ខេត្តសៀមរាប

ខេត្តសៀមរាប៖លោកស្រេង ប្រណី បានធ្វើការបក ស្រាយថា ការស៊ែអត្ថបទ បង្ហោះកាលពីល្ងាចថ្ងៃទី ២៦ខែមេសា ឆ្នាំ២០២១ លើផេក (Post News- សៀមរាបប៉ុស្ដិ៍) ជាព័ត៌មានចាស់ច្រើនឆ្នាំមកហើយ ដូច្នេះលោកសូមឲ្យគេហទំព័រសៀមរាបប៉ុស្ដិ៍ ចុះបកស្រាយកែតម្រូវឡើងវិញ។

អង្គភាពសៀមរាបប៉ុស្ដិ៍ សូមធ្វើការកែតម្រូវមកវិញថា ការស៊ែព័ត៌មាន ខាងលើនោះ ពិតជាព័ត៌មានចាស់ ដែលបានចុះផ្សាយកាលពីខែកញ្ញា ឆ្នាំ២០២០ ពិតប្រាកដមែន។ ដូច្នេះសូមមហាជន កុំមានការយល់ច្រឡំពោះព័ត៌មានដែលបានស៊ែឡើងវិញកាលពីល្ងាចថ្ងៃទី២៦ខែមេសា ឆ្នាំ២០២១។

លោកស្រេង ប្រណី ក៏បានផ្តល់ព័ត៌មានបន្ថែមថា ចំពោះព័ត៌មានដែលបានផ្សាយតៗគ្នាកន្លងមក ថារូប លោកតែងតែបើករថយន្តប្រដេញស្ទាក់រថយន្តដឹកបទល្មើសព្រៃឈើ ក៏ពុំមែនជាការពិតនោះដែរ។ រូបលោកជាតំណាងលោកស្រីតាំង សុខនី ម្ចាស់ទីតាំងសន្និធិផលអនុផលព្រៃឈើ(ច្រកចេញចូលតែ១)ប្រចាំខេត្ត សៀមរាប ក្នុងភូមិរលួសឃុំរលួស ស្រុកប្រាសាទ បាគង។ ក្នុងករណីនេះ រូបលោកមានសិទ្ធិក្នុងការឃ្លាមើលការដឹកជញ្ជូនបទល្មើសព្រៃឈើពីគ្រប់បណ្តាខេត្ត ចូលមកកាន់ខេត្តសៀមរាប។ ដូច្នេះ ការផ្សាយព័ត៌មានថា រូបលោកបើកឡានស្ទាក់ចាប់ឡានដឹងឈើនោះ មិនមែនជាការពិតឡើយ៕SRP

ខេត្តសៀមរាប៖លោក សឿន តុលាស្ថាបនិកក្រុមហ៊ុនផា ផា យ៉ា បានសរសេរអត្ថបទមួយក្រោមចំណងជើងថា«មេរៀនពីសង្គមមានហេតុផល 7 យ៉ាងដែលសង្គមបានបង្រៀន នៅពេលដែលយើង គិតពិចារណា»។

លោក សឿន តុលា បានសរសេរថា៖
1- រក្សានៅតម្លៃខ្លួនឯង មានផែនការ ការងារ ហើយធ្វើជាប្រចាំ នៅពេលដែលយើងជួប មនុស្សក្នុងសង្គម កុំតវ៉ាជាមួយមនុស្ស ដែលមានគំនិត និងទស្សនៈ ព្រមទាំងជំនឿ ផ្សេងពីយើង ប្រសិនបើយើង ចំណាយពេល ពន្យល់ រឿងរៀបរាប់ប្រាប់ពីមូលហេតុ យើងបានត្រឹមតែធ្វើអោយអ្នកខាតពេលវេលា ហើយតម្លៃរបស់យើង នឹង ធ្លាក់ចុះ ក្នុងគ្រាដែលយើងកំពុងរៀបរាប់ ពីព្រោះ មនុស្ស ចង់ដឹង ចង់ឮ តែអ្វី ដែល គេចង់តែប៉ុណ្ណោះ។
” សូមកុំចំណាយពេល ពន្យល់និង យកខុស យកត្រូវ ជាមួយ មនុស្ស នៅក្នុងសង្គម មនុស្សឆ្លាត មនុស្សវាងវៃ តែងតែ រីករាយ ជាមួយ សំណួរតែប៉ុណ្ណោះ គឺវាគ្រប់គ្រាន់ សម្រាប់ស្ថានការណ៍នោះ”

2- ហ៊ានអាកាត់ការចំណាយ
ការរៀបចំខ្លួន ឲ្យបានសមរម្យ ឬការចំណាយផ្សេងៗ ក្នុងបុព្វហេតុ ចូលរួមសង្គម ឲ្យបានល្មម គឺគ្រប់គ្រាន់ ពីព្រោះ
ការចំណាយ ឲ្យសង្គមសរសើរ ឬកោតក្រែង គឺ ” ថ្លៃខ្លាំងណាស់ ” មួយជីវិតយើង ក៏មិនអាច បង់ថ្លៃគ្រប់ដែរ ។
ការចាត់ចែងប្រាក់ ទិញសម្ភារៈ ថ្លៃដាច់គេ ឲ្យលើសគេ មិនមានអារម្មណ៍ល្អ ដូចការចាត់ចែងប្រាក់ ជួយក្មេងកំព្រា ចាស់ជារា ឬបុគ្គលដែលគេត្រូវការជួយឡើយ ។
3- លុបបំបាត់ ការប្រៀបធៀប ខ្លួនឯង:
ប្រសិនបើមានការគិត ការប្រៀបធៀប ខ្លួនឯង ជាមួយនឹងសង្គម សង្គមមិនបានផ្ដល់កម្លាំងចិត្តឱ្យយើងទេ ហើយសង្គម និងជាន់អ្នកឱ្យឈឺចាប់ខ្លាំងឡើង
” គ្រប់ពេលដែលអ្នកប្រៀបធៀប ខ្លួនអ្នកជាមួយអ្នកដទៃ អ្នកតែងតែបាត់បង់ ទេពកុសលផ្ទាល់ខ្លួន ដើម្បីជួយជីវិតអ្នក និងសង្គម” សូមលុបបំបាត់ចោល ពាក្យថា :
គេឆ្លាតជាងយើង
គេមានបក្សពួក
គេមានអ្នកនោះ ឬអ្នកនេះជួយ
” អ្វីទាំងអស់ គឺផ្ដើមពីយើង មិនមែនពីអ្នកដទៃទេ” អ្នកដទៃ ចេះជាប់មមាញឹក នជាមួយការងារ និងការទទួលខុសត្រូវជីវិតពួកគេ គេមិនអាចល្ងង់ លោតផ្លោះ ទៅជួយគិត ដល់អ្នកដទៃបានទេ។
ប៉ុន្តែ ត្រូវចងចាំថា: មនុស្សជោគជ័យ គេជួយ តែមនុស្សណា ដែលអាចមើលឃើញថា ” មនុស្សនោះនឹងជោគជ័យ ឬ
មនុស្សនោះ មានកំណើត ” ឬនៅក្នុងសាសនាព្រះពុទ្ធ ” ព្រះអង្គមានពុទ្ធដីកាថា : អ្នកដែលមានឧបនិស្ស័យ” ។

4- គោរព ឱ្យតម្លៃ អ្នកដទៃ ឲ្យដូចជាយើង គោរព និងឱ្យតម្លៃ ដល់ខ្លួនឯង។
5- ចេះស្ដាប់ ចេះស្វែងយល់ អំពីអ្នកដទៃ
” ប្រសិនបើយើង ជួបបញ្ហាលំបាកដូចគាត់ តើយើងគិតយ៉ាងណា….? ”
6- បើកចិត្តទូលាយ
មានចិត្តត្រេកអរ នៅពេលដែលអ្នកដទៃ បានលាភសក្ការៈ ឬក៏ជោគជ័យទៅលើអ្វីមួយ ពីព្រោះ នៅក្នុងសង្គម មានការប្រៀបធៀប មានការច្រណែន និង រឿងស្មុគស្មាញជាច្រើនក្នុងផ្លូវចិត្ត ។ តើហេតុអ្វី យើងឱ្យខ្លួនយើង ធ្លាក់ចូលក្នុងរឿងទាំងអស់នោះ?
7-រៀនពិចារណា
នៅពេលដែលនរណាម្នាក់ ដែលមានព័ត៌មាន បង្កើតទំនាក់ទំនង ជាមួយអ្នក យើងអាចសួរក្នុងចិត្តថា ” តើពួកគេចង់បានអ្វី? ” នៅក្នុងលោកនេះ គ្មានអ្វីដែលកើតឡើង ដោយ free នោះទេ យើងត្រូវគិតតម្លៃ យើងត្រូវគិតថ្លៃ ពីព្រោះ ជីវិតត្រូវការបែបនោះ ។

និពន្ធដោយលោក សឿន តុលា
ស្ថាបនិកក្រុមហ៊ុន : ផា ផា យ៉ា
PAPAYA NEXT STEP CO,.LTD
* PAPAYA REAL ESTATE
( គម្រោងអភិវឌ្ឍន៍អចលនទ្រព្យ)
* PAPAYA HOMESTAY
( គម្រោងលើវិស័យទេសចរណ៍)
* PAPAYA GARDEN
( គម្រោងលើវិស័យកសិកម្មនិងចែកចាយអាហារ)

ខេត្តសៀមរាប៖លោកទៀ សីហា អភិបាលខេត្តសៀមរាប បានបើកកិច្ចប្រជុំពិភាក្សាលើកទី១ អំពីវិស័យទេសចរណ៍ខេត្តសៀមរាប បន្ទាប់ពីយើងបានអាកខានអស់រយ:ពេលយូរមកហើយ។

កិច្ចប្រជុំធ្វើឡើងនៅរដ្ឋបាលខេត្តសៀមរាបនាថ្ងៃទី ២៧ ខែមេសាឆ្នាំ ២០២១នេះ។

លោកទៀ សីហា បានឲ្យដឹងថា ស្ថាប័នរដ្ឋ និងវិស័យឯកជន នឹងបន្តសហការគ្នាដើម្បីរៀបចំផ្ទះយើង ខេត្តសៀមរាបយើង អាចមានលទ្ធភាព ទទួលភ្ញៀវទេសចរណ៍ឡើងវិញ ក្នុងបរិបទកូវីដ-១៩ ជាមួយនឹងការរស់នៅតាមបែបគន្លងថ្មី (The New Normal)។

លោកបានបន្តថាយើងក៏បានរៀបចំ និងផែនការផ្តល់វ៉ាក់សាំងឲ្យបានដល់បងប្អូនប្រតិបត្តិករទេសចរ ក្នុងខេត្តសៀមរាប ដែលជាក្រុមគោលដៅបន្ទាប់ ក្នុងការផ្តល់សេវាកម្មក្នុងវិស័យទេសចរណ៍ ក្នុងបរិបទនៃការរីករាលដាលនៃជំងឺកូវីដ-១៩។

លោកក៏បាន សូមបងប្អូន ប្រជាពលរដ្ឋ បន្តការការពារ តាមការណែនាំ របស់ក្រសួងសុខាភិបាល កុំឲ្យប៉ះដល់ក្រុមគ្រួសាររបស់លោកអ្នកឲ្យសោះ។

ការពារខ្លួនឯង_ស្មើនឹងការពារក្រុមគ្រួសាររបស់លោកអ្នក ៣ការពារ: ត្រូវពាក់ម៉ាស់, ត្រូវលាងដៃ, ត្រូវគម្លាតបុគ្គល ៣កុំ: កុំនៅបន្ទប់បិទជិត, កុំនៅកន្លែងកុះករ, កុំនៅប៉ះពាល់គ្នា៕SRP

ខេត្តសៀមរាប៖លោក សឿន តុលា ស្ថាបនិកក្រុមហ៊ុនផាផាយ៉ា បាននិពន្ធអត្ថបទមួយមានចំណងជើងថា«ទទួលការពិត នៃបច្ចុប្បន្នភាព»។

លោកសឿន តុលា បានសរសេរថា៖ជាទូទៅ មានមនុស្សជាច្រើន ក្នុងលោកយើងនេះ តែងតែព្រួយបារម្ភ អំពី ការរស់នៅ អំពី ទំនិញម្ហូបអាហារឡើងថ្លៃ  ដោយសារ ពួកគាត់មានបញ្ហា ប្រភពចំណូល : ចំណូល ត្រូវបានបាត់ ឬ ចំណូលតូចជាងការចំណាយ។

” ចំពោះ តម្លៃទំនិញខុសប្រក្រតីនៅពេលដែលការផ្គត់ផ្គង់ទំនិញមិនគ្រប់តម្រូវការ និង ផ្ដល់ជូនមិនទាន់ពេលវេលា ដល់អ្នកប្រើប្រាស់..គឺជាផ្នែកសំខាន់មួយដែលធ្វើឱ្យទំនិញឡើងថ្លៃ..”

ចង្វាក់ផលិត..ផ្គត់ផ្គង់ និងប្រើប្រាស់ គឺជាចរន្តជាប់សរសៃគ្នា នៃសេដ្ឋកិច្ច ” ប្រសិនបើជុំណាមួយ ដែល ដំណើរការមិនល្អទេ  ភាពខុសប្រក្រតី នៃតម្លៃ នឹងកើតឡើង ” ..ដំណឹងល្អនោះគឺថា : Covid 19 នឹងរលាយបាត់  ទៅវិញថ្ងៃណាមួយ..នឹង បន្សល់ទុកឲ្យយើង  មានការប្រឹងប្រែងធ្វើអាជីវកម្មខ្លាំងជាងមុន..ជីវិតយើងនឹងត្រឡប់មកភាពធម្មតាវិញ , ភាពរីករាយ នឹងមានការស្លៀកពាក់ស្អាតបាត ចូលរួមកម្មវិធីសង្គម..និងបុព្វហេតុផ្សេងៗ..ដូចកាលគ្រាមុន..។

នៅក្នុងគ្រាលំបាក ដោយរោគរាតត្បាត Covid 19  ប្រសិនបើយើង បត់បែននិងអត់ធ្មត់ រក្សាកម្លាំងការងារជាក្រុម និងពង្រឹងទឹកចិត្តស្មារតីបាន   កម្រិតហានិភ័យ នឹងធ្លាក់ចុះ   សូមចងចាំថា : នៅពេលដែលយើងប្រឈមមុខជាមួយនិងបញ្ហា ដោះស្រាយបញ្ហា   នោះមិនមែនជាបញ្ហាទៀតទេ ។

ពីព្រោះ ទ្រព្យសម្បត្តិពិតប្រាកដ របស់អាជីវកម្ម  គឺ ធនធានមនុស្ស  ” វិបត្តិហិរញ្ញវត្ថុ  និង ការរស់នៅខុសពីធម្មតា  ” គឺជាឬសគល់នៃជំលោះក្នុងចិត្ត ព្រមទាំង ជះឥទ្ធិពល ដល់មនុស្ស ជុំវិញខ្លួន  ប៉ុន្តែភាពអត់ធ្មត់ និងបត់បែន ជាឱសថ ព្យាបាល បញ្ហាបច្ចុប្បន្ន ដែលយើងកំពុងជួប។

”  ប្រសិនបើយើង យកបេះដូង មកប្រើ  យើងមាន ដំណោះស្រាយច្រើន ក្នុងផ្លូវជីវិត  ពេលខ្លះ ការប្រើក្បាល  ធ្វើឱ្យយើងឈឺក្បាលថែម ”  ប្រសិនបើយើងងាកក្រោយ បើកដល់ពេលនេះ យើងឃើញ មានរឿងជាច្រើន ដែលយើងត្រូវសម្ដែង អំណរគុណ  មានរបស់ជាច្រើន មានជំរើសជាច្រើន  ដែលយើងដឹងត្រូវធ្វើ  ពីព្រោះ យើងបានឈរមកដល់ទីនេះ..ដើម្បីកុំឱ្យ មានការលំបាក សម្រាប់អនាគត។

សូមចងចាំថា : ការព្រួយបារម្ភ និងភាពភ័យខ្លាច  មិនមែនជាកម្មសិទ្ធិរបស់យើងទេ   នៅពេលដែលយើង រៀនស្រលាញ់ខ្លួនឯង និងផ្ដល់ការស្រលាញ់ ទៅដល់អ្នកដទៃ ជារៀងរាល់ថ្ងៃនោះ។

នៅក្នុងអត្ថបទនេះសូមឱ្យមិត្តអ្នកអាន  ជាពិសេសសហគ្រិន  គិតនិងពិចារណា អំពីតម្លៃ នៃរក្សាកម្លាំងចិត្ត និង តម្លៃដែលយើងបានរស់ដល់ពេលបច្ចុប្បន្ន  ពីព្រោះ

សេដ្ឋកិច្ច គឺជាចរន្ត មានឡើង  មានចុះ ទៅតាមហេតុផលរបស់វា  ប៉ុន្តែ កម្លាំងចិត្ត និងការគិត  ត្រូវតែកើនឡើងជានិច្ច។

” ពេលខ្លះ បញ្ហារបស់អ្នក  ត្រូវបើកចំហរ ទទួលយកការពិត  នៅពេលដែលអ្នកទទួលយកការពិត  អ្នកនឹងដឹង អំពីរបៀបដែលត្រូវធ្វើដំណើរទៅមុខ ”

ប្រសិនបើអ្នកគិតក្នុងចិត្តតែឯង ហើយធ្វើការតែឯង អ្នកនឹងលំបាក ប៉ុន្តែ ប្រសិនបើអ្នកគិតគិត ហើយដាក់រួមគ្នា  ធ្វើការរួមគ្នា អ្នកនឹងបានប្រសើរឡើង ។

សូមចងចាំថា: ” ទុក្ខលំបាក  មិនមែនជាកម្មសិទ្ធិរបស់អ្នកទេ   ហេតុអ្វីអ្នកចិញ្ចឹម វាបានពេលយូរដូច្នេះះ? ហេតុអ្វី អ្នកមិនចិញ្ចឹម ភាពសប្បាយរីករាយ ចាប់ពីពេលនេះទៅ? ”

ស្ថាបនិកក្រុមហ៊ុន  ផា ផា យ៉ាPAPAYA NEXT STEP CO,.LTD

* PAPAYA REAL ESTATE

( គម្រោងអភិវឌ្ឍន៍អចលនទ្រព្យ)

* PAPAYA HOMESTAY

( គម្រោងលើវិស័យទេសចរណ៍)

* PAPAYA GARDEN

( គម្រោងលើវិស័យកសិកម្មនិងចែកចាយអាហារ)​

ខេត្តសៀមរាប៖លោកហ៊ុន ប៉ូគា ប្រធានសមាគមចលនាយុវជនកម្ពុជា(ក្រុម១៥៧) សាខាខេត្តសៀមរាប នៅថ្ងៃចន្ទ ទី២៦ ខែមេសា ព្រឹកមិញនេះបានដឹកនាំក្រុមការងារ ជួយសម្របសម្រួលដល់យោធិន និងគ្រួសារយោធិន ពលរដ្ឋ ក្នុងការចាក់វ៉ាក់សាំងបង្ការកាកូវីដ-១៩ លេីកទី២។ ជាមួយគ្នានេះដែរ
សមាគមចលនាយុវជនកម្ពុជា(ក្រុម១៥៧) សាខាខេត្តសៀមរាប ក៏បាននាំយកអំណោយទឹកសុទ្ធចំណុះ២០កេស ប្រគល់ជូន មេបញ្ជាការយោធភូមិភាគ៤ និង អាល់កុល ៣០លីត្រ ប្រគល់ជូនមន្ទីរពេទ្យយោធភូមិភាគ៤ ក្នុងគោលដៅ ចូលរួមទប់ស្កាត់ការរីករាលដាលនៃមេរោគកូវីដ-១៩ផងដែរ។

សូមជម្រាបថាសមាគមចលនាយុវជនកម្ពុជា(ក្រុម១៥៧)ផ្ដល់សម្ភារនេះខាងលើដើម្បីលើកទឹកចិត្តដល់ ក្រុមគ្រូពេទ្យ ក្រុមការងារ កងកម្លាំង ដែលបានលះបង់កម្លាំងកាយ កម្លាំងចិត្ត និងពេលវេលា ក្នុងការចាក់វ៉ាក់សាំង ជូនយោធិន និងគ្រួសារយោធិន ចូលរួមការពារសុវតិ្ថភាព ក្នុងសហគមន៍ និងប្រជាពលរដ្ឋកម្ពុជា។

លោក ហ៊ុន ប៉ូគា ក៏បានដឹកនាំក្រុមគ្រួសារយោធិនដែលជាសមាជិកសមាគមចលនាយុវជនកម្ពុជា (ក្រុម១៥៧) សាខាខេត្តសៀមរាប ទៅចូលរួម ចាក់វ៉ាក់សាំង ប្រឆាំងមេរោគកូវីដ-១៩ នៅមន្ទីរពេទ្យ យោធភូមិភាគ៤ផងដែរ៕SRP

ខេត្តសៀមរាប៖ស្ថាបនិកក្រុមហ៊ុនផាផាយ៉ា លោក សឿន តុលា បានសរសេរអត្ថបទមួយដែលមានចំណងជើងថា«កម្លាំងនៃការងារជាក្រុម»។

លោកសឿន តុលា បានសរសេរថា៖” នៅពេលដែលមានវិបត្តិកើតឡើង  ប្រសិនបើយើង  ធ្វើការតែឯងលំបាកខ្លាំង  ប៉ុន្តែប្រសិនបើយើងធ្វើការរួមគ្នាជាក្រុម តែងតែនាំឲ្យយើងប្រសើរឡើង”

ជាបឋម នៅក្នុងអត្ថបទនេះសូមឱ្យមិត្តអ្នកអាន ជាពិសេសសហគ្រិន  គិតនិងពិចារណា អំពីតម្លៃ នៃការធ្វើការរួមគ្នា  ជាក្រុម ឬ ជាសហគមន៍  និង រក្សាកិច្ចសហប្រតិបត្តិការ  ចេញពីបុគ្គល  ស្ថាប័នតូច រឿងស្ថាប័នធំ ដែលស្ថិតក្នុងស្ថានការណ៍លំបាកនៃនៃវិបត្តិសេដ្ឋកិច្ចឬហានិភ័យផ្សេងៗ។

នេះគឺជាឧទាហរណ៍មួយ នៃរឿងនិទាន របស់ប្រទេសលោកខាងលិច។
” រដូវធ្លាក់ព្រិលនិង សត្វកាំប្រម៉ា ”
សត្វកាំប្រម៉ា ជាធម្មតាពួកគេមានទម្លាប់រស់នៅដាច់ចេញពីគ្នាពីព្រោះដោយសារតែបន្លានៅជាប់ខ្លួនរបស់ពួកជាមូលហេតុដែលធ្វើឲ្យគ្នាទៅវិញទៅមកប៉ុន្តែ  គ្រាមួយដោយសារតែអាកាសធាតុប្រែប្រួល  មានការធ្លាក់ព្រិលទឹកកក ខុសរដូវកាល  ដែលធ្វើឱ្យសត្វកាំប្រម៉ាទាំងអស់ នៅក្នុងតំបន់  ទទួលរងការឈឺចាប់ដោយសារតែភាពត្រជាក់ខ្លាំង   មិនត្រឹមតែប៉ុណ្ណោះះពួកគេមិនបានរៀបចំទុកជាមុនចំពោះអ្វីៗ ដែលកំពុងកើតឡើងនេះឡើយ។

ដោយការស្លាប់ជាបន្តបន្ទាប់ពីព្រោះអាកាសធាតុត្រជាក់នៅតែបន្ត  សត្វកាំប្រម៉ាដែលនៅសេសសល់បានយល់ឃើញថា ” ពួកគេអាចរស់រៀនមានជីវិតប្រសិនបើពួកគេនៅផ្ដុំគ្នា ”  កុំដៅចេញពីក្នុងខ្លួនរបស់ពួកគេម្នាក់ៗ អាច ជា ឡកកំដៅ មួយសម្រាប់ កម្ដៅពួកគេម្នាក់  ប៉ុន្តែការលំបាកនោះគឺថា នៅពេលដែលពួកគេនៅកៀកជាប់គ្នា ពួកគេនឹងមុខបន្លាដែលនៅជាប់ខ្លួនរបស់ពួកគេទៅវិញទៅមក តែទោះជាយ៉ាងណាក៏ដោយក្រុមសត្វកាំប្រម៉ាដែលនៅសល់ពីការស្លាប់បានតស៊ូនៅផ្ដុំគ្នា ដោយការមុតបន្លាប្រសើរជាងស្លាប់។
អត្ថន័យរៀបរាប់ខាងលើនោះបានបញ្ជាក់ឲ្យឃើញថា ”  ក្នុងគ្រាលំបាក ឬ ក្នុងគ្រាដែលមានវិបត្តិសេដ្ឋកិច្ច ” ការធ្វើការតែឯងលំបាកហើយមិនបានវែងឆ្ងាយឡើយ  ប៉ុន្តែប្រសិនបើយើងធ្វើការរួមគ្នា  អ្វីទាំងអស់តែងតែប្រសើរឡើង ”

ភាពជាក់ស្ដែង  ចំពោះម្ចាស់អាជីវកម្មនៅក្នុងគ្រាលំបាកដោយសារតែវិបត្តិពិភពលោក នៃ Covid 19 ជាពិសេសនៅក្នុងប្រទេសរបស់យើង ដែលកំពុងរីករាលដាល
” នៅពេលដែលការផ្គត់ផ្គង់ទំនិញមិនគ្រប់តម្រូវការ និងមិនទាន់ពេលវេលា ដល់អ្នកប្រើប្រាស់..គឺជាផ្នែកមួយដែលធ្វើឱ្យទំនិញឡើងថ្លៃ..”
ចង្វាក់ផលិត..ផ្គត់ផ្គង់ និងប្រើប្រាស់ គឺជាចរន្តជាប់សរសៃគ្នា នៃសេដ្ឋកិច្ច ” ប្រសិនបើជុំណាមួយ ដំណើរការមិនល្អទេ ភាពខុសប្រក្រតី នឹងកើតឡើង ” ..ដំណឹងល្អនោះគឺថា : Covid 19 នឹងរលាយបាត់ ទៅវិញថ្ងៃណាមួយ..នឹង បន្សល់ទុកឲ្យយើង មានការប្រឹងប្រែងធ្វើអាជីវកម្មខ្លាំងជាងមុន..ជីវិតយើងនឹងត្រឡប់មកភាពធម្មតាវិញ , ភាពរីករាយ នឹងមានការស្លៀកពាក់ស្អាតបាត ចូលរួមកម្មវិធីសង្គម..និងបុព្វហេតុផ្សេងៗ..ដូចកាលគ្រាមុន..
ចំនួនអតិថិជននិងចំនួននៃប្រាក់ចំណូលបានធ្លាក់ចុះយ៉ាងគំហុក ជាសញ្ញាមួយឱ្យអ្នករៀនបត់បែន   បំផុសឲ្យមានការជួបជាមួយ អ្នកដែលជាប់ពាក់ព័ន្ធជាមួយនឹងអាជីវកម្ម   ដើម្បីស្វែងរកនូវតុល្យភាពនៃសភាពជាក់ស្ដែង  ជាពិសេសនោះ ការថ្លឹងថ្លែងដើម្បីរក្សាកម្លាំងធនធានមនុស្ស តាមរយៈនៃការជួបនិងការចរចា   សូមចងចាំថា: ” ការចរចារតែងតែនាំមកនូវគ្រាប់ ពូជ នៃការពិចារណា ដើម្បីឲ្យបានផលប្រយោជន៍ទាំងសងខាង ”

ការងារជាក្រុម ផ្ដល់ផលប្រយោជន៍ដូចខាងក្រោម:
១ : បង្កើន  ការច្នៃប្រឌិត និងបង្កើន ការរៀន អំពីការងារ.
២ : នាំឲ្យបុគ្គលម្នាក់ៗ កសាង ទេពកុសល  ជំនាញ ជាពិសេសម្ចាស់អាជីវកម្ម បង្កើនគុណភាពជំនាញចាត់ចែងធនធានមនុស្ស   សូមចងចាំថា ” ទ្រព្យពិតប្រាករបស់ម្ចាស់អាជីវកម្មគឺធនធានមនុស្ស “។
៣ : ពង្រីកទំហំនៃភាពជឿជាក់ទំនាក់ទំនង និង ការជឿជាក់ក្នុងបុគ្គលនីមួយៗជាមួយនឹងទេពកុសល និងជំនាញរបស់ខ្លួននោះ នាំឲ្យមាននៅការជឿទុកចិត្តជាសាធារណៈ  ” ទំហំនៃជំនឿជឿជាក់ចេញពីសាធារណជន អាស្រ័យទៅលើទំហំនៃជំនឿ ជឿជាក់ ខាងក្នុងអង្គភាពដែលចេញពីបុគ្គលម្នាក់ៗ “។
៤ .លុបបំបាត់នៅភាពសង្ស័យ:
នៅក្នុងការធ្វើអាជីវកម្ម ភាពសង្ស័យទៅលើបុគ្គល រឿងសង្ស័យស្ថានការណ៍អាក្រក់កើតឡើងនៅពេលខាងមុខគឺមិនបានធ្វើឱ្យអាជីវកម្មរីកចម្រើនបានឡើយដូច្នេះហើយការធ្វើការជាក្រុម មានការបង្ហាញទឹកតាងអំពីស្នាដៃ ការងារបុគ្គលម្នាក់ត្រូវបំពេញប្រចាំថ្ងៃ  ។
៥: មានដំណោះស្រាយចំពោះជម្លោះនៅក្នុងកាលដែលធ្វើការជាក្រុមបានជួយឲ្យបុគ្គលម្នាក់ៗមានដំណោះស្រាយជាមួយនឹងជម្លោះផ្សេងពីព្រោះការងារជាក្រុមជាទីកន្លែងដែលបុគ្គលម្នាក់យកបញ្ហាមកដាក់លើតុរួមគ្នាដើម្បីរៀនដើម្បីចែករំលែកការងារដែលពួកគេម្នាក់បានជួប។

ការបើកចំហរមិនបិទបាំងចំពោះគ្នាទៅវិញទៅមក គឺជាកូនសោដ៏ធំដើម្បីដោះស្រាយជម្លោះដើម្បីដោះស្រាយជម្លោះ។
ស្ថាបនិកក្រុមហ៊ុន  ផា ផា យ៉ា
PAPAYA NEXT STEP CO,.LTD
* PAPAYA REAL ESTATE
( គម្រោងអភិវឌ្ឍន៍អចលនទ្រព្យ)
* PAPAYA HOMESTAY
( គម្រោងលើវិស័យទេសចរណ៍)
* PAPAYA GARDEN( គម្រោងលើវិស័យកសិកម្មនិងចែកចាយអាហារ)

ខេត្តសៀមរាប៖ក្រុមអ្នកសារព័ត៌មានក្នុងខេត្ត សៀមរាប ប្រមាណ៣០ទៅ៤០នាក់ នៅរសៀលថ្ងៃទី ២៤ខែមេសា ម្សិលមិញ បានទទូចសុំទៅស្ថាប័នតុលាការ មេត្តាដោះលែងចាងហ្វាងសារព័ត៌មានម្នាក់អោយនៅក្រៅឃុំ។
ការទទូចសុំអោយចាងហ្វាងរូបនេះ នៅក្រៅឃុំពីសំណាក់ ក្រុមអ្នក សារព័ត៌មាន ក្នុងខេត្តសៀមរាបគឺ ក្រោយពេលសមត្ថកិច្ចអញ្ជើញចាងហ្វាងរូបនេះ ទៅសាកសួរករណីបង្ហោះព័ត៌មានតាមហ្វេសប៊ុកផ្ទាល់ខ្លួនថា ឧកញ៉ាលី យ៉ុងផាត់ ទទួលមរណភាព។
ឈ្មោះលឹម ហួរ ភេទប្រុស ជាចាងហ្វាងការផ្សាយកាសែតខ្មែរ៧មករា។ រូបគាត់ត្រូវបាននគរបាលការិយាល័យប្រឆាំងបទល្មើសបច្ចេកវិទ្យាខេត្តសៀមរាប ហៅសាកសួរនៅល្ងាចថ្ងៃទី២៣ខែមេសាឆ្នាំ២០២១ ហើយបានបញ្ជូនទៅតុលាការនៅថ្ងៃម្សិលមិញ។

លោកយិន ស្រាង អ្នកនាំពាក្យសាលាដំបូងខេត្តសៀមរាប នៅរសៀលថ្ងៃម្សិលមិញបានថ្លែងតាមទូរស័ព្ទប្រាប់អ្នកសារព័ត៌មានថា៖ លោកលឹម ហួរ បានត្រូវលោកចៅក្រមសម្រេចឃុំខ្លួនដាក់ពន្ធនាគារបណ្តោះអាសន្នហើយ ដោយចោទប្រកាន់ពីបទ ក្លែងព័ត៌មាន។
ក្នុងករណីនេះ លោកលីវ សុខុន ប្រធានមន្ទីរព័ត៌មានខេត្តសៀមរាប បានបញ្ជាក់ថា ករណីនេះលោកបានកំពុងប្រមូលព័ត៌មាន ដើម្បីជម្រាបជូនរដ្ឋមន្ត្រីក្រសួងព័ត៌មាន។ លោកបន្តថា អ្នកសារព័ត៌មានត្រូវធ្វើអ្វីឬផ្សាយព័ត៌មានទៅតាមច្បាប់ឬអាជ្ញាប័ណ្ណ ដែលក្រសួងផ្តល់អោយ។តែបើបុគ្គលធ្វើអ្វីដោយឯកជនខ្លួនឯង ដូចជាផ្សាយក្នុងហ្វេសប៊ុកឯកជន នោះវាមិនស្ថិតក្រោមការគ្រប់គ្រងរបស់ក្រសួងឡើយ។ តែរឿងនេះខាងមន្ទីរនឹងបន្តតាមដានទៅទៀត។

ក្រោយចៅក្រមសម្រេចឃុំខ្លួន លោកលឹម ហួរ ចាង ហ្វាងកាសែតខ្មែរ៧មករា ក្រុមអ្នកសារព័ត៌មានក្នុងខេត្តសៀមរាប បាននាំគ្នាទទូចសុំស្ថាប័នតុលាការ មេត្តាដោះលែង លោកលឹម ហួរ អោយនៅក្រៅឃុំ ត្បិតរូបគាត់បានដឹងកំហុស និងបានធ្វើការឡាយសុំទោសជាសាធារណ:វិញផងដែរហើយ។ ក្រុមអ្នកកាសែតក្នុងខេត្តសៀមរាប សង្ឃឹមថា តុលាការនឹងពិចារណា ហើយដោះលែងលោកលឹម ហួរ អោយបាននៅក្រៅឃុំ។

សូមជម្រាបថាឧកញ៉ា លី យ៉ុងផាត់ មិនបានទទួលមរណភាព នោះទេ។ នេះបើយោងតាមការបញ្ជាក់របស់ លោកដួង តារា រដ្ឋលេខាធិការទីស្តីការគណៈរដ្ឋមន្ត្រី និងជាជំនួយការផ្ទាល់ សម្ដេចហ៊ុន សែន នាយករដ្ឋមន្ត្រី ដែលបានបង្ហោះសារនៅលើទំព័រផេកហ្វេសប៊ុកផ្លូវការរបស់លោក។

នៅក្នុងសារដដែល របស់លោកដួង តារា បានសរសេរថា៖ ថ្មីៗនេះមានក្រុមជនខិលខូចបានខិតខំផ្សព្វផ្សាយព័ត៌មានថា លោកឧកញ៉ា លី យ៉ុងផាត់ បានទទួលមរណភាពហើយ ដោយមានដាក់រូបថតលោកឧកញ៉ាហើយចែកចាយក្នុងបណ្តាញសង្គមហ្វេសប៊ុគព្រោងព្រាត។
ខ្ញុំទើបបាននិយាយដោយផ្ទាល់ជាមួយលោកឧកញ៉ាមុននេះបន្តិច គឺគាត់មានសុខភាពល្អធម្មតាទេ មិនដូចក្រុមជនខិលខូចទាំងនោះប្រឌិតភូតទេ។ ក្រុមជនខិលខូចទាំងនេះ ការងាររបស់ពួកគេគឺផ្សព្វផ្សាយព័ត៌មានភូតកុហក់ មិនពិត ក្នុងគោលបំណងបំពុលនិងបំផ្លាញស្ថេរភាពសង្គម។
ដើម្បីឈានទៅបិទ ACCOUNT Facebook ពួកនេះ សូមនាំគ្នា Report Accounts មិនល្អទាំងនោះទៅ Facebook ថាពួកនេះផ្សព្វផ្សាយព័ត៌មានមិនពិត (Fake News) ។ សូម Copy link និង Screen shot Page/Profile និងអត្ថបទដែលពួកនេះសរសេរព្រមទាំងរូបភាព ផ្ញើទៅកាន់ (submit) ទៅ Facebook ដើម្បីអោយគេបិទចោលតែម្តងទៅជាការស្រេច។ សូមអរគុណ។យើងចូលរួមកសាងអំពើល្អ ចែករំលែកក្តីស្រឡាញ់និងស្នាមញញឹម នឹងសូមមានចិត្តអាណិតស្រឡាញ់ពលរដ្ឋយើងគ្រប់ទីកន្លែងដោយគ្មានការរើសអើង៕SRP

ខេត្តសៀមរាប៖នគរបាលការិយាល័យព្រហ្មទណ្ឌកម្រិតធ្ងន់នៃស្នងការនគរបាលខេត្តសៀមរាបសុំធ្វើការបដិសេធ ចោលទាំងស្រុងចំពោះការបង្ហោះព័ត៌មាន តាមរយៈ page (KSP TV Live) ដែលបានផ្សាយថា នគរបាលព្រហ្មទណ្ឌកម្រិតធ្ងន់ខេត្តសៀមរាបឃាត់ខ្លួនបុរសម្នាក់គ្មានដីកា ពីស្ថាប័នតុលាការ។

លោក ភឹង ចិន្តារ៉េត ស្នងការរងខេត្តសៀមរាបទទួលផែនកណ្ដាលព្រហ្មទណ្ឌ បានបញ្ជាក់ថា៖ សំណុំរឿងនេះ គឺជាសំណុំរឿងដែលអយ្យការអមសាលាដំបូងខេត្តសៀមរាប ជាអ្នកដំណើរការនីតិវិធី(សំណុំរឿងនៅតុលាការអនុវត្ត)។ ឯនគរបាលយុត្តិធម៌យើងគ្រាន់តែជាអ្នកអនុវត្តដីកាតាមអំណាចតុលាការប៉ុណ្ណោះ តាមរយៈដីកា។សុំលោកសាពត៌មានជ្រាប!

ខេត្តសៀមរាប៖នៅទីបំផុតតុលាការខេត្តសៀមរាប សម្រេចចេញដីកាឃុំខ្លួន បុរស ឈ្មោះ លោ ឡោះ ពីបទ ក្លែងបន្លំប្រើប្រាស់ឯកសារសាធារណៈក្លែង និងបទរំលោភកម្មសិទ្ធិ។ នេះបើយោងតាមដីកាបង្គាប់ឲ្យឃុំខ្លួន របស់ចៅក្រមស៊ើបសួរ ស៊ិន សង្ហា នៅថ្ងៃទី ២៣ ខែមេសាឆ្នាំ ២០២១ នេះ។

បុរសដែលត្រូវតុលាការឃុំខ្លួនឈ្មោះ លោ ឡោះ ភេទប្រុស អាយុ២៧ឆ្នាំ សញ្ជាតិខ្មែរ ទីកន្លែងកំណើតភូមិរំចេក ឃុំរំចេក ស្រុកបន្ទាយស្រី ខេត្តសៀមរាប ទីលំនៅបច្ចុប្បន្នភូមិរំចេក ឃុំរំចេក ស្រុកបន្ទាយស្រី។

សូមបញ្ជាក់ថាបុរសរូបនេះត្រូវបានកម្លាំងនគរបាលព្រហ្មទណ្ឌនៃស្នងការនគរបាលខេត្តសៀមរាប ឃាត់ខ្លួននៅថ្ងៃទី ២៣ ខែមេសា ព្រឹកមិញនេះ៕SRP

ខេត្តសៀមរាប៖បុរសម្នាក់ត្រូវបានប៉ូលិសព្រហ្មទណ្ឌខេត្តសៀមរាប ឃាត់ខ្លួនតាមដីការបស់ព្រះរាជ្ញារងអមសាលាដំបូងខេត្តសៀមរាប លោក សំរិទ្ធ សុខុន។ ការឃាត់ខ្លួនធ្វើឡើងនៅថ្ងៃទី២៣ខែមេសាឆ្នាំ ២០២១នេះ។

ក្នុងដីកាបញ្ជាឱ្យចូលខ្លួន របស់លោលសំរិទ្ធ សុខុន តំណាងអយ្យការអមសាលាដំបូងខេត្តសៀមរាប បានបញ្ជាក់ថា៖កាលពីអំឡុងខែមករា ឆ្នាំ២០២១ នៅភូមិរំចេក ឃុំរំចេក ស្រុកបន្ទាយស្រី ឈ្មោះ លោ – ឡោះ បានទាក់ទំនងឈ្មោះ គើយ រដ្ឋា មុខរបរជាស្មៀនឃុំខ្នារសណ្តាយ អោយរៀបចំធ្វើឯកសារដូចជាកិច្ចសន្យា លិខិតផ្ទេរសិទ្ធិដីធ្លី និងពាក្យស្នើសុំកាន់កាប់ដីធ្លីអោយខ្លួនដោយបន្លំដាក់ប្រភពជាកេរ្តិ៍ឪពុកចែកឲ្យហើយបន្លំដាក់ កាលបរិច្ឆេទថយទៅថ្ងៃទី១៨ ខែវិច្ឆិកា ឆ្នាំ២០១៦ ដែលតាមការពិតដីនោះឈ្មោះ ណើម ផ្លិត ត្រូវជាឪពុករបស់ ឈ្មោះ លោ ឡោះ បានលក់អោយឈ្មោះ លី អ៊ុំអេង រួចហើយកាលពីពីថ្ងៃ២៦ ខែធ្នូ ឆ្នាំ២០០៣។ ក្នុងការធ្វើឯកសារនេះឈ្មោះ លោ ឡោះ បានអោយលុយទៅឈ្មោះ គើយ រដ្ឋា ចំនួន៣០០ដុល្លារអាមេរិក ឈ្មោះ ឆន គី មេឃុំខ្នារ សណ្តាយ ចំនួន៣០០ដុល្លារអាមេរិក និងឈ្មោះ ង៉ៅ ងឿម មេភូមិប្រិយ៍ ចំនួន២០០ដុល្លារអាមេរិក។ ក្រោយមក ដោយឈ្មោះ លី អ៊ុំអេង ជាម្ចាស់ដីប្ដឹងដាក់ពាក្យបណ្ដឹងនៅស្នងការរដ្ឋាននគរបាលខេត្តសៀមរាបរឿងមួយផ្សេងហើយពាក់ព័ន្ធនឹងឯកសារនេះដែរ ឈ្មោះ គើយ រដ្ឋា ជាស្មៀនខ្នារសណ្ដាយ មេភូមិ និងមេឃុំ ក៏រៀបចំអោយមានការមោឃភាពឯកសារក្លែងនោះហើយឈ្មោះ គើយ រដ្ឋា ជាស្មៀនឃុំបានព្យាយាមទារឯកសារក្លែងពីឈ្មោះ លោ ឡោះ មកវិញតែគាត់មិនអោយ។ ហើយកន្លងមកក្នុងអំឡុងឆ្នាំ២០២១ ឈ្មោះ លោ ឡោះ បានចូលទៅកាន់ កាប់នៅក្នុង ដីដែលធ្វើឯកសារក្លែងនោះ ហើយទាមទារអោយឈ្មោះ លី អ៊ុំអេង ជាម្ចាស់ដីប្រគល់លុយអោយគាត់ចំនួន ១០០០០ដុល្លារអាមេរិក ទើបគាត់ប្រគល់ដី បើពុំនោះទេគាត់នឹងលក់ដីនោះអោយអ្នកផ្សេង ឃើញដូចនោះឈ្មោះ លី អ៊ុំអេង ជាម្ចាស់ដីបានអោយឈ្មោះ ទុយ ទាំ យកលុយទៅកក់ឈ្មោះ លោ ឡោះ ចំនួន១០០០០ដុល្លារអាមេរិក ដើម្បីទប់ស្កាត់ហើយក៏ដាក់ពាក្យបណ្តឹងជាបន្តបន្ទាប់តាមនីតិវិធី។

យល់ឃើញថា ៖ ក្រោយពីទទួលបានពាក្យបណ្ដឹងរបស់ជនរងគ្រោះ និងមានការបើកការស៊ើបអង្កេតបឋមរបស់អយ្យការអមសាលាដំបូងខេត្តសៀមរាប កម្លាំងសមត្ថកិច្ចនៃការិយាល័យនគរបាលព្រហ្មទណ្ឌកំរិតធ្ងន់ នៃ
ស្នងការដ្ឋាននគរបាលខេត្តសៀមរាប បានធ្វើការស្រាវជ្រាវរកសាវតាជាតិរបស់ឈ្មោះ លោ ឡោះ។
-យល់ឃើញថា៖ ដើម្បីឱ្យជនសង្ស័យឈ្មោះ លោ ឡោះ ចូលបង្ហាញខ្លួននៅអយ្យការអមសាលាដំបូងខេត្ត សៀមរាប គប្បីចេញដីកាបញ្ជាឱ្យចូលខ្លួនលើឈ្មោះខាងលើ។

បញ្ជ

១.គោត្តនាម-នាម លោ ឡោះ ភេទប្រុស អាយុ២៧ឆ្នាំ សញ្ជាតិខ្មែរ ទីកន្លែងកំណើតភូមិរំចេក ឃុំរំចេក ស្រុកបន្ទាយស្រី ខេត្តសៀមរាប ទីលំនៅបច្ចុប្បន្នភូមិរំចេក ឃុំរំចេក ស្រុកបន្ទាយស្រី ខេត្តសៀមរាប ឱ្យចូលខ្លួននៅ អយ្យការអមសាលាដំបូងខេត្តសៀមរាប បន្ទប់លេខ “ក៧”។ ២.មន្ត្រីនគរបាលយុត្តិធម៌ អនុវត្តដីកានេះឱ្យបានសម្រេចក្នុងរយៈពេល១(មួយ)ខែ គិតចាប់ពីថ្ងៃចុះហត្ថ លេខានេះតទៅ។

ជុំវិញហេតុការណ៍នេះ ជនរងគ្រោះ លី អ៊ុំអេង ជាដើមបណ្ដឹង បានសំណូមពរដល់ចៅក្រម កាន់ក្នុងសំណុំរឿងនេះ មេត្តាជួយឃុំខ្លួន ឈ្មោះ លោ ឡោះ ដើម្បីលោកស្រីទទួលបានយុត្តិធម៌៕SRP

ខេត្តសៀមរាប៖លោកសឿន តុលា ស្ថាបនិកក្រុមហ៊ុន ផា ផា យ៉ា បានសរសេរអត្ថបទមួយដែលមានចំណងជើងថា៖«ជំហានដំបូង»។

លោកសឿន តុលា បានសរសេរថា៖  “ចំណេះវិជ្ជាគឺជាទ្រព្យដែលគ្មាននរណាម្នាក់វាស់បានឡើយ ប្រសិនបើអ្នកវិនិយោគ ត្រូវចាប់ផ្ដើមពីតូចទៅ ប៉ុន្តែ ឲ្យបានគ្រប់គ្រាន់ ”

រាល់ការធ្វើអាជីវកម្មទាំងអស់ ដែលទទួលបានភាព ជោគជ័យ មិនអាចកើតឡើង ដោយធម្មជាតិ ដោយភាពងាយស្រួល ឬដោយភាពចៃដន្យនោះទេ។គ្រប់យ៉ាងកើតឡើង ចេញពីភាពក្លាហាន ចេញពីការសម្រេចចិត្ត ការពិចារណា ព្រមទាំងកម្លាំងចិត្ត ដើម្បីដាក់ការប្រឹងប្រែងនិងការរៀនពីកំហុសជាប្រចាំ ” កុំហុសមិនអាចកើតឡើងចំពោះអ្នកដែលអង្គុយនៅស្ងៀមនោះទេ”។ ពីព្រោះគ្រប់ ការងារ ដែលសហគ្រិនជោគជ័យបានធ្វើគឺស្ថិតនៅក្នុងគោលដៅយ៉ាងច្បាស់ ដោយឈរលើខ្សែបន្ទាត់នៃគុណភាពទំនាក់ទំនង និងគុណតម្លៃនៃធ្វើការរួមគ្នា សូមចងចាំថា” កម្រិតគុណភាពរបស់សហគ្រិន អាស្រ័យទៅលើកម្រិតគុណភាពទំនាក់ទំនង និងគុណភាព នៃការថែទាំមនុស្សដែលធ្វើការជុំវិញខ្លួន ” ។

សហគ្រិនដែលបានទទួលជោគជ័យជានិរន្តរ៍ ពួកគាត់បានកំណត់ចក្ខុវិស័យយ៉ាងច្បាស់លាស់ដើម្បីឲ្យក្លាយជាអ្វីមួយនៅពេលខាងមុខ ហើយពួកគេជឿលើចក្ខុវិស័យរបស់ខ្លួន ” ប្រសិនបើអ្នកជឿលើខ្លួនឯង ជោគជ័យនិងចូលរួមជឿលើអ្នក” ។

ខាងក្រោមនេះ ជាគោលដៅចំបងចម្បង ៥ ចំណុច សម្រាប់សហគ្រិនដើម្បីពង្រីកសមត្ថភាពរលើកធុរកិច្ចរបស់ខ្លួន។

១. ហ៊ានសុបិន្តធំ
ខ្ញុំអាចធ្វើបាន …គឺជាកុងត្រា និងការដាក់វិន័យ ចំពោះខ្លួនឯង ដើម្បីឲ្យបានសម្រេចអ្វីមួយ ។

” ប្រសិនបើអ្នកគិតថា អាចធ្វើបាន អ្នកនឹងមើលឃើញនូវវិធីជាច្រើនដើម្បីឲ្យសម្រេចបានចំពោះការគិតនោះ ”

ការប្រកាន់នៅជំហរថា : គ្មានអ្វីដែលមិនអាចទៅរួចនោះទេ ” ភាគនេះល្អ សម្រាប់អ្នកក្លាហាន អ្នកតាំងចិត្តអភិវឌ្ឍន៍ខ្លួន និងអ្នកបន្តរៀនជាប្រចាំ ”

ប្រសិន បើអ្នកចាប់ផ្ដើមគិត អំពី ពាក្យពេចន៍ទាំងអស់នោះ នឹងធ្វើ អ្នកនឹងទទួល គុណតម្លៃលើសពីអ្វីដែលអ្នកបានគិត ក្នុងកម្រិតដែលអ្នកមានអំឡុងពេលពេលបច្ចុប្បន្ន ប៉ុន្តែអ្នកត្រូវ ចាប់ផ្ដើមធ្វើពីឥឡូវនេះទៅ ” ប្រសិនបើអ្នកនៅតែបន្តការប្រៀបធៀបការវាយតម្លៃមកលើខ្លួនឯងអ្នកមិនអាចមានចិត្តក្លាហានគិតធំបានឡើយ ។

” ប្រសិនបើអ្នកគិតតូច អ្នកនឹងបានផលតូច ប៉ុន្តែ ប្រសិនបើអ្នកគិតធំ អ្នកនឹងរកវិធី និង ដំណោះស្រាយ ដើម្បីឲ្យបានទទួលផលធំ អ្អ្វីៗ ដែលអ្នកបានទទួល អាស្រ័យលើការគិតរបស់អ្នកប៉ុណ្ណោះ”

២. ប្រកាន់យកការគិតវិជ្ជមាន:

សហគ្រិនជោគជ័យ មានមូលហេតុដែល ពួកគេជោគជ័យ ពីព្រោះ ពួកគេផ្លាស់ប្ដូរផ្នត់គំនិត អវិជ្ជមាន ទាំងឡាយ នៅក្នុងផ្នត់គំនិតចាស់ៗរបស់ពួកគេ ដោយបញ្ចូលឬជំនួសមកវិញនៅ នូវផ្នត់គំនិតវិជ្ជមាន ។

“ប្រសិនបើអ្នកមានការគិតអវិជ្ជមាន អ្នកនឹងមើលឃើញពីពន្លឺនៃភាពជោគជ័យរចេញពីក្នុងខ្លួនរបស់អ្នក ” ដូច្នេះហើយ សូមអ្នក ព្យាយាមកែប្រែគំនិតអវិជ្ជមានចោល ហើយទទួលយកឥរិយាបថល្អៗសម្រាប់ខ្លួនឯងវិញ ” ការ គិតអវិជ្ជមាន គឺជាឧបសគ្គរាំងផ្លូវរបស់អ្នកមិនឲ្យធ្វើដំណើរទៅ ដល់កន្លែងដែលអ្នកចង់ទៅ រីឯ ការគិតវិជ្ជមាន នឹងពាំនាំរូបអ្នក ទៅដល់ទីកន្លែងតើអ្នកចង់ទៅ ”

សូមចងចាំថា: វិជ្ជមានក្នុងចិត្ត កើតឡើង ដោយការគិត និងសន្សំជារៀងរាល់ថ្ងៃ មិនឱ្យកើតឡើង ចំពោះ អ្នកដែលមិនបាន សន្សំអនុវត្តជារៀងរាល់ថ្ងៃបានទេ។

៣. គិតអំពី ឈ្នះឈ្នះរួមគ្នា
” ប្រសិនបើខ្ញុំបាន អ្នកបាន យើងបាន ហេតុអ្វីយើងត្រូវខ្លាច ឬរារែកក្នុងចិត្ត? ”

សហគ្រិនដែលទទួលបានផលធំៗពីព្រោះពួកគេបានគិតធំ ពួកគេតែងតែប្រកាន់យកនូវកិច្ចសហប្រតិបត្តិការ ដែលជាស្នូលធំមួយក្នុងទិសដៅរួម ” ឈ្នះឈ្នះទាំងអស់គ្នា ” ប្រសិនបើខ្ញុំបានចំណេញ អ្នកក៏បានចំណេញ គឺគ្មានអ្នកណាខាតឡើយ ។

ក្រុមហ៊ុនមួយជោគជ័យទៅបាន មិនមែនអាស្រ័យទៅលើតែ អតិថិជន ក្នុងរយៈពេលខ្លីនោះទេ វាស្ថិតនៅលើកម្រិត សមត្ថភាពនៃមេដឹកនាំ ដែលចេះថែទាំមនុស្សជុំវិញខ្លួន ដើម្បីឱ្យពួកគេ បង្កើនគុណភាពការងារ ជូនដល់អតិថិជន។

តែអ្វីដែលសំខាន់នោះគឺ ការសហការជាមួយនឹងដៃគូផ្សេងៗ ដើម្បីរីកចម្រើនរយៈពេលយូរ ព្រមទាំងភាពរីករាយរបស់បុគ្គលិកគ្រប់ផ្នែកនៅក្នុងស្ថាប័នផងដែរ ដូច្នេះហើយ ការប្រកាន់យកភាពត្រឹមត្រូវ និង ការប្រកាន់យកភាពយុត្តិធម៌ គឺជាអ្វីដែលពួកគេត្រូវធ្វើ ក្នុងបុព្វហេតុនៃសហប្រតិបត្តិការ។

៤. ក្លាហានសារភាពចំពោះកំហុស

” កំហុសពិតប្រាកដរបស់សហគ្រិន គឺពួកគេមិនព្រមកែកំហុសដដែលៗ “កំហុសវាមិនមែនជារឿងធំដែលធ្វើឱ្យអ្នកបាក់មុខមាត់ដូចអ្នកបានគិតនោះឡើយ តាម ការពិតកំហុសគឺជាគ្រាប់ពូជ នៃភាពវាងវៃ នៃភាពត្រឹមត្រូវ សម្រាប់ជំហានបន្ទាប់ ប្រសិនបើអ្នកទទួលស្គាល់នូវកំហុសនោះ ។ នៅក្នុងលោកយើងនេះគ្មានអ្វីដែលល្អឥតខ្ចោះនោះឡើយសូម្បីតែផ្ទាំងគំនូរដ៏ល្អមួយត្រូវបានឆ្លងកាត់ការប្រើខ្មៅដៃ ដែលត្រូវលុបជាច្រើនដង ” ខ្មៅដៃដែលល្អ គឺខ្មៅដៃដែលមានជ័រលុប “។

៥. ផ្នត់គំនិតនិងការតាំងចិត្តត្រូវតែរឹងមាំ

” គ្មានផលធំទាំងឡាយណា កើតឡើងចំពោះអ្នកគិត ស្រាលៗ ឬលំៗ ដោយគ្មានការតាំងចិត្ត មុតមាំបានឡើយ ”

នៅពេលដែលអ្នកដឹងច្បាស់ថា អ្នកចង់បានអ្វីឲ្យប្រាកដនោះ គ្មានអ្វីដែលជាឧបសគ្គសំរាប់អ្នកទៀតឡើយ ពីព្រោះ ភាព ពិតប្រាកដ បានធ្វើឲ្យអ្នកក្លាហានជាងមុន បានធ្វើឲ្យអ្នកលះបង់ទម្លាប់ដែរអត់ប្រយោជន៍ ដើម្បីធ្វើកិច្ចការចាំបាច់ ៗ ហើយនៅពេលនោះ នឹងជួបមនុស្សជាច្រើន ដែល មានជំនាញនិងមានគំនិតជួយដល់អ្នក លើកស្ទួយអ្នកឲ្យទទួលបានជោគជ័យ។

ប៉ុន្តែរឿងទាំងអស់នោះ ” ពួកគេត្រូវការ ដំបូង គឺអ្នកត្រូវមានការតាំងចិត្តមុតមាំ”  នៅពេលដែលយើងតាំងចិត្តមុតមាំ ជោគជ័យ មុតមាំ នឹងស្ថិតនៅជាមួយយើង ។

និពន្ធដោយ លោក : សឿន តុលា

ស្ថាបនិកក្រុមហ៊ុន ផា ផា យ៉ា

PAPAYA NEXT STEP CO,.LTD

* PAPAYA REAL ESTATE

( គម្រោងអភិវឌ្ឍន៍អចលនទ្រព្យ)

* PAPAYA HOMESTAY

( គម្រោងលើវិស័យទេសចរណ៍)

* PAPAYA GARDEN

( គម្រោងលើវិស័យកសិកម្មនិងចែកចាយអាហារ)

ខេត្តសៀមរាប៖លោកសឿន តុលា ស្ថាបនិកក្រុមហ៊ុនផា ផា យ៉ា បាននិពន្ធអត្ថបទមួយមានចំណងជើងថា«ភាពរីករាយគឺជាជម្រើស»។

លោកសឿន តុលា បានសរសេរថា៖ ” ប្រសិនបើយើងគិតថា ទាល់តែមានឡានល្អ ផ្ទះធំ និងលុយច្រើនក្នុងកុងធនាគារ នោះយើងនឹងមានភាពរីករាយ ហើយមានសុភមង្គល យើងកំពុងតែ ធ្វើអោយបាត់ ភាពរីករាយ និងសុភមង្គល ក្នុងពេលបច្ចុប្បន្ននេះហើយ”។  រឿងសំខាន់បំផុតនៅក្នុងជីវិត មិនមែនវត្ថុទេ ហើយ វត្ថុ ដែលយើងទាមទារចង់បាន មិនអាចបង្កើត សុភមង្គល យូរអង្វែងបានឡើយ ” ប្រសិនបើ អ្នកស្រលាញ់ការងារដែលអ្នកកំពុងធ្វើ និង អ្វីដែលអ្នកកំពុងមាន អ្នកនឹងមានសុភមង្គល សូមចងចាំថា : សុភមង្គល នាំឲ្យអ្នក មានទ្រព្យ នឹងមានលុយ ច្រើនឡើងថែមទៀត ប៉ុន្តែ ការចង់បានតែលុយ និងទ្រព្យសម្បត្តិ អ្នកមិនអាច មានសុភមង្គលបានទេ។
ក្នុងអត្ថបទនេះ មានដប់ចំណុចត្រូវចាប់យកគិតនឹងអនុវត្តដើម្បីឲ្យមានភាពរីករាយ និងសុភមង្គល ៖

១- បើកចិត្តទូលាយ :
ការប្រកាន់ និយមតែគំនិតរបស់ខ្លួន យល់ថាខ្លួនជាអ្នកត្រឹមត្រូវ អ្នកនិងបាត់បង់ឱកាស រៀនពីអ្នកដែលមានគំនិតផ្សេងៗពីយើង ព្រមទាំង បាត់បង់ភាពទំនាក់ទំនង ស្វែងយល់ពីគ្នាទៅវិញទៅមក ដើម្បីស្វែងយល់ នៅបុព្វហេតុរួម ។

២- ប្រកាន់ជំហរម្ចាស់ការខ្លួនឯង:
សុភមង្គល ភាពរីករាយ មិនអាចកើតឡើងតែឯងបានទេ ប៉ុន្តែ យើងក៏មិនពឹងផ្អែក អ្នកដទៃ ផ្ដល់សុភមង្គលឲ្យយើងដែរ នៅក្នុងលោកយើងនេះ គ្មានអ្នកណាមួយ មិនជួបការលំបាក មិនជួបបញ្ហានោះទេ ដូច្នេះ ការមើលឃើញអ្នកដទៃ ប្រសើរជាងខ្លួន សប្បាយចិត្តជាងខ្លួន នោះពិតជាមិនត្រឹមត្រូវ សម្រាប់ខ្លួនយើងទេ ” សុភមង្គល គឺជាជម្រើសចេញពីក្នុងចិត្ត ដែលយើងចាប់ផ្ដើមគិត នឹងធ្វើ តែម្ដង ” អ្នកអាចអោយ សុភមង្គល ការលើកទឹកចិត្ត ដល់អ្នកដទៃ នៅពេលដែលអ្នក រៀនចាប់យក សុភមង្គល និង ចេះ ចាប់យក ការលើកទឹកចិត្តខ្លួនឯង ពីព្រោះ អ្នកអាចផ្ដល់ឱ្យអ្នកដទៃ នូវអ្វីដែលអ្នកមានប៉ុណ្ណោះ”។

៣- កុំប្រកាន់ខ្លួន:
នៅក្នុងលោកយើងនេះ មនុស្សជាច្រើន បានយល់ច្រឡំ ថាខ្លួនជាអ្នកចេះ ជាអ្នកមានលុយ ជាអ្នកមានឋានៈ ” ប៉ុន្តែ ភាពរីករាយ និងសុភមង្គល មិនយល់អំពីបញ្ហានោះទេ ពួកគេ ត្រូវការសប្បាយជុំគ្នា ត្រូវធ្វើកិច្ចការសាមញ្ញរួមគ្នា ត្រូវការចែករំលែកគ្នា តែប៉ុណ្ណោះ។

៤- រៀនបត់បែន :
ប្រសិនបើអ្នក ចេះរាំតែមួយបទ អ្នកមិនមានអារម្មណ៍ ល្អ នឹងសប្បាយចិត្តទេ ពីព្រោះ មានបទភ្លេងច្រើនណាស់ តើអ្នកត្រូវរាំបន្តទៀត..យើងអាចគ្រប់គ្រងខ្លួនយើងបាន យើងអាចមានវិន័យចំពោះខ្លួនយើងបាន យើងអាចទិញវត្ថុ ដែលយើងត្រូវការបាន ប៉ុន្តែក្នុងលោកយើងនេះ យើងមិនអាចគ្រប់គ្រង ឲ្យមានភាពសប្បាយ ពេញក្នុងដៃ របស់យើងបានដោយ ” សេដ្ឋកិច្ច មានឡើង មានចុះ ” ទំនាក់ទំនងក្នុងគ្រួសារឬមិត្តភក្កិក្នុងសង្គម មានល្អនឹងអត់ល្អ ទាំងអស់នោះ ទាមទារឲ្យយើង អត់ធ្មត់ និងបត់បែន ហើយចាប់យក ចំណុចល្អៗ ដើម្បីសន្សំក្នុងចិត្ត ហើយមានភាពរីករាយ ទោះស្ថិតក្នុង កាលៈទេសៈណាក៏ដោយ។ យ៉ាងហោចណាស់ អ្នកត្រូវសម្ដែងនូវអំណរគុណ ជាប្រចាំថ្ងៃ ដែលយើងបានដើរ ដែលយើងមានខួរក្បាលគិត ដែលយើងបានរស់រានមានជីវិត ដែលយើងមានលទ្ធភាព ប្រស្រ័យទាក់ទងគ្នាបាន មកដល់ថ្ងៃនេះ។

៥- រស់ក្នុងបច្ចុប្បន្នភាព:
ភាពស្ដាយស្រណោះ អ្វីដែលបានបាត់ ភាពឈឺចាប់ក្នុងអតីតកាល នឹងធ្វើឲ្យអ្នកបាត់បង់កម្លាំងចិត្ត និងសុភមង្គលក្នុងពេលបច្ចុប្បន្ន រីឯ ការគិត ត្រេកត្រអាលចំពោះអនាគត នឹងធ្វើឲ្យអ្នក បាត់បង់ភាពម៉ត់ចត់ និងភាពរីករាយ ក្នុងពេលបច្ចុប្បន្ន ។  អ្វីដែលយើងត្រូវធ្វើ គឺសប្បាយ រីករាយ ម៉ត់ចត់ ឲ្យអស់លទ្ធភាព ក្នុងពេលបច្ចុប្បន្ន ” ប្រសិនបើ យើង ធ្វើបានល្អ ក្នុងពេលបច្ចុប្បន្ន អនាគតយើង នឹងចាប់ផ្ដើម ពីថ្ងៃនេះទៅ”។

៦- គិតតែរឿងល្អ មើលតែចំណុចល្អ :
សូមចងចាំថា: លទ្ធផលដែលអ្នកបានទទួលមកដល់ថ្ងៃនេះ កើតចេញពីអ្វីអ្នកបានគិតក្នុងអតីតកាល ។
ប្រសិនបើអ្នកចាប់ផ្ដើមគិតល្អ ធ្វើតែរឿងល្អៗ អ្នកនឹងមានសុភមង្គល ដែលសុភមង្គលនោះ និងអ្នក ឲ្យមានទ្រព្យ មិនប្រាក់ កើនឡើង។

៧- រក្សាការលើកទឹកចិត្តខ្លួនឯង :
ពិភពលោក ឬពិភពខាងក្រៅ ពិតជាស្មុគស្មាញ អាចឱ្យយើង មានអារម្មណ៍ បាក់ទឹកចិត្ត និងអព្វមង្គល ប្រសិនបើយើង ទទួលយកលើសលប់ពេក ” មានផ្លូវតែមួយគត់ ដែលអ្នកត្រូវដើរ គឺកើតលើកទឹកចិត្តខ្លួនឯង ជាប្រចាំ ឲ្យបានច្រើនដង ជារៀងរាល់ថ្ងៃ ហើយក្លាយជា ” អ្នកជំនាញ ការលើកទឹកចិត្ត ឲ្យខ្លួនឯង”

៨- ទទួលយកការលំបាក:
ជម្លោះកើតឡើង ក្នុងគ្រួសារ ឬក្នុងក្រុមការងារ រឿងក្នុងចិត្តរបស់យើង ដោយសារតែ ភាគច្រើនបំផុត មនុស្សមិនចង់ទទួលការលំបាក សូមចងចាំថា: នៅក្នុងលោកយើងនេះ គ្មានអ្វីលំបាកនោះទេ លើកលែងតែមនុស្សលំបាកប៉ុណ្ណោះ ពីព្រោះ ពួកគាត់ខ្ជិលគិត ពូគាត់ខ្ជិលធ្វើ ដោយសារតែពួកគាត់ចង់បានភាពងាយស្រួល។

៩- ចេះគោរពខ្លួនឯង
ការរៀនគោរពខ្លួនឯង គឺជាតម្លៃ ថ្លៃជាងគ្រាប់ពេជ្រ ឬជាងអ្វីទាំងអស់ សូមចូលចាំថា ” នៅពេលដែលយើងបាត់បង់ការគោរពខ្លួនឯង គឺយើងបាត់បង់ការស្រលាញ់ខ្លួនឯង នៅសល់តែ ភាពស្អប់ ហ្នឹងជម្លោះតែប៉ុណ្ណោះ ” នៅពេលដែលស្អប់ចូលខ្លួន យើងចាប់ផ្ដើមមើលជ្រុងអាក្រក់ យើងចាប់ផ្ដើមកុំគួនសងសឹក និងការយកឈ្នះយកចេញ ” ការយកឈ្នះយកចាញ់ មិនអាចពាំនាំសុភមង្គលបានឡើយ ”

១០- ការជួយ និងអបអរ :
សុភមង្គល និងអារម្មណ៍សប្បាយចិត្ត នៅពេលដែលយើង បានជួយ ដល់អ្នកដទៃ នៅលើលោកយើងនេះ យើងមានកិច្ចការជាច្រើន ដែលត្រូវជួយ មិនត្រឹមតែ ជាលុយ ឬជារបស់តែប៉ុណ្ណោះទេ ពីព្រោះការជួយ មាននៅក្នុងទម្រង់ជាច្រើន..ដែលមិនអាចពណ៌នាអស់ ព្រមទាំង យើងរៀនត្រេកអរ នៅពេលដែលឃើញ អ្នកដទៃ ទទួលបានផលល្អ ឬល្អ កើតឡើងចំពោះពួកគេ។

និពន្ធដោយលោក សឿន តុលា ស្ថាបនិកក្រុមហ៊ុន ផា ផា យ៉ា

PAPAYA NEXT STEP CO,.LTD.

* PAPAYA REAL ESTATE

( គម្រោងអភិវឌ្ឍន៍អចលនទ្រព្យ)

*PAPAYA HOMESTAY

(គម្រោងលើវិស័យទេសចរណ៍)

*PAPAYA GARDEN

( គម្រោងលើវិស័យកសិកម្ម

និងចែកចាយអាហារ)