ភ្នំពេញ៖ប្រមុខដឹកនាំកម្ពុជា សម្តេចតេជោ ហ៊ុន សែន នៅមុននេះបន្តិចបានចេញសារពិសេស
ផ្ញើជូនជនរួមជាតិ ពាក់ព័ន្ធបញ្ហាជំងឺកូវីដ១៩។ សារសំឡេង របស់សម្ដេច ហ៊ុន សែន៖
សារសំឡេងសំខាន់បំផុត របស់សម្តេចតេជោ ហ៊ុន សែន នៅល្ងាចថ្ងៃទី២០ ខែធ្នូ ឆ្នាំ២០២០ នេះ ផ្ញើជូនបងប្អូនជនរួមជាតិ អំពីស្ថានភាព និង ការផ្ទុះឡើងនូវការឆ្លងជម្ងឺកូវីដ១៩នៅក្នុងប្រទេសថៃ
ខេត្តបាត់ដំបង៖ស្ត្រីម្នាក់បានចតម៉ូតូ ចូលទៅក្នុងផ្សារ ដើម្បីទិញត្រី ត្រូវចោរកាច់កយកម៉ូតូ ទៅបាត់។
ហេតការណ៍បានកើតឡើង នៅព្រឹក ថ្ងៃទី១៩ ខែធ្នូ ឆ្នាំ២០២០ វេលាម៉ោង៩និង០០នាទីស្ថិតនៅត្រង់ចំណុច ផ្សារបឹងឈូក ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង។
ស្ត្រីឈ្មោះគង់ វល័ក្ខ ភេទស្រីអាយុ២៦ឆ្នាំមុខរបរជាងអ៊ុតសក់រស់នៅម្តុំស្រែ១០០ភូមិដាស្ពៃ សង្កាត់ស្លាកែត ក្រុងបាត់ដំបង បានប្រាប់អ្នកយកព័ត៌មាន ថា គាត់ជាម្ចាស់ម៉ូតូ ដែលចោរកាច់ក យកទៅបាត់។ ម៉ូតូម៉ាកហុងដាគ្លីកពណ៌សពាក់ស្លាកលេខ បាត់ដំបង 1AE7744។
ស្ត្រីរូបនេះបន្តទៀតថា មុនដំបូងគាត់បានជិះម៉ូតូចេញពីផ្ទះ ដើម្បីមកផ្សារទិញត្រីត្រង់ចំណុចនៅផ្សារបឹងឈូក ក៏បានឈប់នៅក្បែរ ផ្សារចាក់សោរកចោល មិនបានយកផ្ញើរចំណតផាសុីម៉ូតូនោះទេ ដោយគិតថាចូលតែប្រហែលជា១០នាទី លុះពេលចេញពីផ្សារមកវិញ ក៏មិនឃើញម៉ូតូតែម្តង។
គួរបញ្ជាក់ថា ក្រោយកើតហេតុ រួចនៅព្រឹកថ្ងៃដដែល ស្ត្រីជាម្ចាស់ម៉ូតូ ក៏បាន ទៅដាក់ពាកបណ្តឹង នៅប៉ុស្តិ៍ប៉ូលិស ដើម្បីឲ្យជួយ អន្តរាគមន៏នឹងស្វែងរកម៉ូតូរបស់ខ្លួនមកវិញផងដែរ៕SRPដោយប៊ុនថេត
ខេត្តព្រះវិហារ៖ពលរដ្ឋចំនួន៣នាក់ត្រូវបានសមត្ថកិច្ច ខេត្តព្រះវិហារចាប់ខ្លួន ពាក់ព័ន្ធទៅនឹងការដឹកជញ្ជូនឈើដោយខុសច្បាប់។
ការចាប់ខ្លួនធ្វើឡើងដោយ កាលថ្ងៃទី១៨ធ្នូឆ្នាំ២០២០ ពីរគ្នា កន្លែងផ្សេងគ្នា ស្ថិតនៅក្នុងភូមិឆែបកើត ឃុំឆែប១ ស្រុកឆែប និងស្ថិតនៅក្នុងភូមិពុទ្រា ឃុំពុទ្រា ស្រុកជ័យសែន ខេត្តព្រះវិហារ។
សមត្ថកិច្ចខេត្តបានឲ្យដឹងថា ការបង្ក្រាបនេះគឺ ឃាត់គោយន្តកន្ត្រៃពីរគ្រឿង និងរថយន្តសាំយ៉ុងមួយគ្រឿង និងឃាត់ខ្លួន៣នាក់ បញ្ជូនមកស្នាក់ការរដ្ឋបាលព្រៃឈើ ដើម្បីអប់រំ និងតម្រូវឲ្យបង់ពិន័យអន្តរកាល តាមច្បាប់ស្តីពីព្រៃឈើ។
សមត្ថកិច្ចបញ្ជាក់ថា គោយន្តកន្ត្រៃដឹកជញ្ជូឈើ ២គ្រឿង ឃាត់ខ្លួនមនុស្សពីរនាក់ និងដកហូតឈើអារ ប្រភេទលេខ២ បាន ៣៤ដុំ ស្មើនឹង ២ម៉ែត្រគូបត្រីគុណ ៩៧៥ ដោយគោយន្តកន្ត្រៃ ១គ្រឿង ផ្ទុកឈើត្រាច ១៧ដុំ ស្មើនឹង ១ម៉ែត្រគូបត្រីគុណ៤៨៧។
ម្ចាស់គោយន្តកន្ត្រៃ ទី១ឈ្មោះ កៅ រដ្ឋា ភេទប្រុស អាយុ ២៤ឆ្នាំ និងម្នាក់ទៀត ឈ្មោះ សែរ ស៊ីណាត ភេទប្រុស អាយុ ២៧ឆ្នាំ អ្នកទាំងពីរ រស់នៅភូមិឆែបលិច ឃុំឆែប១ ស្រុកឆែប ខេត្តព្រះវិហារ។
ចំណែករថយន្តសាំយ៉ុងពណ៌ស្លែ ពាក់ស្លាកលេខ ភ្នំពេញ 2AS-5034 ដឹកបាវអង្កាមពីលើ បង្កប់ឈើពីក្រោម និងឃាត់អ្នកបើកបរម្នាក់ឈ្មោះ ប៉ុន ពិទូ ភេទប្រុស អាយុ ២៩ឆ្នំា រស់នៅភូមិចំបក់ផ្អែម ឃុំរស្មី ស្រុករវៀង ដកហូតបាន ជាប្រភេទឈើលេខ២ គឺឈើផ្តៀក និងឈើទាល មានចំនួន ១៥៥សន្លឹក ស្មើនឹង ៣ម៉ែត្រគូបត្រីគុណ០៥០។ អ្នកបើកបរមានឈ្មោះ ប៉ុន ពិទូ ភេទប្រុស អាយុ ២៩ឆ្នំា រស់នៅភូមិចំបក់ផ្អែម ឃុំរស្មី ស្រុករវៀង៕SRP
