ខេត្តសៀមរាប៖ស្ត្រីម្នាក់បានស្លាប់ខណ:ជិះម៉ូតូបុកជាមួយរថយន្តដឹកទឹកកក។ ហេតុការណ៍បានកើតឡើងនៅវេលាម៉ោង៩និង៤៩នាទី ថ្ងៃទី១៣ ខែសីហា ឆ្នាំ២០២៣ នៅភូមិពាក់លាប ឃុំពាក់ស្នែង ស្រុកអង្គរធំ។

សមត្ថកិច្ចបានឲ្យដឹងថាគ្រោះថ្នាក់ចរាចរណ៍នេះ រវាងរថយន្តដឹកទឹកកក ផ្លាកលេខភ្នំពេញ 3C -5119 និងម៉ូតូម៉ាកហុងដា ឆ្នាំ២០២២ ពណ៌ខ្មៅ មានផ្លាកលេខសៀមរាប1AL-0438 ក្នុងទិសដៅស្របទិសគ្នា ពីកើតទៅលិច។

សមត្ថកិច្ចបានបន្តថាខណ:រថយន្តដឹកទឹកកក ឈប់អោយភ្លើងសុីញ៉ូបត់ឆ្វេង ហើយអាយ៉ែថយក្រោយគោលបំណងចូលផ្ទះមិត្តភ័ក្ត ធ្លាប់ធ្វើការរួមគ្នា ពេលបើកថយន្តទើបថយបានបន្តិច ក៏ស្រាប់តែអ្នកបើកម៉ូតូបានបើកមកបុករថយន្តពេញមួយទំហឹងពីក្រោយបណ្ដាលអោយដួលនិងស្លាប់តែមម្ដង។

ប្រភពបានបន្តថា អ្នកបើករថយន្ត ឈ្មោះ គង់ គឿន ភេទប្រុស អាយុ២៨ឆ្នាំ នៅភូមិជ្រាស់ ឃុំល្វា ស្រុកពួក ខេត្ដសៀមរាប និងអ្នករួមដំណើរឈ្មោះឈន់ ពុត ភេទប្រុសអាយុ ៣៤ឆ្នាំ នៅភូមិដំណាក់ស្លាញ ឃ្វាល ស្រុកពួក ខេត្តសៀមរាប។ ចំណែកអ្នកបើកម៉ូតូឈ្មោះ កែ សាក់ ភេទស្រី អាយុ ៥៦ឆ្នាំ នៅភូមិវាល សង្កាត់គោកចក ក្រុងសៀមរាប បានស្លាប់៕ដោយនាគខៀវ

ភ្នំពេញ៖លោកបណ្ឌិត ហ៊ុន ម៉ាណែត និង លោក វ៉ាង យី ប្តេជ្ញាបន្តលើកកម្ពស់កិច្ចសហប្រតិបត្តិការ រវាងប្រទេសទាំងពីរកម្ពុជា-ចិន ឱ្យកាន់តែជិតស្និទ្ធបន្ថែមទៀត។

ថ្នាក់ដឹកនាំទាំងពីរ ក៏បានប្តេជ្ញា បន្តលើកកម្ពស់កិច្ចសហប្រតិបត្តិការ រវាងប្រទេសទាំងពីរកម្ពុជា-ចិន ឱ្យកាន់ជិតស្និទ្ធ តាមរយៈការថែរក្សាសមិទ្ធផល ដែលមានកន្លងមក ក៏ដូចជាការពង្រីកទិសដៅ កិច្ចសហប្រតិបត្តិការ ទៅលើវិស័យថ្មីៗ បន្ថែមទៀត ដូចជា៖ វិស័យអគ្គិសនី ជាពិសេស វារីអគ្គិសនី, វិស័យហេដ្ឋារចនាសម្ព័ន្ធ, វិស័យកសិកម្ម និងវិស័យពាណិជ្ជកម្ម ជាដើម ។ល។ លើសពីនេះ ភាគីទាំងពីរ ក៏ឯកភាពនឹងបន្តកិច្ចសហប្រតិបត្តិការ និងផ្តល់ការគាំទ្រដល់គ្នា ទៅវិញទៅមកផងដែរ នៅក្នុងក្របខ័ណ្ឌតំបន់ និងលើឆាកអន្តរជាតិ។

ការប្តេជ្ញា បែបនេះ នៅរសៀលថ្ងៃទី១៣ ខែសីហា ឆ្នាំ២០២៣, នៅវិមានសន្តិភាព ភ្នំពេញ ក្នុងឱកាសលោកបណ្ឌិត ហ៊ុន ម៉ាណែត នាយករដ្ឋមន្រ្តី តែងតាំង នៃព្រះរាជាណាចក្រកម្ពុជា បានទទួលជួបសម្តែងការគួរសមជាមួយនឹង លោក វ៉ាង យី សមាជិកការិយាល័យ នយោបាយ, ប្រធានការិយាល័យគណៈកម្មការកិច្ចការបរទេស នៃគណៈកម្មាធិការមជ្ឈិមបក្សកុម្មុយនីស្តចិន និង ជារដ្ឋមន្ត្រីការបរទេសចិន ដែលបានអញ្ជើញបំពេញទស្សនកិច្ចផ្លូវការនៅព្រះរាជាណាចក្រកម្ពុជា ចាប់ពីថ្ងៃទី១២-១៣ ខែសីហា ឆ្នាំ២០២៣។

នៅក្នុងជំនួបនេះ, លោក វ៉ាង យី បានបញ្ជាក់អំពីជំហរបន្តជំរុញការអនុវត្តការងារ ប្រកបដោយប្រសិទ្ធភាព និងភាពជិតស្និទ្ធ ជាមួយកម្ពុជា ហើយភាគីមិត្តចិននឹងត្រៀមទទួលស្វាគមន៍ ដំណើរទស្សនកិច្ចផ្លូវការ និងការចូលរួមរបស់ លោកបណ្ឌិត ហ៊ុន ម៉ាណែត នៅក្នុងពិព័រណ៍ចិន-អាស៊ាន លើកទី២០ ឆ្នាំ២០២៣ ដែលនឹងប្រព្រឹត្តទៅនៅទីក្រុងណាននីង ខេត្តក្វាងស៊ី ប្រទេសចិន នាពាក់កណ្តាលខែកញ្ញា ឆ្នាំ២០២៣ ខាងមុខ។

លោកបណ្ឌិត ហ៊ុន ម៉ាណែត បានថ្លែងអំណរគុណ និងធ្វើការគូសបញ្ជាក់ជូនភាគីមិត្តផងដែរ នូវការរក្សាគោលជំហរឥតប្រួលប្រែ របស់រាជរដ្ឋាភិបាលថ្មី នៃព្រះរាជាណាចក្រកម្ពុជាចំពោះ «គោលនយោបាយចិនមួយ» និងការមិនជ្រៀតជ្រែកលើកិច្ចការផ្ទៃក្នុងរបស់ចិន។ លោកបណ្ឌិត ក៏បានឆ្លើយតបទៅនឹងការអញ្ជើញរបស់ភាគីមិត្តចិន ទៅចូលរួមពិធីខួបលើកទី១០ នៃការបង្កើតគំនិតផ្តួចផ្តើមខ្សែក្រវាត់ និងផ្លូវ នៅរដ្ឋធានីប៉េកាំង សាធារណរដ្ឋប្រជាមានិតប្រទេសចិន នាពាក់កណ្តាល ខែតុលា ឆ្នាំ២០២៣ ខាងមុខ ផងដែរ៕ដោយនាគខៀវ

បុរសម្នាក់ស្រវឹងស្រា ហើយ បើកបរគោយន្តកន្ត្រៃរអិលធ្លាក់ពីរគោយន្ត បណ្ដាលកិនក្បាលស្លាប់យ៉ាងអាណោចអាធម៌។

ហេតុការណ៍បានកើតឡើង នៅរសៀលថ្ងៃទី១២ ខែសីហា ឆ្នាំ២០២៣ នៅលើកំណាត់ផ្លូវក្រាលកៅស៊ូ ស្ថិតនៅភូមិចេក ឃុំជំពូវន្ត ស្រុក ជុំគិរី ខេត្តកំពត ។

ប្រភពពីសមត្ថកិច្ចបានឲ្យដឹងថាករណីគ្រោះថ្នាក់ចរាចរណ៍នេះបង្កឡើងដោយខ្លួនឯងជនរងគ្រោះឈ្មោះ លី ង៉ែត ភេទប្រុស អាយុ ៣៥ឆ្នាំ រស់នៅ ភូមិមនោសុខ ឃុំតាកែន ស្រុកឈូក ខេត្តកំពត។

ប្រភពបានបន្តថា ក្នុងហេតុការណ៍នេះ ក៏មានអ្នករួមដំណើរចំនួន២នាក់៖ ១ឈ្មោះ ឈិន ឆើត ២នឈ្មោះញិល វុធ ភេទ ប្រុស រស់នៅភូមិជាមួយគ្នា មិនមានរងរបួសនោះទេ។

បើតាមប្រភព ករណីនេះ មូលហេតុដោយសារ ជនរងគ្រោះ ស្រវឹងស្រា ហើយបើកបរគោយន្តល្បឿនលឿនក៏ រអិលធ្លាក់ពីរគោយន្តកិនស្លាប់តែម្ដង។

បច្ចុប្បន្ន វត្ថុតាងគោយន្ត និងសាកសព ត្រូវបានសមត្ថកិច្ចប្រគល់ ជូនគ្រួសារសព៕

កម្លាំងសមត្ថកិច្ចចាប់ខ្លួនជនជាតិចិន២នាក់ នៅចំណុចម្តុំពយកំពេញចាស់ ក្រុមទី១ ភូមិ១ សង្កាត់៣ ក្រុងព្រះសីហនុ សង្ស័យជាករណីចាប់ជម្រិតបុរសជនជាតិ ចិន១នាក់ ចូលក្នុងរថយន្តនៅព្រឹកថ្ងៃអាទិត្យនេះ។

ប្រភពបានរាយការណ៍ថា ក្រោយទទួលបានព័ត៌មាននេះភ្លាម កម្លាំងជំនាញបានធ្វើការជិះដេញតាមរថយន្ត របស់ជនសង្ស័យ លុះដល់ចំណុចស្ថានីយ៍ប្រេងសូគីមិច ផ្សារលើ ស្ថិតក្នុង ភូមិ២ សង្កាត់៤ ក្រុងព្រះសីហនុ រថយន្តរបស់ជនសង្ស័យបានបើកទៅបុកម៉ូតូរបស់ប្រជាពលរដ្ឋ កំពុងបើកបរបណ្តាលអោយរងរបួសបុរសម្នាក់ជនជាតិខ្មែរ។ បន្ទាប់មកទៀតរថយន្តរបស់ជនសង្ស័យ បានបន្តបើករត់គេចខ្លួនរហូតដល់ចំណុចមុខផ្សារលើ ស្ថិតក្នុង ភូមិ២ សង្កាត់៤ ក្រុងព្រះសីហនុ រថយន្តរបស់ជនសង្ស័យ បានបន្តបុករថយន្ត ម៉ាក Lexus 570 ពណ៌ស១គ្រឿងទៀត បណ្តាលអោយខូចខាតគូថរថយន្ត ហើយកម្លាំងសមត្ថកិច្ចធ្វើការស្ទាក់រថយន្តរបស់ជនសង្ស័យបាន។ ភ្លាមៗ នោះជនសង្ស័យ២នាក់ បានចុះពីរថយន្ត រត់គេចខ្លួនចែកផ្លូវគ្នា ដោយមានម្នាក់សៀតអាវុធខ្លី១ដើម នៅចង្កេះរត់ចូលក្នុងផ្សារ និងម្នាក់ទៀត ក្នុងដៃមានកាន់កូនកាំបិតចុងស្រួច១ដើម រត់ទៅតាមផ្លូវគៀនផ្សារ ពេលនោះ កម្លាំងសមត្ថកិច្ចបានដេញប្រផាប់ចាប់ប្រភីង រហូតចាប់ឃាត់ខ្លួនបានជនសង្ស័យ ម្នាក់ដែលមានអាវុធខ្លី។

សមត្ថកិច្ចបានបន្តថា ចំណែកជនសង្ស័យម្នាក់ទៀត ដែលកាន់កូនកាំបិតចុងស្រួច បានយកកូនកាំបិតចុងស្រួច មកដេញចាក់សមត្ថកិច្ច ទើបកម្លាំងសមត្ថកិច្ចបានធ្វើការផ្ទុះអាវុធ២គ្រាប់ ទៅលើដីដើម្បី គំរាមជនសង្ស័យ តែគ្រាប់បានផ្លាតទៅចំនឹងជើងខាងឆ្វេង ទើបចាប់ខ្លួនបាននិងនាំទៅព្យាបាលនៅមន្ទីរពេទ្យ។

ចំណែកជនជាតិចិន ជាជនរងគ្រោះ ក្នុងអំពើចាប់ជំរិតត្រូវបាន ជនសង្ស័យចាប់ អារក (រងរបួសកធ្ងន់ធ្ងរ) កម្លាំងសមត្ថកិច្ចបាននាំជនរងគ្រោះ ទៅមន្ទីរពេទ្យបង្អែកខេត្តព្រះសីហនុ ដើម្បីព្យាបាលរបួស។

បើតាមសមត្ថកិច្ចកម្លាំងជំនាញ ចាប់បានជនសង្ស័យ នៃអំពើចាប់ជម្រិតទារប្រាក់ បាន ២ នាក់ភ្លាមៗ ក្រោយកើតហេតុ បានប៉ុន្មាននាទី នៅព្រឹកថ្ងៃទី១៣ ខែសីហា ឆ្នាំ២០២៣នេះ និងដកហូតសម្ភារៈវត្ថុតាងរួមមាន៖
-រថយន្ត ១គ្រឿង ម៉ាក Mercedes C300 ពណ៌ស ពាក់ស្លាកលេខ កម្ពុជា KLK.9898។ (ជាមធ្យោបាយជិះធ្វើសកម្មភាព)
-អាវុធខ្លី ១ដើម ម៉ាក K59 ពណ៌ខ្មៅ លេខសម្គាល់គ្មាន (បង់១មាន ៣គ្រាប់)។ (អាវុធធ្វើសកម្មភាពភ្ជុងជនរងគ្រោះ)
-កូនកាំបិតចុងស្រួច ០១ដើម។ (មានប្រឡាក់ឈាមរបស់ជនរងគ្រោះ)
-ទូរស័ព្ទដៃ ២គ្រឿង។
-លិខិតឆ្លងដែន ២ក្បាល។
-កាតរឹង ២សន្លឹក។
-កាបូបក្រវាត់ចង្កេះ ១។
-នាឡិកាដៃ ២គ្រឿង។
-ខ្សែ ១ខ្សែ។
បច្ចុប្បន្នករណីនេះ ការិយាល័យនគរបាលព្រហ្មទណ្ឌកម្រិតស្រាល កំពុងសាកសួរជនសង្ស័យ ដើម្បីបន្តនីតិវិធីទៅតាមច្បាប់៕

យ៉ាងហោយណាស់មនុស្សចំនួន២នាក់បានស្លាប់ភ្លាមៗ ខណ:កំពុងជិះម៉ូតូត្រូវបានរថយន្តបុកចំពេញទំហឹង ក្នុងទិសដៅបញ្ចាសទិសគ្នាពីលិចទៅកើត។

ហេតុការណ៍បានកើតឡើង នៅថ្ងៃទី១២ ខែសីហា ឆ្នាំ២០២៣ លើផ្លូវជាតិលេខ 78A ស្ថិតនៅភូមិប៉ាណល ឃុំទីងចាក់ ស្រុកបរកែវ ខេត្តរតនគិរី។

យោងតាមរបាយការណ៍បឋមរបស់សមត្ថកិច្ចខេត្តរតនគិរី បានឱ្យដឹងថា គ្រោះថ្នាក់ចរាចរណ៍នេះរថយន្តម៉ាកសាំយ៉ុង ពណ៌សរ ស្លាកលេខ ភ្នំពេញ 1J-5466 (អ្នកបើកបររថយន្ដរត់គេចខ្លួន បន្សល់ទុករថយន្ដនៅនិងកន្លែងកើតហេតុ) បានបុកម៉ូតូម៉ាក់អុិចសុិនធឺ ផ្លាកលេខ(គ្មាន) បើកបរដោយឈ្មោះ ម៉ាម គីន ភេទប្រុស អាយុ១៩ឆ្នាំ ជនជាតិទំពួន រស់នៅភូមិលុងឃុង ឃុំកុងឃុង ស្រុបរកែវ ខេត្តរតនគិរី (ស្លាប់នៅនិងកន្លែងកើតហេតុ)។ ២ អ្នករួមដំណើរឈ្មោះភូន ផ្សាំ ភេទប្រុស អាយុ១៩ឆ្នាំ រស់នៅភូមិលុងឃុង ឃុំលុងឃុង ស្រុកបរកែវ ខេត្តរតនគិរី (ស្លាប់នៅនិងកន្លែងកើតហេតុ)។

សមត្ថកិច្ចនៅមិនទាន់បញ្ចាក់ មូលហេតុ នៅឡើយចំពោះគ្រោះថ្នាក់ចរាចរណ៍នេះ។ បច្ចុប្បន្ន វត្ថុតាងម៉ូតូនិងរថយន្ត ត្រូវបានរក្សាទុកនៅប៉ុស្តិ៍នគរបាល៕

មនុស្សម្នាក់បានស្លាប់ភ្លាមៗនិង២នាក់ទៀតបានរងរបួស ដោយគ្រោះថ្នាក់ចរាចរណ៍។ ហេតុការណ៍បានកើតឡើង នៅវេលាម៉ោង២០ ថ្ងៃទី១២ ខែសីហា ឆ្នាំ២០២៣ នៅលើផ្លូវជាតិលេខ ៧១ នៅចំណុចគីឡូម៉ែត្រលេខ ៤៤-៤៥ ភូមិតាប្រុក ឃុំឈូកខ្សាច់ ស្រុកបារាយណ៍ ខេត្តកំពង់ធំ។

យោងតាមរបាយការណ៍ពីសមត្ថកិច្ចខេត្តកំពង់ធំបានប្រាប់ថា ករណីនេះកើតឡើង រវាងម៉ូតូនិងម៉ូតូ ក្នុងទិសដៅច្រាសទិសគ្នា ពីត្បូងទៅជើង ខ្ទាតអ្នករួមដំណើរ ចូលរថយន្តធំកិនបណ្ដាល ឱ្យស្លាប់ ម្នាក់ខូចខាតម៉ូតូ២គ្រឿង។

សមត្ថកិច្ចបានបន្តថា គ្រោះថ្នាក់ចរាចរណ៍នេះម៉ូតូម៉ាក C១២៥ពណ៌ខ្មៅ ពាក់ផ្លាកលេខកំពង់ធំ ១Q ០៧៧៨ បើកបរដោយ ឈ្មោះ ពិនសុខចាន់ ភេទប្រុស អាយុ៣៦ឆ្នាំ ស្នាក់នៅភូមិសំពៅលូន ឃុំចើងដើង ស្រុកបារាយណ៍ គ្មានពាក់មួកសុវត្ថិភាព(របួសស្រាល)។ អ្នករួមដំណើរឈ្មោះ វឿនថង អាយុ២៥ឆ្នាំ ស្នាក់នៅភូមិតាប្រុក ឃុំឈូកខ្សាច់ ស្រុកបារាយណ៍ គ្មានពាក់មួកសុវត្ថិភាព(ស្លាប់នៅកន្លែងកើតហេតុ)។

ចំណែកម៉ូតូម្ខាងទៀតបើកបរដោយឈ្មោះ អៀង វិន ភេទប្រុសអាយុ ៣០ឆ្នាំ ស្នាក់នៅភូមិស្រឡៅតូង ឃុំឈូកខ្សាច់ ស្រុកបារាយណ៍ គ្មានពាក់មួកសុវត្ថិភាព(របួសស្រាល)។ ឯរថយន្តមិនស្គាល់អត្តសញ្ញាណ បានបើកបរគេចខ្លួនចេញបាតើកន្លែងកើតហេតុ។

បើតាមសមត្ថកិច្ច មូលហេតុបង្កឡើងដោយអ្នកបើកបរម៉ូតូ ម៉ាក C១២៥ ឡើងវ៉ាជែង រថយន្តទៅបុកនិងម៉ូតូ ច្រាសទិសគ្នាខ្ទាត ហើយចូលរថយន្តកិនស្លាប់តែម្ដង។ វត្ថុតាង ម៉ូតូដឹកយកមករក្សាទុកនៅ អធិការដ្ឋាននគរបាលស្រុកបារាយណ៍ដើម្បីរង់ចាំការដោះស្រាយ៕

ខេត្តសៀមរាប៖ក្មេងៗចំនួន២នាក់ត្រូវបាននគរបាល ក្រុងសៀមរាប ឃាត់ខ្លួន កសាងសំណុំរឿង​ បញ្ជូនទៅការិយាល័យជំនាញ ពាក់ព័ន្ធនឹងករណីធ្វើឱ្យខូចខាតដោយចេតនាមានស្ថានទម្ងន់ទោស កាប់ម៉ូតូនិងប្រើប្រាស់ដោយខុសច្បាប់នូវសារធាតុញៀន​។

ការឃាត់ខ្លួននៅថ្ងៃទី១២ ខែសីហា ឆ្នាំ២០២៣ ម្សិលមិញ នៅក្រុងសៀមរាប។

ជនសង្ស័យ១ ឈ្មោះ ធន់ ឈ្នាងវីទូវណ្ណ ហៅលឺ ភេទប្រុស អាយុ១៦ឆ្នាំ មុខរបរមិនពិតប្រាកដ មានស្រុកកំណើត និងបច្ចុប្បន្នស្នាក់នៅបន្ទប់ជួលភូមិគោកឬស្សី ឃុំកែវពណ៌ ស្រុកពួក ខេត្តសៀមរាប។ ២ ឈ្មោះ​ យ៉ង់ រស្មី ភេទប្រុស អាយុ១៧ឆ្នាំមុខរបរមិនពិតប្រាកដ មានស្រុកកំណើត និងបច្ចុប្បន្នស្នាក់នៅបន្ទប់ជួលភូមិព្រៃដង្ហើម ឃុំកែវពណ៌ ស្រុកពួក ខេត្តសៀមរាប។​

ជនសង្ស័យទាំង២នាក់​បានឆ្លើយសារភាពប្រាប់សមត្ថកិច្ចថាពួកខ្លួន និងបក្ខពួក( គេចខ្លួន ) បានធ្វើសកម្មភាពកាប់ម៉ូតូ​ របស់ជនរងគ្រោះ​ ចំនួន២លើក៖ កាប់ម៉ូតូស្កូបពី​ពណ៌ស នៅចំណុចក្បាលស្ពាន នៅភូមិទទា សង្កាត់ក្របីរៀល ក្រុងសៀមរាប។ ទី២ កាប់ម៉ូតូម៉ាកហុងដាវ៉ែវ ពណ៌ខ្មៅ នៅចំណុចតារាងបាល់ទះ ក្នុងភូមិត្រពាំងវែង សង្កាត់ក្របីរៀល ក្រុងសៀមរាប។

​បើតាមនគរបាលក្រុងសៀមរាប ករណីនេះមូលហេតុ
គ្រាន់តែមេីលមុខសោះ ដេញកាប់មនុស្សមិនបាន ក៏កាប់ម៉ូតូតែម្ដង៕ដោយនាគខៀវ

យ៉ាងហោចណាស់មនុស្សជាង ១០ នាក់បានរងរបួសក្នុងហេតុការណ៍គ្រោះថ្នាក់ចរាចរណ៍។

ហេតុការណ៍បានកើតឡើង នៅថ្ងៃទី១២ ខែសីហា ឆ្នាំ២០២៣ នៅភូមិ ឃុំ ស្រុកកំពង់ត្របែក ខេត្តព្រៃវែង។

យោងតាមរបាយការណ៍ព័ត៌មានបឋមបានឲ្យដឹងថា គ្រោះថ្នាក់ចរាចរណ៍នេះ បង្កដោយរថយន្តហាយឡេនឌ័រ ពណ៌ទឹកប្រាក់ ស្លាកលេខភ្នំពេញ ២AK -៨៩១៤ បើកដោយឈ្មោះ ប៉ុន សំអូន ភេទប្រុសអាយុ ៣៥ឆ្នាំរស់នៅ ភូមិសំបួរ ឃុំអង្គរស ស្រុកមេសាង បានបើកទៅបុករថយន្តសាំយ៉ុង ពណ៌ស ស្លាកលេខភ្នំពេញ ២AN-៥៦៣០ បើកដោយឈ្មោះ ច្រឹក សាម៉ន ភេទប្រុសអាយុ ៣៤ឆ្នាំរស់នៅ ភូមិ ឃុំគគីសោម ស្រុកស្វាយទាប ខេត្តស្វាយរៀង (របួស) និងអ្នករួមដំណើរចំនួន ១០នាក់ស្រី (របួសនទាំង ១០នាក់)។

បច្ចុប្បន្ន វត្ថុតាងបានសមត្ថកិច្ច រក្សាទុកនៅ អធិការដ្ឋានស្រុកកំពង់ត្របែក។ ចំណែកជនរងគ្រោះ ទៅបានគេបញ្ជូន ទៅមន្ទីរពេទ្យបង្អែកស្រុកកំពង់ត្របែក៕

ខេត្តសៀមរាប៖ក្មេងសិស្សសាលាម្នាក់ត្រូវបានគេរាយការណ៍ថាបានដេកស្លាប់នៅក្នុងផ្ទះរបស់ខ្លួន។

សមត្ថកិច្ចស្រុកក្រឡាញ់បាប្រាប់ថា ហេតុការណ៍បានកើតឡើង នៅថ្ងៃទី ១២ ខែសីហា ឆ្នាំ២០២៣ រស់នៅភូមិអង្កោល ឃុំសែនសុខ ស្រុកក្រឡាញ់។

សមត្ថកិច្ចបានបន្តថា ជនរងគ្រោះ មានឈ្មោះ ជិន ជាយ ភេទប្រុស អាយុ១៥ឆ្នាំ មុខរបរ សិស្ស រស់នៅភូមិអង្កោល ឃុំសែនសុខ ស្រុកក្រឡាញ់។

សមត្ថកិច្ចបានបញ្ជាក់ថា ករណីនេះជនរងគ្រោះ បានដេកស្លាប់នៅក្នុងផ្ទះម្នាក់ឯង។ មូលហេតុ យោងតាមការពិនិត្យរបស់ក្រុមការងារបច្ចេកទេស និង គ្រូពេទ្យ ជនរងគ្រោះស្លាប់ដោយសារ (ខ្សល់គរ)៕ដោយនាគខៀវ

ពិតជាសាហាវព្រៃផ្សៃបំផុត ខ្មាន់កាំភ្លើងបានបាញ់ប្រហារលើប្ដីប្រពន្ធពីរនាក់ ដែលកំពុងដេកនៅក្រោមផ្ទះ បណ្តាលឲ្យស្លាប់ក្នុងថ្លុកឈាម។

ហេតុការណ៍នេះ ស្ថិតនៅភូមិថ្មី ឃុំសន្លុង ស្រុកខ្សាច់កណ្ដាល ខេត្តកណ្ដាល កាលពីទៀបភ្លឺម៉ោងប្រមាណជាង៣ នៅថ្ងៃទី១២ ខែសីហា ឆ្នាំ២០២៣។

ជនរងគ្រោះទាំងពីរនាក់មានឈ្មោះដូចជា
១. ឈ្មោះ ម៉ុច ម៉ៅ (ប្តី) , ២. ឈ្មោះ គល់ ហាន់ (ប្រពន្ធ)។

ស្នងការនគរបាលខេត្តកណ្តាល លោកឈឿន សុចិត្រ បានបញ្ជាក់ប្រាប់រស្មីកម្ពុជា នៅព្រឹកថ្ងៃទី១២ ខែសីហា នេះថា ករណីខាងលើជាករណីឃាតកម្ម។

សូមរម្លឹកថា កាលពីកន្លងទៅ ក្រុមគ្រួសារជនរងគ្រោះត្រូវបានជនមិនស្គាល់អត្តសញ្ញាណ ចូលកាប់នៅក្នុងទ្រង់ទារ បស់ជនរងគ្រោះ ស្ថិតនៅភូមិ-ឃុំខាងលើ ដោយរហូតមកដល់ពេលនេះ ពុំទាន់រកមុខជនដៃដល់ឃើញនៅឡើយទេ។ លុះឥឡូវស្រាប់តែខ្មាន់កាំភ្លើង មកបាញ់ប្រហារទាំងពីរប្ដីប្រពន្ធតែម្ដង៕ដោយនាគខៀវ

ខេត្តសៀមរាប៖នគរបាលមួយរូបត្រូវបានកម្លាំងកងរាជអាវុធហត្ថស្រុកអង្គរធំ ធ្វើការឃាត់ខ្លួន មករណីហឹង្សាដោយចេតនាមានស្ថានទម្ងន់ទោស។

ហេតុការណ៍បានកើតឡើង នៅថ្ងៃទី១០ខែ សីហា ឆ្នាំ២០២៣ វេលាម៉ោង ១៩និង ០០នាទី ចំណុចប៉ុស្ដិ៍យាមតំបន់អភិវឌ្ឈន៍ពាក់ស្នែង  ស្ថិតក្នុងភូមិពាក់ស្នែងថ្មីឃុំពាក់ស្នែង ស្រុកអង្គរធំ ខេត្តសៀមរាប។

ការឃាត់ខ្លួន ធ្វើឡើង នៅវេលាម៉ោង១២:០០នាទីថ្ងៃទី១១ ខែសីហា ឆ្នាំ២០២៣។

របាយការរបស់សមត្ថកិច្ចដែលអង្គភាពសៀមរាប ប៉ុស្ដិ៍ ទទួលបានបង្ហាញថា ជនសង្ស័យ ឈ្មោៈ ញ៉ែម ខឿន ភេទប្រុសអាយុ៣៥ឆ្នាំ មានមុខរបរជាមន្ត្រីនគរបាលវរៈ៧៩៣ រស់នៅតំបន់អភិវឌ្ឈន៍ពាក់ស្នែង ភូមិពាក់ស្នែង ឃុំពាក់ស្នែង ស្រុកអង្គរធំ ខេត្តសៀមរាប។
ជនរងគ្រោះ ឈ្មោះ មុំ ខាន់ដា ភេទប្រុសអាយុ ៣៥ ឆ្នាំជនជាតិខ្មែរមុខរបរជាប្រធានសារព័ត៌មានកំពង់សោម ប៉ុស្តិ៍ រស់នៅភូមិផ្សារកណ្តាល ឃុំផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។

ក្នុងរបាយការណ៍បានបន្តថា ជនសង្ស័យរូបនេះ
បានយកអាវុធ (កាំបិតហាន់សាច់ប្រវ៉ែង៣០CM កាប់
ជនរងគ្រោះចំនួន១កាំបិទត្រូវចំ ក្បាលផ្នែកខាងមុខលើថ្ងាសខាងឆ្វេង រយះហូឈាមប្រវែង០៨ស-ម ដេចំនួន០៨ថ្នេ និងត្រូវដើមដៃខាងឆ្វេងប្រវ៉ែង១០សង់ទីម៉ែត្រ។

របាយការណ៍បានបន្តទៀតថា ក្រោយធ្វើសកម្មភាព ជនបង្កបានគេចខ្លួនតែម្ដង។ ជនសង្ស័យបានឆ្លើយសារភាពថា ខ្លួនពិតជាបានប្រព្រឹតនៅអំពើដូចខាងលើពិតប្រាកដមែន។ ដោយមូលហេតុ: ដោយរូបគេខឹងនិងជនរងគ្រោះ ប្រើពាក្យសម្ដីមើលងាយខ្លួន ហើយក៏មានទំនាស់ពាក្យសម្ដីនិងគ្នា ដោយខ្លួនហាមទៅជនរងគ្រោះ កុំអោយមើលងាយខ្លួន តែជនរងគ្រោះមិនស្តាប់ នៅតែមិនស្តាប់តាមក៏ខ្លួនបានយកកាំបិតនៅក្បែរខ្លួនកាប់ទៅលើជនរងគ្រោះតែម្ដង។

របាយការណ៍បានបញ្ជាក់ទៀតថា ករណីនេះ ដកហូត
វត្ថុតាងកាំបិទហាន់សាច់ដងឈើប្រវែង ៣០CM ចំនួន០១។ បច្ចុប្បន្នជនសង្ស័យខាងលើបានបញ្ជូនទៅកាន់ការិយាល័យព្រហទណ្ឌអាវុធហត្ថខេត្តដើម្បីបន្តនីតិវិធី។

សូមបញ្ជាក់ថាជនរងគ្រោះនិងជនបង្កបានផឹកស៊ីជុំគ្នា ហើយក៏មានទំនាស់ពាក្យសម្តីក្នុងកន្លែងផឹកស៊ី ហើយឈានដល់កាប់គ្នាតែម្ដង៕ដោយនាគខៀវ

ជនជាតិថៃចំនួនពីរនាក់ ត្រូវបានមន្ត្រីជំនាញនៃមន្ទីរប្រឆាំងគ្រឿងញៀន ធ្វើការចាប់ខ្លួន ករណី ចរាចរគ្រឿងញៀនឆ្លងដែន ជាង ៤៦០ គីឡូក្រាម ពីតំបន់ត្រីកោណមាស ឆ្លងកាត់ឡាវ ចូលមកកម្ពុជា។

មន្ត្រីប្រឆាំងគ្រឿងញៀនបានឱ្យដឹងថាកាលពីថ្ងៃទី ៨ ខែសីហា ឆ្នាំ២០២៣ សមត្ថកិច្ចជំនាញនៃមន្ទីរប្រឆាំងគ្រឿងញៀន(ក៤) ដឹកនាំដោយលោក វរសេនីយ៍ទោ ឃឹង សេរី នាយករងមន្ទីរ និងលោក វរសេនីយ៍ឯក ទេព សំផន នាយការិយាល័យ ក៤ ចូលរួមសហការពីកម្លាំងនគរបាលរាជធានីភ្នំពេញ ដឹកនាំសម្របសម្រួលលោក វង្ស សាវ៉ាត ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានស្រាវជ្រាវជាង ២ខែ និងឈានបើកកិច្ចប្រតិបត្តិការបង្ក្រាបក្រុមឧក្រិដ្ឋជន ចរាចរណ៍គ្រឿងញៀនឆ្លងដែន ពីតំបន់ត្រីកោណមាស ឆ្លងកាត់ឡាវ ចូលមកកម្ពុជា នៅពីរគោលដៅផ្សេងគ្នាជាបន្តបន្ទាប់ គោលដៅទី១ នៅមុខផ្ទះសំណាក់កណ្តាលស្ទឹងព្រែកជ្រៃ តាមផ្លូវលំ ស្ថិតភូមិព្រែកជ្រៃ សង្កាត់ស្ពានថ្ម ខណ្ឌដង្កោ និងគោលដៅទី២ នៅបុរីជីបម៉ុងលែនសែនសុខ ផ្ទះលេខ 61 ផ្លូវលេខ P-08 សង្កាត់ភ្នំពេញថ្មី ខណ្ឌសែនសុខ។

មន្ត្រីប្រឆាំងគ្រឿងញៀនបន្តថា ប្រតិបត្តិការនេះ
ឃាត់ខ្លួនជនសង្ស័យ២នាក់ជនជាតិថៃ ៖
១.ឈ្មោះ SAELEE CHALOEMRAT ភេទប្រុស កើតឆ្នាំ ១៩៩៣
២.ឈ្មោះ SAEYANG THAVON ភេទប្រុស កើតឆ្នាំ ១៩៨៩។

មន្ត្រីប្រឆាំងគ្រឿងញៀនបានបញ្ជាក់ទៀតថា បានដកហូតវត្ថុតាង ៖ សារធាតុញៀនប្រភេទមេតំហ្វេតាមីន ចំនួន ៤៦៥ដុំ ស្មើទម្ងន់ 465 kg 651 g ។ទូរស័ព្ទ ២គ្រឿង។

បច្ចុប្បន្នជនសង្ស័យ ព្រមទាំងវត្ថុតាង ត្រូវបានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវិធី។

សូមជម្រាបថា ប្រតិបត្តិការនេះ អនុវត្តតាមបញ្ជា ឯកឧត្តម នាយឧត្ដមសេនិយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និង ឯកឧត្តម នាយឧត្ដមសេនិយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀន ក្រោមការបញ្ជាដឹកនាំផ្ទាល់ របស់ ឯកឧត្តម ឧត្ដមសេនីយ៍ឯក ឃឹង សារ៉ាត់ នាយកមន្ទីរប្រឆាំងគ្រឿងញៀន៕