ខេត្តកំពង់ស្ពឺ – Page 6

លោក ឈួន ហៃ ប្រធានសាខាគយ និងរដ្ឋាករ ខេត្តកំពង់ស្ពឺ នៅតែក្រាញបន្តអំណាចជាប្រធានសាខាគយ និងរដ្ឋាករ ខេត្តកំពង់ស្ពឺ មិនព្រមចូលនិវត្តន៍នោះទេ បើបីមានការរិះគន់និងមន្ត្រីនៅក្នុងសាខាមិនសប្បាយចិត្តយ៉ាងណាក៏ដោយ។

ប្រភពព័ត៌មានច្បាស់ការណ៍បានឲ្យដឹងថា៖ លោក ឈួន ហៃ ប្រធានសាខាគយ និងរដ្ឋាករ ខេត្តកំពង់ស្ពឺ កើតថ្ងៃទី១ ខែមករា ឆ្នាំ១៩៦៣ ហើយត្រូវដល់អាយុចូលនិវត្តន៍នៅថ្ងៃទី១ ខែមករា ឆ្នាំ២០២៣ នេះ។ ប៉ុន្តែអ្វីជាការគួរឲ្យភ្ញាក់ផ្អើលនោះ គឺលោកឈួន ហៃ មិនត្រូវបានចូលនិវត្តន៍នោះទេ ដោយសារតែមានការការផ្លាស់ប្តូរឆ្នាំកំណើត គឺឆ្នាំ១៩៦៣ ប្តូរទៅឆ្នាំ១៩៦៨ បានន័យថា ពន្យាអាយុ ៥ឆ្នាំ។

បើយោងតាមតារាងទូទាត់បៀវត្ស ឆ្នាំ២០២១ លេខរៀង ១២៩៨ អត្តលេខ ១៦៣១២០០២២៤ ឈ្មោះ ឈួន ហៃ កើតថ្ងៃទី១/១/១៩៦៣។ ចំណែកតារាងទូទាត់បៀវត្ស ឆ្នាំ២០២២ លេខរៀង ១២៩៧ អត្តលេខ ១៦៣១២០០២២៤ ឈ្មោះ ឈួន ហៃ កើតថ្ងៃទី១/១/១៩៦៨។

ជុំវិញករណីនេះ មន្ត្រីបម្រើការងារនៅក្នុងសាខាគយនិងរដ្ឋាករខេត្តកំពង់ស្ពឺ បានសំណូមពរដល់ថ្នាក់ដឹកនាំក្រសួងសេដ្ឋកិច្ចនិងហិរញ្ញវត្ថុក៏ដូចជាអគ្គនាយកដ្ឋានគយ មេត្តាពិនិត្យចំពោះភាពមិនប្រក្រតីរបស់ លោក ឈួន ហៃ ប្រធានសាខាគយ និងរដ្ឋាករ ខេត្តកំពង់ស្ពឺ ផង៕SRP

ខេត្តកំពង់ស្ពឺ៖រដ្ឋមន្ត្រីក្រសួងពាណិជ្ជកម្ម ឲ្យមន្ត្រីបញ្ចៀសដាច់ខាត ការទាមទារកម្រៃសេវាក្រៅផ្លូវការ ពីអាជីវករ ពាណិជ្ជករ ផលិតករ អ្នកនាំចេញ និងសេវាផេ្សងៗ។

ក្នុងប្រសាសន៍ណែនាំ របស់លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានប្រាប់មន្ត្រីទាំងអស់ ត្រូវបន្តបដិបត្តិឱ្យបានខ្ជប់ខ្ជួន ដើម្បីបំពេញការងារជូន ប្រជាពលរដ្ឋ ប្រកបដោយ ប្រសិទ្ធិភាពខ្ពស់ និងលទ្ធផលកាន់តែល្អប្រសើ។

ការងារសំខាន់ៗទាំងនោះរួមមាន៖ ទី១- មន្ត្រីទាំងអស់ត្រូវបន្តខិតខំពង្រីកចំណេះដឹងខ្លួនបន្ថែមទៀត ទាំងកម្រិតជំនាញ និងភាសាបរទេស តាមរយៈការសិក្សាបន្ថែម ការស្រាវជ្រាវ និងដកស្រង់នូវបទពិសោធន៍ពីមន្រ្តីដែលមានសមត្ថភាព និងជាពិសេសរួមសហការគ្នាចុះត្រួតពិនិត្យទំនិញដែលខូចគុណភាព នៅលើទីផ្សារឱ្យកាន់តែស្វាហាប់ ដើម្បីការពារសុខភាពរបស់ប្រជាពលរដ្ឋ ក៏ដូចជាការពារសុខភាពបងប្អូន កូនចៅរបស់ខ្លួនឯងដែរ។
ទី២- មន្ត្រីទាំងអស់ត្រូវបន្តបន្តធ្វើសហប្រតិបត្តិការឱ្យកាន់តែជិតស្និទ្ធជាមួយអាជ្ញាធរមូលដ្ឋាន ដើម្បីចូលរួមផ្សព្វផ្សាយឱ្យបានទូលំទូលាយនូវកម្មវិធីកែទម្រង់ស៊ីជម្រៅរបស់រាជរដ្ឋាភិបាល ជាពិសេសកំណែទម្រង់ស៊ីជម្រៅរបស់ក្រសួងពាណិជ្ជកម្ម ក្នុងការដាក់ចេញគោលនយោបាយពាណិជ្ជកម្ម សំដៅជួយសម្រួលពាណិជ្ជកម្ម ក្នុងការនាំចេញ និងសម្រួលដល់ការផ្តល់សេវាសាធារណៈជូនប្រជាពលរដ្ឋ។
ទី៣- បញ្ចៀសដាច់ខាតការទាមទារកម្រៃសេវាក្រៅផ្លូវការពីអាជីវករ ពាណិជ្ជករ ផលិតករ អ្នកនាំចេញ និងសេវាផេ្សងៗ ដែលផ្ទុយពីខ្លឹមសារប្រកាសរួមស្តីពីកម្រងសេវាសាធារណៈរវាងក្រសួងពាណិជ្ជកម្ម និងក្រសួងសេដ្ឋកិច្ច និងហិរញ្ញវត្ថុ។
ទី៤- ត្រូវបន្តជំរុញពង្រឹងបន្ថែមយន្តការតាមដាន និងត្រួតពិនិត្យការគ្រប់គ្រងអាជីវកម្ម សេវាកម្ម ពាណិជ្ជកម្ម ថ្លៃទំនិញ និងសន្និធិទំនិញចាំបាច់ ស្រូវ-អង្ករ ប្រេងឥន្ធនៈ និងការធ្វើពាណិជ្ជកម្មទំនិញនៅតាមព្រំដែន ដោយប្រើប្រាស់ប្រព័ន្ធបច្ចេកវិទ្យាព័ត៌មាន និងជំរុញយន្តការដោះស្រាយបញ្ហាដល់កសិករ ផលិតករ ដោយផ្តោតលើផលិតផលសក្តានុពលចំនួន ៥មុខ មាន់ស្រែ បន្លែ ដំឡូង ស្រូវប្រណិត និងសូត្រ ដោយបង្កើតផ្សារចុងសប្តាហ៍នៅតាមបណ្តាខេត្តទាំង ១៨ ព្រមទាំងឧបត្ថម្ភទុន ផ្តល់កម្ចី និងកសាងហេដ្ឋារចនាសម្ព័ន្ធគាំទ្រតាមរយៈគម្រោងជំរុញទីផ្សារសម្រាប់កសិកម្មខ្នាតតូច (AIMS) ដែលអនុវត្តដោយក្រសួងពាណិជ្ជកម្ម។
ទី៥- ពេលចុះអនុវត្តន៍ការងារក្នុងពេលប្រយុទ្ធប្រឆាំងនឹងជំងឺកូវីដ-១៩ នាពេលនេះ និងដើម្បីរក្សាគម្លាតសង្គម សូម ឯកឧត្តម លោក លោកស្រី មន្រ្តីរាជការយើងទាំងអស់ ត្រូវប្រុងប្រយ័ត្ន និងត្រូវអនុវត្តឱ្យបានត្រឹមត្រូវតាមការណែនាំរបស់ក្រសួងសុខាភិបាល។

លោកប៉ាន សូរស័ក្តិ មានប្រសាសន៍យ៉ាងដូច្នេះ ក្នុងឱកាស ជួបសំណេះសំណាលជាមួយមន្ត្រីមន្ទីរពាណិជ្ជកម្ម និងមន្ត្រីសាខាការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ (ក.ប.ប.) ខេត្តកំពង់ស្ពឺ នៅថ្ងៃសុក្រម្សិលមិញ៕SRP

ខេត្តកំពង់ស្ពឺ៖នារីម្នាក់បានមកប្ដឹងសមត្ថកិច្ចឱ្យអន្តរាគម៍ រឿងប្ដីជាជនជាតិចិន របស់ខ្លួន រួមភេទញឹកញាប់ពេក រហូតនាងទ្រាំលែងបាន។ សមត្ថកិច្ច បានចាត់ទុកថាជាករណីនេះជាអំពើហិង្សាផ្លូវភេទ

បុរសជនជាតិចិន ឈ្មោះ វ៉ាង ស៊ីនចាវ (កាន់លិខិតឆ្លងដែនលេខ EG803624) ផុតកំណត់ 15/07/2029 VISA EB 3EEX1900426565 ផុតកំណត់ 02/08/2022 អាយុ៤៦ឆ្នាំ។

បើតាមការរៀបរាប់ពីស្ដ្រីរងគ្រោះឈ្មោះ ប. ស.ន. អាយុ២៦ឆ្នាំ នៅឃុំវាលពន់ ស្រុកថ្ពង ខខេត្តកំពង់ស្ពឺ បាននិយាយថា៖ ដើមឡើយគាត់បានស្គាល់គ្នាជាមួយបុរសចិនរូបនោះ ដែលមកធ្វើការនៅប្រទេសកម្ពុជា រយៈពេល២ឆ្នាំ៦ខែ បម្រើការងារឲ្យក្រុមហ៊ុនផលិតការបូបនៅជាប់ផ្លូវជាតិលេខ៤ ខេត្តកំពង់ស្ពឺ ហើយបានស្រលាញ់គ្នា ជួយនាងរហូតឈានដល់សុំរៀបចំសែនព្រេនតាមប្រពៃណីធ្វើជាប្តីប្រពន្ធ។

នាងបន្តថា៖ ចាប់តាំងពីបានសែនព្រេន ជាប្តីប្រពន្ធហើយ បុរសជាប្តីបានសុំគាត់រួមភេទជាញឹកញាប់ពេក ធ្វើឲ្យរូបគាត់ទ្រាំទ្រមិនបាន ដាច់ចិត្តប្តឹងមកសមត្ថកិច្ចតែម្តងទៅ។

លោកហ៊ុន សុហុន អធិការដ្ឋាននគរបាលស្រុកថ្ពង បានឲ្យដឹងថា៖ បន្ទាប់ពីទទួលបានពពាក្យបណ្តឹងពី ស្ត្រីរូបនេះ លោកបានឲ្យជំនាញឃាត់បុសជាប្តី ដើម្បីចាត់វិធានការតាមផ្លូវច្បាប់
កាលពីថ្ងៃទី១៥ ខែមេសា ឆ្នាំ២០២២៕SRP

លោកហ៊ុន ម៉ាណែត សមាជិកគណៈអចិន្ត្រៃយ៍ នៃគណៈកម្មាធិការកណ្តាល និងជាប្រធានយុវជនគណបក្សប្រជាជនកម្ពុជាថ្នាក់កណ្តាល បានមានប្រសាន៍ថាយុវជន ជាឆ្អឹងខ្នងដ៏រឹងមាំរបស់សង្គមជាតិ និងជាកម្លាំងបន្តវេនដ៏មុតស្រួច ក្នុងការដឹកនាំកម្ពុជាឆ្ពោះទៅរកវឌ្ឍនភាពជឿនលឿន រុងរឿង។ ដូច្នេះសូមខិតខំប្រឹងប្រែង យកចិត្តទុកដាក់ពង្រឹង និងពង្រីកសក្តានុពលរបស់ខ្លួនឱ្យកាន់តែរឹងមាំច្បាស់លាស់ទាំងផ្នែកសមត្ថភាពចំណេះដឹងជំនាញ និងផ្នែកចរិយាសម្បត្តិប្រកបដោយគុណធម៌ សីលធម៌ រួមជាមួយនឹងស្មារតី និងសកម្មភាពចូលរួមថែរក្សានូវសមិទ្ធផលដែលមានស្រាប់ឱ្យបានគង់វង្ស និងបន្តពង្រីកបន្ថែមទៀតនូវសមិទ្ធផលវិជ្ជមានថ្មីៗ សម្រាប់ជាប្រយោជន៍ជាតិ មាតុភូមិ និងប្រជាជន។

លោកហ៊ុន ម៉ាណែត ក៏បានថ្លែងអរគុណគណៈកម្មាធិការគណបក្សប្រជាជនកម្ពុជាខេត្តកំពង់ស្ពឺ និងអង្គការចាត់តាំងចំណុះ ព្រមទាំងយន្តការចុះជួយគ្រប់ជាន់ថ្នាក់ ដែលបានខិតខំប្រឹងប្រែងក្នុងការបម្រើ និងចុះសួរសុខទុក្ខប្រជាពលរដ្ឋជាប់ជាប្រចាំ។ ទាំងនេះ បានឆ្លុះបញ្ចាំងឱ្យឃើញអំពីកម្លាំងសាមគ្គីភាពដ៏ខ្លាំងក្លា និងភាពរឹងមាំរបស់គណបក្សប្រជាជនកម្ពុជា ដែលតែងនៅក្បែរប្រជាពលរដ្ឋគ្រប់កាលៈទេសៈ។

ក្នុងពិធីប្រកាសសមាសភាព ក្រុមការងារយុវជនគណបក្សខេត្តកំពង់ស្ពឺ នៅក្រុងច្បារមន ថ្ងៃសុក្រម្សិលមិញ លោក ហ៊ុន ម៉ាណែត ក៏បានអរគុណដល់ប្រជាពលរដ្ឋក្នុងខេត្តកំពង់ស្ពឺ ដែលតែងជឿទុកចិត្ត និងគាំទ្រដោយឥតងាករេចំពោះ សម្តេចតេជោ និងគណបក្សប្រជាជនកម្ពុជា ដែលទទួលភារៈដឹកនាំ កសាង និងអភិវឌ្ឍប្រទេសជាតិ ងើបចេញពីភាពក្រីក្រ រហូតមានការរីកចម្រើនឈានឡើងស្មើមុខស្មើមាត់ទាំងក្នុងកម្រិតតំបន់ និងឆាកអន្តរជាតិ ជាពិសេសកម្រិតជីវភាពរស់នៅរបស់ប្រជាពលរដ្ឋកាន់តែត្រូវបានលើកកម្ពស់ជាលំដាប់។ នេះគឺជាផលច្ច័យជាផ្លែផ្ការួម នៃការជ្រើសរើសដ៏ត្រឹមត្រូវរបស់ប្រជាពលរដ្ឋ និងការខិតខំប្រឹងប្រែងបម្រើប្រកបដោយឆន្ទៈ ស្មោះត្រង់របស់ថ្នាក់ដឹកនាំ សមាជិក សមាជិកា របស់គណបក្ស ឱ្យស័ក្តិសមនឹងទំនុកចិត្តដែលទទួលបានពីប្រជាពលរដ្ឋ៕SRP