ត្តសៀមរាប៖គណ:កម្មាធិការកណ្តាលគណបក្សប្រជាជនកម្ពុជាបានសម្រេចតែងតាំង លោកនួន ពុទ្ធារ៉ា ជាប្រធានគណបក្សប្រជាជនកម្ពុជា ប្រចាំក្រុងសៀមរាប។ការប្រកាសតែងតាំងនេះធ្វើនៅមន្ទីរគណបក្សប្រជាជនកម្ពុជា ខេត្តសៀមរាប នារសៀលថ្ងៃទី០២ខែកញ្ញាម្សិលមិញ ក្រោមវត្តមានលោកទៀ សីហា សមាជិកគណ:កម្មាធិការកណ្តាលគណៈបក្សប្រជាជនកម្ពុជា និងជាប្រធាន គណ:កម្មាធិការគណ:បក្សខេត្តសៀមរាប៕SRP

ភ្នំពេញ៖សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអំពាវនាវអោយអាជ្ញាធរគ្រប់លំដាប់ថ្នាក់បន្តយកចិត្តទុកដាក់ការពារសណ្ដាប់ធ្នាប់ របៀបរៀបរយក្នុងអំឡុងពេលពិធីបុណ្យ
កាន់បិណ្ឌនេះ។
តាមរយៈទំព័រហ្វេសប៊ុកផ្លូវការរបស់នាយករដ្ឋមន្ត្រីហ៊ុន សែន នៅព្រឹកថ្ងៃព្រហស្បតិ៍ទី០៣ខែកញ្ញាឆ្នាំ២០២០បានសរសេរថា៖អនុមោទនាពិធីបុណ្យភ្ជុំបិណ្ឌ «បិណ្ឌ១»
ថ្ងៃទី៣ ខែ កញ្ញា នេះ គឺជាថ្ងៃកាន់បិណ្ឌ១ នៃពិធីបុណ្យភ្ជុំបិណ្ឌ ដែលជាពិធីបុណ្យប្រពៃណីជាតិរបស់ខ្មែរយើង ដែលមានតាំងពីបុរាណកាលមក។ នេះជាពេលវេលាមួយ ដែលបងប្អូនប្រជាពលរដ្ឋពុទ្ធបរិស័ទមានឱកាសក្នុងការធ្វើបុណ្យទាន សន្សំកុសល និងជួបជុំសាច់ញាតិបងប្អូន នៅតាមទីកន្លែងជិតឆ្ងាយ ជាពិសេសតាមទីវត្តអារាមនានា។

ពិធីបុណ្យកាន់បិណ្ឌ ឆ្នាំ២០២០ នេះ គឺប្រព្រឹត្តទៅចាប់ពីថ្ងៃ១រោច ដល់ថ្ងៃ ១៤រោច ខែភទ្របទ គឺចាប់ពីថ្ងៃទី៣ ដល់ថ្ងៃទី១៨ ខែ កញ្ញា ឆ្នាំ២០២០។
នាយករដ្ឋមន្ត្រីបានបន្តថាសូមអាជ្ញាធរគ្រប់លំដាប់ថ្នាក់ បង្កើនកិច្ចការពារសុវត្ថិភាព សន្តិសុខ សណ្តាប់ធ្នាប់សាធារណៈ របៀបរៀបរយ និងសម្រួលចរាចរណ៍ឱ្យបានល្អប្រសើរ ដើម្បីបង្កលក្ខណៈងាយស្រួលជូនដល់បងប្អូនប្រជាពលរដ្ឋនិងទេសចរនៅក្នុងកំឡុងពេលបុណ្យភ្ជុំនេះ។

ជាមួយគ្នានេះដែរ សម្ដេចនាយករដ្ឋមន្ត្រី ក៏បានសូមបងប្អូនប្រជាពលរដ្ឋបន្តចូលរួមទប់ស្កាត់ការឆ្លងរីករាលដាលជំងឺកូវីដ-១៩ ដោយឧស្សាហ៍ដុសលាងសម្អាតដៃជាមួយសាប៊ូ ចឹល ទឹកអាល់កុល នឹងពាក់ម៉ាសក្នុងពេលចូលរួមពិធីដែលមានអ្នកចូលរួមច្រើន ដូចជាក្នុងពិធីបុណ្យភ្ជុំបិណ្ឌនេះជាដើម។ កុំធ្វេសប្រហែសឬមើលស្រាលជំងឺកូវីដ-១៩អោយសោះ ព្រោះជាជំងឺឆ្លងរាតត្បាតសាហាវខ្លាំងណាស់ ហើយពុំទាន់មានថ្នាំព្យាបាលនៅឡើយទេ។
សូមជូនពរបងប្អូនជនរួមជាតិទាំងក្នុង និងក្រៅប្រទេសជួបតែសេចក្តីសុខសេចក្តីចម្រើនគ្រប់ៗគ្នាកុំបីខាន៕SRP

ខេត្តកំពង់ចាម៖សេចក្ដីរាយការណ៍បានអោយដឹងថាក្នុងរដូវទឹកទន្លេមេគង្គចាប់ផ្ដើមហក់ឡើងនេះ គេសង្កេតឃើញថាមានបទល្មើសនេសាទហាក់បី កើតឡើងយ៉ាងអនាធិបតេយ្យ ខណ:ជំនាញជលផលរក្សាភាពស្ងប់ស្ងាត់។

សេចក្ដីរាយការណ៍បានអោយដឹងថាបើទោះជាមានបទល្មើសយ៉ាងណាក៏ដោយក៏អាជ្ញាធរមូលដ្ឋានបានខិតខំធ្វេីការបង្ក្រាបជាបន្តបន្ទាប់ ។ ដោយការបង្ក្រាប
មិនមានវត្តមានមន្ត្រីជំនាញជលផលចូលរួមនោះទេ។

ជាក់ស្ដែង នៅពីថ្ងៃទី២ ខែកញ្ញា ឆ្នាំ ២០២០នេះ លោក ខេង ម៉េងឈុន អភិបាលរងស្រុកកងមាស បាន ដឹកនាំ នគរបាលស្រុក កម្លាំងប៉ុស្តិ៍នគរបាលរដ្ឋបាលកងតាណឹង ប៉ុស្តិ៍នគរបាលរដ្ឋបាលអង្គបាន និង អាជ្ញាធរមូលដ្ឋាន ពាក់ព័ន្ធ ចុះ បង្ក្រាប បទល្មើស នេសាទខុសច្បាប់(រ៉ាវ លូស្បៃមុង)នៅតាមបណ្ដោយ ដងទន្លេមេគង្គ ស្ថិតនៅក្នុងឃុំកងតាណឹង ស្រុកកងមាស ខេត្តកំពង់ចាម ដោយ ធ្វើការរឹបអូសបាន ១-រ៉ាវ ចំនួន១៥មាត់ ព្រួលចំនួន២០០ម៉ែត្រ។ ២-ស្បៃមុងចំនួន១៥មាត់,ព្រួលប្រវែង២០០ម៉ែត្រ។ ៣-បង្គោល២០០ដើម។ ព្រមទាំង បាន ប្រលែងកូនត្រីចំនួន៥០គីឡូក្រាម ចូលទៅក្នុងទន្លេវិញ ផងដែរ ។

សមត្ថកិច្ចបានបញ្ជាក់ថាដោយមានការឯកភាពពីប្រព័ន្ធផ្លូវច្បាប់ចំពោះឧបករណ៍ខុសច្បាប់ទាំងអស់ត្រូវដុតបំផ្លាញចោលនៅចំណុចមាត់ទន្លេតែម្ដង៕SRP

ខេត្តព្រៃវែង៖លោក ភុន សម្ផស្ស អភិបាលស្រុកព្រះស្តេច នៅថ្ងៃពុធទី០២ខែកញ្ញាឆ្នាំ២០២០ បានដឹកនាំសហការីនិងអាជ្ញាធរភូមិឃុំនាំយកអំណោយកាកបាតក្រហមកម្ពុជា

ចែកជូនពលរដ្ឋមួយគ្រូសារ ដែលរងគ្រោះដោយសាអគ្គិភ័យភ្លើងឆេះផ្ទះកាលពីថ្ងៃទី០១ខែកញ្ញាឆ្នាំ២០២០វេលាម៉ោង១៩យប់។ គ្រួសាររងគ្រោះ

ឈ្មោះ ប៉ូវ លន់ ភេទស្រី អាយុ៦៣ឆ្នាំរស់នៅភូមិរកាកូនសាត់ ឃុំបឹងដោល ស្រុកព្រះស្តេច។

សូមបញ្ជាក់ថាអំណោយដែលត្រូវចែកជូនរួមមាន៖អង្ករ០២បេ កន្ទេល ខ្នើយ មុង ភួយ សម្ភារផ្ទះមួយចំនួននិងថវិកាចំនួន៥៥ម៉ឺនរៀលផងដែរ៕SRP

ភ្នំពេញ៖សម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានលើកឡើងថាតាមទំនៀមទម្លាប់ប្រពៃណីបងប្អូនខ្មែរចិន ថ្ងៃនេះគឺជាថ្ងៃសែនក្បាលទឹក។
សម្ដេចហ៊ុន សែនបន្តថានៅពេលប្រទេសជាតិយើងមានសុខសន្តិភាពពេញលេញ និងរីកចម្រើនមកទល់សព្វថ្ងៃ គឺបានបង្កលក្ខណៈកាន់តែងាយស្រួលអោយបងប្អូនប្រជាពលរដ្ឋមានឱកាសប្រារព្ឋពិធីបុណ្យទានតូចធំទៅតាមជំនឿ និងទំនៀមទម្លាប់ប្រពៃណីសាសនារៀងៗខ្លួនដោយសេរី។
បើតាមសម្តេចហ៊ុន សែនទោះជាយ៉ាងណាក៏ដោយ សូមបងប្អូនប្រជាពលរដ្ឋ ត្រូវតែមានការប្រុងប្រយ័ត្នខ្ពស់បំផុតចំពោះអគ្គិភ័យ ដែលអាចបណ្តាលមកពីការធ្វេសប្រហែសដុតធូបទៀនក្នុងឱកាសពិធីសែន
ក្បាលទឹកនេះ ។

ទន្ទឹមនឹងនេះដែរ សូមបងប្អូនប្រជាពលរដ្ឋមានអនាម័យ ក្នុងការរស់នៅ ហេីយមេីលថែការពារសុខភាពជាប់ជានិច្ចកុំអោឆ្លងជំងឺកូវីដ-១៩ អោយសោះ ដោយស្សាហ៍ដុសលាងសម្អាតដៃជាមួយសាប៊ូ ចឹល ឬ អាល់កុល និងពាក់ម៉ាសក្នុងពេលចាំបាច់។

សូមជូនពរបងប្អូនជនរួមជាតិជួបតែសេចក្តីសុខចម្រុងចម្រេីននិងលាភសំណាងគ្រប់ៗគ្នាកុំបីខាន៕SRP

ខេត្តសៀមរាប៖សមត្ថកិច្ចបានដឹងថាយ៉ាងហោចណាស់មនុស្សម្នាក់បានស្លាប់ភ្លាមៗនិងម្នាក់ទៀតរងរបួស ដោយសារគ្រោះថ្នាក់ចរាចរណ៍។

ហេតុការណ៍បានកើតឡើងនៅម៉ោង០៩និង៣០នាទី ថ្ងៃទី០២ ខែកញ្ញា ឆ្នាំ២០២០ នៅលើផ្លូវជាតិលេខ០៦ នៅចន្លោះបង្គោលគីឡូម៉ែត្រលេខ៣៣២ និង៣៣៣ក្នុងភូមិដូនទ្រ ឃុំល្វា ស្រុក ពួក ខេត្តសៀមរាប រវាងរថយន្តនិងម៉ូតូ។
សមត្ថកិច្ចបានបន្តថាគ្រោះថ្នាក់ចរាចរណ៍ នេះរថយន្ត ម៉ាកហ៊ីយ៉ាន់ដាយ ពណ៌សពាក់ស្លាកលេខ កំពង់ចាម 3A 8765 សណ្តោងស៊ឺមីរ៉ឺម៉ក ព៌ណ បៃតង ពាក់ស្លាកលេខ កំពង់ចាម 4A 0229 បើកបរដោយឈ្មោះ វន ចាន់នី ភេទប្រុសអាយុ២៤ ឆ្នាំនៅភូមិចំការអណ្តូង ឃុំចំការអណ្តូង ស្រុកចំការលើ ខេត្តកំពង់ចាម បើកបរទិសដៅពីកើតទៅលិចបានបុក និងម៉ូតូ ម៉ាកហុងដាឌ្រីមផលិតឆ្នាំ2005 ពណ៌ខ្មៅពាក់ស្លាកលេខ សៀមរាប 1B.0764 បើកបរដោយឈ្មោះ ទូច ពយ ភេទប្រុសអាយុ៣៤ឆ្នាំ នៅភូមិពួកចាស់ ឃុំពួក ស្រុកពួក ខេត្តសៀមរាប (មានមួកសុវត្ថិភាព) ស្លាប់កន្លែងកើតហេតុ។ អ្នករួមដំណើរ ឈ្មោះ រ័ត្ន សាន ភេទប្រុស អាយុ៤០ឆ្នាំនៅភូមិដំណាក់ស្លាញឃុំសសរស្តម្ភ ស្រុកពួក ខេត្តសៀមរាប (អត់មួកសុវត្ថិភាព) របួសធ្ងន់ ក្នុងទិសដៅពីលិចទៅកើត។ ករណីបណ្ដាលឲ្យខូចខាតម៉ូតូធ្ងន់ និង រថយន្តស្រាល។

បើតាមសមត្ថកិច្ចមូលហេតុអ្នកបើកបរម៉ូតូវ៉ាជែង ខ្វះការប្រុងប្រយ័ត្ន។ ក្រោយកើតហេតុសមត្ថកិច្ចចុះធ្វើការវាស់វែងប្រគល់សាកសពឲ្យក្រុមគ្រួសារយកទៅធ្វើបុណ្យតាមប្រពៃណី។ចំណែករថយន្តនិងម៉ូតូត្រូវបានយកទៅរក្សាទុកនៅអធិការដ្ឋានស្រុកពួកដើម្បីរង់ចាំការដោះស្រាយ៕SRP

ខេត្តព្រះវិហារ៖សេចក្ដីរាយការណ៍បានឲ្យដឹងថាបច្ចុប្បន្នឈ្មួញជាច្រើននាក់សម្រុកដឹកជញ្ជូនឈើពីតំបន់ព្រៃព្រះរកានិងតំបន់ព្រៃឡង់ខេត្តព្រះវិហារ ឆ្លងកាត់ផ្លូវជាតិលេខ៦២ ស្រុករវៀង ចូលទៅខេត្តកំពង់ធំ យ៉ាងអនាធិបតេយ្យ។

សេចក្ដីរាយការណ៍បានបន្តថា
លោក ប្រាក់ សុវណ្ណ អភិបាលខេត្តព្រះវិហារ ក៏ដូចជាលោក ពឹង ទ្រីដា ប្រធានមន្ទីរកសិកម្មខេត្តព្រះវិហារ ព្រមទាំងលោក នួន សុខុម នាយខណ្ឌរដ្ឋបាលព្រៃឈើខេត្តព្រះវិហារ មិនចាត់វិធានការបង្ក្រាបក្រុមឈ្មួញដឹកជញ្ជូនឈើទាំងនោះឡើយ។ ផ្ទុយទៅវិញលោក ប្រាក់ សុវណ្ណ ព្រមទាំងលោក ពឹង ទ្រីដា និងលោក នួន សុខុម កំពុងបណ្តោយឲ្យបទល្មើសដឹកជញ្ជូនឈើពីខេត្តព្រះវិហារ ចូលទៅខេត្តកំពង់ធំ ទាំងយប់ទាំងថ្ងៃ។

តាមសេចក្តីរាយការណ៍ពីប្រជាពលរដ្ឋរស់នៅតាមបណ្តោយផ្លូវជាតិលេខ៦២ ស្រុករវៀង ខេត្ត ព្រះវិហារ បានឲ្យដឹងថា ក្នុងមួយយប់ៗមានឈ្មួញធ្វើសកម្មភាពដឹកជញ្ជូនឈើឆ្លងកាត់ស្រុករវៀង ចូលទៅខេត្តកំពង់ធំ រាប់សិបរថយន្តដោយគ្មានមន្ត្រីជំនាញឬសមត្ថកិច្ចពាក់ព័ន្ធណាចាត់វិធានការទប់ស្កាត់ឡើយ។

សមត្ថកិច្ចពាក់ព័ន្ធបានឲ្យដឹងថា ប្រសិនបើគ្មានការឃុបឃិតបើកដៃពីលោក ស៊ុ ស៊ីវុត្ថា ហៅតាវ៉ែនតា នាយផ្នែករដ្ឋបាលព្រៃឈើរវៀង ទេនោះគឺគ្មានឈ្មួញណាអាចដឹកជញ្ជូនឈើឆ្លងកាត់ស្រុករវៀង ខេត្តព្រះវិហារ ចូលទៅខេត្តកំពង់ធំ តាមអំពើចិត្តបានឡើយ។ ជាងនេះទៅទៀតការដែលលោក ស៊ុ ស៊ីវុត្ថា នាយផ្នែករដ្ឋបាលព្រៃឈើរវៀង ហ៊ានធ្វើអ្វីៗតាមអំពើចិត្តរបស់ខ្លួនគឺសង្ស័យមានការឃុបឃិតបើកដៃពីសំណាក់លោក ពឹង ទ្រីដា ប្រធានមន្ទីរកសិកម្មខេត្តព្រះវិហារ និងលោក នួន សុខុម នាយខណ្ឌរដ្ឋបាលព្រៃឈើខេត្តព្រះវិហារ ជា ប្រព័ន្ធផងដែរ។

ប្រភពពីសមត្ថកិច្ចពាក់ព័ន្ធក្នុងខេត្តព្រះវិហារ បានកត់សម្គាល់ថា ចាប់តាំងពីលោក ប្រាក់ សុវណ្ណ ទទួលបានតំណែងជាអភិបាលខេត្តព្រះវិហារ រហូតមកដល់ ពេលនេះគឺបទល្មើសព្រៃឈើក្នុងខេត្តព្រះវិហារ ពុំមានការថយចុះនោះទេ។ ជាក់ស្តែងរយៈពេល២សប្តាហ៍ចុងក្រោយនេះឈ្មួញច្រើននាក់សម្រុកធ្វើសកម្មភាពដឹកជញ្ជូនឈើពីតំបន់ព្រៃឡង់ តំបន់ព្រៃព្រះរកា ឆ្លងកាត់ផ្លូវជាតិលេខ៦២ ស្រុករវៀង ចូលទៅខេត្តកំពង់ធំ និងបណ្តាខេត្តផ្សេងៗទៀតយ៉ាងពេញបន្ទុកតែម្ដង៕SRP