ភ្នំពេញ៖សម្ដេចអធិបតីហ៊ុន ម៉ាណែត បានដាក់បទបញ្ជាឲ្យអាជ្ញាធរសមត្ថកិច្ចគ្រប់ចាន់ថ្នាក់ទប់ស្កាត់ការបង្ក្រាបនៅក្មេងទំនើងបងធំបងតូច។

ថ្លែងនៅក្នុងពិធី ប្រកាសដាក់ឱ្យអនុវត្តជាផ្លូវការ “ផែនទីបង្ហាញផ្លូវឆ្ពោះទៅការគ្របដណ្តប់សុខភាពជាសកលនៅកម្ពុជា ឆ្នាំ២០២៤-២០៣៥”  នៅថ្ងៃព្រហស្បតិ៍នេះ សម្ដេចនាយករដ្ឋមន្ត្រីហ៊ុន ម៉ាណែត បានលើកឡើងថា ក្នុងមួយរយៈពេលនេះ ខ្ញុំបានសង្កេតឃើញមានការកើតឡើងជាញឹកញាប់នូវសកម្មភាពក្រុមក្មេងទំនើង ដែលបង្កភាពអនាធិបតេយ្យតាមដងផ្លូវសាធារណៈ ដោយរួមទាំងការប្រព្រឹត្តអំពើហិង្សា និងមានទាំងការប្រើប្រាស់អាវុធ ដូចជាកាំបិត ដាវ ពូថៅ ជាដើម ធ្វើឱ្យប៉ះពាល់ដល់សណ្តាប់សាធារណៈ សន្តិសុខសង្គម ពិសេស ភាពសុខសាន្តរបស់ប្រជាជន។

សម្ដេចហ៊ុន ម៉ាណែត បានបន្តថា ក្នុងនាមប្រមុខនៃរាជរដ្ឋាភិបាលកម្ពុជា ខ្ញុំសូមដាក់បទបញ្ជាឱ្យអាជ្ញាធរដែនដីគ្រប់លំដាប់ថ្នាក់ និងកងកម្លាំងមានសមត្ថកិច្ចទាំងអស់ ត្រូវរឹតបន្តឹងការចាត់វិធានការឱ្យបានម៉ឺងម៉ាត់បំផុតចំពោះក្រុមក្មេងទំនើងទាំងនេះ ទាំងវិធានការរដ្ឋបាលក្នុងការបង្ការទប់ស្កាត់ ទាំងវិធានការអនុវត្តច្បាប់ ដោយគ្មានការបន្ធូរបន្ថយ និងដោយគ្មានការលើកលែង ដើម្បីការពារសណ្តាប់ធ្នាប់សាធារណៈ, សន្តិសុខសង្គម, សេចក្តីថ្លៃថ្នូររបស់សង្គមជាតិ ពិសេស ភាពសុខសាន្តរបស់ប្រជាជនក្នុងសហគមន៍ ។

ជាមួយគ្នានេះ, ខ្ញុំសូមអំពាវនាវឱ្យស្ថាប័នអយ្យការ និង ស្ថាប័នតុលាការ មានវិធានការអនុវត្តច្បាប់ឱ្យបានម៉ឺងម៉ាត់ ក្នុងការចាត់ការលើសំណុំរឿងពាក់ព័ន្ធករណីក្មេងទំនើងទាំងនេះ ប្រកបដោយការយកចិត្តទុកដាក់ និងការទទួលខុសត្រូវខ្ពស់ ដើម្បីលើកកម្ពស់ប្រសិទ្ធភាពនៃការអនុវត្តច្បាប់ ដើម្បីការការពារសង្គមជាតិ និងភាពសុខសាន្តរបស់ប្រជាជនយើង។

ទន្ទឹមនឹងនេះ ខ្ញុំក៏សូមអំពាវនាវឱ្យឪពុកម្តាយ ក៏ដូចជា អាណាព្យាបាល ខិតខំតាមដាន អប់រំ និងទូន្មានប្រៀនប្រដៅដល់កូនៗ ក៏ដូចជា ក្មួយៗ ឱ្យដើរតាមគន្លងត្រឹមត្រូវ វៀរចាកនូវអំពើអបាយមុខ ដើម្បីក្លាយជាពលរដ្ឋល្អសម្រាប់សង្គមជាតិ។

ជាចុងក្រោយ ខ្ញុំសូមអំពាវនាវដល់ក្មួយៗទាំងអស់ ដែលជាទំពាំងស្នងឬស្សីរបស់ប្រទេសខ្មែរយើង សូមប្រកាន់ខ្ជាប់នូវវិន័យ សីលធម៌ និងសេចក្តីថ្លៃថ្នូរថ្លៃហើយសូមជៀសវាងពីសកម្មភាពទាំងឡាយណាដែលបង្ករអន្តរាយដល់ខ្លួន គ្រួសារ និងសង្គមជាតិ៕SRP

ខេត្តសៀមរាប៖យុវជនម្នាក់បានស្លាប់បាត់បង់ជីវិតខណៈឪពុកម្ដាយបានដឹកយកទៅសង្គ្រោះនៅមន្ទីរពេទ្យក្រោយពីបានហូបនំបញ្ចុក។ នេះបើតាមព័ត៌មានបឋម។

ប្រភពព័ត៌មានពីស្រុកស្វាយលើ បានឲ្យដឹងថា នៅថ្ងៃទី២១ ខែឧសភា ឆ្នាំ២០២៤ វេលាម៉ោង១៧និង៣០ នាទី មានករណីមនុស្សស្លាប់សង្ស័យថាពុល នំបញ្ចុក នៅចំណុច ផ្ទះជនរងគ្រោះ ភូមិត្រពាំងពពេល ឃុំតាសៀម ស្រុកស្វាយលើ។

ប្រភពបានអោយដឹងថា នៅព្រឹកថ្ងៃទី២១ ខែឧសភាឆ្នាំ២០២៤ ម្ដាយជនរងគ្រោះ ឈ្មោះ ហ៊ុន គឿន អាយុ ៥០ឆ្នាំ បានទិញនំបញ្ចុក ពីឈ្មោះ ប៊្លូ (មិនស្គាល់ឈ្មោះជាក់លាក់រស់នៅភូមិ ព្រះត្រពាំង ឃុំដំដែក ស្រុកសូទ្រនិគម ខេត្តសៀមរាប ជិះលក់តាមម៉ូតូនៅក្នុងបរិវេណស្រុកស្វាយលើ ចំនួនមួយគីឡូ បន្ទាប់មកម្ដាយរបស់ ជនរងគ្រោះ បានហូបខ្លះនិងទុកឲ្យកូនខ្លះ លុះដល់ពេលល្ងាចម៉ោង១៧:០០នាទី ជនរងគ្រោះ ឈ្មោះ សួន ពិសិទ្ធ ភេទប្រុស អាយុ២០ឆ្នាំ ឈ្មោះ សួន ស្រីណុត ភេទស្រី អាយុ១៤ឆ្នាំ និងឈ្មោះសួន គន្ធា ភេទស្រី អាយុ១១ឆ្នាំ រស់នៅភូមិត្រពាំងពពេល ឃុំតាសៀម ស្រុកស្វាយលើ បាននាំគ្នាហូបនំបញ្ចុកដែលម្ដាយទុកឲ្យ ក្រោយពេលហូបបានរយ:ពេលចំនួន១០នាទី ស្រាប់តែមានអាការ:ឈឺក្បាល វិលមុខ ក្អួតចង្អោរ ភ្លាមនោះ ឪពុកឈ្មោះ ឃ្លាំង សួន បានរកឡានអ្នកជិតខាងដឹកកូនទាំង៣នាក់ មកមណ្ឌលសុខភាពស្វាយលើ ក្រោយពេលមកដល់ឈ្មោះ សួន ពិសិទ្ធ ភេទ ប្រុស អាយុ២០ឆ្នាំ ក៏បានដាច់ខ្យល់ស្លាប់តែម្ដង។ ចំណែកប្អូនស្រី២នាក់ ទៀត សួន ស្រីណុត និង សួន គន្ធា ត្រូវបានលោកគ្រូពេទ្យនៅមណ្ឌលសុខភាពស្វាយលើបញ្ជូនទៅមណ្ឌលសុខភាពសូទ្រនិគមបន្ត។

ជុំវិញករណីនេះ គេនៅពុំទាន់ឃើញមន្ត្រីជំនាញសុខាភិបាលស្រុកនិងខេត្តចេញសេចក្ដីប្រកាសព័ត៌មាននៅឡើយ៕SRP

ខេត្តសៀមរាប៖គ្រោះថ្នាក់ចរាចរណ៍រវាងរថយន្តធំៗនិងម៉ូតូ បណ្ដាលឱ្យមនុស្សម្នាក់បានស្លាប់។

ហេតុការណ៍បានកើតឡើង វេលាម៉ោង៨និង៣០នាទីព្រឹក ថ្ងៃទី២២ ខែឧសភា ឆ្នាំ២០២៤ នៅចំណុចភូមិគោកត្នោត ឃុំកណ្តែក ស្រុកប្រាសាទបាគង តាមបណ្តោយ លើផ្លវជាតិ៦ ចន្លោះបង្គោលគីឡូលេខ(៣០៦-៣០៧)រវាងរថយន្តនិងម៉ូតូស្របទិសគ្នា។

សមត្ថកិច្ចបានប្រាប់ថា រថយន្ត១គ្រឿងម៉ាក FUSOពណ៌សរ លាយខៀវពាក់ផ្លាកលេខកំពង់ធំ ៣A-១៣៣២ អ្នកបើកបររថយន្ត (រត់គេចខ្លួនបាត់) បើកពីទិលខាងលិចទៅទិសខាងកើត បើកបរដល់មុខផ្លូវចូលស្តាតថ្មីបានបុកម៉ូតូ១គ្រឿងម៉ាកហុងដា (០១៩)ពណ៌ខ្មៅពាក់ផ្លាកលេខសៀមរាប
១AM-០៤៦២  បើកបរដោយឈ្មោះ សាន់ តង ភេទស្រី អាយុ៤៧ឆ្នាំ នៅភូមិចុងឃ្នៀស សង្កាត់ចុងឃ្នៀស ក្រុងសៀមរាប
(របួសស្រាល)  មានទិសដៅពីលិច ទៅកើតនិងមានអ្នករួមដំណើរ២នាក់៖
១/ឈ្មោះវ៉ាន់ និមល ភេទស្រី អាយុ ៦ឆ្នាំ នៅភូមិ ជាមួយគ្នា(របួសធ្ងន់)
២/ឈ្មោះវ៉ាន់ សម្បត្តិ ភេទប្រុស អាយុ២ឆ្នាំ នៅភូមិជាមួយគ្នា(របួសស្រាល)។

ក្រោយពេលកើតហេតុរួច រងគ្រោះ ត្រូវបានគេជួយសង្គ្រោះ យកទៅសង្រ្កោះនៅពេទ្យគន្ធបុប្ផាខេត្តសៀមរាប ពេលដល់មន្ទីរពេទ្យ ឈ្មោះវ៉ាន់ និមលភេទស្រីអាយុ៦ឆ្នាំ បានស្លាប់នៅក្នុងមន្ទីរពេទ្យ។

សមត្ថកិច្ចបានបន្តថា ករណីនេះ មូលហេតុអ្នកបើកបររថយន្តបើកបរខ្វះការប្រុងប្រយ័ត្ន។ រថយន្តនិងម៉ូតូរក្សាទុកនៅអធិការដ្ធាននគរបាលស្រុកប្រាសាទបាគងដើម្បីដោះស្រាយតាមនិតិវិធីច្បាប់៕SRP

ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ លោកបណ្ឌិត ស សុខា បានចេញសេចក្ដីសម្រេចតែងតាំង អធិការនគរបាលក្រុងប៉ោយប៉ែត និងអធិការស្រុកមង្គលបុរី នៃខេត្តបន្ទាយមានជ័យ៕ សុំអានលិខិតខាងក្រោម៖

រថយន្តមួយគ្រឿង សង្ស័យគ្មានពន្ធត្រូវបានសមត្ថកិច្ចចុះបង្ក្រាប។ ការបង្ក្រាបធ្វើឡើងនៅរសៀលថ្ងៃទី២០ ខែឧសភា ឆ្នាំ២០២៤ ដផយ កម្លាំងមូលដ្ឋានកងរាជអាវុធហត្ថស្រុកបូទុមសាគរ សហការជាមួយកម្លាំងគយចល័ត ក.48 ប្រចាំស្រុកបូទុមសាគរ។

ការចាប់រថយន្តនេះ សង្ស័យគ្មានបង្កាន់ដៃពន្ធគយនាំចូលចំនួន០១គ្រឿង ម៉ាក NISAN NAVARA ពណ៌ខ្មៅ ចង្កូតស្ដាំ ពាក់ស្លាកលេខក្លែងក្លាយ ឆ្នាំផលិត2018 នៅតាមបណ្ដោយផ្លូវតារាសាគរ ស្ថិតក្នុងភូមិភ្ញីមាស ឃុំភ្ញីមាស ស្រុកគីរីសាគរ ខេត្តកោះកុង។

បច្ចុប្បន្នរថយន្តខាងលើត្រូវបានកម្លាំងគយនាំមករក្សាទុកនៅស្នាក់ការគយចល័តឃុំអណ្ដូងទឹក ស្រុកបទុមសាគរ ខេត្តកោះកុង ដើម្បីបន្តរអនុវត្តតាមនិតិវិធី។

សូមជម្រាបថា ជារឿយៗគយក្នុងស្រុកតែងតែធ្វើសកម្មភាពទប់ស្កាត់និងបង្ក្រាបរថយន្តគេចពន្ធអត់ពន្ធគ្រប់ប្រភេទ តើរថយន្តទាំងនោះមកតាមរបៀបណា

ភ្នំពេញ៖លោកបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានបញ្ជាឲ្យ អង្កេតស្រាវជ្រាវជាបន្ទាន់ ករណី បែកធ្លាយអំពើពុករលួយរបស់អគ្គនាយករង នៃអគ្គនាយកដ្ឋានសវនកម្មផ្ទៃក្នុងក្រសួងមហាផ្ទៃ។

ការបញ្ជាបែបនេះ ធ្វើឡើងបន្ទាប់ពីមានការបែកធ្លាយអំពើពុករលួយ ឧត្តមសេនីយ៍ម្នាក់នៅអគ្គនាយកដ្ឋានសវនកម្មផ្ទៃក្នុងក្រសួងមហាផ្ទៃ ពាក់ព័ន្ធនឹងការយកថវិកាក្នុងមួយឃុំចំនួន១លានរៀល ពីឃុំចំនួន១០។

លោកទូច សុឃ: (សុខ:) អ្នកនាំពាក្យរងក្រសួងមហាផ្ទៃ បានបង្ហាញថា បន្ទាប់ពីមានការផ្សព្វផ្សាយព័ត៌មានតាមបណ្ដាញសង្គមជុំវិញករណីឧត្តមសេនីយ៍ម្នាក់នៅអគ្គនាយកដ្ឋានសវនកម្មផ្ទៃក្នុងក្រសួងមហាផ្ទៃ ពាក់ព័ន្ធនឹងការយកថវិកាក្នុងមួយឃុំចំនួន១លានរៀល ពីឃុំចំនួន១០ ក្នុងស្រុកសាមគ្គីមុនីជ័យ ខេត្តកំពង់ស្ពឺ
ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានដាក់គោលការណ៍ដល់អគ្គាធិការដ្ឋានក្រសួងមហាផ្ទៃ អង្កេតស្រាវជ្រាវជាបន្ទាន់។

ទទួលបានគោលការណ៍នេះ ឯកឧត្តមអគ្គាធិការ បានចាត់ក្រុមការងារ កោះអញ្ជើញលោកឧត្តមសេនីយ៍ត្រី កែវ សារ៉ាវុធ អគ្គនាយករង នៃអគ្គនាយកដ្ឋានសវនកម្មផ្ទៃក្នុងក្រសួងមហាផ្ទៃមកបំភ្លឺនៅអគ្គាធិការដ្ឋាន នាព្រឹកថ្ងៃទី២១ ខែឧសភា ឆ្នាំ២០២១នេះ។

ជាលទ្ធផល លោកឧត្តមសេនីយ៍ត្រី កែវ សារ៉ាវុធ ទទួលស្គាល់ថាលោក ពិតជាបានដឹកនាំក្រុមការងារ៧រូប ធ្វើសវនកម្មនៅខេត្តកំពង់ស្ពឺ ចាប់ពីថ្ងៃទី២៤ ខែមេសា ឆ្នាំ២០២៤ ដោយប្រើមធ្យោបាយធ្វើដំណើររថយន្តផ្ទាល់ខ្លួនចំនួន២គ្រឿង និងទើបតែធ្វើសវនកម្មបានចំនួន៤ស្រុកប៉ុណ្ណោះ។

ជានីតិវិធីបន្ត ក្រសួងមហាផ្ទៃ នឹងពិនិត្យលើករណីនេះបន្ថែមទៀត ដោយយោងលើភាពជាក់ស្ដែង និងដោយផ្អែកលើវិន័យកងកម្លាំងនគរបាលជាតិកម្ពុជា។

ក្រសួងមហាផ្ទៃ មានកិត្តិយសសូមបញ្ជាក់ជូនសាធារណជនថា ដើម្បីប្រសិទ្ធភាពនៃការងារកំណែទម្រង់ ស្របតាមយុទ្ធសាស្ត្របញ្ចកោណរបស់រាជរដ្ឋាភិបាល និងទស្សនៈដឹកនាំ«សម្អាតផ្ទះយើង»របស់សម្ដចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា ការចូលរួមចំណែកពីប្រព័ន្ធផ្សព្វផ្សាយ និងសាធារណៈមតិ ពិតជាមានសារៈសំខាន់ណាស់។

ក្នុងន័យនេះ ក្រសួងមហាផ្ទៃ សូមលើកទឹកចិត្ត និងទទួលយកដោយការពិចារណាខ្ពស់ នូវព័ត៌មានទាំងឡាយដែលពាក់ព័ន្ធនឹងវិស័យស្ថិតក្រោមសមត្ថកិច្ច ជាពិសេសព័ត៌មានអំពីករណីមិនប្រក្រតីនៃការអនុវត្តតួនាទីភារកិច្ចរបស់មន្ត្រីរាជការសុីវិល មន្ត្រីនគរបាលជាតិ និងមន្ត្រីពន្ធនាគារ គ្រប់ថ្នាក់ ក៏ដូចជាសំណើ សំណូមពរ និងមតិយោបល់របស់ប្រជាពលរដ្ឋគ្រប់មជ្ឈដ្ឋាន។

ជាមួយគ្នានេះ យើងក៏មានភាពចាំបាច់ក្នុងការរួមគ្នាប្រយុទ្ធប្រឆាំងរាល់ព័ត៌មានក្លែងក្លាយ ការផ្សព្វផ្សាយទាំងឡាយដែលគ្មានវិជ្ជាជីវៈ និងមានចេតនាអវិជ្ជមានផងដែរ៕

ខេត្តសៀមរាប៖ក្មេងប្រុសអាយុ 6 ឆ្នាំម្នាក់បានលង់ទឹកស្លាប់ វេលាម៉ោង ១២និង៣០នាទី ថ្ងៃទី ១៩ ខែឧសភា ឆ្នាំ២០២៤ ចំណុចទឹកស្រះខាងលិចភូមិចំងាយប្រហែល ២០ម ពីផ្ទះស្ថិតក្នុងភូមិជីក្រែង ឃុំជីក្រែង ស្រុកជីក្រែង។

ជនរងគ្រោះ ឈ្មោះ ដុំ ដាវុទ្ធ  ភេទប្រុស  អាយុ០៦ឆ្នាំ ម្តាយឈ្នោះ ធុន ខុម អាយុ ៣៥ឆ្នាំ
ឪពុកឈ្មោ  ដុំ ឌិន អាយុ ៣៧ឆ្នាំ។

ករណីនេះ មូលហេតុ ម្តាយរវល់សកអំពៅ ជនរងគ្រោះ បានដេីរទៅតាមពីក្រោយរួចក៏ចុះលេងទឹកស្រះរអិលធ្លាក់ទឹកជ្រៅ បណ្តាលលង់ទឹកស្លាប់តែម្ដង៕SRP

ត្បូងឃ្មុំ: ពាក់ព័ន្ធករណី វីដេអូខ្លីបរយៈពេល ១នាទីនិង៣០វិនាទី ដែលព្រះសង្ឃ១អង្គ មានជំលោះពាក្យសម្តី នៅក្នុងសាលារៀន ក្នុងអំឡុងខែមិថុនា ឆ្នាំ២០២២ កន្លងទៅ ត្រូវបានបែកធ្លាយបង្ហោះនៅតាមបណ្តាញសង្គម នៅថ្ងៃទី១៦ ខែឧសភា ឆ្នាំ២០២៤។
ហេតុការណ៍នេះ ផ្ទុះលើបណ្តាញសង្គម មានការចែករំលែក និងវែកញែកជាច្រើនហូរហែនេះ វីដេអូខាងលើនេះ កើតឡើងបន្ទាប់ពីព្រះសង្ឃអង្គដដែរនេះ បានធ្វើសកម្មភាពវាយទៅលើសិស្សសាលាបឋមសិក្សាអញ្ចើម ដោយមូលហេតុ សិស្សមិនបានរើសដុំថ្ម ទៅដាក់ក្នុងគ្រឹះទីចាត់ការ និងបណ្ណាល័យដែលកំពុងសាងសង់ តាមការបញ្ជារបស់លោក ខណៈព្រះអង្គ ជាគណៈកម្មការមួយរូបផងដែរ នៅក្នុងសាលារៀននេះ។

ភ្លាមៗក្រោយមានរឿងហេតុនេះ អាជ្ញាធរខេត្តបានឲ្យជំនាញពាក់ព័ន្ធ និងព្រះមន្ត្រីសង្ឃ រួមគ្នាពិនិត្យ និងដោះស្រាយលើរឿងនេះ ជាក់ស្តែងតាមរយៈរបាយការណ៍ និងការឲ្យដឹងពីលោក ហាក់ ហុន ប្រធានធម្មការ និងសាសនា ខេត្តត្បូងឃ្មុំ នាល្ងាចថ្ងៃទី១៨ ខែឧសភា ឆ្នាំ២០២៤នេះថា

ព្រះសង្ឃអង្គនេះ មានព្រះនាម  អ៊ុក ម៉ាឬទ្ធី ព្រះចៅអធិការវត្តឈើទាលជ្រុំ (ហៅវត្តកូនត្មាត) ស្ថិតក្នុងភូមិកូនត្មាត ឃុំអញ្ចើម ស្រុកត្បូងឃ្មុំ ខេត្តត្បូងឃ្មុំ ដោយឡែកអ្នកគ្រូម្នាក់នោះមានឈ្មោះ ប៊ុន ឆេងឡូត ជានាយិការរងនៃអនុវិទ្យាល័យអញ្ចើម ។

ក្រោយមានជំលោះ ក្នុងអំឡុងឆ្នាំ២០២២ អ្នកគ្រូ ប៊ុន ឆេងឡូត បានដាក់ពាក្យ ប្តឹងភិក្ខុ អ៊ុក ម៉ាឬទ្ធី ចំនួន០៣ចំណុច:
១.ជេរប្រមាថ
២.គំរាមកំហែង ប៉ុនប៉ងធ្វើមនុស្សឃាត ហើយប្រើអាកប្បកិរិយាមិនសមរម្យមកលើខ្លួន
និង៣.បង្កភាពអាណាធិបតេយ្យនៅកន្លែងអប់រំ (សាលាក្នុងម៉ោងសិក្សា) កាលពីថ្ងៃទី២០ ខែមិថុនា ឆ្នាំ២០២២ វេលាម៉ោង ១៤ : ០៥នាទីរសៀល។

ព្រមទាំងទាមទារថ្លៃជំងឺចិត្តចំនួន ៦០លានរៀល និងសុំឱ្យដកព្រះគ្រូចៅអធិការវត្ត ព្រះតេជគុណព្រះនាម អ៊ុក ម៉ាឫទ្ធី ចេញពីវត្តឈើទាលជ្រុំ (កូនត្មាត) ហើយសូមមន្ត្រីសង្ឃសាលាអនុគណ រកយុត្តិធម៌ និង ដោះស្រាយឱ្យអ្នកគ្រូ។

ពាក់ព័ន្ធរឿងនេះ នៅថ្ងៃទី២៤ ខែមិថុនា ឆ្នាំ២០២២ ព្រះគ្រូមធុរធម្មរង្សី វ៉ាន ដាវី ព្រះអនុគណស្រុកត្បូងឃ្មុំ លោក សេង សុខខឿន អភិបាលស្រុកត្បូងឃ្មុំ និងលោក ហាក់ ហុន ប្រធានមន្ទីរធម្មការ និងសាសនាខេត្តត្បូងឃ្មុំ រួមទាំងអ្នកពាក់ព័ន្ធ បានបើកកិច្ចប្រជុំនៅសាលាស្រុកត្បូងឃ្មុំ បានសម្រេចសម្របសម្រួល ដើម្បីបញ្ចប់បញ្ហា។

ក្នុងនោះ ស្នើឲ្យអ្នកគ្រូ ប៊ុន ឆេងឡូត ដកពាក្យបណ្តឹង បន្ទាប់មកនឹងចាត់វិធានការរួមមាន:
បញ្ចប់តំណែងភិក្ខុ អ៊ុក ម៉ារឹទ្ធី ពីចៅអធិការវត្ត ឈើទាលជ្រុំ
និមន្តចេញពីវត្ត ឈើទាលជ្រុំ(ហៅកូនត្មាត) ទៅគង់នៅវត្ត គីរីរស្មី (ហៅចុងអូរ)ឃុំរកាពប្រាំ ស្រុកត្បូងឃ្មុំ ខេត្តត្បូងឃ្មុំ វិញ។
ចំពោះគណៈកម្មការ លោកអាចារ្យវត្តនេះ ត្រូវរៀបចំសមាសភាពថ្មីឡើងវិញ បន្ទាប់ពីការតែងតាំងព្រះចៅអធិការថ្មីរួច ។
-មន្ត្រីសង្ឃសាលាអនុគណស្រុកត្បូងឃ្មុំ អាជ្ញាធរមានសមត្ថកិច្ច ត្រូវចុះធ្វើបញ្ជីសារពើភ័ណ្ឌរបស់វត្ត ឈើទាលជ្រុំ(ហៅកូនត្មាត)ឲ្យបានមុនថ្ងៃដែលភិក្ខុ អ៊ុក ម៉ារឹទ្ធី និមន្តចេញពីវត្ត ។

លោក ហាក់ ហុន ឲ្យដឹងទៀតថា ដោយសារអ្នកគ្រូ ប៊ុន ឆេងឡូត មិនព្រមដកពាក្យបណ្តឹង ហើយបន្តទៅកាន់តុលាការ ក៏ផុតដែនសមត្ថកិច្ចមន្ទីរធម្មការ និងអនុគណស្រុក ក្នុងការសម្រួលដោះស្រាយ រឿងហេតុក៏បន្តអូសបន្លាយរហូតមកដល់ពេលនេះ។

ប្រធានមន្ទីរធម្មការ និងសាសនាខេត្ត បានបញ្ជាក់ឲ្យដឹងថា ភ្លាមៗក្រោយពីផ្ទុះរឿងជាថ្មីនេះ នៅថ្ងៃទី១៧ ខែឧសភា ឆ្នាំ២០២៤ អាជ្ញាធរស្រុក និងព្រះមន្ត្រីសង្ឃស្រុក បានបើកកិច្ចប្រជុំ នាថ្ងៃម្សិលមិញ រហូតដល់ថ្ងៃទី១៨នេះ សម្រេចបញ្ចប់តំណែងភិក្ខុ អ៊ុក ម៉ារឹទ្ធី ពីចៅអធិការវត្តឈើទាលជ្រុំ  និងនិមន្តចេញពីវត្ត ទៅគង់នៅអនុគណស្រុកត្បូងឃ្មុំវិញ ដើម្បីបញ្ចប់រឿងផងដែរ។

សូមជម្រាបថា រឿងហេតុដែលកើតឡើងនេះ តាមវិន័យព្រះសម្មាសម្ពុទ្ធ ទោសមិនទាន់ដល់ត្រូវអាបត្តិបរាជិកនោះទេ (មិនដល់ថ្នាក់ផ្សឹកចេញទេ)៕

អាជ្ញាធរទាត់ចោលការចុះផ្សាយសារព័ត៌មាន The Cambodia Daily Khmer មានចំណងជើងថា លោក ហ៊ុន ម៉ាណែត ទទួលកាដូជាដី ៤០០ហិកតា ពីលោក ហេង សួរ នៅក្នុងខេត្តបន្ទាយមានជ័យ

ភ្នំពេញ៖ក្រសួងមហាផ្ទៃ បានចេញសេចក្ដីសម្រេចផ្ទេរភារកិច្ចមន្ត្រីពន្ធនាគារចំនួន 3 រូប។

នេះបើតាមសេចក្ដីប្រកាសរបស់ក្រសួងមហាផ្ទៃចុះហត្ថលេខាដោយលោកបណ្ឌិត សសុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ៕SRP

On 2024 May 11th, Shinhan Bank (Cambodia) Plc made a significant contribution to Siem Reap Special Education High School located in Mondul 3 Village, Sangkat Slor Kram, Siem Reap City, Siem Reap Province. The bank’s management and employees traveled by bicycles from Shinhan Bank Siem Reap Branch to donate essential supported supplier to the school, including 5 Desktop Computers, 20 Bicycles, 10 Bags of Rice and study materials for all students. To take part in social responsibility, we hope this activity has been playing a vital role in enhancing the educational experience and offering love and meaningful memories for all students.

The ceremony was graced by the presence of Ms. Hong Theary, Principal of Siem Reap Special Education High School, along with many teachers and students.

In addition, the representing of Shinhan Bank (Cambodia) Plc was Mr. Park Chang Kyun, Executive Vice President as representative of Mr. Park Heejin, CEO/President of Shinhan Bank (Cambodia) Plc who accompanied by other SBC leaders such as, Mr. Hour Chamroeun_ Regional Head, Mr. Keo Pongnarin_ Branch Manager, Mr. Mao Ran_ Branch Manager, Ms. Pen Leakhena_ Branch Manager and many other Siem Reap branch members.

As it has been known, Shinhan Bank (Cambodia) Plc was established in Phnom Penh in 2007, is a subsidiary of Shinhan Bank Korea, the largest bank in South Korea. With a strong commitment to serving Cambodia. The Bank currently operates with 14 branches across the country, 12 Branches in Phnom Penh, 1 Branch in Ta khmau City, Kandal Province, 1 Branch in  Siem Reap Province.

Shinhan Bank (Cambodia) Plc offers a comprehensive range of financial products and services to meet customer’s demand and convenience, including all kind of demand account with high interest rate, variety of loan products with competitive interest rate, Convenient Mobile Banking App, Bakong KHQR Money Transfer, and VISA debit Cards with lots of benefits provided.

The Bank prioritizes customer convenience by offering a “Zero Fee Policy” on banking and ATM operations. Shinhan Bank (Cambodia) PLC believes in the power of digitalization to further enhance financial accessibility for its customers throughout Cambodia.

The bank is dedicated to expanding its reach by opening more provincial branches in key areas of Cambodia. This expansion will allow them to provide high-quality financial services to a wider range of Cambodians while increasing overall customer convenience to meet with our mission “A better world through Finance” along with our vision that “We believe finance should be More Friendly, More Secure, More Creative”.

Finally, Shinhan Bank Cambodia will prepare more variety of CSR activities in the future which all employees can fully participate and take part in Corporate Social Responsibility to the development of Cambodia.

ធនាគារ ស៊ិនហាន (ខេមបូឌា) ម.ក កាលពីថ្ងៃទី១១ ខែឧសភា បានរួមចំណែក​​ ចូលរួមសកម្មភាពមនុស្សធម៌ ជួយដល់ វិទ្យាល័យអប់រំពិសេស​សៀមរាប ដែលស្ថិតនៅក្នុង  ភូមិ​ មណ្ឌល៣ សង្កាត់ ស្លក្រាម ក្រុងសៀមរាប ខេត្តសៀមរាប។ ថ្នាក់ដឹកនាំនៃ ធនាគារ ស៊ិនហាន​ (ខេមបូឌា) ម.ក​ បានធ្វើដំណើរ ចេញពី ធនាគារ ស៊ិនហាន (ខេមបូឌា)​ ម.ក សាខា សៀមរាប ឆ្ពោះទៅ វិទ្យាល័យអប់រំពិសេស​សៀមរាប ដើម្បីធ្វើសកម្មភាពមនុស្សធម៌។ ក្នុងនោះរួមមានឧបត្ថម្ភ កុំព្យូទ័រលើតុ ចំនួន៥គ្រឿង កង់ចំនួន២០គ្រឿង អង្ករ១០បេ និងសម្ភារសិក្សាមួយចំនួន មកដល់កុមារគថ្លង់ និងកុមារពិការភ្នែក។ នេះជាការចូលរួមចំណែកយ៉ាងសំខាន់ក្នុងការអភិវឌ្ឍចំណេះដឹងសិស្សានុសិស្សដែលកំពុងជួបប្រទះនៅការខ្វះខាតយ៉ាងខ្លាំង។

ក្នុងឱកាសដ៏ពិសេសនោះ មានការអញ្ជើញចូលរួម ពីលោកស្រី ហុង ធារី នាយិកា នៃវិទ្យាល័យអប់រំពិសេស​សៀមរាប លោកគ្រូ អ្នកគ្រូ និងសិស្សានុសិស្សជាច្រើននាក់។

នៅក្នុងនោះផងដែរ ក៏មានការ​អញ្ជើញចូលរួមរបស់ លោក Park Chang Kyun, នាយករងប្រតិបត្តិ ដែលជាដំណាងដ៏ខ្ពង់ខ្ពស់ របស់លោក Park Heejin, នាយកប្រតិបត្តិ នៃធនាគារ ស៊ិនហាន (ខេមបូឌា)​ ម.ក និងថ្នាក់ដឹកនាំជាច្រើនផ្សេងទៀត ដូចជា៖ លោក ហួ ចំរើន ប្រធានតំបន់ លោក កែវ ពង្សណារិន ប្រធានសាខា លោក ម៉ៅ រា៉ន់ ប្រធានសាខា អ្នកស្រី ប៉ែន លក្ខិណា ប្រធានសាខា និងបុគ្គលិកជាច្រើនផ្សេងទៀត ។

គូររំលឹកផងដែរថា ធនាគារ ស៊ិនហាន (ខេមបូឌា)​ ម.ក ត្រូវបានបង្កើតឡើងនៅក្នុងទីក្រុងភ្នំពេញក្នុងឆ្នាំ២០០៧ ជាបុត្រសម្ព័ន្ធរបស់ធនាគារ ដែលជាធនាគារធំជាងគេនៅក្នុងប្រទេសកូរ៉េខាងត្បូង ក្នុងគោលបំណងផ្តល់សេវាកម្មដ៏ល្អឥតខ្ចះជូនប្រជាជនកម្ពុជា។ 

បច្ចុប្បន្ន ធនាគារមានប្រតិបត្តិការជាមួយសាខាចំនួន១២ នៅរាជធានីភ្នំពេញ ១សាខានៅក្រុងតាខ្មៅ និងមួយសាខាទៀត នៅខេត្តសៀមរាប ដែលសរុបចំនួន១៤ សាខា នៅក្នុងប្រទេសកម្ពុជា។

ធនាគារ ស៊ិនហាន (ខេមបូឌា)​ ម.ក​ ផ្តល់នូវផលិតផល និងសេវាកម្មហិរញ្ញវត្ថុជាច្រើនប្រភេទដើម្បីជាតម្រូវការជូនជាជនកម្ពុជាដូចជា កម្ចីអត្រាការប្រាក់ប្រកួតប្រជែង ប្រាក់សន្សំដែលមានអត្រាការប្រាក់ខ្ពស់ កម្មវិធីធនាគារចល័តងាយស្រួល, ផ្ទេរប្រាក់បាគង KHQR ផ្ទេរប្រាក់ក្រៅប្រទេស និងកាត VISA ។

ជាពិសេសធនាគារក៏ផ្តល់សេវាកម្ម «គោលការណ៍ថ្លៃសូន្យ» (Zero Fee Policy) ដែលត្រូវបានអនុវត្តសម្រាប់ប្រតិបត្តិការធនាគារ និងអេធីអឹម។ ធនាគារ ស៊ិនហាន (ខេមបូឌា)​ ម.ក រំពឹងថាការធ្វើទំនើបកម្មឌីជីថលនឹងបង្កើនភាពងាយស្រួលផ្នែកហិរញ្ញវត្ថុកាន់តែខ្លាំងសម្រាប់អតិថិជនរបស់ខ្លួននៅទូទាំងប្រទេសកម្ពុជា។

ម្យ៉ាងវិញទៀត ធនាគារ ស៊ិនហាន (ខេមបូឌា)​ ម.ក គ្រោងនឹងបើកសាខាខេត្តបន្ថែមនៅក្នុងតំបន់សំខាន់ៗនៃប្រទេសកម្ពុជា ដើម្បីផ្តល់សេវាកម្មហិរញ្ញវត្ថុគុណភាពខ្ពស់ដល់ប្រជាជនកម្ពុជា ក៏ដូចជាបង្កើនភាពងាយស្រួលដល់អតិថិជន ក្រោមបេសកម្មរបស់ ធនាគារ ស៊ិនហាន​ (ខេមបូឌា)​ ម.ក “ពិភពលោកទាំងមូលនឹងមានភាពងាយស្រួលតាមរយៈអំណាចនៃហិរញ្ញវត្ថុ” និងគោលបំណងដ៏ធំនោះគឺ “ហិរញ្ញវត្ថុនឹងកាន់តែមានភាពរួសរាយរាក់ទាក់ សុវត្ថិភាពជាងមុន និងមានភាពច្នៃប្រឌិតជាងមុន“។

ជាចុងក្រោយ ធនាគារ យើងខ្ញុំនឹងមានរៀបចំនៅ សកម្មភាពមនុស្សធម៌ជាច្រើនផ្សេងទៀតដើម្បីជាផ្នែកមួយនៃការជួយដល់ការរីកចម្រើននៃប្រទេសកម្ពុជា៕