ខេត្តសៀមរាប៖ក្មេងទំនើង០៨នាក់ ត្រូវបានកម្លាំងអាវុធហត្ថស្រុកបន្ទាយស្រី ឃាត់ខ្លួន។
ការឃាត់ខ្លួននៅវេលាម៉ោង០៥ល្ងាចថ្ងៃទី០៩ ខែធ្នូ ឆ្នាំ២០២០ ដោយកម្លាំងមូលដ្ឋានអាវុធហត្ថស្រុកបន្ទាយស្រី ដឹកនាំដោយលោកអនុសេនីយ៍ឯក ស្រេង សូឡី នាយស្នាក់ការ៦៧១។
សមត្ថកិច្ចអាវុធហត្ថបានឲ្យដឹងថាការចុះបង្ក្រាបករណីក្មេងទំនើង នេះ ដោយសារតែពួកគេ ផឹកសុីស្រវឹង បង្កការអុកឡុក ជិះម៉ូតូជ្រែលើដងផ្លូវ បង្កទំនាស់ក្នុងភូមិ និងតាមទីសារណៈផងដែរ។
ទោះយ៉ាងណាក្រោយឃាត់ខ្លួន សមត្ថកិច្ច បានធ្វើការអប់រំ ណែនាំ និងធ្វើកិច្ចសន្យា រួចប្រគល់ជូន អាណាព្យាបាលយកទៅលំនៅដ្ឋានរៀងៗខ្លួនវិញ៕SRP
