ខេត្តសៀមរាប៖កម្លាំងអាវុធហត្ថខេត្តសៀមរាប បានចាប់ខ្លួនយុវជនចំនួន៤នាក់ពាក់ព័ន្ធកាប់គ្នានៅមុខបឹងហ្កាឡូ ដែលបណ្ដាលឲ្យបុរសម្នាក់រងរបួស។ ការចាប់ខ្លួនធ្វើឡើងនៅវេលាម៉ោង ០៨និង៣០នាទី ថ្ងៃទី២៧ ខែកញ្ញា ឆ្នាំ២០២០នៅភូមិសាស្ត្រខេត្តសៀមរាប។

មន្ត្រីអាវុធហត្ថខេត្តសៀមរាបបានថ្លែងប្រាប់បណ្ដាញសៀមរាបប៉ុស្ដិ៍ថា

ជនសង្ស័យរួមមាន៖១.ឈ្មោះ រ៉េន ភារំ ភេទប្រុស អាយុ១៧ឆ្នាំ ទីលំបច្ចុប្បន្ន ភូមិលាងដៃ ឃុំលាងដៃ ស្រុកអង្គរធំ។
២.ឈ្មោះ តារា ឧត្តម ភេទប្រុស អាយុ១៤ឆ្នាំ ទីលំបច្ចុប្បន្ន ភូមិខ្ទីង ឃុំពាក់ស្នែង ស្រុកអង្គរធំ។
៣.ឈ្មោះ សឿន សិទ្ធ ភេទប្រុស អាយុ១៦ឆ្នាំ ទីលំបច្ចុប្បន្ន ភូមិនគក្រៅ សង្កាត់គោកចក ក្រុងសៀមរាប
៤..ឈ្មោះ ជន តុលា ភេទប្រុស អាយុ១៨ឆ្នាំ ទីលំបច្ចុប្បន្ន ភូមិនគក្រៅ សង្កាត់គោកចក ក្រុងសៀមរាប។

ចំណែកជនរងគ្រោះ ឈ្មោះ ហ៊ីង ធាលី ភេទប្រុស អាយុ១៨ឆ្នាំទីលំនៅបច្ចុប្បន្នភូមិ ទ្រាំង សង្កាត់ស្លក្រាម ក្រុងសៀមរាប។

ដកហូតវត្ថុតាង
១.ដាវចំនួន០៣ដើម កាំបិទខ្វែវ០១ដើម
២.ម៉ូតូចំនួន០២គ្រឿង និងទូរសព្ទដៃចំនួន០១គ្រឿង
បច្ចុប្បន្ន ជនសង្សយ័និងវត្ថុតាងត្រូវបានកម្លាំងអាវុធហត្ថកសាងសំណុំរឿងបញ្ជូនទៅតុលាការ។

មន្ត្រីអាវុធហត្ថបន្តថាប្រតិបត្តិការធ្វើឡើងដោយកម្លាំងអាវុធហត្ថស្រុកអង្គរធំដឹកនាំដោយលោក វរសេនីយ៍ត្រី រ៉ា បួន មេបញ្ជាការស្រុក និងកម្លាំងអាវុធហត្ថក្រុងសៀមរាបដឹកនាំដោយលោក អនុសេនីយ៏ឯក សំ សារ៉ូ មេបញ្ជាការរងក្រុងសៀមរាប ក្រោមបញ្ជាពីលោក វរសេនីយ៍ឯក ថា ដាលុច មេបញ្ជាការរង ទទួលការងាយុត្តិធម៌។សូមបញ្ជាក់ថាករណីហិង្សនេះបានកើតឡើងនៅវេលាម៉ោង ២៣និង១០នាទី ថ្ងៃទី២៤ ខែកញ្ញា ឆ្នាំ២០២០ ដែល នៅចំណុចខាងមុខបឹងហ្កាឡូចាស់ ភូមិមណ្ឌល២ សង្កាត់ស្វាយដង្គុំ ក្រុងសៀមរាប ខេត្តសៀមរាប៕SRP

ខេត្តសៀមរាប៖លោកឧត្តមសេនីយ៍ត្រី
ជា គឹមសាន ស្នងការរងនគរបាលខេត្តសៀមរាប ទទួលផែនអន្តោប្រវេសន៍បានឲ្យដឹងនារសៀលថ្ងៃនេះហើយ នៅវេលាម៉ោង ១១និង០០នាទីថ្ងៃទី២៦ ខែកញ្ញា ឆ្នាំ២០២០ កម្លាំងការិយាល័យស៊ើបអង្កេតនិងអនុវត្តនីតិវិធី បានបញ្ជូនជនជាតិវៀតណាម ចំនួន២៧នាក់ស្រី០៩នាក់ ទៅស្នាក់ការត្រៀមបណ្តេញចេញរបស់អគ្គនាយកដ្ឋានអន្តោប្រវេសន៍ ចាត់ការបន្តតាមនីតិវិធីច្បាប់។
លោកឧត្តមសេនីយ៍ត្រីជា គឹមសាន បន្តថាជនជាតិវៀតណាមទាំង២៧នាក់នេះ ត្រូវបានសមត្ថកិច្ចយើងឃាត់ខ្លួនកាលពីវេលាម៉ោង១៤និង០០នាទីថ្ងៃទី២៤ ខែកញ្ញា ឆ្នាំ២០២០ នៅចំណុចសណ្ឋាគារអង្គរយៀធីម ស្ថិតនៅភូមិតាភុល សង្កាត់ស្វាយដង្គំ ក្រុងសៀមរាប ពីបទលួចឆ្លងដែន ស្នាក់នៅខុសច្បាប់៕SRP

ខេត្តកណ្ដាល៖រដ្ឋមន្ត្រីក្រសួងកសិកម្ម បានណែនាំឱ្យកសិករ រួមគ្នាចងក្រងជាបណ្តុំអាជីវកម្មបន្លែ ដើម្បីឆ្លើយតបទៅនឹងតម្រូវការទីផ្សារ ហើយទទួលបានប្រាក់ចំណូលកើនឡើងថែមទៀតផង។

ក្នុងឱកាស ចុះពិនិត្យផលិតកម្មដំណាំបន្លែ មានត្រប់ ត្រសក់ ននោងជ្រុង ននោងមូល ត្រឡាច និងប៉េងប៉ោះ របស់កសិករ នៅភូមិបឹងក្រចាប់ ឃុំព្រែកតាមាក់ ស្រុកខ្សាច់កណ្តាល ខេត្តកណ្តាល លោកវេង សាខុន រដ្ឋមន្ត្រីក្រសួងកសិកម្មរុក្ខាប្រមាញ់និង នេសាទ បានមានប្រសាសន៍ថាការចងក្រងនិងពង្រឹងបណ្តុំអាជីវកម្មបន្លែ គឺដើម្បីធានាបានទីផ្សារ តម្លៃ និងនិរន្តរភាពនៃការផ្គត់ផ្គង់ ដោយអនុវត្តតាមផលិតកម្មកសិកម្មតាមកិច្ចសន្យា។

លោករដ្ឋមន្ត្រីបានបញ្ជាក់ថា ការអនុវត្តដូច្នេះ នឹងឈានទៅធ្វើឲ្យផលិតកម្ម បន្លែមាននិរន្តរភាព ធានាបរិមាណផ្គត់ផ្គង់ ប្រសិទ្ធភាពសេដ្ឋកិច្ច និងប្រាក់ចំណូលគ្រួសារ ដើម្បីចូលរួមចំណែកជួយរក្សាបាននូវ សន្តិសុខស្បៀងក្នុងគ្រួសារបានយ៉ាងល្អ ក្នុងខណ:ដែលពិភពលោកកំពុងជួបបញ្ហាវិបត្តិជំងឺកូវីដ-១៩ ។

ម្ចាស់ចម្ការបានថ្លែងអំណរគុណឯកឧត្តមរដ្ឋមន្ត្រី ឯកឧត្តមអភិបាលខេត្ត និងជាពិសេសមន្រ្តីនៃមន្ទីរកសិកម្ម រុក្ខា ប្រមាញ់ និង នេសាទ ដែលតែងតែផ្តល់កម្លាំងចិត្ត គាំទ្រ និងជួយជាបច្ចេកទេសរៀងរហូតមក ធ្វើឲ្យផលិតកម្មបន្លែរបស់បងប្អូនរីកចម្រើនធំធាត់ មកទល់បច្ចុប្បន្ន ប៉ុន្តែមានបញ្ហាសំខាន់មួយគឺតំបន់នេះ ទឹកទន្លេឡើងលិចរៀងរាល់ឆ្នាំ ទើបតែឆ្នាំនេះ ពុំមានទឹកលិចទេ ដូច្នេះពួកគាត់ អាចដាំបានបន្តទៀត៕SRP

ខេត្តបាត់ដំបង៖សមត្ថកិច្ចស្រុកសំឡូតបានឃាត់ខ្លួនបុរសម្នាក់ករណីជួញដូរគ្រឿងញៀន។ហេតុការណ៍បានធ្វើឡើងនៅថ្ងៃសុក្រទី២៥ ខែកញ្ញាឆ្នាំ២០២០ នៅចំណុចក្រុមទី០៩ ភូមិស្រែជីពៅ ឃុំមានជ័យ ស្រុកសំឡូត ខេត្តបា ត់ដំបង។ ជនសង្ស័យឈ្មោះ ភឹម ផាន់ណា ហៅ ង៉ែត អាយុ២៣ឆ្នាំ មានទីលំនៅក្រុមទី១៦ ភូមិស្រែជីពៅ ឃុំមានជ័យ ស្រុកសំឡូត ខេត្តបាត់ដំបង។

សមត្ថកិច្ចដកហូតវត្ថុតាងរួមមានម្សៅក្រាមពណ៌សថ្លាច្រកក្នុងកូនថង់ប្លាស្ទិកពណ៌សថ្លា ចំនួន ០១ថង់ ទម្ងន់ ១០,៥២ក្រាម (ទាំងសំបក) សង្ស័យជាសារធាតុញៀន ប្រភេទមេតំហ្វេតាមីន ម៉ាទឹកកក ICE
-ទូរស័ព្ទដៃចំនួន ០១គ្រឿង (ចាស់)
-ថង់សម្រាប់រំលែកច្រកថ្នាំញៀនលក់ និងសម្ភារសម្រាប់ប្រើបាស់ថ្នាំញៀនមួយចំនួន៕SRP

ខេត្តសៀមរាប៖ក្រុមមន្ត្រីខេត្តសៀមរាប បានធ្វើការឃាត់មនុស្សពីរនាក់និងរថយន្ត១គ្រឿង ពាក់ព័ន្ធករណីដឹកសត្វព្រៃ។ ហេតុការណ៍បានធ្វើឡើងនៅវេលាម៉ោង១២និង៣០ នាទី ឈានចូលព្រឹកថ្ងៃទី២៦ខែកញ្ញាឆ្នាំ២០២០នេះនៅចំណុចភូមិជ្រៃ  ឃុំកណ្ដែក  ស្រុកប្រាសាទបាគង  ខេត្តសៀមរាប។ រថយន្តម៉ាកឡង់គ្រីស័រពណ៌ត្រេអ៊ីប៉ារា  ពាក់ស្លាកលេខ ខម2-6158 ដឹកសត្វប្រវឹកព្រៃចំនួន៥៥៣ក្បាល។

ជនសង្ស័យទាំង០២ នាក់  ជាអ្នកបើកបរ និងអ្នករួមដំណើរ  ទី១/ឈ្មោះ  យ៉េង ឈុនហេង ភេទប្រុសអាយុ៣៣ឆ្នាំ រស់នៅភូមិព្រៃឬស្សី  សង្កាត់ពន្លក  ក្រុងសិរីសោភ័ណ  ខេត្តបន្ទាយមានជ័យ និងទី២/ឈ្មោះ  ឆាត  រស្មី រស់នៅភូមិគាប ឃុំទឹកផ្លា ស្រុកសិរីសោភ័ណ ខេត្តបន្ទាយមានជ័យ។

មន្ត្រីបានឲ្យដឹងថាបន្ទាប់ពីបានសាកសួរ  ជនសង្ស័យបានសារភាពថា សត្វប្រវឹកព្រៃទាំងនេះ ត្រូវបានពួកគេ លួចនាំចូលមកពីខេត្តស្រះកែវ ប្រទេសថៃ  បម្រុងយកទៅលក់នៅរាជធានីភ្នំពេញ។

បច្ចុប្បន្នជនសង្ស័យនិងវត្ថុតាង ត្រូវបានកម្លាំងនគរបាលស្រុកប្រាសាទបាគងសហការ  ជាមួយកម្លាំងនគរបាលការិយាល័យប្រឆាំងបទល្មើសសេដ្ឋកិច្ច  ខេត្តសៀមរាប ប្រគល់ឲ្យខណ្ឌរដ្ឋបាលព្រៃឈើស្រុកបន្ទាយស្រីដើម្បីអនុវត្តតាមផ្លូវច្បាប់៕SRP

ខេត្តសៀមរាប៖បុរសម្នាក់ត្រូវបាននគរបាលចរាចណ៍ខេត្តសៀមរាប ឃាត់ខ្លួនបញ្ជូនទៅការិយាល័យព្រហ្មទណ្ឌកម្រិតស្រាលនៃស្នងការខេត្ត ពាក់ព័ន្ធបើកម៉ូតូមួយគ្រឿងពាក់ស្លាកលេខមិនប្រក្រតី។

ជនសង្ស័យឈ្មោះ ឌឿន ដូច ភេទប្រុស អាយុ៣០ឆ្នាំ មុខរបរកម្មករសំណង់ ស្នាក់នៅបន្ទប់ការដ្ឋានសំណង់ស្ថិតក្នុងភូមិគោកត្នោត ឃុំកណ្តែក ស្រុកប្រាសាទបាគង ខេត្តសៀមរាប។

ការឃាត់ខ្លួននៅថ្ងៃទី២៥ ខែកញ្ញា ឆ្នាំ២០២០ វេលាម៉ោង១៦និង០០នាទី ស្ថិតនៅក្នុងភូមិសាស្ត្រក្រុងសៀមរាបដោយកម្លាំងនគរបាលចរាចរណ៍ផ្លូវគោក។

មន្ត្រីនគរបាលបានឲ្យដឹងថាក្រោយឆែកនៅក្រោមកែបម៉ូតូរកឃើញស្លាកលេខតាកែវ1T.8844ចំនួនមួយសន្លឹក និងស្លាកលេខ កណ្តាល 1G-9493 ជាស្លាកលេខសំរាប់ពេលធ្វើសកម្មភាពលួចបាន ទុកធ្វើការដោះដូរ ព្រមទាំងសោអក្សរតេ កែឆ្នៃចំនួនមួយដើម ដើម្បីកាច់ក ម៉ូតូ អត្តសញ្ញាណបណ្ណ័មួយសន្លឹកឈ្មោះ អ៊ឹម ស្រីឆាវ។

ជនសង្ស័យបានឆ្លើយសារភាពថាម៉ូតូមួយគ្រឿង HONDA C125 ពណ៌ខ្មៅ ស៊េរីឆ្នាំ២០១៩ ពាក់ស្លាកលេខ1T.8844 លេខតួនិងលេខម៉ាស៊ីន5520024 ខ្លួនបានធ្វើសកម្មភាពលួចនៅថ្ងៃទី ១៣ខែកញ្ញាឆ្នាំ២០២០ ម៉ោង១១:00នាទីចំណុចផ្លូវចូលទៅកន្លែងលេងទឹកភូមិត្នោតទេ ឃុំលំចង់ ស្រុកសំរោង ខេត្តតាកែវ ពិតប្រាកដមែន។ សោអក្សតេ ខ្លួនទុកគ្រាន់ធ្វើសកម្មភាព កាច់ក ម៉ូតូនៅក្នុងខេត្តសៀមរាប តែត្រូវបាននគរបាលចាប់បានមុន។ បច្ចុប្បន្ននគរបាលបញ្ជូនទៅទៅតុលាការដើម្បីអនុវត្តតាមផ្លូវច្បាប់។

សូមបញ្ជាក់ថាជនសង្ស័យពាក់ព័ន្ធអំពើលួច(យកម៉ូតូ)នៅខេត្តតាកែវនិងប្រើប្រាស់ដោយខុសច្បាប់នូវសារធាតុញៀន៕SRP

ខេត្តតាកែវ៖ស្រ្តីម្នាក់ត្រូវបានរថយន្តបុកស្លាប់ ខណ:ពេលដែលកំពុងដើរ។ យោងតាមរបាយការណ៍ របស់សមត្ថកិច្ចបានឲ្យដឹងថា៖ កាលពីវេលាម៉ោង១៩នឹង៤០នាទី យប់ថ្ងៃទី២៥ ខែកញ្ញា ឆ្នាំ២០២០ មានករណីគ្រោះថ្នាក់ចរាចរណ៍មួយ បានកើតឡើង រវាងអ្នកថ្មើរជើង នឹងរថយន្ត នៅតាមបណ្តោយផ្លូវជាតិលេខ២ត្រង់ចន្លោះគីឡូមែត្រលេខ,៩៥,៩៦ ស្ថិតនៅក្នុងភូមិយល់ចេក ឃុំជីខ្មារ ស្រុកទ្រាំង ខេត្តតាកែវ ដែលបង្កឡើងដោយរថយន្ត០១គ្រឿង ម៉ាកសាំយ៉ុង មិនស្គាល់ស្លាខលេខ បានបើកមកពីទិសខាងត្បូងទៅជើង ស្រាប់តែមកដល់កន្លែងកើតហេតុ បានបុកស្រ្តីម្នាក់ ដែលកំកពុងតែដើរ តាមបណ្តោយផ្លូវ បណ្តាលឲ្យស្លាប់នៅកន្លែង។ បន្ទាប់ពីបានបង្ករហេតុរថយន្តបាន បន្ថែមល្បឿន បើកគេចខ្លួនបាត់ស្រមោល។ ចំណែកសាកសពស្រ្តីរងគ្រោះ ពុំស្គាល់អត្តសញ្ញាណ ពេលនេះសាកសព ត្រូវបានសមត្ថកិច្ចនគរបាលស្រុកទ្រាំង រក្សាទុកនៅកន្លែងកើតហេតុ ដើម្បីស្រាវជ្រាវ រកសាច់ញ្ញាតិ មកទទួលយកទៅធ្វើបុណ្យតាមប្រពៃណី៕SRP

ខេត្តសៀមរាប​៖​សេចក្ដីរាយការណ៍បឋមបានឲ្យដឹងថាសមត្ថកិច្ចខេត្តសៀមរាបបានឃាត់រថយន្តមួយគ្រឿងនិងរកឃើញសត្វប្រវឹកចំនួន៣៨០ក្បាល​។
ការបង្ក្រាបធ្វើឡើងនៅម៉ោង០១និង៣០នាទីយប់ ថ្ងៃទី២៦ខែកញ្ញាឆ្នាំ២០២០​ ចំណុចភូមិជ្រៃ ឃុំកណ្តែក ស្រុកប្រាសាទបាគងខេត្តសៀមរាប។
សមត្ថកិច្ចបានដឹងថារថយន្តដឹកសត្វប្រវឹកខាងលើម៉ាក​ Land cruiser​ ស្លាកលេខខម​ 2. 6158 ពណ៌ត្រេអុី​ របស់យោធភូមិភាគ៥។
ទោះយ៉ាងណាពាក់ព័ន្ធករណីនេះសមត្ថកិច្ចមិនទាន់បញ្ជាក់លម្អិតនៅឡើយ៕SRP

ខេត្តកំពង់ធំ៖សេចក្ដីរាយការណ៍បានឲ្យដឹងថាស្ត្រីជាប្រពន្ធបានស្លាប់ភ្លាមៗចំណែកប្ដីបានរងរបួសធ្ងន់ ដោយសារដើមឈើរលំសង្កត់ខណ:ចេញពីចំការត្រឡប់មកផ្ទះវិញ។

ហេតុការណ៍បានកើតឡើនៅវេលាម៉ោង៤នឹង៣០នាទីថ្ងៃទី២៥ខែកញ្ញា២០២០ត្រង់ចំណុចព្រៃអង្គតែនស្ថិតក្នុងភូមិកំពប់អំបិល ឃុំបឹងល្វា ស្រុកសន្ទុក ខេត្តកំពង់។ស្ត្រីរងគ្រោះជាប្រពន្ធមានឈ្មោះ ធី ផាន អាយុ៣២ឆ្នាំនឹងប្ដីឈ្មោះ ជា ចាន់ អាយុ៣៥ឆ្នាំមានទីលំនៅភូមិក្រយា ឃុំក្រយា ស្រុកសន្ទុក ខេត្តកំពង់ធំ។
តាមប្រភពថាប្តីប្រពន្ធខាងលើបានធ្វើដំណើរដោយគោយន្តកន្ត្រៃចេញពីចំការត្រឡប់មកផ្ទះវិញដោយមានដឹកអុសផង លុះមកដល់ចំណុចខាងលើ
ក៏ជួបហេតុការណ៍តែម្ដង៕SRP