ខេត្តសៀមរាប៖យោងតាមប្រភពគួរឲ្យទុកចិត្តបានប្រាប់ អង្គភាពសៀមរាប ប៉ុស្ដិ៍ នៅព្រឹកនេះថា ជនបង្កដែលបានបើករថយន្តបុកមនុស្សជិះម៉ូតូទាំងកំរោលបណ្ដាលឲ្យស្លាប់យ៉ាងអាណោចអាធម៌ នៅកន្លែងកើតហេតុ​ត្រូវបានគេស្គាល់ឈ្មោះហើយ។

ប្រភពព័ត៌មានដែលសុំមិនបញ្ចេញឈ្មោះបានប្រាប់ថា ​ជនបង្ក មានឈ្មោះ ឈ្មោះ វ៉ាន់ វីរ៉ុត ធ្វើការនៅធ្វើការនៅក្រុមហ៊ុនសួស្តីហ្វាយណែន ត្រូវជាកូន នគរបាលចរាចរណ៍ផ្លូវគោកនៃស្នងការនគរបាលខេត្តសៀមរាបម្នាក់។ ប៉ុន្តែព័ត៌មានបានទម្លាយថា ជនបង្កបានរត់គេចពីខេត្តសៀមរាបហើយ។

សូមជម្រាបថារថយន្តម៉ាស្តា ស៊េរីទំនើបមួយគ្រឿង ពាក់ផ្លាកលេខនគរបាល ដែលបើកក្នុងល្បឿនលឿន បានបុកជាមួយម៉ូតូមួយគ្រឿង បណ្តាលឲ្យអ្នកបើកបរម៉ូតូស្លាប់ភ្លាមៗនៅកន្លែងកើតហេតុ។

យោងតាមរបាយការណ៍នគរបាលចរាចរណ៍ ខេត្តសៀមរាប បានឲ្យដឹងថា គ្រោះថ្នាក់ចរាចរណ៍នេះ បានកើតឡើងនវេលារំលងអាធ្រាត្រ ចូលថ្ងៃទី១ ខែឧសភា ឆ្នាំ២០២៣ នៅត្រង់ចំណុច មុខរ៉ូហ្សាណា ស្ថិតនៅលើផ្លូវជាតិលេខ៦ ក្នុងភូមិធ្លកអណ្តូង សង្កាត់ស្លក្រាម ក្រុង សៀមរាប។

របាយការណ៍ឲ្យដឹងថា នៅវេលាម៉ោងខាងលើ មានរថយន្តម៉ាក ម៉ាសដា ពណ៌ ខ្មៅ ពាក់ផ្លាកលេខ នគរបាល ២-១២៦០ អ្នកបើកបរមិនស្គាល់អត្តសញ្ញាណបើកបរមានទិសដៅ ពីកើតទៅលិច លុះមកដល់ចំណុចកើតហេតុ បានបុកម៉ូតូម៉ាក វ៉េវ ពណ៌ ខ្មៅ ផ្លាកលេខ សៀមរាប 1AH-៣២៤៣ អ្នកបើកបរ ឈ្មោះ លឹម ពុទ្ធាវី ភេទ ប្រុស អាយុ ៣៤ឆ្នាំ រស់នៅផ្ទះជួលភូមិ ធ្លកអណ្តូង សង្កាត់ ស្លក្រាម ក្រុងខេត្ត សៀមរាប មានទិសដៅ ពីលិចបត់ឆ្វេងទៅជើង បណ្តាលឲ្យ ស្លាប់ឈ្មោះ លឹម ពុទ្ធាវី ស្លាប់នៅនឹងកន្លែងកើតហេតុ។ រីឯម៉ូតូ និងរថយន្តខូចខាតធ្ងន់ធ្ងរ។

ប្រធានការិយាល័យនគរបាលចរាចរណ៍ផ្លូវគោក នៃស្នងការរដ្ឋាននគរបាលខេត្តសៀមរាប លោក សោម វីរៈ រូបនេះបានឲ្យដឹងថា តាមការពិនិត្យជាក់ស្តែងនៅកន្លែងកើតហេតុ អ្នកបើកបររថយន្តបានបើកបរក្នុងល្បឿនលឿន។ លោកថា ក្រោយពេលកើតហេតុអ្នកបើកបររថយន្តបានរត់គេចខ្លួនបាត់។ ប៉ុន្តែបើទោះជាយ៉ាងនេះក្តី សមត្ថកិច្ចក៏កំពុងស្រាវជ្រាវ រកអត្តសញ្ញាណអ្នកបើកបររូបនេះផងដែរ។ បើតាមការបញ្ជាក់ពីលោក សោម វីរៈ រថយន្តបង្កមិនមែនជារថយន្តនៅក្នុងអង្គភាពណាមួយ នៃស្នងការដ្ឋាននគរបាលខេត្តសៀមរាបនោះទេ។

ថ្លែងប្រាប់សៀមរាប ប៉ុស្ដិ៍ នៅថ្ងៃចន្ធម្សិលមិញ មន្ត្រីនគរបាលជាន់ខ្ពស់ខេត្តសៀមរាប បញ្ជាក់ថា រថយន្តពាក់ផ្លាកលេខនគរបាល ដែលបានបុកមនុស្សស្លាប់កាលពីយប់មិញ ផ្លាកលេខរថយន្តនោះ មិនមាននៅក្នុងបញ្ជីឯកសារនោះទេ មានន័យថា ផ្លាកលេខក្លែងក្លាយ ហើយជាមួយគ្នានេះ អ្នកបើកបររថយន្តរូបនោះក៏មិនមែនជានគរបាលដែរប៉ុន្តែរស់នៅខេត្តសៀមរាប៕SRP

អ្នកភូមិប្រមាណជាង១០៣គ្រួសារ រស់នៅចំណុចពយកំពេញ ស្ថិតនៅក្នុងភូមិ១ សង្កាត់លេខ៣ ក្រុង/ខេត្តព្រះសីហនុ បានលើកគ្នាមកសាលាខេត្ដព្រះសីហនុ បន្ដទទួអង្វរ ស្នើសុំអន្ដរាគមន៍ពីថ្នាក់ដឹកនាំខេត្ដ និងប្រមុខដឹកនាំរាជរដ្ឋាភិបាល ជួយជម្រុញឲ្យមន្ត្រីជំនាញ និងស្ថាប័នពាក់ព័ន្ធ ចេញប្លង់កម្មសិទ្ធិដីលំនៅដ្ឋានរបស់ពួកគាត់ ខណៈដែលអ្នករស់នៅជិតពួកគាត់ គេបានទទួលប្លង់កម្មសិទ្ធិរួចហើយ។

តំណាងប្រជាពលរដ្ឋទាំង១០០គ្រួសារ បានប្រាប់អ្នកសារព័ត៌មានថា ពួកគាត់មករស់នៅទីនេះ យូរយារណាស់មកហើយ ខ្លះតាំងពីឆ្នាំ១៩៨០ជាង អ្នកខ្លះតាំងពីឆ្នាំ១៩៩០ជាង ពួកគាត់ ស្នើសុំ អភិបាលខេត្ដព្រះសីហនុ និងប្រមុខដឹកនាំរាជរដ្ឋាភិបាលកម្ពុជា ជួយជម្រុញមន្ត្រីជំនាញ នៃមន្ទីររៀបចំដែនដី នគរូបនីយ៍កម្ម សំណង់ និងសុរិយោដីខេត្ដព្រះសីហនុ ជួយចេញប័ណ្ណកម្មសិទ្ធដី លំនៅដ្ឋានឲ្យពួកគាត់រស់នៅស្របច្បាប់ផង។

តំណាងពលរដ្ឋបន្តថា ពួកគាត់ មានការខ្វាយខ្វល់ខ្លាំង ខណៈដែលអ្នកមានលុយ និងអ្នកមានអំណាចនៅជុំវិញពួកគាត់ បានទទួលប្លង់កម្មសិទ្ធិនោះ។ ពួកគាត់ សួរទៅអាជ្ញាធរមូលដ្ឋានសង្កាត់ រដ្ឋបាលក្រុង/ខេត្ដ ឆ្លើយមិនច្បាស់លាស់ជាមួយពួកគាត់ ដោយឆ្លើយដាក់គ្នាពីក្រោមរហូតទៅដល់លើ (ពីភូមិ ដល់ ខេត្ដ) ទើបពួកគាត់ បន្ដទទួចស្នើសុំអន្ដរាគមន៍ពីសម្ដេចតេជោនាយករដ្ឋមន្ត្រីទៀតនោះ។

ជុំវិញរឿងប្រជាពលរដ្ឋ ១០៣គ្រួសារនេះ ចៅសង្កាត់លេខ៣ លោក កាន់ ឡឹង ប្រាប់ថា ករណីនេះ គណៈកម្មាធិការខេត្ដ នឹងរៀបចំនៅជំហ៊ានទី២ ហើយរឿងនេះ គឺខាងសាលាខេត្ដជារៀបចំនិងដោះស្រា

សូមគួររំលឹលដែរថា សម្តេចហ៊ុន សែន បានប្រាប់ទៅរដ្ឋបាលខេត្ដព្រះសីហនុ និងជំនាញចុះត្រួតពិនិត្យវាស់វែង ចេញបណ្ណកម្មសិទ្ធិ ជូនប្រជាពលរដ្ឋទាំង ១០៣គ្រួសារ នៅពយកំពេញ ដែលបាននិងកំពុងរស់នៅទីនោះ ជាយូរមកហើយឱ្យបានរស់នៅសមរម្យស្របច្បាប់ កាលពីថ្ងៃទី៣ ខែសីហា ឆ្នាំ២០១៦ កន្លងទៅ ក្នុងជំនួបសំណេះសំណាល ជាមួយមន្ត្រីរាជការកងកម្លាំងប្រដាប់អាវុធខេត្ដព្រះសីហនុ។ បន្ទាប់មក ប្រជាពលរដ្ឋទាំង ១០៣គ្រួសារ បានលើកគ្នាទៅសាលាខេត្ដព្រះសីហនុទៀត ដើម្បីបន្ដសុំអន្ដរាគមន៍ ជួយជម្រុញជំនាញចុះវាស់វែង ចេញបណ្ណកម្មសិទ្ធិស្របច្បាប់ ឱ្យពួកគាត់ទៀត ព្រោះពួកគាត់បានដាក់លិខិតស្នើសុំអន្ដរាគមន៍ ជាច្រើនលើកតែមិនមានការឆ្លើយតប ទើបពួកគាត់ បានលើកគ្នាមកសាលាខេត្ដ (លោក ម៉ាង ស៊ីណេង អភិបាលរងខេត្ដព្រះសីហនុ) កាលពីថ្ងៃទី១៩ ខែមករា ឆ្នាំ២០១៨ តែមិនមានដំណោះស្រាយទេ ដោយលោកអភិបាលរងខេត្ដ បានប្រាប់ថា “ការជួបជុំថ្ងៃនេះ គឺលោកប្រមូលសំណូមពរ និងឯកសារពាក់ព័ន្ធ របស់ប្រជាពលរេដ្ឋ ដើម្បីធ្វើរបាយការណ៍ ជូនទៅឯកឧត្ដមអភិបាលខេត្ដព្រះសីហនុ សម្រាប់ជាព័ត៌មានលម្អិត ក្នុងការចាត់ចែងជម្រុញទៅមន្ត្រីជំនាញរៀបចំដោះស្រាយ”៕SRP

ខេត្តកំពង់ចាម​៖លោកអ៊ុន ចាន់ដា បានថ្លែង​ថា​ ការកសាងសមាជិក គណបក្សនៅមូលដ្ឋាន គឺជាការងារសំខាន់មួយ ពោលគឺត្រូវបង្កើនការយកចិត្តទុកដាក់ លើការធ្វើអំពើល្អ ដល់សមាជិកបក្សបក្សរបស់ខ្លួន រួមទាំងប្រជាពលរដ្ឋទូទៅផងដែរ។ លោកថា ប្រជាពលរដ្ឋខ្លះ ទោះបីមិនបានចូលជាសមាជិក បក្សប្រជាជន ប៉ុន្តែមិនមែនបានន័យថា ពួកគាត់មិនបោះឆ្នោតគាំទ្រគណបក្សប្រជាជនកម្ពុជា នោះទេ ដូច្នេះមន្ត្រីបក្សមូលដ្ឋាន ក៏ត្រូវធ្វើអំពើល្អដាក់ពួកគាត់ផងដែរ។

លោក អ៊ុន ចាន់ដា សមាជិកគណៈកម្មធិការកណ្តាល ប្រធានគណៈកម្មាធិការគណបក្សខេត្ត និងជាប្រធានក្រុមការងារគណបក្សចុះមូលដ្ឋានក្រុងកំពង់ចាម ប្រាប់សមាជិកបែបនេះ
ក្នុង​ពិធីប្រកាស​បញ្ចូលសមាជិកថ្មីចំនួន ៧៦០នាក់ មកពីសង្កាត់វាលវង់ និងសង្កាត់កំពង់ចាម នៅថ្ងៃចន្ទនេះ។

លោកក៏បានណែនាំដល់ ប្រធានគណបក្សសង្កាត់ទាំងពីរ ក៏ដូចជាក្រុមការងារស្នូល ត្រូវយកចិត្តទុកដាក់ខ្ពស់ លើការចិញ្ចឹមចលនាសមាជិកបក្ស និងការជួយសម្របសម្រួល ដល់សមាជិកបក្ស រាល់ពេលពួកគាត់មានតម្រូវការ ឬមានសំណូមពរ ឬក៏ជួបបញ្ហាផ្សេងៗ ពិសេសគឺផ្សារភ្ជាប់ទៅនឹងការផ្ដល់-ទទួលសេវាសាធារណៈ ដែលជាតម្រូវការចាំបាច់ប្រចាំថ្ងៃ របស់ពួកគាត់។

ប្រធានគណបក្សខេត្ត បានបន្តថា គណបក្សមូលដ្ឋាន ក៏ត្រូវត្រៀមឃោសនិក ដើម្បីបកស្រាយពីគោលនយោបាយ គណបក្ស ផ្សព្វផ្សាយទៅកាន់ប្រជាពលរដ្ឋ នៅតាមទីប្រជុំជននានា ហើយក៏ដើម្បីវាយបកទៅកាន់មជ្ឈដ្ឋានដែលវាយប្រហារមកលើគណបក្សប្រជាជនកម្ពុជាវិញដែរ។

លោក អ៊ុន ចាន់ដា បានបញ្ជាក់ថា រាល់សកម្មភាពបក្សទាំងអស់ គឺត្រូវប្រកាន់ខ្ជាប់នូវស្មារតី ដើម្បីផលប្រយោជន៍គណបក្ស និងប្រជាជន ដើម្បីកសាងកម្លាំងឱ្យកាន់តែមុតមាំក្នុងការប្រជែងយកជ័យជម្នះ ក្នុងការបោះឆ្នោតជ្រើសតាំងតំណាងរាស្ត្រនីតិកាលទី៧ ដែល​នឹង​ឈានមកដល់ នាថ្ងៃអាទិត្យ ទី២៣ ខែកក្កដា ឆ្នាំ២០២៣ ខាងមុខនេះ​ ផងដែរ​។

គួរ​បញ្ជាក់​ថា​ សមាជិក​ថ្មី​ ចំនួន​ ៧៦០នាក់​ ដែល​សុំ​ចូលរួម​ជីវភាព​នយោបាយ​ជាមួយ​គណបក្សប្រជាជន​កម្ពុជា​ ក្រុង​កំពង់ចាម​ ក្នុង​នោះ​សមាជិក​មកពីសង្កាត់វាលវង់ ចំនួន​ ៥២២នាក់ និង សង្កាត់កំពង់ចាម ចំនួន​ ២៣៨នាក់​៕SRP

ថ្លែងក្នុងពិធីបើកការដ្ឋានសាងសង់ពង្រីកកំពង់ផែ ក្រុងព្រះសីហនុ អបអរខួប៧០ឆ្នាំទំនាក់ទំនងកម្ពុជា-ជប៉ុន និងទិវាពលកម្មអន្តរជាតិ នៅថ្ងៃចន្ទ នេះ សម្ដេចហ៊ុន សែន នាយករដ្ឋមន្ត្រីកម្ពុជា បានស្ដីបន្ទោសដល់រដ្ឋមន្ត្រីព័ត៌មាន និងអ្នកគ្រប់គ្រង ស្ថានីយទូរទស្សន៍ជាតិ ឱ្យចាប់អារម្មណ៍ ផ្សាយការប្រកួតស៊ីហ្គេមវិញបន្ទាប់ពីខកខានផ្សាយការប្រកួតកាលពីម្សិលមិញ។ ករណីនេះ សម្ដេចហ៊ុន សែន ព្រមាន ដកអគ្គនាយកនៃស្ថានីយន៍ទូរទស្សន៍ជាតិចេញពីតំណែងផងដែរប្រសិនជាមិនអាចធ្វើរឿងនេះបាន។

នៅកំពង់ផែក្រុងព្រះសីហនុ សម្ដេចតេជោ ហ៊ុន សែន បានលើកឡើងថា សម្ដេចចង់ឱ្យស៊ីហ្គេមក្លាយជាបុណ្យជាតិ ដែលអបអរ ទូទាំងប្រទេស ដោយសម្រួលការលំបាក ឱ្យប្រជាពលរដ្ឋ ដែលចង់មើលការប្រកួតតែបែរជាខកចិត្តវិញដោយសារទូរទស្សន៍ជាតិ មិនបានផ្សាយទូលំទូលាយពីព្រឹត្តិការណ៍កីឡានេះ។

សម្ដេចថា៖ «ផ្សាយឱ្យវាសប្បាយទូទាំងប្រទេសមើល! […] បើខ្ញុំទៅវិញអត់មានធ្វើទេលោកអ្នកនឹងអស់តំណែងមុនម៉ោង ៩យប់ និយាយប្រាប់ឱ្យហើយ»។

សម្ដេចតេជោបានស្នើដល់ស្ថានីយទូរទស្សន៍ឯកជនធ្វើការផ្សព្វផ្សាយពីការប្រកួតកីឡានេះឱ្យបានទូលំទូលាយផងដែរ៕SRP

ខេត្តសៀមរាប៖អ្នកជិះម៉ូតូម្នាក់ត្រូវបានរថយន្តបុកចំពេញទំហឹងបណ្ដាលឱ្យស្លាប់ភ្លាមៗនៅកន្លែងការហេតុ។

ហេតុការណ៍បានកើតឡើង វេលាម៉ោងទៀបភ្លឺ ថ្ងៃទី១ ខែ ឧសភា ឆ្នាំ២០២៣ ចំណុចខាងលិចផ្លូវបំបែកផ្សារកាកំបុត ចម្ងាយ៥០០ម៉ែត្រ លើផ្លូវជាតិលេខ៦ ចន្លោះគីឡូម៉ែត្រ ២៩២.២៩៣ ឃុំរកាកំបុត ស្រុកប្រាសាទបាគង ខេត្តសៀមរាប។

ប្រភពពីសមត្ថកិច្ចបានឲ្យដឹងថា រថយន្តបង្កហេតុម៉ាក ហ៊ីយានដាយ ពាក់ផ្លាកលេខ កំពត 3 A.0769 បុកជាមួយម៉ូតូម៉ាកហុដាទ្រីមពណ៌ខ្មៅមពាក់ផ្លាកលេខ សៀមរាប 1 AN.1760 ម្ចាស់ឈ្មោះសឹម ធា ភេទប្រុសអាយុ ២៩ឆ្នាំរស់នៅភូមិត្រាំកង់ ឃុំ និទាន ស្រុកបសេដ្ឋ ខេត្តកំពង់ស្ពឺស្លាប់និងកន្លែងកើតហេតុ បើកបរមានទិសដៅពីកើតទៅលិច។

ប្រភពបានបន្តថា ក្រោយពេលកើតហេតុរួចអ្នកបើកបររថយន្តបានចុះរត់គេចខ្លួនបាត់។ ចំណែកម៉ូតូនិងរថយន្ត ត្រូវបានយកមករក្សាទុកនៅអធិការស្រុកដើម្បីបង្កសំណុំរឿងចាត់ការតាមនីតិវិធី៕SRP

ខេត្តសៀមរាប៖នគរបាលស្រុកសូទ្រនិគម បានឲ្យដឹងថា នៅថ្ងៃទី៣០ ខែមេសា ឆ្នាំ២០២៣ វេលាម៉ោង ២០:២០នាទី
មានមអគ្គិភ័យ ឆាបឆេះផ្ទះមួយខ្នង នៅចំណុចភូមិគោកមន ឃុំដំដែក ស្រុកសូទ្រនិគម ខេត្តសៀមរាប។

ម្ចាស់ផ្ទះឈ្មោះ រឿន ភីរម្យ ភេទប្រុស អាយុ៣០ឆ្នាំ មុខរបរគ្រូពេទ្យ រស់នៅភូមិឃុំកើតហេតុខាងលើ។

បណ្ដាលឱ្យខូចខាត៖
-ផ្ទះឈើមួយខ្នងប្រក់ដំបូលសង្ក័សី និងជញ្ជាំងសង្ក័សី ទំហំ ៥ម៉ែត្រ * ៦ម៉ែត្រ ខូចខាតអស់ខ្ទង់ ៧០%។
-សម្លៀកបំពាក់ប្រើប្រាស់ប្រចាំថ្ងៃ និងឯកសារមួយចំនួន។
មូលហេតុ៖ ទុស្សេខ្សែភ្លើង។ ម្ចាស់ផ្ទះបើកភ្លើងអំពូល និងដើរចោលផ្ទះ៕SRP

សម្ដេចតេជោហ៊ុន សែន នាយករដ្ឋមន្ត្រី តាមរយៈប្រព័ន្ធតេឡេក្រាមបានសរសេរថា៖ ការប្រជុំតាមzoom របស់ពួកអ្នកមិនអាចលាក់បាំងបានទេ បើទោះពួកអ្នកនៅក្រៅ
ប្រទេសនិងតាំងខ្លួនជាក្រុមសុីវិល ក៏ដោយ
ការប្រជុំថ្ងៃ៣០ មេសា២០២៣ នេះខ្ញុំជួយ
ផ្សាយឲ្យពួកអ្នកទៅចុះ។

តើពួកអ្នកចង់បំផ្លាញកម្ពុជាដល់ណាទៀត?

ពួកអ្នកចង់បានប្រជាធិបតេយ្យ តែប្រឆាំង
ជាមួយការបោះនិងត្រៀមខ្លួនប្រកាស
ប្រឆាំងលទ្ធផលបោះឆ្នោត។

ពួកអ្នកជាជនជាតិខ្មែរ រស់នៅបរទេសនិង
មានសញ្ជាតិបរទេស មិនស្គាល់សេចក្តី
ត្រូវការប្រជាជន នៅក្នុងប្រទេសនោះ
ឡើយ។

សូមអ្នកកុំភ្លេចថា បរទេសគ្មានលទ្ធភាព
សម្លាប់ខ្មែរដូចអ្នកចង់បាននោះឡើយ។

សូមអ្នកកុំភ្លេចថា មនុស្សនៅជាមួយអ្នកក៏មានមនុស្សរបស់ខ្ញុំដែរ។ ពួកអ្នកមកលេងស្រុកលំបាកបន្តិចហើយព្រោះពួកអ្នកត្រូវបានចាត់ទុកថាជាក្រុមជ្រុលនិយមបំផ្លាញជាតិ៕SRP

ព្រះមហាក្សត្រ បានចេញព្រះរាជក្រឹត្យ ត្រាស់បង្គាប់តែងតាំងមុខតំណែងលោក សួង សុភ័ណ្ឌ ជារដ្ឋលេខាធិការទីស្ដីការគណៈរដ្ឋមន្ត្រី។ នេះបើយោងតាមរះរាជក្រឹត្យចុះថ្ងៃទី៣០ ខែមេសា ឆ្នាំ២០២៣។

លោក សួង សុភ័ណ្ឌ បានសុំចូលរួមជីវភាពនយោបាយជាមួយ គណបក្សប្រជាជនកម្ពុជា នៅថ្ងៃទី៣០ ខែមេសា ឆ្នាំ២០២៣។

សម្តេចតេជោ ហ៊ុន សែន បានស្វាគមន៍យ៉ាងកក់ក្តៅចំពោះលោកសួង សោភ័ណ្ឌ ដែល ពេញចិត្តសុំមករួមជីវភាពនយោបាយជាមួយគណបក្សប្រជាជនកម្ពុជា។

សម្តេចតេជោ ហ៊ុន សែន បានបន្តថា ក្នុងនាមរាជរដ្ឋាភិបាល សម្តេចនឹងស្នើសុំព្រះមហាក្សត្រចេញព្រះរាជក្រឹត្យតែងតាំងលោកសួង សោភ័ណ្ឌ ជារដ្ឋលេខាធិការទីស្តីការគណរដ្ឋមន្ត្រី។

លោក សួង សុភ័ណ្ឌ អតីតប្រធានចលនាយុវជនគណបក្ស សម រង្ស៊ី និងជាអតីតបេក្ខជន​តំណាង​រាស្ត្រមណ្ឌល​ខេត្ត​ប៉ៃលិន​នៃអតីតគណបក្ស​សង្គ្រោះជាតិ បបច្ចបច្ចុប្បន្នជាប្រធានគណបក្សខ្មែរឈ្នះ៕SRP

នាយសៅ សុខា មេបញ្ជាការកងរាជអាវុធហត្ថលើផ្ទៃប្រទេស បានបញ្ជាឱ្យលោក មាស យ៉ត មេបញ្ជាការកងរាជអាវុធហត្ថខេត្តកំពង់ធំ ធ្វើការត្រួតពិនិត្យករណីខាងលើនិងដោះស្រាយដោយគោរពគោលការណ៍ “ការពារ បម្រើ និងសង្គ្រោះប្រជាពលរដ្ឋ”។

ការបញ្ជានៅថ្ងៃទី៣០ ខែមេសា ឆ្នាំ២០២៣ បន្ទាប់ពី កងរាជអាវុធហត្ថផ្ទៃប្រទេសបានឃើញអត្ថបទរូបភាពព័ត៌មាន ពាក់ព័ន្ធនឹងយោធិននៃកងរាជអាវុធហត្ថខេត្តកំពង់ធំ ដែលគ្រោះថ្នាក់ចរាចរណ៍ រវាងរថយន្ដនិងគោយន្ដ ហើយមានការទារលុយ និងស្ទួចយកគោយន្តនោះផងដែរ។

នេះបើតាមលោកឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស បានជម្រាបជូនសាធារណជន អ្នកសារព័ត៌មាន និងបុគ្គលដែលពាក់ព័ន្ធ៕SRP

សម្ដេចតេជោ ហ៊ុន សែន នាយករដ្ឋមន្ត្រី នៅព្រឹក ថ្ងៃអាទិត្យ នេះ បានអញ្ជើញពិនិត្យ សមិទ្ធផល​ និងវឌ្ឍនភាពនៃការសាងសង់ ស្ថានីយ​ប្រព្រឹត្តិកម្ម​ទឹកកខ្វក់ ទី៣ នៅខេត្តព្រះសីហនុ។

ស្ថានីយ៍ប្រព្រឹត្តកម្មទឹកកខ្វក់ទី៣ (PS3) នេះ ស្ថិតនៅភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ ដោយប្រើប្រាស់បច្ចេកវិទ្យា Membrane Aerated Biofilm Reactor (MABR) ដែលជាបច្ចេកវិទ្យាចុងក្រោយរបស់ប្រទេសអ៊ីស្រាអែល ដែលអនុវត្តដោយក្រុមហ៊ុន Xwater Technology រយៈពេល ២២ខែ គ្រោងបញ្ចប់ការសាងសង់នៅខែមិថុនា ឆ្នាំ២០២៣ ខាងមុខ ក្នុងទឹកប្រាក់ប្រមាណ ២០លានដុល្លារ។

ស្ថានីយ៍ប្រព្រឹត្តកម្មទឹកកខ្វក់ទី៣ (PS3) បានបើកការដ្ឋានសាងសង់កាលពីថ្ងៃទី១៨ ខែកញ្ញា ឆ្នាំ២០២១ ហើយការសាងសង់ឡើងក្នុងគោលបំណងដើម្បីបន្សុទ្ធទឹកកខ្វក់ ទឹកស្អុយ ឱ្យក្លាយជាទឹកដែលស្អាត ស្របតាមស្តង់ដារបរិស្ថាន មុននឹងបញ្ចេញចោលទៅក្នុងសមុទ្រ។

បច្ចុប្បន្ន ខេត្តព្រះសីហនុមានស្ថានីយប្រព្រឹត្តិកម្មទឹកខ្វាក់ចំនួន៣ ទីតាំងហើយ ដែលស្ថានីយ៍ប្រព្រឹត្តិកម្មទឹកកខ្វក់ទី១ មានសមត្ថភាពប្រព្រឹត្តិកម្មទឹកកខ្វក់ក្នុងបរិមាណ ៥,២០០ម៉ែត្រគូប ក្នុងមួយថ្ងៃ។ ស្ថានីយ៍ប្រព្រឹត្តិកម្មទឹកកខ្វក់ទី២ មានសមត្ថភាពប្រព្រឹត្តិកម្មទឹកកខ្វក់ក្នុងបរិមាណ ៧,២០០ ម៉ែត្រគូប ក្នុងមួយថ្ងៃ។ ចំណែកឯស្ថានីយ៍ប្រព្រឹត្តិកម្មទឹកកខ្វក់ទី៣ ដែលកំពុងបើកការដ្ឋានសាងសង់នៅពេលនេះ មានសមត្ថភាពប្រព្រឹត្តិកម្មទឹកកខ្វក់ក្នុងបរិមាណ ២០,០០០ម៉ែត្រគូប ក្នុងមួយថ្ងៃ។

ស្ថានីយប្រព្រឹត្តកម្មនេះបានផ្តល់ផលប្រយោជន៍សេដ្ឋកិច្ច និងសង្គមដល់ខេត្តព្រះសីហនុ ធ្វើឱ្យបរិស្ថានល្អ សោភ័ណភាព និងទទួលបានភ្ញៀវទេសចរច្រើននាពេលខាងមុខ ដោយមានស្ថេរភាព ប្រសិទ្ធភាព សន្សំសំចៃថាមពល គ្មានសំឡេងរំខាន គ្មា​នក្លិនប៉ះពាល់ដល់អ្នករស់នៅជុំវិញ និងអ្នករួមចំណែកដល់ការថែរក្សាបរិស្ថាន៕SRP

លោកគួច ចំរើន អភិបាលខេត្តព្រះសីហនុ បានថ្លែងអំណរគុណដែលជាជ្រៅ ចំពោះថ្នាក់ដឹកនាំសម្ដេចតេជោ ឯកឧត្តមឧបនាយករដ្ឋមន្រ្តី និងការដឹកនាំគណៈកម្មការតំបន់ឆ្នេរ ក៏ដូចជាក្រុមការងាររបស់ក្រុមហ៊ុនម៉ៅការទាំងអស់ ព្រមទាំងកងកម្លាំងអាជ្ញាធរ និងមន្ត្រីជំនាញ ដោយនៅពេលកន្លងមក បានរួមសហការគាំទ្រគ្នា ជំរុញក្នុងការកសាងហេដ្ឋារចនាសម្ព័ន្ធ នៅខេត្តព្រះសីហនុ ទទួលបាន នូវសមិទ្ធផលយ៉ាងត្រចះត្រចង់ នៅអបអរសាទរ ពីថ្នាក់ដឹកនាំជាតិ និងអន្តរជាតិ រួមទាំងសាធារណៈមតិ និងបងប្អូនប្រជាពលរដ្ឋ ជាច្រើនកុះករ ហើយសមិទ្ធផលទាំងអស់នេះ គឺដោយសារការខំប្រឹងប្រែងរបស់យើងទាំងអស់ គ្នាពីថ្នាក់ដឹកនាំ ដែលបានផ្ដល់នូវសមិទ្ធផលសម្រាប់យើង និងសម្រាប់ជាតិរបស់យើងទាំងគ្នាផងដែរ។

លោក គួច ចំរើន បានមានប្រសាសន៍ យ៉ាងដូច្នេះក្នុងពិធីប្រគល់ទទួលសមិទ្ធផល ហេដ្ឋារចនាសម្ព័ន្ធ ផ្លូវចំនួន ៣៧ខ្សែ និងស្ថានីយប្រព្រឹត្តិកម្មទឹកកខ្វក់ទី១ និងទី២ ប្រគល់ជូនដល់រដ្ឋបាលខេត្ត ដែលស្ថិតក្នុងក្រុងព្រះសីហនុ ខេត្តព្រះសីហនុ នៅថ្ងៃសៅរ៍ម្សិលមិញ។

លោកលី រស្មី រដ្ឋលេខាធិការក្រសួងដែនដីនគរូបនីយកម្ម និងសំណង់ បានមានប្រសាសន៍ ក្នុងពិធីថា ផែនការរបស់រាជរដ្ឋាភិបាល ដោយបានប្រកាសបើកការដ្ឋាន នៅកាលពីថ្ងៃទី១៦ ខែមិថុនា ឆ្នាំ២០១៩ ក្រោមការអញ្ជើញគណៈអធិបតីដ៏ខ្ពង់ខ្ពស់ពីសម្ដេចតេជោ ហ៊ុន សែន ដោយបានសម្ពោធដាក់ឱ្យដំណើរការប្រើប្រាស់នៅកាលពីថ្ងៃទី២ ខែធ្នូ ឆ្នាំ២០២១ ហើយក្នុងការស្ថាបនាហេដ្ឋារចនាសម្ព័ន្ធផ្លូវទាំង ៣៧ខ្សែ នៅក្នុងក្រុង/ខេត្តព្រះសីហនុ មានប្រវែងសរុប ទាំងអស់គឺ ៨៤.០៦៦គីឡូម៉ែត្រ ដោយក្នុងនោះមាន៖ ផ្លូវមហាវិថីចំនួន ៣ខ្សែ,ផ្លូវវិថីចំនួន ១៥ខ្សែ និងអនុវិថី ១៩ខ្សែ។

លោកបន្តថា សមិទ្ធផលហេដ្ឋារចនាសម្ព័ន្ធ ទាំងអស់នេះ គឺជាដំបូងឡើយ ដែលបានក្រុមការងារគិតគូរ ពីគណៈកម្មការជាតិអភិវឌ្ឍន៍គ្រប់គ្រង តំបន់ឆ្នេរកម្ពុជា ដោយគិតគូដំបូង អំពីផ្លូវធ្វើយ៉ាងណា ឱ្យមានផ្លូវផ្សេងទៀត ក្នុងការបញ្ជៀស តាមផ្លូវជាតិលេខ៤ ដោយហេតុដូច្នេះហើយ ទើបយើងមានមហាវិថីឆ្នេររាម និងមហាវិថីជំទាវម៉ៅផងដែរ៕SRP