ខេត្តសៀមរាប៖នគរបាលស្រុកអង្គរធំ នៅថ្ងៃទី ១៨ ខែវិច្ឆិកា ម្សិលមិញ បានឃាត់ខ្លួនបុរសម្នាក់ ពីបទ រំលោភសេពសន្ថវ: លើអនីតិជនអាយុក្រោម១៥ឆ្នាំ ។
ជនសង្ស័យ មានឈ្មោះ នី នាត ហៅ ណយ ភេទប្រុស អាយុ១៩ឆ្នាំ រស់នៅភូមិជប់សោម ឃុំពាក់ស្នែង ស្រុកអង្គរធំ ខេត្តសៀមរាប។
លោកវរសេនីយ៍ឯក ឆាយ ហាក់ឡុង អធិការអធិការដ្ឋាននគរបាលស្រុកអង្គរធំ បានអោយដឹងថា ករណីនេះបានកើតឡើង នៅអំឡុងឆ្នាំ២០១៨ ដល់ឆ្នាំ២០២០ នៅភូមិជប់សោម ឃុំពាក់ស្នែង ស្រុកអង្គរធំ ខេត្តសៀមរាប។
ជនរគ្រោះឈ្មោះ ជ. ច. អាយុ ១៣ឆ្នាំរស់នៅភូមិឃុំខាងលើ។
អធិការបានបញ្ជាក់ថា ជនសង្ស័យបានធ្វើសកម្មភាព ចាប់រំលោភជនរងគ្រោះចំនួន ១២លើក នៅលើផ្ទះចំនួន ០៤លើក និងនៅក្នុងព្រៃក្រោយផ្ទះចំនួន០៨លើក។
នៅចំពោះ សមត្ថកិច្ច ជនសង្ស័យបានសារភាពថា ពិតជាបានប្រព្រឹត្តពិតប្រាកដមែន។បច្ចុប្បន្ន ត្រូវបានកសាងសុំណុំរឿង បញ្ជូនទៅសាលាដំបូងខេត្ត ដើមដើម្បីអនុវត្តតាមផ្លូវច្បាប់៕SRP
