ខេត្តព្រះវិហារ៖ទីតាំងសិប្បកម្ម កែច្នៃ ផលអនុផលព្រៃឈើ ដោយអត់មានច្បាប់ ដ៏ធំជាងគេ ក្នុង ភូមិត្នោតម្លូរ ឃុំរបៀប ស្រុករវៀង ខេត្តព្រះវិហារ ត្រូវបានបង្ក្រាប។
ហេតុការណ៍ ធ្វើឡើងនៅរសៀលថ្ងៃទី ២១ខែមករា ឆ្នាំ២០២១ នេះ ដឹកនាំដោយមន្ត្រីសមត្ថកិច្ច ដោយលោក វុធ សាវី ព្រះរាជអាជ្ញា រងអមសាលាដំបូងខេត្ត តាមបញ្ជារបស់ លោក ទី សុវិន ថាល់ ព្រះរាជអាជ្ញាអមសាលាដំបូងខេត្តព្រះវិហារ។
លោក វុធ សាវី បានឲ្យដឹងថា ការបង្រ្កាបនេះ គឺមិនមានការយល់យោគ នោះទេ ដូចជា ឧបករណ៍ ផ្សេងៗ រួមទាំង ឈើប្រណិត ប្រភេទ ធ្នង់នឹងសុក្រំ មួយចំនួនធំ រឹបអូសទាំងអស់ ដោយដឹកយកទៅរក្សាទុកនៅ ផ្នែករដ្ឋបាលព្រៃ ឈើរវៀង ដើម្បីធ្វើការវាស់វែង នៅពេលក្រោយ៕SRP
