ខេត្តសៀមរាប៖លោក គុជ លីណា អនុប្រធានគណៈកម្មាធិការសាខាកាកបាទក្រហមកម្ពុជាខេត្តសៀមរាប តំណាងលោក ទៀ សីហា ប្រធានគណៈកម្មាធិការសាខា នៅព្រឹកមិញ បាននាំយកអំណោយមនុស្សធម៌ជូនប្រជាពលរដ្ឋនៅស្រុកជីក្រែងចំនួន៦៣គ្រួសារ ដែលលំនៅដ្ឋានពួកគាត់បានទទួលរងគ្រោះដោយខ្យល់កន្ត្រាក់ ក្នុងនោះនៅឃុំល្វែងឫស្សី រលំផ្ទះចំនួន២ខ្នង និងរបើកដំបូលផ្ទះចំនួន៥៥ខ្នងនិងឃុំស្ពានត្នោត របើកដំបូលផ្ទះចំនួន៦ខ្នង ដែលគ្រួសាររលំផ្ទះ ក្នុងមួយគ្រួសារទទួលបានមុង១ , ភួយ១ , សារុង១ , ក្រមា១ , កន្ទេល១ , អាវយឺត២ , ស័ង្កសី១៦សន្លឹក , មី១កេស , ត្រីខ១យួរ , អង្ករ៣០គីឡូក្រាម និងថវិកា២សែនរៀល និង គ្រួសាររបើកដំបូលផ្ទះក្នុងមួយគ្រួសារទទួលបានមុង១ , ភួយ១ , សារុង១ , ក្រមា១ , កន្ទេល១ , អាវយឺត២ , ស័ង្កសី ១០សន្លឹក , មី១កេស , ត្រីខ១យួរ , អង្ករ៣០គីឡូក្រាម និងថវិកា១សែនរៀល។
នៅក្នុងឱកាសនោះដែរ លោកអនុប្រធានគណៈកម្មាធិការសាខា បានប្រគេនទេយ្យវត្ថុមួយចំនួនដល់វត្តចំនួន២ផងដែរ នៅក្នុងស្រុកជីក្រែងនេះ មានវត្តតាអុង និងវត្តឃ្លាំងបេង ដែលក្នុងមួយវត្តប្រគេន អង្ករ៦០គីឡូក្រាម , មី២កេស ត្រីខ២យួរ , ទឹកត្រី១យួរ , ទឹកស៊ីអ៊ីវ១យួរ , ម៉ាស់២ប្រអប់ និងបច្ច័យមួយចំនួន៕SRP

ខេត្តសៀមរាប៖លោក ទៀ សីហា អភិបាលខេត្តសៀមរាប នៅព្រឹកមិញបានចុះត្រួតពិនិត្យកម្លាំងចម្រុះ
ដែលកំពុងឈរជើងនៅព្រំប្រទល់ខេត្តសៀមរាបនិងខេត្តឧត្ដរមានជ័យ ក្នុងភូមិសាស្រ្តស្រុកស្រីស្នំ។
លោកទៀ សីហា អភិបាល​ខេត្តសៀមរាប បានសម្ដែងនូវការកោតសរសើរចំពោះកងកម្លាំងចម្រុះដែលកំពុងប្រចាំការនៅគោលដៅនេះ ដែលបានយកអស់កម្លាំងកាយចិត្តបំពេញភារកិច្ច តាមតួនាទីរបស់ខ្លួនដោយស្មារតីទទួលខុសត្រូវខ្ពស់ ជាពិសេសការអនុវត្តនូវបទបញ្ជាលេខ០២ របស់រាជរដ្ឋភិបាលកម្ពុជា បានយ៉ាងខ្ជាប់ខ្ជួន ប្រកបដោយប្រសិទ្ធ​ភាព សំដៅរួមចំណែកក្នុងការទប់ស្កាត់ការឆ្លងរាលដាលជំងឺកូវីដ១៩ ខណៈដែលបច្ចុប្បន្ននេះ កំពុងកើតមានឡើងនៅលើសកលលោក បណ្ដាលឲ្យស្លាប់មនុស្សរាប់ម៉ឺននាក់ ។
អភិបាលខេត្តជួបសំណេះសំណាលជាមួយប្រជាពលរដ្ឋដែលទើបត្រឡប់
មកពីប្រទេសថៃ នៅស្រុកស្រីស្នំ ចំនួន១៧នាក់ ដែលកំពុងស្នាក់នៅដាច់ដោយឡែកក្នុងរយៈពេល១៤ថ្ងៃនៅសាលាអនុវិទ្យាល័យប្រីយ៍ ក្នុងឃុំប្រីយ៍ព្រមទាំងចែកអំណោយផងដែរ។
លោកទៀ សីហា បានផ្ដាំផ្ញើដល់បងប្អូនទាំងអស់ សូមស្ដាប់តាមការណែនាំរបស់មន្ត្រីសុខាភិបាល ព្រោះថាប្រសិនបើយើងគ្មានជំងឺ ក្រុមគ្រួសារយើង និង សហគមន៍យើង ក៏មិនមានជំងឺដែរ ដូច្នេះស្ថិតក្នុងដំណាក់កាលនៃសកលលោកកំពុងកើតមានជំងឺកូវីដ​១៩​នេះ សូមបងប្អូនទាំងអស់ត្រូវចេះអំពីវិធីការពារការឆ្លងជំងឺកូវីដ១៩ ដូចជា ៖ លាងដៃឱ្យបានញឹកញាប់ជាមួយសាប៊ូ នឹងទឹកស្អាត ឬទឹក​អាល់កុលលាងដៃ , ខ្ទប់មាត់ និងច្រមុះ នៅពេលក្អក ឬកណ្ដាស់ ដោយកន្សែង ក្រមា ក្រដាស ឬដោយកែងដៃ , ចៀសវាងប៉ះពាល់ជិតស្និទ្ធជាមួយអ្នកដែលមានគ្រុនក្ដៅ និងក្អក ឬផ្ដាសាយ , ចៀស​វាង​ប៉ះពាល់ភ្នែក ច្រមុះ ឬមាត់ , ត្រូវចម្អិនសាច់ ឬស៊ុតឱ្យបានឆ្អិនល្អ និង ចៀសវាងប៉ះពាល់ជាមួយសត្វព្រៃរស់ ឬកន្លែងចិញ្ចឹមសត្វ ដោយគ្មានពាក់សម្ភារការពារខ្លួន។
សូមបញ្ជាក់ដែរថា លោក ទៀ សីហា ក៏បានជូនថវិកាមួយចំនួនដល់កងកម្លាំងចម្រុះ និងគ្រឿងឧបភោគបរិភោគ
ដល់មេភូមិ អនុភូមិ និង សមាជិកភូមិទាំងអស់ក្នុងស្រុកស្រីស្នំ សម្រាប់ដោះស្រាយជីវភាពប្រចាំថ្ងៃ ផងដែរ៕SRP

ខេត្តកំពង់ចាម​៖ប្រជាពលរដ្ឋ ចំនួន​០៥​គ្រួសារ​នៅភូមិព្រែកស្ដី ឃុំព្រះអណ្ដូង ស្រុកស្ទឹងត្រង់ ដែលបានមានការព្រួយបារម្ភ បាក់ស្រុតដី បន្ទាប់​ពី​មាន​ភ្លៀង​ធ្លាក់​មួយ​មេ​យ៉ាង​ធំ​ កាល​ពី​ថ្ងៃ​ទី​១៣​ ម្សិលមិញបានទទួលអំណោយសង្គ្រោះបន្ទាន់ ពីលោក​​អ៊ុន​ ចាន់ដា​ អភិបាលខេត្តកំពង់ចាម នៅព្រឹកមិញនេះ។

លោកអ៊ុនចាន់ដា អភិបាលខេត្ត​កំពង់ចាម​ បាន​ថ្លែង​ថាការប្រេះដីខាងក្រោយផ្ទះ​បងប្អូន​ប្រជាពលរដ្ឋ និងជិតមាត់ច្រាំងទន្លេនេះ​ គឺមិន​បង្ក​ឲ្យ​ប៉ះពាល់​ដល់ផ្ទះប្រជាពលរដ្ឋទេ។

ដោយ​ការប្រេះដីនេះ គឺបណ្តាលមកពីភ្លៀងធ្លាក់មួយមេធំ បានធ្វើឲ្យស្រទាប់ដីផ្នែកខាងក្រោម នៃតំបន់នោះរងការហួតហែងយូរខែហើយបានប្រទះទឹកភ្លៀង ច្រើនដល់ថ្នាក់ដក់ទឹក និងប្រេះបែបនេះ។​
លោក​អភិបាលខេត្ត​ ក៏បានអំពាវនាវដល់ប្រជាពលរដ្ឋនៅតំបន់នោះ កុំ​ឲ្យ​មានការភ័យខ្លាច គឺមិនមែនជាការប្រេះស្រាំ ដោយសារការបាក់ស្រុតច្រាំងទន្លេ ដូចលើកមុនទៀតទេ ដោយ​មន្ត្រីជំនាញធនធានទឹក បានធ្វើការ ពិនិត្យពិច័យ ច្រាំងទន្លេតំបន់នោះបានត្រឹមត្រូវហើយ។ ម្យ៉ាងទៀតមុនធ្វើ ការរុះរើផ្ទះសម្បែង សូមបងប្អូន ធ្វើការពិគ្រោះយោបល់ ជាមួយអាជ្ញាធរមូលដ្ឋានជាមុនសិន ចៀសវាងការរុះរើទៅ នាំឲ្យបងប្អូន ខាតបង់ថវិកា និងពេលវេលា​ដូច​នៅ​ពេល​នេះផងដែរ​។
គួរ​បញ្ជាក់​ផង​ដែរថា​ អំណោយ​ដែល​បាន​ផ្តល់​ជូន​បងប្អូនប្រជាពលរដ្ឋ​ នា​ឱកាស​នោះ​ ក្នុង​០១គ្រួសារ​ ទទួល​បាន​ថវិកា​៥០ម៉ឺន​រៀល​ អង្ករ​៥០គីឡូក្រាម​ មី​០២កេះ​ ត្រីខ​០២​យួរ​ ​ទឹក​ស៊ីអ៊ីវ០​២យួរ​ និង​តង់០​១​៕SRP

ភ្នំពេញ៖សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា
នៅព្រឹកថ្ងៃទី១៤ ខែមេសា ឆ្នាំ២០២០ នេះ និងមេដឹកនាំអាស៊ានដទៃទៀត បានបើកកិច្ចប្រជុំពិសេសស្តីពីបញ្ហាបង្កឡើងដោយជំងឺកូវីដ១៩ ដែលកិច្ចប្រជុំនេះធ្វើឡើងតាមរយៈប្រព័ន្ធវីដេអូពីចម្ងាយ (Video Conference)។ ក្នុងកិច្ចប្រជុំតាមវីដេអូ Conference ថ្នាក់ដឹកនាំអាស៊ានបានលើកឡើងពីបញ្ហាចម្បងៗនៃជំងឺកូវីដ-១៩ ដែលកំពុងជះឥទ្ធិពល និងធ្វើអោយប៉ះពាល់ដល់សេដ្ឋកិច្ចក្នុងតំបន់អាស៊ានយ៉ាងច្រើន។

ខាងក្រោមនេះ គឺជាសុន្ទរកថាសម្ដេចតេជោ ហ៊ុន សែន ថ្លែងក្នុងកិច្ចប្រជុំកំពូលអាស៊ានពិសេសលេីកទី៣៦​ បើកកិច្ចប្រជុំពិសេស ស្តីពីបញ្ហាជំងឺកូវីដ១៩ តាមរយៈ Video Conference៕SRP

ខេត្តសៀមរាប៖លោកជំទាវ ទាង អេង ទៀសីហា អនុប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប នៅព្រឹកមិញនេះបានអញ្ជើញជួបសំណេះសំណាលសួរសុខទុក្ខ និងនាំយកអំណោយមនុស្សធម៌មួយចំនួនជូនដល់ មជ្ឈមណ្ឌលកុមារកំព្រាខេត្ត នៅភូមិជ័យ សង្កាត់ទឹកវិល ក្រុងសៀមរាប។ដែលមានកុមារកំព្រាចំនួន៣៧នាក់ នៅក្នុងមជ្ឈមណ្ឌលនេះ។
លោកជំទាវអនុប្រធាន តំណាងលោកទៀ សីហា ប្រធានគណៈកម្មាធិការសាខា បានពាំនាំនូការផ្ដាំផ្ញើសួរសុខទុក្ខពីសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាលសម្ដេចប្រធានតែងបានគិតគូរខ្ពស់បំផុតដល់បងប្រជាពលរដ្ឋរងគ្រោះ និងងាយរងគ្រោះគ្រប់មជ្ឈដ្ឋាន ដោយមិនប្រកាន់ វណ្ណៈ ជាតិសាសន៍ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ។
ជាក់ស្ដែងនៅក្នុងស្ថានភាព ដែលពិភពលោក រួមទាំងព្រះរាជាណាចក្រកម្ពុជាផង កំពុងប្រឹងប្រែងប្រយុទ្ធប្រឆាំងនឹងជំងឺរលាកសួតប្រភេទថ្មី (COVID-19) សម្ដេចប្រធាន បានណែនាំដល់គណៈកម្មាធិការសាខាទាំង២៥រាជធានី/ខេត្ត សូមយកចិត្តទុកដាក់ពិនិត្យមើលការខ្វះខាតជីវភាពរស់នៅរបស់ប្រជាពលរដ្ឋងាយរងគ្រោះ ដូចជា៖ ជនចាស់ជរាគ្មានទីពឹង ជនមានពិការភាព ស្ត្រីមេម៉ាយមានកូនច្រើន កុមារកំព្រា អ្នកមានជំងឺរ៉ាំរ៉ៃ ជាដើម ដែលបញ្ជាក់ឱ្យឃើញថា ជាការយកចិត្តទុក្ខដាក់គិតគូរខ្ពស់បំផុតរបស់ថ្នាក់ចំពោះប្រជាពលរដ្ឋយើង ដូចដែលលើកឡើងថា “កាកបាទក្រហមកម្ពុជា មានគ្រប់ទីកន្លែង សម្រាប់គ្រប់ៗគ្នា” និង “ទីណាមានទុក្ខលំបាកទីនោះមានកាកបាទក្រហមកម្ពុជា”។

ក្នុងឱកាសនេះដែរលោកជំទាវអនុប្រធាន និងក្រុមប្រតិបត្តិសាខា ក៏បានធ្វើការផ្សព្វផ្សាយ និងចែកខិត្តប័ណ្ណដែលទទួលបានពីទីស្នាក់ការកណ្ដាលកាកបាទក្រហមកម្ពុជា ស្ដីពី “របៀបលាងសម្អាតដៃជាមួយទឹក និងសាប៊ូ ដើម្បីបង្ការ ជំងឺកូវីដ១៩” និង “វិធីកាត់បន្ថយហានិភ័យពីការឆ្លង ជំងឺកូវីដ១៩” ដល់ប្អូនៗកុមារនៅក្នុងអង្គការនេះដែលមានខ្លឹមសារដូចខាងក្រោម ៖
“របៀបលាងសម្អាតដៃជាមួយទឹក និងសាប៊ូ ដើម្បីបង្ការ ជំងឺកូវីដ១៩” ៖
១-ដាក់ទឹកផ្សើមដៃទាំងពីរជាមួយទឹកស្អាត
២-ដាក់សាប៊ូនៅលើបាតដៃ និងខ្នងដៃ ៣-ដុសសម្អាតបាតដៃ ម្រាមដៃ និងមេដៃ ៤-ដុសសម្អាតខ្នងដៃចង្វែកដៃ និងចុងម្រាមដៃ
៥-លាងជម្រះសាប៊ូពីដៃទាំងពីរជាមួយទឹកស្អាត
៦-ជូតដៃនឹងកន្សែង ឬក្រមាស្អាត។
“វិធីកាត់បន្ថយហានិភ័យពីការឆ្លង ជំងឺកូវីដ១៩” ៖ ១- លាងដៃឱ្យបានញឹកញាប់ជាមួយសាប៊ូ នឹងទឹកស្អាត ឬទឹកអាល់កុលលាងដៃ ២- ខ្ទប់មាត់ និងច្រមុះ នៅពេលក្អក ឬកណ្ដាស់ ដោយកន្សែង ក្រមា ក្រដាស ឬដោយកែងដៃ ៣- ចៀសវាងប៉ះពាល់ជិតស្និទ្ធជាមួយអ្នកដែលមានគ្រុនក្ដៅ និងក្អក ឬផ្ដាសាយ ៤- ចៀសវាងប៉ះពាល់ភ្នែក ច្រមុះ ឬមាត់ ៥- ចម្អិនសាច់ ឬស៊ុតឱ្យបានឆ្អិនល្អ ៦- ចៀសវាងប៉ះពាល់ជាមួយសត្វព្រៃរស់ ឬកន្លែងចិញ្ចឹមសត្វ ដោយគ្មានពាក់សម្ភារការពារខ្លួន។

អំណោយមនុស្សធម៌ដែលបានផ្ដល់ជូនមាន៖ សាប៊ូ១កេស (៧២ដុំ) អាល់កុល ៥លីត្រ ម៉ាស់ ៣ប្រអប់ ភួយ៣៧ អាវយឺត៤៥ ក្រមា៤៥ អង្ករ១៥០គីឡូក្រាម មី១២កេសត្រីខ៦យួរ ទឹកស៊ីអ៊ីវ៦យួរ និងថវិកាមួយចំនួនផងដែរ។
ជាមួយគ្នានេះដែរ លោកជំទាវអនុប្រធាគណៈកម្មាធិការសាខា ក៏បានរៀបចំសម្រាប់ប្អូនៗនូវនំភីហ្សា និងការ៉ែមសម្រាប់ប្អូនៗ ញ៉ាំដោយសាមគ្គី និងរីករាយផងដែរ៕SRP

ខេត្តសៀមរាប៖បុរសម្នាក់បានស្លាប់ភ្លាមៗនៅកន្លែង ដោយសារបើកម៉ូតូបុកគោយន្តកន្ត្រៃដឹកអុស។
អធិការដ្ឋាននគរបាលស្រុកបន្ទាយស្រីវរសេនីយ៍ឯកឡុងសំណាង បានឲ្យដឹងថាហេតុការណ៍បានកើតឡើងនៅរសៀលថ្ងៃទី១២ខែមេសាម្សិលមិញនៅចំណុចភូមិត្បែងកើតឃុំត្បែងស្រុកបន្ទាយស្រី។
អធិការដ្ឋាននគរបាលស្រុកបន្ទាយស្រី ថាករណីនេះគឺបង្កឡើងដោយឈ្មោះឆូយ.ប្លក់ភេទប្រុស អាយុ២៧ឆ្នាំនៅភូមិគូរលេនថ្មីឃុំត្បែងស្រុកបន្ទាយស្រី ដោយបានបើកម៉ូតូម៉ាកc១២៥ខ្មៅលេខតួ+ម៉ាសុីន17932076ទៅបុកគោយន្តកន្ត្រៃដឹកអុសពីក្រោយបណ្តាលអោយស្លាប់នៅនឹងកន្លែង។ លោកថា
មូលហេតុ បណ្ដាលមកពីស្រវឹងស្រា៕SRP

ខេត្តកំពង់ចាម៖ លោកអ៊ុម វិបុល ប្រធានមន្ទី ធនធាន ទឹក និង ឧតុនិយម ខេត្ត្តកំពង់ចាមបានឲ្យដឹងថាផ្ទះប្រជាលរដ្ឋចំនួន០៥ខ្នងត្រូវរុះរើជាបន្ទាន់ដោយកក្តាគ្រោះធម្មជាតិ។

លោកអ៊ុម វិបុល ថាលំនៅដ្ឋានទាំងប្រាំខ្នង៖១.ឈ្មោះ ខុម ខែម ផ្ទះឈើប្រក់សង្ក័សី ទំហំ ៤មx៦ម (រុះរើទៅរស់នៅជាមួយម្ដាយបណ្ដោះអាសន្ន)

២.ឈ្មោះ គ្រីន ព្រិល ផ្ទះឈើប្រក់សង្ក័សី ទំហំ ៤មx៦ម (រុះរើទៅមានដីសាងសង់ផ្ទាល់ខ្លួន)
៣.ឈ្មោះ ថាន រិត ផ្ទះឈើប្រក់សង្ក័សី ទំហំ ៥មx៦ម (រុះរើទៅរស់នៅជាមួយម្ដាយបណ្ដោះអាសន្ន)
៤.ឈ្មោះ តេន អឿន ផ្ទះឈើប្រក់សង្ក័សី ទំហំ ៦មx៩ម (រុះរើទៅរស់នៅជាមួយបងបណ្ដោះអាសន្ន)
និង ៥. ឈ្មោះ ថាវ ឃា ផ្ទះឈើប្រក់សង្ក័សី ទំហំ ៣មx៤ម (រុះរើទៅរស់នៅជាមួយម្ដាយបណ្ដោះអសន្ន)
ដោយឡែក ផ្ទះ ប្រជាពលរដ្ឋ ដែល ត្រូវ ត្រៀមរុះរើមាន ចំនួន០៦ខ្នង ក្នុង នោះមាន ៖១.ឈ្មោះ មេន មុត ផ្ទះឈើប្រក់សង្ក័សី ទំហំ ៤មx៥ម
២.ឈ្មោះ ហឿន ចាន់ណា ផ្ទះឈើប្រក់សង្ក័សី ទំហំ ៤មx៥ម
៣.ឈ្មោះ ពេញ ស្រ៊ាន ផ្ទះឈើប្រក់សង្ក័សី ទំហំ ៩មx៩ម
៤.ឈ្មោះ ភេន ផន ផ្ទះឈើប្រក់ក្បឿង ទំហំ ៤មx៥ម
៥.ឈ្មោះ វ៉ាង ជីវ័ន្ដ ផ្ទះដែក ទំហំ ៦មx៦ម និង ៦.សាលាឆទាន ឈើប្រក់ក្បឿង ទំហំ ៦មx៧ម ។

សុំជម្រាបថានៅព្រឹកមិញនេះ លោក អ៊ុម វិបុល ប្រធានមន្ទី ធនធាន ទឹក និង ឧតុនិយម ខេត្តកំពង់ចាម និងជាប្រធានក្រុមការងារចុះជួយឃុំព្រះអណ្ដូង រួមដំណេីរ ជាមួយ លោក ទុន ណេត អភិបាល ស្រុក ស្ទឹងត្រង់ បានអញ្ជើញចុះពិនិត្យស្ថានភាពជាក់ស្ដែង ការរស់នៅរបស់ ប្រជាពលរដ្ឋ ខាងលើ ដែលស្ថិតនៅភូមិព្រែកស្ដី ឃុំព្រះអណ្ដូង ស្រុក ស្ទឹងត្រង់ ខេត្តកំពង់ចាម។ ដោយសារពួកគាត់មានការភ័យខ្លាច បន្ទាប់ ពី មាន ភ្លៀងធ្លាក់ខ្លាំង បណ្ដាល ឲ្យ ប្រេះដីក្រោមផ្ទះ ប្រវែង២១០ម៉ែត្រ និងទទឹងពីច្រាំងទន្លេជាមធ្យម ប្រវែង២០ម៉ែត្រ នៅព្រឹកថ្ងៃទី១៣ខែមេសា ឆ្នាំ ២០២០ នេះ។

ក្នុងឱកាសនោះដែរ លោក អ៊ុម វិបុលបានឧបត្ថម្ភ ដល់ប្រជាពលរដ្ឋចំនួន ០៥គ្រួសារដែលរុះរេីផ្ទះរួច ក្នុងមួយគ្រួសារទទួលបាន ថវិកាចំនួន២០ម៉ឺនរៀលនិងអង្ករចំនួន ២៥គីឡូក្រោម ផងដែរ ៕SRP

ខេត្តកំពង់ចាម៖លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម នៅយប់ថ្ងៃទី១២ខែមេសាឆ្នាំ២០២០បានចុះត្រួតពិនិត្យ កម្លាំងឈរជើងនៅតាមភូមិសាស្ត្រសំខាន់ៗ ចំនួន០៤គោលដៅរវាងព្រំប្រទល់ ខេត្តកំពង់ចាម ជាប់នឹងខេត្តចំនួន០២គឺខេត្តកំពង់ធំនឹងខេត្តត្បូងឃ្មុំ។គួរបញ្ជាក់ផងដែរថាគោលដៅ ដែលត្រូវចុះ បំពេញបេសកកម្មនោះរួមមាន +គោលដៅទី០១ ឃុំតាប្រុក ស្រុកចំការលើ ជាប់ព្រំប្រទល់ ឃុំឈូកខ្សាច់ ស្រុកបារាយណ៍ ខេត្តកំពង់ធំ។+គោលដៅទី០២ឃុំចំការអណ្ដូង ស្រុកចំការលើ ជាប់ព្រំប្រទល់ឃុំទ្រាល ស្រុកតាំងគោក ខេត្តកំពង់ធំ។+គោលដៅទី០៣ ឃុំសំពងជ័យ ស្រុកជើងព្រៃ ជាប់ព្រំប្រទល់ ឃុំសូយោង ស្រុកតាំងគោក ខេត្តកំពង់ធំំ។+គោលដៅទី០៤ សង្កាត់វាលវង់ ក្រុងកំពង់ចាម (ស្ពានគីហ្សូណា) ជាប់ព្រំប្រទល់ ឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ។

ជាមួយការអនុវត្តតាមបទបញ្ជារបស់រាជរដ្ឋាភិបាលស្តីពីការដាក់កំហិត លើការធ្វើដំណេីរ ក្នុងប្រទេសនេះ លោកឧត្ដមសេនីយ៍ទោ ឯម កុសល ស្នងការនគរបាលខេត្តកំពង់ចាម តែងតែ អមដំណើរ លោកអ៊ុន ចាន់ដា អភិបាលខេត្តកំពង់ចាម ចុះត្រួតពិនិត្យពង្រឹងកងកម្លាំងរក្សាការពារសុវត្ថិភាពនិងសម្របសម្រួលប្រចាំគោលដៅក៏ដូចជាការផ្តាំផ្ញើដល់អាជ្ញាធរមូលដ្ឋាន និងកងកម្លាំងទាំងអស់ត្រូវត្រួតពិនិត្យរាល់ការបំលាស់ទីរបស់បងប្អូនប្រជាពលរដ្ឋឲ្យបានជាក់លាក់ និងយកវិធានការអប់រំឲ្យប្រជាពលរដ្ឋបានយល់ពីបទបញ្ជរបស់រាជរដ្ឋាភិបាល ដែលបានដាក់ចេញ ឲ្យអជ្ញាធរមានសមត្ថកិច្ចអនុវត្តជាបន្ទាន់ក្នុងគោលបំណងទប់ស្កាត់នៃការរីករាលដាលនៃជម្ងឺកូវីដ-១៩ ក្រោមការគិតគូរ និងយកចិត្តទុកដាក់ពីប្រមុខថ្នាក់ដឹកនាំ ដើម្បីធានាបាននូវភាពសុខសាន្ត របស់បងប្អូនប្រជាពលរដ្ឋផងដែរ៕SRP

ខេត្តសៀមរាប៖បុរសម្នាក់ បានបើកម៉ូតូបុករថយន្តបណ្ដាលឲ្យរងរបួស។
ហេតុការណ៍បានកើតឡើងនៅថ្ងៃទី១២ខែមេសាឆ្នាំ២០២០វេលាម៉ោង ១៧និង០០នាទី លើផ្លូវជាតិលេខ ៦ត្រង់ចំណុចរង្វង់មូលស្រុកក្រឡាញ់ ស្ថិតនៅ ភូមិកំពង់ថ្កូវ០២ ឃុំកំពង់ថ្កូវ ស្រុកក្រឡាញ់ ខេត្តសៀមរាប។
សេចក្ដីរាយការណ៍បានឲ្យដឹងថាជនរងគ្រោះឈ្មោះ វ៉ាន វាត់ ភេទប្រុស អាយុ២៩ឆ្នាំ រស់នៅភូមិស្នាយ ឃុំទឹកជោរ ស្រុកព្រះនេត្រព្រះ ខេត្តបន្ទាយមានជ័យ(បាក់ជើងខាងឆ្វេង)
បើកម៉ូតូម៉ាក ហុងដាឌ្រីម ពណ៌ខ្មៅ ពាក់ស្លាកលេខ សៀមរាប ១Z.១៥៦៤ ក្នុងទិសដៅពីកើតទៅលិចបានបុកជាមួយរថយន្តម៉ាក តូយ៉ូតា កាម៉ារី (ឆ្លាម) ពណ៌ប្រផេះ ពាក់ស្លាកលេខ សៀមរាប២A.៧៥២៨បើកបរដោយឈ្មោះហេ សុគន្ធា ភេទស្រី អាយុ៤២ឆ្នាំ រស់នៅភូមិពេជ្ជោរ ឃុំក្រឡាញ់ ស្រុកក្រឡាញ់ ខេត្តសៀមរាបក្នុងទិសដៅពីត្បូងទៅជើង។ ករណីនេះខូចខាត់ម៉ូតូស្រាលចំនួន០១គ្រឿងនិងរថយន្តស្រាល០១ គ្រឿងផងដែរ។
បើតាមសមត្ថកិច្ចមូលហេតុគ្រោះថ្នាក់បណ្តាលមកពីអ្នកបើកបរម៉ូតូបើកបរមានល្បឿនលឿន។ សមត្ថកិច្ចបានបញ្ជូនជនរងគ្រោះទៅន្ទីរពេទ្យស្រុកក្រឡាញ់។
ចំណែកវត្ថុតាងទាំងពីរកម្លាំងជំនាញបានយកមករក្សាទុកនៅអធិការដ្ឋាននគរបាលស្រុកដើម្បីរងចាំការដោះស្រាយ៕SRP

ខេត្តសៀមរាប៖អ្នកលេងកាំបិត”តាំងតោ”ម្នាក់ កាប់ទៅលើជនរងគ្រោះចំនួន០៣ករណីក្នុងក្រុងសៀមរាបត្រូវបានចាប់ខ្លួន។
ការចាប់ខ្លួនធ្វើឡើងនៅថ្ងៃទី១១ ខែមេសា ឆ្នាំ២០២០ វេលាម៉ោង៦ល្ងាចនៅចំណុចផ្លូវបំបែកជាបួន ក្នុងភូមិត្រពាំងសេះ សង្កាត់គោកចក ក្រុងសៀមរាប។
ជនសង្ស័យឈ្មោះ នុត សុកេត ហៅឡេវ ភេទប្រុស អាយុ២៩ឆ្នាំ ស្នាក់នៅអាសយដ្ឋានភូមិក្រវ៉ាន់ ឃុំរំចេក ស្រុកបន្ទាយស្រី ខេត្តសៀមរាប។ ឃាត់ខ្លួនដោយលោក អនុសេនីយ៍ឯករិន ម៉ុន នាយប៉ុស្តិ៍នគរបាលរដ្ឋបាលគោកចក។លោកវរសេនីយ៍ឯក ណុប សារ៉ាក់ អធិការនគរបាលក្រុងសៀមរាបបានឲ្យដឹងថា ជុំវិញ០៣ករណីនេះ
ករណី០១-កើតហេតុថ្ងៃទី០៥ ខែមេសា ឆ្នាំ២០២០ វេលាម៉ោង១២.១០នាទី នៅចំណុចមុខបន្ទាយអាវុធហត្ថចាស់ក្នុងភូមិត្រពាំងសេះ សង្កាត់គោកចក ក្រុង.ខេត្តសៀមរាប។ ជនរងគ្រោះឈ្មោះឆាន់ ដារ៉ូ ភេទប្រុស អាយុ២៥ឆ្នាំរស់នៅភូមិទក្សិណខាងត្បូង សង្កាត់គោកចក (របួសត្រង់ស្លាប្រចៀវឆ្វេង)។
ករណី០២-កើតហេតុថ្ងៃទី០៩ ខែមេសា ឆ្នាំ២០២០វេលាម៉ោង០៦.១០នាទី តាមបណ្តោយផ្លូវ៦០ម៉ែត្រ នៅភូមិចុងកៅស៊ូ សង្កាត់ស្លក្រាម ក្រុងសៀមរាប។
ជនរងគ្រោះឈ្មោះទុយ ហ៊ាន ភេទប្រុស អាយុ៣៣ឆ្នាំរស់នៅភូមិវត្តបូព៌ សង្កាត់សាលាកំរើក (រងរបួសត្រង់ស្លាបប្រចៀវខាងឆ្វេង)។
ករណី០៣-កើតហេតុថ្ងៃទី១១ ខែមេសា ឆ្នាំ២០២០ វេលាម៉ោង១៦.០០នាទី នៅមុខចំណតរថយន្តប្រាសាទអង្គរ ក្នុងភូមិត្រពាំងសេះ សង្កាត់គោកចក ក្រុងសៀមរាប។ ជនរងគ្រោះឈ្មោះឃឹម សុឃីម ភេទប្រុស អាយុ២៣ឆ្នាំរស់នៅភូមិខ្វៀន សង្កាត់គោកចក( របួសត្រង់ខ្នង)។
លោកវរសេនីយ៍ឯក ណុប សារ៉ាក់ បញ្ជាក់ថាវត្ថុតាងដកហូតបាន កាំបិតតាំងតោមួយ នឹងម៉ូតូ០១គ្រឿងម៉ាកឌ្រីម ១២៥ ខ្មៅ សេរី២០០៥។
ជនសង្ស័យ បានសារភាពថា ករណីទាំង០៣ខាងលើគឺខ្លួនជាអ្នកប្រព្រឹត្តពិតប្រាកដមែនហើយ តែម្នាក់ឯងនោះទេ។បច្ចុប្បន្នជនសង្ស័យ ត្រូវបាន លោកឧត្តមសេនីយ៍ត្រីភឹង ចិន្តារ៉េត ស្នងការរងនិងជាប្រធានផែនទទួលការងារព្រហ្មទណ្ឌ នៃស្នងការដ្ឋាននគរបាលខេត្តសៀមរាប បញ្ជាឱ្យធ្វើការឃាត់ខ្លួន ដើម្បីរៀបចំសំណុំរឿង តាមនីតិវិធីបញ្ជូនទៅតុលាការធ្វើការបានផ្ដន្ទាទោសច្បាប់៕SRP

ខេត្តសៀមរាប៖លោក ទៀ សីហាអភិបាលខេត្តសៀមរាប បានប្រាប់បណ្ដាញសៀមរាបប៉ុស្តិ៍ នៅរសៀលថ្ងៃនេះថា៖គិតត្រឹមថ្ងៃនេះ ពលរដ្ឋខ្មែរ មកពីក្រៅប្រទេស ចូលខេត្តសៀមរាប ដែលបានដាក់ឲ្យនៅ ដាច់ដោយឡែករយ:១៤ថ្ងៃ

អាចដល់ចំនួន៣០០នាក់។
លោកទៀ សីហា បានបញ្ជាក់ថា កាលពីថ្ងៃទី១០ពលរដ្ឋមកពីក្រៅប្រទេសមានចំនួនប្រហែល១២៣នាក់.ថ្ងៃទី១១ម្សិលមិញ ប្រហែល១១០នាក់ និងថ្ងៃនេះមកជាបន្តបន្ទាប់ទៀតជាង៣០នាក់ទៅ៥០នាក់។
បើតាមអភិបាលខេត្តសៀមរាប លោកទៀ សីហា បានបញ្ជាក់លើទំព័រផេកហ្វេសប៊ុកថា៖សូមអរគុណក្រុមការងារគណៈកម្មការប្រយុទ្ធប្រឆាំងនឹងជំងឺកូវីដ-១៩ខេត្ត មន្ទីរសុខាភិបាលខេត្ត និងក្រុមគ្រួសារសហភាពសហព័ន្ធយុវជនកម្ពុជាខេត្ត ដែលបានសម្អាត រៀបចំ និងដាក់ដំណើរការនូវមណ្ឌលចត្តាឡីស័កសម្រាប់ប្រជាពលរដ្ឋខ្មែរវិលមកពីក្រៅប្រទេស (មកពីច្រកអូស្មាច់ ក្រុងសំរោង និងច្រកជាំស្រង៉ាម ស្រុកអន្លង់វែង ខេត្តឧត្តរមានជ័យ និង ច្រកប៉ោយប៉ែត ខេត្តបន្ទាយមានជ័យ) ដែលមានទីតាំងស្ថិតក្នុងសាលាគរុកោសល្យ និងវិក្រិត្យការខេត្ត ។
ការស្នាក់នៅបណ្តោះអាសន្ននេះ គឺដើម្បីតាមដាន ត្រួតពិនិត្យពីសុខភាព ពីសំណាក់ក្រុមគ្រូពេទ្យជំនាញនៃមន្ទីរសុខាភិបាលខេត្ត និងស្តាប់ការណែនាំពីការដាក់ខ្លួនឲ្យនៅដាច់ដោយឡែករយៈពេល ១៤ថ្ងៃ ឲ្យប្រកាន់ខ្ជាប់នូវវិធានអនាម័យ និង ការសម្លាប់មេរោគជាប្រចាំ បើមានរោគសញ្ញាអ្វីកើតឡើងត្រូវរាយការណ៍ជាបន្ទាន់។ ក្នុងករណីមានរោគសញ្ញាសង្ស័យ មន្ត្រីជំនាញនឹងយកសំណាកទៅពិនិត្យ តែក្នុងករណីគ្មានរោគសញ្ញាអ្នកចំណូលស្រុកមកពីក្រៅប្រទេសទាំងនោះ នឹងត្រូវដឹកជញ្ជូនទៅរក្សានៅដាច់ដោយឡែករយៈពេល១៤ថ្ងៃនៅទីតាំងដែលបានរៀបចំនៅតាមមូលដ្ឋានក្រុង ស្រុក ឃុំ សង្កាត់ (នៅមណ្ឌលចត្តាឡីស័កដែលអាជ្ញាធរបានកំណត់) ដោយមិនទាន់អនុញ្ញាតឲ្យទៅកាន់លំនៅឋាននោះឡើយ៕SRP

ខេត្តកំពង់ចាម៖លោក​​អ៊ុន​ ចាន់ដា​ អភិបាលខេត្តកំពង់ចាម​ និង​លោក​​ខ្លូត​ ផន​ ប្រធាន​ក្រុម​ក្រុមប្រឹក្សា​ខេត្ត​ នៅព្រឹកមិញនេះ បាន​ទទួល​ជំនួយ​អង្ករ​ម្លិះ​ប្រាំង​ ចំនួន​១០​តោន​ ពីតំណាងក្រុមហ៊ុន អេមរុ ណេតធឺ រ៉ាយស៍ ដែល​បាន​ចូលរួម​ជា​មួយ​រាជរដ្ឋាភិបាល​កម្ពុជា​ ​ក្នុង​ការ​បង្ការ​ទប់ស្កាត់​ការ​រីករាលដាល​នៃ​ជំងឺ​កូវីដ​១៩​ ​ក្នុង​ភូមិសាស្ត្រ​ខេត្តកំពង់ចាម​ ក៏ដូចជា​នៅ​ក្នុង​ប្រទេស​កម្ពុជា​ទាំង​មូល​ផង​ដែរ​។

លោក​​អ៊ុន​ ចាន់ដា​ អភិបាលខេត្តកំពង់ចាម​ បានថ្លែងអំណរគុណចំពោះក្រុមហ៊ុន អេមរុ ណេតធឺ រ៉ាយស៍​ ដែល​បាន​ផ្តល់​ជំនួយ​ជាអង្ករ​ ចំនួន​១០តោន​ ជូន​ដល់​គណៈកម្មការ​ប្រយុទ្ធ​នឹង​ជំងឺ​កូវីដ​១៩​ ខេត្តកំពង់ចាម​ សម្រាប់យកទៅ​ចាត់ចែង​ តាមតម្រូវការចាំបាច់ ក្នុង​យុទ្ធនាការ​នានា​ ជាពិសេស​ក្នុង​ការ​ចុះផ្សព្វផ្សាយ​ណែនាំ​​អំពី​វិធានការ​​ចាំបាច់នានា​ ​ក្នុង​​ការ​បង្ការ​រទប់ស្កាត់​ការ​រីករាលដាល​ ​នៃ​វីរុស​កូរ៉ូណា​(កូវីដ​១៩)​ ជា​ពិសេស​ការចុះ​ផ្សព្វផ្សាយ​ដល់​បងប្អូនពលករ​ ដែលទើបតែត្រឡប់មកពីក្រៅប្រទេស​វិញ ឲ្យ​ពួក​គាត់​ស្វែងយល់​អំពី​ ​ការ​ដាក់​ឲ្យ​នៅដាច់ដោយ​ឡែក​រយៈពេល​១៤ថ្ងៃ​ ដេីម្បី​សុខសុវត្ថិភាពក្នុងគ្រួសារ សហគមន៍ និងសង្គមជាតិទាំងមូល​ផងដែរ​៕SRP