ខេត្តស្ទឹងត្រែង

ខេត្តសៀមរាប៖ផ្ទះពលរដ្ឋចំនួន៣ខ្នង និងទ្រព្យសម្បត្តិ ជាច្រើន ត្រូវបានក្លាយជាចំណីអគ្គិភ័យ។
ហេតុការណ៍ បានកើតឡើងនៅវេលាម៉ោង១២និង៣០នាទី ថ្ងៃទី០៤ខែកុម្ភៈឆ្នាំ២០២១ ស្ថិតក្នុងភូមិខ្នារ សង្កាត់ជ្រាវ ក្រុងសៀមរាប។
យោងតាមអាជ្ញាធរបានឲ្យដឹងថាផ្ទះទី១ ធ្វើពីដែក ប្រក់ស័ង្កសីទំហំ៤គុណ១៨ម៉ែត្រ ម្ចាស់ឈ្មោះ ស្រី គួយ ភេទប្រុស អាយុ៥០ឆ្នាំ បណ្ដាលឲ្យ បាត់បង់រួមមាន៖ ផ្ទះទាំងមូល,ខ្សែកផ្លាកទីន០១ខ្សែ,ខ្សែដៃផ្លាកទីន០១ខ្សែ,ចិញ្ចៀនផ្លាកទីន០១វង់,លុយខ្មែរប្រហែល០២លាន រៀល,សៀវភៅស្នាក់នៅ(ក២)ចំនួន០១ក្បាល។

ទី២ ផ្ទះធ្វើពីឈើប្រក់ស័ង្កសី ទំហំ៤គុណ៦ម៉ែត្រ ម្ចាស់ឈ្មោះ រុន រី ភេទ ប្រុស អាយុ៤០ឆ្នាំ ការបាត់បង់រួមមាន៖ផ្ទះទាំងមូល,លុយខ្មែរប្រហែលជាង០១លាន រៀល។លុយដុល្លារ២០០ សៀវភៅស្នាក់នៅ និងសំបុត្រកំណើត។

ទី៣ ផ្ទះធ្វើពីឈើ ប្រក់ស័ង្កសី ទំហំ៥គុណ៥ម៉ែត្រ ម្ចាស់ឈ្មោះ ម៉ែន គ្រួច ប្រជាការពារភូមិខ្នារ ភេទប្រុស អាយុ៣៥ឆ្នាំ ការបាត់បង់រួមមាន៖ ផ្ទះទាំងមូល,ទូរដាក់ខោអាវ និង ចានឆ្នាំងមួយចំនួន។

អាជ្ញាធរបានបញ្ជាក់ថា ករណីនេះកណ្ដាលមកពី
ទុស្សេខ្សែភ្លើង នឹងបានរលត់ទៅវិញ ទាំងស្រុង នៅវេលាម៉ោង០១និង៣០នាទីរសៀល ដោយមានការចូលរួមពន្លត់ ពីពលរដ្ឋនិងបានប្រើប្រាស់ឡានទឹក របស់នគរបាលខេត្តសៀមរាប ចំនួន១ឡាន៕SRP

ខេត្តសៀមរាប៖មន្ត្រីជាន់ខ្ពស់អាជ្ញាធរជាតិអប្សរា បានថ្លៃងថា ប្រឡាយទឹកផ្លូវ សម្ដេចវិបុលបញ្ញាសុខ អាន ឬហៅថា ផ្លូវ៦០ម៉ែត្រ ស្ថិតនៅតំបន់អង្គរឃ្យុងយូ ក្នុងសង្កាត់ស្លក្រាម ក្រុងសៀមរាប នឹងត្រូវកែលម្អ ឲ្យទៅជាសួនកម្សាន្ត ដោយមានផ្លូវកង់ ផ្លូវថ្មើរជើង កន្លែងអង្គុយលំហែរផងដែរ។

អគ្គនាយកអាជ្ញាធរជាតិអប្សរា លោក ហង់ ពៅ បានថ្លែងប្រាប់អ្នកសារព័ត៌មានថា ប្រឡាយទឹកនេះ មានទំហំទទឹងប្រវែង៤ម៉ែត្រ ជម្រៅ២ម៉ែត្រ និងមានប្រវែងជាង១៨០០ម៉ែត្រ អមសងខាងផ្លូវសម្ដេចវិបុលបញ្ញាសុខអាន ដោយកែលម្អ
ដំណាក់កាលទី១ ចាប់ផ្ដើមពីចំណុចស្ពាននាគ ដល់ចំណុចរង្វង់មូល នាងអប្សរាអង្គរឃ្យុងយូរ។

លោកហង់ ពៅ បន្តថា អាជ្ញាធរនឹងរៀបចំកែលម្អប្រឡាយទឹក អមសងខាងផ្លូវ៦០ម៉ែត្រនេះ ឲ្យទៅរបៀបជាកន្លែងសួនកំសាន្ដ ដែលមានផ្លូវថ្មើរជើង មានកន្លែងអង្គុយកំសាន្ដ មានផ្លូវកង់ មានទឹកនៅក្នុងប្រឡាយ ខួបប្រាំងខួបវស្សា អមទៅដោយទេសភាពពណ៌ បៃតងស្រស់ត្រកាល ដែលអ្នករស់នៅអមសងខាងផ្លូវនេះ នឹងមានការពេញចិត្ដ ព្រមទាំងទទួលបាន ភាពរីករាយមុនគេនៅក្នុងទីក្រុងសៀមរាប ។

អគ្គនាយកបានបញ្ជាក់ថា កិច្ចការនេះ បានចាប់ធ្វើវា ចាប់ពីពេលនេះតទៅ ដោយប្រើរយៈពេល១៨ខែ នឹងធ្វើហើយរួចរាល់ ក្រោយពេលដែល ក្រុងសៀមរាប ទទួលបានផ្លូវរួចរាល់ចំនួន៣៨ខ្សែផងដែរ។  គម្រោងកែលម្អ ប្រឡាយទឹកផ្លូវ៦០ម៉ែត្រនេះ នឹងធ្វើឡើងតាមដំណាក់កាល បន្ដទៀត រួមមានប្រឡាយទឹក ចាប់ពីចំណុច រង្វង់មូល នាងអប្សរា ឆ្ពោះទៅកាន់ ផ្លូវជាតិលេខ៦ និងចាប់ពីចំណុចដដែល ឆ្ពោះទៅកាន់ចំណុចឆែកសំបុត្រ ផ្លូវទៅទស្សនាប្រាសាទអង្គរ និងទៅកាន់ប្រាសាទស្រះស្រង់ ឬផ្លូវទៅព្រះដាក់ ស្រុកបន្ទាយស្រី នឹងពីចំណុចរង្វង់មូលនាងអប្សរា ឆ្ពោះទៅដល់ទីស្នាក់ការអាជ្ញាធរជាតិអប្សរាផងដែរ៕SRP

ខេត្តសៀមរាប៖លោកទៀ សីហា អភិបាលខេត្តសៀមរាប បានបញ្ជាក់ថា ការដ្ឋានសាងសង់ សួនច្បារព្រះរាជដំណាក់ ខេត្តសៀមរាប ពេលនេះ សម្រេច ១០០% ចំពោះដំណាក់កាលទី១។
លោកទៀ សីហា បន្តថា៖ នៅបន្ត រៀបសួនខាងមុខព្រះរាជវាំង ទ្វារចំនួន៥ លូរំដោះទឹក ជាការងារបន្ទាប់ទៀត។តាមការបង្ហាញ របស់ក្រុមការងាររបស់វាំង គឺមាន៣ដំណាក់កាល។

ទោះជាយ៉ាងណា បណ្ដាញ សៀមរាបប៉ុស្តិ៍ មិនអាចសុំការបំភ្លឺ បន្ថែមពី លោកជំទាវ គង់ បញ្ញា ប្រធានគម្រោង នៃការសង់សង់នេះបាននៅឡើយទេ។

សូមជម្រាបថា លោក ទៀ សីហា អភិបាលខេត្តនៅព្រឹកថ្ងៃទី២៧ ខែមករា ឆ្នាំ២០២១ នេះ បានអមដំណើរ សម្តេចចៅហ្វាវាំង វរវៀងជ័យធិបតីស្រឹង្គារ គង់ សំអុល ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំងចុះពិនិត្យការដ្ឋានសាងសង់របងនិងសួនច្បារព្រះរាជដំណាក់ខេត្តសៀមរាប។

ការដ្ឋានសាងសង់នេះ ដើម្បីកែលម្អសោភ័ណភាពទីធ្លា សួនច្បារឱ្យមានភាពទាក់ទាញ ភ្ញៀវទេសចរជាតិ និងអន្តរជាតិ ម្យ៉ាងទៀត ក៏ជាបន្ថែម នូវការរក្សា នូវសន្តិសុខ សណ្តាប់ សាធារណៈ នៅជុំវិញ ព្រះរាជដំណាក់ខេត្តសៀមរាប បន្ថែមទៀតផងដែរ៕SRP

ខេត្តសៀមរាប៖លោកជំទាវឧកញ៉ាបណ្ឌិត លី អ៊ុំអេង អនុប្រធានសភាពាណិជ្ជកម្ម ខេត្តសៀមរាប-ឧត្តរមានជ័យ សូមចូលរួមបួងសួងជូនពរ សម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុន សែន ឧត្តមភរិយា សម្តេចតេជោ ហ៊ុន សែន នាយករដ្ឋមន្រ្តី នៅក្នុងថ្ងៃខួបកំណើតគម្រប់៦៦ឆ្នាំឈានចូល៦៧ឆ្នាំ- ១៥/១២/២០២០ ។

សូមសម្ដេចកិត្តិព្រឹទ្ធបណ្ឌិត ប៊ុនរ៉ានី​ ហ៊ុនសែន​ ព្រមទាំងសម្ដេចអគ្គមហាសេនាបតីតេជោ​ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងបុត្រា-បុត្រី ចៅប្រុស-ចៅស្រីជាទីស្រទ្បាញ់ទាំងអស់ជួបតែសុភមង្គល វិបុលសុខ គ្រប់ប្រការ និងប្រកបដោយពុទ្ធពរ ទាំងបួនប្រការគឺ៖ អាយុ វណ្ណះ សុខះ ពលះកុំបីឃ្លៀងឃ្លាតទ្បើយ ។

សូមគោរពជូនពរពី លោកជំទាវ ឧកញ៉ា បណ្ឌិត លី អ៊ុំអេង អនុប្រធានសភាពាណិជ្ជកម្ម ខេត្តសៀមរាប-ឧត្តរមានជ័យ៕SRP

ខេត្តស្ទឹងត្រែង៖ជារើយៗគេសង្កេតឃើញ ឈ្មួញបានប្រើប្រាស់រូបភាព យកឈើថ្មី ទៅត្រាំទឹក ហើយវាយដែកគោល បន្លំ ធ្វើឈើផ្ទះចាស់ ដើម្បីគេចផុតពីការបង្ក្រាបរបស់សមត្ថកិច្ច។

ភ្នាក់ងារ សៀមរាបប៉ុស្តិ៍ បានរាយការណ៍ថា នៅថ្ងៃទី ៣០ វិច្ឆិកា ឆ្នាំ ២០២០ នេះ គេសង្កេតឃើញ មានឈ្មួញរកស៊ី របៀបបន្លំ យកឈើថ្មីទៅត្រាំទឹក និងវាយដែកគោល បានកំពុងតែប្រមូល ឈើជាច្រើនម៉ែត្រគូប បម្រុងលើកដាក់លើឡាន(វ៉េអង) នៅទីតាំងស្តុកឈើមួយកន្លែង ស្ថិតក្នុង ភូមិស្រឡៅ ឃុំអន្លងជ្រៃ ស្រុកថាឡាបរិវ៉ាត់ ខេត្តស្ទឹងត្រែង ជាប់នឹងព្រុំព្រទល់ នឹងស្រុកឆែប ខេត្តព្រះវិហារ។

តាមសេចក្ដីរាយការណ៍បានបញ្ជាក់ថា ឈ្មួញរកស៊ី ដឹកឈើនោះ ពួកគេនិងចេញពីតំបន់ខាងលើ ឆ្ពោះទៅខេត្តតាកែវ ដែលឆ្លងកាត់តាមដងផ្លូវពីរ ស្រុកឆែបនឹងស្រុករវៀង នៃខេត្តព្រះវិហារ ទៅតាមទៅកំពង់ធំ៕SRP