«សម្ដេចតេជោ ហ៊ុន សែន ថ្លែងនៅវិមានសន្តិភាព នាព្រឹកថ្ងៃទី ២៥ខែ វិច្ឆិកា ឆ្នាំ២០២០»

ភ្នំពេញ៖ក្នុងពិធីអញ្ជើញ ជួបសំណេះសំណាល ជាមួយសមាជិក ក្រុមមេធាវីរាជរដ្ឋាភិបាល និងក្រុមមេធាវីស្ម័គ្រចិត្ត សម្តេចតេជោសែន នៅវិមានសន្តិភាព នាព្រឹកមិញ សម្តេច ហ៊ុន សែន បានថ្លែងថា៖ សម្តេចមិនខ្វល់ការរិះគន់សម្តេចផ្តល់ជំនួយម៉ាស់ និងបរិក្ខារពេទ្យទៅកាន់ប្រទេសឡាវ និងមីយ៉ាន់ម៉ានោះទេ។ សម្តេចតេជោ បានថ្លែងថា៖ នេះជាការចូលរួមជួយដល់មនុស្សជាតិ និងប្រទេសជាមិត្ត។ សម្តេចតេជោ ហ៊ុន សែន បានថ្លែងថា សម្តេចក៏ត្រៀមលក្ខណៈផ្តល់ជំនួយម៉ាស់ និងបរិក្ខារពេទ្យមួយចំនួនទៅកាន់ប្រទេសទីម័រខាងកើតផងដែរ។ កម្ពុជាមិនមែនធ្វើមនុស្សធម៌ត្រឹមម៉ាស់ និងបរិក្ខារពេទ្យនោះទេ តែកម្ពុជាបានធ្វើសកម្មភាពមនុស្សធម៌ទាំងសាច់ និងឈាម តាមរយៈបេសកកម្មរក្សាសន្តិភាពក្រោមឆ័ត្រអង្គការសហប្រជាជាតិទៀតផង។ កម្ពុជាប្រទេសក្រ តូចល្អិត តែមានបេះដូងមនុស្សធម៌ធំ មិនតូចនោះឡើយ។

នាយករដ្ឋមន្ត្រីបានរំលឹក ពីការចូលរួមទប់ស្កាត់ជំងឺកូវីដ១៩ ក្នុងព្រឹត្តិការណ៍៣វិច្ឆិកា ដែលកាលពីថ្ងៃទី២៣វិច្ឆិកា កន្លងទៅនេះ យើងបានបញ្ចប់រួចរាល់ហើយ តាមបណ្តាខេត្តមួយចំនួននោះ។ សម្តេចតេជោ ក៏សូមអរគុណចំពោះការចូលរួមរបស់អ្នកពាក់ព័ន្ធ ក្នុងព្រឹត្តិការណ៍៣វិច្ឆិកា ទាំងអស់ ដែលបានចូលរួមធ្វើចាត្ថាឡីស័ក គ្រប់ៗគ្នា ហើយសម្តេចតេជោ ក៏បន្តអំពាវនាវ ឱ្យគោរពវិធានការការពារ ជំងឺកូវីដ១៩ និងត្រូវរស់តាមគន្លងកូវីដ១៩។

សម្តេច ហ៊ុន សែន បានមានប្រសាសន៍ថា ឆ្នាំនេះយើងឆ្លងកាត់ការលំបាក ជាច្រើន ទាំងកូវីដ១៩ ទាំងទឹកជំនន់ និងព្រឹត្តិការណ៍៣វិច្ឆិកា ដែលធ្វើអោយសេដ្ឋកិច្ចយើង ជួបនូវភាពអវិជ្ជមាន តែទំហំនៃការនាំចេញរបស់យើងាកឺមានការកើនឡើង ១៨%។ សម្តេចបន្តទៀតថា ទោះជាយ៉ាងណាក៏ដោយ យើងត្រូវខិតខំបន្ថែមទៀត ដើម្បីសេដ្ឋកិច្ច និងភាពរីកចម្រើន របស់ប្រទេសយើង នាពេលខាងមុខ៕SRP

ខេត្តសៀមរាប៖យ៉ាងហោចណាស់មនុស្សម្នាក់បានស្លាប់និងម្នាក់ទៀតបានរងរបួសធ្ងន់ដោយសាររគ្រោះថ្នាក់ចរាចណ៍។

ហេតុការណ៍បានកើតឡើងថ្ងៃពុធទី២៥ ខែវិច្ឆិកា ឆ្នាំ២០២០ វេលាម៉ោង០៨និង៥៥នាទី ត្រង់ចំណុចផ្លូវបំបែកខាងកើតរបង អនុវិទ្យាល័យស្ពានត្នោត  ស្ថិតក្នុង ភូមិស្ពានត្នោត១ ឃុំស្ពានត្នោត ស្រុកជីក្រែង ខេត្តសៀមរាប លើផ្លូវជាតិលេខ៦ ចន្លោះបង្គោលគីឡូម៉ែត្រ២៤៥ទៅ២៤៦។

អធិការនគរបាលស្រុកជីក្រែង លោកវរសេនីយ៍ឯក សុខ សុទ្ធាវុធ​ បានឲ្យដឹងថាករណីនេះមានរថយន្តក្រុមហ៊ុនវិបុល អិចប្រេស ដឹកអ្នក ដំណើរ ម៉ាកFONTON   ស្លាកលេខភ្នំពេញAF- 7151ប្រភេទដឹកអ្នក ដំណើរធុនតូច ១៥កៅអី  ផលិតឆ្នាំ២០១៥ ពណ៌ស  អ្នកបើកបរមិនស្គាល់អត្តសញ្ញាណ ទិសដៅពីលិចទៅកើត បានបុកគោយន្តកន្រៃ្ត ម៉ាក KUBOTA ពណ៌ក្រហម  អ្នកបើកបរឈ្មោះ អ៊ាត ប៉េត  ភេទប្រុស អាយុ១៦ឆ្នាំ  មានទីលំនៅភូមិគរ ឃុំចំណាលើ ស្រុកស្ទោង ខេត្តកំពង់ធំ «បណ្ដាលឲ្យស្លាប់» នឹងអ្នករួមដំណើរ០២នាក់ទៀត ទី១.ឈ្មោះ ចាន់ អៀត ភេទប្រុស អាយុ៤១ឆ្នាំ ត្រូវជាឪពុក  ២.ឈ្មោះ អៀន សឿន ភេទស្រី អាយុ៤០ឆ្នាំ  ត្រូវជាម្ដាយ«របួសធ្ងន់» បញ្ជូនទៅព្យាបាលនៅមន្ទឺពេទ្យ មណ្ឌលសុខភាព ស្ពានត្នោត គោលបំណង អ្នកទាំង៣ឪពុកម្ដាយកូន ទៅស្រុកអន្លង់វែង ខេត្តឧត្ដរមានជ័យ ទិសដៅពីកើតទៅលិច លើផ្លូវជាតិលេខ៦។ ខូចខាតស្រាល រថយន្ត០១គ្រឿង គោយកន្រៃ្តស្រាល០១គ្រឿង។

មូលហេតុរថយន្តក្រុមហ៊ុនវិបុល អិចប្រេស ដឹកអ្នក ដំណើរ ម៉ាកFONTON ឡើងជេងវ៉ាក្នុងស្ថានភាពគ្រោះថ្នាក់។ បន្ទាប់ពីបុក អ្នកបើកបររថយន្តគេចខ្លួនបាត់ បន្សល់ទុកតែរថយន្ត។ ក្រោយកើតហេតុកម្លាំងជំនាញចុះវាស់វែង រៀបចំតាមនិតិវិធីច្បាប៕SRP

ភ្នំពេញ៖នាយករដ្ឋមន្ត្រី ហ៊ុន សែន និងនាយករដ្ឋមន្ត្រីប្រទេសវៀតណាម លោក ង្វៀង សួនហ្វ៊ុក នៅថ្ងៃទី ២៤ ខែវិច្ឆិកាឆ្នាំ ២០២០ បានសន្ទនា តាមប្រព័ន្ធ វិដេអូ ដើម្បីពិភាក្សាលើមធ្យោបាយ និងវិធានការនានា ដើម្បីជំរុញបន្ថែមទៀត នៅទំនាក់ទំនងទ្វេភាគី នឹងផ្លាស់ប្ដូរទស្សនៈលើបញ្ហាតំបន់ និងពិភពលោក ដែលជាក្ដីកង្វល់និងផលប្រយោជន៍រួម រាប់បញ្ចូលទាំងកិច្ចសហការក្នុងការប្រយុទ្ធប្រឆាំងនឹងជំងឺកូវីត-១៩។ ក្នុងកិច្ចសន្ទនា របស់នាយករដ្ឋមន្ត្រី ក៏បានជំរុញពាណិជ្ជកម្ម និងវិនិយោគទ្វេទិស រវាងប្រទេសទាំងពីរផងដែរ។  នេះបើតាមសេចក្ដីប្រកាសព័ត៌មានរបស់ ក្រសួងការបរទេសនិងសហប្រតិបត្តិការអន្តរជាតិ៖

ភ្នំពេញ៖ករណីវិវាទដីធ្លីមួយដែលបានអូសបន្លាយ ជាង២ឆ្នាំ ត្រូវបាន លោកដួង តារា និងមន្ត្រីខេត្តកំពត រួមគ្នាដោះស្រាយ បញ្ចប់ តាមគោលនយោបាយ ឈ្នះឈ្នះ របស់សម្តេចតេជោ ហ៊ុន សែន នាយករដ្ឋមន្ត្រី។

លោកដួង តារា អនុរដ្ឋលេខាធិការទីស្ដីការគណៈរដ្ឋមន្ត្រីនិងជាជំនួយការផ្ទាល់ សម្ដេច ហ៊ុន សែន បានសរសេរសារ នៅលើទំព័រហ្វេសប៊ុកថា៖ «បងប្អូនបានអ្វីឆ្ងាញ់ល្ងាចនេះ? ខ្ញុំទើបបានដាក់ Pho ១ចានដែរមុននេះបន្តិច»។

លោកដួង តារា បានសរសេរថា៖
នៅថ្ងៃទី ២៤ វិច្ឆិកាព្រឹកមិញនេះ ខ្ញុំនឹងអាជ្ញាធរខេត្តកំពត រួមមានលោកអភិបាលរងខេត្ត សេង សិរីបុត្រ, លោកអភិបាលស្រុកឈូក ខៀវ ឬទ្ធិភ័ណ្ណ, លោកអនុប្រធានមន្ទីរសុរិយោដីខេត្ត ផេង កល, លោកប្រធានការិយាល័យភូមិបាលស្រុកឈូក ប៉ែន ភក្ត្រាវុឌ្ឍន៍ និងមន្រ្តីជាច្រើនរូបទៀតបានចូលរួមអបអរសាទរក្នុងកម្មវិធីប្រគល់ឯកសារដីធ្លី ជូនប្រជាពលរដ្ឋ ដែលខ្ញុំបានសម្របសម្រួល ដោះស្រាយបញ្ចប់វិវាទក្រៅប្រព័ន្ធ តុលាការ ឈរលើគោលការណ៍ឈ្នះ-ឈ្នះសម្តេចតេជោ កាលពីថ្ងៃទី ២៩ កក្កដា ២០២០ ដែលមានភាគីក្រុមគ្រួសារលោកស្រី ស៊ឹម ផល្លា (មាន៤គ្រួសារ) និង លោក ស៊ុយ វុឌ្ឍី និងភរិយាឈ្មោះ យី សុភី (១គ្រួសារ) ដែលមានទំនាស់ដីធ្លីទំហំ២៤ហិកតា ស្ថិតនៅ ភូមិតេជោក្បាលដំរី ឃុំតេជោអភិវឌ្ឍន៍ ស្រុកឈូក ខេត្តកំពត។ វិវាទនេះគឺមានរយៈពេលជាង២ឆ្នាំមកហើយ។

ឯកសារដែលអាជ្ញាធរខេត្តបានប្រគល់ជូនបងប្អូនប្រជាពលរដ្ឋ គឺដើម្បីយកទៅបង់ពន្ធដីធ្វើប័ណ្ណកម្មសិទ្ធិ(ប្លង់រឹង)ជាផ្លូវការដើម្បីជៀសវាងបញ្ហាទៅថ្ងៃក្រោយ។

ខ្ញុំសូមអរគុណដល់មន្រ្តីខេត្តកំពតនិងអាជ្ញាធរពាក់ព័ន្ធ ទាំងអស់ដែលបានសហការចូលរួមសម្របសម្រួល ដោះស្រាយ ករណីវិវាទខាងលើ ដោយអត់ធ្មត់បំផុតរហូតទទួលបាន ជោគជ័យនៅថ្ងៃនេះ។

ខ្ញុំបាទផ្ទាល់ សូមគោរពអរគុណយ៉ាងជ្រាលជ្រៅ បំផុត ដល់សម្តេចតេជោនាយករដ្ឋមន្រ្តី ដែលផ្តល់នូវឱកាសដល់រូបខ្ញុំ បាទបានចូលរួមដោះស្រាយបញ្ចប់វិវាទដីធ្លី ក្រៅប្រព័ន្ធតុលាការឈរលើគោលការណ៍ ឈ្នះ-ឈ្នះសម្តេចតេជោ។

យើងចូលរួមកសាងអំពើល្អ ចែករំលែកក្តីស្រឡាញ់និងស្នាមញញឹម និង សូមមានចិត្តអាណិតស្រឡាញ់ ពលរដ្ឋយើងគ្រប់ទីកន្លែង ដោយគ្មានការរើសអើង៕SRP

ភ្នំពេញ៖លិខិតចំហ គោរពជូនឯកឧត្តម Patrick Murphy ឯកអគ្គរដ្ឋទូតវិសាមញ្ញ និងពេញសមត្ថភាព នៃសហរដ្ឋអាមេរិក ប្រចាំព្រះរាជាណាចក្រកម្ពុជា៖ «ព័ត៌លំអិតខាងក្រោម»

ខេត​ត្បូងឃ្មុំ៖មុខសញ្ញា​លួច​និង​ប្លន់​ដ៏សកម្ម​ម្នាក់ បាន​ត្រូវ​នគរបាល​ការិយាល័យ​ ព្រហ្មទណ្ឌ កម្រិតធ្ងន់ខេត្ត សហការ​ជា មួយ នគរបាលស្រុកពញាក្រែក ចាប់ខ្លួននៅថ្ងៃទី២២ ខែវិច្ឆិកា ឆ្នាំ​២០២០នេះ។

ការ​ចាប់​ខ្លួននេះ គឺ​យោង​តាម​ដីកា​លេខ៦៧៣(​គ​) ចុះចុះថ្ងៃទី២៤ ខែកញ្ញា ឆ្នាំ​២០២០ ចេញដោយយ​ លោក សាយ សម្ផស្ស​សេរី ចៅក្រម​ស៊ើបសួរ​នៃ​សាលាដំបូង​ខេ​ត្ក​កំពង់ចាម បង្គាប់​ឱ្យ​ចាប់ខ្លួន​ឈ្មោះ ចិន សា​រក្ស ភេទ​ប្រុស អាយុ​២៤​ឆ្នាំ នៅ​ភូមិ​ត្រពាំង​ផ្លុ​ង​ទី​១ ឃុំ​ត្រពាំង​ផ្លុ​ង ស្រុក​ពញាក្រែក ពី​បទ​លួច​មាន​ស្ថាន​ទម្ងន់ទោស ប្រព្រឹត្ត​នៅ​ភូមិ​ថ្នល់​បែក​កើត ឃុំ​ស្វាយ​ទាប ស្រុក​ចំការលើ ខេត្តកំពង់ចាម។

អធិការ​នគរបាល​ស្រុក​ពញាក្រែក​រំលឹក​ថា ជន​ឈ្មោះ​សា​រក្ស គឺជា​មុខសញ្ញា​លួច​និង​ប្លន់ ដ៏សកម្ម តាំងពី​គ្រា​ ដែលមិនទាន់បំបែក ខេត្តកំពង់ចាម ម្ល៉េះ ហើយ​ក៏​ធ្លាប់​ត្រូវ​បាន​កម្លាំង​នគរបាល​ ចាប់ខ្លួននៅចុងឆ្នាំ២០១៤ ដាក់​ពន្ធនាគារ​ខេត្ត​រហូត​ដល់​២០១៨ ទើបត្រូវ​បាន​ដោះ​លែង​ តែជននេះមិនបានកែខ្លួននោះទេ ពេល​ចេញ​មក​វិញ​បាន​ដើរ​តាម​គន្លង​ចាស់​ដដែល។ ថ្វី​ដ្បិត​ជន​នេះ​មាន​ទីលំនៅ​ក្នុង​ឃុំ​ត្រពាំង​ផ្លុ​ង ស្រុក​ពញាក្រែក ក៏​ពិតមែន តែ​មិន​បាន​នៅ​ជា​អចិន្ត្រៃយ៍​ទេ គេ​តែងតែ​លួច​ចូល​លំនៅ​ឋាន​ដោយ​ស្ងាត់​ៗ​ ដូចអំពិលអំពែក។ សុំបញ្ជាក់ ជននេះ ត្រូវបានប្រគល់ ឲ្យ នគរបាល ព្រហ្មព្រហ្មទណ្ឌកម្រិតធ្ងន់ ខេត្តកំពង់ចាម មក​ទទួល ដើម្បី​ចាត់ការ​បន្ត៕SRP

ខេត្តសៀមរាប៖ករណីស្រ្តី៣នាក់ ជួញដូរ សត្វត្រចៀកកាំ.ខុសច្បាប់ នៅផ្សារលើធំថ្មី ក្នុងសង្កាត់ស្លក្រាម ក្រុងសៀមរាប ត្រូវបានអស់ល័ក្ខហើយ បន្ទាប់ពីមន្ត្រីជំនាញចុះរឹបអូស សត្វត្រចៀកកាំ បោចរោមរួច សរុប ២៥០ក្បាល និងចាប់ផាកពិន័យទៅផ្លូវច្បាប់។

នេះបើយោងតាមមន្ត្រីជំនាញបានថ្លែងប្រាប់បណ្ដាញសារព័ត៌មាននៅថ្ងៃទី ២៤ ខែវិច្ឆិកា នេះ។

សមត្ថកិច្ចថ្លែងថា ស្ត្រីទាំង៣នាក់នេះ ទី១មាន ឈ្មោះ រៀម ស៊ីណាត អាយុ៣៣ឆ្នាំ

ទី២ឈ្មោះ សុខ ស្រីនាថ អាយុ ៣០ឆ្នាំ

ទី៣ឈ្មោះ ម៉ន សាវឿន អាយុ ២៩ ឆ្នាំ។

ស្ត្រីខាងលើ បានប្រាប់មន្ត្រីថា
សត្វត្រចៀកកាំ ទាំងនោះ គឺពួកគេបានទិញ ពីពលរដ្ឋ នៅក្នុងមូលដ្ឋាន ដែលពួកគេខ្លះ បានប្រើលប់ ខ្លះប្រើមង រាយប៉ប្រះលើផ្ទៃទឹក ដើម្បីចាប់វា។

បើតាមកម្លាំងមន្ត្រីជំនាញថា នឹងបន្តកិច្ចសហការ ជាមួយអាជ្ញាធរមូលដ្ឋានចុះ បង្ក្រាបករណី រាយមង ឬសំណាញ់ ចាប់សត្វត្រចៀកកាំ ទៅដល់មូលដ្ឋានតែម្ដង។ បើមិនដូច្នោះទេ សត្វត្រចៀកកាំ នឹងឈានទៅផុតពូជ មិនខាន»។
គួរបញ្ជាក់ថា នៅខេត្តសៀមរាប
មានកន្លែងចិញ្ចឹមសត្វ ត្រចៀកកាំជាច្រើនកន្លែង គេមិនទាន់ដឹងថា មានលិខិតអនុញ្ញាតដែរឬយ៉ាងណានោះទេ៕SRP

ទីតាំងលក់សំបកកង់រថយន្តយីហោ លួង ឃីន

ខេត្តសៀមរាប៖ប្រជាពលរដ្ឋបានដាក់ពាក្យបណ្ដឹងប្ដឹង លោកលួង ឃីន ថៅកែលក់សំបកង់រថយន្ត ខាងកើតផ្សារលើធំថ្មី ទៅសាលាក្រុងសៀមរាប  ករណីសង្ស័យ សាងសង់សំណង់ ពុំមានច្បាប់អនុញ្ញាត។ នេះបើយោងតាមពាក្យបណ្ដឹងចុះថ្ងៃទី១១ ខែវិច្ឆិកា ឆ្នាំ២០២០ ដែល«បណ្ដាញសៀមរាបប៉ុស្ដិ៍ ទទួលបាន» ខាងក្រោមនេះ សម្លេងម្ចាស់បណ្ដឹង៖

ក្នុងពាក្យបណ្តឹងបានបញ្ជាក់ថា«ខ្ញុំឈ្មោះ ម៉ក់ សំអឿន និងប្រពន្ធឈ្មោះ ប្រាក់ សុផល»

អាស័យដ្ឋានបច្ចុប្បន្ន នៅផ្លូវសុខសាន្ត ភូមិស្ទឹងថ្មី សង្កាត់ស្វាយដង្គំ ក្រុងសៀមរាប ខេត្តសៀមរាប លេខទូរស័ព្ទទំនាក់ទំនង : ០១២ ៦៣០ ២៩០, ០១៦ ៦៣៦ ១៣៨

សូមគោរពជូន

«លោក អភិបាល នៃគណៈអភិបាលក្រុងសៀមរាប»

កម្មវត្ថុ៖សុំប្តឹងឈ្មោះ លួង ឃីន ម្ចាស់ក្បាលដីលេខ២៨១ ស្ថិតក្នុងភូមិដកពោធិ៍ សង្កាត់ស្លក្រាម ក្រុងសៀមរាប ខេត្តសៀមរាប ករណីសង្ស័យសាងសង់សំណង់ពុំមានច្បាប់អនុញ្ញាត។

សេចក្តីដូចមានចែងក្នុងកម្មវត្ថុខាងលើ ខ្ញុំសូមគោរពជម្រាបជូន លោក អភិបាល នៃគណៈ អភិបាលក្រុងសៀមរាប មេត្តាជ្រាបថា៖ ខ្ញុំជាម្ចាស់ក្បាលដីលេខ២៦៨ បានសង្កេតឃើញថា ឈ្មោះ លួង ឃីន ជាម្ចាស់ក្បាលដីលេខ២៨១ កំពុងសាងសង់សំណង់បន្ថែមលើសំណង់ចាស់ ដែលមានគ្រោងឆ្អឹង ដែកខ្ពស់ទៅលើ ហាក់មិនមានភាពរឹងមាំ សំណង់ដល់ព្រំរបងនិងមិនមានហ៊ុំព័ទ្ធ សំណាញ់ការពារជុំវិញ ការដ្ឋានឡើយ។ មិនតែប៉ុណ្ណោះសំណង់នេះ មានកម្ពស់ ដល់ទៅដប់ពីរម៉ែត្រ ដែលធ្វើឲ្យរំខានដល់ការធ្វើអាជីកម្មរបស់យើងខ្ញុំ។ ដោយមានការព្រួយបារម្ភពីសុវត្ថិភាព យើងខ្ញុំសូមគោរពស្នើសុំលោក អភិបាល នៃគណៈ អភិបាលក្រុង មេត្តាចាត់មន្ត្រីជំនាញ ដើម្បីចុះពិនិត្យលក្ខណៈបច្ចេកទេស និងមានវិធានការផ្លូវច្បាប់ ក្នុងករណីសំណង់នេះ ពុំមានលិខិតអនុញ្ញាតសាងសង់ និងណែនាំម្ចាស់សំណង់ ឱ្យអនុវត្ត ឱ្យបាន ត្រឹមត្រូវតាមច្បាប់និងលិខិតបទដ្ឋានគតិយុត្ត នានាដែលនៅជាធរមាន។

អាស្រ័យហេតុដូចបានគោរពជម្រាប ជូនខាងលើ សូមលោកអភិបាល នៃគណៈ អភិបាលក្រុង មេត្តាពិនិត្យ និងសម្រេចដោយអនុគ្រោះ សូម លោក អភិបាលក្រុង មេត្តាទទួលនូវការគោរពអំពីខ្ញុំ។

ជុំវិញការរងបណ្ដឹងពីពលរដ្ឋនេះ លោក លួង ឃីន ម្ចាស់ទីតាំងលក់បំបកកង់រថយន្តបានប្រាប់បណ្ដាញសៀមរាបប៉ុស្ដិ៍ តាមទូរស័ព្ទថា៖ ខាងក្រោមនេះសម្លេង លោក លួង ឃីន៖

ជុំវិញការសាងសង់សំណង់នេះ លោក ស៊ី សាយ ប្រធាន មន្ទីររៀបចំដែនដីនគរូបនីយកម្មសំណង់និងសុរិយោដីខេត្តសៀមរាប បាន គូរបញ្ជាក់ថា៖ ខ្ញុំ អោយមន្ត្រីជំនាញចុះទៅមើល»៕SRP

ភ្នំពេញ៖នាយឧត្ដមសេនីយ៍ វង្ស ពិសេន អគ្គមេបញ្ជាការកងយោធពលខេមរភូមិន្ទ បានថ្លែងថា «ត្រូវចូលរួមការពារសន្តិភាព ឱ្យបានដាច់ខាត ទោះក្នុងតម្លៃណាក៏ដោយ» និងត្រូវយកចិត្តទុកដាក់កសាងធនធានមនុស្ស សម្រាប់ជាប្រភពបន្តវេនទៅថ្ងៃអនាគត រួមទាំងការពិនិត្យឱ្យបានត្រឹមត្រូវ ការតម្លើងឋានន្តរសក្ដិ សមស្របតាមមុខតំណែង ច្បាប់លក្ខន្តិកៈរបស់ កងយោធពលខេមរភូមិន្ទ និងជំរុញការគ្រប់គ្រងអចលនទ្រព្យរបស់រដ្ឋ នៅតាមបណ្ដាកងឯកភាពឱ្យបានល្អ។

លោកនាយឧត្ដមសេនីយ៍ វង្ស ពិសេន ក៏បានថ្លែងការកោតសរសើរ និងវាយតម្លៃខ្ពស់ ចំពោះកងយោធពលខេមរភូមិន្ទ គ្រប់បណ្ដាប្រភេទទ័ព ដែលបានយកចិត្តទុកដាក់អនុវត្តន៍ តួនាទីភារកិច្ចការពារបូរណភាពទឹកដី ជាពិសេសបានចូលជ្រៅដល់ដំណើរការ កំណែទម្រង់កងយោធពលខេមរភូមិន្ទ និយាយជារួម និងនិយាយដោយឡែក បញ្ជាការដ្ឋានកងទ័ពជើងគោក ដែលបានខិតខំជម្នះគ្រប់ឧបសគ្គ និងសម្រេចបានលទ្ធផលគួរជាទីមោទន និងបានអបអរសាទរ និងវាយតម្លៃខ្ពស់ ចំពោះសកម្មភាពស្នាដៃរបស់ ឧត្ដមសេនីយ៍ឯក ខឹមជា សាឃឿន ដែលបានខិតខំយកអស់ស្មារតីទទួលខុសត្រូវក្នុងកិច្ចការបំរើជាតិ មាតុភូមិ នាពេលកន្លងមក។

លោកថ្លែងយ៉ាងដូច្នេះ ក្នុងពិធីប្រកាស លោក ខឹមជា សាឃឿន ត្រូវបានប្រកាស ចូលកាន់មុខតំណែង នាយសេនាធិការកងទ័ពជើងគោក នៅថ្ងៃទី២៣ ខែវិច្ឆិកា ម្សិលមិញ នៅបញ្ជាការដ្ឋានកងទ័ពជើងគោក។

ក្នុងរបាយការណ៍ស្វាគមន៍ របស់លោកឧត្ដមសេនីយ៍ឯក ហ៊ុន ម៉ាណែត អគ្គមេបញ្ជាការរង និងជាមេបញ្ជាការកងទ័ពជើងគោក បានគូសបញ្ជាក់ពីការរីកចម្រើន លើគ្រប់ផ្នែក របស់ បញ្ជាការដ្ឋានកងទ័ពជើងគោក ដែលមានភាពម្ចាស់ការ បំពេញភារកិច្ចស្នូល ការងារហ្វឹកហ្វឺន ការចូលរួមស្តារ អភិវឌ្ឍន៍សង្គមជាតិ រួមទាំងកិច្ចសហការ ការពារ សន្តិសុខសណ្តាប់ធ្នាប់ និងការថែរក្សាសន្តិភាព ស្ថិរភាពនយោបាយ។

សូមជម្រាបថា នាយករដ្ឋមន្ត្រី ហ៊ុន សែន បានចេញអនុក្រឹត្យ ប្រកាសតែងតាំងមុខតំណែង ឧត្ដមសេនីយ៍ឯក ខឹមជា សាឃឿន ជាមេបញ្ជាការរង និងជានាយសេនាធិការ បញ្ជាការដ្ឋានកងទ័ពជើងគោក ជំនួស នាយឧត្ដមសេនីយ៍ ជា សារ៉ន ដែលត្រូវទៅទទួលភារកិច្ចថ្មីជា រដ្ឋលេខាធិការ ក្រសួងការពារជាតិ៕SRP

ភ្នំពេញ​៖នាយករដ្ឋមន្ត្រី ហ៊ុន សែន នៅថ្ងៃទី២៤ ខែវិច្ឆិកា ឆ្នាំ២០២០នេះ បានប្រកាស បរិច្ចាគ ​ម៉ាស ២​លាន និង​សម្ភារៈ​វេជ្ជសាស្ត្រ​មួយចំនួនទៀត ជូន​ដល់​រដ្ឋាភិបាល និង​ប្រជាជន​មី​យ៉ាន់​ម៉ា​។

នាយករដ្ឋមន្ត្រី សម្តេច​តេ​ជោ ហ៊ុន សែន បាន​ចាត់តាំង រដ្ឋមន្ត្រី​ក្រសួងសុខាភិបាល លោក ម៉ម ប៊ុនហេង នាំយក​អំណោយ​ទាំងនេះ ទៅកាន់​រដ្ឋធានី​ណៃ​ពិដោរ នៅ​ថ្ងៃទី​២៦ ខែវិច្ឆិកា ឆ្នាំ​២០២០ តាម​យន្តហោះ​ពិសេស​។​

​ក្នុង​លិខិត​ជម្រាបជូន ​លោកជំទាវ អោ​ង សាន ស៊ូ​ជី ទីប្រឹក្សា​រដ្ឋ សាធារណរដ្ឋ ​សហភាព​មី​យ៉ាន់​ម៉ា សម្តេច​ ហ៊ុន សែន លើកឡើងថា «​ខ្ញុំ​សូម​សំដែង​ជាថ្មី​ម្តងទៀត ​នូវ​ការអបអរសាទរ​ដ៏​ស្មោះស្ម័គ្រ​ ជូន​លោកជំទាវ​ចំពោះ​ជ័យជំនះ​យ៉ាង​ភ្លូកទឹកភ្លូកដី ​របស់​គ​ណ​បក្ស​សម្ព័ន្ធ ជាតិ​ដើម្បី​លទ្ធិប្រជាធិបតេយ្យ ក្នុងការ​បោះឆ្នោត​សកល​នៅ​មី​យ៉ាន់​ម៉ា នាពេល​ថ្មីៗ​នេះ ដែល​បាន​ឆ្លុះបញ្ចាំង​ពី​ភាពជា​អ្នកដឹកនាំ​ ពោរពេញ​ដោយ​សមត្ថភាព ​របស់លោក​ជំទាវ ​ក្នុង​ការដឹកនាំ​មី​យ៉ាន់​ម៉ា ឆ្ពោះទៅរក​ភាព​រីកចម្រើន​ដ៏​ប្រសើរ​ក្នុង​កិច្ច​ផ្សះផ្សារ និង​កសាង​ជាតិ​។ ខ្ញុំ​ក៏​សូម​អះអាង​ជាថ្មី​នូវ​ការប្តេជ្ញាចិត្ត ​ធ្វើ​ធ្វើការ​យ៉ាង​ជិតស្និទ្ធ​ ជាមួយ​លោកជំទាវ ក្នុង​ក្របខណ្ឌ​ទ្វេភាគី និង​តំបន់ ដើម្បី​នាំមក​នូវ​ផលប្រយោជន៍​ ជាក់ស្តែង​កាន់តែច្រើន​ថែមទៀត សម្រាប់​ប្រទេស​យើង​ទាំងពីរ និង​វិបុលភាព​ដ៏​ធំធេង​សម្រាប់​សហគមន៍​អាស៊ាន​»​។​

​សម្តេច ហ៊ុន សែន បាន​បន្ថែមថា «​ក្នុង​ស្មារតី​មិត្តភាព និង​សាមគ្គីភាព​ដ៏​យូរអង្វែង ក៏ដូចជា​ការ​រួមដៃគ្នា​ជាមួយ​លោកជំទាវ ក្នុង​កិច្ចខិតខំ​ប្រឹងប្រែង​បង្ការ​ការរីក​រាលដាល​ជំងឺ​កូ​វីដ​១៩ តាងនាម​រាជរដ្ឋាភិបាល​នៃ​ព្រះរាជាណាចក្រ​កម្ពុជា ខ្ញុំ​សូម​ធ្វើការ​បរិច្ចាគ​នូវ​ម៉ាស​ចំនួន ២.០០០.០០០ ( ពីរលាន ) និង​សម្ភារៈ​វេជ្ជសាស្ត្រ​មួយចំនួនទៀត ដូច​មាន​ក្នុង​បញ្ជីរាយនាម ជូន​ដល់​រដ្ឋាភិបាល និង​ប្រជាជន​មី​យ៉ាន់​ម៉ា​។

ទន្ទឹមនេះ ខ្ញុំ​បាន​ចាត់តាំង ​ឯកឧត្តម សាស្ត្រាចារ្យ ម៉ម ប៊ុនហេង រដ្ឋមន្ត្រី​ក្រសួងសុខាភិបាល នាំយក​អំណោយ​ទាំងនេះ ទៅកាន់​រដ្ឋធានី​ណៃ​ពិដោរ នៅ​ថ្ងៃទី​២៦ ខែវិច្ឆិកា ឆ្នាំ​២០២០ តាម​យន្តហោះ​ពិសេស​។ ជាមួយនឹង​កិច្ចខិតខំ​ប្រឹងប្រែង​រួម​នេះ ខ្ញុំ​មាន​ជំនឿ​យ៉ាង​មុតមាំ​ថា យើង​នឹង​ទទួលបាន​នូវ​ជោគជ័យ ក្នុងការ​ប្រយុទ្ធប្រឆាំង​នឹង​ជំងឺ​កូ​វីដ​១៩ ហើយ​យើង​នឹង​ងើប​ឡើងវិញ​យ៉ាងរឹងមាំ​ជាមួយគ្នា​»​។​

​សូមរំលឹកថា កាលពី​ថ្ងៃទី​១៦ ខែវិច្ឆិកា ឆ្នាំ​២០២០ នាយករដ្ឋមន្ត្រី ហ៊ុន សែន ក៏បាន​ចាត់តាំង​សម្តេច​ពិជ័យ​សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ ព្រមទាំង​ថ្នាក់ដឹកនាំ​មួយចំនួនទៀត នាំយក​ម៉ាស​ជាង ២​លាន និង​សម្ភារពេទ្យ​មួយចំនួនទៀត ដឹក​តាម​យន្តហោះ​ពិសេស យកទៅ​ជូន​រដ្ឋាភិបាល​ឡាវ នៅ​ទីក្រុង​វៀងចន្ទន៍ ផងដែរ​៕​SRP