ខេត្តកំពង់ចាម – Page 99

ខេត្តកំពង់ចាម៖លោកអ៊ុន ចាន់ដា អភិបាលខេត្តកំពង់ចាម បានថ្លែងអំណរគុណ និងជូនពរដល់ សប្បុរសជន ដែលបានឧបត្ថម្ភគាំទ្រដល់គណៈកម្មការប្រយុទ្ធប្រឆាំងនឹងជំងឺកូវីដ-១៩ ខេត្តកំពង់ចាម។ លោកថាកាយវិការមនុស្សធម៌នេះ ជាការចូលរួមចំណែក យ៉ាងសំខាន់ ក្នុងការប្រយុទ្ធប្រឆាំងជំងឺកូវីដ១៩ ក៏ដូចការខ្វះខាត របស់ពលករចំណូលស្រុក និងអ្នកជាប់ពាក់ព័ន្ធព្រឹត្តិការណ៍២០កុម្ភៈ ដែលកំពុងធ្វើចត្តាឡីស័ក ផងដែរ។

លោកថ្លែងអរគុណនៅព្រឹកថ្ងៃទី២៧ ខែសីហា ឆ្នាំ២០២១នេះ ក្ក្នុងឱកាសទទួលអំណោយពីសប្បុរសជន។

គួរបញ្ជាក់ផងដែរថា ក្នុងពិធីប្រគល់ និងទទួលអំណោយនេះ លោកឡាំង អូណា អគ្គលេខាធិការរងក្រសួងការពារជាតិ និងលោកជំទាវ រួមនឹងក្រុមការងារ បានជួយឧបត្ថម្ភ ម៉ាស ចំនួន ៤០.០០០ម៉ាស -អាកុល ១០កាន -ឧបករណ៍វាស់កំដៅ ១០ដើម និងជែលលាងដៃ (២៥០ ml) ចំនួន ១០០ដប ផងដែរ៕SRP

ខេត្តកំពង់ចាម៖សម្ដេចហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានផ្ដល់ផ្លែមៀន ឬផ្លែតាង៉ែន ចំនួន ១០តោន – រដ្ឋបាលខេត្តកំពង់ចាម។

អំណោយផ្លែមានចំនួន១០តោននេះ ត្រូវបាន
អាជ្ញាធរចែកជូនដល់ប្រជាពលរដ្ឋ ដែលកំពុងធ្វេីចត្តាឡីស័ក អ្នកជំងឺកូវីដនិងមន្រ្តីរាជការ កងកម្លាំងប្រដាប់អាវុធគ្រប់ប្រភេទក្នុងខេត្តកំពង់ចាម។

លោកអ៊ុន ចាន់ដា អភិបាលខេត្តកំពង់ចាម បានថ្លែងអំណរគុណយ៉ាងជ្រាលជ្រៅចំពោះ សម្តេចហ៊ុន សែន និងសម្តេចកិត្តិព្រឹទ្ធបណ្ឌិត ដែលសម្តេចតែងតែយកចិត្តទុកដាក់គិតគូរពីជីវភាពរស់នៅ ប្រជាពលរដ្ឋ មន្ត្រីរាជការ ក្រុមគ្រូពេទ្យ និងកងកម្លាំងប្រដាប់អាវុធទាំងអស់។

សូមរំលឹកថា សម្ដេចហ៊ុន សែន បានបញ្ជាឲ្យ លោកហ៊ីង ប៊ុនហៀង ប្រមូលទិញផ្លែមៀន របស់កសិករនៅតាមបណ្ដាខេត្តជាប់ព្រំដែន កម្ពុជា-ថៃ ដែលជួបប្រទះនូវបញ្ហា ក្នុងការនាំចេញទៅលក់នៅក្រៅប្រទេស ដោយសារការឆ្លងរីករាលដាលនៃជំងឺកូវី១៩។

សម្តេចហ៊ុន សែន បានប្រកាសថា ផ្លែមៀនដែលសម្តេចប្រមូលទិញ ពីកសិករដាំដុះនៅតាមខេត្តជាប់ព្រំដែនថៃ នឹងយកទៅចែកជូនកងទ័ព នគរបាល អាវុធហត្ថ គ្រូពេទ្យ អ្នកជំងឺ និងប្រជាពលរដ្ឋដែលកំពុងធ្វើចត្តាឡីស័ក៕SRP

ខេត្តកំពង់ចាម៖មន្ត្រីសាលាខេត្តបានឲ្យដឹងថា អាជ្ញាធខេត្តកំពង់ចាម បានរៀបចំជាទីលានចាក់សំរាមថ្មី នៅលើទីតាំងដីគ្រប់គ្រងដោយរដ្ឋមួយកន្លែង ទំហំប្រមាណជិត២០ ហិកតា ដែលមានអំណោយផលល្អ ព្រោះទីតាំងដីនេះនៅឆ្ងាយពីលំនៅដ្ឋាន របស់ប្រជាពលរដ្ឋ ហេីយទំហំដីនេះ ក៏ត្រូវតាមស្តង់ដា របស់ម្ចាស់គម្រោង ADB គាំទ្រដោយក្ក្រសួងបរិស្ថាន។

មន្ត្រីសសាលាខេត្តបានឲ្យដឹងទៀតថា បច្ចុប្បន្នខេត្តកំពង់ចាម មានទីលានចាក់សំរាមមួយកន្លែង ស្ថិតនៅក្នុងឃុំបុសខ្នុរ ស្រុកចំការលើ ខេត្តកំពង់ចាម ដែលមានទំហំប្រមាណជា១០ ហិកតា ត្រូវបានក្រុមហ៊ុនប្រមូលសំរាមនៅក្នុងក្រុងកំពង់ចាម ហើយយកទៅចាក់ចោលនៅតំបន់នោះ។

កន្លងមកលោកសាយ សំអាល់ រដ្ឋមន្ត្រីក្រសួងបរិស្ថាន បានឧបត្ថម្ភផ្ដល់ម៉ូតូ និងរថយន្តដឹកសំរាម ជូនដល់រដ្ឋបាលខេត្តកំពង់ចាម ជាច្រើនគ្រឿង ដោយបាន បែងចែក ជូនតាមបណ្ដាក្រុងស្រុកមួយចំនួន ដេីម្បីប្រើប្រាស់ក្នុងយុទ្ធនាការ ប្រមូលសំរាមឲ្យបានស្អាត និងមានបរិស្ថានល្អ។

សូមបញ្ជាក់ថានៅព្រឹកមិញនេះលោក អ៊ុន ចាន់ដា អភិបាលខេត្តកំពង់ចាម បានដឹកនាំមន្ត្រី ពាក់ព័ន្ធ និងអាជ្ញាធរមូលដ្ឋាន ចុះពិនិត្យទីតាំចំណុចទួលទល់មេឃ ស្ថិតក្នុងភូមិទួលស្រែ ឃុំកោះរការ សស្រុកកំពង់សៀម ដេីម្បីរៀបចំទៅជាទីលានចាក់សំរាម៕SRP

ខេត្តកំពង់ចាម៖លោកអ៊ុន ចាន់ដា អភិបាលខេត្តកំពង់ចាម និងលោក ខ្លូត ផន ប្រធានក្រុមប្រឹក្សាខេត្ត រួមនឹងអភិបាលរងខេត្ត នៅព្រឹកមិញនេះបានទទួលអំណោយជាសម្ភារ និងថវិកា ពីសប្បុរសជន។

លោកអ៊ុន ចាន់ដា បានថ្លែងអំណរគុណ និងជូនពរដល់ សប្បុរសជន ដែលបានឧបត្ថម្ភ គាំទ្រដល់គណៈកម្មការប្រយុទ្ធប្រឆាំងនឹងជំងឺកូវីដ-១៩ ដែលជាការចូលរួមចំណែក យ៉ាងសំខាន់ ក្នុងការប្រយុទ្ធប្រឆាំងនឹងការឆ្លងរាតត្បាតជំងឺដ៏កាចសាហាវនេះ ហើយក៏ជាការជួយរំលែកទុក្ខលំបាក និងការខ្វះខាត របស់ពលករចំណូលស្រុក ក៏ដូចជាអ្នកពាក់ព័ន្ធព្រឹត្តិការណ៍២០កុម្ភៈ ដែលកំពុងធ្វើចត្តាឡីស័ក ផងដែរ។

គួរបញ្ជាក់ផងដែរថា ពិធីប្រគល់ និងទទួលអំណោយនេះ ដោយលោកសៀម សាវ៉ាន់ និងលោកស្រី ជួង ម៉ារុន បានជួយឧបត្ថម្ភ ថវិកាចំនួន ១០លានរៀល ម៉ាស ១៥កេស អាកុលSNK ១៥កាន ទឹកបរិសុទ្ធវីតាល់ ១៥០កេស ត្រីខ ១០០០កំប៉ុង និងមី ចំនួន១០០កេសតូច ផងដែរ៕SRP