Siem Reap Post – Page 623 – Siem Reap News, Cambodia News

ខេត្តកំពង់ចាម៖ទីតាំងជល់មាន់មួយកន្លែង ត្រូវបានកម្លាំងនគរបាលស្រុកកំពង់សៀម ចុះបង្ក្រាបនៅព្រឹកមិញនេះ។ កន្លែងជល់មាន់ស្ថិតនៅចំណុចភូមិព្រៃគុយ ឃុំស្រក ស្រុកកំពង់សៀម ខេត្តកំពង់ចាម។ការបង្ក្រាបនេះដឹកនាំដោយ លោកវរសេនីយ៍ឯកឯក ប៉ាន់ដន អធិការនគរបាលស្រុកកំពង់សៀម។

នគរបាលស្រុកកំពង់សៀមបានឲ្យដឹងថាលទ្ធផលបង្ក្រាបបានអ្នកលេងល្បែងជល់មាន់ ចំនួន០១នាក់ឈ្មោះហឿន ហាន ភេទប្រុស អាយុ ៣២ ឆ្នាំជាតិខ្មែរមានទីលំនៅភូមិសាមគ្គី ឃុំបុស្សខ្នុរ ស្រុកចំការលើ ខេត្តកំពង់ចាម។ ដោយដកហូតបានវត្ថុតាងរួមមានដូចខាងក្រោម:
-ម៉ូតូម៉ាកវេវពណ៌ក្រហមគ្មានស្លាកលេខចំនួន០៤គ្រឿង។
-ជញ្ជីងថ្លឹងមាន់ចំនួន០១។
-មាន់ងាប់ចំនួន០១ក្បាលនិងស្គត់រុំជើងមាន់មួយចំនួនទៀតនៅហ្នឹងកន្លែង។
បច្ចុប្បន្នជនសង្ស័យ និងវត្ថុតាងសមត្ថកិច្ចយើងបានបញ្ជូនមកកាន់អធិការដ្ឋាននគរបាលស្រុកកំពង់សៀម ដើម្បីសាកសួរ និងរៀបចំកសាងឯកសារ សំណុំរឿងតាមនីតិវិធី៕SRP

ខេត្តសៀមរាប៖លោកសូរ ប្លាតុង អភិបាលស្រុកប្រាសាទបាគង នៅរសៀលថ្ងៃទី១៨ខែមេសាម្សិលមិញ បានដឹកនាំសប្បុរសជន ចុះសួរសុខទុក្ខនិងចែកអំណោយជូនគ្រួសារយោធិនពិការ នៅមជ្ឈមណ្ឌល អភិវឌ្ឍន៍យោធិនពិការ សម្តេចតេជោហ៊ុន សែន គូលេន៣១៧សៀមរាប ស្ថិតក្នុងភូមិស្នារតេជោ ឃុំបាល័ង្គ ស្រុកប្រាសាទបាគង ខេត្តសៀមរាប។

ឧត្តមសេនីយឯក ពៅ ស៊ា នាយកមជ្ឈមណ្ឌល អភិវឌ្ឍន៍យោធិនពិការ សម្តេចតេជោហ៊ុនសែន គូលេន៣១៧សៀមរាប បានអោយដឹងថា៖បច្ចុប្បន្នក្នុងមណ្ឌលមាន៣០០គ្រួសារក្នុងនោះមាន៖(យោធិនពិការចំនួន២៧៣គ្រួសារ,គ្រូបង្រៀនស្ម័គ្រចិត្ត២៥គ្រួសារ,ពេទ្យឆ្មបស្ម័គ្រចិត្ត០២គ្រួសារ, សមាជិកសរុបរួមមានចំនួន១៣០០នាក់។អំណោយរួមមាន អង្ករ ត្រីខ ម៉ី ស្កសរ អំបិល ទឹកត្រី ទឹកស៊ីអ៊ីវ សាប៊ូ ចែកជូនស្មើរៗគ្នាទាំង៣០០គ្រួសារ ក្នុងនោះមាន១១គ្រួសារដែលក្រីក្រ ត្រូវបានផ្តល់ជូនថវិកាបន្ថែមផងដែរ៕SRP

ខេត្តប៉ៃលិន៖បុរសម្នាក់ជិះម៉ូតូធ្លាក់ផ្លូវដួលស្លាប់ដោយខ្លួនឯង នៅលើផ្លូវលំក្រាលគ្រួសក្រហម។
ហេតុការណ៍បានកើតឡើងវេលាម៉ោង ១៩ និង ១៥នាទី ថ្ងៃទី១៨ ខែមេសា ឆ្នាំ២០២០ ស្ថិតនៅភូមិបរតាំងស៊ូ សង្កាត់បរយ៉ាខា ក្រុងប៉ៃលិន
ខេត្ដប៉ៃលិន ។

ជនរងគ្រោះឈ្មោះ ពេង ប៉ក់ ភេទប្រុស អាយុ ៣៨ឆ្នាំ មុខរបរកសិករ រស់នៅភូមិវត្ដ សង្កាតប៉ៃលិន ក្រុងប៉ៃលិន ខេត្ដប៉ៃលិន។ បើកបរម៉ូតូម៉ាក HONDA DREAM C125 ពណ៌ ខ្មៅ សេរីឆ្នាំ២០១៦ ពាក់ស្លាកលេខ បាត់ដំបង 1W 6776 ទិសដៅពីលិចទៅកើត ។
បេីរតាមការបញ្ជាក់ពីប្រពន្ធរបស់ជនរងគ្រោះ មុនពេលកេីត ជនរងគ្រោះបានអង្គុយផឹកស៊ីជុំគ្នាជាមួយមិត្តភ័ក្ដិនៅជិតកន្លែងកើតហេតុខាងលើ ក្រោយមកក៏ត្រលប់ទៅផ្ទះវិញ លុះដល់កន្លែងកើតហេតុក៏បានរេចង្កូតធ្លាក់ផ្លូវដួលស្លាប់ភ្លាមៗតែម្ដង។
ករណីនេះកម្លាំងជំនាញផ្នែកសណ្ដាប់ធ្នាប់ចរាចរណ៍ នៃអធិការនគរបាលក្រុងប៉ៃលិន បានធ្វើការសន្និដ្ឋាននៅកន្លែងកើតហេតុថា ពិតជាស្លាប់ដោយសារគ្រោះថ្នាក់ចរាចរណ៍ពិតប្រាកដមែន និងបានធ្វើកំណត់ហេតុប្រគល់សាកសពទៅឲ្យក្រុមគ្រួសារយកទៅធ្វើបុណ្យតាមប្រពៃណី៕SRP វ៉ន ដារ៉ា

ខេត្តកំពង់ចាម៖លោកអ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធនឹងជំងឺកូវីដ១៩ បានបំពាក់ម៉ាស៊ីនបាញ់សម្លាប់មេរោគកូវីដ១៩ដោយស្វ័យប្រវត្តិ ចំនួន០៦គ្រឿង នៅតាមទីសាធារណៈ សំខាន់ៗ នៅក្នុងក្រុងកំពង់ចាម ខណៈដែលអ្នកផ្ទុកវីរុសកូរ៉ូណា ទាំង១៦នាក់ ក្នុងខេត្តកំពង់ចាម ត្រូវបានព្យាបាលជាសះស្បើយអស់ហើយ គិតត្រឹមថ្ងៃទី១៨ ខែមេសា ឆ្នាំ២០២០នេះ។

លោកអ៊ុនចាន់ដា អភិបាលខេត្តកំពង់ចាម បានដាក់ចេញនូវវិធានការបង្ការទប់ស្កាត់ការឆ្លងរាតត្បាតនៃជំងឺកូវីដ១៩ ដល់មន្ត្រីរាជការ អាជ្ញាធរមូលដ្ឋាន កងកម្លាំងប្រដាប់អាវុធ ក៏ដូចជាបងប្អូនប្រជាពលរដ្ឋ ឲ្យអនុវត្តយ៉ាងខ្ជាប់ខ្ជួន ដោយផ្តើមចេញពីការថែរក្សាអនាម័យផ្ទាល់ខ្លួន ក្នុងគ្រួសារ កន្លែងធ្វើការ ក៏ដូចជានៅទីសាធារណៈ ជៀសវាងការជួបជុំគ្នាក្នុងពិធីធំៗ និងត្រូវពាក់ម៉ាស់នៅទីប្រជុំជន ព្រមទាំងលាងសម្អាតដៃដោយសាប៊ូ អាល់កុល ឬជែលសម្លាប់មេរោគ និងវាស់ស្ទង់កម្ដៅជារៀងរាល់ថ្ងៃ ស្របតាមការណែនាំ របស់ក្រសួងសុខាភិបាល ផងដែរ។

គួរបញ្ជាក់ផងដែរថា បេីទោះបីជា ខេត្តកំពង់ចាម មានអ្នកផ្ទុកជំងឺកូវីដ១៩ ចំនួន១៦នាក់ ហើយត្រូវបានព្យាបាលជាសះស្បើយ អស់ហើយក្កី តែមិនត្រូវមានការធ្វេសប្រហែសនោះទេ គឺប្រើវិធីការពារ វាប្រសើរជាងព្យាបាល ដូចជាការបំពាក់ម៉ាស៊ីនបាញ់សម្លាប់មេរោគកូវីដ១៩ ដោយស្វ័យប្រវត្តនេះ ជាវិធីការពារយ៉ាងល្អប្រសើរផងដែរ៕SRP

Sponsored

ខេត្តកំពង់ចាម៖ លោក អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធនឹងជម្ងឺកូវីដ១៩ នាព្រឹក ថ្ងៃ ទី ១៧ ខែមេសា ឆ្នាំ ២០២០នេះ បានដឹកនាំកិច្ចប្រជុំបន្ទាន់មួយ ដើម្បីផ្សព្វផ្សាយលិខិតលេខ០៦៧ ស ខ ល របស់ក្រសួងសុខាភិបាល ស្ដីពីការរៀបចំចាត់វិធានការ ចត្តាឡីស័ក រយៈពេល១៤ថ្ងៃ លើកម្មករ និយោជិត ដែលវិលត្រឡប់ចូលបម្រើការងារវិញ បន្ទាប់ពីពិធីបុណ្យចូលឆ្នាំខ្មែរ ប្រពៃណីជាតិ ដោយយោងតាមការឯកភាពដ៏ខ្ពង់ខ្ពស់របស់សម្ដេចតេជោ នាយករដ្ឋមន្ត្រីចុះថ្ងៃទី១៥ ខែមេសា ឆ្នាំ២០២០ ក្នងការទប់ស្កាត់ការរីករាលដាលនៃជម្ងឺកូវីដ-១៩ ។

គួរ បញ្ជាក់ ថា យោង តាម សេចក្តី ណែនាំ ស្តីពីវិធានការ ចត្តាឡីស័ក រយៈពេល១៤ថ្ងៃ លើកម្មករ និយោជិត ដែលនឹងវិលត្រឡប់ ចូល បម្រើការងារវិញ បន្ទាប់ពីពិធី បុណ្យ ចូល ឆ្នាំ ខ្មែរ ប្រពៃណី ជាតិ របស់ក្រសួងសុខាភិបាល នោះក្រសួងការងារ និងបណ្តុះបណ្កាល វិជ្ជាជីវៈ សូមណែនាំដល់ ម្ចាស់ ឬនាយក និងបងប្អូនកម្មករ និយោជិត នៃរោងចក្រ សហគ្រាស គ្រឹះស្ថានទាំងអស់ ដែលបានឈប់សម្រាក ក្នុងអំឡុងពេល បុណ្យ ចូល ឆ្នាំ និងចូលបម្រើការងារវិញដូចខាងក្រោម៖ ចំពោះ ម្ចាស់ ឬនាយក និងកម្មករ និយោជិតរោងចក្រ នៅ តាម បណ្ដា ខេត្ត ក៏ដូចជាម្ចាស់ ឬនាយក និងកម្មករ និយោជិត នៃ សហគ្រាស គ្រឹះស្ថាន ក្នុង វិស័យ ផ្សេង ទៀត ត្រូវសម្របសម្រួល ការធ្វើ ចត្តាឡីស័ក នៅ តាម ផ្ទះ ចំនួន១៤ថ្ងៃ នេះ៖ – កម្មករ និយោជិត ដែលឈប់សម្រាកដោយឯកឯងគ្មានការអនុញ្ញាត ពី នយោជក នឹង មិន ទទួល បាន ប្រាក់ឈ្នួល ឡេីយ ក្នុងរយៈពេលធ្វើ ចត្តាឡីស័ក នេះ
កម្មករ និយោជិតដែលឈប់សម្រាក ដោយមានការអនុញ្ញាតពីនិយោជក នឹង ទទួល បាន ប្រាក់ឈ្នួល ត្រឹម ចំនួន ៧ថ្ងៃ ក្នុងរយៈពេល ធ្វើ ចត្តាឡីស័ក នេះ។ ដោយឡែកកម្មករ និយោជិត ដែលអវត្តមាន ដោយមានការអនុញ្ញាតរបស់និយោជក ដោយសារមាន ធុរៈ ពិសេស ដូចជា ប្រពន្ធ ឆ្លង ទន្លេ ឬជីដូន ជីតា ម្តាយ ឪពុក ប្ដីប្រពន្ធ កូនទទួលមរណភាព ត្រូវទទួលបាន ប្រាក់ ឈ្នួល ចំនួន ១៤ថ្ងៃពេញដដែល រួមគ្នាតាមដាន សុខភាព បន្ត និងត្រូវពាក់ម៉ាសជាដាច់ខាត ចំពោះ កម្មករ និយោជិត ដែលទើប បញ្ចប់ការធ្វើ ចត្តាឡីស័ក ឬទើបចូលធ្វើការ កម្មករ និយោជិត ណា ម្នាក់ ដែល មិន សហការ អនុវត្តន៍ វិធានការ ចត្តាឡី ស័ក ឬបំពាន វិធានការ ខាង លេី ហេីយ បង្ក ការ ភ័យខ្លាច ដល់ កម្មករ នយោជិក ដទៃ ផ្សេង ទៀត អាច ត្រូវ បង្ខំ ឲ្យ ឈប់ ពី ការងារ ដោយ មិន ទទួល បាន ការ ទូទាត់ អត្ថប្រយោជន៍ អ្វី ទាំង អស់ ពី និយោជក ៕SRP

ខេត្តសៀមរាប៖ លោក ហ៊ុន ម៉ានី ប្រធាន សហភាព សហព័ន្ធ យុវជន កម្ពុជា បានឧបត្ថម្ភខិត្តប័ណ្ណផ្សព្វផ្សាយនិងថវិកាមួយចំនួនដល់ សហភាពសហព័ន្ធ យុវជនកម្ពុជាខេត្តកំពង់ចាម ដើម្បី ជាការចូលរួម ចំណែក ជាមួយ រាជរដ្ឋាភិបាល កម្ពុជា បន្តបេសកកម្មផ្សព្វផ្សាយអំពី វិធានការ បង្ការ ទប់ស្កាត់ ការ រីករាលដាល នៃ ជំងឺកូវីដ១៩។
សូមបញ្ជាក់ថានៅព្រឹកមិញនេះតាមរយៈលោក ហាន កុសល ប្រធាន ស.ស.យ.ក ខេត្តកំពង់ចាម បានដឹកនាំក្រុមការងារ ស.ស.យ.ក ខេត្តចុះចែកខិត្តប័ណ្ណផ្សព្វផ្សាយអំពីការការពារជំងឺ កូវីដ១៩ និងថវិកាដល់ក្រុង ស្រុកទាំង១០ ក្នុងខេត្តកំពង់ចាម ដោយក្នុង១ស្រុកទទួលបានខិត្តប័ណ្ណផ្ទាំងតូចចំនួន៣០០ផ្ទាំង ផ្ទាំងធំចំនួន២ផ្ទាំង និងថវិកាចំនួន ១.០០០.០០០រៀល។

ជាមួយគ្នា នោះ ស.ស.យ.ក ខេត្តកំពង់ចាម ក៏បាន សំដែង ការ ថ្លែងអំណរគុណយ៉ាងជ្រាលជ្រៅបំផុតចំពោះ លោក ហ៊ុន ម៉ានី ប្រធាន ស.ស.យ.ក ដែលតែងតែគិតគូរយ៉ាងយកចិត្តទុកដាក់គាំទ្រទាំងស្មារតី និងសម្ភារៈ ក្នុងយុទ្ធនាការផ្សព្វផ្សាយវិធានការការពារទប់ស្កាត់ការឆ្លងរីករាលដាលនៃជំងឺ កូវីដ១៩ ដោយ សង្ឃឹមថាប្រទេសកម្ពុជានឹងឆ្លងផុតដំណាក់កាលដ៏លំបាកនេះក្នុងពេលឆាប់ៗ ខាង មុខ ៕SRP

ខេត្តសៀមរាប៖សេចក្ដីរាយការណ៍បានឲ្យដឹងថាបុរសម្នាក់ ស្លាប់ដោយ គ្រោះថ្នាក់ចរាចណ៍ នៅស្រុកស្វាយលើ។ ហេតុការណ៍បានកើតឡើងនៅវេលាម៉ោង ០៨និង៤០នាទីថ្ងៃថ្ងៃទី ១៧ខែមេសាឆ្នាំ ២០២០នេះ នៅតាមបណ្ដោយផ្លូវជាតិលេខ៦៤ត្រង់ចំណុចចន្លោះគីឡូម៉ែត្រលេខ 31-32 ស្ថិតនៅភូមិបឹងមាលា ឃុំបឹងមាលា ស្រុកស្វាយលើ ខេត្តសៀមរាប។

សមត្ថកិច្ចថាករណីគ្រោះថ្នាក់ចរាចរណ៍នេះគឺបង្កឡើងដោយខ្លួនឯង។ ជនរងគ្រោះឈ្មោះ ម៉ូន តុង ភេទ ប្រុស អាយុ២០ឆ្នាំ រស់នៅភូមិ តាសៀម ឃុំតាសៀម ស្រុកស្វាយលើ ខេត្តសៀមរាប។ បើកបរម៉ូតូម៉ាក ហុងដាឌ្រីម សេរី២០១៩ពណ៌ខ្មៅពាក់ស្លាកលេខភ្នំពេញ១HY,៤៨៨៥ បានស្លាប់នៅនឹងកន្លែងកើតហេតុ។ ខូចខាតម៉ូតូ ០១គ្រឿង ស្រាល ។ បើតាមសមត្ថកិច្ចបានបញ្ជាក់ថាមូលហេតុ: បើកបរក្នុងល្បឿនលឿន។ ក្រោយពេលកើតហេតុ កម្លាំងជំនាញបានចុះត្រួតពិនិត្យ និងបានប្រគល់សាកសពអោយក្រុមគ្រួសារយកទៅធ្វើបុណ្យតាមប្រពៃណី៕SRP

Sponsored

ខេត្តសៀមរាប៖មនុស្សប្រុសស្រីចំនួន១០នាក់ ដែលក្នុងនោះមានមេល្បែង (មេអាប៉ោង) និងអ្នកញៀនល្បែងផង បានត្រូវកម្លាំងនគរបាលស្រុកប្រាសាទបាគង ចាប់ខ្លួនយកមកអនុវត្តច្បាប់។
ការចាប់ខ្លួនអ្នកខាងលើធ្វើឡើង កាលពីល្ងាចថ្ងៃទី១៦ ខែមេសា ឆ្នាំ២០២០ នៅក្នុងភូមិសូភី ឃុំកន្រ្ទាំង ស្រុកប្រាសាទបាគង។
អធិការនគរបាលស្រុកប្រសាទបាគង លោកវរសេនីយ៍ទោលឹម សម្បត្តិ បានអោយដឹងថា ក្នុងការបង្ក្រាបល្បែងអាប៉ោងខាងលើ យើងបានឃាត់ខ្លួនមនុស្សចំនួន១០នាក់ស្រី២នាក់។ ក្រៅពីនោះ ក៏បានដកហូត គ្រាប់អាប៉ោង ចំនួន៤គ្រាប់ កំរាល០១ ចាន០១ គម្រប០១ សំរាប់លែងអាប៉ោង។
លោកបន្តថា ការបង្ក្រាបបនល្បែងក្នុងមូលដ្ឋាន គឺជាការឆ្លើយតបទៅ នឹង គោលការភូមិឃុំ មានសុវត្ថិភាព។ចឹងទេបើយើងទប់ស្កាត់ការបើកល្បែងស៊ីសង គឺស្មើនងទប់ស្កាត់អំពើហឹង្សា ក៏ដូចជាសកម្មភាពល្មើសផ្សេងៗផងដែរ។
លោកបញ្ជាក់ថា បន្ទាប់ពីបាននាំ ពួកគាត់មកសាកសួរនៅអធិការដ្ឋាននគរបាលស្រុកប្រាសាទបាគង និងជាលើកដំបូងផងនោះ យើងបានធ្វើកិច្ចសន្យានិងអប់រំ ហើយអោយត្រលប់ទៅមូលដ្ឋានរៀងខ្លួនវិញ៕SRP

ភ្នំពេញ៖សម្តេចតេជោ ហ៊ុនសែន នាយករដ្ឋមន្ត្រី បានបញ្ជាក់នៅលើទំព័រហ្វេសប៊ុកនៅមុននេះបន្តិចថា៖គិតត្រឹមព្រឹកថ្ងៃ១៧មេសា២០២០នេះសប្បុរសជនដែលបាន
ចូលរួមជាថវិកាសម្រាប់ប្រយុទ្ធ
ជាមួយជម្ងឺកូវីត១៩មានចំនួនទឹកប្រាក់ចំនួន13.597.295ដុល្លារ
ដោយមិនទាន់គិតពីជំនួយជាសម្ភារ:
បរិក្ខា ដូចជាម៉ាស់ អាកុល សាប៊ូ សម្ភារ:
ពេទ្យ។ល។ដែលមានតម្លៃ
រាប់លានដុល្លារថែមទៀត។
ដោយឡែកការរួមវិភាគទានតាម
រយ:ការបរិច្ចាគបៀវត្សទាំងស្រុងឬ
មួយផ្នែកនៃមន្ត្រីពីគ្រប់ស្ថាបន័ថ្នាក់
ជាតិ ថ្នាក់ក្រោមជាតិនិងកងកម្លាំង
ប្រដាប់អាវុធគ្រប់ប្រភេទគិតត្រឹម
ព្រឹកថ្ងៃ១៦មេសា២០២០នេះមានចំនួន14.751នាក់និងនៅសល់មួយ
ចំនួនទៀតដែលកំពុងផ្ទៀងផ្ទាត់នៅ
ក្រសួងមុខងារសារធារណ:។
សម្ដេចតេជោបន្តថា៖
នេះជាចលនាជាតិដ៏ខ្លាំងក្លាមួយរបស់ប្រជាជនកម្ពុជាយើងក្នុងការ
ប្រយុទ្ធជាមួយជំងឺដ៏កាចសាហាវនេះ
ដែលទូលព្រះបង្គំខ្ញុំព្រះករុណាខ្ញុំសូមថ្លែងអំណរព្រះគុណថ្វាយព្រះ
មហាក្សត្រ ថ្វាយសម្តេចម៉ែ ប្រគេន
ព្រះសង្ឃគ្រប់ព្រះអង្គ ជូនជនរួមជាតិ
មន្ត្រីរាជការគ្រប់ថ្នាក់ និងកងកម្លាំងប្រដាប់អាវុធគ្រប់ប្រភេទដែលបាន
ចូលរួមក្នុងចលនាជាតិដ៏ធំមួយនេះ៕SRP