ខេត្តសៀមរាប៖យុវជនម្នាក់ត្រូវបានកម្លាំងនគរបាលការិយាល័យនគរបាលព្រហ្មទណ្ឌកំរិតធ្ងន់ស្នងការខេត្តសៀមរាបឃាត់ខ្លួនពាក់ព័ន្ទ ករណី អំពើលួចមានស្ថានទម្ងន់ទោស។ ការឃាត់ខ្លួនធ្វើឡើងនៅថ្ងៃទី ២៨ ខែកញ្ញា ឆ្នាំ ២០២០ នៅក្រុងសៀមរាប ខេត្តសៀមរាប។
ជនសង្ស័យ ឈ្មោះ ក្រូច ផល្លា ភេទ ប្រុស អាយុ ១៨ឆ្នាំ មុខរបរគ្មាន បច្ចុប្បន្នរស់ នៅភូមិវាល សង្កាត់គោកចក ក្រុងសៀមរាប។
ជនរងគ្រោះឈ្មោះ ឆ្លាម គឹមស៊ីន ភេទស្រី អាយុ ៣០ឆ្នាំ មុខរបរលក់ដូរបច្ចុប្បន្នរស់នៅភូមិមណ្ឌល៣សង្កាត់ស្លក្រាមក្រុងសៀមរាប។
មន្ត្រីនគរបាលខេត្តសៀមរាបបានឲ្យដឹងថានៅវេលាម៉ោង ២២និង ៤០ នាទីយប់ ថ្ងៃទី ២៧ ខែ កញ្ញា ឆ្នាំ២០២០ ជន សង្ស័យនិងបក្ខពួក បានគាស់ដំបូលផ្ទះរបស់ជនរងគ្រោះ ចូលលួចយកបារី ចំនួន ៣០សុង និងភេសជ្ជៈមួយចំនួន និងបានគេចខ្លួនបាត់។ មន្ត្រីនគរបាលបន្តថាកន្លងមកជនសង្ស័យនិងងបក្ខពួកធ្លាប់លួចបារី និង ភេសជ្ជ: ក្នុងផ្ទះជនរងគ្រោះ ០៤លើកមកហើយ ។ ជនសង្ស័យបានឆ្លើយសារភាពថាពិតជាបានលួចប្រាកដមែន។
បើតាមមន្ត្រីនគរបាលបន្តថាបានធ្វើតេស្តរកសាធាតុញៀនជន សង្ស័យ ឈ្មោះ ក្រូច ផល្លា លទ្ធផលវិជ្ជមាន។ ជាមួយគ្នានេះដែរក៏បានឃាត់ខ្លួនជនសង្ស័យពីរនាក់បន្ថែមទៀតផងដែរ។ចំណែកជនសង្ស័យ ឈ្មោះ ធឿន សុពីន ភេទប្រុស អាយុ ១៣ឆ្នាំ និង ឈ្មោះ ធឿន កក្កដា ភេទប្រុស អាយុ ១១ ឆ្នាំលទ្ធផលធ្វើតេស្តរកសាធាតុញៀនវិជ្ជមាន និងបានប្រគល់អោយការិយាល័យប្រឆាំងគ្រឿងញៀនដើម្បីបន្តនីតិវិធី ។
សូមបញ្ជាក់ថាករណីលួចបានកើតឡើងកាលពីវេលាម៉ោង ២២ និង ៤០នាទីយប់ ថ្ងៃទី២៧ខែកញ្ញាឆ្នាំ២០២០ ត្រង់ចំណុចភូមិមណ្ឌល៣ សង្កាត់ស្ល្កក្រាម ក្រុងសៀមរាប។
សូមជម្រាបថាប្រតិបត្តិការនេះក្រោមការការណែនាំពី លោកឧត្តមសេនីយត្រី ភឹង ចិន្តារ៉េត ស្នងការរងទទួលផែនការងារនគរបាលព្រហ្មទណ្ឌ និងប្រធានការិយាយល័យនគរបាលព្រហ្មទណ្ឌកំរិតធ្ងន់៕SRP
