ខេត្តកំពង់ចាម៖អគ្គិភ័យ បានឆេះផ្ទះប្រជាពលរដ្ឋចំនួន៣ខ្នង នៅក្នុងភូមិថ្មី (ក) ឃុំរកាគយ ស្រុកកងមាស សង្ស័យឆ្លងចរន្តអគិ្គសនី ខណៈម្ចាស់ផ្ទះទៅចំការបាត់។
មន្ត្រីសមត្ថកិច្ចមូលដ្ឋាន បានឲ្យដឹងថា ករណីអគ្គីភ័យនេះ នៅវេលា ម៉ោង៨ និង៣០នាទី នៅថ្ងៃទី២១ ខែមីនា ឆ្នាំ២០២៣ នេះ។
ប្រភពបញ្ជាក់ថា ក្រោយបានឆាបឆេះអស់ ១ខ្នង របស់ផ្ទះឈ្មោះ ជា ឈាង ភេទប្រុស អាយុ ៨៣ឆ្នាំ ទាំងស្រុង ហើយបានរាលដាល ដល់ផ្ទះប្រជាពលរដ្ឋ ចំចំនួន២ខ្នងទៀតែមិនធ្ងន់ធ្ងរ។
សមត្ថកិច្ចបានបញ្ជាក់ថា ក្នុងហេតុការណ៍នេះ ជំនាញបានប្រេីប្រាស់ឡានអស់ ០៥គ្រឿង និងទឹកអស់ ០៨ឡាន ទេីបអាចគ្រប់គ្រងស្ថានការណ៍បានទាំងស្រុង។
តាមប្រភពបញ្ជាក់ទៀតថា ករណីនេះម្ចាស់ផ្ទះ បានទៅចំការបាត់ ស្រាប់តែដល់ម៉ោង ៨និង៣០នាទី ថ្ងៃទី២១ ខែមីនា នេះ មានការឆ្លងចរន្តអគ្គិសនី បង្កឲ្យចេញជាអណ្តាតភ្លេីងឆាប់ឆេះ នៅលេីផ្ទះ ទេីបអ្នកជិតផ្អេីលឆោឡោហៅអ្នកជិតខាងជួយពន្លត់ និងរាយការណ៍ ទៅសមត្ថកិច្ច ស្រុកកងមាស ភ្លាមៗ ដេីម្បី ជួយអន្តរាគមន៍ ប៉ុន្តែ ពុំបង្កឲ្យមនុស្សរងរបួស ឬគ្រោះថ្នាក់ អ្វីឡេីយ៕SRP