ខេត្តកំពង់ចាម៖មនុស្សចំនួន០៨នាក់ត្រូវបានឃាត់ខ្លួននៅថ្ងៃទី២២ខែមេសា ឆ្នាំ២០២០ វេលាម៉ោង២២និង៤០នាទី ម្សិលមិញ ករណីលេងល្បែងស៊ីសងអាប៉ោង។ទីតាំងលេងល្បែងស៊ីសងខុសច្បាប់ (បាញ់អាប៉ោង​ដាក់ប្រាក់) នៅចំណុចផ្ទះរបស់ឈ្មោះ​ ឡី​ គង់​ ភេទប្រុស​ អាយុ៤៥ឆ្នាំ​ ស្ថិតក្នុងភូមិថ្កូវ ឃុំត្រប់ ស្រុកបាធាយ ខេត្តកំពង់ចាម ។

ការបង្ក្រាបនេះក្រោមបញ្ជាផ្ទាល់របស់លោក សុធា ពិសិដ្ឋ ព្រះរាជអាជ្ញារង នៃអយ្យការអមសាលាដំបូងខេត្តកំពង់ចាម ដោយកម្លាំងនគរបាលព្រហ្មទណ្ឌកម្រិតស្រាលខេត្ត ដឹកនាំដោយលោកវរសេនីយ៍ឯក ថាញ់ សុខវុន នាយការិយាល័យនគរបាលព្រហ្មទណ្ឌកម្រិតស្រាលសហការជាមួយ អធិការដ្ឋាននគរបាលស្រុកបាធាយ ក្រោមការណែនាំពីលោកឧត្តមសេនីយ៍ទោឯម កុសល ស្នងការនគរបាលខេត្តកំពង់ចាម។

សមត្ថកិច្ចបានបញ្ជាក់ថាប្រតិបត្តិការនេះជាលទ្ធផលបង្រ្កាបបានមុខសញ្ញាចំនួន០៨នាក់
០១-ឈ្មោះ ឡី​ គង់ ភេទប្រុស អាយុ៤៥ឆ្នាំជាតិខ្មែរ
០២-ឈ្មោះ មូល​ ប៉ុន ភេទប្រុស អាយុ៥៣ឆ្នាំ ជាតិខ្មែរ
០៣-ឈ្មោះ អេះ​ លុច ភេទប្រុស អាយុ២៨ឆ្នាំជាតិខ្មែរ
០៤-ឈ្មោះ​ ស៊ឺ​ អុល ភេទប្រុស អាយុ៤៨ឆ្នាំជាតិខ្មែរ
អ្នកទាំង០៤នាក់ រស់នៅភូមិថ្កូវ ឃុំត្រប់ ស្រុកបាធាយ ខេត្តកំពង់ចាម។
០៥-ឈ្មោះ​ ចាន់​ តុងភេទប្រុស អាយុ៤៦ឆ្នាំជាតិខ្មែរ​ រស់នៅភូមិប្រយុគ​ ឃុំទំនប់​ ស្រុកបាធាយ​ ខេត្តកំពង់ចាម។
០៦-ឈ្មោះ​ នាង​ នីន​ ភេទប្រុស អាយុ៤៩ឆ្នាំជាតិខ្មែរ​ រស់នៅភូមិត្រប់​ ឃុំត្រប់​ ស្រុកបាធាយ​ ខេត្តកំពង់ចាម។
០៧-ឈ្មោះ​ ច្រឹង​ ចាន់ ភេទប្រុស អាយុ៤២ឆ្នាំជាតិខ្មែរ​ រស់នៅភូមិពួឫស្សី​ ឃុំត្រប់​ ស្រុកបាធាយ​ ខេត្តកំពង់ចាម។
០៨-ឈ្មោះ​ ឈូយ​ ឆៀន ភេទប្រុស អាយុ៤៥ឆ្នាំ ជាតិខ្មែរ​ រស់នៅភូមិថ្មកែវ​ ឃុំត្រប់​ ស្រុកបាធាយ​ ខេត្តកំពង់ចាម។

សមត្ថកិច្ចបានបញ្ជាក់ទៀតថាជាមួយគ្នានេះ👉ដកហូតវត្ថុតាងមួយចំនួនរួមមាន៖
ហាន់តោអាប៉ោងចំនួន០១
ចានអាប៉ោងចំនួន០១
គំរបអាប៉ោងចំនួន០២
ប្រាក់ចំនួន៨២ម៉ឺនរៀល(ប៉ែតសិបពីរម៉ឺនរៀល)
ប្រាក់ដុល្លាចំនួន​ ១៥១ដុល្លា(មួយរយហាសិបមួយដុល្លា)
ទូរស័ព្ទចំនួន​ ០៥ គ្រឿង
ប្រាក់ដុងចំនួន​ ២លានដុង(ពីរលានដុង)
ខ្ទះទ្រចានអាប៉ោងចំនួន០១
គ្រាប់អាប៉ោងចំនួន០១គ្រាប់
កូនកន្សែងដៃទ្រាប់អាប៉ោង​ ចំនួន ០១
ម៉ូតូចំនួន០៦ គ្រឿង។

បើតាមសមត្ថកិច្ចថា👉បច្ចុប្បន្នជនសង្ស័យ រួមនឹងវត្ថុតាង ត្រូវបានបញ្ជូនមកកាន់ស្នងការដ្ឋាននគរបាលខេត្តកំពង់ចាម ដើម្បីសាកសួរ និងកសាងសំណុំរឿងតាមនីតិវិធី តាមបញ្ជារបស់លោក សុធា ពិសិដ្ឋ ព្រះរាជអាជ្ញារង នៃអយ្យការអមសាលាដំបូងខេត្តកំពង់ចាម៕SRP

ខេត្តសៀមរាប៖ស្ត្រីម្នាក់បានស្លាប់នៅក្នុងបន្ទប់ជួលបង្កឲ្យមានការភ្ញាក់ផ្អើលដល់សមត្ថកិច្ចមូលដ្ឋាន។ ហេតុការណ៍បានកើតឡើង នៅវេលាម៉ោង០៧ព្រឹកថ្ងៃទី២៣ខែមេសាឆ្នាំ២០២០ ក្នុងបន្ទប់ជួល ក្រុមទី០១ ភូមិមណ្ឌល៣ សង្កាត់ស្លក្រាម ក្រុងសៀមរាប ខេត្តសៀមរាប។

សមត្ថកិច្ចបានឲ្យដឹងថាជនរងគ្រោះឈ្មោះឈឺត អោត ភេទស្រី អាយុ៥៦ឆ្នាំ មុខរបរ លក់សាំង បច្ចុប្បន្នស្នាក់នៅកន្លែងកើតហេតុខាងលើ។

សមត្ថកិច្ចបានបញ្ជាក់ថាយោងតាមការពិនិត្យនិងសន្និដ្ឋានរបស់លោកគ្រូពេទ្យ អ៊ិត ឆបឆរត្ន័ ជាគ្រូពេទ្យអមតុលាការខេត្តសៀមរាប បានឲ្យដឹងថាជនរងគ្រោះ បានស្លាប់ដោយក្អួតរាគខ្លាំងធ្វើអោយបាត់បង់ជាតិទឹកច្រើន ទើបបណ្ដាលឲ្យស្លាប់បាត់តែម្តង។ ក្រោយការពិនិត្យសាកសព ពុំមានស្លាកស្នាមអ្វីដែលពាក់ព័ន្ធនឹងបទល្មើសព្រហ្មទណ្ឌឡើយ។​ ករណីនេះសមត្ថកិច្ចបានប្រគល់សាកសពឲ្យក្រុមគ្រួសារយកទៅធ្វើបុណ្យតាមប្រពៃណី៕SRP

ខេត្តសៀមរាប៖នគរបាលស្រុកស្វាយលើសហការណ៍ជាមួយនគរបានស្រុកសូទ្រនិគមនិងការិយាល័យនគរបាលកំរិតធ្ងន់នៃស្នងការដ្ថាននគរបាលខេត្តសៀមរាបបានចាប់ខ្លួនជនសង្ស័យចំនួន០៣នាក់ ករណីហិង្សា។
ការឃាត់ខ្លួនធ្វើនៅថ្ងៃទី២២ខែមេសានេះនៅភូមិស្ទឹងឃុំសំរោងស្រុកសូទ្រនិគមខេត្តសៀមរាប។
ជនសង្ស័យដែលពាក់ពន្ធ័ករណីហិង្សាដោយចេតនាមានស្ថានទម្ងន់ទោស
១/ឈ្មោះ សែត ឈិត ភេទប្រុសអាយុ១៨ឆ្នាំ។
២/ឈ្មោះ និល ណែតភេទប្រុសអាយុ១៨ឆ្នាំ។
៣/ឈ្មោះ ទក់ ទិនភេទប្រុសអាយុ១៨ឆ្នាំ។ អ្នកទាំង០៣នៅភូមិស្ទឹងឃុំសំរោងស្រុកសូទ្រនិគមខេត្តសៀមរាប ។
ករណីហិង្សាបានកើតឡើងនៅចំណុចផ្លូវចូលមុខខ្លោងទ្វារប្រាសាទបឹងមាលាផ្នែកខាងលិចស្ថិតនៅភូមិបឹងមាលា ឃុំបឹងមាលា ស្រុកស្វាយលើ ខេត្តសៀមរាបវេលាម៉ោង២៣ថ្ងៃទី២០ខែមេសាឆ្នាំ ២០២០។ជនរងគ្រោះឈ្មោះ ឃុន ស៊ីដា ភេទប្រុស អាយុ២២ឆ្នាំ នៅភូមិបិតផ្កា ឃុំស្វាយលើ ស្រុកស្វាយលើ ខេត្តសៀមរាប។ ដោយជនដៃដល់ទាំង០៣នាក់ ជិះម៉ូតូម៉ាក ហុងដាឌ្រីម ធ្វើសកម្មភាពយកកាំបិតកាប់មកលើជនរងគ្រោះបណ្ដាលអោយរងរបួសជាច្រើនកន្លែងនៅលើក្បាលដងខ្លួននិងដៃ។

សមត្ថកិច្ចបានឲ្យដឹងថាតាមចម្លើយសារភាពជនសង្ស័យទាំងបីនាក់ពិតជាបានប្រព្រឹត្តសកម្មភាពខាងលើពិតប្រាកដមែន។ បន្ទាប់មកបាននាំជនសង្ស័យទៅកន្លែងកើតហេតុរកវត្ថុតាងប៉ុន្តែរកមិនឃើញឡើយ។
ជនសង្ស័យ ទាំងបីនាក់ ត្រូវបានសមត្ថកិច្ចរៀបចំសំណុំរឿងបញ្ជូនទៅតុលាការ៕SRP

ខេត្តសៀមរាប៖ជនសង្ស័យម្នាក់ត្រូវបាននគរបាលក្រុងសៀមរាបឃាត់ខ្លួន ករណីលួចម៉ូតូ។
ជនសង្ស័យឈ្មោះ ឆែ ពៅ ហៅពាវ ភេទ ប្រុស អាយុ១៧ឆ្នំាជនជាតិខ្មែរសញ្ជាតិខ្មែរ មុខរបរសិស្សនៃអនុវិទ្យាល័យជ្រាវ ស្រុកកំណើតភូមិ គោកស្នួលឃុំទឹកវិល ស្រុកពួក ខេត្ត សៀមរាប។ទីលំនៅបច្ចុប្បន្នៈ ភូមិតាចេក សង្កាត់ជ្រាវ ក្រុងសៀមរាប ខេត្តសៀមរាប។
ជនសង្ស័យ ត្រូវបានឃាត់ខ្លួន នៅសង្កាត់ជ្រាវ ក្រុងសៀមរាប នាថ្ងៃ២២ខែមេសាឆ្នាំ២០២០នេះ។
សូមបញ្ជាក់ថាហេតុការណ៍លួច នៅយប់ថ្ងៃទី២១ខែមេសាឆ្នាំ២០២០វេលាម៉ោង២៣និង៣០នាទី ស្ថិតនៅភូមិតាចេក សង្កាត់ជ្រាវ ក្រុង-ខេត្តសៀមរាប។
ម៉ូតូជនរងគ្រោះម៉ាកហុងដាឌ្រីមសេ១២៥ពណ៌ខ្មៅ ស៊េរីឆ្នាំ២០១៣ ស្លាកលេខសៀមរាបៈ១O-០៨៥៨ ខណៈម្ចាស់ ចតទុកនៅក្បែរជញ្ជាំងផ្ទះ ដោយពុំបានចាក់សោរ.ក ឬបិទសន្ទៈសោរសុវត្ថិភាពនោះទេ៕SRP

ខេត្តកំពង់ចាម៖លោក​​អ៊ុន​ ចាន់ដា​ អភិបាលខេត្តកំពង់ចាម​ និង​ជា​ប្រធាន​គណៈកម្មាធិការ​សាខា​កាកបាទក្រហម​កម្ពុជា​ខេត្ត​ បានថ្លែងអំពាវនាវ ដល់សប្បុរសជន​នៅគ្រប់មជ្ឈដ្ឋាន ទាំងក្នុងវិស័យរដ្ឋ និងវិស័យឯកជន មេត្តាបន្តចូលរួមជាកម្លាំងមនុស្សធម៌ជាមួយកាកបាទក្រហមកម្ពុជា ដើម្បីជួយសម្រាលទុក្ខលំបាករបស់បងប្អូនប្រជាពលរដ្ឋ​ ដែលងាយរងគ្រោះបំផុតរួមមាន អ្នករងគ្រោះដោយគ្រោះមហន្តរាយផ្សេងៗជនពិការ ចាស់ជរាគ្នានទីពឹង កុមារកំព្រា ស្ត្រីមេម៉ាយ អ្នកផ្ទុកមេរោគអរដស៍​។ល។ នៅគ្រប់ទីកន្លែងឲ្យបានឆាប់រហ័ស និងទាន់ពេលវេលា ដោយពុំមានការរើសអើង ពូជសាសន៍ ជំនឿសាសនា ននិងនិន្នាការនយោបាយឡើយ។

ជាមួយគ្នានេះ លោក​​អ៊ុន​ ចាន់ដា​ ក៏បានលើកឡើងផងដែរថាមន្ត្រី​សាខាកាកបាទក្រហមកម្ពុជា​​ទាំង​អស់​ ​គឺ​ស្ថិត​នៅក្រោម​ការ​ចាត់តាំង​យ៉ាង​ត្រឹមត្រូវ​​ ដូច្នេះ​សូម​ឲ្យ​​មន្ត្រី​យេីង​មាន​ការ​ទទួល​ខុសត្រូវ​ ឲ្យ​បាន​ច្បាស់លាស់​ ក្នុង​ការ​ចាត់ចែង​កិច្ចការ​រដ្ឋបាល​។ថ្លែងយ៉ាងដូច្នេះក្នុងកិច្ចប្រជុំប្រចាំត្រីមាសទី១ និងទិសដៅត្រីមាសទី២ ឆ្នាំ២០២០​ របស់​គណៈកម្មាធិការ​សាខាកាកបាទក្រហមកម្ពុជា​ខេត្តកំពង់ចាម​ នៅព្រឹកមិញនេះនៅ​ទីស្នាក់ការ​​សាខា​កាកបាទក្រហម​កម្ពុជា​ខេត្ត​កំពង់ចាម​ ។

លោក​អ៊ុន​ ចាន់ដា​បាន​ថ្លែង​ថា​ តាម​ការ​ណែនាំ​តម្រង់​ទិស​​របស់​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា​ និង​លោក​​ ហ៊ុន​ ណេង​ ប្រធាន​កិត្តិយស​សាខា​កាកបាទក្រហម​កម្ពុជា​​ខេត្ត​កំពង់ចាម​ ចំពោះ​ការ​ប្រារព្ធ​ពិធី​ខួបលើកទី១៥៧ ​ទិវា​ពិភពលោក​កាកបាទក្រហម​ និង​អឌ្ឍចន្ទក្រហម​ ៨ឧសភា​ ឆ្នាំ​២០២០នេះ​ គឺ​មិន​មានការរៀបចំ​ពិធី​សមោសរ​ ដូចឆ្នាំមុនៗនោះទេ​ ព្រោះ​ដើម្បី​ជៀសវាង​ការ​ឆ្លង​រីករាល​ដាល​នៃ​ជំងឺ​កូវីដ​១៩​។តែ​ទោះជា​យ៉ាងណា​គណៈកម្មាធិការ​សាខា​កាកបាទក្រហម​ខេត្ត​ បាន​ត្រៀម​បង្កើត​ក្រុម​ការងារ​ ដើម្បីបន្តកៀរគរមូលនិធិ និងស្វាមគមន៍​ ការចូលរួមជាវិភាគទានពី​សប្បុរសជននានា​ដោយ​ផ្ទាល់​និង​តាម​ប្រព័ន្ធ​ផ្សព្វផ្សាយ​អេឡិចត្រូនិក​ផងដែរ​៕SRP

ខេត្តសៀមរាប៖ ភ្លើងឆេះវាសស្មៅនៅក្នុងដីឡូតិ៍មួយកន្លែងស្ថិតនៅភូមិខ្នារ សង្កាត់ជ្រាវ ក្រុងសៀមរាប ខេត្តសៀមរាបបង្កភាពភ័យខ្លាចដល់ប្រជាពលរដ្ឋ ព្រោះទីតាំងឆេះនេះ នៅជិតស្ថានីសាំង និងហ្គាស។  ករណីនេះ បានកើតឡើងនៅវេលាម៉ោងប្រមាណជាង៣រសៀលថ្ងៃនេះ។ ប្រជាពលរដ្ឋដែលមានលំនៅឋានជិតកន្លែងភ្លើងឆេះនេះ បានឱ្យដឹងថា ពួកគាត់មិនបានដឹងថា ភ្លើងនេះឆេះដោយសារគេដុតឬយ៉ាងណានោះទេ ព្រោះពេលឃើញភ្លើងឆេះខ្លាំងទៅហើយ។ ក្រុមប្រជាពលរដ្ឋក៏បានថ្លែងការអគុណដល់សមត្ថកិច្ចដែរ ដែលបានមួយជួយអន្តរាគមន៍ពន្លត់ភ្លើងនេះបានទាន់ពេលវេលា។  លោកវរសេនីទោ ឆឹង សុភា អធិការរងនគរបាលក្រុងសៀមរាប បានឱ្យដឹងថា ករណីអគ្គិភ័យនេះសមត្ថកិច្ចបានប្រើប្រាស់ទឹកអស់ចំនួនពីររថយន្តទើបរលត់ទៅវិញ។  លោកអធិការរងបាន អំពាវនាវឱ្យប្រជាពលរដ្ឋមានការប្រុងប្រយ័ត្នចំពោះការដុតសំរាម ដុតព្រៃរកសត្វ និងភ្លើងធូបទៀន ព្រោះបច្ចុប្បន្ននេះ ក្តៅខ្លាំងងាយនិងបង្កឱ្យមានអគ្គីភ័យណាស់៕SRP

ខេត្តសៀមរាប៖ នៅទីបំផុតក្រុមមន្ត្រីចម្រុះខេត្តសៀមរាបនៅព្រឹកមិញនេះបានសហការណ៍គ្នាចុះពិនិត្យការដ្ឋានជីកស្តារត្រពាំងក្រុះ នៅខាងក្រោមទំនប់៧៨ ស្ថិតនៅក្នុងភូមិតាចេក សង្កាត់ជ្រាវ ក្រុងសៀមរាប ។ មន្ត្រីដែលចុះទៅកន្លែងពិនិត្យនោះបានឲ្យដឹងថា ត្រពាំងក្រុះនេះ មានជម្រៅតែ១.៥ ម៉ែត្រនិងមានទំហំ ៤០ម៉ែត្រx៤០ម៉ែត្រ អាចម៍ដីដែលស្តារចេញមក គឺមិនបានយកទៅធ្វើអាជីវកម្មនោះទេ គឺយកមកធ្វើជាទំនប់បិទជុំវិញមាត់ត្រពាំងនេះ ដើម្បីរក្សាទឹកទុក ប្រើប្រាស់ នារដូវប្រាំង ហើយត្រពាំងនេះគឺជាសម្បត្តិរដ្ឋ មិនអនុញ្ញាតឲ្យបុគ្គលណា រំលោភយកធ្វើជាកម្មសិទ្ធិឯកជននោះឡើយ។ ការចុះត្រួតពិនិត្យនេះ ក្រោយមាន ព័ត៌មានតាមហ្វេសប៊ុក បង្ហោះឲ្យអាជ្ញាធរជួយពិនិត្យមើលដោយលើកឡើងថាមានបុគ្គលម្នាក់បានជីកស្តារត្រពាំងបុរាណនេះ ដោយខុសច្បាប់ និងបានបំផ្លាញព្រៃលិចទឹកជាដើម។

លោកក្អោប រ៉ន ចៅសង្កាត់ជ្រាវ បានមានប្រសាសន៍ថា ក្រុមការងារចម្រុះបានសម្រេចឲ្យថែរក្សាត្រពាំងទុកជាសម្បត្តិរដ្ឋ ដោយមិនឲ្យត្រពាំងនេះធ្លាក់ក្នុងកណ្តាប់ដៃបុគ្គលឯកជននោះឡើយ។លោកបន្តថា ក្រុមការងារបានថ្លែងអំណរគុណចំពោះអាជ្ញាធរសង្កាត់និងសប្បុរសជន ដែលបានរួមគ្នាស្តារត្រពាំងនេះឲ្យបានជ្រៅសម្រាប់ទុកទឹកឲ្យពលរដ្ឋប្រើប្រាស់និងមិនងាយបាត់បង់។ព្រោះបើសិនជាត្រពាំងរ៉ាក់ អាចនិងមានឈ្មួញឈូសឆាយលប់ទុកជាកម្មសិទ្ធិ។

បើតាមការលើកឡើង លោក សំ សារ៉េត ប្រធានការិយាល័យអភិរក្សប្រាសាទ នៃអាជ្ញាធរជាតិអប្សរា បានលើកឡើងថា ការជីកស្តារត្រពាំងនេះពុំមានផលប៉ះពាល់ ឬបាត់បង់ទ្រង់ទ្រាយដើមនៃត្រពាំងបុរាណនោះទេ ហើយការស្តារនេះ ក៏បានរួមចំណែកថែរក្សានិងគ្រប់គ្រងកុំឲ្យមានការរំលោភបំពានពីប្រជាពលរដ្ឋផងដែរ៕SRP

ខេត្តសៀមរាប៖ សេចក្ដីរាយការណ៍បានឲ្យដឹងថាបុរសម្នាក់បានដេកស្លាប់ នៅលើផ្ទះខ្លួនឯង។ ហេតុការណ៍បានកើតឡើង
នៅវេលាម៉ោង០១រំលងអាធ្រាតឈានចូលយប់ថ្ងៃទី២២ ខែមេសាឆ្នាំ២០២០ ស្ថិតនៅភូមិសំរោង ឃុំលាងដៃ ស្រុកអង្គរធំ។
ជនរងគ្រោះឈ្មោះជុល មាឃ ភេទប្រុស អាយុ២៧ឆ្នាំ។ ចំណែកប្រពន្ធឈ្មោះ ទៀង ផា ភេទ ស្រីអាយុ២៦ឆ្នាំ។

យោងតាមការបំភ្លឺ របស់ប្រពន្ធជនរងគ្រោះ បានប្រាប់សមត្ថកិច្ចថាកាលពីល្ងាចប្តីបានទៅបង់ត្រីមកវិញធ្វើហូបជុំគ្នារហូតដល់ម៉ោង១០យប់គាត់ក៏ហូបម្តងទៀតរួចដេកវិញ។ លុះវេលាម៉ោងកើតហេតុរូបគាត់ជាប្រពន្ធបានឭសម្រែកស្រែកឃឺតៗ។ គាត់ជាប្រពន្ធក៏ជួយរឹតហើយហៅបងប្អូនមកជួយមើលតែបានដាច់ខ្យល់ស្លាប់បាត់ទៅហើយ។ ករណីនេះសមត្ថកិច្ចបានបញ្ជាក់ថាតាមការធ្វើកោសល្យវិច័្ចយ របស់នគរបាល និងពេទ្យមណ្ឌលឃុំគឹមូលហេតុបណ្ដាលមកពីខ្យល់គរស្លាប់៕SRP

ខេត្តកំពង់ចាម៖លោកស្រីស៊ុនចន្ថា មេឃុំកោះសូទិននិងលោកហ៊ាបសេរីវុធស្ថាបនិកអង្គការរ​មូលនិធិ​គាំទ្រ​កុមារ​ នៅព្រឹកមិញបានដឹកនាំមន្ត្រីពាក់ព័ន្ធនិងដោយមានការចូលរួមពីសហភាពសហព័ន្ធយុវជនកម្ពុជាបាននាំយក សាប៊ូនិងខិត្តប័ណ្ណចែកជូនបងប្អូនប្រជាពលរដ្ឋទៅដល់ខ្នងផ្ទះប្រមាណជាង២០០០គ្រូសារនៅក្នុងឃុំ កោះសូទិន ស្រុកកោះសូទិន ខេត្តកំពង់ចាម ក្នុងគោលបំណងចូលរួមប្រយុទ្ធប្រឆាំងនឹងការឆ្លងរាតត្បាតនៃវីរុសកូរ៉ូណា។

លោកស្រីស៊ុនចន្ថាមេឃុំកោះសូទិនបានឲ្យដឹងថាក្នុងការបើកយុទ្ធនាការផ្សព្វផ្សាយសារអប់រំអំពីវិធានការ ការពារ ទប់ស្កាត់ការឆ្លងរីករាលដាលនៃជំងឺកូវីដ១៩នេះដោយមានការចូលរួមចំណែកពីអង្គការរមូលនិធិគាំទ្រកុមារ ដែលបានឧបត្ថម្ភជាសាប៊ូជាង២០០០ដុំសម្រាប់ចែកជូនបងប្អូនប្រជាពលរដ្ឋទៅតាមខ្នងផ្ទះដើម្បីឲ្យមានការ យល់ដឹងបន្ថែមពីការធ្វើអនាម័យជាប្រចាំចៀសវាងការឆ្លងជំងឺផ្សេងៗជាពិសេសគឺជំងឺកូវីដ១៩នេះតែម្ដង។
ក្នុងយុទ្ធនាការនេះដែរក្រុមការងារក៏បានធ្វើការផ្សព្វផ្សាយដោយផ្តើមចេញពីការថែរក្សាអនាម័យផ្ទាល់ខ្លួនក្នុង គ្រួសារក៏ដូចជានៅក្នុងសហគមន៍ ទាំងមូលពោលគឺ ត្រូវចៀសវាងការជួបជុំគ្នាក្នុងពិធីធំៗនិងត្រូវពាក់ម៉ាស់នៅ ទី ប្រជុំជនព្រមទាំងលាងសម្អាតដៃដោយសាប៊ូ អាល់កុល ឬជែលសម្លាប់មេរោគ និងវាស់ស្ទង់ កម្ដៅជារៀងរាល់ ថ្ងៃ ស្របតាមការណែនាំ របស់ក្រសួងសុខាភិបាល៕SRP

ខេត្តកំពង់ចាម៖ លោកអ៊ុនចាន់ដាអភិបាលខេត្តកំពង់ចាមនិងជាប្រធានគណៈកម្មការប្រយុទ្ធនិងជំងឺកូវីដ-១៩ ខេត្ត នៅរសៀលថ្ងៃមិញនេះបានថវិកាចំនួន១លានរៀល,ម៉ាស់១.០០០,សាប៊ូ១,០០០ដុំជែលលាងដៃ១០០ដប និងភេសជ្ជៈ អាដេចំនួន១០កេះ ពីលោកមាស ធីបញ្ញា និងសហការី។ ក្នុងឱកាសនោះដែរលោកអ៊ុន ចាន់ដា បានថ្លែងអំណរគុណ ដល់លោកមាស ធីបញ្ញា និងសហការីទាំងអស់ ដែលបានចូលរួមចំណែកក្នុងការឧបត្ថម្ភជាថវិកាសម្រាប់គណៈកម្មការប្រយុទ្ធនឹងជំងឺកូវីដ១៩ខេត្តកំពង់ចាម យកទៅប្រើប្រាស់ តាមតម្រូវការចាំបាច់ក្នុងយុទ្ធនាការនានាដើម្បី រួមគ្នាបង្ការទប់ស្កាត់ការឆ្លងរីករាលដាលនៃ ជំងឺដ៏កាចសាហាវនេះ។

គួរបញ្ជាក់ថាខេត្តកំពង់ចាមកន្លងមកមានអ្នកកើតជំងឺកូវីដ១៩សុទ្ធសឹងតែជាជនបរទេសសរុបចំនួន១៦នាក់។ តែរហូតមកដល់ពេលនេះ គឺក្រុមគ្រូពេទ្យខេត្តកំពង់ចាមបានធ្វើការព្យាបាលអ្នកផ្ទុកវីរុសទាំងនោះបានជាសះស្បើយអស់ហើយ។
ជាមួយគ្នានោះអាជ្ញាធរខេត្តកំពង់ចាមនៅតែបន្តការប្រុងប្រយ័ត្នខ្ពស់ដដែលដោយបានបំពាក់ម៉ាស៊ីនស្វ័យប្រវត្តិ បាញ់សម្លាប់មេរោគនៅតាមច្រកចេញចូលសំខាន់ៗដើម្បីសម្រួលដល់ការធ្វើអនាម័យព្រមទាំងបានបន្តការ ផ្សព្វផ្សាយសារអប់រំអំពីការធ្វើអនាម័យដើម្បីចៀសផុតពីការឆ្លងជំងឺនេះ៕SRP

ខេត្តសៀមរាប៖អធិការនគរបាលក្រុងសៀមរាប ថានឹងឲ្យនាយប៉ុស្ដិ៍ ប្ដឹងហ្វេសប៊ុក “សារព័ត៌មានជោគជ័យ” បើពុំមានអាជ្ញាប័ណ្ណ នៅក្រសួង ក្រោយអាខោននេះបង្ហោះថាមានល្បែងស៊ីសង អាប៉ោង នៅក្រោយវត្តពោធិ៍ក្រោម។

ខាងក្រោមនេះជាខ្លឹមសាររបស់របស់ផេកអធិការនគរបាលក្រុងសៀមរាប៖
សូមបំភ្លឺជូន សាធារណៈជន និងអ្នកសារព័ត៌មាននៅថ្ងៃទី២១ខែមេសាឆ្នាំ២០២០មានផេកឈ្មោះសារព័ត៌មានជោគជ័យ បានសរសេរនិងផុសផ្សព្វផ្សាយថា មានទីតាំងបនល្បែងបាញ់អាប៉ោងមួយកន្លែង នៅក្រោយវត្តពោធិ៍ក្រោម សង្ស័យ ជាឆ្នាំងបាយលោកនាយប៉ុស្តិ៍នគរបាលសង្កាត់សៀមរាបហើយមើលទៅ?

ករណីខាងលើនេះ ក្រោយពីទទួលព័ត៌មានពី អ្នកសារព័ត៌មាន កម្លាំងប៉ុស្តិ៍នគរបាលរដ្ឋបាល សៀមរាប ដឹកនាំដោយលោកនាយប៉ុស្តិ៍ ចុះទៅពិនិត្យជាក់ស្ដែងភ្លាមៗ ឃើញថាពុំមានការបាញ់ អាប៉ោង ដូចជាការចោទប្រកាន់នៅក្នុងការរាយការណ៍នោះទេ ។
ដូច្នេះព័ត៌មានខាងលើនេះ គឺជាព័ត៌មានខ្វះការសាកសួរ បញ្ជាក់ពីលោកនាយប៉ុស្តិ៍ និងខ្វះប្រភពមូលដ្ឋានក្នុងការសរសេរ ហើយយកទៅផ្សាយដោយខ្វះវិជ្ជាជីវៈនិងក្រមសីលធម៌ ។

យើងខ្ញុំនឹង យកផេកនេះ ជូនទៅខាងអគ្គនាយកសារព័ត៌មាននិងសន្ទស្សន៍ ដើម្បីធ្វើការស្រាវជ្រាវ រកអាជ្ញាប័ណ្ណ បើពុំមានអាជ្ញាប័ណ្ណស្ថិតនៅក្នុងការគ្រប់គ្រងដោយក្រសួងនោះទេ យើងខ្ញុំនឹងឱ្យលោកនាយប៉ុស្តិ៍ ដាក់បណ្ដឹងម្ចាស់ផេក ទៅតាមនីតិវិធីនៃច្បាប់។ សូមអរគុណ

ពាក់ព័ន្ធករណីខាងលើនេះ ក៏ឃើញសារព័ត៌មានតាមបណ្ដាញសង្គមមួយចំនួន ក៏បានបង្ហោះចែកចាយ ថាមានល្បែងស៊ីសងនៅតំបន់ខាងលើនោះដែរ។
ម្ចាស់អាខោនហ្វេសប៊ុក”សារព័ត៌មានជោគជ័យ” បានប្រាប់បណ្ដាញសារព័តមាន”សៀមរាបប៉ុស្តិ៍” ថា ព័ត៌មានហ្នឹង លោកបានចម្លងពីគេមក។ឃើញគេបង្ហោះ។ដូច្នេះលោកលុបចេញវិញហើយ៕SRP

ភ្នំពេញ៖ក្រសួងមហាផ្ទៃ បានសម្រេច ផ្អាកជាបណ្ដោះអាសន្ន អង្គការការពារ និងអភិរក្សសត្វ ព្រៃឈើ ជលផលកម្ពុជា។ នេះបើយោងតាម សេចក្ដីប្រកាស របស់ក្រសួងមហាផ្ទៃ ចុះហត្ថលេខា ដោយសម្ដេចក្រឡាហោមស ខេង នៅថ្ងៃទី២១ ខែមេសាឆ្នាំ២០២០នេះ៕SRP