ភ្នំពេញ៖សេចក្ដីរាយការណ៍បឋម
បានឲ្យដឹងថានៅថ្ងៃទី២៧ ខែមេសា ឆ្នាំ២០២០ គយចល័ត សហការជាមួយអាវុធហត្ថអង្គភាពសន្តិសុខបានចុះឃាត់រថយន្តអត់ពន្ធបានចំនួន៤គ្រឿងរួមមាន៖
១/- នៅវេលាម៉ោង១០:៥៥ព្រឹក ឃាត់រថយន្ត១គ្រឿងម៉ាក Ford RAPTOR ឆ្នាំ២០១៩ ស្លាកលេខ ព្រះវិហារ 2B-9569 នៅសង្កាត់អូរឬស្សី២ ខណ្ឌ៧មករា រាជធានីភ្នំពេញ ។
២/- នៅវេលាម៉ោង១១:៣០ព្រឹក ឃាត់រថយន្ត១គ្រឿងម៉ាក Toyota VARIS ឆ្នាំ២០១៨ ស្លាកលេខ ចង្កូតស្តាំ BB-0136 នៅសង្កាត់ផ្សារដេប៉ូ២ ខណ្ឌទួលគោក រាជធានីភ្នំពេញ ។
៣/- នៅវេលាម៉ោង១២:៤៥ថ្ងៃត្រង់ ឃាត់រថយន្ត១គ្រឿងម៉ាក Toyota Prius ឆ្នាំ២០១២ ស្លាកលេខ ខេមរភូមិន្ទ2-4114 នៅចំណុចសង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។
៤/- នៅវេលាម៉ោង១:៣០រសៀល ឃាត់រថយន្តម៉ាក Toyota SIENNA ឆ្នាំ២០១៦ ស្លាកលេខ នគរបាល 2-5751 នៅចំណុចសង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។ ក្រោយចាប់បាន នាំរថយន្តខាងលើ ទៅរក្សាទុកនៅឃ្លាំងគយចល័ត ម្តុំទំនប់កប់ស្រូវ ដើម្បីរង់ចាំដោះស្រាយតាមច្បាប់៕SRP

ខេត្តបាត់ដំបង៖សមត្ថកិច្ចបានចាប់ឃាត់ខ្លួនឈ្មោះ វិន តឿ ហៅ យាយតឿ ,យាយសក់ស ភេទស្រី អាយុ៧៤ឆ្នាំ មានទីលំនៅក្រុមទី៣០ភូមិ
កំពង់ក្របី សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។
ការឃាត់ខ្លួនធ្វើឡើងនៅថ្ងៃ២៧ខែមេសា ឆ្នាំ២០២០ វេលាម៉ោង១៥នឹង៣០នាទី នៅចំណុចក្រុមទី៣០ ភូមិកំពង់ក្របី សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ដោយកម្លាំងផ្នែកប្រឆាំងគ្រឿងញៀន សហការជាមួយ អន្តរាគមន៍ នៃអធិការដ្ឋាននគរបាលក្រុងបាត់ដំបង។
សមត្ថកិច្ចដកហូតវត្ថុតាងរួមមាន៖
ថ្នាំញៀនប្រភេទមេតំហ្វេតាមីន (ម៉ាទឹកកក |០៩) ចំនួន ០៤ថង់ ទម្ងន់ ១៦,៥៨ក្រាម (ទាំងសំបក)
ប្រអប់ជ័រសំរាប់ដាក់ថ្នាំញៀនចំនួន០១ និងថង់សម្រាប់រំលែកច្រកថ្នាំញៀនលក់មួយចំនួន។
ជនសង្ស័យនិងវត្ថុតាង សមត្ថកិច្ចរៀបចំសំណុំរឿងបញ្ជូនទៅតុលាការដើម្បីចាត់ការបន្តរតាមនិតិវិធីច្បាប់៕SRP

ខេត្តសៀមរាប៖អង្គការ IOM (International Organization for Migration) ប្រចាំខេត្តសៀមរាប បាននាំយកនូវខោអាវការពារមេរោគ ចំនួន៥០០, វែនតាពេទ្យការពារមេរោគចំនួន១៥, ម៉ាសN95 ចំនួន ២៦០ប្រអប់ នឹងសម្ភារៈបរិក្ខាពេទ្យ មួយចំនួនទៀត ផ្តល់ជូនដល់រដ្ឋបាលខេត្តសៀមរាប។
ការប្រគល់នេះក្រោមវត្តមានលោក ពិន ប្រាកដ អភិបាលរងខេត្ត តំណាងលោក ទៀ សីហា អភិបាលខេត្តសៀមរាប ធ្វើនៅថ្ងៃទី២៧ខែមេសា ឆ្នាំ២០២០។
លោក ផល ឧត្តមសម្បត្តិ ដែរជាអ្នកសម្របសម្រួលរបស់អង្គការ IOM បានបញ្ជាក់ថា ក្នុងការឧបត្ថម្ភនេះគឺមានគោលបំណងដើម្បី ចូលរួមជាមួយរាជរដ្ឋាភិបាលកម្ពុជា ក៏ដូចរដ្ឋបាលខេត្តសៀមរាប ក្នុងយុទ្ធនាការបង្ការ និងទប់ស្កាត់ការរីករាតត្បាតនៃជម្ងឺកូវីដ១៩។
ឆ្លៀតក្នុងឱកាសនោះដែរលោក ពិន ប្រាកដ ក្នុងនាមអាជ្ញាធរខេត្ត បានធ្វើការថ្លែងអំណរគុណយ៉ាងជ្រាលជ្រៅចំពោះទឹកចិត្តដ៏សប្បុរស របស់អង្គការ IOM (International Organization for Migration) ក៏ដូចជាបណ្តាសប្បុរសជននានា ក្នុងពេលកន្លងមក ដែលបានបរិច្ចាគនូវសម្ភារៈបរិក្ខាមួយចំនួន ចូលរួមជាមួយរាជរដ្ឋាភិបាល ក៏ដូចអាជ្ញាធរខេត្ត ក្នុងការប្រយុទ្ធប្រឆាំងនឹងជម្ងឺឆ្លង កូវីដ១៩នៅកម្ពុជា ។
លោកអភិបាលរងបានបន្តទៀតថា កាយវិការដ៏សប្បុរសធម៌នេះ គឺជាចំណែកមួយក្នុងការពង្រឹងស្មារតីប្រយុទ្ធប្រឆាំងនិងជម្ងឺកូវីដ១៩ នៅកម្ពុជា ហើយកន្លងមកនេះក៏មានបណ្តាក្រុមហ៊ុន បងប្អូនសប្បុរសជនទាំងក្នុង និង ក្រៅប្រទេស បានផ្តល់ជាសម្ភារៈបរិក្ខាពេទ្យ គ្រឿងឧបភោគបរិភោគ ដល់រដ្ឋបាលខេត្តសៀមរាប ដើមី្បយកទៅបម្រើការងារយុទ្ធនាការប្រយុទ្ធ ប្រឆាំងនឹងជម្ងឺកូវិដ១៩ នៅគ្រប់បណ្តាក្រុង ស្រុកទាំង១២របស់ខេត្តសៀមរាប។
ដោយអំណោយទាំងនេះរដ្ឋបាលខេត្ត និងធ្វើការបែងចែកជូនដល់គណៈកម្មការ អនុគណៈកម្មការប្រយុទ្ធប្រឆាំងជម្ងឺកូវីដ១៩ខេត្ត ក្រុង ស្រុក ដើម្បីបំពេញប្រតិបត្តិការរបស់ខ្លួន ក្នុងការប្រយុទ្ធប្រឆាំងនិងជម្ងឺឆ្លងកូវិដ១៩នេះ៕SRP

ខេត្តសៀមរាប៖មន្ត្រីមូលដ្ឋានបានឲ្យដឹងថាផ្ទះប្រជាពលរដ្ឋមួយខ្នងបានរងការឆាបឆេះទាំងស្រុង។ហេតុការណ៍បានកើតឡើងនៅម៉ោង០៩យប់ថ្ងៃទី២៧ខែមេសាឆ្នាំ២០២០ នៅភូមិទំនាបស្វាយ ឃុំប្រាសាទ ស្រុកវ៉ារិន ខេត្តសៀមរាប។ ម្ចាស់ផ្ទះឈ្មោះតួ ទឿនភេទ ប្រុស អាយុ៥០ រស់នៅកន្លែងកើតហេតុ។

មន្ត្រីបានបន្តថាករណីអគ្គិភ័យនេះបណ្ដាលឲ្យខូចខាតរួមមាន៖ ផ្ទះមួយខ្នងទំហំ៥គុណ៦ម៉ែត្រធ្វើអំពីឈើ ប្រក់ស័ង្គសី

ធុងបាសតូចមួយ

គ្រែឈើមួយ

ទូដាក់ខោអាវមួយ

ចានឌីធីវីមួយ

ទូរទស្សមួយ។ ក្រៅពីនោះរួមមាន ខោ អាវ សម្លៀកបំពាក់ នឹងសៀវភៅគ្រួសាអតសញ្ញណប័ណ្ណ។មូលហេតុផ្ទុះសេឆ្នាំងដាំបាយអគ្គីសនី៕SRP

ខេត្តសៀមរាប៖យុវជនម្នាក់ត្រូវបានគេប្រទះឃើញ ចងក សម្លាប់ខ្លួន បង្កឲ្យមានការភ្ញាក់ផ្អើល។ ហេតុការណ៍បានកើតឡើងនៅវេលាម៉ោង២២និង៤០នាទីថ្ងៃទី២៧ខែមសាឆ្នាំ២០២០នៅចំណុចរោងយាមអាជ្ញាធរអប្សរាព្រៃឧទ្យានអង្គរ ស្ថិតក្នុងភូមិត្រពាំងសេះ សង្កាត់គោកចក ក្រុងសៀមរាប ខេត្តសៀមរាប។ ជនរងគ្រោះបានធ្វើអត្តឃាត( ចងក)និងខ្យែអង្រឹង បណ្តាលអោយស្លាប់។ នេះបើតាមរបាយការណ៍របស់សមត្ថកិច្ចដែលអង្គភាពសៀមរាបប៉ុស្ដិ៍ ទទួលបាននៅព្រឹកនេះ។

បើតាមរបាយការណ៍បានឲ្យដឹងថាជនរងគ្រោះឈ្មោះ ចន្ទ័   មករា ភេទប្រុសអាយុ២៣ឆ្នាំមុខរបរនៅផ្ទះ មានទីលំនៅភូមិតាវៀន សង្កាត់សាលាកំរើក ក្រុងសៀមរាប ខេត្តសៀមរាប។ ឆ្ងងតាមកាពិនិត្យសាកសពរបស់មន្រ្តីជំនាញរបស់សមត្ថកិច្ចជនរងគ្រោះពិតជាស្លាប់ដោយសារចងក ពិតប្រាកដមែន មិនមានពាក់ពន្ទ័និងបទល្មើសផ្សេងឡើយ។ មូលហេតុ  ដោយសាមានជំងឺប្រចាំកាយ។ ក្រោយពិនិតរួចសមត្ថកិច្ចបានប្រគល់សាសពទៅឲ្យក្រុមគ្រួសារយកទៅធ្វើបុណ្យតាមប្រពៃណី៕SRP

ខេត្តសៀមរាប៖មន្ត្រីរដ្ឋបាលខេត្តសៀមរាបអះអាងថា អាជ្ញាធរខេត្ត នៅតែ បន្តដំណើរការ សាងសង់ ផ្លូវចាក់បេតុង និងរៀបចំបណ្ដាញលូ ទៅតាមផែនការ។
មន្ត្រីរដ្ឋបាលបានថ្លែងនៅព្រឹកនេះថា
គិតត្រឹមថ្ងៃទី២៧ ខែមេសា​ ឆ្នាំ២០២០នេះ ផ្លូវ​ភូមិតាវៀន​ និងភូមិជន្លង់ ចាប់ពីផ្លូវ​៧មករា​ (ចំណុចតារាងបាល់ភូមិជន្លង់​) ដល់ផ្លូវក្រោយផ្សារលេី​ ប្រវែង ៧៣០ម៉ែត្រ​ ទទឹង​៧ម៉ែត្រ​ និងដាក់លូរំដោះទឹកអមសងខាងផ្លូវ​ មុខកាត់​ 0.៨ម៉ែត្រ​ កំពុងដំណើរការសាងសង់សម្រេចបានប្រហែល​២០%​ ហើយ។
មន្ត្រីរូបនោះបន្តថាផ្លូវនេះជាផ្លូវមួយខ្សែក្នុងចំណោមគម្រោងក្នុងឆ្នាំ២០១៩ របស់រដ្ឋបាលខេត្ត ដែលផ្លូវនេះមានប្រវែង​ ៧៩០ម៉ែត្រ​ ទទឹង​ ៧ម៉ែត្រ​ និងដាក់លូ​រំដោះ​ទឹកអមសងខាងផ្លូវ​ ចាប់ពីផ្លូវ​ ៧មករា​ (ចំណុចតារាងបាល់ជន្លង់) ដល់ផ្លូវក្រោយផ្សារលេី​ ស្ថិត​នៅ​ភូមិតាវៀន​ និងភូមិជន្លង់ សង្កាត់សាលាកំរេីក ក្រុងសៀមរាប​ ដេីម្បីរៀបចំបណ្ដាញហេដ្ឋារចនាសម្ព័ន្ធ ក្នុងក្រុងសៀមរាប។
ជាមួយគ្នានេះរដ្ឋបាលខេត្តសៀមរាប បានស្នើសូមបងប្អូនសាធារណជនដែលរស់នៅតាមដងផ្លូវនេះ សូមយោគយល់អធ្យាស្រ័យ​ និងចូលរួមសហការទាំងអស់គ្នា។

រដ្ឋបាលខេត្តសង្ឃឹមយ៉ាងមុតមាំថា បងប្អូនប្រជាពលរដ្ឋមានស្មារតីចូលរួម ដើម្បីឲ្យគម្រោងនេះអនុវត្តទៅបានតាមការគ្រោងទុក៕SRP

ខេត្តសៀមរាប៖សេចក្ដីរាយការណ៍បឋមបានឲ្យដឹងថាបុគ្គលិក ក្រុមហ៊ុនអនឡាញអ៊ីនធឺណិតម្នាក់ ឆក់ខ្សែភ្លើង ធ្លាក់ពីលើបង្គោលភ្លើង ផ្កាប់មុខបោកនឹងថ្ម បណ្ដាលឲ្យស្លាប់ភ្លាមៗ។
ហេតុការណ៍បានកើតឡើងនៅថ្ងៃទី27 ខែមេសាឆ្នាំ2020 វេលាម៉ោងវេលាម៉ោងប្រហែល 14និង30នាទី ស្ថិតនៅខាងត្បូងខារ៉ាអូខេហ្វីលីង ក្នុងភូមិសាលាកន្សែង សង្កាត់ស្វាយដង្គំក្រុងសៀមរាប ខេត្តសៀមរាប។
តាមរបាយការណ៍បឋមរបស់សមត្ថកិច្ចបានដឹងថា ករណីនេះជនរងគ្រោះ ត្រូវឆក់ខ្សែភ្លើងធ្លាក់ពីលើបង្គោលភ្លើងផ្កាប់មុខបោកនឹងថ្ម បណ្ដាលឲ្យស្លាប់។ ជនរងគ្រោះឈ្មោះ ឡេង ប៊ុនឡុង ភេទប្រុស អាយុ 31ឆ្នាំ មុខរបរបុគ្គលិកក្រុមហ៊ុនអនឡាញអ៊ីនធឺណិត មានទីលំនៅភូមិទី4 សង្កាត់ចុងឃ្នៀស ក្រុងសៀមរាប ខេត្តសៀមរាប។ ដោយករណីខាងលើនេះ ក្រុមហ៊ុនខាងលើមិនបានរាយការណ៍ ជូនសមត្ថកិច្ចដឹងនោះទេ។ ដោយសមត្ថកិច្ចបានទទួលដំណឹងតាមហ្វេសប៊ុកនៅវេលាម៉ោង18.30នាទី ថ្ងៃខែឆ្នាំដដែល ដោយក្រុមគ្រួសារសាកសពបានដឹកសពទៅតម្គល់ទុកទីមច្ឆាវត្តអាធ្វា ក្នុងសង្កាត់សៀមរាប។
បើតាមរបាយការណ៍របស់សមត្ដកិច្ចដដែលថាមូលហេតុជនរងគ្រោះនិងក្រុមការងារចំនួន2នាក់ទៀត បានធ្វើការតភ្ជាប់ប្រព័ន្ធអ៊ីនធឺណិតនៅកន្លែងកើតហេតុខាងលើក៏បណ្ដាលឱ្យឆក់ខ្សែភ្លើងនឹងធ្លាក់ពីលើបង្គោលភ្លើង បោកផ្កាប់មុខនឹងថ្ម ចំចិញ្ចឹម បណ្ដាលឲ្យស្លាប់តែម្ដង។
បច្ចុប្បន្នសាកសពខាងលើ សមត្ថកិច្ចបានឱ្យក្រុមគ្រួសារតម្កល់ទុកនៅទីមច្ឆាវត្តអាធ្វាបណ្ដោះអាសន្ន រង់ចាំជំនាញខាងខេត្តចុះទៅពិនិត្យពេលព្រឹកស្អែកបន្តទៀត៕SRP

ខេត្តសៀមរាប៖ស្ត្រីម្នាក់ត្រូវបានឃាត់ខ្លួនតាម ដីកាបង្គាប់ឲ្យចាប់ខ្លួនលេខ៖ ២៣៦ ដកបចក/២០ ចុះថ្ងៃទី០៣ ខែមេសា ឆ្នាំ២០២០ ចេញដោយលោក រស់ ផុនចាន់និមល ចៅក្រមស៊ើបសួរនៃសាលាដំបូងខេត្តកណ្តាល។
ការឃាត់ខ្លួនធ្វើឡើងនៅនៅវេលាម៉ោង ១៦ និង ៣០ នាទី ថ្ងៃទី២៧ ខែមេសា ឆ្នាំ២០២០ នៅភូមិស្លក្រាម សង្កាត់ស្លក្រាម ក្រុងសៀមរាប ខេត្តសៀមរាបដោយការិយាល័យបទល្មើសព្រហ្មទណ្ឌ កងរាជអាវុធហត្ថខេត្តសៀមរាប សហការណ៍ជាមួយ ការិយាល័យបទល្មើសព្រហ្មទណ្ឌ នៃបញ្ជាការដ្ឋានកងរាជអាវុធហត្ថខេត្តកណ្តាល ដោយមានការសម្របសម្រួលដោយលោក កើត វណ្ណារ៉េត ព្រះរាជអាជ្ញាអមសាលាដំបូងខេត្តសៀមរាប។
ជនត្រូវចោទឈ្មោះ ណុប រតន៍ ហៅ ម៉ែអាឆាងភេទស្រី អាយុ ៤១ឆ្នាំ មុខរបរ មេផ្ទះ ទីលំនៅបច្ចុប្បន្ន ភូមិស្លក្រាម សង្កាត់ស្លក្រាម ក្រុងសៀមរាប ខេត្តសៀមរាប។
បច្ចុប្បន្ន កម្លាំងជំនាញបានប្រគល់ជនត្រូវចោទខាងលើ ឲ្យទៅជំនាញកងរាជអាវុធហត្ថខេត្តកណ្តាល ដើម្បីអនុវត្តតាមនីតិវិធី។

សូមជំរាបថាស្ត្រីរូបនេះជាប់ចោទ ពីបទឆបោក ប្រព្រឹត្តនៅភូមិការខ្មៅ សង្កាត់តាខ្មៅ ក្រុងតាខ្មៅ ខេត្តកណ្ដាល កាលពីថ្ងៃទី១០ខែមីនាឆ្នាំ២០១៥៕SRP

ខេត្តសៀមរាប៖អេតចាយមួយចំនួនធំបានរងការឆាបឆេះនៅលើរថយន្ត។
ហេតុការណ៍បានកើតឡើងថ្ងៃទី២៧ ខែមេសា ឆ្នាំ២០២០វេលាម៉ោ១៤ និង ៤៥នាទី ត្រង់
ចំណុចទល់មុខផ្ទះឈ្មោះ ហូយ
ស្ថិតនៅក្នុងភូមិថ្នល់តាសិត ឃុំ
គោកធ្លកក្រោម ស្រុកជីក្រែង
ខេត្តសៀមរាបលើផ្លូវជាតិលេខ៦។
លោកវរសេនីយ៍ឯក សុខ សុទ្ធាវុធ អធិការនគរបាលស្រុកជីក្រែង បានឲ្យដឹងថាករណីនេះ បានឆេះទំនិញលើរថយន្តពាក់ស្លាកលេខ ៣A
– ១៩៦៦ អ្នកបើកបរឈ្មោះ លាន សុខអ៊ូ ភេទប្រុស អាយុ២៤ឆ្នាំ ទីលំនៅភូមិស្ទឹងសែនសង្កាត់កំពង់ក្របៅ ក្រុងស្ទឹងសែន ខេត្តកំពង់ធំ (ម្ចាស់កម្មសិទ្ធិ )ឈ្មោះ ប៉ុល គឹមអេងភេទស្រី អាយុ៣១ឆ្នាំ ទីលំនៅភូមិស្ទឹងសែន សង្កាត់កំពង់ ក្របៅ ក្រុងស្ទឹងសែន ខេត្តកំពង់ធំ។មានទិសដៅ ពីទិសខាងលិចទៅទិសខាងកើត។
លោកអធិការបន្តថាបានប្រើប្រាស់រថយន្តពន្លត់អគ្គិភ័យ អធិការដ្ឋាន នគរបាលស្រុកជីក្រែង អស់ទឹក៤សុីទែន ។ទីតាំងកើតហេតុមានចំងាយពីអធិការទៅកន្លែងកើតហេតុ៧គីឡូ
ម៉ែត្រ។
លោកបន្តថាចំពោះហេតុការណ៍នេះ
បណ្ដាលឲ្យខូចខាត អេតចាយមួយចំនួនធំមាន៖១, ដបទឹកសុទ្ធ ២, កំប៉ុងស្រាបៀ ៣, កេះក្រដាស។មូលហេតុឆេះកន្ទុយបារីកម្មករ បោះចោល។
ទោះយ៉ាងណាចំពោះហេតុការណ៍នេះលោកអធិការបញ្ជាក់ថាមិនមានមនុស្សណាម្នាក់រងរបួសនោះទេ៕SRP

ខេត្តកំពង់ចាម ៖ លោក អ៊ុម វិបុល ប្រធាន មន្ទីរ ធនធានទឹក និង ឧតុនិយម ខេត្តកំពង់ចាម តំណាងលោកអ៊ុន ចាន់ដា អភិបាលខេត្ត និងជាប្រធាន គណៈកម្មាធិការ សាខាកាកបាទក្រហមកម្ពុជា ខេត្តកំពង់ចាម នៅនៅព្រឹកព្រឹកមិញបាននាំយកសម្ភារ:មួយចំនួនទៅប្រគល់ជូន សមាជិកអនុសាខាកាកបាទក្រហមកម្ពុជា និង នៅតាម មណ្ឌលសុខភាព នានា ទូទាំង ស្រុក កងមាស ដើម្បី បន្ត ក្នុង យុទ្ធនាការ ផ្សព្វផ្សាយ អំពី វិធានការ បង្ការ ទប់ស្កាត់ ការ ឆ្លង រីករាល ដាល នៃ ជំងឺ កូវីដ ១៩ ។

លោក អ៊ុម វិបុល ប្រធាន មន្ទីរ ធនធានទឹក និង ជា សមាជិក គណៈកម្មាធិការ សាខា កាកបាទក្រហម កម្ពុជា ខេត្ត កំពង់ចាម បាន ឲ្យដឹងថា សម្ភារៈ ដែល ត្រូវ ប្រគល់ ជូន សមាជិកអនុសាខាកាកបាទក្រហម ស្រុកកងមាស និង តាមមណ្ឌលសុខភាពនានា ទូទាំងស្រុកកងមាស ក្នុង ឱកាស នោះ រួមមាន ម៉ាស១,៩០០ សាប៊ូ៣០ដុំ ប័ណ្ណប្រកាសព័ត៌មាន១៩០សន្លឹក ខិតប័ណ្ណផ្សព្វផ្សាយព័ត៌មាន៩០ផ្ទាំង និងផ្ទាំងផ្សព្វផ្សាយខ្នាតធំ០២ផ្ទាំង ផងដែរ ។

ឆ្លៀត ក្នុង ឱកាសនោះ ដែរ លោក អ៊ុម វិបុល ក៏បាន ដឹកនាំ ក្រុម ការងារ ចុះធ្វើ ការ ផ្សព្វផ្សាយ ក្រេីន រំលឹក ដល់ បងប្អូន ប្រជាពលរដ្ឋ អំពីវិធានការបង្ការ និងទប់ស្កាត់ការ ឆ្លង រីករាលដាលនៃ ជំងឺ កូវីដ១៩ ដេីម្បី កុំ ឲ្យមានការឆ្លងចូល ដល់ សហគមន៍ ដោយត្រូវមានការចូលរួមធ្វើអនាម័យ ទាំង អស់ គ្នា គឺ ត្រូវ លាងដៃនឹងសាប៊ូ ឬអាល់កុល ឲ្យ បានញឹកញាប់ ត្រូវពាក់ម៉ាស ឬប្រើប្រាស់ ក្រម៉ាជាប្រចាំ ស្រប ទៅ តាម ការ ណែនាំ របស់ ក្រសួង សុខាភិបាល ផងដែរ ៕SRP

ខេត្តកំពង់ចាម៖លោកអ៊ុន ចាន់ដា អភិបាលខេត្ត និង លោកខ្លូត ផន ប្រធាន ក្រុមប្រឹក្សាខេត្ត ដោយ មាន ការអញ្ជើញ ចូលរួមពីលោកអភិបាលរងខេត្ត លោកប្រធានមន្ទីរធម្មការនិងសាសនា និងលោកប្រធានមន្ទីរសុខាភិបាលខេត្ត នាព្រឹកថ្ងៃទី២៧ ខែមេសាឆ្នាំ២០២០នេះ បានអញ្ជើញចូលរួមប្រជុំតាមរយ:ប្រព័ន្ធវីឌីអូ Conference ជាមួយនិងសមាគម សាសនាចក្រនៃព្រះយេស៊ូគ្រីស្ទនៃពួកបរិសុទ្ធថ្ងៃចុងក្រោយ ដែលមានស្នាក់ការកណ្តាលនៅសហរដ្ឋអាមេរិក, ស្នាក់ការតំបន់ នៅទីក្រុងហុងកុង និងសមាគមន៍សាសនាចក្រនៃព្រះយេស៊ូគ្រីស្ទនៃពួកបរិសុទ្ធថ្ងៃចុងក្រោយ ប្រចាំនៅកម្ពុជា ដើម្បីពិនិត្យមើលអំពីវឌ្ឍនៈភាព នៃការចូលរួមអភិវឌ្ឍវិស័យសុខាភិបាល នៅក្នុងខេត្តកំពង់ចាម និងលើកទិសដៅសម្រាប់ការអនុវន្តបន្តផងដែរ ។

គួររំលឹកផងដែរថាកន្លងមក ថ្នាក់ដឹកនាំសមាគម និកាយ សាសនាចក្រ នៃព្រះយេស៊ូគ្រិស្ត នៃពួក បរិសុទ្ធ ថ្ងៃចុងក្រោយបានជួយឧបត្ថម្ភ ជាសម្ភារៈ បរិក្ខារពេទ្យ ដេីម្បីជួយសង្គ្រោះដល់អាយុជីវិត ប្រជាពលរដ្ឋ យើងព្រមទាំង បានជួយបណ្ដុះបណ្ដាលវិជ្ជាជីវៈ ដល់មន្ត្រីសុខាភិបាល នៅតាម មណ្ឌលសុខភាព និងមន្ទីរពេទ្យបង្អែកមួយចំនួន ផងដែរ។ ជាមួយគ្នានោះអាជ្ញាធរខេត្តកំពង់ចាម ក៏បាន ធ្វើការថ្លែងអំណរគុណ និងកោតសរសើរ ចំពោះសមាគមនិកាយសាសនាចក្រនៃ ព្រះ យេស៊ូគ្រិស្តនៃពួកបរិសុទ្ធថ្ងៃ ចុងក្រោយដែល តែង តែ ចូលរួមក្នុងការជួយអភិវឌ្ឍន៍ លេីវិស័យ សុខាភិបាល ក៏ដូចជាវិស័យផ្សេងៗទៀត ព្រមទាំងបានជួយទំនុកបម្រុង ដល់ប្រជាពលរដ្ឋក្រីក្រ នាពេលកន្លងមកផងដែរ៕SRP

ខេត្តសៀមរាប៖មន្ត្រីអភិរក្សអង្គរម្នាក់ និងស្វាមី ត្រូវបានដើមឈើ រលំសង្កត់ ខណ:កំពុងជិះម៉ូតូតាមផ្លូវ បណ្តាលឲ្យរងរបួស។ ហេតុការណ៍នេះបានកើតឡើងនៅថ្ងៃទី ២៦ខែមេសាម្សិលមិញ ត្រង់ចំណុចផ្លូវមាត់ស្ទឹងសៀមរាប ខាងជើងផ្សារពោធិលង្កា ស្ថិតនៅក្នុងភូមិមណ្ឌល៣ សង្កាត់ស្លក្រាម ក្រុងសៀមរាប។  សមត្ថកិច្ចក្រុងសៀមរាបបានឲ្យដឹងថា ជនរងគ្រោះ ពីរនាក់ប្ដីប្រពន្ធ បានជិះម៉ូតូពីផ្ទះទៅផ្សារពោធិ៍លង្កា មកដល់ចំណុចខាងលើស្រាប់តែ ដើមក្ងោក ពុកគល់ដួលរលំសង្កត់ពីលើតែម្ដង។

ជនរងគ្រោះទាំងពីរមានឈ្មោះ០១.ឈ្មោះ មូ ពីរូ ភេទប្រុសអាយុ ៥៦ ឆ្នាំ មុខរបរបើកបរ ទីលំនៅបច្ចុប្បន្ន ភូមិទ្រាំង សង្កាត់ស្លក្រាម ក្រុងសៀមរាប ខេត្តសៀមរាប របួសធ្ងន់ក្បាលនិងស្មា។ ២.ប្រពន្ធ ឈ្មោះ ពាញ ផល្គុន ភេទស្រី អាយុ ៥៤ឆ្នាំមុខរបរ មន្ត្រីអភិរក្សអង្គរ របួសត្រូវចំដើមទ្រូងនិង ខូចខាតម៉ូតូមួយគ្រឿងម៉ាក់ zoomer x ស៊េរីឆ្នាំ២០១៨ ពណ៌ក្រហមលាយខ្មៅមិនចាំស្លាកលេខ បាក់កែបនិងតួចំពាក់កណ្ដាល។

បើតាមសមត្ថកិច្ចថាក្រោយកើតហេតុ សមត្ថកិច្ចបានចុះពិនិត្យ និងបញ្ជូនជនរងគ្រោះទៅសម្រាកព្យាបាលនៅមន្ទីរពេទ្យ ស៊ឹង រិទ្ធីរេត។ ចំណែកម៉ូតូ កូនរបស់ជនរងគ្រោះបានយកទៅរក្សាទុកនៅផ្ទះ។ សូមរម្លឹកផងដែរថា កន្លងទៅ ក៏មានការបាក់ដើមឈើ លំសង្កត់មនុស្សផងដែរ នៅមាត់ស្ទឹងសៀមរាបនេះ៕SRP