អំពើពុករលួយរបស់គយខេត្តតាកែវ ត្រូវបានលាតត្រដាង ខណ:ក្រុមអាជីវករ បានផ្ទុះការតវ៉ារឿងដំឡើងថ្លៃពន្ធ និងបើកដៃឱ្យមន្ត្រីក្រោមឱវាទ ចាំរាប់ក្បាលឡានយកលុយ ឡានដឹកទំនិញដោយមិនញញើតដៃ។
ប្រភពបានអោយដឹងថា ក្រុមអាជីវករជាច្រើននាក់ នៅខេត្តតាកែវ បានបញ្ចេញប្រតិកម្មរិ:គន់ ប្រធានសាខាគយ និងរដ្ឋាករខេត្តតាកែវ និងអនុប្រធាននាយករដ្ឋាន កិច្ចការច្បាប់សវនកម្ម និងទំនាក់ទំនងសាធារណៈ នៃអគ្គនាយកដ្ឋានគយ និងរដ្ឋាករកម្ពុជា។
ការបញ្ចេញប្រតិកម្មបែបនេះ នៅថ្ងៃទី០៩ វិច្ឆិកា ឆ្នាំ២០២៣ ដោយពួកគាត់បានលើកគ្នាមកផ្ទុះការតវ៉ា នៅមុខស្នាក់ការ គយចល័ត និង មុខសាខាគយ និងរដ្ឋាករខេត្តតាកែវ ស្ថិតក្នុងក្រុងដូនកែវ ខេត្តតាកែវ បន្ទាប់ពីលោក ស៊ុន ឆាយ និងលោក ប៉ោ សួន ជាអ្នកបើកដៃឱ្យមន្ត្រីក្រោមឱវាទ អង្គុយចាំរាប់ក្បាលឡាន កំណត់យកលុយ ចូលហោប៉ាវក្នុង១ជើងៗចាប់ពី៥០.០០០រៀល ទៅ១០០.០០០រៀល លើសជាងនេះទៅទៀតលោក ស៊ុន ឆាយ និងលោក ប៉ោ សួន បានដំឡើងថ្លៃពន្ធនាំចូលខ្ពស់កប់ពពក និងកំណត់លើក្រដាសពន្ធនាំចូល ត្រឹមរយៈពេល ៣ម៉ោងប៉ុណ្ណោះ ពោលគឺ រាល់ការដឹកជញ្ជូនទំនិញចេញពីព្រំដែន មកចែកចាយលើទីផ្សារនៅកម្ពុជា បើលើសពី៣ម៉ោង ទំនិញទាំងនោះ នឹងក្លាយជាទំនិញគ្មានពន្ធ ដែលប្រឈម និងការចាប់ផាកពិន័យ ១គុណជា៤ឯណោះ។
ក្រុមអាជីវករក្នុងពេលផ្ទុះការតវ៉ានោះបានលើកឡើងថា ពួកគាត់បានរកស៊ីដឹកទំនិញ ”ឥវ៉ាន់ចាប់ហួយ” ពីប្រទេស វៀតណាម ចូលមកកម្ពុជា តាមច្រកទ្វារព្រំដែនអន្តរជាតិភ្នំដិន ជាយូរឆ្នាំមកហើយ ដោយខ្លះប្រើ រថយន្តកូរ៉េ និងខ្លះទៀតប្រើរថយន្តសាំយ៉ុង ជាមធ្យោបាយសម្រាប់ដឹកជញ្ជូន។ ក្នុងនោះជារៀងរាល់លើក ពេលដឹក ”ឥវ៉ាន់ចាប់ហួយ” ចេញពីវៀតណាម ចូលមកខ្មែរ គឺត្រូវបង់ពន្ធនាំចូល នៅច្រកទ្វារព្រំដែនអន្តរជាតិភ្នំដិន ចាប់ពី ១៥០០០០០ រៀល ទៅ៣លានរៀលក្នុង១ជើង។
ក្រុមអាជីវករបានបន្តថា ក្រោយបង់ពន្ធ នៅព្រំដែនរួចហើយ ពេលចេញផុត ពីព្រំដែនប្រហែល ៧គីឡូម៉ែត្រ រាល់រថយន្តដឹក ”ឥវ៉ាន់ចាប់ហួយ” ទាំងនោះ នឹងត្រូវបង់លុយ ឱ្យគយចល័ត ដែលមានស្នាក់ការ នៅខាងជើងផ្សារទន្លាប់ ក្នុងភូមិសាស្ត្រ ស្រុកគិរីវង់ ចាប់ពី២០០០០រៀល ទៅ៥០០០០រៀលក្នុង១ជើង លុះមកដល់ក្រុងដូនកែវ ទីរួមខេត្តតាកែវ តៃកុងរថយន្តឬព្រូឡាន ត្រូវចូលបង់លុយឱ្យ សាខាគយនិងរដ្ឋាករ ខេត្តតាកែវ ចំនួន១០០០០០រៀលទៀត សម្រាប់រថយន្ត១គ្រឿង បន្ទាប់មកទៀត ត្រូវបន្តបង់លុយឱ្យ គយចល័ត ដែលមានស្នាក់ការ នៅខាងកើត «រង្វង់មូលអូរចំបក់» ប្រមាណ ប្រហែល ១៥០ម៉ែត្រ ចំនួន៨០០០០រៀលទៀត សម្រាប់រថយន្តដឹកទំនិញ១គ្រឿង។
ក្រុមអាជីវករបញ្ជាក់ថា៖ ការបង់ពន្ធ នៅព្រំដែនអន្តរជាតិភ្នំដិន គឺមានក្រដាសស្នាម បង់ពន្ធចូលរដ្ឋខ្លះនិងបង់ចូលហោប៉ាវ មន្ត្រីគយខ្លះ ប៉ុន្តែសម្រាប់ការបង់លុយឱ្យ គយចល័តទាំង២ទីតាំងខាងលើ រួមនិងសាខាគយ និងរដ្ឋាករខេត្តតាកែវ គឺពុំដែលមានវិក្កយបត្រ ឬចុងសន្លឹកបង់ពន្ធចូលរដ្ឋអ្វីឡើយ ដោយជារៀងរាល់លើក ហុចលុយផ្ទាល់ដៃ ដាក់លើតុ ពោលគឺបង់ចូលហោប៉ាវ មន្ត្រីគយតែម្ដង។
អាជីវករបញ្ជាក់ទៀតថា ក្រុមគយមិនត្រឹមតែបណ្ដាក់គ្នា អង្គុយចាំយកលុយដូចខ្យងប៉ុណ្ណោះទេ បច្ចុប្បន្នៈ លោក ស៊ុន ឆាយ និងលោក ប៉ោ សួន បានសហការគ្នាដំឡើងថ្លៃពន្ធ ខ្ពស់កប់ពពកទៀតផង ដោយតម្រូវឱ្យពួកគាត់ជាអាជីវករបង់ពន្ធ នៅព្រំដែនចំនួន ៦២០០០០០រៀល ជាកំហិត ក្នុង១ជើង ដែលជាចំនួនច្រើនទ្វេដង បើប្រៀបធៀបទៅនឹងតម្លៃពីមុន ជាហេតុនាំឱ្យពួកគាត់ ជួបការលំបាកខាតបង់ ហើយម្នាក់ៗ ប្រឈមនឹងក្ស័យធន គ្មានប្រាក់បង់ធនាគារនោះទេ។ ជាងនេះទៅទៀត មន្ត្រីគយបាន កំណត់ឱសានវាទ ក្នុងលិខិតបង់ពន្ធនាំចូល ត្រឹមរយៈពេល ៣ម៉ោងប៉ុណ្ណោះ ដោយគិតចាប់ពីពេលបោះត្រា ចេញពីព្រំដែន ហើយបើលើសពី៣ម៉ោង រាល់ទំនិញរបស់អាជីវករ នឹងក្លាយជាទំនិញគេចពន្ធ ឬខុសច្បាប់ ដែលប្រឈម នឹងចាប់ផាកពិន័យ១គុណជា៤តែម្ដង។
ព្រោះតែបែបនេះហើយ ទើបក្រុមអាជីវករ លើកគ្នាមកផ្ទុះការតវ៉ា ដើម្បីទាមទារចំនួន៣ ចំណុចដូចខាងក្រោម៖
ទី១៖ ស្នើសូមឱ្យមន្ត្រីគយ លើកលែងការយកពន្ធតម្លៃខ្ពស់ ឱ្យយកត្រឹមតម្លៃទាបដូចពីមុន។
២៖ សូមឱ្យមានការពន្យារពេល បន្ថែមម៉ោងថ្ងៃ ដើម្បីងាយស្រួលពួកគាត់ ចល័ត និងដឹកជញ្ជូនទំនិញ ចែកចាយតាមទីផ្សារ។
៣៖ សូមឱ្យស្ថាប័នគយ យោគយល់ចំពោះការចាប់ផាកពិន័យ រថយន្តតាក់ស៊ីនិងរថយន្តសាំយ៉ុង ស៊ីឈ្នួលដឹកទំនិញ ”ឥវ៉ាន់ចាប់ហួយ” ឱ្យគេ ស្របពេលដែល រថយន្តដឹកទំនិញចំនួន២គ្រឿង ត្រូវបានកម្លាំងសាខាគយ និងរដ្ឋាករខេត្តតាកែវ ចាប់ឃាត់ទុក គ្រោយនឹងផាកពិន័យក្នុង១គ្រឿង ចំនួន ៥០០០ដុល្លារទៀតផង។
ជុំវិញការលើកឡើងរបស់អាជីវករយ៉ាងដូច្នេះ អង្គភាពសៀមរាប ប៉ុស្តិ៍ នៅមិនទាន់ទទួលបានការបំភ្លឺ ពីលោក ស៊ុន ឆាយ ប្រធានសាខាគយ និងរដ្ឋាករខេត្តតាកែវ នៅឡើយទេដោយពុំមានលេខទំនាក់ទំនង។ ចំណែកលោក ប៉ោ សួន អនុប្រធាននាយករដ្ឋាន កិច្ចការច្បាប់សវនកម្ម និងទំនាក់ទំនងសាធារណៈ នៃអគ្គនាយកដ្ឋានគយ និងរដ្ឋាករកម្ពុជា បាននិយាយប្រាប់អ្នកសារព័ត៌មានមួយរូបយ៉ាងខ្លីថា « ខ្ញុំរវល់ប្រជុំរួចក៏ចុចបិទទូរស័ព្ទ»។
បើតាមការលើកឡើងពីក្រុមអាជីវករ ប្រសិនបើមិនមានដំណោះស្រាយ សមស្របណាមួយទេ ពួកគាត់នឹងលើកគ្នា មកតវ៉ានៅមុខអគ្គនាយកដ្ឋានគយ និងរដ្ឋាករកម្ពុជា ជាក់ជាមិនខានបើគ្មានដំណោះស្រាយជូនពួកគាត់៕ដោយនាគខៀវ
ខេត្តបាត់ដំបង៖មន្ទីរសាធារណការ និងដឹកជញ្ជូនខេត្តបាត់ដំបង បានធ្វើការបដិសេធ ដោយអះអាងថា មិនបានព្រព្រឹត្តអំពើពុករលួយ និងព្រមានចាត់ការលើសារព័ត៌មានអនឡាញមួយអង្គភាព បើមិនកែតម្រូវនោះទេ។
យោងតាមសេចក្តីស្រាយបំភ្លឺព័ត៌មានរបស់មន្ទីរសាធារណការ និងដឹកជញ្ជូនខេត្តបាត់ដំបង នៅថ្ងៃអង្គារ ទី០៧ ខែវិច្ឆិកា ឆ្នាំ២០២៣បានបង្ហាញថា នៅថ្ងៃទី០៧ ខែវិច្ឆិកា ឆ្នាំ២០២៣ សារព័ត៌មាន គេហទំព័រ ស៊ីអេច ខេ ញូវ (CHK News) បានចុះផ្សាយនៅលើបណ្តាញទំនាក់ទំនងសង្គម (Facebook) ដែលមានចំណងជើងថា “បែករឿងប្រធានមន្ទីរសាធារណការខេត្តបាត់ដំបង លោក ព្រួញ រិទ្ធ ថា គ្រប់ទឹកកើបលុយរដ្ឋចំណេញ ពីការស្ថាបនា ឬជួសជុល ស៊ីមិនសូវចែក កូនចៅ?”
ដោយក្នុងខ្លឹមសារទាំងមូលបានបង្ហាញពីអំពើពុករលួយរបស់លោកប្រធានមន្ទីរសាធារណការ និងដឹកជញ្ជូនខេត្តបាត់ដំបង កំពុងទទួលបានផលចំណេញប្រាក់ច្រើនពីលើគម្រោងស្ថាបនា ឬជួសជុលដែលក្រសួងសាមីបានប្រគល់មកឱ្យមន្ទីររបស់លោក ជាអ្នកទទួលការដូចជាស្ថាបនា ឬជួសជុលផ្លូវ ថ្នល់ ស្ពាន និងលូបង្ហូទឹកទាំងនោះ។
មន្ទីរសូមធ្វើការ បដិសេធទាំងស្រុង ចំពោះការចុះផ្សាយរបស់សារព័ត៌មាន គេហទំព័រ ស៊ី អេច ខេ ញូវ (CHK News) ខាងលើនេះ។
ពាក់ព័ន្ធនឹងករណីខាងលើ មន្ទីរសាធារណការ និងដឹកជញ្ជូនខេត្តបាត់ដំបង សូមធ្វើការ ស្រាយបំភ្លឺដូចខាងក្រោ៖
– រាល់ការអនុវត្តគម្រោងជួសជុល ថែទាំហេដ្ឋារចនាសម្ព័ន្ធផ្លូវថ្នល់ទាំងអស់របស់មន្ទីរសាធារណការ និងដឹកជញ្ជូនខេត្តបាត់ដំបង គឺត្រូវបានអនុវត្តតាមនីតិវិធីកិច្ចលទ្ធកម្មយ៉ាងត្រឹមត្រូវជាមួយ គណៈកម្មការអន្តរក្រសួង ដោយមានការចូលរួមរវាងក្រសួងសេដ្ឋកិច្ច និងហិរញ្ញវត្ថុ និង ក្រសួងសាធារណការ និងដឹកជញ្ជូន។
មន្ទីរសាធារណការ និងដឹកជញ្ជូនខេត្តបាត់ដំបង សូមស្វាគមន៍ជានិច្ច ចំពោះការស្រាយ បំភ្លឺជូនដល់គេហទំព័រសារព័ត៌មានខាងលើ រឿងរាល់ម៉ោងបំពេញការងារនៅមន្ទីរផ្ទាល់ និងសូមសំណូមពរ ដល់អង្គភាពគេហទំព័រនេះធ្វើការកែតម្រូវខ្លឹមសារព័ត៌មានដែលបានចុះផ្សាយដូចបានរៀបរាប់ខាងលើ មិនដូច្នេះ មន្ទីរយើងខ្ញុំនឹងអនុវត្តតាមនីតិវិធីច្បាប់។
អាស្រ័យហេតុនេះ សូម ឯកឧត្តម លោកជំទាវ អ្នកឧកញ៉ា លោកឧកញ៉ា បងប្អូនប្រជាពលរដ្ឋ សាធារណជន និងបណ្តាញសារព័ត៌មានទាំងអស់ មេត្តាជ្រាបជាព័ត៌មាន។
បើតាមខ្លឹមសាររបស់ គេហទំព័រ «ស៊ី អេច ខេ ញូវ «CHK News» បានផ្សាយថា បែករឿងប្រធានមន្ទីរសាធារណការខេត្តបាត់ដំបង លោក ព្រួញ រិទ្ធថា គ្រប់ទឹកកើបលុយរដ្ឋចំណេញពីការស្ថាបនា ឬ ជុស ជុល ស៊ីមិនសូវចក កូនចៅ ?
តាមប្រភពព័ត៌មានពីខេត្តដំបងបានប្រាប់បង្ហើបឱ្យដឹងថា ប្រធានមន្ទីរសាធារណការខេត្ត លោក ព្រួញ រិទ្ធថា ទទួល បានផលចំណេញប្រាក់ ដ៏ច្រើនពីរលើគម្រោងស្ថាបនា ឬជួសជុលដែលក្រសួងសាម៉ី បានប្រគល់មកអោយមន្ទីររបស់លោក ជាអ្នកទទួលការដូចជាស្តាប់នាឬជួសជុលផ្លូវថ្នល់ស្ពាននិងលូបង្ហូទឹកទាំងនោះ។ ហើយទឹកប្រាក់ចំណាយ លើគម្រោង ទាំងនោះលោកប្រធានមន្ទីរ មិនបានធ្វើបញ្ជីរចំណាយច្បាស់លាស់ និងបង្ហាញមន្ត្រីថ្នាក់ក្រោមដឹងឡើយ។ ហេតុនេះ ទើបបាននាំអោយលោកប្រធានមន្ទីរ ព្រួញ រិទ្ធថា ចំណេញកើបលុយរដ្ឋក្នុងមួយឆ្នាំៗខ្ទង់ ប៊ីលាន (ពាន់លានរៀល) ស្មើនិងរាបលានដុល្លារយកទៅធ្វើមានបានផ្ទាល់ខ្លួន៕ដោយនាគខៀវ
