ខេត្តកំពង់ចាម៖អ្នកជល់មាន់ចំនួន ១១នាក់ រួមនឹងវត្ថុតាងមួយចំនួន ត្ត្រូវបានកម្លាំងសមត្ថកិច្ចខេត្តកកំពង់ចាម ឃាត់ខ្លួន ក្នុងប្រតិបត្តិការបង្ក្រាបល្បែងស៊ីសងជល់មាន់។
ការបង្ក្រាបធ្វើឡើងនៅចំណុចក្រោមដេីមស្វាយ ស្ថិតនៅភូមិកំពង់ស្ដីកណ្ដាល ឃុំកំពង់រាប ស្រុកកោះសូទិន ខេត្តកំពង់ចាម នៅថ្ងៃទី១២ ខែមីនា ឆ្នាំ២០២៣នេះ។
ប្រតិបត្តិការនេះ ដោយកម្លាំងជំនាញរបស់ផែនការងារនគរបាលព្រហ្មទណ្ឌ សហការជាមួយ នគរបាលស្រុកកោះសូទិន និងអាជ្ញាធរមូលដ្ឋាន ក្រោមបញ្ជារបស់លោកឧត្តមសេនីយ៍ត្រី ហេង វុទ្ធី ស្នងការនគរបាលខេត្តកំពង់ចាម។
សមត្ថកិច្ចបានឲ្យដឹងថាករណីនេះ ជនសង្ស័យ រួមនឹងវត្ថុតាងខាងលើ ត្រូវបានបញ្ជូនមកកាន់ស្នងការដ្ឋាននគរបាលខេត្តកំពង់ចាម ដើម្បីសាកសួរ និងកសាងសំណុំរឿងតាមនីតិវិធី៕SRP
