ខេត្តកំពង់ចាម – Page 37

ខេត្តកំពង់ចាម៖ក្នុងកិច្ចប្រជុំពិភាក្សាលើកគម្រោងជួសជុលផ្លូវ និងប្រព័ន្ធលូកបង្ហូរទឹកភ្លៀង នៅព្រឹកមិញនេះ លោក អ៊ុន ចាន់ដា អភិបាលខេត្តកំពង់ចាម បានណែនាំដល់មន្ត្រីបច្ចេកទេស និងតំណាងក្រុមហ៊ុនទទួលការ ឲ្យធ្វើការជួសជុលផ្លូវនានាដែលរងការខ្វះខាតដោយជំនន់ទឹកភ្លៀង ជាពិសេសផ្លូវជាច្រើនកំណាត់ក្នុងសង្កាត់បឹងកុក ក្រុងកំពង់ចាម។

ក្នុងកិច្ចប្រជុំនេះដែរ លោកអភិបាលខេត្ត បានណែនាំថា ការធ្វេីឬជួសជុលផ្លូវ ត្រូវសិក្សាលេីកគម្រោងឲ្យបានច្បាស់លាស់ជាមុនសិន ហេីយត្រូវដាក់ឲ្យមានប្រព័ន្ធលូរំដោះទឹក និងស្លាកសញ្ញាចរាចរណ៍ឲ្យបានត្រឹមត្រូវផងដែរ។ ដោយមានកំណាត់ផ្លូវកៅស៊ូមុខផ្សារថ្មគោល ស្ថិតនៅក្នុងសង្កាត់បឹងកុក ដែលត្រូវកាត់ធ្វើជាផ្លូវបេតុងអាមេវិញ ព្រោះនៅតំបន់នោះមានដក់ទឹក និងកំណាត់ផ្លូវកៅស៊ូមួយចំនួនទៀតស្ថិតនៅក្នុងភូមិឡឥ្ឋ សង្កាត់បឹងកុក ព្រមទាំងកំណាត់ផ្លូវផ្សេងៗជាច្រើនទៀត។

ក្នុងនោះក៏មានគម្រោងជួសជុលផ្លូវក្រាលកៅស៊ូ ពីរជាន់ប្រភេទDBST ប្រវែង២.២០០ម៉ែត្រ ទទឹងខ្នងលើ៧ម៉ែត្រ ប្រវែងស្មាផ្លូវ១ម៉ែត្រ សងខាង និងលូភ្លោះមុខកាត់០,៦០ម៉ែត្រ ប្រវែង១០ម៉ែត្រ ស្មើ០១កន្លែង លូទោលមុខកាត់០,៨០ម៉ែត្រ ប្រវែង១០ម៉ែត្រ ស្មើ០១កន្លែង លូទោលមុខកាត់០,៦០ម៉ែត្រ ប្រវែង១០ម៉ែត្រ ស្មើ០៤កន្លែង ដែលមានទីតាំងស្ថិតនៅក្នុង ភូមិប្រសំ និងភូមិវាលខ្សាច់ ឃុំរអាង ស្រុកកំពង់សៀម ខូចខាតចំនួន ៧កន្លែង=២០០ម៉ែត្រ។ ដែលរដ្ឋបាលខេត្តកំពង់ចាម ត្រូវចំណាយថវិកាជាច្រើន ១-ត្រូវធ្វើការជួសជុលផ្លូវក្រាលកៅស៊ូដែលខូចខាត មកជាផ្លូវបេតុងអាមេ(២កន្លែង)ប្រវែងសរុប២២០ម៉ែត្រ ទទឹង៧ម៉ែត្រ កម្រាស់០,១៥ម៉ែត្រ និងមានស្មារផ្លូវ១ម៉ែត្រ សងខាង ថវិកាប៉ាន់ស្មាន ៣៤១,៤១៥,០០០រៀល។ ចំពោះការសាងសង់លូមាន២ជម្រើស៖ ១-សាងសង់ក្នុងដីប្រជាពលរដ្ឋ(ឈ្មោះ ម៉ឹង ថាវរៈ) ប្រវែង២៤០ម៉ែត្រ មុខកាត់១ម៉ែត្រ អណ្ដូងលូចំនួន១២កន្លែង ថវិកាប៉ាន់ស្មាន ១៥៩,២៤៧,០០០រៀល។ ២-សាងសង់លូតាមបណ្ដោយផ្លូវ(ចាប់ពីកន្លែងខូចមកដល់លូកាត់ផ្លូវអគ្គិសនី)ប្រវែង៥០២ម មុខកាត់ ១ម អណ្ដូងលូ២១កន្លែង ថវិកសប៉ាន់ស្មាន ៣៣៣,៦៤៤,០០០រៀល៕SRP

ខេត្តកំពង់ចាម៖ចាស់ជរាគ្មានទីពឹងប្រមាណជា ៥៥០នាក់ នៅក្នុងក្រងកំពង់ចាម ទទួលបានអាវរងារ និងស្បៀងអាហារ ដែលជាអំណោយរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន តាមរយៈ លោក អ៊ុន ចាន់ដា អភិបាលខេត្តកំពង់ចាម។

ពិធីសំណេះសំណាល និងចែកអំណោយនេះបានធ្វើឡើងនាព្រឹកថ្ងៃទី១ ខែធ្នូ ឆ្នាំ២០២១ នៅសាលាខេត្តកំពង់ចាម ក្រោមវត្តមានលោក ខ្លូត ផន ប្រធានក្រុមប្រឹក្សាខេត្ត និងថ្នាក់ដឹកនាំ មន្ត្រីរាជការជាច្រើនរូបទៀត។

ឆ្លៀតក្នុងឱកាសនោះ លោក អ៊ុន ចាន់ដា បានថ្លែងថា បន្ទាប់ពីក្រសួងធនធានទឹក និងឧតុនិយម បានជូនដំណឹង អាកាសធាតុចុះត្រជាក់ជាបន្តបន្ទាប់នោះ សម្តេចតេជោ ហ៊ុន សែន មានការព្រួយបារម្ភជាខ្លាំងចំពោះសុខភាព និងជីវភាពរស់នៅរបស់បងប្អូនប្រជាពលរដ្ឋ ជាពិសេសលោកយាយ លោកតា ដែលមានវ័យចំណាស់ ងាយរងនឹងជំងឺផ្សេងៗ ដូច្នេះអាជ្ញាធរ រួមនឹងសប្បុរសជន បាននាំយកអំណោយរបស់សម្តេច មកចែកជូនលោកយាយ លោកតា ក្នុងឱកាសនេះ។

លោកអភិបាលខេត្ត បានថ្លែងបន្តទៀតថា មិនចំពោះតែអាកាសធាតុរងារ ក្តៅ គ្រោះរាំងស្ងួត ឬពលរដ្ឋយើងជួបគ្រោះបញ្ហាផ្សេងៗនោះទេ សម្តេចតេជោ ហ៊ុន សែន តែងតែ ណែនាំដល់អាជ្ញាធរ ឲ្យខិតខំយកចិត្តទុកដាក់ ផ្តល់ភាពកក់ក្តៅ និងជួយអន្តរាគមន៍ទាន់ពេលវេលា ជាក់ស្ដែងក្នុងបរិបទកូវីដ-១៩ រយៈពេល១ឆ្នាំកន្លងមកនេះ រាជរដ្ឋាភិបាលក៏បានបង្កើតកម្មវិធី គាំពារសង្គមផ្តល់ជូនជាសាច់ប្រាក់ជូនដល់ប្រជាពលរដ្ឋ ក្រ១ ក្រ២ ក្នុងនោះសម្រាប់ខេត្តកំពង់ចាម មានជាង៤ម៉ឺន ៧ពាន់គ្រួសារ ដែលទទួលបានសាច់ប្រាក់ឧបត្ថម្ភប្រចាំខែពីរាជរដ្ឋាភិបាល ប្រមាណជា ៣២លាន់ដុល្លារអាមេរិកហើយរហូតមកទល់នឹងពេលនេះ ហើយក្នុងនោះក៏មានការឧបត្ថម្ភរបស់រាជរដ្ឋាភិបាល ចំពោះបងប្អូនប្រជាពលរដ្ឋ ធ្វេីចត្តាឡីស័ក ព្យាបាលជំងឺកូវីដ-១៩ និងគ្រួសារអ្នកស្លាប់ដោយជំងឺកូវីដ-១៩ ផងដែរ ។

លោកអភិបាលខេត្ត ក៏បានអំពាវនាវដល់បងប្អូនប្រជាពលរដ្ឋ ឲ្យខិតខំយកចិត្តទុកដាក់ថែទាំសុខភាព គឺត្រូវរស់នៅប្រកបដោយអនាម័យ ជាពិសេសត្រូវអនុវត្តវិធានការ ៣ការពារ ៣កុំ និងអនុវត្តវិធានការសុខាភិបាលឲ្យបានខ្ជាប់ខ្ជួន ដើម្បីជៀសផុតពីជំងឺឆ្លងផ្សេងៗ ផងដែរ។

គួរបញ្ជាក់ថា អំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ដែលបានផ្ដល់ជូនចាស់ជរាគ្មានទីពឹង ទាំង៥៥០នាក់ ក្នុងម្នាក់ៗទទួលបាន អាវរងារ ចំនួន១អាវ អង្ករ ២៥គីឡូក្រាម មី ១កេស ត្រីខ ១យួរ និងទឹកស៊ីអ៊ីវ ១យួរ៕SRP

ខេត្តកំពង់ចាម៖អតីតបក្សប្រឆាំងសង្គ្រោះជាតិថ្នាក់ដឹកនាំមូលដ្ឋានសង្កាត់ ចំនួន ៥រូប ដឹកនាំដោយលោក ខាត់ កុសល ទីប្រឹក្សារាជរដ្ឋាភិបាល និងជាអនុប្រធានក្រុមការងារថ្នាក់កណ្តាលចុះជួយក្រុងកំពង់ចាម ដែលពួកគាត់បានភ្ញាក់រលឹកមកសុំចូលរួមរស់ជាមួយគណបក្សប្រជាជនកម្ពុជា តាមរយៈគណបក្សខេត្តកំពង់ចាម។

នៅថ្ងៃទី៣០ ខែវិច្ឆិកា ម្សិលមិញ លោក អ៊ុន ចាន់ដា ប្រធានគណៈកម្មាធិការគណបក្សប្រជាជនកម្ពុជាខេត្តកំពង់ចាម បានអញ្ជើញជួបស្វាគមន៍ និងសំណេះសំណាលជាមួយអតីតបក្សប្រឆាំងចំនួន៥រូបនៅទីស្នាក់ការគណបក្សខេត្ត។

គួរបញ្ជាក់ថា ក្នុងចំណោមសមាសភាពអ្នកទាំង៥ រូបខាងលើ ដែលមកសុំរួមរស់ជាមួយគណបក្សប្រជាជនកម្ពុជា រួមមាន៖
១-លោក កែវ គឹមឆាន អតីតជាចៅសង្កាត់រងទី២ សង្កាត់កំពង់ចាម និងជាអតីតប្រធានបក្ស អតីតCNRP សង្កាត់កំពង់ចាម។
២-លោក រាម ថន អតីតជាបេក្ខជនពេញសិទ្ធិ សង្កាត់កំពង់ចាម។
៣-លោក ហាវ ប៊ុនធឿន អតីតជាបេក្ខជនពេញសិទ្ធិ សង្កាត់កំពង់ចាម។
៤-លោក សំ ម៉េង អតីតាសមាជិកក្រុមប្រឹក្សាសង្កាត់វាលវង់ អតីតCNRP។
៥-កញ្ញា កែវ ចរិយា អតីតជាប្រធានយុវជន អតីតCPRP សង្កាត់កំពង់ចាម៕SRP

ខេត្តកំពង់ចាម៖ លោក កៅ សុខអាន អភិបាលរងខេត្ត តំណាងលោក អ៊ុន ចាន់ដា ភិបាលខេត្តកំពង់ចាម នៅព្រឹកមិញនេះបានអញ្ជើញកាត់បេីបវិញ្ញាសារប្រឡងជ្រើសរើសបេក្ខជនឲ្យចូលបម្រើការងារនៅរដ្ឋបាលខេត្តកំពង់ចាម ក្នុងក្របខ័ណ្ឌក្រសួងមហាផ្ទៃ។

គួរបញ្ជាក់ថា ការប្រឡងក្របខ័ណ្ឌមន្ត្រីរដ្ឋបាលជាន់ខ្ពស់ ក្របខ័ណ្ឌមន្ត្រីក្រមការ និងក្របខ័ណ្ឌលេខាធិការរដ្ឋបាល សម្រាប់ឆ្នាំ២០២១ នេះបានចាប់ដំណើរការនាព្រឹកថ្ងៃទី២៨ ខែវិច្ឆិកា ឆ្នាំ២០២១ ក្នុងក្របខ័ណ្ឌទូទាំងប្រទេសក្រោម កិច្ចសហការរវាង អាជ្ញាធរដែនដី និងក្រសួងមហាផ្ទៃ។ ដោយឡែកសម្រាប់ខេត្តកំពង់ចាម បានជ្រើសរើសយកសាលាបឋមសិក្សា និងវិទ្យាល័យ ដីដុះ ធ្វើជាមណ្ឌលប្រឡង ដែលក្របខ័ណ្ឌមន្ត្រីរដ្ឋបាលជាន់ខ្ពស់ មានចំនួន៥បន្ទប់ ក្របខ័ណ្ឌមន្ត្រីក្រមការ មាន ៦បន្ទប់ និងក្របខ័ណ្ឌលេខាធិការរដ្ឋបាល មានចំនួន ១៦បន្ទប់។ ដែលមានបេក្ខជនដាក់ពាក្រប្រឡងសរុបចំនួន ៤០៧នាក់ ក្នុងនោះមានបេក្ខជនដាក់ពាក្យប្រឡងក្របខ័ណ្ឌមន្ត្រីរដ្ឋបាលជាន់ខ្ពស់ចំនួន ៧៦នាក់ ស្រីចំនួន ៣៦នាក់ ក្របខ័ណ្ឌមន្ត្រីក្រមការចំនួន ៩២នាក់ ស្រីចំនួន ៤៦នាក់ និងក្របខ័ណ្ឌលេខាធិការដ្ឋបាលចំនួន ២៣៩នាក់ ស្រីចំនួន ១៧៥នាក់។ ក្នុងនោះត្រូវធ្វើការជ្រើសរើសទាំង ៣ក្របខ័ណ្ឌ នៅខេត្តកំពង់ចាម ចំនួន ៨នាក់។
លោក កៅ សុខអាន អភិបាលរងខេត្ត និងលោកនាយករដ្ឋបាលសាលាខេត្ត ព្រមទាំងតំណាងក្រសួងមហាផ្ទៃ បានចូលរួមកាត់វិញ្ញាសារបើកការប្រឡងនេះ ដែលមានវិញ្ញាសារ ក្របខ័ណ្ឌមន្ត្រីរដ្ឋបាលជាន់ខ្ពស់ និងក្របខ័ណ្ឌមន្ត្រីក្រមការ រយៈពេល២ម៉ោង ជំនាញឯកទេស (កំណែទម្រង់រដ្ឋបាលសាធារណៈ និងកំណែទម្រង់វិមជ្ឍការ និងវិសហមជ្ឍការ និងភាសារអង់គ្លេស និងក្របខ័ណ្ឌលេខាធិការរដ្ឋបាល រយៈពេល ២ម៉ោង ចំណេះដឹងទូទៅ ចំណេះដឹងកិច្ចការរដ្ឋបាល និងគណិតវិទ្យាផងដែរ៕SRP

ខេត្តកំពង់ចាម៖យុវសិស្ស ឌឹម អេងជូ ដែលបានស្លាប់ដោយឃាតកចាប់រំលោភនិងសម្លាប់ ជាក្មេងកំព្រាឪពុករស់នៅជាមួយជីដូនចាស់ជរា។

សូមរំលឹកថាហេតុការណ៍បានកើតឡើងកាលពីវេលាម៉ោង៥ល្ងាច ថ្ងៃទី២១ ខែវិច្ឆិកា ឆ្នាំ២០២១ ខណៈដែលយុវតីរងគ្រោះ ត្រឡប់មកពីសាលារៀនគួរបន្ថែម ត្រៀមប្រឡងបាក់ឌុប ប៉ុន្តែជាអកុសល នៅពាក់កណ្តាលផ្លូវស្ងាត់ ម្តុំចំការពោត ជាប់ព្រៃកៅស៊ូ ត្រូវបានជនដៃដល់ចាប់រំលោភ ហើយវាយសម្លាប់ យ៉ាងព្រៃផ្សៃ។

ជនដៃដល់ ឈ្មោះ ម៉ាប់ កំសត់ ហៅលន អាយុ ១៦ឆ្នាំ រស់នៅភូមិឃុំជាមួយគ្នា ត្រូវបានសមត្ថកិច្ចចាប់ឃាត់ខ្លួនក្រោយពីបានធ្វើសកម្មភាពរយ:ពេលប៉ុន្មានម៉ោងក្រោយមក។

ចំណែក ជនរងគ្រោះឌឹម អេងជូ ជាកូនកំព្រាឪពុក អាយុ១៦ឆ្នាំ រស់នៅភូមិ១១ ឃុំចំការអណ្តូង ស្រុកចំការលើ ជាសិស្សរៀនថ្នាក់ទី១២ នៃវិទ្យាល័យ ហ៊ុនសែន ចំការលើ។

យុវតីជនរងគ្រោះរូបនេះ រស់នៅជាមួយជីដូនជរា និងប្អូនស្រីម្នាក់ទៀត អាយុ ១៤ឆ្នាំ ជាសិស្សកំពុងរៀនថ្នាក់ទី ៧ ខណៈដែលម្តាយ ទៅធ្វើការនៅប្រទេសថៃ បច្ចុប្បន្នកំពុងធ្វើចត្តាឡីស័ក នៅខេត្តបន្ទាយមានជ័យ។

នៅព្រឹកមិញនេះ លោកស្រី ប៉ាង ដានី អនុប្រធានអចិន្ត្រៃយ៍សាខាកាកបាទក្រហមកម្ពុជា ខេត្តកំពង់ចាម បាននាំយកថវិកា និងសម្ភារមួយចំនួន ចូលរួមបុណ្យសពយុវតី ឈ្មោះ ឌឹម អេងជូ។

លោកជំទាវ ប៉ាង ដានី បានចូលរួមសម្តែងការសោកស្តាយ ជាពន់ពេក ជាមួយគ្រួសារសព ដែលបានបាត់បង់កូន ចៅ បងស្រីជាទីស្រឡាញ់ ហើយបានពាំនាំប្រសាសន៍ផ្តាំផ្ញើ សួរសុខទុក្ខ ដោយក្តីអាណិតអាសូរបំផុត និងចូលរួមរំលែកមរណទុក្ខដ៏ក្រៀមក្រំនេះ ពី លោ អ៊ុន ចាន់ដា ប្រធានគណៈកម្មាធិការសាខា និង លោក ហ៊ុន ណេងប្រធានកិត្តិយសសាខា ពិសេស សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែ ខ្វាយខ្វល់ពីសុខទុក្ខរបស់ប្រជាពលរដ្ឋ ទូទៅ ពិសេស ជនរងគ្រោះ និង ងាយរងគ្រោះ ដោយមិនប្រកាន់វណ្ណៈ ជាតិសាសន៍ ឬ និន្នាការនយោបាយអ្វីឡើយ។

លោកស្រី ក៏បានលើកទឹកចិត្តដល់គ្រួសារសព និងចូលបុណ្យ រួមមាន ថវិកា ៩០ម៉ឺនរៀល អង្ករ ១០០គីឡូក្រាម និងសម្ភារមួយចំនួន៕SRP

Sponsored

ខេត្តកំពង់ចាម៖ថ្លែងក្នុងឱកាសអញ្ជើញសម្ពោធដាក់ឱ្យប្រើប្រាស់ស្ពានស្ទឹងត្រង់-ក្រូចឆ្មារ និងបើកការដ្ឋានសង់ផ្លូវជាតិលេខ «71C» នៅថ្ងៃអង្គារ ព្រឹកមិញនេះ សម្តេច ហ៊ុន សែន បានមានប្រសាសន៍ថា ដោយសារតែស្ថានភាពជំងឺកូវីដ-១៩ រីករាលដាលនៅទូទាំងប្រទេសអស់រយៈពេលប្រមាណជាជិត២ឆ្នាំមកនេះ បានធ្វើឲ្យកម្ពុជាចំណាយថវិកាជាង២,៣០០លានដុល្លារដើម្បីចំណាយលើការប្រយុទ្ធប្រឆាំងនឹងជំងឺកូវីដ និងចំណោយផ្សេងៗ ដែលចំនួនទឹកប្រាក់នេះវាស្មើនឹងការចំណាយលើការសាងសង់ស្ពានបានចំនួន២០ខ្សែ។

សម្តេចតេជោនាយករដ្ឋមន្ត្រី បានរំលឹកពីយុទ្ធសាស្ត្រជាច្រើនពាក់ព័ន្ធយុទ្ធសាស្ត្រក្នុងព្រឹត្តិការណ៍នានា ក្នុងកំលុងរាតត្បាតនៃជំងឺកូវីដ-១៩ ដោយសម្តេចតេជោបានថ្លែងថា ក្នុងនាមជាមេដឹកនាំរបស់ជាតិ សម្តេចមិនអាចឱ្យប្រជាពលរដ្ឋស្លាប់ ដោយមិនដាក់ចេញវិធានការចាំបាច់មួយចំនួននោះទេ ទោះត្រូវគេរិះគន់យ៉ាងណាក៏ដោយ។

នាយករដ្ឋមន្ត្រីក៏បានសូមអោយយកចិត្តទុកដាក់សុខភាពមនុស្សចាស់ ក្នុងពេលរដូវចុះត្រជាក់ខាងមុខនេះ។ សូមអោយអាជ្ញាធរត្រូវបង្កើនការយកចិត្តទុកដាក់ចំពោះសុខភាពមបុស្សចាស់ ដូចជាត្រៀមផ្តល់ជូននូវអាវភ្លៀង អាវរងារ ភួយ ដើម្បីជួយដល់មនុស្សចាស់ទាំងឡាយដែលមានការខ្វះខាត។ សម្តេចតេជោបានថ្លែងនូវការកោតសរសើរចំពោះអាជ្ញាធរគ្រប់លំដាប់ថ្នាក់ កងកម្លាំងប្រដាប់អាវុធ ដែលបានខិតខំបំពេញការងារនាពេលកន្លងមកនេះ ជាពិសេសក្នុងពេលទប់ស្កាត់កូវីដ ក៏ដូចជាពេលដែលបើកប្រទេសជាតិឡើងវិញនេះ៕SRP

ខេត្តកំពង់ចាម៖ករណី(រំលោភសម្លាប់) ដែលប្រព្រឹត្តនៅចំណុចចំការពោត ក្នុងភូមិ១១ ឃុំចំការអណ្តូង ស្រុកចំការលើ ផ្អែកតាមការស្រាវជ្រាវសមត្ថកិច្ចជំនាញ កំណត់បានថា ជនសង្ស័យមានឈ្មោះ ម៉ាប់ កំសត់ ហៅអាលាន ភេទប្រុស អាយុ១៦ឆ្នាំ រស់នៅភូមិ-ឃុំ ជាមួយគ្នា បានធ្វើសកម្មភាពខណៈពេលដែលជនរងគ្រោះកំពុងធ្វើដំណើរពីសាលារៀនត្រឡប់មកផ្ទះវិញ ដល់ចំណុចកើតហេតុនៅព្រៃចំការពោត។

បេីតាមចម្លើយបឋម ជនសង្ស័យបានសារភាពថាខ្លួនពិតជាបានធ្វើសកម្មភាព រំលោភ និងសម្លាប់ ហើយយកទូរស័ព្ទជនរងគ្រោះទៅលក់នៅភ្នំពេញ បានតម្លៃម្ភៃម៉ឺនរៀល យកទៅទិញខោអាវហើយជិះឡានត្រឡប់មកស្រុកវិញ។

ប្រភពបានឲ្យដឹងថា សមត្ថកិច្ចបានធ្វើការស្រាវជ្រាវរហូតឈានដល់ចាប់ឃាត់ខ្លួនបានជនសង្ស័យ នៅពីវេលាម៉ោង២នឹង១៥នាទី ថ្ងៃទី២២ ខែវិច្ឆិកា ឆ្នាំ២០២១នេះ នៅចំណុចក្នុងព្រៃចំការក្រោយវត្ត មណ្ឌលវិប្បសនា ភូមិប៉ាង ឃុំជីនាង ស្រុកតាំងគោក ខេត្តកំពង់ធំ។

សូមរំលឹកថា កាលពីថ្ងៃទី២០ ខែវិច្ឆិកា ឆ្នាំ២០២១ វេលាម៉ោង១៨និង៤០នាទី នគរបាលចំការអណ្តូង ទទួលព័ត៌មានពីឈ្មោះពលរដ្ឋបានមករាយការណ៍ប្រាប់សមត្ថកិច្ចថា បានបាត់មិត្តភក្តិម្នាក់(ជនរងគ្រោះ) ឈ្មោះ ឌីម ម៉េងជូរ ភេទស្រី អាយុ១៨ឆ្នាំ ដែលចេញពីរៀនគួរជាមួយគ្នា ហើយត្រូវបានប្រទះឃើញដេកស្លាប់។

នគរបាលបានបន្តថា ករណីនេះ សមត្ថកិច្ច បានចុះទៅដល់កន្លែងកើតហេតុ បង្កើតគណៈកម្មការពិនិត្យសាកសពគឺ ពិតជាករណីរំលោភសម្លាប់ពិតមែន ដោយនៅលើខ្លួនប្រាណជនរងគ្រោះមានស្នាមច្របាច់ក និងវាយលើផ្ទៃមុខរបស់ជនរងគ្រោះ នៅត្រង់ប្រដាប់ភេទមានធ្លាក់ឈាម ហើយរកឃើញស្បែកជើងបុរសចំនួន០១គូ និងសម្ភារៈមួយចំនួនផងដែរ។ ទោះជាយ៉ាងណាសមត្ថកិច្ចបានបើកប្រតិបត្តិការស្រាវជ្រាវឈានដល់ការឃាត់ខ្លួនជនសង្ស័យបានម្នាក់កសាងសំណុំរឿងបញ្ជូនទៅតុលាការ៕SRP

ខេត្តកំពង់ចាម៖ប្រសិនបើមិនមានអ្វីប្រែប្រួលនោះទេ សម្តេចតេជោ ហ៊ុន សែន នាយករដ្ឋមន្ត្រី នៅថ្ងៃទី ២៣ ខែវិច្ឆិកា ឆ្នាំ ២០២១ ស្អែកនេះ នឹងអញ្ជើញជាអធិបតីសម្ពោធដាក់ឱ្យប្រើប្រាស់ជាផ្លូវការ “ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ”។

សូមជម្រាបថា គម្រោងសាងសង់ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ៖ ចាប់ផ្តើមនៅត្រង់គីឡូម៉ែត្រលេខ៥៨+២០០ ត្រើយខាងលិច ស្ថិតលើផ្លូវខេត្តលេខ២៧១៤ នៅចំណុចភូមិបឹងដែង ឃុំព្រែកកក់ ស្រុកស្ទឹងត្រង់ ខេត្តកំពង់ចាម ភ្ជាប់ទៅត្រើយខាងកើតទន្លេមេគង្គ នៅចំណុចភូមិក្តុលកណ្តាល ឃុំទ្រា ស្រុកក្រូចឆ្មារ ខេត្តត្បូងឃ្មុំ។ តួស្ពានសុទ្ធសាធមានប្រវែង ១.១៣១ម៉ែត្រ ទទឹង ១៣,៥ម៉ែត្រ ក្រាលបេតុងកៅស៊ូកម្រាស់ ៥សង់ទីម៉ែត្រ មានផ្លូវរថយន្តចំនួន ២គន្លង ផ្លូវម៉ូតូចំនួន ២គន្លង ផ្លូវថ្មើរជើងចំនួន ២គន្លង សម្រាប់ទៅមក។ ផ្លូវមេសងខាងស្ពាន តភ្ជាប់ទៅផ្លូវជាតិលេខ៧១C មានប្រវែង ៨.៣២៣ ម៉ែត្រ។ សរុបរួមទាំងស្ពាន និងផ្លូវតភ្ជាប់មានប្រវែងសរុប ៩.៤៥៤ ម៉ែត្រ បានបើកការដ្ឋានកាលពីថ្ងៃទី០៩ ខែកុម្ភៈ ឆ្នាំ២០១៨ ក្រោមអធិបតីភាពរបស់ សម្តេចហ៊ុនសែន ដោយត្រូវប្រើប្រាស់រយៈពេលសាងសង់ចំនួន៤២ខែ សាងសង់ដោយក្រុមហ៊ុនសំណង់សៀងហៃ(SCG) និងត្រួតពិនិត្យបច្ចេកទេសដោយក្រុមហ៊ុនទីប្រឹក្សាបច្ចេកទេសក្វាងចូវវ៉ានអាន ចំណាយថវិកាអស់ ៥៦,៩៩៨ លានដុល្លារអាមេរិក។

សមិទ្ធផលថ្មីនេះ គឺជាចំណងដៃដ៏ថ្លៃថ្លាមិនអាចកាត់ថ្លៃបាន របស់រាជរដ្ឋាភិបាលកម្ពុជា ជូនដល់បងប្អូនប្រជាពលរដ្ឋខេត្តកំពង់ចាម និងខេត្តត្បូងឃ្មុំ ព្រមទាំងបងប្អូនប្រជាពលរដ្ឋទូទាំងប្រទេស ដើម្បីប្រើប្រាស់ជាប្រយោជន៍ទូទៅ និងយូរអង្វែង៕SRP

ខេត្តកំពង់ចាម៖លោក អ៊ុន ចាន់ដា អភិបាលខេត្តកំពង់ចាម បានថ្លែងថា រដ្ឋបាលខេត្ត បានដាក់ចេញជាផែនការ ដេីម្បីគិតគូរដល់ការលេីកកម្ពស់សោភ័ណភាពក្រុងកំពង់ចាម និងការលេីកកម្ពស់សុខុមាលភាពដល់ភ្ញៀវទេសចរណ៍ ក៏ដូចជាបងប្អូនប្រជាពលរដ្ឋ មកដេីរលេងកម្សាន្ត ឬធ្វើការហាត់ប្រាណផងនោះ ដូច្នេះយើងត្រូវសិក្សាស្វែងរកទីតាំងណាមួយឲ្យបានសមរម្យ ដេីម្បីសាងសង់បន្ទប់ទឹក បង្គន់អនាម័យសាធារណៈ នៅតំបន់សួនកម្សាន្តតាមដងទន្លេមេគង្គ ក្នុងក្រុងកំពង់ចាម។

លោកថ្លែងបែបនេះនៅព្រឹកមិញ ក្នុងពេលចុះពិនិត្យវឌ្ឍនភាពនៃការជួសជុលកែលម្អសួនច្បារតាមបណ្តោយមាត់ទន្លេ និងទីតាំងសម្រាប់សាងសង់បង្គន់អនាម័យសាធារណៈ ដើម្បីលេីកកម្ពស់សុខុមាលភាពដល់ភ្ញៀវទេសចរណ៍ ក៏ដូចជាបងប្អូនប្រជាពលរដ្ឋ មកដេីរលេងកម្សាន្ត ឬធ្វើការហាត់ប្រាណ ទទួលបានសេវាប្រកបដោយផាសុកភាព និងដើម្បីត្រៀមចូលរួមក្នុងការប្រឡងប្រណាំងទីក្រុងស្អាត នាពេលខាងមុខផងដែរ។

សូមជម្រាបថាក្នុងកិច្ចប្រជុំសាមញ្ញលេីកទី៣០ អាណត្តិទីទី៣ របស់ក្រុមប្រឹក្សាខេត្តកំពង់ចាម នាព្រឹកថ្ងៃទី១៥ ខែវិច្ឆិកា ឆ្នាំ២០២១កន្លងទៅនេះ លោក អ៊ុន ចាន់ដា បានទទួលសំណើរបស់ក្រុមប្រឹក្សាខេត្ត ហេីយបានណែនាំដល់មន្ត្រីពាក់ព័ន្ធ ឲ្យជួយស្វែងរកទីតាំងសាងសង់បង្គន់អនាម័យសាធារណៈ នៅតំបន់សួនកម្សាន្តតាមដងទន្លេមេគង្គ ចៀសវាងការបន្ទោរបង់ពាសវាលពាសកាល និងដេីម្បីលេីកកម្ពស់សុខុមាលភាពក្រុង និងលេីកកម្ពស់សុខុមាលភាពភ្ញៀវទេសចរណ៍ ក៏ដូចជាប្រជាពលរដ្ឋផងដែរ៕SRP

ខេត្តកំពង់ចាម៖លោក អ៊ុន ចាន់ដា អភិបាលខេត្តកំពង់ចាម បានដឹកនាំកិច្ចប្រជុំគណៈបញ្ជាការឯកភាពខេត្ត ដើម្បីពិនិត្យការរៀបចំ ផែនការការពារ សន្តិសុខសណ្តាប់ធ្នាប់ជូនថ្នាក់ដឹកនាំ ក្នុងពិធីសម្ពោធស្ពានមិត្តភាព កម្ពុជា-ចិន ស្ទឹងត្រង់-ក្រូចឆ្មារ និងបើកការដ្ឋានគម្រោងសាងសង់ ផ្លូវជាតិលេខ ៧១C ដែលនឹងប្រារព្ធឡើងនាពេលឆាប់ៗខាងមុខនេះ នៅលើទឹកដីស្រុកស្ទឹងត្រង់។

ក្នុងកិច្ចប្រជុំននៅថ្ងៃទី១៧ ខែវិច្ឆិកា ម្សិលមិញ លោក អ៊ុន ចាន់ដា បានថ្លែងថា ជាកិត្តិយសណាស់សម្រាប់ខេត្តកំពង់ចាម ដែលសម្ដេចតេជោ ហ៊ុន សែន នាយករដ្ឋមន្ត្រី បានអញ្ជើញជាអធិបតី ក្នុងពិធីសម្ពោធឲ្យប្រើប្រាស់ជាផ្លូវការ នូវស្ពានមិត្តភាពកម្ពុជា- ចិន ស្ទឹងត្រង់ ក្រូចឆ្មា និងសម្ពោធបើកការដ្ឋានស្ថាបនាផ្លូវ ៧១C ចេញពីឃុំស្វាយទាប ស្រុកចំការលើ ឆ្ពោះទៅដល់ទីរួមខេត្តត្បូងឃ្មុំតែម្ដង។

អភិបាលខេត្តបានមានប្រសាសន៍បន្តថា ដូច្នេះដើម្បីឆ្លើយតបទៅនឹងការផ្ដល់កិត្តិយស របស់សម្ដេចតេជោ មន្ត្រីពាក់ព័ន្ធទាំងអស់ ត្រូវខិតខំប្រឹងប្រែងធ្វើការងារ ប្រកបដោយភាពទទួលខុសត្រូវខ្ពស់ ក្នុងការរៀបចំរក្សាសន្តិសុខសណ្ដាប់ធ្នាប់ ជូនថ្នាក់ដឹកនាំ គ្រប់លំដាប់ថ្នាក់ទាំងអស់ ដែលបានអញ្ជើញចូលរួមក្នុងពិធីសម្ពោធស្ពានមិត្តភាពស្ទឹងត្រង់ក្រូចឆ្មានាពេលឆាប់ៗខាងមុខនេះ៕SRP