ខេត្តព្រះវិហារ – Page 5

ខេត្តព្រះវិហារ៖មន្ត្រីយោធាមួយរូបបានរងរបួសធ្ហន់ក្នុងហេតុការណ៍គ្រោះថ្នាក់ចរាចរណ៍។

ហេតុការណ៍បានកើតឡើង នៅថ្ងៃទី១១ ខែវិច្ឆិកា ឆ្នាំ២០២៣ វេលាម៉ោង ១១និង៤០នាទី រវាងម៉ូតូ និងរថយន្ដ ទៅលិចលើផ្លូវជាតិលេខ៩៤ ក្រាលក្រួសក្រហមចំណុច កែងទាព្រៃស្លាបស ភូមិខាំកឺត ឃុំស្រឡៅមួយ ស្រុកឆែប ខេត្តព្រះវិហារ។

សមត្ថកិច្ចបានប្រាប់ថា អ្នកបេីកបរម៉ូតូ ឈ្មោះ ផែវ ភា ភេទប្រុស អាយុ ៣២ឆ្នាំ មុខរបរ យោធា រស់នៅភូមិសួង ឃុំស្រឡៅមួយ ស្រុកឆែប ខេត្ដព្រះវិហារ (រងរបួសធ្ងន់) ម៉ូតូម៉ាកហុងដាវេវឆ្លាម ឆ្នាំ019 ពណ៌ខ្មៅ ស្លាកលេខ ព្រះវិហារ 1.D8474។ ចំណែកអ្នកបើកបររថយន្ដ ឈ្មោះ ស៊ាត សុីនន្ទ ភេទប្រុស អាយុ ៤៥ឆ្នាំ (គ្មានរបួស) រស់នៅភូមិកំពង់សង្កែ ឃុំកំពង់ស្រឡៅមួយ ស្រុកឆែប ខេត្តព្រះវិហារ រថយន្តម៉ាកលុចសុីស NX.470 ពណ៌ទឹកប្រាក់ ឆ្នាំ98 ពាក់ផ្លាកលេខ ភ្នំពេញ 2H-7568។

សមត្ថកិច្ចបានបន្តថា គ្រោះថ្នាក់ចរាចរណ៍នេះ មូលហេតុ បើកបរខ្វះការប្រុងប្រយ័ត្ន។

បើតាមសមត្ថកិច្ច ជនរងគ្រោះ ត្រូវបានគេនាំមណ្ឌលសុខភាព កំពង់ស្រឡៅមួយ បញ្ជូបបន្តជនរងគ្រោះមន្ទីរបង្អែក១៦មករា ខេត្តព្រះវិហារ។ ចំណែកវត្ថុតាងម៉ូតូ និងរថយន្ត យកមករក្សាទុកនៅប៉ុស្តិ៍នគរបាលរដ្ឋបាលឃុំកំពង់ស្រឡៅមួយ៕

ខេត្តព្រះវិហារ៖ស្ត្រីជាប្រពន្ធបានស្លាប់ក្នុងធ្លាប់ឈាមដោយសារអំណាចប្ដីបានកាប់ជាច្រើនកាំបិត។

អំពើឃាតកម្មដ៏ឃោរឃៅនេះ បានកើតឡើងវេលាម៉ោងប្រហែល 5និង30 ថ្ងៃទី19 ខែកញ្ញា ឆ្នាំ2023 នៅចំណុច ផ្ទះជនរងគ្រោះ ស្ថិតក្នុងភូមិចំការស្រម៉ូវ សង្កាត់ កំពង់ប្រណាក ក្រុងព្រះវិហារ។

សមត្ថកិច្ចខេត្តព្រះវិហារបានប្រាប់ថា ករណី ហិង្សាក្នុងគ្រួសារ នេះ បណ្តាលឲ្យស្លាប់ជនរងគ្រោះ ដោយប្តីបានយកកាំបិតកាប់ ទៅលើប្រពន្ធចំនួន៤កាំបិត ចំពីចំហៀង និងខាងក្រោយ បណ្តាលឲ្យស្លាប់ភ្លាមៗ។

សមត្ថកិច្ចបានបន្តថា ជនរងគ្រោះឈ្មោះ ស្រី វឿន ភេទស្រីអាយ33ឆ្នាំ មុខរបរកសិករ រស់នៅភូមិចំការស្រម៉ូវ សង្កាត់ប៉ាលហាល ក្រុងព្រះវិហារ។ ចំណែកជនបង្កជាប្តីឈ្មោះ ធី វង ភេទប្រុសអាយុ31ឆ្នាំ មុខរបរកសិករ។

សមត្ថកិច្ចបានបញ្ជាក់ថា បុរសជាប្ដី ក្រោយធ្វេីសកម្មភាពរួច បានព្យាយាមចងក និងយកភ្លេីងដុតខ្លួនឲ្យឆេះ បន្ទាប់មកទៀតដេីរឆ្ពោះទៅផ្លូវជាតិ នឹងបានព្យាយាម រត់ចូលរថយន្តដែលធ្វេីដំណេីរតាមផ្លូវ បណ្តាលឲ្យបុក តែមិនស្លាប់ ត្រូវបានសាច់ញា្ញតិយកទៅសង្គ្រោះនៅមន្ទីពេទ្យ16មករា។

បើតាមសមត្ថកិច្ចខេត្តព្រះវិហារ ករណីនេះមូលហេតុ៖ ទាំងពីរនាក់ប្តីប្រពន្ធផឹកស្រាជាប្រចាំរៀងរាល់ថ្ងៃ និងមានជម្លោះជាមួយគ្នារហូត។

បច្ចុប្បន្នសាកសព ត្រូវបានសមត្ថកិច្ចប្រគល់អោយសាច់ញ្ញាតិ ធ្វេីបុណ្យតាមប្រពៃណី។ ចំណែកជនសង្ស័យជាប្តី សមត្ថកិច្ចនិងបន្តនីតិវិធីតាមច្បាប់៕

ខេត្តព្រះវិហារ៖ក្នុងប្រតិបត្តិការចុះបង្ក្រាប រថយន្តដឹកឈើក្រុមកម្លាំងសមត្ថកិច្ច និងម្ចាស់រថយន្តដឹកឈើ បានប៉ះសម្តីគ្នាមួយប្រាវ ដោយសារម្ចាស់ឈើ បើកទ្វាររថយន្តផ្នែកខាងក្រោយ មានបំណងទម្លាក់ឈើចុះ ប៉ុន្តែសមត្ថកិច្ចបានធ្វើការហាមឃាត់ មិនឲ្យទម្លាក់ឈើចុះពីលើរថយន្តនោះឡើយ។

ក្នុងសេចក្ដីរាយការណ៍មួយបានលើកឡើងថា ដោយ
ស្ថានភាពតានតឹងបែបនេះ រដ្ឋបាលព្រៃឈើ បានរាយការណ៍ជូន ស្ថាប័នអយ្យការអមសាលាដំបូងខេត្ត ដោយព្រះរាជអាជ្ញារ ចុះចាប់រថយន្តដឹកឈើ បញ្ជូនមកកាន់សង្កាត់រដ្ឋបាលព្រៃឈើត្បែងមានជ័យ និងបានហៅម្ចាស់រថយន្ត មកជាមួយ ដើម្បីធ្វើការសាកសួរជុំវិញការដឹកជញ្ជូនធ្វើជំនួញដោយខុសច្បាប់នេះ។

ការបង្ក្រាបធ្វើឡើង ស្ថិតនៅក្នុងភូមិអន្លង់ស្វាយ ឃុំព្រះឃ្លាំង ស្រុកត្បែងមានជ័យ ខេត្តព្រះវិហារ នៅរសៀល ថ្ងៃទី១៩ ខែសីហា ឆ្នាំ២០២៣នេះក្រោមការដឹកនាំសម្របសម្រួលដោយ ព្រះរាជអាជ្ញារង នៃអយ្យការអមសាលាដំបូងខេត្តព្រះវិហារ លោក គឹម សំឡេង។

សមត្ថកិច្ចនៅក្នុងហេតុការណ៍បង្ក្រាបរបាននិយាយប្រាប់ថា រថយន្តដែលបង្ក្រាបនេះ ប្រភេទសាំងយ៉ុង ក្បាលពណ៌លឿង លាយខៀវចាស់ ខ្លួនពណ៌លឿង ពាក់ស្លាកលេខ ភ្នំពេញ 2AL-6790 បានផ្ទុកឈើប្រណីត ប្រភេទធ្នុង និងឈើលេខ១ ប្រភេទសុក្រំ មានចំនួនច្រើនដុំ និងសន្លឹក។

ទោះជាយ៉ាងណា រហូតមកទល់ពេលនេះ សមត្ថកិច្ច
នៅមិនទាន់បង្ហាញឈ្មោះម្ចាស់ឈើ និងចំនួនឈើ ដែលផ្ទុកនៅក្នុងរថយន្តសាំងយ៉ុង ១គ្រឿងនៅឡើយទេ ព្រោះត្បិតសមត្ថកិច្ចជំនាញ មិនទាន់បានធ្វើការរាប់ចំនួន៕ដោយនាគខៀវ