ខេត្តសៀមរាប

ខេត្តសៀមរាប៖ភាពវ័យឆ្លាតរបស់មនុស្សមិនកើតឡើងពីកំណើតឡើយ។

ពួកគេឆ្លាតនិងវាងវៃបាន ពីព្រោះពួកគេរក្សាការរៀនគ្រប់ទីកន្លែង និង គ្រប់ពេលវេលា “ គ្រប់ពេលដែល អ្នក ចង់ដឹង ចង់យល់ជាពេលវេលាដែលធ្វីឲ្យអ្នកឆ្លាត” ដោយយោងតាមការស្រាវជ្រាវដើម្បីបញ្ជាក់ ដោយ ឈរលើកត្តា 5 យ៉ាង:

1. ការស្តាប់:

“ អ្នកដែលពូកែទំនាក់ទំនងពិតប្រាកដគឺអ្នកដែលពូកែស្តាប់ “

មនុស្សឆ្លាតចំណាយពេលស្តាប់និងធ្វើការពិចារណាពួកគេ ស្តាប់ដើម្បីឲ្យយល់ពីមូលហេតុពួកគេស្តាប់ពិតៗ ចេញពីបេះដូងរបស់ពួកគេ ប៉ុន្តែមិនមែនស្តាប់ដើម្បីនិយាយតបត ឬ ក៏ប្រកែកតវ៉ាយកខុសត្រូវរៀងៗខ្លួនឡើយ។ ពីព្រោះពួកគេយល់ថាការនិយាយច្រើន ទាញយកហេតុផលពន្យល់ទៅលើអ្នកណាម្នាក់វាជារឿង

ខ្ចះខ្ចាយពេលវេលានៃជីវិតរបស់ពួកគេ ពីព្រោះ “ មនុស្សចង់ដឹងចង់ឮនូវអ្វីដែលពួកគេចង់តែប៉ុណ្ណោះ “ ហើយពួកគេយល់ថាមនុស្សមិនជឿជាមួយសម្តី ឬ ការវែកញែកអ្វីឡើយពួកគេជឿលើទង្វី ឬ សកម្មភាពតែប៉ុណ្ណោះ។

2. រក្សាគុណភាពទំនាក់ទំនង:

មនុស្សឆ្លាតពួកគេតែងតែងគោរពតម្លៃមិត្តភាពនិងតម្លៃនៃទំនាក់ទំនងគ្នា។ ជាធម្មតាពួកគេរក្សាទំនាក់ទំនងជាមួយ មិត្តភាពដែលមានពីមុនមកហើយពួកគេយល់ថាទំនាក់ទំនងយូរអង្វែងមិនអាចកើតឡើងជាមួយការជួបគ្នារយៈពេលខ្លីបានឡើយ។

ពួកគេយល់ថាទំនាក់ទំនងគឺជាប្រភពទុននៃខ្លឹមសារជីវិតនិង ជា ប្រភពទុន នៃគ្រប់អាជីវកម្មផ្សេងៗ ទោះបីក្នុងស្ថាប័នអ្វីក៏ដោយគុណភាពទំនាក់ទំនងគឺជាដង្ហើមនៃភាពរីកចម្រើន និងសុភមង្គល។

3. ការរក្សាគិតទៅមុខ:

មនុស្ស វៃឆ្លាតពួកគេឆ្លាតពីព្រោះពួកគេយល់ថារក្សាការគិតឲ្យភ្លឺថ្លាចេញពីក្នុងខ្លួនមកមិនត្រឹមតែជួយឲ្យពួកគេមានសង្ឃឹមនិងទៅអនាគតនិងរីករាយនៅពេលបច្ចុប្បន្នតែប៉ុណ្ណោះទេប៉ុន្តែថែមទាំងជំរុញកម្លាំងចិត្តនិងស្តែងចេញជាឧទាហរណ៍ដល់អ្នកជុំវិញខ្លួនរបស់ពួកគេទៀតផង “ គិតល្អ សកម្មភាពល្អ អ្នកនឹងទទួលបានផលល្អ “ ពួកគេយល់ថាទស្សនៈរបស់មនុស្សមិនអាចផ្លាស់ប្ដូរពិភពលោកបានឡើយ។ ពិភពលោកផ្លាស់ប្ដូរតាមរយៈ ឧទាហរណ៍គំរូតែ ប៉ុណ្ណោះ។

4. រក្សាតុល្យភាព:

មនុស្សឆ្លាតពួកគេមិនបានដាក់ចិត្តធ្វើការវិនិច្ឆ័យទៅលើខ្លួនអ្នកណាឡើយពីព្រោះនៅពេលណាដែលមានការប្រៀបធៀបស្តីបន្ទោសឬរិះគន់ទៅលើបុគ្គលណាមួយពួកគេមិនបានគិតទូលំទូលាយអំពីមនុស្ស ឡើយនៅក្នុងលោកនេះមនុស្សមិនដូចគ្នាឡើយ “ អ្វីដែលត្រូវសម្រាប់ពួកគេគឺមិនត្រូវសម្រាប់អ្នកគ្រប់គ្នានៅក្នុងពិភពលោកឡើយ “ ពួកគេយល់រឿងនេះហើយពួកគេអនុវត្ត ហើយអនុវត្តន៍អប់រំខ្លួនទៅតាមការយល់របស់ពួកគេ ។

5. គ្រូបង្រៀន:

អ្នកវៃឆ្លាត: ពួកគេរៀនគ្រប់ទីកន្លែងពួកគេរៀនពីមនុស្សគ្រប់គ្នាតាមការជួប ការនិយាយ ឬ សកម្មភាពផ្សេងៗ ទៀត ពីព្រោះពួកគេគិតថាគ្មាននរណាម្នាក់កើតមកចេះនោះឡើយហើយគ្មាននរណាម្នាក់ចេះសព្វគ្រប់គ្មានចន្លោះអ្វីនោះឡើយ។ ដូច្នេះហើយការស្តាប់ឮ គ្រប់មនុស្សដែលពួកគេបានជួបនឹងឃើញបានធ្វើឲ្យពួកគេពិចារណា ពីព្រោះពួកគេគិតថាជីវិតគឺជាកូនសិស្សក្នុងសាលាឬក្រៅសាលាហើយគ្រូរបស់ពួកគេគឺស្ថិតនៅគ្រប់ទីកន្លែងនៅក្នុងលោកនេះ។

និពន្ធដោយលោក សឿន តុលា ស្ថាបនិកក្រុមហ៊ុន ផា ផា យ៉ា

PAPAYA NEXT STEP CO,.LTD.

* PAPAYA REAL ESTATE

( គម្រោងអភិវឌ្ឍន៍អចលនទ្រព្យ)

*PAPAYA HOMESTAY

(គម្រោងលើវិស័យទេសចរណ៍)

*PAPAYA GARDEN

( គម្រោងលើវិស័យកសិកម្ម

និងចែកចាយអាហារ)

ខេត្តសៀមរាប៖មន្ត្រីទទួលបន្ទុកប្រឆាំងការជួញដួរមនុស្ស និងការពារអនីតិជនខេត្តសៀមរាប បានអះអាងថា ឆ្លងកាត់ការសាកសួរ ព្រះចៅអធិការវត្ត និងព្រះសង្ឃ ដែលវាយបន្តគ្នានោះ ទើបដឹងថា មិនមែនជាករណីអំពើហិង្សាឡើយ«ផ្ទុយទៅវិញគឺជាការប្រដៅ ដោយដាក់វិន័យតាមគោលការណ៍របស់វត្តប៉ុណ្ណោះ»។

ការអះអាងយ៉ាងដូច្នេះ ក្រោយមានការសម្របសម្រួល ធ្វើកិច្ចសន្យាបញ្ចប់ នៅល្ងាចថ្ងៃទី១៥ ខែមីនា ម្សិលមិញ ករណីបែកធ្លាយវីដេអូតាមបណ្ដាញសង្គមហ្វេសប៊ុក ការប្រើប្រស់ហិង្សាយ៉ាងធ្ងន់ធ្ងរទៅលើ ភិក្ខុនិងសាមណេរ នៅវត្តរាជបូណ៌។

ព្រះតេជគុណ ពិន សែម ព្រះចៅអធិការវត្តព្រះរាជបូណ៌ បានមានសង្ឃដីកាថា ព្រះអង្គមិនដែលមានគំនិតគុំគួនលើសង្ឃអង្គណាឡើយ។ ផ្ទុយទៅវិញ គឺមានតែទទួលយកព្រះសង្ឃអោយគង់នៅវត្តនេះដើម្បីអប់រំកែប្រែ រាល់ពេលសង្ឃអង្គណាធ្វើខុសវិន័យហើយវត្តផ្សេងមិនទទួល។

ជាមួយគ្នានេះ លោក ជោគ ឌី គណ:កម្មការវត្តព្រះរាជបូណ៌ ក៏បានឲ្យដឹងថា បើយើងមើលក្នុងរូបភាព វាហាក់បីដូចជាការធ្វើទារុណកម្មអីចឹង។ប៉ុន្តែកាពិតគឺជាការដាក់វិន័យ ដោយតម្រូវអោយសង្ឃដែលធ្វើខុសវិន័យច្រើនលើកនោះ វាយគ្នាម្តងម្នាក់ គឺវាយតគ្នា។
លោកបន្តទៀតថា មានសង្ឃមួយចំនួនមិនគោ រពវិន័យ ពេលខ្លះលួចមានស្រី ហើយពេលខ្លះលួចជក់គ្រឿងញៀនក៏មានដែរ។ ចឹងរឿងហេតុនេះ មិនមែនព្រះចៅអធិការវាយនោះទេ គឺដាក់វិន័យ ដោយតម្រូវអោយសង្ឃល្មើសវិន័យ វាយម្តងម្នាក់។

បើតាមមន្ត្រីប្រឆាំងការជួញដូរមនុស្សនិងការពារអនីតិជនបានបញ្ជាក់បន្ថែមថា ឆ្លងកាត់ការសាកសួរលម្អិតអំពីរឿងហេតុ សមត្ថកិច្ចរបស់ំនាញនិងដោយមានការឯកភាពពីតំណាងអាយ្យការអមសាលាដំបូងខេត្ត រួមទាំងអាជ្ញាធរ គឺបានសម្របសម្រួលនិងធ្វើកិច្ចសន្យាបញ្ចប់ហើយ ដោយតម្រូវអោយព្រះសង្ឃ ដែលមានកំហុសគោរពតានវិន័យវត្ត។ ចំណែកព្រះចៅអធិការវត្ត បញ្ឃប់ការអប់រំដោយដាក់វិន័យ បែបអំពើហិង្សាដូច្នេះដែរ។

សូមបញ្ជាក់ថា កាលពីថ្ងៃទី១៣ខែមីនា ឆ្នាំ ២០២១ កន្លងទៅនេះ នៅក្នុងវត្តរាជបូណ៌ មានការដាក់វិន័យទៅលើព្រះសង្ឃចំនួន៣អង្គដែលធ្វើខុសវិន័យវត្តច្រើនដង។ ការដាក់វិន័យនោះ ក៏បានតម្រូវអោយវាយបន្តគ្នាម្តងម្នាក់រហូតមានស្លាកស្នាមជាំពេញគូថ ហើយក៏ត្រូវបានបង្ហោះតាមបណ្តាញហ្វេសប៊ុក និងចែករំលែក
តៗគ្នា ធ្វើអោយមានការភ្ញាក់ផ្អើល ទើបថ្នាក់ ដឹកនាំបញ្ជាអោយ សមត្ថកិច្ចចុះទៅអន្តរាគមន៍៕SRP

ខេត្តសៀមរាប៖ក្រោយមានបណ្តាញសង្គមហ្វេសប៊ុក បង្ហោះចែករំលែកនូវវីដេអូ ព្រះចៅអធិការវត្តរាជបូណ៌ ព្រះតេជគុណ ពិន សែម ដែលបានប្រើអំពើហិង្សា ទៅលើភិក្ខុនិងសាមណេរ ដោយប្រើនឹងរំពាត់ផ្តៅ វាយលើចង្កេះខ្នងខ្លាំងៗ ធ្វើអោយមានការរិះគន់យ៉ាងខ្លាំង។ បន្ទាប់ពីមានហេតុការណ៍ នៅរសៀលថ្ងៃនេះអាជ្ញាធរសមត្ថកិច្ចជំនាញខេត្តសៀមរាប បានចុះទៅអន្តរាគមន៍។

ករណីស្ថិតក្នុងវត្តរាជបូណ៌ ដែលស្ថិតនៅភូមិវត្តបូណ៌ សង្កាត់សាលាកំរើកក្រុងសៀមរាប។

យោងតាមប្រភពបានអះអាងថាករណីនេះព្រះចៅអធិការវត្តរាជបូណ៌ បានធ្វើកិច្ចសន្យាបញ្ឈប់ទង្វើបែបនេះផងដែរ។
លិខិតកិច្ចសន្យានៅខាងក្រោម៖

ខេត្តសៀមរាប៖បុរសម្នាក់បានស្លាប់ភ្លាមៗខណៈបើកម៉ូតូបង្ហោះចូលឡានដឹកស្រារ GANZBERG។

ហេតុការណ៍បានកើតឡើងវេលាម៉ោង១៦និង៣០នាទី ថ្ងៃទី១៥ ខែមីនា ឆ្នាំ២០២១ នៅលើផ្លូវកៅស៊ូ ស្ថិតក្នុងភូមិគោកឬស្សីត្បូង ដានរុន ស្រុកសូទ្រនិគម ខេត្តសៀមរាប។

សមត្ថកិច្ចបានឲ្យដឹងថាគ្រោះថ្នាក់ចរាចរណ៍នេះ បង្កដោយម៉ូតូម៉ាកហុងដាឌ្រីម ពណ៌ខ្មៅ សេរី២០១៩ ពាក់ស្លាកលេខសៀមរាប1AE.6849 បើកបរដោយឈ្មោះមុំ ធាវី ភេទប្រុស អាយុ១៩ឆ្នាំ រស់នៅភូមិកំពង់គ១ ឃុំកៀនសង្កែ ស្រុកសូទ្រនិគម ខេត្តសៀមរាប បើកបង្ហោះហើយចូលក្រោមរថយន្តម៉ាកកូរ៉េ ក្រុមហ៊ុនស្រាបៀរ GANZBERG ពាក់ស្លាកលេខភ្នំពេញ3E.3036 បញ្ច្រាសទិសគ្នាពីជើងទៅត្បូង អ្នកបើកបររត់គេចខ្លួន) បណ្ដាលអោយស្លាប់តែម្ដង។ករណីនេះម៉ូតូ និងរថយន្ត ត្រូវបានសមត្ថកិច្ចយកទៅរក្សាទុកនៅអធិការស្រុក។ចំណែកសាកសពប្រគល់អោយក្រុមគ្រួសារធ្វើបុណ្យតាមប្រពៃណី៕SRP

ខេត្តសៀមរាប៖មនុស្សចំនួន ៣នាក់ បានរងរបួសធ្ងន់ ខណ:កំពុងធ្វើដំណើរតាមម៉ូតូ២គ្រឿង ត្រូវបានរថយន្តយីឌុបដឹកទំនិញរេចង្កូតមកបុក។

ហេតុការណ៍បានកើតឡើងនៅវេលាម៉ោង ១៤និង៣៥នាទី ថ្ងៃទី១៥ ខែមីនា ឆ្នាំ ២០២១ នៅភូមិតានី ឃុំរុនតាឯក ស្រុកបន្ទាយស្រី តាមផ្លូវលេខ៦៧។

សមត្ថកិច្ចបានឲ្យដឹងថា គ្រោះថ្នាក់ចរាចរណ៍នេះ បង្កឡើងដោយរថយន្តដឹកទំនិញប្រភេទយីឌុប ពណ៌ទឹកប៊ិច ពាក់ស្លាកលេខភ្នំពេញ ៤A៣២០៦ បើកបរពីទិសខាងត្បូង ឆ្ពោះទៅជើង ហើយបានជ្រុលចង្កូតបុកម៉ូតូ០១គ្រឿង រួចបន្តទៅបុកម៉ូតូរ៉ឺម៉ក០១គ្រឿងទៀត បណ្ដាលឱ្យរបួសធ្ងន់មនុស្ស ចំនួន០៣នាក់ ខូចខាតម៉ូតូចំនួន២គ្រឿង និងរថយន្ត១គ្រឿង។

សមត្ថកិច្ចបានបញ្ជាក់ថាករណីនេះតាមការសន្និដ្ឋានអ្នកបើកបររថយន្តអាចងងុយដេក។ ទោះជាយ៉ាងណាការ ជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យ។ ចំណែកវត្ថុតាងទាំងសងខាងត្រូវបានរក្សាទុកនៅអធិការស្រុកបន្ទាយស្រី៕SRP

ខេត្តសៀមរាប៖លោក សឹង្ហ សំរឹទ្ធិ អនុប្រធានសមាគមចលនាយុវជនម្ពុជា (ក្រុម១៥៧) សាខាខេត្តសៀមរាប
បានមានមតិសំណេះសំណាល ផ្តាំផ្ញេីដល់កងកម្លាំង អាជ្ញាធរមូលដ្ឋាន និង ប្រជាពលរដ្ឋ ដដែលកំពុងស្ថិតនៅក្នុងមណ្ឌលចត្តាឡីស័ក សូមអោយថែរក្សាសុខភាព ត្រូវមានការប្រុងប្រយត្ន័ និង កាពារ ហេីយរក្សាអនាម័យអោយបានល្អដេីម្បីរួចផុតពីមេរោគកូវីដ១៩។

លោកមានប្រសាសន៍សំណេះសំណាលបែបនេះ នៅថ្ងៃចន្ទ ទី១៥ ខែមីនា ឆ្នាំ២០២១នេះ ក្នុងពេលតំណាង
លោកហ៊ុន ប៉ូគា ប្រធានសមាគមចលនាយុវជនម្ពុជា (ក្រុម១៥៧) សាខាខេត្តសៀមរាប ដឹកនាំក្រុមការងារ ចូលរួមជាមួយ លោកសូរ ប្លាតុង អភិបាលស្រុកប្រាសាទបាគង នាំយកអំណោយ និងមួយថវិកាមួយចំនួន ដេីម្បីផ្តល់ជូនប្រជាពលរដ្ឋ ដដែលកំពុងស្នាក់នៅក្នុងមណ្ឌលចត្តាឡីស័ក ស្រុកប្រាសាទបាគង ចំនួន ១៦នាក់ និងអាជ្ញាធរមូលដ្ឋានចំនួន ៥អង្គភាព។

សូមជម្រាបថាអំណោយ និងថវិកា ប្រជាពលរដ្ឋ ក្នុងម្នាក់ទទួលបាន៖
-មី ១កេស
-ទឹកត្រី ១យួរ
-ទឹកសុីអុីវ ១យួ រ
-ប្រេងឆា ១លីត្រ
-ស្ករស ១គីឡូ
-អំបិល ១គីឡូ
-ប៊ីចេង កន្លះគីឡូ
-ទឹកសុទ្ធ ២យួរ និង
-ថវិកា ៤ មុឺនរៀល

+ អាជ្ញាធរមូលដ្ឋានចំនួន ៥អង្គភាពមាន៖
⁃ អធិការដ្ឋាននរគបាលស្រុកប្រាសាទបាគង
⁃ កងរាជអាវុធហត្ថស្រុកប្រាសាទបាគង
⁃ បញ្ជារការសឹករងស្រុកប្រាសាទបាគង
⁃ មន្ត្រីសុខាភិបាល
⁃ ប្រធានមណ្ឌល

ក្នុងមួយអង្គភាពទទួលបាន៖

-អង្ករ ៥០គីឡូ
-ជែលលាងដៃ ដបធំ ៤ដប
-ម៉ាស់ ១០០
-មី ១កេស
-ទឹកត្រី ១យួរ
-ទឹកសុីអុីវ ១យួរ
-ស្ករស ២គីឡូ
-អំបិល ២គីឡូ
-ប៊ីចេង ១គីឡូ
-ប្រេងឆា ១លីត្រ
-ថវិកា ៥មុឺនរៀល៕SRP

ខេត្តសៀមរាប៖ករណីជនដៃដល់ចំនួន២នាក់ ក្នុងចំណោម៤នាក់ ដែលបានវាយប៉ុនប៉ងសម្លាប់ចាងហ្វាងកាសែត «អាណាចក្រខ្មែរ» កាលពីរំលងអាធ្រាតថ្ងៃទី ១៤ខែមីនាឆ្នាំ២០២១នេះ សមត្ថកិច្ចកំពុងសាកសួរបន្ថែម ដើម្បីឈានទៅកំណត់មុខសញ្ញាជនល្មើស។

សមត្ថកិច្ចកងរាជអាវុធហត្ថខេត្ត រួមទាំង នគរបាលស្រុកស្វាយលើ នៅព្រឹកថ្ងៃទី១៥ខែមីនានេះ បានកំពុងចុះសាកសួរ ជនរងគ្រោះ បន្ថែមនៅមន្ទីរពេទ្យឯកជន ហុង ឈីម នៅក្រុងសៀមរាប។

លោកស៊ុន អេង អធិការនគរបាលស្រុកស្វាយលើ បានថ្លែងប្រាប់តាមទូរស័ព្ទថា ខាងលោកនៅមិនទាន់កំណត់មុខសញ្ញាជនដៃដល់នៅឡើយទេ ព្រោះក្រោយកើតហេតុ ជនរងគ្រោះ ពុំទាន់បានមកដាក់ពាក្យបណ្តឹង ដោយកំពុងសម្រាកព្យបាលនៅឯខេត្ត ហើយមានតែបងប្អូន មកផ្តល់ព័ត៌មានខ្លះៗតែប៉ុណ្ណោះ។ ប៉ុន្តែករណីនេះទំនងពិបាកស្រាវជ្រាវ ព្រោះកើតហេតុពេលយប់។

លោកបន្តថា ចំពោះការវាយនោះ ថាតើ ជារឿងគំនុំឬយ៉ាងណានោះ លោកមិនអាចឆ្លើយនោះឡើយ ព្រោះជនរងគ្រោះ ដើរដេកពាសវាល ពាសកាល ទោះបីអាជ្ញាធរមានសមត្ថកិច្ចហាមយ៉ាងណា ក៏មិនស្តាប់ដែរ។ តែខណ:នេះ សមត្ថកិច្ចរបស់លោកកំពុងទៅសាកសួរ ជនរងគ្រោះបន្ថែម ដើម្បីឈានទៅកំណត់មុខសញ្ញា។

ជុំវិញហេតុការណ៍នេះ លោក ប្រន ស៊ាន ចាងហ្វាងកាផ្សាយកាសែតអាណាចក្រខ្មែរ បានប្រាប់អោយដឹងថា ករណីនេះ លោកនឹងដាក់ពាក្យបណ្តឹង ក្រោយពេលសមត្ថកិច្ចសាកសួរហើយ។ លោក ស៊ាន បន្តថា នៅយប់កើតហេតុ បន្ទាប់ពីរូបលោកចាកចេញពីខេត្តព្រះវិហារ ឆ្លងកាត់ស្រុកស្វាយលើ ហើយងងុយដេក រូបលោកនិងអ្នករួមដំណើរម្នាក់ទៀត បានឈប់ឡានហើយចងអង្រឹងដេកក្បែរផ្លូវ មុខប្រាសាទបេងមាលា ក៏ស្រាប់តែជនដៃដល់២នាក់ ក្នុងចំណោម៤នាក់ប្រដាប់ដោយដំបង វាយមកលើរូបលោកប្រមាណជាង១០ដំបងបណ្តាលអោយរងរបួសធ្ងន់ធ្ងរតែម្ដង។

លោកចាងហ្វាងបន្ថែមថា ក្នុងចំណោមជនដៃដល់នោះ លោកបានស្គាល់ម្នាក់ ចឹងទេលោកនឹងផ្តល់អត្តសញ្ញាណទៅសមត្ថកិច្ច។ ការវាយមកលើរូបលោកពីសំណាក់ជនដៃដល់ គឺអាចជាការប៉ុនប៉ងមនុស្សឃាត ព្រោះថា បើរូបលោកមិនមានឳកាសរត់ចូលក្នុងឡានទាន់ទេ ពួកគេអាចវាយរហូតដល់ស្លាប់។

សូមរំលឹកថា កាលពីម៉ោងជាង១២យប់ឆ្លងចូលថ្ងៃទី១៤ខែមីនាឆ្នាំ២០២១ មានក្រុមជនដៃដល់២នាក់ក្នុងចំណោម៤នាក់ ប្រដាប់ដោយដំបង បានព្រួតគ្នាវាយមកលើ លោកប្រន ស៊ាន ចាងហ្វាងកាសែតអាណាចក្រខ្មែរ បណ្តាលអោយរងរបួសមុខក្បាលនិងដៃយ៉ាងដំណំ។

ការព្រួតវាយនេះ ក៏ត្រូវបានប្រភពមួយបង្ហើបថា ដោយសាតែលោកចាងហ្វាងរូបនេះ ទៅចងអង្រឹងដេកតាមដងផ្លូវ ដែលជាការរំខានការដឹងជញ្ជូនបទល្មើសព្រៃឈើរបស់ក្រុមឈ្មួញ។ ត្បិតដងផ្លូវមួយខ្សែដែលតភ្ជាប់ពីខេត្តព្រះវិហារ ឆ្លងតាត់ស្រុកស្វាយលើ ឆ្ពោះមកខេត្តសៀមរាប និងកំពង់ធំនេះ ជាដង្ហើមនៃការដឹកជញ្ជូនបទល្មើសព្រៃឈើ។ ចឹងទេដើម្បីជាការបើកផ្លូវ និងជាការកំឡាច ដល់អ្នករារាំង ពួកគេនឹងធ្វើបែបអីចឹង៕SRP

ខេត្តសៀមរាប៖លោកប្រន ស៊ាន ចាងហ្វាងកាសែត “អាណាចក្រខ្មែរ” ត្រូវបានក្រុមឈ្មួញរកស៊ីបទល្មើសព្រៃឈើលបវាយបណ្ដាលឲ្យរងរបួសធ្ងន់ធ្ងរ ខណៈចុះយកព័ត៌មាន នៅភូមិសាស្រ្ត ស្រុកស្វាយលើ នាយប់មិញ។

ហេតុការណ៍នេះបានកើតឡើង នៅវេលាម៉ោង១២និង៣០នាទី ឈានចូលយប់ថ្ងៃទី១៤ខែមីនាឆ្នាំ២០២១ ម្ដុំមុខប្រាសាទបេងមាលា ក្នុងឃុំបេងមាលា ស្រុកស្វាយលើ។

អធិការនគរបាលស្រុកស្វាយលើ លោកស៊ុន អេង បានប្រាប់អ្នកសារព័ត៌មានថា ជនរងគ្រោះត្រូវបានជនមិនស្គាល់មុខវាយបណ្ដាលឲ្យរបួសយ៉ាងដំណំហើយរត់គេចខ្លួនបាត់។ ចំណែកជនរងគ្រោះ ត្រូវបានសាច់ញាតិបញ្ជូនទៅព្យាបាលនៅមន្ទីរពេទ្យបង្អែកខេត្តសៀមរាប។

លោកថាករណីនេះ អាចជារឿងគំនុំ ដោយសមត្ថកិច្ចកំពុងស្រាវជ្រាវ ដើម្បីឈានដល់ការឃាត់ខ្លួនជនបង្កផងដែរ។

ជុំវិញអំពើហិង្សានេះ លោក ប្រ៊ន ស៊ាន ចាងហ្វាងសារព័ត៌មាន អាណាចក្រខ្មែរ បានអះអាងថាលោកត្រូវបានក្រុមជនល្មើសរកស៊ីបទល្មើសព្រៃឈើ លបវាយប៉ុនប៉ងមនុស្សឃាតនៅទល់មុខប្រាសាទបឹងមាលា បច្ចុប្បន្តកំពុងសម្រាកព្យាបាលនៅមន្ទីពេទ្យ។ លោកសង្ឃឹមថាសមត្ថកិច្ចនឹងវែកមុខរកជនទាំងនោះមកផ្តន្ទាទោសតាមច្បាប់។

ទោះជាយ៉ាងណា គ្រួសារជនរងគ្រោះនឹងអ្នកសារព័ត៌មាន ក្នុងខេត្តសៀមរាប ទទូចស្នើដល់អាជ្ញាធរសមត្ថកិច្ច ស្វែងរកចាប់ជនដៃដល់យកមកផ្តន្ទាទោសទៅតាមផ្លូវច្បាប់។

គួរបញ្ជាក់ថាសកម្មភាពដឹកជញ្ជូនឈើ ចេញពីខេត្តព្រះវិហារ ចូលមកក្រុងសៀមរាប តាមច្រកស្រុកស្វាយលើ នៅតែបន្តកើតមាន បើទោះបីជាមានសមត្ថកិច្ចជំនាញ ជាច្រើនស្ថាប័ន បានដាក់ស្នាក់ការបណ្ដាក់គ្នាដូចខ្យង ដើម្បីទប់ស្កាត់យ៉ាងណាក៏ដោយ ក៏បទល្មើសដឹកជញ្ជូនឈើនៅតែកើតមានយ៉ាងអាណាធិបតេយ្យដដែល៕SRP

ខេត្តសៀមរាប៖គ្រួសាររងគ្រោះដោយខ្យល់កន្រ្តាក់កាលពីថ្ងៃទី០៨ ខែមីនា ឆ្នាំ២០២១ ចំនួន ០៣គ្រួសារ (រលំទាំងស្រុង១គ្រួសារ នឹង របើកដំបូលធ្ងន់ធ្ងរ២គ្រួសារ)នៅភូមិជប់រំដេង ឃុំកន្ទួត ស្រុកស្វាយលើ បានទទួលអំណោយមនុស្សធម៌កាកបាទក្រហមកម្ពុជា។

ការទទួលបានអំណោយនេះ នៅថ្ងៃទី ១៣ ខែមីនា ព្រឹកមិញ ខណ:ដោយលោកស្រី ស៊ុម សុភាព អនុប្រធានគណ:កម្មាធិការអនុសាខាកាកបាទក្រហមកម្ពុជា ស្រុកស្វាយលើ និងសហការី បានជួបសំណេះសំណាលសួរសុខទុក្ខ។

អំណោយមនុស្សធម៌ ដែលផ្តល់ជូនក្នុង១គ្រួសារមាន៖ សង្ក័សី ១០សន្លឹកមុង១ ភួយ១ សារុង១ ក្រមា១ អង្ករ ៣០គីឡូក្រាម មី១កេស ត្រីខ១យួរ កន្ទេល១ ទឹកបរិសុទ្ធសុទ្ធ ៣យួរ ទឹកត្រី១យួរ ទឹកស៊ីអ៉ីវ ១យួរ អាល់កុលកន្លះលីត្រ និងថវិកា១សែនរៀលផងដែរ៕SRP

ខេត្តសៀមរាប៖ក្រុមមន្ត្រីបាននាំគ្នាដុតបំផ្លាញចោលទំនិញខូចគុណភាព និងក្លែងបន្លំម៉ាកសញ្ញាចំនួន៩មុខ ទង្ងន់ជាង១តោន ដែលបានបង្ក្រាបកាលពីឆ្នាំ២០១៩។

លោកវរសេនីយ៍ឯក ជ្រិញ គឹមនី នាយការិយាល័យនគរបាលប្រឆាំងបទល្មើសសេដ្ឋកិច្ចខេត្ត បានឲ្យដឹងថា ការដុតកម្ទេចទំនិញទាំងនេះ ធ្វើឡើងនារសៀលថ្ងៃទី១២ខែមីនាឆ្នាំ២០២១នេះ នៅទីលានចាក់សំរាម ក្នុងភូមិអន្លង់២ ឃុំត្រពាំងធំ ស្រុកប្រសាទបាគង។

លោកបន្តថា ទំនិញទាំងនេះ គឺបានបង្ក្រាបកាលពីថ្ងៃទី៣០ ខែឧសភា ឆ្នាំ២០១៩ ស្ថិតនៅផ្ទះលេខ ១១២-១១៤ ក្នុង ភូមិខ្នារ សង្កាត់ជ្រាវ ក្រុងសៀមរាប។ ម្ចាស់ផ្ទះឈ្មោះ ផុក ឆៃ អាយុ៤៧ឆ្នាំ សញ្ញ្ជាតិខ្មែរ និងប្រពន្ធឈ្មោះ អ៊ឹង ជូ អាយុ៣៦ឆ្នាំ សញ្ជាតិខ្មែរ។ ក្នុងការបង្ក្រាបនោះសមត្ថកិច្ចបានដកហូតទំនិញខូច គុណភាព និងក្លែងបន្លំម៉ាកសញ្ញា និងផុតកាលបរិច្ឆេទប្រើប្រាស់ សរុបចំនួន០៩មុខ ស្មើនឹងទម្ងន់ជាង០១តោន។

ករណីនេះម្ចាស់ផ្ទះ ដែលជាជនសង្ស័យ សមត្ថកិច្ចបានកសាងសំណុំរឿងបញ្ជូនទៅតុលាការដើម្បីអនុវត្តបន្តតាមនីតិវិធីច្បាប់រួចហើយ៕SRP

ខេត្តសៀមរាប៖ករណីថៅកែភោជនីយដ្ឋានហាងយីហោ រាជនីបបរស ប្រើអំពើហិង្សាលើកូនស្រីរបស់ខ្លួនយ៉ាងធ្ងន់ធ្ងរ ហើយបែកធ្លាយតាមហ្វេសប៊ុក បន្ទាប់ពីលាក់បាំងបានប៉ុន្មានថ្ងៃ។ ប៉ុន្តែ ក៏ត្រូវបានបញ្ចប់ទៅវិញ ដោយធ្វើកិច្ចសន្យា ចំពោះមុខសមត្ថកិច្ច។

ថៅកែហាងភោជនីយដ្ឋាន រាជនីបបរស មានឈ្មោះ តេង នរ៉ា ហៅសេង ។ចំណែកកូនស្រីរងគ្រោះ មានឈ្មោះ អ. គ.ឡ អាយុ១៨ឆ្នាំ។ អ្នកទាំង២រស់នៅភោជនីយដ្ឋានរាជនីបបរសស្ថិតក្នុងភូមិសាលាកន្សែង សង្កាត់ស្វាយដង្គំ ក្រុងសៀមរាប តាមបណ្ដោយផ្លូវជាតិលេខ៦។

ហេតុការណ៍អំពើហិង្សាលើក្មេងស្រីនេះ ត្រូវបានបែកធ្លាយតាមរយ:ហ្វេសប៊ុកឈ្មោះMorn Sovanny ដោយសរសេរថា «ក្មេងស្រីឈ្មោះអ.គ.ឡ ត្រូវបានវាយនៅក្នុងបន្ទប់ នៅក្នុងភោជនីយដ្ឋានរាជនីបបរស។រាល់ថ្ងៃត្រូវបានដកហូតទូរស័ព្ទ បិទសិទ្ធិសេរីភាពមិនអោយចេញក្រៅ មិនអោយទាក់ទងជាមួយបងប្អូន។ស្នើសុំអោយសមត្ថកិច្ចជួយរកយុត្តិធម៌ទៅលើក្មេងស្រីនេះផង ដែលត្រូវបានវាយធ្វើបាបយ៉ាងធ្ងន់ធ្ងរទៅលើរាងកាយ និងក្បាលនៅថ្ងៃទី ០៩.០៣.២០២១»។ ក្រោយបែកធ្លាយរឿងហិង្សាខាងលើនេះតាមហ្វេសប៊ុក សមត្ថកិច្ចក៏បានចុះទៅអន្តរាគមន៍ផងដែរ។

យោងតាមរបាយការណ៍ របស់នគរបាលការិយាល័យប្រឆាំងការជួញដូរមនុស្សនិងការពារអនីតិជនខេត្តសៀមរាប ចុះថ្ងៃទី១១ខែមីនាឆ្នាំ២០២១បង្ហាញថា នៅថ្ងៃទី១០ខែមីនា ឆ្នាំ២០២១ មានអាខោនហ្វេសប៊ុកឈ្មោះ MornSovanny បានបង្ហោះថាក្មេងស្រីឈ្មោះ អ.គ.ឡ ដូចរៀបរាប់ខាងលើ សមត្ថកិច្ចបានចុះទៅដល់និងនាំយកអ្នកពាក់ពន្ធ័មកសាកសួរ។

របាយការណ៍បង្ហាញទៀតថា ផ្អែកតាមការបំភ្លឺរបស់ឈ្មោះ អ .គឹ ឡ ភេទស្រី អាយុ១៨ឆ្នាំ ជាជនរងគ្រោះបានបំភ្លឺថា៖ នៅថ្ងៃទី៩ ខែមីនា ឆ្នាំ ២០២១ឪពុកបង្កើតរបស់ខ្លួនឈ្មោះ តេង នរ៉ា បានបើកទ្វារបន្ទប់របស់ខ្លួន ដោយនៅក្នុងចន្លោះពីម៉ោង១០ទៅម៉ោង១១ ហើយបានយកដែកព្យួរខោអាវវាយមកលើខ្លួនបណ្តាលឲ្យជាំលើកដៃឆ្វេង លើខ្នងដៃខាងស្តាំ លើខ្នង លើភ្លៅ និងជង្គង់ទាំងសងខាង មិនបណ្តាលឲ្យដាច់រលាត់សាច់នោះទេ គ្រាន់តែដាំ ហើយ ក៏បានយកថ្នាំពណ៌ស្វាយលាបឲ្យ ដោយមូលហេតុខ្លួនបានលួចលុយ៥០០០ដុល្លារ ទៅឲ្យបុរសម្នាក់ដែលទាក់ទងគ្នាដោយមិនស្គាល់គ្នាច្បាស់លាស់ទេ ហើយលេខទូរស័ព្ទ បុរសនោះក៏មិនស្គាល់ដែល និងម្យ៉ាងទៀតខ្លួនមិនសូវជួយការងារផ្ទះផងនិងមិនស្តាប់ ដំបូន្មានឪពុកផងទើបគាត់វាយខ្លួន។ ពេលម្តាយលាបថ្នាំឲ្យខ្លួនបានថតស្លាកស្នាមហើយបញ្ជូនរូបនេះទៅឲ្យជីដូន ឈ្មោះ Morn Sovanny ហើយឈ្មោះ MornSovanry បានសរសេរថែមបង្ហោះក្នុង បណ្តាញសង្គមហ្វេសប៊ុកតែម្តង។ ចំពោះរឿងនេះខ្លួនមិនប្តឹងផ្តល់អ្វីទេ សូមឲ្យសមត្ថកិច្ចធ្វើកិច្ចសន្យា ឪពុក បញ្ឈប់ អំពើហិង្សាមកលើខ្លួន។

ផ្អែកតាមការបំភ្លឺរបស់ឈ្មោះ តេង នរ៉ា ហៅ សេង ជាឪពុកបានសារភាពថា បានយកក្រាសសិតសក់និងដែកព្យួរខោអាវវាយទៅលើកូនស្រីមែន តែមិនធ្ងន់ធ្ងរទេ ដោយសារតែខឹងនឹងកូនស្រីលួចប្រាក់និងមិនស្តាប់ដំបូន្មាន ហើយដើរលេង សេពគប់ មិត្តភ័ក្តមិនល្អ។

ផ្អែកតាមការបំភ្លឺរបស់ឈ្មោះ ស៊ឹម ធារី ត្រូវជាម្តាយបង្កើតបានឆ្លើយថាប្តីរបស់គាត់ឈ្មោះ តេង នរ៉ា ហៅ សេងបានយកដែកស្នាអាវវាយកូនពិត ប្រាកដមែន។ ចំពោះរឿងនេះគាត់ក៏មិនប្តឹងផ្តល់ ប្ដីគាត់ឈ្មោះ តេង នរ៉ាដែរ។

ក្រោយពីបានការឯកភាពពីព្រះរាជអាជ្ញាកម្លាំងការិយាល័យជំនាញនិងអធិការក្រុងសៀមរាបធ្វើកិច្ចសន្យា ឈ្មោះ តេង នារាំ ដែលជាឪពុកបង្កើតឲ្យបញ្ឈប់ប្រើអំពើហិង្សាទៅលើកូនស្រីបន្តទៀត។ ចំណែកកូនក៏ធ្វើកិច្ចសន្យាឲ្យកែប្រែខ្លួនទៅជាកូនល្អ។

តាមរយ:ហ្វេសប៊ុកដែលបង្ហោះរឿងហិង្សាខាងលើ ដែលមានគេស៊ែរាប់ពាន់នាក់ (មានមតិមហាជននិយាយតៗគ្នាថា គេនឹងរងចាំមើលថា តើអំពើហិង្សាមួយនេះ អ្នកប្រព្រឹត្តិអាចមានទោសដែរឬទេ?៕SRP

ខេត្តសៀមរាប៖លោកឃឹម ប៊ុនសុង រដ្ឋលលេខាធិការ ក្រសួងការពារជាតិ តំណាង សម្តេចពិជ័យសេនា ទៀ បាញ់ រដ្ឋមន្ត្រីក្រសួងការពារជាតិ នៅថ្ងៃទី១២ ខែមីនា ព្រឹកមិញនេះ បានដឹកនាំគណៈប្រតិភូក្រសួងការពារជាតិ ចុះជួបសាកសួរសុខទុក្ខ នាយទាហាន នាយទាហានរង និង ពលទាហាន ក្នុងឱកាស បុណ្យចូលឆ្នាំថ្មី ប្រពៃណីជាតិខ្មែរ នៅមជ្ឈមណ្ឌលអភិវឌ្ឍ យោធិនពិការ សម្ដេចតេជោ ហ៊ុន សែន គូលែន៣១៧ ខេត្តសៀមរាប ចំនួន៣០៤ គ្រួសារ។

មានប្រសាសន៍សំណេះសំណាលនាឱកាសនោះ លោកឃឹម ប៊ុនសុង បានពាំនាំនូវការផ្តាំផ្ញើរ សាកសួរសុខទុក្ខ ពីសំណាក់សម្តេចនាយករដ្ឋមន្ត្រី សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន និង សម្តេចពិជ័យសេនា ទៀ បាញ់ និង លោកជំទាវ ដែលជានិច្ចកាល សម្តេចតែងតែគិតគូរពីសុខទុក្ខ និង ជីវភាពរស់នៅរបស់យោធិន នាយទាហាន នាយទាហានរង និងពលទាហាន នៃកងយោធពលខេមរភូមិន្ទ រួមទាំងយោធិនក្នុងមជ្ឈមណ្ឌលអភិវឌ្ឍយោធិនពិការ សម្ដេចតេជោ ហ៊ុន សែន គូលែន៣១៧ ខេត្តសៀមរាប នៅពេលរដូវបុណ្យទានប្រពៃណីជាតិ ក៏ដូចពិធីបុណ្យជាតិ នឹងចំពោះវីរភាព ក្នុងស្មារតីដ៏មុះមុត របស់យោធិនពិការ ទាំងអស់ ដែលបានចូលរួមបូជាសាច់ស្រស់ ឈាមស្រស់ ការពារបូរណភាពដែនដី និង រកសុខសន្តិភាពជូនជាតិមាតុភូមិរហូតធ្លាក់ខ្លួនពិការ។

លោកក៏បានថ្លែងអំណរគុណ និងកោតសសើរ ចំពោះមេបញ្ជាការ មេបញ្ជាការរង អង្គភាព នាយទាហាន និងពលទាហាន យោធិនពិការគូលែន៣១៧សៀមរាប ដែលរក្សាបាននូវប្រពៃណី សីលធម៌ អត្តចរិក និង វិន័យរបស់កងយោធពលខេមរភូមិន្ទ ដោយកន្លងមកពុំដែល ធ្វើអំពើអ្វីមិនសមរម្យ បង្កការលំបាកដល់រាជរដ្ឋាភិបាលក្នុងការដោះស្រាយនោះឡើយ។

លោកក៏បានធ្វើការផ្តាំផ្ញើ ដល់យោធិនពិការទាំងអស់ ត្រូវខិតខំថែរក្សាសុខភាព និង សំខាន់ចូលរួមក្នុងការបង្ការទប់ស្កាត់ជម្ងឺរលាកផ្លូវដង្ហើមថ្មី (COVID-19) ដែលបង្កឡើងដោយវីរុសកូរ៉ូណាប្រភេទថ្មី សូមឲ្យបងប្អូនចូលរួមអនុវត្ត នូវវិធានការ ការពារ កូវីដ ១៩
(៣ ការពារ -ពាក់ម៉ាស -លាងដៃ -គម្លាតសុវត្ថភាពសង្គម និង គម្លាតសុវត្ថភាពបុគ្គល
៣កុំ -កុំចូកទៅកន្លែងបិតជិត គ្មានខ្យល់ចេញចូល និងប្រើម៉ាស៊ីនត្រជាក់ច្រើនពេក រកកន្លែងមានខ្យល់ចេញចូល
-កុំទៅកន្លែងមនុស្សច្រើនកុះករ-កុំប៉ះពាល់គ្នា កុំចាប់ដៃគ្នា កុំកៀកស្មាគ្នា កុំអោបគ្នាជាដើម)។

នាឱកាសនោះដែរ លោកឃឹម ប៊ុនសុង ក៏បាននាំយកអំណោយ សម្តេចទៀ បាញ់ នូវអង្ករ៥តោន និងថវិកា៥លានរៀល ជូនសម្រាប់ប្រើប្រាស់ក្នុងមជ្ឈមណ្ឌលអភិវឌ្ឍ យោធិនពិការ សម្ដេចតេជោ ហ៊ុន សែនគូលែន៣១៧សៀមរាប នឹងប្រគេនដល់វត្ត ព្រះខ័នសែនជ័យនូវ អង្ករចំនួន ៥០០គីឡូក្រាម ថវិកា១លានរៀល រួមទាំង ត្រីខ មី ប៊ីចេង ស្ករស ទឹកដោះគោ។ ចំណែកគ្រួសារ យោធិនពិការទាំង៣០៤គ្រួសារ ក្នុងមួយគ្រួសារទទួលបាន ត្រីខ,មី, ស្ករស,ប៊ីចេង,ទឹកដោះគោ និង ថវិកា៣ម៉ឺនរៀល និងផ្តល់ជូន សិស្សានុសិស្ស ចំនួន ៦៥៧ នាក់ ក្នុង ម្នាក់ ទទួលបានថវិកា ៥ពាន់រៀល សៀវភៅ២ក្បាល និង ប៉ិច១ដើម៕SRP