Siem Reap Post – Page 1092 – Siem Reap News, Cambodia News

សម្តេចក្រឡាហោម ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក នៅថ្ងៃទី២ ខែកុម្ភៈ ឆ្នាំ២០២១ ព្រឹកមិញ បានអញ្ជើញជាអធិបតីដ៏ខ្ពង់ខ្ពស់ក្នុងពិធីទិវាអន្ដរជាតិរំលឹកដល់ជនរងគ្រោះដោយគ្រោះថ្នាក់ចរាចរណ៍ផ្លូវគោក លើកទី១៥ ដោយមានការចូលរួមពី ក្រសួង ស្ថាប័នពាក់ព័ន្ធ អភិបាល នៃគណៈអភិបាលខេត្តកណ្តាល ស្នងការដ្ឋាននគរបាលខេត្តកណ្ដាល អាជ្ញាធរគ្រប់លំដាប់ថ្នាក់ លោកគ្រូ-អ្នកគ្រូ សិស្សានុសិស្ស ប្រជាពលរដ្ឋ និងអ្នកពាក់ព័ន្ធជាច្រើនរូបទៀត ដែលប្រារព្ធធ្វើនៅសួនច្បារមាត់ទន្លេ ក្រុងតាខ្មៅ ខេត្តកណ្តាល។

នៅក្នុងពិធីនេះសម្ដេចក្រឡាហោម ស ខេង ក៏នឹងអញ្ជើញផ្តល់កិត្តិយសដ៏ខ្ពង់ខ្ពស់ចែកមួកសុវត្ថិភាពជូនតំណាងចំនួន ១០រូប ថតរូបអនុស្សាវរីយ៍ និងនិមន្តព្រះសង្ឃរាប់បាត្រ ព្រមទាំង បង្សុកូល ឧទ្ទិសជូនដល់ជនរងគ្រោះដែលស្លាប់ដោយគ្រោះថ្នាក់ចរាចរណ៍ផងដែរ។

សូមជម្រាបថា យោងតាមខ្លឹមសាររបាយការណ៍របស់គណៈកម្មាធិការជាតិសុវត្ថិភាពចរាចរណ៍ផ្លូវគោក បានឲ្យដឹងថា គ្រោះថ្នាក់ចរាចរណ៍ផ្លូវគោក បានបណ្ដាលឲ្យមានមនុស្សស្លាប់ ក្នុង១ថ្ងៃ ចាប់ពី៥នាក់ ទៅ៦នាក់ និងរងរបួសធ្ងន់ និងស្រាលជាច្រើននាក់ទៀត។ ចំនួនអ្នកស្លាប់របួស និងពិការដោយគ្រោះថ្នាក់ចរាចរណ៍ផ្លូគោក មានការកើនឡើង ពិសេស ក្នុងអំឡុងពេលបុណ្យសំខាន់ៗ និងថ្ងៃចុងសប្ដាហ៍។

ជាងនេះទៅទៀត គ្រោះថ្នាក់ចរាចរណ៍ផ្លូវគោកកើតឡើងដោយកត្តាចម្បងចំនួន៣ រួមមាន ៖ កត្តាមនុស្ស កត្តាយានយន្ត និងកត្តាបរិស្ថានផ្លូវថ្នល់៕SRP

ខេត្តសៀមរាប៖អភិបាលរងខណ្ឌ៧មករា លោកហៀក ចាន់លាង ដែលប្រពន្ធប្តឹងពីបទអំពីផិតនោះ ត្រូវបានតុលាការ សម្រេចផ្តន្ទាទោស ដាក់ពន្ធនាគារ រយៈពេល៦ខែ ប៉ុន្តែទោសនេះត្រូវបានព្យួរ ពោលលោកអភិបាលរងខណ្ឌ អាចមានសេរីភាពធម្មតា។

សវនាការជំនុំជម្រះផ្ទាល់នេះ បានធ្វើឡើងនៅរសៀលថ្ងៃទី ១ ខែកុម្ភៈ ឆ្នាំ ២០២១ ម្សិលមិញដោយមានលោកឆៃ វីរៈ ជាចៅក្រមជំនុំជម្រះ និងលោកជួន សុបញ្ញា ព្រះរាជ្ញអាជ្ញារង ជាតំណាងអយ្យការ។

សវនាការនេះធ្វើឡើងតាមកំណត់ហេតុបង្ហាញខ្លួនភ្លាម របស់តំណាងអយ្យការ អមសាលាដំបូង ខេត្តសៀមរាប ដែលចោទប្រកាន់ លោក ហៀក ចាន់លាង ពីបទ អំពើផិត តាមមាត្រា ៧ និង មាត្រា ១០ នៃច្បាប់ ស្តីពី ឯកពន្ធភាព។

បើយោងតាម ប្រភពព័ត៌មានបានឲ្យដឹងថា នៅវេលា ម៉ោង ២៣និង៣០នាទី ថ្ងៃទី៣០
ខែមករា ឆ្នាំ២០២១ កម្លាំងការិយាល័យ ប្រឆាំង ការជួញដូរមនុស្ស និង ការពារ អនីតិជនខេត្តសៀមរាប បានចុះដល់ បន្ទប់ខុនដូមួយកន្លែង ស្ថិតនៅភូមិគ្រួស សង្កាត់ស្វាយដង្គំ
ក្រុងសៀមរាប ខេត្តសៀមរាប។
ខណៈពេលនោះ កម្លាំងជំនាញ បានឃើញ ឈ្មោះ ហេង បូឡែន ភេទស្រី អាយុ២៥ ឆ្នាំ រស់នៅ សង្កាត់បឹងទំពុន ខណ្ឌមានជ័យ រាជធានី ភ្នំពេញ និងលោក ហៀក ចាន់ លាង អាយុ៤២ ឆ្នាំ ជាអភិបាលរងខណ្ឌ៧មករា កំពុងនៅក្នុង បន្ទប់ ជាមួយគ្នា។

ដោយមាន ការសម្របសម្រួល នីតិវិធី ពី លោក ព្រះរាជអាជ្ញា អមសាលាដំបូង ខេត្តសៀមរាប , កម្លាំង កងរាជអាវុធហត្ថ ខេត្តសៀមរាប បានធ្វើការ នាំខ្លួនបុរស និង ស្ត្រីទាំង ២នាក់នេះ មក ការិយាល័យ ជំនាញ ដើម្បីសាកសួរ ពាក់ព័ន្ធ អំពើផិតក្បត់។
ក្រោយមកដោយមានការឯកភាព លោក ព្រះរាជអាជ្ញា អមសាលាដំបូង ខេត្តសៀមរាប សមត្ថកិច្ច សម្រេចធ្វើការឃាត់ខ្លួន លោក ហៀក ចាន់ លាង កសាងសំណុំរឿង បញ្ជូនមក អយ្យការ អមសាលាដំបូងខេត្តសៀមរាប។ ចំណែក ឈ្មោះ ហេង បូឡែន ត្រូវបានអនុញ្ញាតឲ្យត្រឡប់ទៅផ្ទះវិញ។

សមត្ថកិច្ចអះអាងថា ការឈានដល់ ការបង្ក្រាបនេះ ដោយសារ តែមានពាក្យបណ្តឹង ពី ជនរងគ្រោះ ឈ្មោះ ជ ករណ ភេទ ស្រីអាយុ ៤១ ឆ្នាំ មុខរបរមន្ត្រីរាជការ មានទីលំនៅ ភូមិ បឹងឈូក សង្កាត់និរោធ ខណ្ឌច្បារអំពៅ ត្រូវជាប្រពន្ធ ស្របច្បាប់ របស់លោក ហៀក ចាន់ លាង៕SRP