ខេត្តសៀមរាប៖ក្រុមហ៊ុនដាយមេនសិនស្ទូឌីយ៉ូដែលមានទីតាំងនៅផ្ទះលេខ០១៨ ក្រុមទី០២ភូមិតាភុលសង្កាត់ស្វាយដង្គំក្រុងសៀមរាបតាមបណ្ដោយផ្លូវជាតិលេខ០៦ បានរងការចោទប្រកាន់ពីជាងសំណង់ថាមិនដោះស្រាយលុយថ្លៃកម្លាំងពលកម្មឲ្យគាត់។

លោកគង់ វាសនាជាងសំណង់ នៅថ្ងៃសុក្រនេះបានប្រាប់អ្នកសារព័ត៌មានថារូបលោកនិងក្រុមការងារបានទទួលម៉ៅការសំណង់តពីក្រុមហ៊ុនដាយមេនសិនស្ទូឌីយ៉ូដើម្បីធ្វើការជួសជុលដោយប្រើរយៈពេល១ខែពេញមានផ្ទៃក្រឡា៣៦ម៉ែត្រការ៉េ នៅហាងនំខេកមួយកន្លែងយីហ៊ោ(ហាងនំហាវ៉ៃ)ស្ថិតនៅជាប់ផ្លូវស៊ីសុវត្ថិ ទល់មុខវិទ្យាល័យ១០មករាក្រុងសៀមរាប។ លោកវាសនា ថាក្រោយពីធ្វើការជួសជុលរួច គាត់សុំបើកលុយពីប្រធានក្រុមហ៊ុនដាយមេនសិនស្ទូឌីយ៉ូ នៅនៅថ្ងៃទី៥ខែវិច្ឆិកាឆ្នាំ២០១៩ ប៉ុន្តែក្រុមហ៊ុននេះមិនបើកលុយឲ្យនោះទេធ្វើឲ្យរូបលោកខាតបង់កម្លាំងពលកម្មផងខាតបង់ថ្លៃទិញសម្ភារទាំងពេលវេលាផងដែរ។ករណីនេះលោក គង់ វាសនា បានសំណូមពរឲ្យអ្នកសារព័ត៌មានទៅដល់ទីតាំងក្រុមហ៊ុនដើម្បីជួយផ្សព្វផ្សាយថាក្រុមហ៊ុននេះមិនបានបើកលុយរូបលោក។

ជុំវិញការចោទប្រកាន់ខាងលើនេះលោកសែម សិដ្ឋវាសនា ខាងក្រុមហ៊ុនដាយមេនសិនស្ទូឌីយ៉ូ បានប្រាប់អ្នកសារព័ត៌មានថាមូលហេតុគឺក្រោយពីធ្វើការជួសជុលរួចបានមួយរយៈស្រាប់តែលិចទឹក និងប្រេះថ្នាំលាប។ដូច្នោះ ត្រូវការឲ្យជាងចូលមកជួសជុលវិញ។តែជាងមិនព្រមមកជួសជុលនោះទេ។លោកសិដ្ឋវាសនា បន្តថារហូតមកដល់ពេលនេះម្ចាស់នំខេកនោះបានបិទហាងដោយសារក្ស័យធន ពុំបានដំណើរការប្រកបអាជីវកម្មនោះឡើយ។

លោក គង់ វាសនា បានបញ្ជាក់បន្ថែមបញ្ហានេះ»ហៅខ្ញុំមកជួសជុល តែពេលខ្ញុំទៅដល់ម្ចាស់ហាងប្រាប់ថា មិនទាន់ឲ្យជួសជុលទេរងចាំបុណ្យ(គ្រឹះស្មាក់)រួចសិនរហូតដល់ពេលបច្ចុបុ្បន្ននេះកន្លង០៧ខែមកហើយ។ ហាងនោះត្រូវបានបិទមិនដំណើរការនៅថ្ងៃសុក្រទី១២ខែមិថុនាឆ្នាំ២០២០នេះទើបខ្ញុំបានទៅដល់ក្រុមហ៊ុនដើម្បីសួរនាំរឿងលុយ។ ប៉ុន្ដែត្រូវខាងក្រុមហ៊ុនជាមនុស្សមានកំហឹងអសីលធម៌ជេរប្រមាថរូបខ្ញុំទៅវិញ។ទោះយ៉ាងណាករណីខាងលើនេះសង្ឃឹមថាអាជ្ញាធមន្ទីរពាក់ព័ន្ធនិងជួយអន្តរាគមន៍ដោះស្រាយជូនពួកគាត់ជាក់ជាមិនខាន៕SRP

ភ្នំពេញ៖យ៉ាងហោចណាស់ពលរដ្ឋ០៧នាក់បានស្លាប់ និងសង្គ្រោះនៅមន្ទីរពេទ្យចំនួនជាង២០នាក់ផ្សេងទៀត ដោយដាក់ការសង្ស័យថាបណ្តាលមកពីពុលស្រាថ្នាំចិនសែ “តាំងគួយ” នៅក្នុងក្រុង-ស្រុកចំនួន៣ នៃខេត្តបន្ទាយមានជ័យ គិតត្រឹមព្រឹកថ្ងៃទី១២ ខែមិថុនានេះ។

ឆ្លើយតបនឹងករណីដ៏អាក្រក់នេះ និងអនុវត្តតាមបទបញ្ជានិងការណែនាំរបស់លោក អ៊ំុ រាត្រី អភិបាលខេត្តបន្ទាយមានជ័យ នៅព្រឹកថ្ងៃទី១១ ខែមិថុនា ម្សិលមិញរដ្ឋបាលក្រុងប៉ោយប៉ែត ដឹកនាំដោយលោក គាត ហ៊ុល អភិបាលក្រុងប៉ោយប៉ែត សហការជាស្ថាប័នជំនាញកាំកុងត្រូល និងកងកម្លាំងមានសមត្ថកិច្ចពាក់ព័ន្ធទាំងអស់ចុះផ្សព្វផ្សាយអប់រំ និងដកហូតយកមករក្សាទុកជាបណ្តោះអាសន្ននូវប្រភេទស្រាថ្នាំចិនសែ “តាំងគួយ” នៅតាមបណ្តាទីផ្សារទាំងអស់ និងតាមលំនៅឋានមានដាក់តាំងលក់ក្នុងភូមិសាស្ដ្រទូទាំងក្រុងប៉ោយប៉ែត រហូតដល់មានការជូនដំណឹងជាផ្លូវការរបស់រដ្ឋបាលខេត្ត-ក្រុង-ស្រុក ក្នុងខេត្តបន្ទាយមានជ័យ។

សូមជម្រាបជូនថា ដោយគិតគូរយ៉ាងហ្មត់ចត់ពីសុខភាពរបស់បងប្អូនប្រជាពលរដ្ឋ រដ្ឋបាលខេត្តបន្ទាយមានជ័យ បានអំពាវនាវដល់បងប្អូនអាជីវករទាំងអស់ សូមបញ្ឈប់ការដាក់លក់ប្រភេទស្រាថ្នាំឈ្មោះ “ស្រាថ្នាំចិនសែ តាំងគួយ” នៅតាមបណ្តាទីផ្សារទាំងអស់ និងតាមលំនៅឋានមានដាក់តាំងលក់ក្នុងខេត្ត រហូតដល់មានការជូនដំណឹងជាផ្លូវការពីរដ្ឋបាលខេត្ត។ នេះបើយោងតាមសេចក្តីជូនដំណឹងរបស់រដ្ឋបាលខេត្តបន្ទាយមានជ័យ ចុះថ្ងៃទី១១ ខែមិថុនា ឆ្នាំ២០២០។

សូមបញ្ជាក់ផងដែរថា ការអំពាវនាវនេះ បានធ្វើឡើងក្រោយពីពេលថ្មីៗនេះ មានបងប្អូនប្រជាពលរដ្ឋក្នុងស្រុកមង្គលបូរី ស្រុកម៉ាឡៃ និងក្រុងប៉ោយប៉ែត បានទទួលទានស្រាថ្នាំចិនសែ “តាំងគួយ” ដែលពុំមានប្រភពច្បាស់លាស់ បណ្តាលឱ្យពុលស្លាប់ និងខ្លះទៀតត្រូវបានសង្គ្រោះបន្ទាន់ជាបន្តបន្ទាប់។

សេចក្តីជូនដំណឹងខាងលើ បានបញ្ជាក់ថា បច្ចុប្បន្ននេះ មន្ទីរជំនាញបានកំពុងយកវត្ថុតាងទៅធ្វើតេស្តរកសារធាតុផ្សំ នឹងផ្សព្វផ្សាយជាព័ត៌មានក្នុងពេលដ៏ខ្លីខាងមុខ។

របាយការណ៍បណ្តោះអាសន្ន ប្រតិបត្តិការទូទាំងប្រទេស មន្ត្រីជំនាញ នៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ (ក.ប.ប.) បានរឹបអូសបានស្រាថ្នាំចិនសែយីហោ “តាំងគួយ” ចំនួន ១៣,៩៨៩ ដប ស្នើនឹង ៦,៩៩៤.៥០ លីត្រ គិតត្រឹមយប់ថ្ងៃទី១១ ខែមិថុនា ឆ្នាំ២០២០៕SRP

សេចក្ដីណែនាំ ស្ដីពីការធ្វេីអាជីវកម្មដឹកជញ្ជូនអ្នកដំណេីរតាមផ្លូវគោកក្នុងប្រទេស៕SRP

ខេត្តកំពង់ចា៖លោក​អ៊ុន ចាន់ដា អភិបាល​ខេត្តកំពង់ចាម​ និង​ជា​ប្រធានគណៈកម្មាធិការសាខា​កាកបាទក្រហម​កម្ពុជា​ខេត្ត​ នៅព្រឹកមិញបាន​នាំយកអំណោយមនុស្សធម៌ដ៏ថ្លៃថ្លារបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចែក​ជូនដល់ប្រជាពលរដ្ឋងាយរងគ្រោះ ចំនួន៦៣គ្រួសារ​ នៅ​ស្រុក​កងមាស​ ។​ អំណោយដែលចែកជូនមាន៖អង្ករ២៥ គ.ក្រ,ទឹកត្រី​ ទឹកស៊ីអ៊ីវ ត្រីខ អាវម៉ាស់ និងថវិកា ២០,០០០រៀល។ នៅព្រឹកនេះដែរលោក អ៊ុន ចាន់ដា និងសហការី បានបន្តអញ្ជើញប្រគល់ផ្ទះ ០១ខ្នង រួមជាមួយគ្រឿង ឧបភោគបរិភោគ សម្ភារផ្ទះបាយ និងថវិកាមួយចំនួន ជូនដល់អ្នកស្រី វិត ស្រ៊ាង ជាស្ត្រីមេម៉ាយទ័លលំបាក រស់នៅភូមិ ឃុំ ពាមជីកង ស្រុកកងមាស សម្រាប់ស្នាក់អាស្រ័យផងដែរ​៕SRP

ខេត្តសៀមរាប៖គ្រឿងញៀននៅតែជាបញ្ហាដ៏ក្តៅគគុក ខណៈដែលគេឃើញមានសមត្ថកិច្ចចាប់បានអ្នកប្រើប្រាស់ជាបន្តបន្ទាប់នៅក្នុងក្រុង និងនៅទីជនបទ។
ជាក់ស្តែងនគរបាលស្រុកវ៉ារិន បានសហការគ្នាបង្ក្រាបមុខសញ្ញាចាត់ចែងនិងប្រើប្រាស់គ្រឿងញៀន បានជាបន្តបន្ទាប់ចំនួន០៩នាក់។
ការចាប់ខ្លួននេះធ្វើឡើងនៅរសៀលថ្ងៃទី១០ខែមិថុនាឆ្នាំ២០២០ ភូមិនេល ឃុំវ៉ារិន ស្រុកវ៉ារិន ខេត្តសៀមរាប។
នគរបាលស្រុកវ៉ារិន បានឲ្យដឹងថាជនសង្ស័យ ទាំង០៩នាក់ ១-រដ្ឋ តាក់ភេទ.ប្រុស.អាយុ២៧ឆ្នាំ.ទីលំនៅបច្ចុប្បន្នភូមិនេល ឃុំវ៉ារិនស្រុកវ៉ារិន(មានសារធាតុញៀនក្នុងខ្លួន)។២-ឈ្មោះហេង ហាក់ ភេទប្រុស អាយុ២០ឆ្នាំភូមិនេលឃុំវ៉ារិន(មានសារធាតុញៀនក្នុងខ្លួន)។ ៣-ឈ្មោះ ហិញ គឹមហុង ភេទប្រុស អាយុ២៩ឆ្នាំភូមិថ្នល់.ឃុំ ចាឈូក ស្រុកអង្គរជុំ (មានសារធាតុញៀនក្នុងខ្លួន)។៤-ឈ្មោះ ហ៑ន់ ហុំភេទប្រុសអាយុ៤១ឆ្នាំ ភូមិខ្នារត្បូងឃុំក្រូចគរ ស្រុកក្រឡាញ់ ខេត្តសៀមរាប(មានសារធាតុញៀនក្នុងខ្លួន)។៥-ឈ្មោះធន់ សុសភេទ ប្រុស អាយុ ២៣ឆ្នាំ.ភូមិនេលឃុំវ៉ារិន(មានសារធាតុញៀនក្នុងខ្លួន)។៦-ឈ្មោះ ថង.អាន.ភេទប្រុស អាយុ ២៥ឆ្នាំ ភូមិនេលឃុំ វ៉ារិន(មានសារធាតុញៀនក្នុងខ្លួន)។៧-ឈ្មោះ រី សារ៉ូម ភេទប្រុស អាយុ២៧ឆ្នាំ ភូមិនេលឃុំ វ៉ារិន(មានសារធាតុញៀនក្នុងខ្លួន)។៨-ឈ្មោះ ស្កេន បូរី ភេទប្រុស អាយុ២៤ឆ្នាំភូមិវ៉ារិនឃុំវ៉ារិន (មានសារធាតុញៀនក្នុងខ្លួន)
។៩-ឈ្មោះអន វុទ្ធី ភេទប្រុសអាយុ៣៥ឆ្នាំ ភូមិអណ្តូងបី ឃុំលំទងស្រុកអន្លង់វែងខេត្តឧត្តមានជ័យ។បច្ចុប្បន្ននគរបាលស្រុកវ៉ារិន រៀបចំនីតិវិធីបញ្ជូនទៅការិយាល័យជំនាញដើម្បីអនុវត្តនីតិវិធីបន្ត៕SRP

ខេត្តសៀមរាប៖ប្រជាពលរដ្ឋបានឲ្យដឹងថានៅថ្ងៃទី១១ខែមិថុនាម្សិលមិញ ពួកគាត់បានឃើញគ្រឿងចក្រវាយរបងធនាគារអេស៉ីលីដា ខាងកើតផ្សារលើធំថ្មី។
អាជ្ញាធរខេត្តបានឲ្យដឹងថារដ្ឋបាលខេត្ត​សៀមរាប​ បានចាប់ដំណើរសាងសង់ផ្លូវបេតុងខាងកើតធនាគារអេស៉ីលីដា ដោយមានការស្ម័គ្រចិត្ត​រុះរេីរបងដែលប៉ះពាល់ដីចំណីផ្លូវ។
អាជ្ញាធរបន្តថាជាក់ស្តែងនៅថ្ងៃ​ទី១១​ ខែមិថុនា​ ឆ្នាំ​២០២០ ក្រុមការងារចម្រុះរដ្ឋបាលខេត្តបាន​ និងកំពុងដំណើរការអនុវត្តគម្រោងសាងសង់ផ្លូវ​បេតុង​ទទឹង​ ៦​ម៉ែត្រ​ កម្រាស់​២០សង់ទីម៉ែត្រ​​ ប​ណ្ដោយ​ប្រវែង​៨៣០ម៉ែត្រ​​ កប់លូរំដោះទឹក​កណ្តាល​ទ្រូងផ្លូវ​ មុខកាត់​០.៨ម៉ែត្រ​ នៅភូមិធ្លកអណ្ដូង​(ជាប់របង​ ធនាគារ​ អេស៊ីលីដា​ ភីអិលស៊ី​ សាខាផ្សារលេី)​ សង្កាត់​ស្លរក្រាម​ ក្រុងសៀមរាប​​ និងមានការពង្រីកផ្លូវតាមទំហំដែលបានកំណត់ដោយ គណៈកម្មការរដ្ឋបាល ខេត្ត។
អាជ្ញាធរបានបញ្ជាក់ថាការរុះរេីរបងប៉ះពាល់ដីចំណីផ្លូវ គឺជាសកម្មភាពគំរូរបស់បងប្អូនប្រជាពលរដ្ឋ​ ក្នុងការចូលរួមអភិវឌ្ឍប្រព័ន្ធហេដ្ឋារចនាសម្ព័ន្ធនៅក្នុងខេត្តសៀមរាប។ ជាមួយគ្នានេះ រដ្ឋបាលខេត្ត​ ថ្នាក់ដឹកនាំខេត្ត​ សូមថ្លែងអំណរគុណយ៉ាងជ្រាលជ្រៅដល់បងប្អូនប្រជាពលរដ្ឋរស់នៅតាមបណ្ដោយផ្លូវនេះដែលបានចូលរួមសហការជាមួយអាជ្ញាធរខេត្ត​ អាជ្ញាធរ​មូលដ្ឋាន​ ដេីម្បីអភិវឌ្ឍមូលដ្ឋានរបស់ខ្លួន។អាស្រ័យ​ដោយគម្រោងកំពុងដំណេីរការសាងសង់​ ដូចនេះបងប្អូនប្រជាពលរដ្ឋដែលធ្លាប់ប្រេីប្រាស់​ និងធ្វេីចរាចរណ៍តាមបណ្ដោយផ្លូវនេះ​ សូមបង្វែរមកធ្វេីចរាចរណ៍តាមផ្លូវភោជនីយដ្ឋានស្យ៉ាមស៊ីហ៊្វូត​ ឬតាមផ្លូវ​ ៦០ម៉ែត្រ​វិញ៕SRP

ឯកឧត្តម​ អ៊ុន​ ចាន់ដា​ អភិបាលខេត្ត​កំពង់ចាម​ ថ្វាយព្រះពរសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ក្នុងឱកាសគម្រប់ព្រះជន្ម ៨៤យាងចូល៨៥ព្រះវស្សា៕SRP

ខេត្តសៀមរាប៖នៅរដ្ឋបាលខេត្តសៀមរាបថ្ងៃទី១០ខែមិថុនា ឆ្នាំ២០២០ បានបើកកិច្ចប្រជុំសាមញ្ញលើកទី១៣ របស់ក្រុមប្រឹក្សាខេត្ត អាណត្តិទី៣ ក្រោមអធិបតីភាព
លោក អ៉ឹង ហឿន ប្រធានក្រុមប្រឹក្សាខេត្ត និងលោក ទៀ សីហា អភិបាលខេត្ត។
ក្នុងកិច្ចប្រជុំសាមញ្ញលើកទី១៣នេះ មានរបៀបវារៈចំនួន០៩ ដែលត្រូវដាក់ជូនក្រុមប្រឹក្សាពិនិត្យ ពិភាក្សា និងអនុម័ត។
ក្នុងនោះដែរក្រុមមន្ត្រីក៏បានលើកឡើងដោយផ្តោតទៅលើបញ្ហា រចនាសម្ព័ន្ធផ្លូវថ្នល់ជនបទ និង ក្រុង គំនូសចរាចរណ៍ ភ្លើងចរាចរណ៍ ការដោះស្រាយវិវាទតុលាការ ការកំណត់ឈ្មោះផ្លូវ លេខផ្ទះ ការសាងសង់ កាកំណត់កំពស់ការសាងសង់ ការសាងសង់សំណង់អណាធិបតេយ្យនៅតំបន់ភ្នំគូលែនដែលនៅតែកើតមានទោះបីជាអាជ្ញាធរខិតខំទប់ស្កាត់យ៉ាងណាក៏ដោយ។ ជាមួយនឹងការលើឡើងរបស់ក្រុមប្រឹក្សាខេត្ត លោក អភិបាលខេត្តនិងមន្ទីរ អង្គភាពពាក់ព័ន្ធក៏បានបានមានការបកស្រាយបំភ្លឺជូនអង្គប្រជុំផងដែរ ។

លោក ទៀ សីហា បានបញ្ជាក់បន្ថែមដល់អង្គប្រជុំផងដែរថា ទោះបីយើងកំពុងជួបបញ្ហាវិបត្តិជម្ងឺកូវិដ១៩ តែខេត្តសៀមរាបរបស់យើងបានអនុវត្តក្នុងការទប់ស្កាត់បានយ៉ាងល្អ ដោយយើងបានចាត់តាំងមន្ត្រីនៅប្រចាំការទទួលប្រជាពលរដ្ឋនៅតាមច្រកព្រំដែន ហើយយើងក៏បានរៀបចំបងប្អូនដែលវិលមកពីក្រៅប្រទេស ដោយដាក់ឲ្យនៅដាច់ដោយឡែក១៤ថ្ងៃតាមការណែនាំរបសក្រសួងសុខាភិបាលផងដែរ ដើម្បីជៀសវាងរលកទីពីរកើតមានឡុំង។ ជាមួយគ្នានេះ លោកសង្កត់ធ្ងន់ផងដែរចំពោះបញ្ហាអប់រំ ព្រមទាំងបានណែនាំដល់មន្ទីរអប់រំ យុវជន និងកីឡាខេត្តត្រូវចាត់មន្ត្រីពិនិត្យតាមដានក្នុងការបង្រៀនតាមរយៈប្រព័ន្ធ Online ជាប្រចាំ ដើម្បីទប់ស្កាត់ការធ្លាក់ចុះគុណភាពនៃការសិក្សា។

លោក ខេត្តក៏បានស្នើដល់មន្ត្រីទាំងអស់ចូលរួមក្នុងការត្រួតពិនិត្យនូវការចុះបញ្ជីប្រជាជនក្រីក្រនៅមូលដ្ឋានឱ្យបានច្បាស់លាស់និងចំគោលដៅ ពិសេសប្រជាពលរដ្ឋដែលធ្លាក់ក្រក្នុងអំឡុងកូវីដ១៩។

លោក អ៉ឹង ហឿន ក៏បានថ្លែងនូវអំណរគុណយ៉ាងជ្រាលជ្រៅចំពោះ អភិបាលខេត្ត ក៏ដូចជាមន្ទីរ អង្គភាពទាំងអស់ដែលបានយកចិត្តទុកដាក់ខ្ពស់ ក្នុងការដោះស្រាយរាល់បញ្ហាដែលបានលើកឡើងនេះ ពិសេសការទប់ស្កាត់ និងបង្កា ព្យាបាលជម្ងឺកូវីដ១៩។ លោកប្រធានក្រុមប្រឹក្សាខេត្តក៏បានកោតសរសើរចំពោះមន្ត្រីយើងដែលមានការយកចិត្តទុកដាក់ដោយរក្សាអនាម័យស្របទៅតាមការណែនាំរបស់ក្រួងសុខាភិបាល។ ជាមួយគ្នានេះលោក ក៏បានឲ្យថ្នាក់ដឹកនាំបន្តការផ្សព្វផ្សាយបន្ថែមដល់ប្រជាពលរដ្ឋបានយល់ដឹងបន្ថែមទៀត ដើម្បីចូលរួមទប់ស្កាត់នូវរលកទី២នៃជម្ងឺកូវិដ១៩ នៅតាមសហគមន៍៕SRP

ខេត្តសៀមរាប៖លោក ពៅ ពិសិដ្ឋ អភិបាលរងខេត្តបានអំពាវនាវឱ្យអ្នកសារព័ត៌មានទាំងអស់ យកមនសិកាមកសរសេរព័ត៌មាន និងជួយផ្សព្វផ្សាយពីផលិតផលទេសចរណ៍ក្នុងខេត្តផង។
លោកថ្លែងយ៉ាងដូច្នេះនៅព្រឹកមិញនេះក្នុងពេលតំណាងលោក ទៀ សីហា អភិបាលខេត្តអញ្ជើញបើកសិក្ខាសាលាពិភាក្សាជាមួយអង្គភាពពាក់ព័ន្ធការអនុវត្តច្បាប់ ស្តីពីរបបសារព័ត៌មាន នៅសណ្ឋាគារ តារារង្សី ក្រុងសៀមរាប ខេត្តសៀមរាប។
នៅក្នុងពិធីបើកនេះលោកក៏បានមានប្រសាសន៍ថា សិទ្ធរបស់អ្នកសារព័ត៌មាន គឺត្រូវមានព្រំដែន ហើយ ត្រូវបានកំណត់ដោយច្បាប់ ជាមួយគ្នានេះអ្នកសារព័ត៌មានទាំងអស់ក៍ត្រូវប្រកាន់ភ្ជាប់នូវច្បាប់ ក្រមសីលធម៌ វិជ្ជាជីវៈ តាមការណែនាំរបស់ក្រសួងព័ត៌មាន ។

លោក ពៅ ពិសិដ្ឋ បានបន្តថា បច្ចុប្បន្ននេះ រាជរដ្ឋាភិបាលបាននឹងកំពុងយកចិត្តទុកដាក់យ៉ាងខ្លាំងលើបញ្ហារបបសារព័ត៌មាន ហើយរដ្ឋាភិបាលក៏បានរៀបចំគោលការណ៍ជាច្រើនដើម្បីជាប្រយោជន៍ដល់អ្នកសារព័ត៌មាន ដូចជាច្បាប់ស្តីពីររបបសារព័ត៌មាន ក្រមសីលធម៌ និងក្រមព្រហ្មទណ្ឌជាដើម។ ជាមួយគ្នានេះ អ្នកសារព័ត៌មានទាំងអស់ត្រូវប្រើប្រាស់សិទ្ធឱ្យស្របច្បាប់ និងតួនាទីរបស់ខ្លួន ។ ប៉ុន្តែអង្គភាពមួយចំនួន បានប្រើប្រាស់តួនាទី និងសិទ្ធរបស់ខ្លួនខុស ខ្លះធ្វើការងារជំនួសសមត្ថកិច្ច ដែលវាប្រាសចាកពីក្រមសីលធម៌ និងវិជ្ជាជីវៈ ច្បាប់ស្តីពី របបសារព័ត៌មាន និងច្បាប់ពាក់ព័ន្ធនានាមួយចំនួនទៀត។

លោក លីវ សុខុន ទីប្រឹក្សាក្រសួងព័ត៌មាន និងជាប្រធានមន្ទីរព័ត៌មានខេត្តសៀមរាប បានឱ្យដឹងថា សិក្ខាសាលាថ្ងៃនេះ បានជំរុញឱ្យមានការគោរពច្បាប់ក្រមសីលធម៌វិជ្ជាជីវៈអ្នកសារព័ត៌មាន និងបង្ខិតឲ្យជិតគ្នាស៊ីសង្វាក់ ធ្វើការជាមួយគ្នារវាងអាជ្ញាធរខេត្ត មន្ទីរព័ត៌មានខេត្ត និងអ្នកសារព័ត៌មាន គ្រប់និន្នាការទាំងអស់ក្នុងខេត្តសៀមរាប។ ពិធីបើកនេះមានការអញ្ជើញចូលរួមពីលោកមេធាវី អ៊ុន ច័ន្ទថុល តំណាងនាយកប្រតិបត្តិអង្គការជំនួយផ្នែកច្បាប់នៅកម្ពុជា LAC និងសមាជិក សមាជិក នៃអង្គសិក្ខាសាលាចំនួន៤០នាក់៕SRP

ខេត្តកំពង់ចាម៖ក្នុង​កិច្ច​ប្រជុំផ្សព្វផ្សាយលិខិតបទដ្ឋានសម្រាប់ដំណើរការមន្ទីរសុខាភិបាល​ រាជធានី-ខេត្ត និងបូកសរុបលទ្ធផលការងារសុខាភិបាលខេត្តកំពង់ចាម​ ឆ្នាំ២០១៩ និងលើកទិសដៅបន្តសម្រាប់ឆ្នាំ២០២០​ នារសៀល​ថ្ងៃ​ទី​១១​ ខែមិថុនា​ ឆ្នាំ​២០២០នេះ​ លោក​ អ៊ុន ចាន់ដា​ អភិបាលខេត្តកំពង់ចាម​ បានថ្លែង​ថា​ មន្ទីរសុខាភិបាល គប្បីយកចិត្តទុកដាក់លើកកម្ពស់ការគ្រប់គ្រងសេវាឯកជនឲ្យបានខ្ពស់ ដើម្បីប្រែក្លាយសេវាសុខាភិបាលឯកជន​ ទាំងកន្លែងព្យាបាលឯកជន និងសេវាកម្មឱសថឯកជនក្នុងខេត្ត​ ឲ្យមានដំណើរការប្រកបដោយគុណភាព ស្របច្បាប់ទាំងទីប្រជុំជន និងតំបន់ដាច់ស្រយាល ដើម្បី​ឲ្យ​ធានាបានតាមគោលការណ៍ ផ្គត់ផ្គង់សេវាជូនប្រជាពលរដ្ឋជាប់ជាប្រចាំ មិនថាយប់ឬថ្ងៃ ព្រមទាំងប្រែក្លាយមូលដ្ឋានសេវាសុខាភិបាលទាំងអស់ ក្នុងខេត្តឲ្យក្លាយទៅជាបង្អែកនៃសេវាធានារ៉ាប់រងសុខភាព ជូនប្រជាពលរដ្ឋ​ ជាពិសេសទារក កុមារ ស្ត្រីមាន ផ្ទៃពោះ និងចាស់ជរា។

ក្នុង​ពិធី​នោះ​ដែរ​ លោក​​ អ៊ុន​ ចាន់ដា​ បាន​ថ្លែង​ថា​ ក្រោមការដឹកនាំប្រកបដោយគតិបណ្ឌិត របស់សម្ដេចតេជោ ហ៊ុន សែន បានជម្រុញបន្តអនុវត្តនូវយុទ្ធសាស្ត្រចតុកោណដំណាក់កាលទី៤ ដើម្បីធ្វើការអភិវឌ្ឍប្រទេសជាតិ និងធ្វើកំណែទម្រង់ការគ្រប់គ្រងតាមបែបវិមជ្ឈការ និងសហវិមជ្ឈការ​ ថ្នាក់ក្រោមជាតិនៅក្នុងឆ្នាំ២០២០នេះ​ ដោយ​មន្ទីរសុខាភិបាល ចាប់ផ្តើមការអនុវត្តតួនាទី និងភារកិច្ចរបស់ខ្លួនលើការគ្រប់គ្រង ការចាត់ចែង និងការផ្តល់សេវាសុខាភិបាលជូនប្រជាពលរដ្ឋក្នុងខេត្ត​ ប្រកបដោយការទទួលខុសត្រូវ មានប្រសិទ្ធិភាព តម្លាភាព និងគណនេយ្យភាពស្របតាមគោលការណ៍បែបបទ និងនីតិវិធីថ្មីៗ​ ដូចបានកំណត់ ក្នុងលិខិតបទដ្ឋានគតិយុត្តពាក់ព័ន្ធនឹងការផ្ទេរមុខងារ ក្នុងវិស័យសុខាភិបាលមកឲ្យរដ្ឋបាលខេត្ត។​
លោកអភិបាលខេត្ត បាន​បញ្ជាក់​ថា​ ការដាក់ឲ្យអនុវត្តនូវរចនាសម្ព័ន្ធ និងប្រព័ន្ធគ្រប់គ្រង​ លើការផ្តល់សេវាសាធារណៈដ៏សំខាន់មួយតាមគោលការណ៍វិមជ្ឈការ និងវិសហមជ្ឈការ ពោលគឺការផ្ទេរសិទ្ធិអំណាច និងការទទួលខុសត្រូវ​ពីក្រសួងសុខាភិបាលមកឲ្យរដ្ឋបាលខេត្ត ក្នុងការគ្រប់គ្រង ចាត់ចែង​ កិច្ចការប្រតិបត្តិការនានាពាក់ព័ន្ធនឹងការផ្តល់សេវាសុខាភិបាលក្នុងដែនសមត្ថកិច្ចរបស់ខេត្ត។​ ដោយ​រដ្ឋបាលខេត្ត ទទួលខុសត្រូវចំពោះរាជរដ្ឋាភិបាល លើការអនុវត្តមុខងារសុខាភិបាល ដែល​ជា​ការ​លើកកំពស់គុណភាព ប្រសិទ្ធិភាព តម្លាភាព និងគណនេយ្យភាពនៃការផ្តល់សេវាជូនប្រជាពលរដ្ឋផងដែរ៕SRP

ភ្នំពេញ៖  សម្តេចតេជោហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងលោក ណារិន្ទដ្រា ម៉ូឌី នាយករដ្ឋមន្ត្រីឥណ្ឌានៅព្រឹកល្ងាចថ្ងៃទី១០ ខែមិថុនា ឆ្នាំ២០២០ បានជួបពិភាក្សាការងារតាមទូរស័ព្ទដើម្បីរួមគ្នាប្រយុទ្ធប្រឆាំងជំងឺកូវីដ១៩ ព្រមទាំងពិភាក្សាពីទំនាក់ទំនងទ្វេរភាគី និងនៅក្នុងតំបន់ផងដែរ។

ក្នុងជំនួបតាមទូរស័ព្ទនោះ លោកនាយករដ្ឋមន្ត្រីឥណ្ឌា បានកោតសសើរសម្តេចតេជោ និងរាជរដ្ឋាភិបាលកម្ពុជា ចំពោះការគ្រប់គ្រងបានយ៉ាងល្អប្រសើរ ជំងឺកូវីដ១៩ ដែលអាចជាគម្រូសម្រាប់ពិភពលោក។ លោក ណារិន្ទដ្រា ម៉ូឌី នាយករដ្ឋមន្ត្រីឥណ្ឌា បានបញ្ជាក់ប្រាប់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាថា ឥណ្ឌាចាត់ទុកកម្ពុជា គឺជាផ្នែកដ៏សំខាន់មួយនៃនយោបាយ ធ្វើសកម្មភាពឆ្ពោះទៅទិសខាងកើតខ្លួន (Act East Policy)។ គោលនយោបាយធ្វើសកម្មភាពឆ្ពោះទៅទិសខាងកើត (Act East Polocy) ធ្វើឡើងតាមរយៈវិស័យចំនួន៤ គឺការការពារសន្តិសុខមហាសមុទ្រឥណ្ឌា សមាហរណកម្មជាមួយអាស៊ីអាគ្នេយ៍ ការធ្វើឲ្យស៉ីជម្រៅនូវភាពជាដៃគូយុទ្ធសាស្រ្ត ជាមួយការធ្វើឲ្យមានតុល្យភាពរវាងមហាអំណាចនានា និងការគ្រប់គ្រងជម្លោះជាមួយប្រទេសចិន។

ថ្នាក់ដឹកនាំទាំងពីរ ក៏បានប្តេជ្ញាបន្តពង្រឹង និងពង្រីកសហប្រតិបត្តិការទ្វេភាគីឲ្យកាន់តែស៉ីជម្រៅថែមទៀត ដោយនាយករដ្ឋមន្ត្រីឥណ្ឌា ចាត់ទុកប្រទេសកម្ពុជា ថាជាផ្នែកដ៏សំខាន់មួយនៃនយោបាយ ធ្វើសកម្មភាពឆ្ពោះទៅទិសខាងកើតរបស់ឥណ្ឌា។ ថ្នាក់ដឹកនាំទាំងពីរ ថែមទាំងបានប្តេជ្ញាបន្តពង្រឹង សហប្រតិបត្តិការតំបន់ ក្នុងនោះរួមមានក្របខ័ណ្ឌ ASEAN-India និងមេគង្គ-គង្គា។ ពាក់ព័ន្ធនឹងសហប្រតិបត្តិការផ្នែកវប្បធម៌ និងបុរាណវិទ្យា នាយករដ្ឋមន្ត្រី ម៉ូឌី បានសម្ដែងការពេញចិត្តចំពោះការទុកចិត្តឲ្យឥណ្ឌា ធ្វើជាសហប្រធាននៃគណៈកម្មាធិការ សម្របសម្រួលអន្តរជាតិ ដើម្បីស្តារ និងអភិវឌ្ឍប្រាសាទព្រះវិហាររបស់កម្ពុជា។

នៅក្នុងជំនួបនោះផងដែរ រាជរដ្ឋាភិបាលកម្ពុជា និងរដ្ឋាភិបាលឥណ្ឌា បានសម្របសម្រួលដល់ការធ្វើដំណើរត្រឡប់ទៅស្រុកវិញរបស់ប្រជាពលរដ្ឋរៀងៗខ្លួន ក្នុងវិបត្តិរាតត្បាតជំងឺកូវីដ១៩។ ហើយបើយោងតាមសេចក្តីប្រកាសព័ត៌បានឱ្យដឹងថា នៅថ្ងៃទី១២ ខែមិថុនា យន្តហោះ១គ្រឿង នឹងដឹកប្រជាពលរដ្ឋ និងនិស្សិតកម្ពុជាចំនួន៦០នាក់ ពីប្រទេសឥណ្ឌាមកកម្ពុជាវិញ។ ហើយនៅថ្ងៃទី១១ ខែមិថុនានេះ ប្រជាពលរដ្ឋឥណ្ឌា បានវិលត្រឡប់ទៅប្រទេសវិញ និងមួយជើងទៀតនឹងដឹកពលរដ្ឋឥណ្ឌា២៨០នាក់ត្រឡប់ទៅស្រុកកំណើតវិញ នៅថ្ងៃទី១៩ ខែមិថុនា ឆ្នាំ២០២០ផងដែរ។ ជាមួយគ្នានេះដែរ ថ្នាក់ដឹកនាំប្រទេសទាំងពីរ បានឯកភាពគ្នាថា ដំណើរទៅមុខដើម្បីស្ថារស្ថានភាពសេដ្ឋកិច្ចសង្គមក្រោយវិបត្តិជំងឺកូវីដ១៩ ទាមទារឱ្យមានកិច្ចសហប្រតិបត្តិការ និងការសម្របសម្រួលជាអន្តរជាតិកាន់តែខ្លាំងជាងមុន៕SRP

ខេត្តសៀមរាប៖លោកឧត្តមសេនីយ៍ទោទិត្យ ណារ៉ុងស្នងការនគរបាលខេត្តសៀមរាប នៅរសៀលនេះ បានដឹកនាំសហការី នាំយកថវិកាចំនួន៣,០០០$ ( បីពាន់ដុល្លារ) ទៅប្រគល់ជូនសាខាកាកបាទក្រហមខេត្តសៀមរាប នៅទីស្នាក់ការសាខាកាកបាទក្រហមខេត្តសៀមរាប ដែលទទួលដោយលោក ស៊ុំ សំអន នាយកសាខា តំណាងឱ្យ លោក ទៀ សីហា ប្រធានគណ:កម្មាធិការសាខាកាកបាទក្រហមខេត្តសៀមរាប ក្នុងឱកាសអបអរសាទរខួបលេីកទី ១៥៧ ទិវាពិភពលោកកាកបាទក្រហម អឌ្ឈចន្ទក្រហម ឆ្នាំ២០២០។

លោកឧត្តមសេនីយ៍ទោទិត្យ ណារ៉ុង បានឲ្យដឹងថាថវិកាទាំងនេះគឺជារួមចំណែករបស់ថ្នាក់ដឹកនាំ និងមន្ត្រីនគរបាលនៃស្នងការដ្ឋាននគរបាលខេត្តសៀមរាប ដេីម្បីរួមចំណែកសកម្មភាពមនុស្សធម៌ របស់កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជាប្រធាន ។
លោក ស៊ុំ សំអន នាយកសាខាបានថ្លែងអំណរគុណចំពោះថ្នាក់ដឹកនាំ មន្រ្តីនគរបាល នៃស្នងការដ្ឋាននគរបាលខេត្តសៀមរាប ព្រមទាំងបានលេីកឡេីងថា: នឹងប្រេីប្រាស់ថវិកាទាំងអស់នេះឱ្យចំគោលដៅ ក្នុងការងារមនុស្សធម៌ ចំពោះជនងាយរងគ្រោះបំផុត ស្របទៅនឹងគោលការណ៍គ្រឹះទាំង០៧ ប្រការ របស់ចលនាអន្តរជាតិកាកបាទក្រហម អឌ្ឈចន្ទក្រហម៕SRP