ខេត្តសៀមរាប៖លោក សង្ឃ បបួលក្មេងយកទៅបំបួស ខ្លួនឯង ដើម្បី ដើរបិណ្ឌបាត ប្រមូលលុយឱ្យ ត្រូវបាន អនុគណក្រុងសៀមរាប ចាប់សឹក ជាលើកទី២។
លើកទី១/លោកសង្ឃព្រះនាម ពិន ពិសី ព្រះជន្ម៣៦ព្រះវស្សា កាលពីប៉ុន្មានឆ្នាំមុន នៅបួសវត្តពោធិ៍ ពីរដើម បានរយៈពេល១ឆ្នាំ ត្រូវបានចៅអធិការវត្ត ឱ្យសឹកចេញម្តង ព្រោះមូលហេតុមានស្រីញីនៅក្នុងវត្ត។
លើកទី២/ត្រូវបានព្រះគ្រូ ចៅអធិការវត្តអង្គរខាងត្បូង ព្រះនាម ព្រះ ខន្តិ រង្សី ព្រះវិន័យធរ អនុគណ ក្រុងសៀមរាប ចាប់សឹក ឱ្យទៅជា ប្រជាពលរដ្ឋវិញ ព្រោះបានបបួលក្មេង ឱ្យទៅបំបួស ដោយខ្លួនឯង ដើម្បីដើរបិណ្ឌបាត ជាមួយ រកលុយឱ្យ ត្រូវបាន ឪពុកម្តាយ នេន(កូនបង្កើត)ដែលបានបាត់កូនចេញពីផ្ទះ អស់រយៈពេល៤ថ្ងៃ តាមរក ទើបប្រទះឃើញ សង្ឃ៣អង្គ កូននេន២អង្គ នៅក្រោយផ្សារលើធំថ្មី ហើយក៏ប្រតាយប្រតប់គ្នា ជាមួយព្រះសង្ឃ ស្រាប់តែបាត់កូននេន មួយអង្គ ក៏ត្រូវបានសន្តិសុខផ្សារ នាំយកមកប្រគល់ឱ្យប៉ុស្តិ៍នគរបាលសង្កាត់ស្លក្រាម រួច នាំយកបន្តមកឱ្យលោកគ្រូអនុគណក្រុងចាប់សឹកតែម្តង។
ហេតុការហិង្សារវាង ព្រះសង្ឃ និង ឧបាសក ឧបាសិកានោះកើតឡើងនៅវេលាម៉ោង១០ព្រឹកថ្ងៃទី២២ខែវិច្ឆិកាឆ្នាំ២០២០ ស្ថិតនៅខាងក្រោយផ្សារលើធំថ្មី កន្លែងលក់ត្រី ក្នុងភូមិ ដកពោធិ៍ សង្កាត់ស្លក្រាម ក្រុងសៀមរាប។
បើតាមសម្តីរបស់ឪពុកម្តាយ កុមារារងគ្រោះមានឈ្មោះ ម៉ូវ ម៉ុល (ឪពុក)អាយុ៤៨ឆ្នាំ មុខរបរកសិករ និង ម្តាយ ឈ្មោះ ញ៉ែម ដាវី អាយុ៤៨ឆ្នាំ រស់នៅភូមិអញ្ចាញ សង្កាត់នគរធំ ក្រុងសៀមរាប ដែលមានកូនប្រុសម្នាក់ ឈ្មោះ ម៉ូវ សុភ័ស្ស អាយុ១១ឆ្នាំ សិស្ស ដែលបានបាត់ពីផ្ទះនៅថ្ងៃទី១៩ ខែវិច្ឆិកាឆ្នាំ២០២០។
ឪពុកបានរៀបរាប់បន្តថា បន្ទាប់ពីបាត់កូនអស់រយៈពេល៤ថ្ងៃ លោកបានទៅដាក់ពាក្យបណ្តឹង នៅប៉ុស្តិ៍នគរបាល សង្កាត់នគរធំ ក្រុងសៀមរាប រហូតមកដល់ថ្ងៃទី២២ខែវិច្ឆិកាឆ្នាំ ក៏ត្រូវបានក្មួយរត់ម៉ូតូមុខផ្សារលើ ប្រទះឃើញ កំពុងដើរបិណ្ឌបាត ជាមួយព្រះសង្ឃមួយ សរុប មានគ្នា៣នាក់ ។ ពេលនោះ ក្មួយ ក៏បានខលទូរស័ព្ទប្រាប់ មួយសន្ទុះ លោក និង ប្រពន្ធ ព្រមទាំងក្មួយ ក៏បានទៅអូសដៃ កូននេន ចេញពី ដៃលោក ខណៈពេលនោះ លោក ក៏មិនព្រមឱ្យ ក៏ប្រតាយប្រតប់គ្នា ក៏មានបងប្អូនអាជីវករ នៅក្បែរនោះ ជួយឃាត់។ មួយសន្ទុះ ទើបឃើញសន្តិសុខផ្សារលើធំថ្មី បានមកហៅឱ្យទៅដោះស្រាយគ្នា នៅប៉ុស្តិ៍នគរបាល សង្កាត់ស្លក្រាម ដោយឃើញស្ថានភាព ជាព្រះសង្ឃ ទើបសមត្ថកិច្ចមូលដ្ឋាន បានដឹកលោក សង្ឃ ទាំង២អង្គ និងឪពុកម្តាយ នាំយកទៅវត្តក្បាលខ្មោច ដែលមានចៅអធិការវត្ត ព្រះនាម ឡាច លាង និងជាអនុគណក្រុងសៀមរាប ខណៈពេលនោះ ចៅអធិការវត្ត អវត្តមាន ឃើញមានវត្តមានព្រះគ្រូចៅអធិការ វត្ត ឥន្ទកោសីយ៍ ហៅ វត្តកណ្តាល ហៅព្រះនាម តាត មហាទី និង ព្រះគ្រូចៅអធិការវត្តអង្គរខាងត្បូង ព្រះនាម ព្រះ ខន្តិ រង្សី ព្រះវិន័យធរ អនុគណ ក្រុងសៀមរាប ជំនុំគ្នា សម្រេចចិត្ត ចាប់សឹក តែម្តង ឱ្យទៅជា ប្រជាពលរដ្ឋធម្មតាវិញ។
បើតាមសង្ឃដេកា របស់ព្រះគ្រូចៅ អធិការវត្តអង្គរខាងត្បូង ព្រះនាម ព្រះ ខន្តិ រង្សី ព្រះវិន័យធរ អនុគណ ក្រុងសៀមរាប បានមានសង្ឃដេកាថា ព្រះអង្គ ត្រូវតែធ្វើកំណត់ហេតុ ដើម្បីឱ្យ ភិក្ខុ ពិន ពិសី ផ្តិត មេដៃ សឹក ក្នុងពេលនេះ ដើម្បីកុំឱ្យល្មើសនិងច្បាប់ សាសនាព្រះពុទ្ធ។
ចំណែក ភិក្ខុ ពិន ពិសី ព្រះជន្ម៣៦ព្រះវស្សា កាន់ឆាយា លេខ៣៣២/១៨ ពិតជា បានដើរបិណ្ឌបាត ខ្វះប្រក្រតី និង ករណី ភិក្ខុ ពិសី នេះ ដើរដូរ ទៅកន្លែងវត្ត ដែលនៅខាងវត្ត ល្មើសនិងវិន័យធម៌ ហើយ ពិ សី ត្រូវទទួលខុសត្រូវ ចំពោះមុខច្បាប់ ដូច្នេះ ត្រូវឱ្យសឹកចេញ ទៅជា ប្រជាពលរដ្ឋ ធម្មតាវិញ៕SRP
