ខេត្តសៀមរាប – Page 153

ខេត្តសៀមរាប៖យ៉ាងហោចណាស់មនុស្សម្នាក់ បានស្លាប់និង ៣នាក់ទៀតបានរងរបួសធ្ងន់ស្រាល ដោយសារ រថយន្ត២គ្រឿងបុកគ្នា។

ហេតុការណ៍បានកើតឡើងវេលាម៉ោង ០៤និង៤០នាទី ថ្ងៃទី២៨ ខែកុម្ភ: ឆ្នាំ២០២១ នេះ នៅលេីផ្លូវជាតិលេខ ៦ ចំណុចភូមិថ្នល់ ឃុំល្វែងឫស្សី ស្រុកជីក្រែង។

សមត្ថកិច្ចស្រុកជីក្រែងបានរាយការណ៍ថា គ្រោះថ្នាក់ចរាចរណ៍ នេះគឺរវាងរថយន្តដឹកសាំង របស់ក្រុមហ៊ុន PTT ពណ៌សរ ខៀវ ពាក់ស្លាកលេខ ភ្នំពេញ4A1331 ពីលិច ទៅកេីត។ ចំណែករថយន្តដឹកជី ពណ៌សរ ពាក់ស្លាកលេខព្រះសីហនុ 3A5880
ពីកេីតទៅលិច។

សមត្ថកិច្ចបានបន្តថាករណីនេះ
បញ្រ្ចាសទិសគ្នា បណ្តាលអោយស្លាប់មនុស្សម្នាក់ នឹងរបួស៣នាក់។

ជនរងគ្រោះ
១.ឈ្មោះ តុលា ភេទប្រុសអាយុ ៣៥ឆ្នាំ មានទីលំនៅរាជធានីភ្នំពេញ អ្នកបេីកបររថយន្តពាក់ស្លាកលេខភ្នំពេញ4A 1331 ស្លាប់។
២. ឈ្មោះ ហង់ សំណាង ភេទប្រុសអាយុ ៣៣ឆ្នាំ ទីលំនៅស្រុកត្បូងឃ្មុំ ខេត្តត្បូងឃ្មុំ អ្នកបេីករថយន្តពាក់ស្លាកលេខព្រះសីហនុ3A5880 របួសធ្ងន់។
៣. ឈ្មោះ លឹម ប៊ុនធី ភេទប្រុសអាយុ ៤២ឆ្នាំ រស់នៅភូមិ ឃុំជាមួយគ្នា របួសស្រាល។
៤. ឈ្មោះ សៀវ ឡុង ភេទប្រុសអាយុ ៣៥ឆ្នាំ រស់នៅរាជធានីភ្នំពេញ របួសស្រាល។

ជនរងគ្រោះ ត្រូវបានបបញ្ជូនទៅមន្ទីរបង្អែកស្រុកសូទ្រនិគម។ ដោយឡែករថយន្តទាំង២គ្រឿង សមត្ថកិច្ច យកទៅរក្សាទុក នៅអធិការនគរបាល ស្រុកជីក្រែង៕SRP

ខេត្តសៀមរាប៖«គំនិតនិងបញ្ញា ជាទុន ដំបូងនៃអាជីវកម្ម» ៖ក្នុងលោកយើងនេះ គ្មានអ្នកណាម្នាក់កើតមកចេះរកស៊ី ឬធ្វើជំនួញតែម្ដងនោះទេ ” ពួកគេចេះ ពីព្រោះគេរៀន ពីការងារជាប្រចាំ” ហើយមានមនុស្សជាច្រើន តែងតែព្រួយបារម្ភ នៅការងារធ្វើជំនួញ ជាពិសេសនោះ ” ទំហំចំណាយ ធំជាងទំហំចំណូល ហើយអូសបន្លាយរយៈពេលយូរ ពេលវេលាទាំងអស់នោះនឹងក្លាយជាបំណុល” ប៉ុន្តែ ប្រសិនបើ ម្ចាស់អាជីវកម្មរៀនបានលឿន និង បង្កើតយុទ្ធសាស្ត្រនៃប្រាក់ចំណូល ឲ្យបានប្រសើរឡើង គឺជាជម្រើសល្អបំផុត ”
ប្រហែលជាអ្នកមានសំណួរត្រូវការពិចារណា:

តើអ្នកមានជំនាញអ្វី ធ្វើអ្វីខ្លះ ដើម្បីឲ្យចំណូលបច្ចុប្បន្នកើតឡើងទ្វេដង?
តើអ្នកទទួលស្គាល់ដែរថា ភាពខ្វះខាតនៃចិត្តសាស្ត្រចំណូល និងទំនាញហិរញ្ញវត្ថុផ្ទាល់ខ្លួនទើបធ្វើឲ្យអ្នកជាប់បំណុល?
ជាទូទៅអ្នកប្រកបរបរ ឬ ធ្វើអាជីវកម្មផ្សេងៗពួកគាត់អាចដឹង ឬ ពួកគាត់គួរតែដឹងថា ការខ្ចីប្រាក់អាចជាដើមទុនដើម្បីបង្កើនប្រាក់ចំណេញ ប៉ុន្តែអាចក្លាយជាបំណុលដែលមានកម្លាំង បំផ្លាញអាជីវកម្មរបស់អ្នកបាន ប្រសិនបើខ្វះខាតយុទ្ធសាស្ត្រប្រាក់ចំណូល
ជាពិសេសនោះនៅពេលដែលអ្នកអាក់ខានចងជាប្រព័ន្ធសកម្មភាព សាច់ប្រាក់ឲ្យសុវត្ថិភាពដែលស្ថិតក្នុងពេលគ្រោះថ្នាក់ដូចជា:
1. ម្ចាស់អាជីវកម្មមានបញ្ហាសុខភាពធ្ងន់ធ្ងរ
2. គ្រោះធម្មជាតិក្នុងតំបន់ដែលធ្វើអាជីវកម្ម
3. ពិភពលោកក្រឡាប់ ឬ មានវិបត្តិសេដ្ឋកិច្ច នៅក្នុងប្រទេសដែលអ្នកកំពុងធ្វើជំនួញ
4. គុណភាពការងារមិនត្រូវបានបំពេញគ្រប់គ្រាន់ ដើម្បី បម្រើជូនអតិថិជន
5. ដៃគូប្រកួតប្រជែងដ៏រឹងមាំមកចាប់យកទីផ្សារ
អ្វីទាំងអស់ដែលជាចំណុចគ្រោះថ្នាក់ នោះអាចក្លាយជាភាពធម្មតា ប្រសិនបើអ្នកអាចផ្លាស់ប្ដូរស្ថានការណ៍ឲ្យប្រសើរឡើងវិញបាន នោះ។
មិត្តភក្តិខ្ញុំជាច្រើនស្តីបន្ទោសខ្លួនឯង ឬ មានការតូចចិត្ដ ពីព្រោះពួកគេនិយាយថា” កាលពី ដប់ឆ្នាំមុនដីនៅតំបន់នេះថោកៗហើយគ្មានអ្នកណាទិញឡើយ” ខ្ញុំឈរស្តាប់ពួកគាត់យ៉ាងស្ងៀមស្ងាត់ដើម្បីឲ្យយល់បានថាពួកគាត់ ចង់និយាយអ្វីបន្តទៀត ប៉ុន្តែខ្ញុំបានគិតផ្ទុយពីពួកគាត់ កាលនោះដីតម្លៃថ្លៃណាស់ ពីព្រោះខ្ញុំគ្មានលទ្ធភាពទិញឡើយ ឬ ឯពួកគាត់និយាយថាដីបច្ចុប្បន្ននេះថ្លៃណាស់ ប៉ុន្តែ ពួកគាត់អាក់ខានមិនបានគិត “ តើតម្លៃដី នឹងកើនឡើង “ ប៉ុន្មានដងទៀតនៅពេលដប់ឆ្នាំទៅមុខ?
ឧទាហរណ៍ខាងលើគ្រាន់តែជាការលើកឡើងអំពីការផ្លាស់ប្ដូររបៀបគិត ពីព្រោះអ្វីដែលយើងជួបយើងត្រូវតែរកវិធីដោះស្រាយ “ គ្រប់ពេលដែលអ្នកស្វែងរកអ្នកនឹងជួប “ បំណុលធ្វើឲ្យអ្នកផ្លាស់ប្ដូររបៀបគិតនឹងផ្លាស់ប្ដូរវិធីណោះស្រាយ អ្វីដែលអ្នកគិតថាបញ្ហាធំនៅថ្ងៃនេះមិន ជាមានបញ្ហាធំនៅថ្ងៃស្អែកឡើយ។

និពន្ធដោយលោក សឿន តុលា ស្ថាបនិកក្រុមហ៊ុន ផា ផា យ៉ា
PAPAYA NEXT STEP CO,.LTD.

* PAPAYA REAL ESTATE
( គម្រោងអភិវឌ្ឍន៍អចលនទ្រព្យ)
*PAPAYA HOMESTAY
(គម្រោងលើវិស័យទេសចរណ៍)
*PAPAYA GARDEN
( គម្រោងលើវិស័យកសិកម្ម
និងចែកចាយអាហារ)

Sponsored

ខេត្តសៀមរាប៖រដ្ឋមន្ត្រីក្រសួងមហាផ្ទៃ សម្ដេចស ខេង បានចេញសេចក្ដីសម្រេច បណ្ដេញចេញពី ព្រះរាជាណាចក្រកម្ពុជា ចំពោះជនបរទេសឈ្មោះ ឈ្មោះ Shen Kandong ភេទប្រុស ជនជាតិ ចិន សញ្ជាតិចិន កើតថ្ងៃទី២២ ខែធ្នូ ឆ្នាំ ១៩៦៩ លិខិតឆ្លងដែនលេខ E99812704 ពាក់ព័ន្ធបទល្មើស ប្រព្រឹត្តនៅព្រះរាជាណាចក្រកម្ពុជា ប្រទេសដើមវិញ និងហាមឃាត់ ចូល ព្រះរាជាណាចក្រកម្ពុជា ជាថ្មី។

នេះបើយោងតាម សេចក្ដីសម្រេច របស់រដ្ឋមន្ត្រីក្រសួងមហាផ្ទៃ ដែលបានចេញ នៅថ្ងៃទី ២៥ ខែកុម្ភៈ ឆ្នាំ ២០២១ ម្សិលមិញ។

ជាមួយគ្នានេះដែរ លោកខៀវ កាញារីទ្ធ រដ្ឋមន្ត្រីក្រសួងព័ត៌មាន នៅថ្ងៃទី ២៥ ខែកុម្ភៈ ឆ្នាំ ២០២១ ម្សិលមិញ ក៏បានចេញលិខិតមួយ លុបអាជ្ញាប័ណ្ណកាសែត កាសែតអង្គរធូដេ (Angkor Today នេះផងដែរ។

សូមជម្រាបថា លោក SHEN KAIDONG ជនជាតិចិន មានតួនាទីនិពន្ធនាយក កាសែតអង្គរធូដេ ត្រូវបានកម្លាំងសមត្ថកិច្ចខេត្តសៀមរាប ចាប់ខ្លួន នៅវេលាម៉ោង ១៧និង៣៥នាទីថ្ងៃទី២៤ ខែកុម្ភៈ ឆ្នាំ២០២១ ម្សិលមិញ នៅចំណុចផ្ទះវីឡាជួល ស្ថិតនៅភូមិគ្រួស សង្កាត់ស្វាយដង្គំ ក្រុងសៀមរាប ពាក់ព័ន្ធករណី ផ្សាយព័ត៌មានមិនពិត។

ការចាប់ខ្លួននេះ ដោយការិយាល័យ ស៊ើបអង្កេតនិងអនុវត្តនីតិវិធី សហការ ជាមួយកម្លាំងមូលដ្ឋាន ដឹកនាំសម្របសម្រួល នីតិវិធីដោយលោក ថេង សំណាង ព្រះរាជអាជ្ញារងអមសាលាដំបូងខេត្តសៀមរាប នឹងដោយអនុវត្ត តាមបទបញ្ជា លោកឆៃ សុីណារិទ្ធ អគ្គស្នងការរងនគរបាលជាតិ។

មន្ត្រីនគរបាលបានថ្លែងប្រាប់បណ្ដាញ សៀមរាបប៉ុស្តិ៍ ថា បុរសរូបនេះ មុខរបរនិពន្ធនាយក កាសែតអង្គរធូដេ។ ការចាប់ខ្លួន ពាក់ព័ន្ធនឹងករណីផ្សព្វផ្សាយព័ត៌មាន នៅលើគណនី វីឆាត ឈ្មោះអង្គរធូដេ ដែលមានខ្លឹមសារថា ការចាក់វ៉ាក់សាំងការពារជំងឺកូវីដ១៩ ត្រូវចំណាយ ថវិកាចំនួន១២០ដុល្លារ។

បើតាមមន្រ្តីនគរបាលបានបញ្ជាក់ថា បច្ចុប្បន្នសមត្ថកិច្ច បានបញ្ជូនបុរសជនជាតិចិន រូបនេះ ទៅអគ្គនាយកដ្ឋាន អន្តោប្រវេសន៍ បណ្តេញចេញ នៅភ្នំពេញ បន្ទាប់ពីសាកសួរចម្លើយរួច៕SRP

ខេត្តសៀមរាប៖និពន្ធនាយក កាសែតអង្គរធូដេ
ជនជាតិចិនម្នាក់ ត្រូវបានកម្លាំងសមត្ថកិច្ចខេត្តសៀមរាប ចាប់ខ្លួនពាក់ព័ន្ធករណី ផ្សាយព័ត៌មានមិនពិត។

ការចាប់ខ្លួននេះ ធ្វើឡើងវេលាម៉ោង ១៧និង៣៥នាទីថ្ងៃទី២៤ ខែកុម្ភៈ ឆ្នាំ២០២១ នេះ នៅចំណុចផ្ទះវីឡាជួល ស្ថិតនៅភូមិគ្រួស សង្កាត់ស្វាយដង្គំ ក្រុងសៀមរាប ដោយ ការិយាល័យ ស៊ើបអង្កេតនិងអនុវត្តនីតិវិធី សហការ ជាមួយកម្លាំងមូលដ្ឋាន ដឹកនាំសម្របសម្រួល នីតិវិធីដោយលោក ថេង សំណាង ព្រះរាជអាជ្ញារងអមសាលាដំបូងខេត្តសៀមរាប នឹងដោយអនុវត្ត តាមបទបញ្ជា លោកឆៃ សុីណារិទ្ធ អគ្គស្នងការរងនគរបាលជាតិ។

មន្ត្រីនគរបាលបានថ្លែងប្រាប់បណ្ដាញ សៀមរាបប៉ុស្តិ៍ ថា បុរសរូបនេះ ឈ្មោះ SHEN KAIDONG ភេទប្រុស កើតថ្ងៃទី២២-១២-១៩៦៩ មុខរបរនិពន្ធនាយក កាសែតអង្គរធូដេ។ ការចាប់ខ្លួន ពាក់ព័ន្ធនឹងករណីផ្សព្វផ្សាយព័ត៌មាន នៅលើគណនី វីឆាត ឈ្មោះអង្គរធូដេ ដែលមានខ្លឹមសារថា ការចាក់វ៉ាក់សាំងការពារជំងឺកូវីដ១៩ ត្រូវចំណាយ ថវិកាចំនួន១២០ដុល្លារ។ បើតាមមន្រ្តីនគរបាលបានបញ្ជាក់ថា បច្ចុប្បន្នសមត្ថកិច្ច កំពុងសាកសួរនៅឡើយ៕SRP

ខេត្តសៀមរាប៖ «តម្លៃនៃគំនិតនិងទង្វើ»

” មនុស្សកម្រិតទាប ជឿសម្ដីរបស់មនុស្ស មនុស្សកម្រិតខ្ពស់ ជឿ កំពស់ទង្វើ និងលទ្ធផល
ជាក់ស្ដែង”

ចំពោះការធ្វើជំនួញវិញ ក៏មានកម្រិត ទំហំ ជំនឿ នៃអតិថិជន ផ្សេងៗ គ្នាផងដែរ ។
យើងអាច រៀននិង យល់បានខ្លះតាមរយៈទង្វើរនិងលទ្ធផលដែលពួកគេបានធ្វើពីព្រោះទាំងអស់នោះទាក់ទងជាមួយជម្រៅ នៃការគិតដែលចេញពីក្តីស្រម៉ៃ ឬគោលបំណងរបស់ពួកគេ ។

ចំពោះសហគ្រិនដែលមានគោលបំណងជាក់លាក់ «ហេតុអ្វី ដែលពួកគេបង្កើតជំនួញនោះឡើង» ពួកគាត់បានចំណាយពេលវេលាផ្តោតទៅលើគោលបំណងនោះហើយតែងតែឲ្យមនុស្សទាំងអស់ដែលជាប់ពាក់ព័ន្ធយល់ឲ្យផ្ដោតជាបំណងរួម និងតែងតែបើកជំហរ «Openess» ដើម្បីអោយអ្នកទាំងនោះសម្រេចចិត្តទទួលយកការទទួលខុសត្រូវក្នុងបុព្វហេតុដើម្បីអោយបានសម្រេចបំណងនិងគោលដៅរៀងខ្លួន។

ក្រុមសហគ្រិនទាំងអស់នោះតែងតែ ជួល និងថែទាំមនុស្ស អោយនៅជុំវិញខ្លួន ដែលជឿលើគោលបំណង ឬចក្ខុវិស័យ របស់ពួកគេតែប៉ុណ្ណោះ។ ពីព្រោះពួកគេយល់ច្បាស់ណាស់ថានៅក្នុងពិភពលោកនេះមានការបែងចែក មនុស្សជាពីរក្រុម «អ្នកដែលជឿលើចក្ខុវិស័យលើពួកគាត់ និងអ្នកដែលមិនជឿ» សហគ្រិន មិនមានប្រើជំនាញអ្វីក្រៅពីការចេះរៀបចំនិងថែទាំមនុស្សដែលនៅជុំវិញខ្លួនរបស់ពួកគាត់ដែលពួកគេទាំងអស់ជាអ្នកទទួលបន្ទុកថែទាំកិច្ចការចម្បងៗ សម្រាប់គោលបំណងនៃចក្ខុវិស័យរបស់សហគ្រិន ។

វាជាការពិតណាស់សហគ្រិនទាំងនោះមិនបានផ្ដោតទៅលើការងារតូចតាចដែលនាំអោយដក់ជាប់នៅក្នុងខួរក្បាលរបស់គេឡើយ ពីព្រោះពីគេមាន៖

១. ការផ្ដោតទៅលើគោលបំណង

២. រក្សាអោយមានភាពស្ងៀមស្ងាត់និងអត់ធ្មត់ ដើម្បីអោយ មានភាពធម្មតា ដោយមិនប្រកាន់ខ្លួនជាតួនាទីឬ ឋានៈអ្វីឡើយ «បង្កើតអោយមានភាពទំនាក់ទំនងស្និទ្ធស្នាលក្នុងប្រព័ន្ធការងារ»

៣.រក្សាការប៉ុនប៉ងគិតនៅកម្រិតខ្ពស់នៅក្នុងផ្នត់គំនិត «Growth Mindset» ពីព្រោះពួកគេយល់ថាបើគ្មានការសំលៀង ការដុះផ្នត់គំនិតអោយសមស្របទៅនឹងគោលបំណងទេនោះពួកគេអាចវង្វេងផ្លូវដែលធ្វើឲ្យគេចុះចាញ់និងបរាជ័យដោយបោះបង់ហេតុផល ដែលពួកគេបានចាប់ផ្តើម។

ដូច្នេះប្រសិនបើយើងយល់អំពីគោលបំណងជាក់លាក់អំពីមូលហេតុដែលយើងធ្វើអាជីវកម្ម យើងតែងតែទទួលបានកម្រិតជោគជ័យតាំងពីគ្រានៃការចាប់ផ្ដើម ពីព្រោះគោលបំណង ឬបុព្វហេតុមិនធ្វើអោយយើងបោះបង់ ឬចុះចាញ់ឡើយ «អ្នកបោះបង់មិនដែលជោគជ័យ អ្នក ជោគជ័យមិនដែលបោះបង់»។ និពន្ធដោយលោក សឿន តុលា ស្ថាបនិកក្រុមហ៊ុន ផា ផា យ៉ា PAPAYA NEXT STEP CO,.LTD. មាន PAPAYA REAL ESTATE ( គម្រោងអភិវឌ្ឍន៍អចលនទ្រព្យ) PAPAYA HOMESTAY (គម្រោងលើវិស័យទេសចរណ៍) និង PAPAYA GARDEN ( គម្រោងលើវិស័យកសិកម្មនិងចែកចាយអាហារ)៕SRP

Sponsored

ខេត្តសៀមរាប៖ក្រោយពីមានការបង្ហោះព័ត៌មានតាម ហ្វេសប៊ុក ថា មានល្បែងស៊ីសង ប៉ូលិសចុះទៅរកបង្ក្រាបតែ រកមិនឃើញការលេងល្បែងដូចការបង្ហោះឡើយ ហាក់បីអ្នកលេងដឹងខ្លួនជាមុន។

ពាក់ព័ន្ធករណីនេះ អធិការស្រុកប្រាសាទបាគង
លោកវរសេនីយ៍ឯក លឹម សម្បត្តិ បានបំភ្លឺថា៖ បន្ទាប់ពីឃើញ មានការបង្ហោះ ផ្សាយតាមហ្វេសប៊ុគថា មានករណី លួចលេងល្បែងស៊ីសង នៅចំណុចភូមិរកាកំបុត ឃុំត្រពាំងធំ ស្រុកប្រាសាទបាគង ក្នុងនាមអធិការនៃអធិការស្រុកប្រាសាទបាគង ខ្ញុំបាទបានចាត់តាំង កម្លាំងចុះស្រាវជ្រាវ រកទីតាំងនេះ តែពេលទៅដល់ គឺមិនឃើញមានវត្តមាន អ្នកលែងល្បែងនៅទីតាំងនោះទៀតឡើយ។

អធិការបន្តថា បច្ចុប្បន្នយើងខ្ញុំ បានរៀបចំកម្លាំង រង់ចាំឃ្លាំមើលនៅទីតាំងនោះ បើឃើញមានយើងខ្ញុំនឹងធ្វើការបង្ក្រាបភ្លាម ជាមួយគ្នានេះក៏សូមអរគុណដល់បងប្អូនអ្នកសាព័ត៌មាន និងសូមស្នើរដល់បណ្ដាអ្នកសារព័ត៌មាន ផ្តល់កិច្ចសហការ រាយការណ៍ មកខ្ញុំផ្ទាល់ក្នុងករណីឃើញមានការលែងល្បែងស៊ីសង នៅទីតាំងផ្សេងៗទៀត ដើម្បីយើងខ្ញុំអាចចាត់វិធានការ បានទាន់ពេលវេលា៕SRP

ខេត្តសៀមរាប៖ស្ត្រីម្នាក់បានរង របួសធ្ងន់ខណ:កំពុងបើកម៉ូតូ ត្រូវបានរថយន្តបុកចំពេញទំហឹង។

ហេតុការណ៍បានកើតឡើង វេលាម៉ោង១៤និង៣០ នាទីថ្ងៃទី២៣ ខែកុម្ភ: ឆ្នាំ២០២១ រវាងរថយន្តនិងម៉ូតូ បញ្ច្រាស់ ទិសគ្នា ពីជើង ទៅត្បូង ត្រង់ចំណុចភូមិកកោះជ្រំុ ឃំុខ្នារសណ្តាយ ស្រុកបន្ទាយស្រី ខេត្តសៀមរាប។

សមត្ថកិច្ច ស្រុកបន្ទាយស្រី បានឲ្យដឹងថា ករណីគ្រោះថ្នាក់ចរាចរណ៍នេះ រថយន្តសាំយ៉ុង ពណ៌ស ពាក់ស្លាកលេខ 2AF9282 បើកបរដោយឈ្មោះអិបមភារម្យ ភេទប្រុសអាយុ24ឆ្នាំ
ទីលំនៅភូមិឬស្សីសាញ់ ឃំុជ្រោយនាងនួន ស្រុកស្រីស្នំ ខេត្តសៀមរាប បុកជាមួយម៉ូតូហុងដា C125ពណ៌ខ្មៅ សេរីឆ្នាំ2016 ពាក់ស្លាកលេខបន្ទាយមានជ័យ 1N4084 បើកបរដោយឈ្មោះឡាង រក្សា ភេទស្រីអាយុ17ឆ្នាំ នៅភូមិរំជ័យ ឃំុល្វែងឬស្សី ស្រុកជីក្រែង ខេត្តសៀមរាប រងរបួសធ្ងន់ ត្រូវបានបញ្ជូន ទៅសង្គ្រោះ នៅមន្ទីពេទ្យខេត្តសៀមរាប។ ចំណែករថយន្តនឹងម៉ូតូរក្សាទុកនៅកន្លែងប៉ូលិស៕SRP

ខេត្តសៀមរាប៖សមត្ថកិច្ចស្រុកអង្គរជុំបានឃាត់ខ្លួនបុរសម្នាក់ ពាក់ព័ន្ធហិង្សាដោយចេតនាមានស្ថានទម្ងន់ទោស។

ករណីហិង្សា នេះ នៅវេលាម៉ោង២២និង៣០នាទី ថ្ងៃទី២២ ខែខែកុម្ភៈ ឆ្នាំ២០២១ នៅចំណុច ខាងជើងភូមិស្រែខ្វាវ ឃុំស្រែខ្វាវ ស្រុកអង្គរជុំ។
សមត្ថកិច្ចបានឲ្យដឹងថា ជនសង្ស័យ ឈ្មោះសាំ មិសស្តាវ៉ា ភេទប្រុស អាយុ៣៨ឆ្នាំ នៅភូមិបឹងប្រួល ឃុំបឹងប្រួល ស្រុកត្បូឃ្មុំ ខេត្តត្បូងឃ្មុំ បានយកម៉ាលេត វាយទៅលើ ឈ្មោះធំ ណាក់ ភេទប្រុស អាយុ៤៤ឆ្នាំ នៅភូមិរាជជន្ទល់ ឃុំស្រែខ្វាវ ស្រុកអង្គរជុំ ខេត្តសៀមរាប បណ្ដាលឲ្យរងរបួសធ្ងន់ ( បែកក្បាលផ្នែកខាងក្រោយដេរចំនួន២០ថ្នេរ និងបែកខ្ទង់ច្រមុះ)។
ជនសង្ស័យ ត្រូវបានកម្លាំងអធិការនគរបាលស្រុក ឃាត់ខ្លួន នៅថ្ងៃទី២៣ ខែកុម្ភៈ ឆ្នាំ ២០២១ នេះកសាងសំណុំរឿងតាមនីតិវិធី។ ទោះជាយ៉ាងណាសមត្ថកិច្ច មិនទាន់បញ្ជាក់ អំពីមូលហេតុ ករណីហិង្សានៅឡើយ៕SRP

Sponsored

ខេត្តសៀមរាប៖“នៅក្នុងជីវិត អ្នកបានជួបរឿង លំបាកនិង បរាជ័យ ជាច្រើន ប៉ុន្តែ អ្នកមិនអាចបណ្ដោយឱ្យបាក់ទឹកចិត្ត និងលះបង់គំនិតដើមរបស់អ្នកបានឡើយ”

ក្នុងលោកយើងនេះ មនុស្សភាគច្រើនតែងតែភ័យខ្លាច ព្រមទាំងជួបការបរាជ័យ មិនអាចគេចផុតឡើយ ប៉ុន្តែដំណឹងអាក្រក់ខ្លាំងនោះគឺថា ពួកគេ បណ្ដោយខ្លួន ” ឲ្យស្ថិតក្នុងទីតាំង និងការគិតបរាជ័័យ” ដោយនិយាយពាក្យលួងលោមខ្លួនឯងថា ” នោះគឺជាព្រហ្មលិខិត ” ។
នៅក្នុងអត្ថបទនេះ សូមមិត្តអ្នកអានធ្វើការពិចារណា:
1 : តើការផលិតឡានចេញមកពីព្រហ្មលិខិតដែរឬទេ?
2: តើអាគារធំៗ ព្រមទាំង សេវាកម្មផ្សេងៗ ដែលមនុស្សបានសាងសង់ឡើង ចេញមកពីព្រហ្មលិខិតដែរឬទេ?

ជាការពិតណាស់ ទាំងអស់នោះកើតចេញមកពីគំនិត និងកម្លាំងចិត្ត ដើម្បីបំពេញឲយបាន នូវកិច្ចការដែលពួកគេត្រូវធ្វើឲ្យបានសម្រេច ។
” គ្មាននរណាម្នាក់ក្រីក្រអស់មួយជីវិតនោះទេ លើកលែងតែ មនុស្សក្រគំនិត បាក់ទឹកចិត្ត និងកំណត់់ព្រំដែនជំនឿរបស់ខ្លួនខ្លួន” ភាពនឹងថ្កល់មិនហ៊ានធ្វើការសម្រេចចិត្ត ការធ្វើកិច្ចការដដែល រក្សាទម្លាប់ដដែល គឺជាភាពគ្រោះថ្នាក់់ខ្លាំង ជាងការសម្រេចចិត្តប្រថុយប្រថាន ដើម្បីឲ្យបានសម្រេចហើយមួយ។

ឧទាហរណ៍អំពីលោក Colonel Harland Sanders ដែលជាស្ថាបនឹក នៃហាង KFC
លោកបានអភិវឌ្ឍខ្លួនឲយមានទេព្យកោសល្យនៃ មាន់បំពង ដែលឆ្លងកាត់ ការបរាជ័យរាប់មិនអស់ ប៉ុន្តែគាត់មិនបោះបង់់គំនិត និង ក្តីស្រមៃ របស់គាត់ រហូតមកដល់ពេលនេះ ហាង KFC ត្រូវបានរីកសុះសាយ ជាង 150 ប្រទេស នៅពាសពេញពិភពលោក ។

” ការប្រថុយ ធ្វើ ប៉ុន្តែសូមកុំ បោះបង់ចោល ” ពីព្រោះគាត់យល់ឃើញថា ការដួល គឺជាឱកាស ងើបឡើងដើម្បីជោគជ័យ ប្រសិនបើមិនទាន់បានជោគជ័យខាងផ្នែកហិរញ្ញវត្ថុ វាត្រូវតែជាអាកាស ជោគជ័យចំពោះការរៀនពង្រឹងសមត្ថភាព ពីបទពិសោធន៍ដែលកន្លងផុត ” ពីព្រោះគាត់យល់ឃើញថា គ្មានភាពអស្ចារ្យណា កើតឡើង ដោយគ្មានការបរាជ័យ និងភាពតស៊ូស្វិតស្វាញដោយ ។

សូមចុះចាំថា : ឱកាសល្អ មិនអាចកើតឡើង ចំពោះអ្នកគិត ” អវិជ្ជមាន និងអ្នកភ័យខ្លាចបានឡើយ ” ការគិតវិជ្ជមានល្អៗ ធ្វើរឿងល្អៗ បន្តិចម្ដងៗ ផលល្អៗនិងជឿចំពោះរូបអ្នក។

និពន្ធដោយលោក សឿន តុលា ស្ថាបនិក ក្រុមហ៊ុន
ផា ផា យ៉ា
PAPAYA NEXT STEP CO,.LTD

* PAPAYA REAL ESTATE
( គម្រោងអភិវឌ្ឍន៍អចលនទ្រព្យ)
* PAPAYA HOMESTAY
( គម្រោងលើវិស័យទេសចរណ៍)
* PAPAYA GARDEN
( គម្រោងលើវិស័យកសិកម្មនិងចែកចាយអាហារ)

ខេត្តសៀមរាប៖សេចក្ដីរាយការណ៍បានឲ្យដឹងថា បទល្មើសនេសាទ ប្រភេទ របាំងសាច់អ៊ួន របាំងសាច់ក្រហម រុញស៊ីប អូសលាស និងយ៉ាងកាវ បានកើតមានយ៉ាងពេញបន្ទុក នៅក្នុងភូមិសាស្រ្តឃុំកំពង់ឃ្លាំង ស្រុកសូទ្រនិគម ខេត្តសៀមរាប។ ប្រការដែលមានបទល្មើសនេសាទអនាធិបតេយ្យបែបនេះ ត្រូវបានគេសង្ស័យថា លោក សរ ម៉ាប់ នាយផ្នែករដ្ឋបាលជលផល សូទ្រនិគម និងលោកនាយសង្កាត់រដ្ឋបាល ជលផល កំពង់ឃ្លាំង គិតតែផលប្រយោជន៍ ផ្ទាល់ខ្លួន ដោយមិនខ្វល់ពីការបាត់បង់មឆ្ឆាជាតិឡើយ។

សេចក្ដីរាយការណ៍បានឲ្យដឹងថាក្រុមអ្នកព័ត៌មានបាន ចុះថតផ្ដិតយករូបភាព ពីសកម្មភាពប្រើប្រាស់ឧបករណ៍នេសាទខុសច្បាប់ នៅចំណុច ត្រចៀកតាមា ចំណុចឆេះកែវ ចំណុចវេហានិងចំណុចកាប់ចិន ជាប់ព្រំប្រទល់ ឃុំអន្លង់សំណរ ស្រុកជឺក្រែង ខេត្តសៀមរាប និងឃុំពាមបាងស្រុកស្ទោង ខេត្តកំពង់ធំ។

សេចក្ដីរាយការណ៍បន្ថែមថានៅចំណុចខាងលើ គេឃើញបទល្មើសនេសាទ ដាក់របាំងហ៊ុំព័ទ្ធ ដែលមានប្រវែងរាន់ពាន់ម៉ែត្រ និងជាបទល្មើស ហាមឃាត់ មិនឲ្យប្រើប្រាស់ឧបករណ៍ ទាំងនោះទេ ក៏ប៉ុន្តែ បែជា នាយសង្កាត់អន្លង់សំណរ នឹងសង្កាត់កំពង់ឃ្លាំង រួមជាមួយលោក សរ ម៉ាប់ នាយផ្នែករដ្ឋបាលជលផលសូត្រនិគម មិនទប់ស្កាត់បង្ក្រាបទៅវិញ ទុកឲ្យឈ្មួញនេសាទ ធ្វើសកម្មភាពតាមតែអំពើចិត្ត។

បើតាមតាមសេចក្តីរាយការណ៍ បានបញ្ជាក់ថា នៅក្នុងឃុំកំពង់ឃ្លាំង បទល្មើសនេសាទខុសច្បាប់ បានកើតមានឡើង យ៉ាងផុសផុលបំផុត ខណ: លោក សរ ម៉ាប់ ធ្វើមិនដឹងមិនឮអ្វីទាំងអស់។ ជុំវិញព័ត៌មាននេះ «បណ្ដាញសៀមរាបប៉ុស្ដិ៍» នៅមិនអាចសុំការបំភ្លឺពី លោក លោក សរ ម៉ាប់ នាយផ្នែករដ្ឋបាលជលផល សូត្រនិគម បានទេ ដោយទូរស័ព្ទមិនទាកក់ទងបាន៕SRP

Sponsored