។

ករណីនេះពលរដ្ឋនសំណូមពរដល់លោក សុខ លូ អភិបាលខេត្តកំពង់ធំ មេត្តាជួយអន្តរាគមន៍ ឲ្យប្រជាពលរដ្ឋទាំង៦ ភូមិបានទឹកប្រើប្រាស់បញ្ចូលស្រែផង បើមិនដូច្នោះទេស្រូវរបស់យើងខ្ញុំបានងាប់អស់បណ្ដើរៗហើយ៕SRP

ភ្នំពេញ៖លោកស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ថ្ងៃច័ន្ទ ទី០៧ ខែមិថុនា ឆ្នាំ២០២១ នេះបានអញ្ជើញដឹកនាំគណៈប្រតិភូក្រសួង ចុះពិនិត្យវឌ្ឍនភាពការងារសាងសង់ផ្លូវជាតិលេខ១៤៦B និងផ្លូវជាតិលេខ១៤៨ ដើម្បីតាមដានការងារបច្ចេកទេសសាងសង់ របស់ក្រុមហ៊ុន សំដៅឱ្យការសាងសង់ប្រព្រឹត្ត ទៅស្របតាមបទដ្ឋានបច្ចេកទេស និងកិច្ចសន្យាសាងសង់ ធានាឱ្យផ្លូវនេះមានគុណភាពរឹងមាំ អាចប្រើប្រាស់ជាប់បានយូរអង្វែង។

សូមជម្រាបថា ផ្លូវលេខ១៤៦B និងផ្លូវខេត្តលេខ១៤៨ ចាប់ផ្តើមពីចំណុចប្រសព្វលើផ្លូវជាតិលេខ៤ (ត្រង់ គីឡូម៉ែត្រ ១៧៨ +១៦៥)

រួចឆ្លងកាត់លើផ្លូវខេត្តលេខ១៤៨ បញ្ចប់ក្នុងចំណុចប្រសព្វលើផ្លូវជាតិលេខ៤ (ត្រង់ គីឡូម៉ែត្រ ២២៥ +៥៥០)

ផ្លូវជាតិលេខ១៤៦B ចាប់ផ្តើមពីចំណុចប្រសព្វលើផ្លូវជាតិលេខ៤ (ត្រង់គីឡូម៉ែត្រ ១៧៨ +១៦៥) រួចឆ្លងកាត់លើផ្លូវខេត្តលេខ១៤៨ បញ្ចប់ក្នុងចំណុចប្រសព្វលើផ្លូវជាតិលេខ៤ (ត្រង់គីឡូម៉ែត្រ ២២៥ +៥៥០) ប្រវែងសរុប ៤៣,០២៥គីឡូម៉ែត្រ ចុះកិច្ចសន្យាសាងសង់នៅថ្ងៃទី១០ ខែមីនា ឆ្នាំ២០២០ ដែលចាប់ផ្តើមសាងសង់ ក្នុងកំឡុងខែមេសា ឆ្នាំ២០២០ និងគ្រោងបញ្ចប់នៅក្នុងខែ សីហា ឆ្នាំ២០២២។

គម្រោងនេះសាងសង់ដោយក្រុមហ៊ុនសាជីវកម្មស្ពាន-ថ្នល់ចិន (Brach of China Road and Bridge Cooperation in Cambodia) ក្រោមគម្រោងអភិវឌ្ឍន៍ហេដ្ឋារចនាសម្ព័ន្ធផ្លូវថ្នល់ស្ថិតនៅក្នុងខេត្តព្រះសីហនុ ក្នុងក្របខណ្ឌប្រើប្រាស់កញ្ចប់ថវិកាសន្សំរបស់ជាតិ។

រដ្ឋមន្ត្រី ស៊ុន ចាន់ថុល ក៏បានចុះពិនិត្យម៉ាស៊ីនលាយបេតុងស៊ីម៉ងស្វ័យប្រវត្តិដែលអាចសាងសង់បានប្រវែង ៥០០ម៉ែត្រក្នុងមួយថ្ងៃ និងកំរាស់ ២៦សង់ទីម៉ែត្រ និងពិនិត្យការធ្វើតេស្តគុណភាពផ្លូវ ដោយម៉ាស៊ីនតេស្តគុណភាពទ្រនាប់ផ្លូវ FWD ផ្នែកខាងក្រោម( Bases Course)។

រដ្ឋមន្ត្រី ក៏បានបន្តដំណើរចុះពិនិត្យការដ្ឋានផ្លូវល្បឿនលឿនភ្នំពេញ-ព្រះសីហនុត្រង់ចំនុចប្រសព្វផ្លូវ ១៤៦B និងត្រួតពិនិត្យស្ថានីយចម្រោះទឹកកខ្វក់ទី២ ដែលស្ថិតនៅក្នុង សង្កាត់ទី៣ ក្រុងព្រះសីហនុ តាមបណ្តោយអូរសុខាផងដែរ។

លោករដ្ឋមន្ត្រី បានធ្វើការផ្តាំផ្ញើទៅក្រុមហ៊ុន សាងសង់ និងត្រួតពិនិត្យលក្ខណៈបច្ចេកទេស ឱ្យធ្វើការយកចិត្តទុកដាក់ខ្ពស់ ទៅលើគុណភាពនៃការស្ថាបនាផ្លូវ និងផ្តាំផ្ញើទៅបងប្អូន ប្រជាពលរដ្ឋ ព្រមទាំងក្រុមហ៊ុនដឹកជញ្ជូន ឱ្យគោរពច្បាប់ចរាចរណ៍ កុំបើកបរលើសល្បឿន ឬដឹកលើសទម្ងន់ ដែលជាកត្តាបង្កឱ្យមាន ការខូចខាតផ្លូវមុនអាយុកាល ការគ្រោះថ្នាក់ចរាចរណ៍ នាំឱ្យបាត់បង់អាយុជីវិត និងបាត់បង់ថវិកាជាតិផងដែរ៕SRP

ភ្នំពេញ៖លោក  Michael Heimanប្រធាន អង្គការ APOPOប្រចាំតំបន់ និងនៅកម្ពុជា  បានជួបពិភាក្សាការងារ  ជាមួយ លោក ហេង រតនា ប្រតិភូរាជរដ្ឋាភិបាល ទទួលបន្ទុកអគ្គនាយកស៊ីម៉ាក់ លើកិច្ចសហប្រតិបតិ្តការវាងកំលាំងស៊ីម៉ាក់និងអង្គការAPOPO  ក្នុងការអនុវត្តបច្ចេកទេសបោសសំអាតមីនដោយសត្វកណ្តុរ   ការស្រាវជ្រាវបច្ចេកទេសដោយសុនខ  និងការជាវសុនខសុីម៉ាក់យកទៅប្រតិបតិ្តការនៅក្រៅប្រទេស។

លោក ហេង រតនា បានបញ្ជាក់ថា  កណ្តុរMagawa ដែលទទួលពានជើងឯកនៅប្រទេសអង់គ្លេសនោះបានដាក់ឱ្យចូលនិវត្តន៍ ដោយបញ្ហាអាយុនិងសុខភាព  ហើយMagawaរក្សាទុកឱ្យសំរាកនៅទីតាំងស៊ីម៉ាក់ខេត្តសៀមរាប។  បច្ចុប្បន្ននេះ  អង្គភាពស៊ីម៉ាក់និងAPOPO សហការប្រើប្រាស់កណ្តុរចំនួន៥៧ក្បាល សម្រាប់បម្រើប្រតិ្តបត្តិការបោសសំអាតមីន ដែលក្នុងនោះកំពុងប្រតិបតិ្តការ ចំនួន៣៤ក្បាល  ដាក់ចូលនិវត្តន៍ចំនួន៥ក្បាល  និងកំពុងហ្វឹកហ្វឹនចំនួន១៨ក្បាល។   ដោយឡែក សុនខ ដែលបានបញ្ជូនពីអង្គភាពស៊ីម៉ាក់ទៅ បម្រើការនៅប្រទេសស៊ូដង់ ខាងត្បូង  ប្រទេសអង់ហ្គោឡា  និងប្រទេស តួរគី នោះបានបំពេញប្រតិបតិ្តការយ៉ាងល្អប្រសើរ  ហើយខាងអង្គការAPOPO បានស្នើសុំជាវសុនខ មួយចំនួនបន្ថែមទៀតពីស៊ីម៉ាក់ ដើម្បីយកទៅប្រតិបតិ្តការ នៅប្រទេសមួយចំនួនផេ្សងទៀត។

ទន្ទឹងនឹងនេះដែរ  លោក Michael Heiman  បានបញ្ជាក់ពីលទ្ធភាពក្នុងការទទួលជំនួយពីប្រទេសប៊ែលហ្សិក ក្នុងការគាំទ្រកិច្ចប្រតបតិ្តការ របស់អង្គភាពស៊ីម៉ាក់ ក្នងរយ:ពេល ៥ឆ្នាំ២០២២-២០២៦  ហើយគោលដៅសំខាន់ របស់គម្រោងត្រូវបន្តអនុវត្តនៅទិសខេត្តព្រះវិហារ  ជាពិសេសតំបន់ប្រាសាទព្រះវិហារ៕SRP

ខេត្តកំពង់ចាម​៖គម្រោង​មូលនិធិ​ឃុំ​-សង្កាត់​ ​ឆ្នាំ​២០២១​ របស់​គណៈកម្មការ​ជាតិ​សម្រាប់​ការអភិវឌ្ឍន៍​តាម​បែប​ប្រជាធិបតេយ្យ​នៅ​ថ្នាក់​ក្រោម​ជាតិ​​​ ​ត្រូវ​បាន​បេីក​សំណេី​ដេញ​ថ្លៃ​ ចំនួន​៤គម្រោង​​​​​​​​​ នាព្រឹក​ថ្ងៃ​ទី​៧​ ខែមិថុនា​​ ឆ្នាំ​២០២១​ នេះ នៅ​សាលា​ស្រុក​កំពង់សៀម​ ក្រោម​វត្តមាន​​លោក​ ឡី​ មិច​ នាយក​រង​រដ្ឋបាល​សាលា​ខេត្ត​កំពង់ចាម​​ និង​លោក​ ឈួន​ វិបុល​ អភិបាល​រង​ស្រុក​កំពង់សៀម​​ ដោយ​មាន​ការ​ចូលរួម​ពី​​​គណៈកម្មការ​ម្ចាស់​លទ្ធកម្ម​ ក្រុម​ការងារ​ខេត្ត​ និង​ស្រុក​ ព្រមទាំង​តំណាង​ក្រុម​ហ៊ុន​ ទទួល​ការ​ ជា​ច្រើន​រូប​ផង​ដែរ​។

ឆ្លៀត​ក្នុង​ឱកាសនោះដែរ​ លោក​ ឈួន​ វិបុល​ អភិបាលរង​ស្រុក​កំពង់សៀម​​​ បាន​ធ្វើ​ការ​សំណូមពរ​ដល់​​ក្រុម​ហ៊ុន​ ​ទទួល​ការ​ទាំងអស់​ សូម​ឲ្យ​មាន​ការ​ប្រកួតប្រជែង​ដោយ​ភាព​ថ្លៃថ្នូរ​ និង​កុំ​ឲ្យ​មាន​ការ​ឃុបឃិត​គ្នា​ប្រព្រឹត្ត​អំពើ​ពុករលួយ​​ ហេីយ​ការ​សាងសង់​សំណង់​​ ​ឲ្យ​ត្រូវ​តាម​បទដ្ឋាន​លក្ខណៈ​បច្ចេកទេស​ ប្រយោជន៍​ដល់​ការ​ប្រើប្រាស់​បាន​យូរ​អង្វែង​ ជាពិសេស​ត្រូវ​អនុវត្ត​វិធានការ​ ៣ការពារ​ ៣កុំ​ ​តាម​សារ​អប់រំ​ពិសេស​របស់​សម្តេច​អគ្គមហាសេនាបតី​តេជោ​ ហ៊ុន​ សែន​ នាយករដ្ឋមន្ត្រី​កម្ពុជា​ និង​ក្រសួង​សុខាភិបាល​ ។

ក្នុង​នាម​អាជ្ញាធរ​ខេត្ត​ លោក​ ​ឡី​ មិច​​ នាយក​រង​រដ្ឋបាល​ខេត្ត​ បាន​ថ្លែង​អំណរគុណ​ដល់​អាជ្ញាធរ​ស្រុកកំពង់សៀម​ ដែល​បាន​រៀបចំ​ការ​ដេញ​ថ្លៃ​នេះ​ ឲ្យ​មាន​សណ្ដាប់​ធ្នាប់​ និង​របៀបរៀបរយ​​ ព្រមទាំង​បាន​សំណូមពរ​ដល់​តំណាង​ក្រុម​ហ៊ុន​​ ឲ្យ​គោរព​តាម​ក្រមសីលធម៌​របស់​អ្នក​ទទួល​ការ​ និង​ចូលរួម​​សហការ​ជាមួយ​អាជ្ញាធរ​ ដេីម្បី​បង្ការ​ទប់ស្កាត់​ការ​ឆ្លង​រីករាល​ដាល​នៃ​ជំងឺ​កូវីដ​-១៩​ ផងដែរ​ ។

គួរ​បញ្ជាក់​ផង​ដែរ​ថា​ គម្រោង​ដែល​បាន​ដាក់​ឲ្យ​ដេញ​ថ្លៃ​ខាង​លើ​នេះ​ គឺមាន​ផ្លូវ​ចំនួន​៤ខ្សែ​ ដែល​ត្រូវ​ស្ថាបនា​​ ជូន​ប្រជាពលរដ្ឋ​​ប្រើប្រាស់​ ក្នុង​នោះ​មាន​ ១-ឃុំ​គៀនជ្រៃ​ សាងសង់ផ្លូវបេតុងអាមេ ប្រវែង ០.២៨៤គ.ម ទទឹង ៤ មែត្រ កម្រាស់០.១៥ម៉ែត្រ​ នៅភូមិកៀនជ្រៃក្នុង​។
២-ឃុំ​កោះរកា​ សាងងស់ផ្លូវបេតុងអាមេ ប្រវែង ០.៤២៦ គ.ម ទទឹង ៤ មែត្រ​ នៅភូមិថ្មី​។
៣-ឃុំ​គគរ​ សាងងស់ផ្លូវបេតុងអាមេ ប្រវែង ០.៣៤៣ គ.ម ទទឹង ៤ មែត្រ នៅភូមិគគរ១​។
៤-ឃុំ​រអាង​ សាងងស់ផ្លូវបេតុងអាមេ ប្រវែង ០.៤៣២គ.ម ទទឹង៤មែត្រ នៅភូមិទួលរកា​៕SRP

ខេត្តសៀមរាប៖ដោយមានការណែនាំពីលោក ហ៊ុន ប៉ូគា​ ប្រធានសមាគមចលនាយុវជនកម្ពុជា(ក្រុម១៥៧) សាខាខេត្តសៀមរាប​ បានចាត់តាំង លោក ឈាវ មុន្និន ប្រធាន សមាគមចលនាយុវជនកម្ពុជា (ក្រុម១៥៧) ក្រុងសៀមរាប ព្រមជាមួយសមាជិក​ សមាជិកា ដោយមាន ការចូលរួមពី លោក ពៅ ថាវរិន្ទ នាយប៉ុស្តិ៍នគរបាលរដ្ឋបាល សង្កាត់ទឹកវិល និង លោក មេភូមិបន្ទាយឈើ បាននាំយកអំណោយ ចែកជូនពលរដ្ឋចំនួន០៤គ្រួសារ ដែលកំពុងខ្វះខាតខ្លាំងហើយមានជំងឺប្រចាំកាយទៀត ស្ថិតនៅភូមិ បន្ទាយឈើ ឃុំទឹកវិល ស្រុកសៀមរាប ខេត្តសៀមរាប។

អំណោយក្នុង១គ្រួសាររួមមាន៖-ថវិកា ២ម៉ឺនរៀល
-ថវិការជូនកូនក្មេង ៥នាក់ ស្មើ១០មុឺនរៀល -អង្ករ ២៥ គីឡូ -ម៉ាស 1ប្រអប់ ៥០ម៉ាស -ទឹកសុទ្ធ ៥ យួរ -មី ១កេស -ត្រីខ ១យួរ -ទឹកស៉ីអ៉ីវ ១យួរ -ទឹកត្រី ១យួរ -ប្រេងឆា ១លីត្រ-ស្ករស ១គីឡូ -ប៊ីចេង កន្លះគីឡូ -អំបិល ១គីឡូ -ជែលលាងដៃ (៥00ml)១ដប។

នៅព្រឹកមិញនេះដែរ លោក ចែម ចន្ថា ប្រធាន សមាគមចលនាយុវជនកម្ពុជា (ក្រុម១៥៧) ស្រុកជីក្រែង ព្រមជាមួយសមាជិក​ សមាជិកា និងសហការ ជាមួយក្រុម ស.ស.យ.ក លោកស្រី ម៉ៅ លីនដា តំណាង លោក សន វុធធី ប្រធាន ស.ស.យ.ក ស្រុកជីក្រែង និង លោក រ៉េន រក្សា ប្រធានយុវជនស្រលាញ់សន្តិភាព ដោយមាន ការចូលរួមពី លោក ពៅ ប៊ុនធឿន អភិបាលស្រុកជីក្រែង លោក តាំង លីហេង អធិការស្រុកជីក្រែង និង លោក នង ភ័ស្ដ មេបញ្ជាការរងកងរាជអាវុធហត្ថ ស្រុកជីក្រែង និង លោក មេឃុំកំពង់ក្ដី គង់ ជឿន បាននាំយកអំណោយ​ជាសម្ភារ ចុះចែកជូនពលរដ្ឋ មុខផ្សារ កំពង់ក្ដី និង គោលដៅព្រំប្រទល់ ស្រុកស្ទោង-កំពង់ធំ ជីក្រែងនៅចំណុចវិទ្យាល័យ កំពង់ក្ដី។

អំណោយចែកចាយជូនមុខផ្សារកំពង់ក្ដី រួមមាន៖-អាកុល ៧០ លីត្រ -ម៉ាស ២៥០០ ម៉ាស-ដបអាកុល ៣០០ដប -សាប៊ូ ៣០០ដុំ
-ទឹកសុទ្ធវីតាល់ ៥កេះ -ទឹកផ្លែឈេី ២កេះ

ក្នុងមួយនាក់ទទួលបាន៖ -អាកុល ១ដប -សាប៊ូ ១ដុំ -ម៉ាស ១គូ
សម្រាប់គោលដៅត្រួតពិនិត្យសុខភាពបឋម ទទួលបាន៖ -អាកុល ២០លីត្រ -ម៉ាស ៥០០ម៉ាស -ទឹកសុទ្ធវីតាល់ ២កេះ -ទឹកផ្លែឈេី ១កេះ។

ជាមួយគ្នានេះដែរ លោកប្រធានសាខាទាំងពីរក៏បានមានមតិសំណេះសំណាល ជាមួយអាជ្ញាធរសមត្ថកិច្ចដូចជាពលរដ្ឋ សូមមេត្តាចូលរួមអនុវត្តតាម ប្រសាសន៍របស់ សម្តេចតេជោ (៣ការពារ ៣កុំ) ឲ្យបានខ្ជាប់ខ្ជួន​ ដើម្បីចៀសផុតពីជំងឺកូវីដ-១៩ ដ៏កាចសាហាវនេះ៕SRP

ខេត្តសៀមរាប៖លោកស្រីសៀង ចាន់ហេង​ អមដំណេីរដោយ លោកអគ្គនាយករងអាជ្ញាធរជាតិអប្សរា នៅថ្ងៃអាទិត្យ​ ទី០៦​ ខែមិថុនា​ ឆ្នាំ២០២១​នេះ បានអញ្ជេីញចុះពិនិត្យ​វឌ្ឍនភាព​គម្រោងមួយចំនួ​ន​ ដែលកំពុងសហការជាមួយអាជ្ញាធរជាតិអប្សរារួមមាន ការងារជួសជុលខ្លោងទ្វារតាកាវ​ ការស្តារបាពេីកកសិន្ទុ​អង្គរធំខាងលិចជាដេីម។

ក្នុងឱកាសនោះ​ លោកស្រី ក៏បានឆ្លៀតពេលទៅទស្សនាសិក្សានូវគម្រោងមួយចំនួ​នទៀត​ ដូចជាការរៀបចំបរិវេណមុខព្រះលានជល់ដំរី​ និងការៀបចំបរិវេណប្រាសាទតាកែវ​ ដេីម្បីពិនិត្យលទ្ធភាពសហការជាបន្តទៀតផងដែរ។

សូមបញ្ជាក់ថា​ កន្លងមក​លោកស្រី សៀង ចាន់ហេង​ ក៏ធ្លាប់បានជួយរួមចំណែកជាមួយអាជ្ញាធរជាតិអប្សរាក្នុងការជួសជុលរហាត់ទឹក​ និងប្រាសាទស្រះស្រង់រួចហេីយដែរ៕SRP

ភ្នំពេញ៖លោក សឿន តុលា ស្ថាបនិកក្រុមហ៊ុន ផា ផា យ៉ា បាននិពន្ធនូវអត្ថបទមួយដែលមានចំណងជើងថា ឥទ្ធិពលនៃការគិតវិជ្ជមាន។

លោក សឿន តុលា បានសរសេរថា៖

ក្នុងពិភពលោកយើងនេះគ្មានរឿងអ្វីដែលថាយើងមិនអាចធ្វើមិនបាននោះទេ នៅពេលដែលយើង គិតអំពីចំណុចវិជ្ជមាន។

សំខាន់ឲ្យតែយើងដឹង ចំណុចវិជ្ជមាន ដែលបានសន្សំជារៀងរាល់ថ្ងៃ ជាពិសេសនោះ យើងត្រូវយល់ច្បាស់ ជាមួយខ្លួនឯងថា ” តើយើងត្រូវការអ្វីពិតប្រាកដ ហើយខំប្រឹងប្រែងតស៊ូដោយមិនរាថយ ដើម្បីឲ្យបានសម្រេចជោគជ័យ ចំពោះរឿងនោះ ពីព្រោះការគិតវិជ្ជមាន ការជឿឥទ្ធិពលនៃចំណុចវិជ្ជមាន យើងនឹងបានទទួលផលវិជ្ជមាន។

សូមចងចាំថា ” ការកត់សម្គាល់ចំណុចវិជ្ជមានជាប្រចាំថ្ងៃ ដែលកើតឡើងចំពោះខ្លួនយើង គឺជាការទទួលខុសត្រូវចំពោះការផ្លាស់ប្ដូរដ៏ធំមួយក្នុងពេលខាងមុខ”

ជាការពិតណាស់គ្មានអ្វីដែលយើងមិនអាចធ្វើបាននោះទេ ប៉ុន្តែអ្នកត្រូវតែគិតចំណុចវិជ្ជមាន អ្នកត្រូវធ្វើសកម្មភាពជាប្រចាំ ដើម្បីឱ្យបានសម្រេចគោលដៅរបស់អ្នក។

ពីព្រោះគ្មានជោគជ័យណាដែលកើតឡើងដោយគ្មានឧបសគ្គដោយគ្មានការលំបាកនោះទេ លើកលែងតែមនុស្ស ដែលមិនបានគិតពិចារណា ទើបជឿសម្ដីរបស់អ្នកដទៃ ថាជោគជ័យ គឺ ការងារងាយស្រួល ។

មានមនុស្សជាច្រើននៅក្នុងពិភពលោកយើងនេះ តែងតែសម្លឹងមើលពិភពខាងក្រៅ ដោយមិនបានគិតអំពីកម្លាំងពិតប្រាកដ ដែលស្ថិតនៅក្នុងខ្លួនរបស់ពួកគេនោះឡើយ ពួកគេតែងតែប្រៀបធៀបសំណាងរបស់អ្នកដទៃ ជាមួយវាសនារបស់ខ្លួន និងប្រៀបធៀបខ្លួនឯង ជាមួយអ្នកដទៃ ហើយបន្ទាប់មកពួកគេបានរាថយអស់សង្ឃឹមលែងស្គាល់ពីខ្លួនឯង។

សូមចងចាំថា នៅក្នុងដំណើរជីវិតរបស់មនុស្ស យើងបានជួបខ្យល់ព្យុះ យើងបានជួបការបរាជ័យជាច្រើន ប៉ុន្តែ សូមកុំឲ្យបាក់ទឹកចិត្ត សូមកុំភ្លេច រក្សាកសាងកម្លាំងវិជ្ជមាននៅក្នុងខ្លួន។

ពិតប្រាកដថា ហេតុអី្វទើបពួកគេមានជីវិតរស់នៅក្នុងភពផែនដីនេះ ? ការរកឃើញហេតុផលពិតប្រាកដ ចេញពីក្នុងខ្លួនមក គឺជាកត្តា ដែលយើងកសាងកម្លាំងចិត្ត កសាងកម្លាំងប្រាជ្ញា និងកម្លាំងវិជ្ជមាន ដើម្បីឲ្យបានសម្រេចអ្វីមួយ ដែលយើងចង់បាន?

ជាការពិតណាស់គ្រប់គ្នាសុទ្ធតែមានសក្កដានុពល នៃភាពវិជ្ជមាន ដែលពាំនាំខ្លួនយើង ឱ្យទទួលសម្រេចជោគជ័យ ។

ការដាក់គោលដៅ ការប្ដេជ្ញាចិត្តឱ្យបានសម្រេចអ្វីមួយ មិនអាចមានទំហំដូចគ្នា មិនអាចមានការតស៊ូដូចគ្នាបានទេ ប៉ុន្តែពួកគេទទួលបានកម្រិតជោគជ័យ នៅក្នុងអំឡុងពេលដែលពួកគេបានកំណត់ ។ ដូច្នេះហើយភាពជោគជ័យពិតប្រាកដ គឺផ្ដើមពីការដាក់វិន័យ ការប្ដេជ្ញាចិត្ត និងការកសាងសមត្ថភាពឲ្យបានល្អ នឹង រឹងមាំ ព្រមទាំង បន្តការរៀនសូត្រមិនឈប់ឈរអំពីភាពជាសហគ្រិន

លោក Albert Einstein គឺជាអ្នកវិទ្យាសាស្ត្រធ្លាប់និយាយថា ” មនុស្សត្រូវតែអភិវឌ្ឍន៍ខ្លួនឯង បើពុំនោះទេពួកគេអាចក្លាយជាគ្រឿងចក្រដែលបានផលិតរឿងដដែលៗតែប៉ុណ្ណោះ”

នៅពេលដែលអ្នកគិតចំណុចវិជ្ជមាន អ្នកនិងអភិវឌ្ឍន៍ខ្លួនឯង អ្នកមិនមែនជាគ្រឿងចក្រទៀតឡើយ។

និពន្ធដោយលោក  សឿន តុលា ស្ថាបនិកក្រុមហ៊ុន   ផា ផា យ៉ា

PAPAYA  NEXT STEP CO,.LTD.

*PAPAYA REAL ESTATE

(គម្រោងអភិវឌ្ឍន៍អចលនទ្រព្យ)

*PAPAYA HOMESTAY

(គម្រោងលើវិស័យទេសចរណ៍)

*PAPAYA GARDEN

(គម្រោងលើវិស័យកសិកម្មនិងចែកចាយអាហារ)

ខេត្តព្រះវិហារ៖អ្នកសារព័ត៌មានចំនួន០៨នាក់ ត្រូវបានសមត្ថកិច្ចខេត្តព្រះវិហារឃាត់ខ្លួន តាមបណ្ដឹងរបស់មេការដេប៉ូឈើ។

ការឃាត់ខ្លួននេះធ្វើឡើងនៅថ្ងៃទី៤ ខែ មិថុនាឆ្នាំ២០២១ តាមបញ្ជារបស់ លោក គឹម សំលេង ព្រះរាជអាជ្ញារងអមសាលាដំបូងខេត្តព្រះវិហារ។

ប្រភពបានឲ្យដឹងថាការឃាត់ខ្លួនអ្នកសាព័ត៌មានទាំង៨នាក់នេះគឺជាប់សង្ស័យ ពាក់ព័ន្ធបទកំហែងយក ពីឈ្មោះ ហុឹម ឆេងហ៊ាន មេការដេប៉ូឈើ ស្ថិតនៅចំណុចអូរទីទុយ ភូមិក្រាំងដូង ឃុំព្រះឃ្លាំង ស្រុកត្បែងមានជ័យ ខេត្តព្រះវិហារ។

នគរបាលស្រុកត្បែងមានជ័យ បានថ្លែងប្រាប់បណ្ដាញសៀមរាបប៉ុស្ដិ៍ ថាអ្នកសារព័ត៌មាន ដែលត្រូវចាប់ខ្លួនរួមមាន៖

ទី១ ឈ្មោះ គឹម ហ៊ាន ភេទប្រុស អាយុ៤២ឆ្នាំ មុខរបរសាព័ត៌មាន មានទីលំនៅភូមិត្រពាំងក្រហម ឃុំត្រពាំងក្រហម ស្រុកកូនមុំ ខេត្តរតនគិរី។

ទី២ ឈ្មោះ វង និមល់ ភេទប្រុស អាយុ៤១ឆ្នាំ មយខរបរអ្នកសាព័ត៌មាន មានទីលំនៅភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។

ទី៣ ឈ្មោះ ជា សាម៉ុន ភេទប្រុស អាយុ៣៩ឆ្នាំ មុខរបរអ្នកសាព័ត៌មាន មានទីលំនៅភូមិ ព្រៃខ្លា ឃុំរាបស្រុកពារាំង ខេត្តព្រៃវែង។

ទី៤ ឈ្មោះ គឹម ហុង ភេទប្រុស អាយុ៤០ឆ្នាំ មុខរបរអ្នកសាព័ត៌មាន រស់នៅភូមិរុន ឃុំចំបក់ ស្រុកបាទី ខេត្តតាកែវ។

ទី៥ ឈ្មោះ រឿន ឆុន ភេទប្រុស អាយុ៤០ឆ្នាំ មុខរបរអ្នកសាព័ត៌មាន រស់នៅភូមិព្រះពន្លាសង្កាត់ព្រែកប្រា ខណ្ឌមានជ័យ រាជធានីភ្នំពេញ។

ទី៦ ឈ្មោះ សឿង សុភី ភេទស្រី អាយុ ៤២ឆ្នាំ មុខរបរអ្នកសាព័ត៌មាន រស់នៅភូមិព្រះពន្លាសង្កាត់ព្រែកប្រា ខណ្ឌមានជ័យ រាជធានីភ្នំពេញ។

ទី៧ ឈ្មោះ សំ សារឿន ភេទប្រុស អាយុ៤៩ឆ្នាំ មុខរបរអ្នសាព័ត៌មាន រស់នៅភូមិស្វាយរលំ សង្កាត់ស្វាយរលំ ក្រុងតាខ្មៅ ខេត្តកណ្តាល។

ទី៨ ឈ្មោះ ឆាយ លាវ ភេទស្រី អាយុ៥១ឆ្នាំ មុខរបរអ្នកសាព័ត៌មាន រស់នៅភូមិស្វាយរលំ សង្កាត់ស្វាយរលំ ក្រុងតាខ្មៅ ខេត្តកណ្តាល។

នគរបាលបានឱ្យដឹងទៀតថា បន្ទាប់ពីឃាត់ខ្លួន
សមត្ថកិច្ចក៏បានដកហូតវត្ថុតាងរួមមាន៖
រថយន្តចំនួន៤គ្រឿង ប័ណ្ណព័ត៌មានចំនួន៨សន្លឹក ទូរស័ព្ទដៃចំនួន១៨គ្រឿង នឹងសម្ភារឯកសារ ខ្សែករនឹងថវិកាមួយចំនួនធំទៀត។

នគរបានបញ្ជាក់ថា មូលហេតុឃាត់ខ្លួនក្រុមអ្នកសាព័ត៌មានខាងលើ គឺបន្ទាប់ពីមានបណ្តឹងពីឈ្មោះហុឹម ឆេងហ៊ាន មេការដេប៉ូឈើ បានប្តឹងថា ក្រុមអ្នកសារព័ត៌មាន ទាំង៨នាក់ បានជំរិតទារលុយខ្លួនក្នុងម្នាក់ចំនួន(១០០ដុល្លារ) ហើយឈ្មោះ ហុឹម ឆេងហ៊ាន សុខចិត្តផ្តល់សោហ៊ុយតាមមនោសញ្ចេតនា ក្នុងម្នាក់(៥០$) តែក្រុមអ្នកសារព័ត៌មាន មិនព្រម រហូតឈានដល់ប្តឹងអអ្នកសារព័ត៌មាន ទៅសមត្ថកិច្ចដើម្បីឃាត់ខ្លួនតែម្ដង។

បើតាមនគរបាលស្រុកបញ្ជាក់បន្ថែមថា ក្រុមអ្នកសារព័ត៌មាន គឺមានគ្នាចំនួន១២នាក់ រថយន្តចំនួន៦គ្រឿង តែមនុស្សចំនួន៤នាក់រថយន្ត២គ្រឿង បានទៅមុនផុត នៅសល់មនុស្សចំនួន៨នាក់រថយន្ត៤គ្រឿងជាប់ដៃសមត្ថកិច្ច៕SRP