ខេត្តសៀមរាប៖បុរសម្នាក់ត្រូវបាននគរបាល ក្រុងសៀមរាប ឃាត់ខ្លួន ពាក់ព័ន្ធនឹងអំពើលួចមានស្ថានទម្ងន់ទោស ( លួចទូរស័ព្ទ- លួចគាស់ផ្ទះ ) នឹងប្រើប្រាស់ដោយខុសច្បាប់នូវសារធាតុញៀន។
ការឃាត់ខ្លួននៅត្រង់ចំណុចត្រង់ផ្លូវជាតិលេខ៦ មុខផ្លូវចូលបុរីសៀង ណាំ ក្នុងភូមិខ្នារ សង្កាត់ជ្រាវ ក្រុងសៀមរាប នាយប់ថ្ងៃទី២៣ខែកញ្ញាឆ្នាំ២០២០ ដោយនគរបាលសង្កាត់ជ្រាវ តាមបញ្ជាផ្ទាល់ពីលោក វរសេនីយ៍ឯក ណុប សារ៉ាក់ អធិការក្រុងសៀមរាប បន្ទាប់ពីទទួលបណ្តឹងរបស់ជនរងគ្រោះ។
ជនសង្ស័យឈ្មោះគ្រី ភារិន ភេទប្រុស អាយុ២៣ឆ្នាំ មានស្រុកកំណើតនៅភូមិត្រពាំងព្រីង សង្កាត់ត្រពាំងព្រីង ក្រុង.ខេត្តក្រចេះ ទីលំនៅបច្ចុប្បន្ននឹងមុខរបរ មិនពិតប្រាកដ។ជនរងគ្រោះឈ្មោះលាំ លាត ភេទប្រុស អាយុ២៤ឆ្នាំរស់នៅភូមិកើតហេតុខាងលើ។ ដោយបាត់បង់រួមមាន៖កុំព្យូទ័រ ចំនួន០២គ្រឿង ទូរស័ព្ទម៉ាកណូគារចុចពិលចំនួន០៣គ្រឿង កាបូបលុយ មានលុយចំនួន៦០០០រៀល នាឡិកាចំនួន០៣គ្រឿង កាក់ប្រាក់បាត(លុយថៃ)០១ថង់ដៃ នឹងកាបូបស្ពាយចំនួន០២ខោអាវមួយចំនួនព្រមទាំងចិញ្ជៀនប្លាទីន០១វង់។
ជនសង្ស័យបានឆ្លើយសារភាពថា ខ្លួនពិតជាបានធ្វើសកម្មភាពលួចនៅក្រុងសៀមរាបចំនួន០២លើកមាន៖
លើកទី០១-នៅថ្ងៃទី២៣ ខែកញ្ញា ឆ្នាំ២០២០ វេលាម៉ោង ០៧.០០នាទីស្ថិតនៅភូមិតាភុល សង្កាត់ស្វាយដង្គំ ក្រុងខេត្តសៀមរាប បានទូរស័ព្ទមួយគ្រឿងម៉ាកហ៊ូវ៉ៃពណ៌ខៀវ( ជនរងគ្រោ:មិនទាន់ប្តឹង)។
លើកទី០២-នៅថ្ងៃទី២៣ ខែកញ្ញា ឆ្នាំ២០២០ វេលាម៉ោង២៣.៣០នាទី ស្ថិតក្នងបុរីសៀងណាំ ក្នុងភូមិខ្នារ សង្កាត់ជ្រាវ ក្រុងសៀមរាប។
ជនសង្ស័យថាចាប់ពីឆ្នាំ២០១៨ មកទាល់ពេលនេះ ខ្លួនធ្លាប់បានធ្វើ សកម្មភាពលួចគាស់ទម្លុះទម្លាយ បានជាង២០ដង នៅក្រុង.ខេត្តក្រចេះ។
បច្ចុប្បន្ននគរបាលកសាងសំណុំបញ្ជូនទៅតុលាការ។ ចំណែកសម្ភារវត្ថុតាងនិងប្រគល់ជូនជនរងគ្រោះវិញ។
សូមជម្រាបថាហេតុការណ៍លួចនៅថ្ងៃទី២៣ ខែកញ្ញា ឆ្នាំ២០២០ វេលាម៉ោង២៣.៣០ នាទី ស្ថិតក្នងបុរីសៀងណាំ ក្នុងភូមិខ្នារ សង្កាត់ជ្រាវ ក្រុងសៀមរាប៕SRP

ភ្នំពេញ៖នៅព្រឹកថ្ងៃទី២៤ ខែកញ្ញា ឆ្នាំ២០២០នេះ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានទទួលជួបពិភាក្សាការងារជាមួយនឹងឯកឧត្តម អាណាថូលី បូរូវីក (ANATOLY BOROVIK) ឯកអគ្គរដ្ឋទូតវិសាមញ្ញ និងពេញសមត្ថភាព នៃសហព័ន្ធរុស្សីប្រចាំកម្ពុជា។

ក្នុងជំនួបសម្តេចតេជោនាយករដ្ឋមន្រ្តីក៏បានសំដែងនូវការអបអរសាទរចំពោះរុស្ស៊ីផងដែរដែលបានរកឃើញវ៉ាក់សាំងប្រឆាំងនឹងជំងឺ Covid-19 ។ សម្ដេចបានមានប្រសាសន៍ថា ការរកឃើញវ៉ាក់សាំងប្រឆាំងនឹងជម្ងឺ Covid 19 នេះ អាចជួយដល់ពិភពលោកយើងក្នុងការប្រយុទ្ធប្រឆាំងជំងឺដែលកំពុងធ្វើអោយមានបញ្ហាប្រឈមជាច្រេីនរួមទាំងញ្ហាសេដ្ឋកិច្ច សង្គមនិងការទំនាក់ទំនងរវាងប្រទេសជាច្រេីននៅក្នុងពិភពលោក។ ទន្ទឹមនឹងនោះដែរ សម្តេចតេជោក៏បានស្នេីសុំដល់រុស្សីផ្តល់នូវជំនួយថ្នាំវ៉ាក់សាំងកូវីដ១៩ដល់កម្ពូជាក្នុងការទប់ស្កាត់ការឆ្លងរាលដាលជំងឺកូវីដ១៩នៅក្នុងប្រទេស។

សម្ដេចតេជោ ហ៊ុន សែន ក៏បានមានប្រសាសន៍អំពីជំនួយរបស់រុស្ស៊ីមកកម្ពុជា ដែលជាមូលដ្ឋានគ្រឹះដ៏សំខាន់សម្រាប់ស្វែងរកសុខសន្តិភាព ស្ថិរភាព និងការអភិវឌ្ឍ ជាពិសេសការជំនួយលើវិស័យអប់រំ ដែលបានបណ្តុះបណ្តាលនូវធនធានមនុស្សល្អៗសម្រាប់បម្រើការងារនៅក្នុងប្រទេសកម្ពុជា ដែលបានជួយជំរុញឲ្យកម្ពុជារីកចម្រេីនរហូតមកដល់ពេលនេះ។

ឯកឧត្តម ANATOLY BOROVIK បានមានប្រសាសន៍ថា ទំនាក់ទំនងការទូតមកទល់ពេលនេះគឺមានរយៈពេល៦៤ឆ្នាំ ហើយនៅឆ្នាំក្រោយនេះគឺជាខួប៦៥ ឆ្នាំ នៃទំនាក់ទំនងការទូតរវាងកម្ពុជា និងរុស្ស៊ី។ នៅក្នុងបេសកកម្មការទូតនៅកម្ពុជានេះ ឯកឧត្តមនឹងខិតខំប្រឹងប្រែងឲ្យអស់ពីសមត្ថភាពធ្វើយ៉ាងណាដើម្បីពង្រឹងចំណងមិត្តភាព និងសហប្រតិបត្តិការដែលមានស្រាប់នេះ ឱ្យមានការរីកចម្រើនកាន់តែខ្លាំងឡើងថែមទៀត ជាពិសេសលើវិស័យ អភិវឌ្ឍន៍ធនធានមនុស្ស សេដ្ឋកិច្ច ពាណិជ្ជកម្ម វប្បធម៌ ការទូត និងវិស័យដទៃទៀតដែលនាំមកនូវការរីកចម្រើនសម្រាប់ប្រទេសទាំង២៕SRP

ខេត្តសៀមរាប៖ហាងលក់បាយ យីហោស្ទឹងមាសលក់បាយហៃណាំ ត្រូវបានអគ្គិភ័យ លេបត្របាក់ទាំងស្រុង។
ហេតុការណ៍បានកើតឡើង នៅថ្ងៃព្រហស្បតិ៍ ថ្ងៃទី២៤ ខែកញ្ញា ឆ្នាំ២០២០ នៅវេលម៉ោង១០និង៣០នាទីស្ថិតនៅភូមិតាភុល សង្កាត់ស្វាយដង្គំ ក្រុងសៀមរាប ខេត្តសៀមរាប។

សមត្ថកិច្ចបានឲ្យដឹងថាអគ្គិភ័យនេះបណ្ដាលឲ្យរងការខូចខាតតូបធ្វេីពីឈេីប្រក់ស្បូវទំហំ៣ម៉ែត្រ x ១០ម៉ែត្រ ទាំងស្រុង យីហោភោជនីយ៍ដ្ឋានស្ទឹងមាសលក់បាយហៃណាំ។

សមត្ថកិច្ចបន្តថាបានអន្តរាគមន៍ប្រើប្រាស់រថយន្តពន្លត់អគ្គិភ័យ ចំនួន២គ្រឿង ប្រើប្រាស់ទឹកអស់១ឡាន។រថយន្តអគ្គិភ័យស្នងការដ្ឋាននគរបាលខេត្តចំនួន ១គ្រឿង ប្រើប្រាស់ទឹកអស់១ឡាន។ រថយន្ត អគ្គិភ័យកងរាជអាវុធហត្ថខេត្តចំនួន ១គ្រឿង មិនបានប្រើប្រាស់ទឹកទេ។ បំពង់ពន្លត់អគ្គិភ័យ ចំនួន៣បំពង់។

បើតាមសមត្ថកិច្ចមូលហេតុអ្នកនៅជាមួយ ប្តូរធុងហ្គាស ទម្ងន់១៥គីឡូបិទអត់ជិតបណ្តាលអោយឆាបឆេះ ពីចង្ក្រាន បាយខាងក្រោយប្រក់ស្បូវ មកតែម្ដង៕SRP

ខេត្តបាត់ដំបង៖បុរសម្នាក់ដែលបានចាប់រំលោភប្អូនថ្លៃត្រូវបានសមត្ថកិច្ចបានឃាត់ខ្លួនបន្ទាប់ពីមានពាក្យបណ្ដឹង បងស្រីជនរងគ្រោះត្រូវជាប្រពន្ធរបស់ខ្លួន។

ការឃាត់ខ្លួននេះនៅល្ងាចថ្ងៃទី២២ខែកញ្ញា ឆ្នាំ២០២០ នៅស្រុកភ្នំព្រឹក ខេត្តបាត់ដំបង។ ជនសង្ស័យ ឈ្មោះ វ៉ា សុភ័ក្ត្រ ភេទប្រុស អាយុ៣៤ឆ្នាំ មានទីលំនៅភូមិ-ឃុំខាងលើ ពាក់ព័ន្ធករណីរំលោភសេពសន្ថវៈ លើអនីតិជន។
ជនរងគ្រោះឈ្មោះ ច.ស.ទ អាយុ១៤ឆ្នាំ ( កើតឆ្នាំ២០០៦) រស់នៅផ្ទះជាមួយគ្នា។

បងស្រីនារីរងគ្រោះបានប្រាប់សមត្ថកិច្ចថាបានឃើញប្ដីកំពុងធ្វើសកម្មភាពមកលើប្អូនស្រីពិតប្រាកដមែន។ ទើបរាយការណ៍ប្រាប់នគរបាលអោយចាប់ឃាត់ខ្លួនតែម្តង។

បើតាមការសាកសួររបស់សមត្ថកិច្ចនារីជនរងគ្រោះ បានប្រាប់ថាកន្លងមកជនសង្ស័យ ធ្លាប់ចាប់រំលោភ មកលើខ្លួន បានសម្រេចប្រហែលចំនួន១០ដងមកហើយ ដោយសារខ្លាចជនសង្ស័យធ្វើបាប ទើបមិនហ៊ានប្រាប់បងស្រីរបស់ខ្លួនទេ លុះក្រោយមកទៀត ក៏បងស្រីមកទាន់បែបនេះទៅ។

បច្ចុប្បន្នភាពសមត្ថកិច្ចបានបញ្ជូនជនសង្ស័យទៅសាលាដំបូងខេត្ត ដើម្បីចាត់ការតាមនីតិវិធីច្បាប់៕SRPដោយប៊ុន ថេត

ខេត្តបាត់ដំបង៖លោកឧត្តមសេនីយ៍ត្រី សាត គឹមសាន ស្នងការរង នៃស្នងការដ្ឋាននគរបាលខេត្តបាត់ដំបង ត្រូវបានតែងតាំងជាស្នងការថ្មី នៃស្នងការដ្ឋាននគរបាលខេត្តបាត់ដំបង ជំនួសលោកឧត្តមសេនីយ៍ទោ អ៊ុច សុខុន ដែលត្រូវបានដាក់អោយចូលនិវត្តន៍ និងត្រូវបានតែងតាំងជាទីប្រឹក្សាក្រសួងមហាផ្ទៃ។

ពិធីធ្វើនៅសាលាខេត្តបាត់ដំបងនាព្រឹកថ្ងៃពុធ ទី២៣ ខែកញ្ញា ឆ្នាំ២០២០នេះ ក្រោមវត្តមានលោកនាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ៕SRP

ខេត្តកំពង់ធំ៖យ៉ាងហោចណាស់មនុស្សពីរនាក់បានស្លាប់និងម្នាក់ទៀតរងរបួសដោយសារគ្រោះថ្នាក់ចរាចរណ៍ វាងគោយន្តកន្ត្រៃ និងម៉ូតូ។

ហេតុការណ៍បានកើតឡើងនៅវេលាម៉ោង១៨ និង៥៥នាទី ថ្ងៃទី ២២ ខែ កញ្ញា ឆ្នាំ២០២០ ត្រង់ចន្លោះគីឡូម៉ែត្រ ២០៨-២០៩ ស្ថិតនៅភូមិ នាងនយ ឃុំចំណាក្រោម ស្រុកស្ទោង ខេត្តកំពង់ធំ។

យោងតាមរបាយការណ៍សមត្ថកិច្ចបានឲ្យដឹងថា

១.ម៉ូតូម៉ាកវ៉េវ ពណ៌ខ្មៅ គ្មានស្លាកលេខ បើកបរដោយឈ្មោះ ឡាង ឡែន ភេទ ប្រុស អាយុ២៩ ឆ្នាំទីលំនៅភូមិព្រះនង្គល័ ឃុំ ចំណាក្រោម ស្រុកស្ទោង ខេត្តកំពង់ធំ ស្លាប់នៅ កន្លែងកើតហេតុ មិនពាក់មួកសុវត្ថិភាព ។

២.អ្នករួមដំណើរឈ្មោះ ឡំ ភេទ ប្រុស អាយុ ២៥ ឆ្នាំទីលំនៅភូមិព្រះនង្គ័ល ឃុំចំណាក្រោម ស្រុកស្ទោង ខេត្តកំពង់ធំ (របួសធ្ងន់) មិនពាក់មួកសុវត្ថិភាព។

៣. អ្នករួមដំណើរ ដា ភេទ ប្រុស អាយុ ៣២ទីលំនៅភូមិក្រសាំង ឃុំសាន់គរ ស្រុកកំពង់ស្វាយ ខេត្តកំពង់ធំ
(ស្លាប់នៅកន្លែងកើតហេតុ) មិនពាក់មួកសុវត្ថិភាព។

ចំណែកអ្នកបើកបរគោយន្តកន្ត្រៃ ដឹកធ្យូង ឈ្មោះ សេក ស៊ីម  ភេទ ប្រុស អាយុ៤៣ ឆ្នាំនៅភូមិ ពពេច ឃុំចុងដូង ស្រុកបារាយណ៍ខេត្តកំពង់ធំ (នាំខ្លួនទៅអធិការដ្ឋាននគរបាលស្រុកស្ទោង ដើម្បីបំពេញនីតិវិធី។
បើតាមជំនាញបានបញ្ជាក់មូលហេតុ គឺបណ្តាលមកពីអ្នកបើកបរគោយន្តកន្ត្រៃដឹកធ្យូង ពីក្រោយបាំងភ្លើង គេមើលមិនឃើញ គួបផ្សំអ្នកបើកបរម៉ូតូ បើកបរមានល្បឿនលឿនខ្ជីខ្ជារខ្វះការប្រុងប្រយ័ត្ន។ ជនរងគ្រោះរបួសធ្ងន់បានបញ្ជូនទៅសង្គ្រោះនៅមន្ទីពេទ្យបង្អែកស្រុកស្ទោង។ វត្ថុតាងគោយន្ត និងម៉ូតូទាំងពីរបានយកមករក្សាទុកនៅអធិការដ្ឋាននគរបាលស្រុកស្ទោងដើម្បីរង់ចាំការដោះស្រាយ៕SRP

ខេត្តកំពង់ចាម​៖អភិបាលខេត្តកំពង់ចាម លោក​​ អ៊ុន​ ចាន់ដា​ បានបញ្ជាមន្ត្រីពាក់ព័ន្ធ ឲ្យ​ធ្វើ​ការ​ត្រួត​ពិនិត្យ​កន្លែង​ទទួល​បញ្ចាំ​នានា​ បេី​សិនជា​គ្មាន​ច្បាប់​អនុញ្ញាត​ទេ​ គឺត្រូវបិទអាជីវកម្មនោះចោលតែម្ដងដើម្បីរួមគ្នាទប់ស្កាត់​ និងប្រឆាំងនូវបទល្មើសឧក្រិដ្ឋ។
ថ្លែងយ៉ាងដូច្នេះក្នុងកិច្ចប្រជុំផ្សព្វផ្សាយរបាយការណ៍ ស្តីពី​លទ្ធផលការងារត្រួតពិនិត្យគ្រឿងញៀនឆមាសទី១ និងលើកទិសដៅការងារឆមាស​ទី២ ឆ្នាំ២០២០ របស់អាជ្ញាធរជាតិប្រយុទ្ធប្រឆាំងគ្រឿងញៀន ដែល​បាន​ធ្វើ​ឡើង​នាព្រឹក​ថ្ងៃ​ទី​២២​ ខែកញ្ញា​ ឆ្នាំ​២០២០​ នៅ​សាលា​ខេត្ត​កំពង់ចាម​ ក្រោម​វត្តមាន​​នាយឧត្តមសេនីយ៍ មាស វិរិទ្ធ អគ្គលេខាធិការនៃអគ្គលេខាធិដ្ឋាន អាជ្ញាធរជាតិប្រយុទ្ធប្រឆាំង
គ្រឿងញៀន ។
លោក​​ អ៊ុន​ ចាន់ដា​ ប្រធានគណៈកម្មាធិការត្រួតពិនិត្យគ្រឿងញៀនខេត្តកំពង់ចាម​ បាន​សម្តែងនូវការកោតសរសើរ ចំពោះកិច្ចខិតខំប្រឹងប្រែងដោយមិនខ្លាចការនឿយហត់របស់កម្លាំង​សមត្ថកិច្ចយើង​ ចាប់ពីថ្នាក់ខេត្តរហូតដល់មូលដ្ឋាន​ ទៅលើការប្រើប្រាស់នូវវិធានការ​ និងមធ្យោបាយសរុប​ ដើម្បីរួមគ្នាទប់ស្កាត់​ និងប្រឆាំងនូវបទល្មើសឧក្រិដ្ឋ នោះគឺការជួញដូរ​ និងការប្រើប្រាស់គ្រឿងញៀន​ពីសំណាក់ក្រុមឧក្រិដ្ឋជន។ ដោយ​មាន​ការ​ពុះពារជំនះនូវគ្រប់ឧបសគ្គ​របស់​កម្លាំងសមត្ថកិច្ច​យើង​ បាន​បង្ក្រាបឧក្រិដ្ឋជនគ្រឿងញៀន​ទាំង​នោះ ហើយបានបញ្ជូនទៅកាន់ស្ថាប័នតុលាការ ដើម្បីវិនិច្ឆ័យទោសជាបន្តបន្ទាប់​ ធ្វើឲ្យស្ថានភាពនៃបទល្មើសជួញដូរគ្រឿងញៀននៅក្នុងខេត្តកំពង់ចាម​ ក្នុងរយៈពេល ៦ខែដើមឆ្នាំ២០២០នេះ មានការថយចុះគួរឲ្យកត់សម្គាល់ បើប្រៀបធៀបទៅនឹងរយៈពេលដូចគ្នានៅក្នុងឆ្នាំ២០១៩។
អភិបាលខេត្ត បាន​សង្កត់​ធ្ងន់ថា​ ផ្តេីម​ចេញ​ពី​​គ្រឿងញៀន​នេះ​ដែរ​ បទល្មើស​ផ្សេងៗ​ រួម​ទាំង​បទល្មើស​ព្រហ្មទណ្ឌ​ ក៏​កេីក​មាន​ឡើង​ផង​ដែរ​ ដូច្នេះ​ត្រូវ​ទាមទារ​ឲ្យ​មានការ​អនុវត្ត​ឲ្យ​បាន​ម៉ឺងម៉ាត់​បំផុត​ ជាពិសេស​ត្រូវ​ពិនិត្យ​កន្លែង​ទទួល​បញ្ចាំនានា​ បេី​គ្មាន​ច្បាប់​អនុញ្ញាត​ទេ​ គឺត្រូវ​បិទ​អាជីវកម្ម​នោះ​ចោល​តែ​ម្ដង​។ ក្រៅ​ពី​ការងារ​នៅ​ខាង​ក្រៅ​ផ្ទះ​ សូម​កុំ​ភ្លេច​ពិនិត្យ​មើល​ក្នុង​ក្រុម​គ្រួសារយេីងផង​ បេី​មាន​ជាប់​ពាក់ព័ន្ធ​​សារធាតុ​ញៀន​ សូមកុំ​ឲ្យ​មាន​ការ​ខ្មាសអៀនអី​ គឺ​ត្រូវ​ប្រញាប់​បញ្ជួន​ទៅ​មន្ទីរពេទ្យ​ជាបន្ទាន់​ ដេីម្បី​ធ្វើ​ការ​ព្យាបាល​ផ្តាច់​ញៀន​។ ​
គួរ​បញ្ជាក់​ផង​ដែរ​ថា​ ក្នុងឆមាសទី១ ឆ្នាំ២០២០នេះ សមត្ថកិច្ចបានបង្ក្រាបបទល្មើស ជួញដូរ និងប្រើប្រាស់គ្រឿងញៀននៅទូទាំងខេត្តកំពង់ចាម ចំនួន១៩៩ករណី ឃាត់ខ្លួនជនសង្ស័យ ចំនួន៧០៣នាក់ ស្រី៣០នាក់ វត្ថុតាងរួមមាន គ្រឿងញៀនម្សៅក្រាមពណ៌សថ្លា ជាប្រភេទមេតំហ្វេតាមីន មានទម្ងន់ ១,៤១៦,៨៦ ក្រាមទាំងសំបក ជញ្ជីងអេឡិចត្រូន១០គ្រឿង និងសម្ភារពាក់ព័ន្ធនៃការបង្ក្រាបមួយចំនួនទៀត៕SRP