ព័ត៌មានជាតិ – Page 91

ខេត្តសៀមរាប៖តារាសម្ដែងប៊ូលីវូត លោកធ្លាប់បានសម្ដែងដើរតួជា «ព្រះពុទ្ធ»លើកទី១ របស់គាត់ វត្តមានលើកទី១ នៅលើទឹកដីកម្ពុជា ។ នេះបើយោងប្រភពពី ៖ វត្តរាជបូណ៌ ក្រុងសៀមរាប នៅថ្ងៃទី២០ ខែមីនា ឆ្នាំ២០២៤ ។

សូមបញ្ជាក់ថា ៖ លោក Gagan Malik (ហ្គាហ្កាន ម៉ាលីក) ជាតារាសម្ដែងប៊ូលីវូត លោកធ្លាប់បានសម្ដែងដើរតួជា «ព្រះពុទ្ធ» ។ ការមកដល់ប្រទេសកម្ពុជាយើង គឺជាលើកទី១ របស់គាត់ វត្តមានលើកទី១ នៅលើទឹកដីកម្ពុជា លោក Gagan Malik និងក្រុមការងារ បានអញ្ជើញមកខេត្តសៀមរាប ដើម្បីទស្សនាប្រាសាទអង្គរវត្ត និងបានអញ្ជើញចូលមកវត្តរាជបូណ៌ ក្រាបថ្វាយបង្គំ សម្ដេច ព្រះព្រហ្មរតនមុនី សិរីសុវណ្ណោ ពិន សែម ដើម្បីសម្ដែងនូវការគោរព និងការគួរសមដែលលោកបានមកដល់ប្រទេសកម្ពុជាយើង។

សូមជម្រាបថា ៖ កម្ពុជាជាទឹកដីសុវណ្ណភូមិ ជាពិសេសខេត្តសៀមរាប ជាខេត្តតំបន់ទេសចរណ៍ ដ៏មានឥទ្ធិពល តាមរយះ ប្រាសាទអង្គរវត្ត មានភាពល្បីល្បាញ លើសកលលោក និងប្រាសាទរាប់ពាន់ ដែលបុព្វបុរសខ្មែរជំនាន់បានកសាង ចារិក ទុកជាកេរដំណែលដ៏មានតម្លៃរបស់ជាតិ។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានលើកឡើងថា៖ ព្រះបរមវិស្ណុលោក ឬប្រាសាទអង្គរវត្ត គឺជាអច្ឆរិយៈវត្ថុដ៏មហស្ចារ្យរបស់ព្រះរាជាណាចក្រកម្ពុជា និងជាសម័យកាលដ៏រុងរឿងបំផុតនៅក្នុងប្រវត្តិសាស្ត្រខ្មែរ។ ប្រាសាទអង្គរវត្ត គឺជាសំណង់ស្ថាបត្យកម្ម គ្មានពីរលើលោក និងជាសំណង់ស្ថាបត្យកម្មបែបហិណ្ឌូ ដែលធំជាងគេលើពិភពលោក ដែលបានបង្ហាញអំពីស្នាដៃដ៏ល្អល្អះ រចនាប្ម័ថឥតខ្ចោះ និងជានិមិត្តរូបនៃអត្តសញ្ញាណរបស់កម្ពុជា។

ប្រាសាទអង្គរវត្ត នៅតែបន្តជាគោលដៅទេសចរណ៍វប្បធម៌ដ៏ល្បីល្បាញរបស់កម្ពុជា និងលើសកលលោក ដែលពោរពេញដោយ ភាពអស្ចារ្យ ដោយនាខែមីនានេះ នឹងមានព្រឹត្តិការណ៍អយនកាល ឬសមរាត្រី ( Equinox ) ចាប់ពីថ្ងៃទី២០ ដល់ថ្ងៃទី២៣ ខែមីនា ដោយព្រះអាទិត្យនឹងរះចំប្រាង្គកណ្តាលនៃប្រាសាទអង្គរវត្ត។

សូមកោតសរសើរដល់ផលិតករ ដែលបានផលិតវីដេអូបង្ហាញពីភាពអស្ចារ្យនៃប្រាង្គប្រាសាទអង្គរវត្ត ដោយប្រៀបបាននឹងឋានសួគ៌នាពេលព្រឹកព្រលឹម៕

Sponsored

មនុស្សចំនួន២នាក់ត្រូវបានកម្លាំងអាវុធហត្ថខេត្តបាត់ដំបង ចាប់ខ្លួនករណីប្រើប្រាស់ឯកសណ្ឋាន និងក្លែងបន្លំឯកសារកងទ័ព។

ការចាប់ខ្លួនធ្វើឡើងនៅថ្ងៃទី១៨ ខែមីនា ឆ្នាំ២០២៤
ស្ថិតភូមិព្រៃសង្ហា ឃុំខ្នាចរមាស ស្រុកបវេល ខេត្តបាត់ដំបង ដឹកនាំដោយលោកវរសេនីយ៍ឯក ហួត សុភាព មេបញ្ជាការរងទទួលការងារស្រាវជ្រាវព័ត៌មានសន្ដិសុខ កងរាជអាវុធហត្ថខេត្តបាត់ដំបង ដោយអនុវត្តបទបញ្ជាលោកឧត្តមសេនីយ៍ត្រី ហែម វុទ្ធី មេបញ្ជាការកងរាជអាវុធហត្ថខេត្តបាត់ដំបង និងដោយមានការសម្របសម្រួលនីតិវិធីពី លោក កែវ សុជាតិ ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង។

មន្ត្រីបានប្រាប់ថាជនសង្ស័យចំនួន០២នាក់៖ ១-ឈ្មោះ កាន់ យ៉ុង ភេទប្រុស អាយុ៥០ឆ្នាំ មុខរបរឃួងអណ្ដូង រស់នៅភូមិព្រៃសង្ហា ឃុំខ្នាចរមាស ស្រុកបវេល ខេត្តបាត់ដំបង។ ២-ឈ្មោះ សួង តារា ភេទប្រុស អាយុ៣៩ឆ្នាំ មុខរបរលក់ដូរ រស់នៅភូមិគោកក្ដួច ឃុំតាពូង ស្រុកថ្មគោល ខេត្តបាត់ដំបង។

មន្ត្រីបានបន្តថាការបង្ក្រាបនេះក្រុមកម្លាំងសមត្ថកិច្ចបានដកហូតវត្ថុតាង
– មួកកាសស្កេតពណ៌ត្រេអ៊ី ០២
– សម្លៀកបំពាក់យោធាលេខ០៣ (០២កំប្លេរ)
– ខ្សែក្រវ៉ាត់យោធា ០១
– ឋានន្ដរសក្ដិ០២គូ
– គ្រឿងឥស្សរិយស ០២ផ្ទាំង
– ស្លាកឈ្លោះ ០១ស្លាក
– សញ្ញាអគ្គបញ្ជាការ ០២
– សញ្ញាកងយោធពលខេមរភូមិន្ទ ០២
– ស៊ីងកាំភ្លើងពាក់កអាវ ០២គូ
– សញ្ញាកងការពារព្រំដែន ០១ (ក្រណាត់)
– សេចក្ដីសម្រេចតែងតាំង ០២សន្លឹក
– លិខិតបញ្ជាបេសកកម្ម ០១សន្លឹក
– Laptob ០១គ្រឿង
– រថយន្ដ ០១គ្រឿង ម៉ាក់ហាយឡិនឌឺពណ៌ទឹកប្រាក់សេរីឆ្នាំ២០០៤ ស្លាកលេខ ភ្នំពេញ2AG-8425
– លិខិតធានាមិនទាន់បំពេញ ០៣សន្លឹក។

បច្ចុប្បន្នជនសង្ស័យ និងវត្ថុតាង ត្រូវបានសមត្ថកិច្ចអនុវត្តចាត់ការតាមនីតិវិធី៕

Sponsored

ភ្នំពេញ៖សម្ដេចអធិបតីហ៊ុន ម៉ាណែត នាយករដ្ឋមន្ត្រី បានចេញបញ្ជាឲ្យសមត្ថកិច្ចពាក់ព័ន្ធទាំងអស់ ត្រួតពិនិត្យ លក្ខណៈបច្ចេកទេស ស៊ីផ្លេរថយន្ត ដើម្បីទប់ស្កាត់ភាពអនាធិបតេយ្យតាមដងផ្លូវសាធារណៈ។

តាមរយៈសារនៅលើប្រព័ន្ធបណ្ដាញសង្គម នៅព្រឹកថ្ងៃចន្ទនេះ សម្ដេច ហ៊ុន ម៉ាណែត បានធ្វើការអំពាវនាវនិងឲ្យអាជ្ញាធរសមត្ថកិច្ចធ្វើការទប់ស្កាត់ នៅរថយន្ត បំពាក់ស៊ីផ្លេខុសបច្ចេកទេស។

សម្ដេចបានសរសេរថា៖ ក្នុងរយៈពេលថ្មីៗនេះ ឃើញមានការបង្ហោះតាមបណ្តាញសង្គមមួយចំនួន ពាក់ព័ន្ធនឹងសកម្មភាពរបស់ប្រជាពលរដ្ឋ ជាពិសេសក្មួយៗយុវជននិងកុមារ ធ្វើសកម្មភាពរាំលេងតាមដងផ្លូវទៅតាមចង្វាក់ស៊ីផ្លេបែបភ្លេងរបស់រថយន្តធំៗ ដែលសកម្មភាពរាំលេងនេះធ្វើឱ្យប៉ះពាល់ដល់សណ្តាប់ធ្នាប់នៅតាមដងផ្លូវ ក៏ដូចជាបង្កហានិភ័យសម្រាប់ការធ្វើដំណើរ និងជាពិសេសអាចបណ្តាលឱ្យមានគ្រោះថ្នាក់ដល់ក្មួយៗតែម្តង។

ជាមួយគ្នានេះដែរ កម្លាំងសមត្ថកិច្ចតាមបណ្តាខេត្តមួយចំនួន បានចាត់វិធានការ ដោយបានធ្វើការណែនាំឱ្យអ្នកបើកបររថយន្តធំដោះស៊ីផ្លេខុសលក្ខណៈបច្ចេកទេសចេញ និងធ្វើការផ្លាស់ប្តូរស៊ីផ្លេវិញ ព្រមទាំងណែនាំដល់ក្មួយៗឱ្យបញ្ឈប់សកម្មភាពនេះ។ ប៉ុន្តែវិធានការនេះ ហាក់នៅមិនទាន់គ្រប់គ្រាន់នៅឡើយទេ។

ដើម្បីឲ្យការអនុវត្តវិធានការនេះកាន់តែមានប្រសិទ្ធភាពនិងកាន់តែទូលំទូលាយ ខ្ញុំសូមណែនាំដល់ក្រសួងសាធារណការ និងដឹកជញ្ជូន អគ្គស្នងការដ្ឋាននគរបាលជាតិ អាជ្ញាធររាជធានី-ខេត្ត និងស្នងការដ្ឋាននគរបាលរាជធានី-ខេត្ត ធ្វើការសហការគ្នា ត្រួតពិនិត្យ និងធ្វើការណែនាំពាក់ព័ន្ធនឹងលក្ខណៈបច្ចេកទេសស៊ីផ្លេរថយន្ត ដើម្បីទប់ស្កាត់ភាពអនាធិបតេយ្យតាមដងផ្លូវសាធារណៈ។ ជាពិសេសខ្ញុំសូមប្រគល់ភារកិច្ចជូនគណៈបញ្ជាការឯកភាពរដ្ឋបាល រាជធានី ខេត្ត ក្រុង ស្រុក ខណ្ឌ ធ្វើការណែនាំ និងចាត់វិធានការឱ្យបានតឹងរ៉ឹង ដើម្បីទប់ស្កាត់សកម្មភាពអនាធិបតេយ្យដែលប៉ះពាល់ដល់សណ្តាប់ធ្នាប់នៅតាមដងផ្លូវសាធារណៈ និងអាចបង្កឱ្យមានគ្រោះថ្នាក់ដល់អាយុជីវិតប្រជាពលរដ្ឋ។

ជាមួយគ្នានេះ ខ្ញុំក៏សូមអំពាវនាវដល់ក្រុមហ៊ុនដឹកជញ្ជូន ព្រមទាំងប្អូនៗ និងក្មួយៗដែលជាអ្នកបើកបររថយន្តធំៗ ត្រូវដាក់ស៊ីផ្លេឱ្យបានត្រឹមត្រូវតាមលក្ខណៈបច្ចេកទេសដែលក្រសួងសាធារណការ និងដឹកជញ្ជូន បានណែនាំ និងជៀសវាងការប្រើប្រាស់ស៊ីផ្លេដែលនាំឱ្យមានការលើកទឹកចិត្តដល់ប្រជាពលរដ្ឋ ជាពិសេសក្មួយៗ ធ្វើសកម្មភាពរាំលេងតាមដងផ្លូវ។

ជាចុងក្រោយ ខ្ញុំសូមអំពាវនាវដល់ប្រជាពលរដ្ឋ ជាពិសេសក្មួយៗ សូមបញ្ឈប់សកម្មភាពរាំលេងតាមដងផ្លូវតាមចង្វាក់ស៊ីផ្លេភ្លេងរបស់រថយន្តធំៗ ជៀសវាងគ្រោះថ្នាក់ និងបង្កភាពអនាធិបតេយ្យតាមដងផ្លូវ។ ហើយក៏សូមអាណាព្យាបាលចូលរួមសហការ និងធ្វើការណែនាំដល់ក្មួយៗឱ្យបញ្ឈប់សកម្មភាពរាំលេងតាមដងផ្លូវ៕

ខេត្តសៀមរាប៖ភ្ញៀវជាតិនិងអន្តរជាតិ ប្រមាណជាង 55 ម៉ឺននាក់ បានចូលរួមកម្សាន្ត ក្នុងពិធីបុណ្យទន្លេលើកទី៨ នៅខេត្តសៀមរាប។

នេះបើយោងតាម ស្ថិតិអ្នកទេសចរចូលរួមកម្សាន្តក្នុងពិធីបុណ្យទន្លេលើកទី៨ នៅខេត្តសៀមរាប ដែលមន្ទីរទេសចរណ៍ខេត្តសៀមរាបបានអះអាង។

ចំនួនភ្ញៀវទេសចរណ៍មានដូចខាងក្រោម៖

ថ្ងៃទី១ នាថ្ងៃទី១៥ ខែមីនា ឆ្នាំ២០២៤
* ទេសចរសរុបប្រមាណ ១៦០.២៧២ នាក់ ក្នុងនោះ
-ទេសចរជាតិ ប្រមាណ ១៥០.០០០ នាក់ ក្នុងនោះបងប្អូនប្រជាពលរដ្ឋក្នុងខេត្តសៀមរាប ប្រមាណ ៦៥.០០០ នាក់
-ទេសចរបរទេស ប្រមាណ ១១.២៧២ នាក់។

– ថ្ងៃទី២ នាថ្ងៃទី១៦ ខែមីនា ឆ្នាំ២០២៤
* ទេសចរសរុបប្រមាណ ២៩៦.២៧៩ នាក់ ក្នុងនោះ
-ទេសចរជាតិ ប្រមាណ ២៨៥.០០០ នាក់ ក្នុងនោះបងប្អូនប្រជាពលរដ្ឋក្នុងខេត្តសៀមរាប ប្រមាណ ១៥៨.០០០ នាក់
-ទេសចរបរទេស ប្រមាណ ១១.២៥៥ នាក់។

-ថ្ងៃទី៣ នាថ្ងៃទី១៧ ខែមីនា ឆ្នាំ២០២៤
*ទេសចរសរុបប្រមាណ ៩៦.២៤៣ នាក់ ក្នុងនោះ
– ទេសចរជាតិ ប្រមាណ ៨៥.០០០ នាក់
ក្នុងនោះបងប្អូនប្រជាពលរដ្ឋក្នុងខេត្តសៀមរាប ប្រមាណ ៥៨.០០០ នាក់
– ទេសចរបរទេស ប្រមាណ ១១.២៤៣ នាក់។

សរុបរយៈពេលបីថ្ងៃ ចាប់ពីថ្ងៃទី១៥-១៧ ខែមីនា ឆ្នាំ២០២៤ មានទេសចរសរុបប្រមាណ ៥៥៣.៧៩៤ នាក់ រួមមាន
– ទេសចរជាតិ ប្រមាណ ៥២០.០០០ នាក់ ក្នុងនោះបងប្អូនប្រជាពលរដ្ឋក្នុងខេត្តសៀមរាប ប្រមាណ ២៨១.០០០ នាក់
– ទេសចរបរទេស ប្រមាណ ៣៣.៧៧០ នាក់៕

Sponsored

ខេត្តសៀមរាប៖យុវជនម្នាក់បើកម៉ូតូបុកជាមួយរថយន្តបណ្ដាលឱ្យស្លាប់ភ្លាមៗ។

ហេតុការណ៍បានកើតឡើង នៅវេលាម៉ោង១៥និង៥០នាទី ថ្ងៃទី១៥ ខែមីនាឆ្នាំ២០២៤ នៅចំណុចផ្លូវជាតិលេខ៦ ស្ថិតក្នុងភូមិក្បូន ឃុំខ្ចាស់ ស្រុកសូទ្រនិគម ខេត្តសៀមរាប។

សមត្ថកិច្ចបានប្រាប់ថា គ្រោះថ្នាក់ចរាចរណ៍នេះ ដោយម៉ូតូម៉ាក HONDA SCOOPY ពណ៌ស ពាក់ផ្លាកលេខ សៀមរាប 1H- 4775 បើកបរដោយឈ្មោះនួន ភក្ដី ភេទប្រុស អាយុ២៤ ឆ្នាំ នៅភូមិដំដែកផ្សារ ឃុំដំដែក ស្រុកសូទ្រនិគម ខេត្តសៀមរាប បើកបរតែម្នាក់ឯង ក្នុងទិសដៅពីលិចទៅកើត បានបុករថយន្តម៉ាកHyudai ពណ៌ខៀវ ពាក់ផ្លាកលេខភ្នំពេញ 2H -1697 បើកបរក្នុងទិសដៅពីកើតទៅលិច បណ្ដាលឲ្យស្លាប់មនុស្សម្នាក់ជាអ្នកបើកបរម៉ូតូ។

សមត្ថកិច្ចបានបន្តថា ករណីនេះ ក្រោយកាត់ហេតុសមត្ថកិច្ចបានចុះទៅវាស់វែង និងប្រគល់សាកសពអោយក្រុមគ្រួសារ យកទៅធ្វើបុណ្យតាមប្រពៃណី ឯរថយន្ត និងម៉ូតូរក្សាទុកនៅអធិការនគរបាលស្រុក។ ចំណែកតៃកុងរថយន្តបានរត់គេចខ្លួនបាត់៕

ខេត្តសៀមរាប៖លោក Kim Jih Yuk នាយកក្រុមហ៊ុនBFLABS បានថ្លែងអំណរគុណយ៉ាងជ្រាលជ្រៅចំពោះ ឯកឧត្តម អភិបាលខេត្ត ដែលឆ្លៀតឱកាសដ៏មានតម្លៃអញ្ជេីញជួបសម្តែងការគួរសមនាពេលនេះ។

លោក នាយកក្រុមហ៊ុនបានបន្តថាគោលបំណងជួបនាពេលនេះ ដើម្បីពិភាក្សាក្នុងការអនុវត្តសាកល្បងគម្រោងសេវាកម្ម ទោចក្រយានយន្តអគ្គិសនី ដែលប្រើប្រាស់បច្ចេកវិទ្យាផ្លាស់ប្តូរអាគុយ ដោយមានការគាំទ្រពីក្រសួងដែនដី ហេដ្ឋារចនា សម្ព័ន្ធ និងដឹកជញ្ជូន នៃសាធារណរដ្ឋកូរ៉េ។ គម្រោងនេះ ក៏បានអនុវត្តនៅខេត្តស្វយ័តពិសេស Jeju នៃសាធារណរដ្ឋកូរ៉េ ជាតំបន់ទេសចរណ៍ដែលមានសក្តានុពលដូចជាខេត្តសៀមរាបផងដែរ។

លោក Kim Jih Yuk នាយកក្រុមហ៊ុន BFLABS មានប្រសាសន៍យ៉ាងដូច្នេះ ក្នុងឱកាស ជំនួបសម្តែងការគួសម និងការចុះហត្ថលេខាលេីលិខិតផ្តួចផ្តើមស្តីពីកិច្ចសហប្រតិបត្តិការលើគម្រោង K-City Network នៅសាលាខេត្តសៀមរាប នាថ្ងៃសុក្រនេះ។

នៅក្នុងជំនួប ឯកឧត្តម ប្រាក់ សោភ័ណ អអភិបាលខេត្តសៀមរាប បានថ្លែងអំណរគុណដល់ប្រតិភូ ដែលឆ្លៀតពេលដ៏មានតម្លៃ ដេីម្បីចូលរួមជួបសម្តែងកាតគួរសម ដេីម្បីពិភាក្សាការងារអំពីសាកល្បងគម្រោងសេវាកម្ម ទោចក្រយានយន្តអគ្គិសនីនេះ។

អអភិបាលខេត្ក៏បានឯកភាពគ្នាបង្កើតនូវលិខិតផ្តួចផ្តើមមួយ ក្នុងគោលបំណងដើម្បីអនុវត្តសាកល្បងគម្រោងសេវាកម្ម ទោចក្រយានយន្តអគ្គិសនីនៅខេត្តសៀមរាប ដេីម្បីកាត់បន្ថយនូវការបំពុលបរិស្ថាន។

សូមជម្រាបថា ជំនួបសម្តែងការគួរសម និងចុះហត្ថលេខាលេីលិខិតផ្តួចផ្តើម ស្តីពីកិច្ចសហប្រតិបត្តិការ លើគម្រោង K-City Network រវាងខេត្តសៀមរាប នៃព្រះរាជាណាចក្រកម្ពុជា ដឹកនាំដោយឯកត្តម ប្រាក់ សោភ័ណ អភិបាលខេត្ត និង ក្រុមហ៊ុន BFLABS Inc., VERYWORDS Inc., GreeGo Inc. នៃសាធារណរដ្ឋកូរ៉េ ដឹកនាំដោយលោក Kim Jih Yuk នាយកក្រុមហ៊ុន BFLABS ព្រមទាំងមានការចូលរួមពីលោក យុន លីនណេ អភិបាលរងខេត្ត នាយករងរដ្ឋបាល និងទីចាត់ការពាក់ព័ន្ធផងដែរ៕

Sponsored