បុរសម្នាក់បើករថយន្តពាក់ផ្លាកលេខនប ដោយបិទ logo ប៉ូលិស បានទទួលមរណភាព ខណ: បើករថយន្តបុកជាមួយរថយន្តមួយគ្រឿងទៀត។

ករណីគ្រោះថ្នាក់ចរាចរណ៍ នេះ បានកើតឡើង នៅម៉ោង២១ និង៣០នាទី ថ្ងៃទី០២ ខែស៏ហា ឆ្នាំ២០២៣ លើផ្លូវជាតិលេខ ០៨ ចន្លោះគីឡូ៥៥.៥៦ នៅភូមិពារាំង ឃុំរាប ស្រុកពារាំង ខេត្តព្រៃវែង។

សមត្ថកិច្ចខេត្តព្រៃវែង បានប្រាប់ថា ហេតុការណ៍នេះកើតឡើង រវាងរថយន្តនិងរថយន្តបញ្ច្រាសទើសគ្នា ដោយរថយន្តម៉ាក លុចសុិស ៤០០H ពណ៌ ស ផ្លាកលេខ ន.ប ៧៥០១ បើកបរដោយឈ្មោះ សូ សុគន្ធាណូ ភេទប្រុសអាយុ៣៣ឆ្នាំ រស់នៅភូមិស្នាយពល ឃុំរកា ស្រុកពារាំង ខេត្តព្រៃវែង ក្នុងទិសដៅ ពីលិច ទៅកើត លុះធ្វើដំណើរមកដល់ចំណុចកើតហេតុ បានរេចង្កូត ជ្រុលទៅបុកចំពីចំហៀងផ្នែកខាងឆ្វេង.រថយន្ត ១គ្រឿងទៀត ម៉ាកនីសាន់ ពណ៌ស ពាក់ស្លាកលេខTK ០៤៤១ (ចង្កូតស្ដាំ) អ្នកបើកបរមិនស្គាល់អត្តសញ្ញ (បានចុះរត់គេចខ្លួនបាត់)។

សមត្ថកិច្ចបានបន្តថា ករណីនេះបណ្ដាលអោយអ្នកបើកបររថយន្ត lexus៤០០H រងរបួសធ្ងន់(ស្លាប់ពេលបញ្ជូនដល់មន្ទីពេទ្យ)។ រថយន្តទាំង ២គ្រឿងត្រូវបានសមត្ថកិច្ចស្ទូចយកទៅរក្សាទុកនៅអធិការនគរបាលស្រុកពារាំង៕ដោយនាគខៀវ

នគរបាលបានឃាត់ខ្លួនទៅតាចាស់ម្នាក់ ករណីរំលោភសេពសន្ថវៈ លើកុមារីអាយុជាង១០ឆ្នាំ។ ការរំលោភ

នៅថ្ងៃទី២ ខែសីហា ឆ្នាំ២០២៣ វេលាម៉ោង ៨យប់ នៅចំណុចតូបរង្គាសបច្ច័យ ក្នុងបរិវេនវត្ដមុខរាហ៍ ក្នុង ភូមិមុខរាហ៍១ ឃុំមុខរាហ៍ ស្រុករុក្ខគិរី ខេត្តបាត់ដំបង។

សមត្ថកិច្ចស្រុករុក្ខគិរី បាននិយាយថាករណីរំលោភ នេះ បង្កដោយជនសង្ស័យឈ្មោះ ចំ មាន ភេទប្រុសអាយុ៧១ ឆ្នាំ ដោយបានលួងលោម កុមារី រងគ្រោះឈ្មោះ ច.. ល..ដ.. អាយុ១២ឆ្នាំយកទៅរំលោភសេពដោយប្រើ ដៃរុកចូលប្រដាប់ភេទនិង ច្របាច់ដោះ។

បើតាមសមត្ថកិច្ច បច្ចុប្បន្នបានកសាងរៀបចំ សំណុំរឿងបញ្ជូនទៅកាន់ការិយាល័យជំនាញ ចាត់ការតាមនីតិវិធី៕ដោយនាគខៀវ

ភ្នំពេញ៖នៅទីបំផុតធនាគារ ADB បានសម្រេចអនុម័ត ប្រាក់កម្ចី១០០លានដុល្លារ ដើម្បីជួយបង្កើនសមត្ថភាពកម្លាំងពលកម្មក្នុងប្រទេសកម្ពុជា៕ដោយនាគខៀវ

ភ្នំពេញ៖ព្រះមហាក្សត្រ បានត្រាស់បង្គាប់តែងតាំងមុខតំណែង ឯកឧត្តម ឧត្តមសេនីយ៍ទោ ម៉ឹង ពន្លក អត្តលេខ ០០៣២០៩ ជាអគ្គនាយកនៃអគ្គនាយកដ្ឋានភស្ដុភារ ហិរញ្ញវត្ថុ ក្រសួងការពារជាតិ។ នេះបើតាមព្រះរាជក្រឹត្យ ចុះថ្ងៃទី ២ ខែសីហា ឆ្នាំ ២០២៣៕ដោយនាគខៀវ

នគរបាលស្រុកសូទ្រនិគមបានឃាត់ខ្លួនយុវជនម្នាក់ ករណី រំលោភសេពសន្ថវ: បានសម្រេច។ ការឃាត់ខ្លួនធ្វើឡើង នៅថ្ងៃទី២ ខែសីហា ឆ្នាំ២០២៣ បន្ទាប់ពី ជនរងគ្រោះ បាននិយាយរឿងរ៉ាវប្រាប់បងស្រី របស់ខ្លួន ហើយនាំគ្នានាំទៅប្ដឹងនៅនគរបាលស្រុក។

ហេតុការណ៍រំលោភនៅវេលាម៉ោង០១រំលងអធ្រាត ថ្ងៃទី២ ខែសីហា ឆ្នាំ២០២៣ នៅចំណុចក្រោមផ្ទះរបស់ ឈ្មោះព..ន ម.. ភេទស្រី (ជាបងស្រីរបស់ជនរងគ្រោះ) ស្ថិតនៅក្នុងភូមិគោកមន ឃុំដំដែក ស្រុកសូទ្រនិគម។

ជនសង្ស័យឈ្មោះសំ កក្កដា ហៅចយ ភេទប្រុសអាយុ១៦ឆ្នាំមុខរបរសិស្ស មានទីលំនៅឃុំដំដែក ស្រុកសូទ្រនិគម។

ជនរងគ្រោះឈ្មោះព..ន ម.. ភេទស្រី អាយុ៣៥ឆ្នាំ មុខរបរនៅផ្ទះ (ពិការស្វិតដៃ) រស់នៅក្នុងភូមិគោកមន ឃុំដំដែក ស្រុកសូទ្រនិគម។

របាយការណ៍បានបង្ហាញថានៅវេលាម៉ោង០០.៣០ នាទី ថ្ងៃទី១  ខែសីហា ឆ្នាំ២០២៣ ជនសង្ស័យ បានមកលេងទូរស័ព្ទ នៅក្រោមផ្ទះរបស់បងស្រីជនរងគ្រោះ រហូតដលម៉ោង១ រំលងអាធ្រាត ថ្ងៃទី២ ខែសីហា ឆ្នាំ២០២៣ ជនសង្ស័យ បានធ្វើសកម្មភាពយកខ្សែលីឡុងពណ៌ខ្មៅ មកចងដៃ ជនរងគ្រោះព័ទ្ធទៅក្រោយខ្នង និងយកកន្សែងពោះគោ មកចងមាត់កុំឱ្យស្រែកឮ ហើយចាប់សម្រាតខោរំលោភបានសម្រេច ដោយក្នុងពេលនោះ ជនរងគ្រោះ ក៏ខំប្រឹងរើបំរាស់ដែរ តែរើពុំរួច ព្រោះជនរងគ្រោះ ពីការអវៈជីវៈ។

របាយការណ៍បន្តថា ពេលជនសង្ស័យរំលោភរួច បានដេកលេងទូរស័ព្ទ លើអង្រឹងក្រោមផ្ទះ បងស្រីជនរងគ្រោះ ធម្មតា លុះព្រឹកឡើង ថ្ងៃទី២ ខែសីហា ឆ្នាំ២០២៣ ជនរងគ្រោះ បាននិយាយរឿងរ៉ាវប្រាប់បងស្រី ហើយបងស្រីជនរងគ្រោះ ក៏បាននាំជនរងគ្រោះ ទៅប្ដឹងនៅអធិការនគរបាលស្រុកតែម្ដង។

បើតាមរបាយការណ៍បន្តថា បច្ចុប្បន្នជនសង្ស័យ រូបនេះ ត្រូវបាននគរបាលឃាត់ខ្លួនកសាងសំណុំរឿងបញ្ជូនទៅតុលាការដើម្បីអនុវត្តតាមផ្លូវច្បាប់៕ដោយនាគខៀវ

មន្ត្រីយោធាមួយរូបបានទទួលមរណភាពនិងម្នាក់ទៀតបានរបួសធ្ងន់ក្នុងហេតុការណ៍គ្រោះថ្នាក់ចរាចរណ៍។

ហេតុការណ៍បានកើតឡើង នៅវេលាម៉ោង១៦និង៤៥ នាទី ថ្ងៃទី ២ ខែសីហា ឆ្នាំ២០២៣ ស្ថិតនៅភូមិអូរបាត់ដាវ សង្កាត់ បន្សាយរក្ស ក្រុងសំរោង ខេត្តរមានជ័យ ទល់មុខស្ដង់ដំឡូងមី។

សមត្ថកិច្ចខេត្តឧត្តរមានជ័យ បាននិយាយថា គ្រោះថ្នាក់ចរាចរណ៍កើតឡើង រវៀងម៉ូតូ និងរថយន្តថៃដឹកដំឡូងមី ម៉ាកហ៊ីណូពាក់ផ្លាកលេខ 08-8435 ពណ៌ទឹកប្រាក់ និងម៉ូតូម៉ាកហុងដា ០២៥ពណ៌ខ្មៅ ពាក់ផ្លាកលេខ ឧត្តរមានជ័យ1E-9214 ជិះដោយមន្ត្រីយោធា២រូប។

សមត្ថកិច្ចបាននិយាយថា ជនរងគ្រោះ ទី១ឈ្មោះ ណាំ រាំង អាយុ៤១ ឆ្នាំ (ស្លាប់) ទី២ឈ្មោះ សែចន្ធី អាយុ៣៨ ឆ្នាំ រងរបួសធ្ងន់។ អ្នកទាំង២រស់នៅ ភូមិសំរោងសែនជ័យ២ សង្កាត់កូនក្រៀល ក្រុងសំរោង ខេត្តឧត្តរមានជ័យ។

សមត្ថកិច្ចដដែលបញ្ជាក់ថាជនរងគ្រោះទាំងទាំង២ ជាទាហានវីរៈ ៤២៤ កងពលលេខ៤២ បានជិះម៉ូតូបុកជាមួយឡានដឹកឡូងមី បណ្ដាលឲ្យស្លាប់និងរបួសតែម្ដង។ ចំណែកអ្នកបើកបររថយន្តបានរត់គេចខ្លួនបាត់ ពីកន្លែងកើតហេតុ៕ដោយនាគខៀវ

ខេត្តសៀមរាប៖បុរសម្នាក់យកទ្រូទៅដាក់ធ្នោះនៅទំនប់ បានលង់ទឹកស្លាប់។

ហេតុការណ៍បានកើតឡើង នៅស្រុក​អង្គរជុំ ថ្ងៃទីថ្ងៃទី០២ ខែសីហា ឆ្នាំ​២០២៣ ចំណុចភូមិរំដួលថ្មី ឃុំដូនពេង ស្រុក​អង្គរជុំ។ ជនរងគ្រោះ​ឈ្មោះ ឈិន ឈឿត ភេទប្រុស អាយុ៦១ ឆ្នាំ៕ដោយនាគខៀវ

នារីម្នាក់កំពុងបើកម៉ូតូត្រូវបានរថយន្តបុកចំពេញទំហឹងបណ្ដាលឲ្យស្លាប់ភ្លាមៗ រវាងរថយន្តនិងម៉ូតូ បញ្ច្រាសទិសគ្នា។

ហេតុការណ៍បានកើតឡើង នៅម៉ោង១៧និង១៥នាទីថ្ងៃទី២ ខែសីហា ឆ្នាំ២០២៣ នៅចំណុចភូមិ ជ្រៃសីមា ឃុំជាខ្លាំង ស្រុកស្វាយអន្ទរ ខេត្តព្រៃវែង។

សមត្ថកិច្ចខេត្តព្រៃវែងបានឲ្យដឹងថា គ្រោះថ្នាក់ចរាចណ៍ នេះបង្កឡើងដោយរថយន្តមិនស្គាល់ម៉ាក (បើកគេចខ្លួនបាត់) បានទៅបុកម៉ូតូC១២៥ ពណ៌ខ្មៅ ពាក់ផ្លាកលេខព្រៃវែង ១Q-៩៦៣៥ ដែលបើកបរឈ្មោះ ព្រំ ភេទស្រី អាយុ ២៥ឆ្នាំ រស់នៅភូមិព្រៃតាណាន់ ឃុំជ្រៃ ស្រុកស្វាយអន្ទរ (បណ្ដាលឱ្យស្លាប់នៅកន្លែងកើតហេតុ)។

សមត្ថកិច្ចដដែលបន្តថា ករណី មូលហេតុ អ្នករថយន្តបើកបំពានគន្លងទៅបុកម៉ូតូតែម្ដង។ បច្ចុប្បន្ន រថយន្តបង្កសមត្ថកិច្ចកំពុងស្រាវជ្រាវ ឯ ម៉ូតូយកមករក្សាទុកនៅប៉ុស្តិ៍រដ្ឋបាលជាខ្លាំង។ ចំណែកសាកសពប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕ដោយនាគខៀវ

ខេត្តសៀមរាប៖ជនសង្ស័យម្នាក់ត្រូវបានសមត្ថកិច្ចឃាត់ខ្លួន ពីបទ អំពើលួច (ទូរស័ព្ទ និងលុយ)។

ហេតុការណ៍លួចនៅចំណុចដីឡូតិ៍អក្សរx តំបន់អភិវឌ្ឍន៍រុនតាឯក ស្ថិតនៅភូមិតានី ឃុំរុនតាឯក ស្រុកបន្ទាយស្រី នៅព្រឹកថ្ងៃទី២ ខែសីហា ឆ្នាំ២០២៣។

ការបង្ក្រាបធ្វើឡើងនៅរសៀល ថ្ងៃ០២ ខែសីហា ឆ្នាំ២០២៣ ចំណុចដីឡូតិ៍ អក្សរ W ដោយកម្លាំងកងរាជអាវុធហត្ថស្រុកបន្ទាយស្រី សហការជាមួយកម្លាំងផែនព្រហ្មទណ្ឌ នៃអធិដ្ឋាននគរបាលស្រុកបន្ទាយស្រី និងសមត្ថកិច្ចប៉ុស្តិ៍នគរបាលរដ្ឋបាលរុនតាឯក។

ជនសង្ស័យ ឈ្មោះ ព្រុំ វ៉ូរ  ភេទប្រុស អាយុ៤១ ឆ្នាំ មុខរបរកម្មករសំណង់ មានស្រុកកំណើត ភូមិក្បាលដំរី ឃុំពង្រ លើស្រុកជីក្រែង ខេត្តសៀមរាប ទីលំនៅបច្ចុប្បន្នភូមិមណ្ឌល៣ សង្កាត់ ស្លក្រាម ក្រុងសៀមរាប ( ធ្លាប់ជាប់ពន្ធនាគារ ចំនួន២លើក ករណីអំពើលួច )។

សមត្ថកិច្ចស្រុកបន្ទាយស្រីបានឲ្យដឹងថា ជនសង្ស័យរូបនេះ បានលួចលុយនិងទូរស័ព្ទ របស់អ្នកលក់បន្លែត្រីសាច់ ដោយយកទូរស័ព្ទម៉ាក oppo ចំនួន២គ្រឿងនិងលុយចំនួន៥០០០០៛ ( ប្រាំម៉ឺនរៀល )។

នៅចំពោះមុខសមត្ថកិច្ច ជនសង្ស័យបានឆ្លើយសារភាព ថាខ្លួនពិតជាបានធ្វើសកម្មភាព លួចទូរស័ព្ទ និងលុយ របស់ជនរងគ្រោះ ពិតប្រាកដមែន ពីព្រោះរូបខ្លួន ឃើញម្ចាស់ដេកលក់ ឱកាសល្អ ក៏លួចយកតែម្តង។ បច្ចុប្បន្ននរគបាលស្រុកកសាងសំណុំរឿង បញ្ជូនដើម្បីចាត់ការនីតិវិធី៕ដោយនាគខៀវ

ខេត្តសៀមរាប៖ក្រុមមន្ត្រីមូលដ្ឋានបាននិយាយថា ជនជាតិចិនមួយរូបបានស្លាប់ដោយសារដួលក្នុងបន្ទប់ទឹក។

ហេតុការណ៍ភ្ញាក់ផ្អើលបានកើតឡើង នៅចំណុចព្រលានយន្តហោះថ្មី ស្ថិតនៅភូមិប្រវ៉ាល ឃុំតាយ៉ែក ស្រុកសូទ្រនិគម។

មន្ត្រីបាននិយាយទៀតថា ជនរងគ្រោះ ឈ្មោះGUAN XINGUO ភេទប្រុស អាយុ៥១ឆ្នាំ (ជនជាតិចិន ជាជាង ធ្វើពិដាន ក្នុងអាគាព្រលានយន្តហោះថ្មី)។ ករណីនេះមន្ត្រីបញ្ជាក់ថា មូលហេតុ សាកសព មានប្រវត្តជម្ងឺឡើងឈាម លេបថ្នាំងជាប្រចាំ។

មន្ត្រីបានបញ្ជាក់ទៀតថា តាមការធ្វើ កោសល្យវិច័យ និងពិនិត្យ កន្លែងកើតហេតុ របស់ក្រុមកោសល្យវិច្ច័យដែលដឹកនាំដោយលោកយិន យូឡាយ ព្រះរាជអាជ្ញារងអមសាលាដំបូងខេត្តសៀមរាប ឃើញថា សាកសពពិតជាស្លាប់ ដោយសាឡើងឈាម ដួលប្រាកដមែន ពុំមានពាក់ព័ន្ធនិងបទល្មើសព្រហ្មទ័ណ្ឌឡើយ។

សូមបញ្ជាក់ថា ករណីនេះ កើតហេតុ នៅវេលាម៉ោង ១៥និង៣០នាទី ថ្ងៃទី១ ខែសីហា ឆ្នាំ២០២៣។ករណីនេះគ្រូពេទ្យបានទៅពិនិត្យ ឃើញថា ជនរងគ្រោះបានស្លាប់ នៅកន្លែងកើតហេតុ តែដោយមានការស្នើរសុំពីមេការជនជាតិចិន អោយដឹកសាកសព ទៅសង្គ្រោះនៅពេទ្យបង្អែកស្រុកបន្ថែមទៀត ព្រោះមិនទាន់អស់ចិត្ត។ លុះដឹកសាកសពដល់ពេទ្យបង្អែកស្រុក គ្រូពេទ្យបានពិនិត្យទៀត នៅម៉ោង១៩និង៣០នាទី ដោយបញ្ជាក់ថា សាកសពបានស្លាប់ប្រាកដមែន ហើយមេការជនជាតិចិន បានទៅរាយការណ៍ប៉ូលិសស្រុក លុះម៉ោង១០.០០នាទីថ្ងៃទី២ ខែសីហា ឆ្នាំ២០២៣ ទើបក្រុមកោសល្យវិច័យ មកធ្វើកោសល្យវិច័យ និងពិនិត្យកន្លែងកើតហេតុ ដែលដឹកនាំដោយលោកព្រះរាជអាជ្ញារង។

បញ្ជាក់សាកសព ត្រូវប៉ូលិសអន្តោប្រវេសន៍ខេត្តបញ្ជូនទៅស្ថានទូតចិននៅភ្នំពេញ៕ដោយនាគខៀវ

ខេត្តសៀមរាប៖បុរសម្នាក់បានស្លាប់ភ្លាមៗខណៈបើកម៉ូតូល្បឿនលឿនទៅបុកនិងបង្គោលស្ពាន។

ហេតុការណ៍បានកើតឡើង នៅថ្ងៃទី១ ខែ សីហា ឆ្នាំ ២០២៣ វេលាម៉ោង១៩និង៤៥នាទី នៅចំណុចផ្លូវកោងស្ពានអន្លុង( ហៅស្ពានឆេះ ) ស្ថិតក្នុងភូមិបំពេញរាជ្យ ឃុំលាងដៃ ស្រុកអង្គរធំ។

តាមរបាយការណ៍របស់អធិការនគរបាលស្រុកអង្គរធំ ដែលអង្គភាពសៀមរាប ប៉ុស្ដិ៍ ទទួលបានបង្ហាញថាករណីគ្រោះថ្នាក់ចរាចរណ៍ នេះបង្កឡើងដោយខ្លួនឯងបើកបរក្នុងល្បឿនលឿន បុកបង្គោលស្ពាន បណ្តាលអោយស្លាប់តែម្ដង។

របាយការណ៍បានបន្តថា ជនរងគ្រោះឈ្មោះ ផាន់ ផល អាយុ៤១ ឆ្នាំ រស់នៅភូមិត្រពាំងស្វាយ ឃុំលាងដៃ ស្រុកអង្គរធំ បើបរម៉ូតូម៉ាកហុងដាឌ្រីមស៑េរីឆ្នាំ២០២០ ពណ៌ខ្មៅ ផ្លាកលេខ  សៀមរាប 1AI 4770 លេខតួ លេខម៉ាសុីន ME-5707217 បើកបរម្នាក់ឯងក្នុងទិសដៅ ពីជើងទៅត្បូង មានស្ថានភាពស្រវឹង ក្នុងល្បឿនលឿន ដល់កន្លែងកើតហេតុចំណុចផ្លូវកោងជាប់គល់ស្ពានអន្លុង បានរេចង្កូតទៅឆ្វេងបណ្តាលអោយបុកបង្គោល ប្រាប់ទិសចរាចរណ៍ បាក់អស់២ បង្គោល ហើយជ្រុលទៅបុកក្បាលបង្កាន់ដៃស្ពានបណ្តាលអោយបែកលលាដ៏ក្បាលស្លាប់ភ្លាមៗ ហើយម៉ូតូខ្ទេចផងដែរ។

របាយការណ៍បញ្ជាក់ថា កម្លាំងជំនាញចរាចរណ៍ស្រុក បានចុះសហការ ជាមួយកម្លាំងប៉ុស្ដិ៍លាងដៃ ចុះត្រួតពិនិត្យកន្លែងកើតហេតុ ដោយសហការជាមួយជាសមាជិក ក្រុមប្រឹក្សាឃុំលាងដៃ មេភូមិត្រពាំងស្វាយ បានធ្វើកំណត់ហេតុ ប្រគល់សាកសពអោយទៅប្រពន្ធនិងក្រុមគ្រួសារយកទៅធ្វើបុណ្យតាមប្រពៃណី៕ដោយនាគខៀវ

លោកគ្រូពេទ្យម្នាក់បានទទួលមរណភាពក្នុងហេតុការណ៍គ្រោះថ្នាក់ចរាចរណ៍ រវាងម៉ូតូបុក និងម៉ូតូក្នុងទិសដៅស្របទិសគ្នា។

ហេតុការណ៍បានកើតឡើង វេលាម៉ោង១៨​ និង​៣០នាទី ថ្ងៃទី០១ ខែសីហា ឆ្នាំ២០២៣ នៅចំណុចមុខយានដ្ឋានជួសជុលរថយន្ត (ជាងសុី) ស្ថិតនៅភូមិភារកិច្ច សង្កាត់ប៉ាលហាល ក្រុងព្រះវិហារ ខេត្តព្រះវិហារ​។

សមត្ថកិច្ចបានឲ្យដឹងថា គ្រោះថ្នាក់ចរាចរណ៍​ អ្នករងគ្រោះ ទី១ ឈ្មោះ​ មាស ពិសី ភេទប្រុស អាយុ ៣៥ឆ្នាំ មុខរបរគ្រូពេទ្យ ទីលំនៅបច្ចុប្បន្ននៅភូមិ ចំការស្រម៉ូវ សង្កាត់ប៉ាលហាល ក្រុងព្រះវិហារ ខេត្តព្រះវិហារ បើកបរម៉ូតូម៉ាកស្កុបពី ពណ៌ស,ពាក់ ផ្លាកលេខ ព្រះវិហារ 1D-7141 ( រងរបួសក្បាលធ្ងន់)
ត្រូវបានបញ្ជូនមកសង្រ្គោះនៅមន្ទីរពេទ្យបង្អែក១៦មករា និងបានបញ្ជូនបន្តទៅព្យាបាលនៅមន្ទីរពេទ្យរាជធានីភ្នំពេញ និងបានស្លាប់បាត់បង់ជីវិត ទិសដៅពីជើង ទៅត្បូងបើកបរពីខាងក្រោយ។

ចំណែកទី២ ២ឈ្មោះ ឈឹម សាវង្ស ភេទប្រុស អាយុ ៦០ឆ្នាំ មុខរបរកសិករ ទីលំនៅភូមិភារកិច្ច​ សង្កាត់ប៉ាលហាល ក្រុងព្រះវិហារ ខេត្តព្រះវិហារ​ (រង របួសស្រាល ត្រូវបានបញ្ជូនមកសង្រ្គោះនៅមន្ទីរពេទ្យ១៦មករា)។ បើកបរម៉ូតូម៉ាក សង់កូរ៉េពណ៌ក្រហម ស្លាកលេខ ព្រះវិហារ1A-4128 (ទិសដៅ ពីជើងមកត្បូង ហើយបត់ធ្វេងមកទិសខាងកើត)។

សមត្ថកិច្ចបានបន្តថា វត្ថុតាងម៉ូតូទាំង២គ្រឿង ត្រូវបានយកមករក្សាទុកនៅអធិការដ្ឋាននគរបាលក្រុងព្រះវិហារ ដើម្បីធ្វើការស្រាវជ្រាវកសាងសំណុំរឿងតាមនីតិវិធី៕ដោយនាគខៀវ