ភ្នំពេញ៖បេសកកម្មរបស់ សម្ដេចធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា ចូលរួមមហាសន្និបាតលើកទី៧៨ របស់អង្គការសហប្រជាជាតិ នៅទីក្រុងញូវយ៉ក សហរដ្ឋអាមេរិក នាំមកនូវជោគជ័យធំធេងជូនជាតិមាតុភូមិ។

នេះតាមសេចក្តីប្រកាសព័ត៌មាន៕

ខេត្តសៀមរាប៖លោកសូរ ប្លាតុង អភិបាលស្រុកប្រាសាទបាគង បានចេញបំភ្លឺហើយ ជុំវិញផ្លូវខូចនៅក្នុងមូលដ្ឋានគ្រប់គ្រងរបស់ខ្លួន។

ការចេញបកស្រាយបែបនេះ បន្ទាប់ពីមានការផ្សាយរបស់សារព័ត៌មាន សៀមរាប ប៉ុស្តិ៍ ដោយបានដកស្រង់ មតិប្រតិកម្ម ពីប្រជាពលរដ្ឋ នៅក្នុងមូលដ្ឋាន ដែលជួបការលំបាករឿងផ្លូវខូចពិបាកធ្វើដំណើរ។

លោកសូរ ប្លាតុង អភិបាលស្រុកប្រាសាទបាគង បានបញ្ជាក់ថា ដោយសង្កេតឃើញថា ក្នុងរយ:ពេលកន្លងមកថ្មីៗ នេះ មានបងប្អូនប្រជាពលរដ្ឋ លើកឡើងនៅលើបណ្តាញសង្គមហ្វេសប៊ុគ និងសារព័ត៌មានមួយចំនួន ចំពោះផ្លូវមួយខ្សែ ដែលកំពុងមានខូចខាត ស្ថិតក្នុងឃុំកន្ទ្រាំង ស្រុកប្រាសាទបាគង។ ដូចនេះខ្ញុំបាទ សូមអនុញាត ជម្រាបជូន បងប្អូនប្រជាពលរដ្ឋអ្នកសារព័ត៌មាន និង សាធារណៈជន អោយបានជ្រាបថា៖

កន្លងមកក្រុមការងារ បានធ្វើការផ្សព្វផ្សាយ នឹងដោះស្រាយ ផលប៉ះពាល់ ជាមួយបងប្អូនដែលរស់នៅ តាមបណ្តោយផ្លូវនេះ រួចរាល់ហើយកាលពីដើមឆ្នាំ២០២៣ កន្លងទៅ ហើយបើគ្មានការប្រែប្រួល ក្រសួងអភិវឌ្ឍន៍ជនបទ នឹងចាប់ផ្តើមការសាងសង់ ជាប្រភេទក្រាលកៅស៊ូ នាចុងឆ្នាំ២០២៣ ខាងមុខនេះហើយ។

អភិបាលស្រុកបន្តថា៖ កន្លងមករដ្ឋបាលស្រុក និងឃុំ បានសហការគ្នា ជួសជុលផ្លូវនេះ ចំនួន០២ លើក។ កាលពី ឆ្នាំ២០២២ មួយលើក និងឆ្នាំ២០២៣មួយលើក ដើម្បីសម្រួល ដល់ការធ្វើដំណើរ របស់បងប្អូនប្រជាពលរដ្ឋ។

ដោយឡែកចំពោះការខូចខាតនេះ ដោយសារ បច្ចុប្បន្ន ជារដូវភ្លៀងធ្លាក់ យើងមិនទាន់អាចធ្វើអ្វីបានឡើយ តែពេលរាំងភ្លៀង រដ្ឋបាលស្រុក ឃុំ នឹងពិនិត្យលទ្ធភាព គ្នាជួសជុល កន្លែងដែលមានការខូចខាត សម្រាប់ប្រើប្រាស់ ជាបណ្តោះអាសន្ន មុនពេលក្រុមការងារ ក្រសួងអភិវឌ្ឍន៍ជនបទ ចាប់ដំណើរការសាងសង់។

អាស្រ័យហេតុនេះ សូមបងប្អូន ប្រជាពលរដ្ឋ មានការយោគយល់ និងជ្រាបជាព័ត៌មាន អរគុណចំពោះការចូលរួម ជាយោបល់៕SRP

ភ្នំពេញ៖ខុទ្ទកាល័យ សម្តេចមហាបវរធិបតី បានចេញសេចក្តីបំភ្លឺព័ត៌មាន ស្តីពីការគាំទ្រ សម្តេចមហារបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា នៅលើបដាផ្សព្វផ្សាយនៅតំបន់ Time Square នៅទីក្រុងញូវយ៉ក សហរដ្ឋអាមេរិក៕SRP

ខេត្តបន្ទាយមានជ័យ៖សមត្ថកិច្ចខេត្តបន្ទាយមានជ័យបានប្រាប់ថា នៅម៉ោង១៨ ថ្ងៃទី២៣ ខែកញ្ញាឆ្នាំ២០២៣ ចំណុចស្ទឹងទឹកថ្លាស្ថិតភូមិទឹកថ្លា សង្កាត់ ទឹកថ្លា ក្រុងសិរីសោភ័ណ ខេត្តបន្ទាយមានជ័យ មាករណីប្រទះឃើញសាកសពអណ្ដែតទឹក។

សមត្ថកិច្ចបានបន្តថា ជនរងគ្រោះឈ្មោះ ប៊ុន តិ ភេទប្រុសអាយុ ៨០ ឆ្នាំ រស់នៅភូមិចំការតាដោក ឃុំ ឫស្សីក្រោក ស្រុកមង្គលបូរី ខេត្តបន្ទាយមានជ័យ។

បើតាមសមត្ថកិច្ច ករណីនេះមូលហេតុ ជនរងគ្រោះមានជម្ងឺវង្វេងវង្វាន់ ដើរបាត់ពីផ្ទះចំនួន២ថ្ងៃហើយ ដោយក្រុមគ្រួសារដើររកទើបឃើញនៅកន្លែងកើតហេតុខាងលើ៕SRP

ខេត្តបន្ទាយមានជ័យ៖យុវជនម្នាក់បានចងកធ្វើអត្តឃាតសម្លាប់ខ្លួន។

ហេតុការណ៍បានកើតឡើង នៅម៉ោង១១និង៤០នាទីថ្ងៃទី២៣ ខែកញ្ញា ឆ្នាំ២០២៣ នៅចំណុចលើផ្ទះរបស់ខ្លួននៅភូមិភ្នំ ឃុំបន្ទាយនាង ស្រុកមង្គលបូរី ខេត្តបន្ទាយមានជ័យ។

សមត្ថកិច្ចបានប្រាប់ថា ជនរងគ្រោះ មានឈ្មោះទី គឹមឡេង ភេទប្រុស អាយុ១៩ឆ្នាំ បានយកខ្សែគោចងក ភ្ជាប់ទៅនិងមេជញ្ជាំងសម្លាប់ខ្លួន។

បើតាមសមត្ថកិច្ចករណីនេះមូលហេតុ អាចបណ្ដាលមកពីមានជម្ងឺសរសៃប្រសាទ៕SRP

ខេត្តកំពង់ធំ៖បុរសម្នាក់ត្រូវបានកម្លាំងនគរបាលចាប់ខ្លួន ពាក់ព័ន្ធករណីឃាតកម្ម។

ករណីឃាតកម្មនេះ នៅក្នុងអង្រឹងលើផ្ទះកាលពីវេលាម៉ោង ៥និង៣០នាទីព្រឹក ថ្ងៃទី២២ ខែកញ្ញា ឆ្នាំ២០២៣ ស្ថិតនៅភូមិនាងសល្ងាច ឃុំប្រឡាយ ស្រុកស្ទោង ខេត្តកំពង់ធំ។

លោកវរសេនីយ៍ទោ ជឹម រីណា អការនគរបាលស្តីទីស្រុកស្ទោង បានអោយដឹងថា អំពើឃាតកម្មខាងលើបង្កឡើងដោយជនសង្ស័យ ឈ្មោះប៊ុន សយ ភេទប្រុស អាយុ៤៥ឆ្នាំ ត្រូវជាប្តី បានកាប់ទៅលើជនរងគ្រោះ ជាប្រពន្ធឈ្មោះ សោម សុជា អាយុ៤៤ឆ្នាំ បណ្តាលឲ្យស្លាប់នៅនឹងកន្លែង។

សមត្ថកិច្ចបានបន្តថា មូលហេតុដោយសារតែប្រចណ្ឌប្រពន្ធ ផងតណ្ហាឡើងផង សុំប្រពន្ធមួយមិនបានកាប់ស្លាប់នៅក្នុងអង្រឹងតែម្ដង៕

ខេត្តសៀមរាប៖ជនសង្ស័យ ១ ឈ្មោះ ឆាង ថាន់ហ៊ីវ ភេទប្រុស អាយុ៣៣ឆ្នាំ ជនជាតិវៀតណាម មុខរបររើសអេតចាយ មានស្រុកកំណើតនៅប្រទេសវៀតណាម ទីលំនៅបច្ចុប្បន្នស្នាក់នៅបន្ទប់ជួលភូមិបន្ទាយចាស់ សង្កាត់ស្លក្រាម ក្រុងសៀមរាប។ ២ឈ្មោះ ឡេ វឹងតឹង ភេទប្រុស អាយុ៣០ឆ្នាំជនជាតិ វៀតណាម មុខរបររើសអេតចាយ មានស្រុកកំណើតនៅប្រទេសវៀតណាម ទីលំនៅបច្ចុប្បន្នស្នាក់នៅបន្ទប់ជួលភូមិចុងកៅស៊ូ សង្កាត់ស្លក្រាម ក្រុងសៀមរាប។

ជនសង្ស័យទាំងពីរនាក់បានឆ្លើយសារភាពថា៖​ ពិតជាបានធ្វើសកម្មភាពកាត់សោរទ្វារតូបលក់កាហ្វេ ហើយលួចយកម៉ាស៊ីនឆុងកាហ្វេ​ពិតមែន ក្រោយពីលួចបានហេីយ​ បានយកទៅដោះបំបែកយកស្ពាន់។
​
កម្លាំងសមត្ថកិច្ចបានធ្វើតេស្ត ស្វែងរកសារធាតុញៀន លទ្ធផល វិជ្ជមាន (ជាតំរុយមេតំហ្វេតាមីន)។ វត្ថុតាងដកហូតបាន៖ ម៉ូតូសណ្តោងរ៉ឺម៉ក១គ្រឿង របស់ជនសង្ស័យធ្វើសកម្មភាព កន្រ្តៃកាត់ដែក១ និងម្ស៉ៅក្រាមពណ៌សថ្លាមួយចំនួន ព្រមទាំងម៉ាស៊ីនឆុងកាហ្វេរបស់ជនរងគ្រោះ។

បច្ចុប្បន្នត្រូវបានកសាងសំណុំរឿង បញ្ជូនទៅកាន់ការិយាល័យជំនាញដើម្បីបន្តនីតិវិធី។

សូមជម្រាបថា កាលពីថ្ងៃទី២០ ខែកញ្ញា ឆ្នាំ២០២៣ វេលាម៉ោង ០៦និង៣០នាទី នៅចំណុចតូបលក់កាហ្វេ មួយកន្លែង​ ស្ថិតក្នុងភូមិត្រពាំងត្រែង សង្កាត់សាលាកំរើក ក្រុងសៀមរាប មានករណីអំពើលួចមានស្ថានទម្ងន់ទោស ដោយកាប់គាស់ទម្លុះទម្លាយ ( កាត់សោរទ្វារលួ,ចយកម៉ាស៊ីនឆុងកាហ្វេ )​ បង្កឡើងដោយជនសង្ស័យមិនស្គាល់អត្តសញ្ញាណ បានធ្វើកម្មភាពកាត់សោរទ្វារ លួ,ចយកម៉ាស៊ីនឆុងកាហ្វេ ១ឈុត។
​
នគរបាលក្រុងសៀមរាបបានឲ្យដឹងថា ក្រោយពីទទួលពាក្យបណ្តឹងពីជនរងគ្រោះ កម្លាំងសមត្ថកិច្ចបានចុះទៅកន្លែងកើតហេតុ តាមការពិនិត្យកាមេរ៉ាសុវត្ថិភាព កំណត់បានមុខសញ្ញា។ លុះនៅវេលាម៉ោង០៣:០០នាទី ឈានចូលថ្ងៃទី២១ ខែកញ្ញា ឆ្នាំ២០២៣ សមត្ថកិច្ចបានធ្វើការល្បាត ប្រទះឃើញជនសង្ស័យកំពុងតែជិះម៉ូតូរ៉ឺម៉ក​ ក៏ឃាត់សាកសួរតែម្ដង៕

ខេត្តសៀមរាប៖បុរសវ័យចំណាស់ម្នាក់បានទៅមើលមង បែជាលង់ទឹកបណ្ដាលឲ្យស្លាប់។

ហេតុការណ៍បានកើតឡើង នៅចំណុចភូមិស្លែងស្ពាន ឃុំស្លែងស្ពាន ស្រុកស្រីស្នំ ខេត្តសៀមរាប នៅថ្ងៃទី២១ ខែកញ្ញា ឆ្នាំ២០២៣។

សមត្ថកិច្ចស្រុកស្រីស្នំបានប្រាប់ថា ជនរងគ្រោះឈ្មោះ សាត សឿន (តាអីង)ភេទប្រុស អាយុ៨១ឆ្នាំ មុខរបរកសិករ រស់នៅភូមិស្លែងស្ពាន ឃុំស្លែងស្ពាន ស្រុកស្រីស្នំ ខេត្តសៀមរាប។

សមត្ថកិច្ចបន្តថាជនរងគ្រោះបានទៅមើលមងដាក់ត្រីឆ្លងទឹកប្រឡាយមានជម្រៅទឹក០៣ម៉ែត្រ សភាពទឹកហូរ។

សមត្ថកិច្ចបានរកឃើញ សាកសពឈ្មោះ សាត សឿន (ហៅអីង) គ្មានខោអាវ នៅចំណុច ប្រឡាយរង ខាងជើងភូមិត្រាំសសរ ឃុំប្រីយ៍ ស្រុកស្រីស្នំ ខេត្តសៀមរាប។

តាមការសន្និដ្ឋាន ការបំភ្លឺកូនស្រី  ការពិនិត្យរបស់កងកម្លាំងផ្នែកជំនាញ និងគ្រូពេទ្យមណ្ឌលសុខភាពប្រីយ៍ករណីខាងលើ សាកសពបានស្លាប់ដោយសារ លង់ទឹកពិតប្រាកដមែន។ ក្រោយពិនិត្យបានធ្វើកំណត់ហេតុប្រគល់សពឱ្យក្រុមគ្រួសារយកទៅធ្វើបុណ្យតាមប្រពៃណី៕

ខេត្តសៀមរាប៖អាជ្ញាធរខេត្តសៀមរាបគ្រោងនិងរៀបចំ កំណត់លេខផ្ទះ និងលេខអគារនៅក្នុងភូមិសាស្ត្រ ក្រុងសៀមរាប។

លោក​ លី​ វណ្ណៈ​ នាយករដ្ឋបាលខេត្តសាលាខេត្តសៀមរាប នៅថ្ងៃព្រហស្បតិ៍ ម្សិលមិញបានដឹកនាំកិច្ចប្រជុំក្រុមការងារកំណត់លេខផ្ទះ និងលេខអគារនៅក្នុងភូមិសាស្ត្រ ក្រុងសៀមរាប ខេត្តសៀមរាប​ ដោយមានការចូលរួមពីលោក​ នាយករងរដ្ឋបាល​ មន្ទីរ​ អង្គភាពពាក់ព័ន្ធចូលរួមផងដែរ។

បន្ទាប់ពីស្តាប់របាយការណ៍​ និងពិភាក្សារួចមក​ លោក​ លី​ វណ្ណៈ​ នាយករដ្ឋបាល បានណែនាំដល់ក្រុមការងារពាក់ព័ន្ធទាំងអស់ ត្រូវប្រមូលធាតុចូល ដែលមានស្រាប់​ និងធាតុចូលថ្មីៗ ដេីម្បីពិនិត្យ​ និងរៀបចំទិន្នន័យឱ្យបានច្បាស់លាស់ ងាយស្រួលក្នុងការកំណត់លេខផ្ទះ និងអគារ៕SRP