ខេត្តសៀមរាប៖ក្រុមមន្ត្រីមូលដ្ឋានបាននិយាយថា ជនជាតិចិនមួយរូបបានស្លាប់ដោយសារដួលក្នុងបន្ទប់ទឹក។

ហេតុការណ៍ភ្ញាក់ផ្អើលបានកើតឡើង នៅចំណុចព្រលានយន្តហោះថ្មី ស្ថិតនៅភូមិប្រវ៉ាល ឃុំតាយ៉ែក ស្រុកសូទ្រនិគម។

មន្ត្រីបាននិយាយទៀតថា ជនរងគ្រោះ ឈ្មោះGUAN XINGUO ភេទប្រុស អាយុ៥១ឆ្នាំ (ជនជាតិចិន ជាជាង ធ្វើពិដាន ក្នុងអាគាព្រលានយន្តហោះថ្មី)។ ករណីនេះមន្ត្រីបញ្ជាក់ថា មូលហេតុ សាកសព មានប្រវត្តជម្ងឺឡើងឈាម លេបថ្នាំងជាប្រចាំ។

មន្ត្រីបានបញ្ជាក់ទៀតថា តាមការធ្វើ កោសល្យវិច័យ និងពិនិត្យ កន្លែងកើតហេតុ របស់ក្រុមកោសល្យវិច្ច័យដែលដឹកនាំដោយលោកយិន យូឡាយ ព្រះរាជអាជ្ញារងអមសាលាដំបូងខេត្តសៀមរាប ឃើញថា សាកសពពិតជាស្លាប់ ដោយសាឡើងឈាម ដួលប្រាកដមែន ពុំមានពាក់ព័ន្ធនិងបទល្មើសព្រហ្មទ័ណ្ឌឡើយ។

សូមបញ្ជាក់ថា ករណីនេះ កើតហេតុ នៅវេលាម៉ោង ១៥និង៣០នាទី ថ្ងៃទី១ ខែសីហា ឆ្នាំ២០២៣។ករណីនេះគ្រូពេទ្យបានទៅពិនិត្យ ឃើញថា ជនរងគ្រោះបានស្លាប់ នៅកន្លែងកើតហេតុ តែដោយមានការស្នើរសុំពីមេការជនជាតិចិន អោយដឹកសាកសព ទៅសង្គ្រោះនៅពេទ្យបង្អែកស្រុកបន្ថែមទៀត ព្រោះមិនទាន់អស់ចិត្ត។ លុះដឹកសាកសពដល់ពេទ្យបង្អែកស្រុក គ្រូពេទ្យបានពិនិត្យទៀត នៅម៉ោង១៩និង៣០នាទី ដោយបញ្ជាក់ថា សាកសពបានស្លាប់ប្រាកដមែន ហើយមេការជនជាតិចិន បានទៅរាយការណ៍ប៉ូលិសស្រុក លុះម៉ោង១០.០០នាទីថ្ងៃទី២ ខែសីហា ឆ្នាំ២០២៣ ទើបក្រុមកោសល្យវិច័យ មកធ្វើកោសល្យវិច័យ និងពិនិត្យកន្លែងកើតហេតុ ដែលដឹកនាំដោយលោកព្រះរាជអាជ្ញារង។

បញ្ជាក់សាកសព ត្រូវប៉ូលិសអន្តោប្រវេសន៍ខេត្តបញ្ជូនទៅស្ថានទូតចិននៅភ្នំពេញ៕ដោយនាគខៀវ

ខេត្តសៀមរាប៖បុរសម្នាក់បានស្លាប់ភ្លាមៗខណៈបើកម៉ូតូល្បឿនលឿនទៅបុកនិងបង្គោលស្ពាន។

ហេតុការណ៍បានកើតឡើង នៅថ្ងៃទី១ ខែ សីហា ឆ្នាំ ២០២៣ វេលាម៉ោង១៩និង៤៥នាទី នៅចំណុចផ្លូវកោងស្ពានអន្លុង( ហៅស្ពានឆេះ ) ស្ថិតក្នុងភូមិបំពេញរាជ្យ ឃុំលាងដៃ ស្រុកអង្គរធំ។

តាមរបាយការណ៍របស់អធិការនគរបាលស្រុកអង្គរធំ ដែលអង្គភាពសៀមរាប ប៉ុស្ដិ៍ ទទួលបានបង្ហាញថាករណីគ្រោះថ្នាក់ចរាចរណ៍ នេះបង្កឡើងដោយខ្លួនឯងបើកបរក្នុងល្បឿនលឿន បុកបង្គោលស្ពាន បណ្តាលអោយស្លាប់តែម្ដង។

របាយការណ៍បានបន្តថា ជនរងគ្រោះឈ្មោះ ផាន់ ផល អាយុ៤១ ឆ្នាំ រស់នៅភូមិត្រពាំងស្វាយ ឃុំលាងដៃ ស្រុកអង្គរធំ បើបរម៉ូតូម៉ាកហុងដាឌ្រីមស៑េរីឆ្នាំ២០២០ ពណ៌ខ្មៅ ផ្លាកលេខ  សៀមរាប 1AI 4770 លេខតួ លេខម៉ាសុីន ME-5707217 បើកបរម្នាក់ឯងក្នុងទិសដៅ ពីជើងទៅត្បូង មានស្ថានភាពស្រវឹង ក្នុងល្បឿនលឿន ដល់កន្លែងកើតហេតុចំណុចផ្លូវកោងជាប់គល់ស្ពានអន្លុង បានរេចង្កូតទៅឆ្វេងបណ្តាលអោយបុកបង្គោល ប្រាប់ទិសចរាចរណ៍ បាក់អស់២ បង្គោល ហើយជ្រុលទៅបុកក្បាលបង្កាន់ដៃស្ពានបណ្តាលអោយបែកលលាដ៏ក្បាលស្លាប់ភ្លាមៗ ហើយម៉ូតូខ្ទេចផងដែរ។

របាយការណ៍បញ្ជាក់ថា កម្លាំងជំនាញចរាចរណ៍ស្រុក បានចុះសហការ ជាមួយកម្លាំងប៉ុស្ដិ៍លាងដៃ ចុះត្រួតពិនិត្យកន្លែងកើតហេតុ ដោយសហការជាមួយជាសមាជិក ក្រុមប្រឹក្សាឃុំលាងដៃ មេភូមិត្រពាំងស្វាយ បានធ្វើកំណត់ហេតុ ប្រគល់សាកសពអោយទៅប្រពន្ធនិងក្រុមគ្រួសារយកទៅធ្វើបុណ្យតាមប្រពៃណី៕ដោយនាគខៀវ

លោកគ្រូពេទ្យម្នាក់បានទទួលមរណភាពក្នុងហេតុការណ៍គ្រោះថ្នាក់ចរាចរណ៍ រវាងម៉ូតូបុក និងម៉ូតូក្នុងទិសដៅស្របទិសគ្នា។

ហេតុការណ៍បានកើតឡើង វេលាម៉ោង១៨​ និង​៣០នាទី ថ្ងៃទី០១ ខែសីហា ឆ្នាំ២០២៣ នៅចំណុចមុខយានដ្ឋានជួសជុលរថយន្ត (ជាងសុី) ស្ថិតនៅភូមិភារកិច្ច សង្កាត់ប៉ាលហាល ក្រុងព្រះវិហារ ខេត្តព្រះវិហារ​។

សមត្ថកិច្ចបានឲ្យដឹងថា គ្រោះថ្នាក់ចរាចរណ៍​ អ្នករងគ្រោះ ទី១ ឈ្មោះ​ មាស ពិសី ភេទប្រុស អាយុ ៣៥ឆ្នាំ មុខរបរគ្រូពេទ្យ ទីលំនៅបច្ចុប្បន្ននៅភូមិ ចំការស្រម៉ូវ សង្កាត់ប៉ាលហាល ក្រុងព្រះវិហារ ខេត្តព្រះវិហារ បើកបរម៉ូតូម៉ាកស្កុបពី ពណ៌ស,ពាក់ ផ្លាកលេខ ព្រះវិហារ 1D-7141 ( រងរបួសក្បាលធ្ងន់)
ត្រូវបានបញ្ជូនមកសង្រ្គោះនៅមន្ទីរពេទ្យបង្អែក១៦មករា និងបានបញ្ជូនបន្តទៅព្យាបាលនៅមន្ទីរពេទ្យរាជធានីភ្នំពេញ និងបានស្លាប់បាត់បង់ជីវិត ទិសដៅពីជើង ទៅត្បូងបើកបរពីខាងក្រោយ។

ចំណែកទី២ ២ឈ្មោះ ឈឹម សាវង្ស ភេទប្រុស អាយុ ៦០ឆ្នាំ មុខរបរកសិករ ទីលំនៅភូមិភារកិច្ច​ សង្កាត់ប៉ាលហាល ក្រុងព្រះវិហារ ខេត្តព្រះវិហារ​ (រង របួសស្រាល ត្រូវបានបញ្ជូនមកសង្រ្គោះនៅមន្ទីរពេទ្យ១៦មករា)។ បើកបរម៉ូតូម៉ាក សង់កូរ៉េពណ៌ក្រហម ស្លាកលេខ ព្រះវិហារ1A-4128 (ទិសដៅ ពីជើងមកត្បូង ហើយបត់ធ្វេងមកទិសខាងកើត)។

សមត្ថកិច្ចបានបន្តថា វត្ថុតាងម៉ូតូទាំង២គ្រឿង ត្រូវបានយកមករក្សាទុកនៅអធិការដ្ឋាននគរបាលក្រុងព្រះវិហារ ដើម្បីធ្វើការស្រាវជ្រាវកសាងសំណុំរឿងតាមនីតិវិធី៕ដោយនាគខៀវ

លោក សុខ លូ អភិបាលខេត្តបាត់ដំបង បានលើកទឹកចិត្ត និងជំរុញដល់រដ្ឋបាល ក្រុងបាត់ដំបង ឱ្យបង្កើតនូវវេទិកាសាធារណៈ ក្នុងការផ្សព្វផ្សាយ ពីដំណើរការក្នុងការគ្រប់គ្រងសំរាម និងការបែងចែកកាកសំណល់ ដល់សាធារណជន នៅតាមមូលដ្ឋាន និងជាពិសេសនៅតាមផ្សារផងដែរ។

លោកសុខ លូ ប្រសាសន៍លើកឡើងយ៉ាងដូច្នេះ ក្នុងឱកាសអញ្ជើញដឹកនាំកិច្ចប្រជុំជាមួយនឹងរដ្ឋបាលក្រុងបាត់ដំបង ពាក់ព័ន្ធនឹងការងារគ្រប់គ្រងសំរាម នៅក្រុងបាត់ដំបង នៅថ្ងៃចន្ទ ម្សិលមិញ។

នៅក្នុងកិច្ចប្រជុំ លោក សុខ លូ បានមានប្រសាសន៍ថា បញ្ហាការគ្រប់គ្រងសំរាម នៅក្នុងខេត្តបាត់ដំបង កាលពីមុនពិតជាមានលក្ខណៈពិបាកណាស់ ដោយសារតែកាលពីមុន ខេត្តបាត់ដំបង ពុំមានក្រុមហ៊ុនសហការ ក្នុងការគ្រប់គ្រងសំរាម នៅឡើយ និងបង្ករឱ្យប៉ះពាល់ដល់បរិស្ថាន ព្រមទាំងសុខភាពរបស់ប្រជាពលរដ្ឋ ដែលរស់នៅក្នុងមូលដ្ឋាន។

លោកសុខ លូ មានប្រសាសន៍បន្តទៀតថា ក្នុងអំឡុងពេលប៉ុន្មានឆ្នាំនេះ រដ្ឋបាលក្រុងបាត់ដំបងមានដៃគូសហការ ជាមួយក្រុមហ៊ុនសំរាម ក្នុងការគ្រប់គ្រងសេវាដឹកជញ្ជូនសំរាម នៅតាមគេហដ្ឋានរបស់ប្រជាជន ដែលធ្វើឱ្យប្រជាជន នៅក្នុងក្រុងបាត់ដំបង មានសេចក្ដីសោមនស្សរីករាយ និងគាំទ្រជាខ្លាំងចាប់តាំងពីមានសេវាកម្ម នេះមក និងការគ្រប់គ្រងសំរាម នៅក្នុងក្រុងបាត់ដំបងមានរបៀបរៀបរយល្អជាងមុន។

លោកមានប្រសាសន៍ទៀតថា បញ្ហាប្រឈមនៅក្នុងក្រុងបាត់ដំបង គឺទាក់ទងទៅនឹងកាលវិភាគនៃការប្រមូលសំរាម ពោលគឺមិនសូវទៀងទាត់ និងជាក់លាក់នៅឡើយ ជាហេតុធ្វើឲ្យមានការប្រមូលយកសំរាមមិនបានគ្រប់ជ្រុងជ្រោយ ដូចនះ ក្រុមហ៊ុនសហការត្រូវរៀបនូវកាលវិភាគឱ្យបានច្បាស់លាស់ ដើម្បីបង្កភាពងាយស្រួលដល់ប្រជាពលរដ្ឋ ក្នុងការញែក វិចខ្ចប់ និងទុកដាក់សំរាមឲ្យបានត្រឹមត្រូវ ដើម្បីកាត់បន្ថយនូវបញ្ហាក្លិនស្អុយដែលកើតចេញពីសំរាមដែលរលួយ។

លោកមានប្រសាសន៍បន្តទៀតថា ចំពោះតម្លៃវិញ គឺត្រូវកំណត់ឱ្យបានសាកសមចំពោះអាជីវកម្មនីមួយៗដូចជា  សណ្ឋាគារ ភោជនីយដ្ឋាន ហាង ផ្ទះអាជីវកម្ម និងលំនៅដ្ឋានជាដើម ដោយដាក់តម្លៃនៅក្នុងកម្រិតមួយដែលពួកគាត់អាចទទួលយកបាន៕ដោយនាគខៀវ

នគរបាលស្រុកបាទី​ សហការជាមួយកម្លាំងប៉ុស្តិ៍នគរបាលរដ្ឋបាលស្អាងភ្នំ និងនគរបាលស្រុកស្អាង នៃស្នងការដ្ឋាននគរបាល ខេត្តកណ្តាល បានឃាត់ខ្លួនបានជនសង្ស័យ ម្នាក់ ឈ្មោះ ជក់ រ៉ា ភេទប្រុស អាយុ ៤១ឆ្នាំ ពីបទរំលោភសេពសន្ថវៈ។

ការឃាត់ខ្លួនធ្វើឡើង នៅថ្ងៃទី ៣០ ខែ កក្កដា ឆ្នាំ ២០២៣ នៅត្រង់ភូមិវាល ឃុំស្អាងភ្នំ ស្រុកស្អាង ខេត្តកណ្តាល។

នគរបាលស្រុកបាទី បានឲ្យដឹងថា នៅថ្ងៃ សុក្រ ទី ២៨ ខែ កក្កដា ឆ្នាំ ២០២៣ នៅប៉ុស្តិ៍នគរបាលរដ្ឋបាលសូរភី បានទទួលពាក្យបណ្តឹង របស់ឈ្មោះ ស.. ព..ជ ភេទស្រី អាយុ ៤៣ឆ្នាំ មានទីលំនៅនៅឃុំសូរភី ស្រុកបាទី ខេត្តតាកែវ ប្តឹងពីឈ្មោះ ជក់ រ៉ា ភេទប្រុស អាយុ ៤១ឆ្នាំ (ត្រូវជាប្តី) ថា កាលពីថ្ងៃទី ១៥ ខែ កក្កដា ឆ្នាំ ២០២៣ វេលាម៉ោង៦ និង ៣០ នាទី ឈ្មោះ ជក់ រ៉ា បានធ្វើសកម្មភាពចាប់បង្ខំឲ្យឈ្មោះ ជ.. ស..ម . ភេទស្រី អាយុ ១២ឆ្នាំ មុខរបរសិស្ស (ត្រូវជាកូនស្រីបង្កើត) បៀមប្រដាប់ភេទ និងយកប្រដាប់ភេទញាត់ក្នុងប្រដាប់ភេទរបស់ឈ្មោះ ជក់​ ស្រីមាស ជាច្រើនលើក ប៉ុន្តែមិនបានសម្រេច។

ក្រោយទទួលពាក្យបណ្តឹងសមត្ថកិច្ច បានទៅអញ្ជើញជនសង្ស័យមកសាកសួរ នៅប៉ុស្តិ៍នគរបាលរដ្ឋបាលសូរភី ប៉ុន្តែជនសង្ស័យរត់គេចខ្លួន រហូតឈានដល់ការឃាត់ខ្លួននៅថ្ងៃម្សិលមិញ យកសាកសួរ និងកសាងសំណុំរឿងតាមនីតិវិធី៕ដោយនាគខៀវ

នគរបាលបាននិយាយថា យ៉ាងហោចណាស់ជនជាតិ វៀតណាម ១១នាក់ ដែលជាជនសង្ស័យពាក់ព័ន្ធនឹងការធ្វើឃាតដោយបាញ់សម្លាប់ បុរសជនបរទេសម្នាក់ទាំងកណ្ដាលថ្ងៃ នៅបឹងកេងកង ពេលនេះត្រូវបានចាប់ខ្លួនជាបន្តបន្ទាប់ កាលពីថ្ងៃអាទិត្យម្សិលមិញ។ ពេលនេះ ជនសង្ស័យកំពុងស្ថិតក្នុងការសាកសួរដោយជំនាញនៅក្រសួងមហាផ្ទៃ។

មន្រ្តីនគរបាលបានប្រាប់ថា ក្រោយករណីឃាតកម្មកើតឡើង នគរបាលបានបើកការស៊ើបអង្កេត រហូតឈានដល់ការចាប់ខ្លួនជនសង្ស័យ បាន១១នាក់ កាលពីម៉ោងជាង២រសៀល ថ្ងៃអាទិត្យ ទី៣០ ខែកក្កដា ឆ្នាំ២០២៣ នៅតាមបណ្ដោយផ្លូវលេខ២៧១ ត្រង់ចំណុចសណ្ឋាគារសូផៃ ទល់មុខនិងផ្សារហេងលី សង្កាត់ទឹកថ្លា ខណ្ឌសែនសុខ។

សូមបញ្ជាក់ថា បុរសជនបរទេសម្នាក់ ត្រូវខ្លាន់កាំភ្លើងបាញ់សម្លាប់ទាំងកណ្ដាលថ្ងៃ កាលពីម៉ោងជាង២រសៀល ថ្ងៃទី២៩ ខែកក្កដា ឆ្នាំ២០២៣ ស្ថិតនៅតាមបណ្ដោយផ្លូវ៣៦០ កែងផ្លូវ១៦៣ សង្កាត់ទួលស្វាយព្រៃទី១ ខណ្ឌបឹងកេងកេង។

ប្រភពមុនពេលកើតហេតុគឺជនរងគ្រោះ និងជនសង្ស័យ បានផ្ទុះជម្លោះ រហូតធ្វើឱ្យជនសង្ស័យដកកាំភ្លើងបាញ់ ជនរងគ្រោះស្លាប់ភ្លាមៗតែម្តង។

ជនរងគ្រោះឈ្មោះ MINH HUNG KHOUN អាយុជាង ៣០ឆ្នាំ ជាជនជាតិវៀតណាម។ នៅលើខ្លួនជនរងគ្រោះត្រូវគ្រាប់កាំភ្លើងចំនួន ៣គ្រាប់៕ដោយនាគខៀវ

យុវជនម្នាក់ត្រូវបាននគរបាលស្រុកសូទ្រនិគម ឃាត់ខ្លួន នៅថ្ងៃទី២៩ ខែកក្កដា ឆ្នាំ២០២៣ ពាក់ពន្ធ័ករណី “រំលោភសេពសន្ថវៈមានស្ថានទម្ងន់ទោសទាក់ទងទៅនឹងអាយុនៃជនរងគ្រោះ “។

ជនសង្ស័យ ឈ្មោះ ឡោម ផល ភេទប្រុស អាយុ ២២ឆ្នាំ មុខរបរ កម្មករ ជនជាតិ ខ្មែរ ទីកន្លែងកំណើតភូមិជប់ក្រោម ឃុំស្វាយលើ ស្រុកស្វាយលើ ខេត្តសៀមរាប។ ករណីរំលោភ នៅថ្ងៃទី២៨ ខែកក្កដា ឆ្នាំ២០២៣ វេលាម៉ោង ១៩:៣០នាទី នៅចំណុចស្ថិតក្នុងភូមិសាស្រ្ដឃុំដំដែក ស្រុកសូទ្រនិគម ខេត្តសៀមរាប។

សមត្ថកិច្ចនគរបាល ស្រុកសូទ្រនិគម បានអោយដឹងថា កាលពីថ្ងៃទី២៨ ខែកក្កដា ឆ្នាំ២០២៣ វេលាម៉ោង ១៩:០០នាទី ជនរងគ្រោះ ភេទស្រី អាយុ ១៣ឆ្នាំ មុខរបរ សិស្ស ជនជាតិ ខ្មែរ បានពឹងអោយជនសង្ស័យជិះម៉ូតូឌុបខ្លួនត្រឡប់ទៅផ្ទះ តែបែជាជនសង្ស័យឆ្លៀតឱកាសឌុបចូលទៅកន្លែងស្ងាត់ចាប់រំលោភរហូតបានសម្រេច១ដង រួចជិះម៉ូតូគេចខ្លួនបាត់។

ជនសង្ស័យបានឆ្លើយសារភាពថា រូបគេពិតជាបានធ្វើសកម្មភាពចាប់រំលោភជនរងគ្រោះខាងលើពិតប្រាកដមែន។

ករណីនេះ ក្រោមការសម្របសម្រួលនីតិវិធីដោយ លោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្តសៀមរាប សមត្ថកិច្ចបានកសាងសំណុំរឿង និងបញ្ជូនខ្លួនជនសង្ស័យ ទៅការិយាល័យជំនាញខេត្តសៀមរាប ដើម្បីបន្តនីតិវិធី៕ដោយនាគខៀវ

សាកសពមនុស្សម្នាក់ត្រូវបានគេប្រទះឃើញរហូតស្អុយរលួយ។ ហេតុការណ៍ប្រទះឃើញនៅវេលាម៉ោង ១១និង៣០ នាទី ថ្ងៃទី២៩ ខែ  កក្កដា ឆ្នាំ ២០២៣ ស្ថិតនៅភូមិស្នាសង្គ្រាម ឃុំបល្ល័ង្ក ស្រុកប្រាសាទបាគង ខេត្តសៀមរាប។

សមត្ថកិច្ចបានឲ្យដឹងថា ជនរងគ្រោះ បានអត្តឃាត ចងក(សម្លាប់ខ្លួនឯង) នៅដើមក្រឡាញ់កម្ពស់១៨ សង់ទីម៉ែត្រ ដោយបានចងកនិងក្រម៉ាពណ៌សលាយឆ្នូតក្រហមមក្នុងបរិវេណដីរបស់ឈ្មោះស៊ាន រី។

សមត្ថកិច្ចបន្តថា ជនរងគ្រោះ មានឈ្មោះ អ៊ាន សីហា ភេទប្រុស អាយុ៣៧ឆ្នាំ ទីលំនៅបច្ចុប្បន្ន រស់នៅ ភូមិដូនកែវ ឃុំដូនកែវ ស្រុកពួក ខេត្តសៀមរាប។

សមត្ថកិច្ចបញ្ជាក់ថាសាកសព ត្រូវដាច់ចំណងធ្លាក់មកលើដី ដោយមានសភាពស្អុយរលួយពុំអាចពិនិត្យបាននិងពុំមានអ្វីគួកត់សម្គាល់ទេពាក់ព័ន្ធព្រហ្មទណ្ឌនោះទេ។

តាមការធ្វើកោសល្យវិច័យ របស់សមត្ថកិច្ចជំនាញជនរងគ្រោះ បានស្លាប់ដោយសាចងក ពិប្រាកដមែន៕ដោយនាគខៀវ

ករណីខ្មាន់កាំភ្លើងបាញ់សម្លាប់បុរសម្នាក់ នៅផ្លូវ៣៦០​ សង្កាត់ទួលស្វាយព្រៃ១​ ខណ្ឌបឹងកេងកង រាជធានីភ្នំពេញ នៅរសៀលថ្ងៃទី២៩ ខែកក្កដា ឆ្នាំ២០២៣ នេះ សមត្ថកិច្ចបានឲ្យដឹងថា ជនរងគ្រោះ ឈ្មោះ MINH HUNG KHOUN អាយុជាង ៣០ឆ្នាំ ជាជនជាតិវៀតណាម។ នៅលើខ្លួនជនរងគ្រោះត្រូវគ្រាប់កាំភ្លើងចំនួន ៣គ្រាប់។

ប្រភពបានឲ្យដឹងថា នៅមុនកើតហេតុ ជនរងគ្រោះបានដើរ បានចេញពីខុនដូ GOLDEN ONE ICENTER តាមដងផ្លូវលេខ ៣៦០ ឆ្ពោះទៅផ្លូវលេខ ១៦៣ ស្រាប់តែបានជួបនឹងក្រុមជនសង្ស័យ ​និង​មានការ​ឈ្លោះប្រកែកគ្នា។ ជនរងគ្រោះ ក៏ដើរត្រឡប់មកខុនដូវិញ ហើយក្រុម​ជនសង្ស័យបានដើរតាមពីក្រោយជនរងគ្រោះ រួចបាន បាញ់លើជនរង​គ្រោះ ហើយរត់ចូលក្នុងរថយន្តបើកចេញពីកន្លែងកើតហេតុតែម្ដង៕ដោយនាគខៀវ

ខេត្តសៀមរាប៖លោកឧត្តមសេនីយ៍ត្រី អៀង មករា ស្នងការរងទទួលផែនការងារធនធានមនុស្ស បានសម្តែងនូវការសោកស្តាយ និងបានពាំនាំនូវសាររំលែកទុក្ខដ៏សែនក្រៀមក្រំបំផុតំពីសំណាក់ លោកឧត្តមសេនីយ៍ទោ ស្នងការ និងបួងសួងសូមឲ្យវិញ្ញាណក្ខន្ធរបស់សពលោក ឈឿន ឆេន មន្រ្តីនគរបាលចូលនិវត្តន៍ ដែលបានទទួលមរណភាពបានសោយសុខក្នុងសុគតិភពកុំបីឃ្លៀងឃ្លាតឡើយ។

លោកឧត្តមសេនីយ៍ត្រី អៀង មករា សម្តែងនូវការសោកស្តាយ និងរំលែកទុក្ខដ៏សែនក្រៀមក្រំ យ៉ាងដូច្នេះ នៅព្រឹកថ្ងៃសៅរ៍ុំ ទី២៩ ខែកក្កដា ឆ្នាំ២០២៣ នេះ ក្នុងឱកាស តំណាងដ៏ខ្ពង់ខ្ពស់ លោកឧត្តមសេនីយ៍ទោ តេង ច័ន្ទណាត ស្នងការនគរបាលខេត្តសៀមរាប អញ្ជើញចូលរួមរំលែកមរណទុក្ខ ព្រមទាំងនាំយកថវិកា របស់ សមាគមមិត្តនគរបាលជាតិកម្ពុជាចំនួន ៦.០០០.០០០៛ (ប្រាំមួយលានរៀល) និងថវិកា ដែលចូលរួមពីថ្នាក់ដឹកនាំ និងមន្រ្តីនៃការិយាល័យបុគ្គលិក ចំនួន ៧០០.០០០៛ (ចិតសិបមុឺនរៀល) និងគ្រឿងឧបភោគបរិភោគ មួយចំនួនប្រគល់ជូនក្រុមគ្រួសារ នៃសព លោក ឈឿន ឆេន មន្រ្តីនគរបាលចូលនិវត្តន៍ ដែលបានទទួលមរណភាព កាលពីថ្ងៃទី២៧ ខែកក្កដា ឆ្នាំ២០២៣ វេលាម៉ោង ១៩:៥០នាទី ក្នុងជន្មាយុ ៦៦ឆ្នាំ ដោយរោគាពាធ។ ក្នុងនោះដែលក៏មានការអញ្ជើញចូលរួមពី លោកស្នងការរង លោកនាយ-នាយរងការិយាល័យ និងមន្រ្តីផងដែរ៕ដោយនាគខៀវ

លោកចាន់ សុផល បានទទួលមរណភាព ដោយគ្រោះថ្នាក់ចរាចណ៍ ខណៈកំពុងបើកម៉ូតូបង្កឡើងដោយខ្លួនឯង។ គ្រោះថ្នាក់ចរាចណ៍នេះ បានកើតឡើងនៅម៉ោង០១និង៣០នាទីយប់ថ្ងៃទី២៩ ខែកក្កដា​ឆ្នាំ២០២៣ ស្តិតនៅចំណុចភូមិព្រៃគុយឃុំអំពិល ស្រុកប្រាសាទបាគង ខេត្តសៀមរាប លើផ្លូវជាតិ៦៧។

មន្ត្រីបានថ្លែងប្រាប់សៀមរាប ប៉ុស្ដិ៍ នៅថ្ងៃសៅរិ៍នេះថា ជនរងគ្រោះ ឈ្មោះ ចាន់ សុផល ភេទប្រុសអាយុ៣៩ឆ្នាំនៅភូមិវត្តស្វាយ សង្កាត់សាលាកំរើកក្រុងសៀមរាប  ខេត្តសៀមរាប បើកបរម៉ូតូម៉ាកហុងដាដ្រីមសេ១២៥(០១២)ពណ៌ខ្មៅផ្លាកលេខ សៀមរាប 1AA 5220 បានស្លាប់នៅនិងកន្លែងកើតហេតុ)។

មន្ត្រីមូលដ្ឋានបន្តថាហេតុការណ៍គ្រោះថ្នាក់ចរាចណ៍នេះ មូលហេតុម៉ូតូបើកបរមានល្បឿនលឿនដោយខ្វះការប្រុងប្រយ័ត្ន បណ្ដាលឲ្យដួលស្លាប់តែម្ដង៕SRP

ខេត្តសៀមរាប៖ជាងជួសជុលម៉ូតូម្នាក់ ត្រូវបានភ្លើងឆក់បណ្ដាល ឱ្យស្លាប់ខណៈនាំនារីម្នាក់ទៅហូបចុកផឹកស៊ីនៅកញ្ចុកមួយកន្លែង។

យោងតាមរបាយការណ៍របស់ អធិការដ្ឋាននគរបាលក្រុងសៀមរាប ដែលអង្គភាព សារព័ត៌មានសៀមរាប ប៉ុស្ដិ៍ ទទួលបាននៅរសៀលថ្ងៃសុក្រនេះបង្ហាញថាករណីមនុស្សស្លាប់ នៅវេលាម៉ោង ១៥ :០០នាទី ថ្ងៃព្រហស្បតិ៍ ទី ២៧ខែ កក្កដា ឆ្នាំ២០២៣ នៅចំណុចមន្ទីរពេទ្យបង្អែកខេត្តសៀមរាប ស្ថិតនៅភូមិមណ្ឌល១ សង្កាត់ស្វាយដង្គំ ក្រុងសៀមរាប។

របាយការណ៍បានបន្តថា ជនរងគ្រោះ ឈ្មោះ មឿង ម៉ៅ ភេទប្រុស  អាយុ ៤៧ឆ្នាំ មុខរបរ ជាងជួសជុលម៉ូតូ ស្នាក់នៅបណ្ដោះអាសន្ន ស្ថិតនៅភូមិតាវៀន សង្កាត់សាលាកំរើក ក្រងសៀមរាប។

របាយការណ៍របស់អធិការនគរបាលក្រុងសៀមរាបបន្តថា យោងតាមបំភ្លឺរបស់ឈ្មោះ ដៀប ស្រីនិច ភេទស្រី អាយុ៣០ឆ្នាំ មុខរបរបុគ្គលិកហាងស្វាយមាស មានទីលំនៅភូមិចុងកៅស៊ូ សង្កាត់ស្លក្រាម ក្រុងសៀមរាប បានរៀបរាប់អោយដឹងថា នៅថ្ងៃទី២៧ ខែកក្កដា ឆ្នាំ២០២៣ វេលាម៉ោង ០៩:០០នាទី ឈ្មោះ មឿង ម៉ៅ ភេទប្រុស អាយុប្រហែល៤៧ឆ្នាំ បានទូរស័ព្ទហៅខ្ញុំទៅហូបអី ជាមួយរូបគាត់តែពីរនាក់ នៅចំណុចទំនប់៧៨ ស្ថិតនៅភូមិជ្រាវ សង្កាត់ជ្រាវ ក្រុង.ខេត្តសៀមរាប ខ្ញុំក៏បានយល់ព្រម ដល់វេលាម៉ោង១១:០០ នាទី គាត់បានជិះម៉ូតូមួយគ្រឿងមិនស្គាល់ម៉ាកមកយកខ្ញុំនៅកន្លែងអ៊ុតសក់ ហើយឌុបរូបខ្ញុំទៅទំនប់៧៨។ ពេលដែលទៅដល់ ក៏បាននាំគ្នាចូលទៅអង្គុយលេងកញ្ចុះ នៅចំណុចហាងមួយកន្លែងមិនស្គាល់យីហោ ពេលទៅដល់ពួកខ្ញុំ ក៏បានហៅស្រាបៀរហ្គេនស្បឺក ចំនួន៦កំប៉ុង និងម្ហូបចំនួន២មុខ រហូតដល់ផឹកស្រាបៀរនោះអស់ពួកខ្ញុំក៏បានហៅស្រាបៀរមកចំនួន ០៦កំប៉ុងទៀត ពេលនោះពួកខ្ញុំទាំងពីរនាក់ អង្គុយនៅលើអង្រឹងតែមួយ ខាងលិចនៅឆ្ងាយពីបង្កាន់ដៃដែក របស់កញ្ចុះនោះប្រហែលកន្លះម៉ែត្រ ដល់វេលាម៉ោង ១៥:០០នាទី ពេលដែលពួកខ្ញុំ ផឹកស្រាបៀរ ដែលហៅអស់ចំនួន ០៣កំប៉ុង ឈ្មោះ មឿង ម៉ៅ ក៏បានងើបពីអង្រឹង ដោយប្រាប់ថា ឈឺនោម ពេលងើបនោះ គាត់បានយកដៃខាងស្ដាំ ទប់អង្រឹង និងដៃខាងឆ្វេងទប់បង្កាន់ដៃដែកញ្ចុះនោះ ភ្លាមនោះស្រាប់តែបានឃើញគាត់ បានដាំក្បាលចុះ ទៅក្រោម ត្រឡប់ខ្លួន ដោយធ្លាក់ជើងទៅលើទឹក ក្រោមកញ្ចុះត្រឹមកជើង ចំណែកដៃទាំងសងខាងនៅតោងជាប់ជាមួយនឹងបង្កាន់ដៃដែក របស់បញ្ចុះនោះ ចំណែកខ្លួនរបស់គាត់មានសភាពញាក់ៗកន្ត្រាក់ៗ ពេលនោះខ្ញុំសួរគាត់ថាកើតអ្វី តែគាត់មិនបានតបត ហើយរូបខ្ញុំក៏បានបេះដៃខាងឆ្វេងចេញពីបង្កាន់ដៃ ដោយសង្ស័យថាគាត់ឆក់ខ្សែភ្លើង ខ្ញុំក៏រត់ទៅបិទកុងតាក់កង្ហារ ហើយគាត់ក៏របូតដៃទាំងពីរ ធ្លាក់ផ្កាប់មុខទៅនឹងទឹកតែម្ដង ពេលឃើញបែបនោះ នាងខ្ញុំក៏ស្ទុះចុះទៅទឹកនោះដើម្បីជួយគាត់ តែពេលនាងខ្ញុំបានយកដៃខាងស្ដាំ កាន់បង្កាន់ដៃដែកនោះ ស្រាប់តែនាងខ្ញុំត្រូវចរន្តអគ្គិសនីឆក់បណ្ដាលមឲ្យនាងខ្ញុំធ្លាក់ចូលទឹក  បន្ទាប់មក រូបខ្ញុំក៏បានស្រែកហៅឲ្យគេជួយ ហើយក៏បានឃើញមានបុរសម្នាក់ រត់មកជួយបិទកុងតាក់កង្ហារ និង ចុះរាវរកឈ្មោះ មឿង ម៉ៅ ដែលធ្លាក់ចូលទឹកនោះ ពេលគាត់ចុះរាវចូលក្នុងទឹកបានបន្តិច ក៏បានឃើញឈ្មោះ មឿង ម៉ៅ ហើយគាត់បានស្រង់ឈ្មោះ មឿង ម៉ៅ នោះមកលើគោក ពេលមកដល់លើគោកក៏បានឃើញឈ្មោះ មឿង ម៉ៅ មានសភាពខ្សោយ មិនអាចនិយាយបានតែកម្រើកបានតិចៗ បន្ទាប់មកម្ចាស់ហាង ក៏បានទាក់ទងទៅមណ្ឌលសុខភាពជ្រាវដើម្បីហៅឡានពេទ្យមកយកឈ្មោះ មឿង ម៉ៅ ទៅសង្គ្រោះ ពេលលើកឈ្មោះមួយម៉ៅ ដាក់លើឡានសង្គ្រោះ គ្រូពេទ្យបានយកដៃសង្កត់ដើមទ្រូង តែឈ្មោះ មឿង ម៉ៅ តែមិនគាត់ដឹងខ្លួន បានបន្តិចក៏បាននាំឈ្មោះ មឿង ម៉ៅ បន្តទៅមន្ទីរពេទ្យបង្អែកខេត្តសៀមរាប ពេលទៅដល់លោកគ្រូពេទ្យបានសួរថាតើគាត់កើតអ្វី នាងខ្ញុំ ក៏តបថា គាត់ឆក់ខ្សែភ្លើង បន្ទាប់មកដុកទ័រ ក៏តបថា គាត់ជួយបានតែមនុស្សនៅរស់ទេ មនុស្សស្លាប់ហើយគាត់ជួយមិនបានទេ រួចគាត់ក៏យកក្រណាត់សគ្រប់រាងកាយឈ្មោះ មឿង ម៉ៅ តែម្ដង ពេលនោះទើបរូបខ្ញុំដឹងថារូបគាត់បានផុតដង្ហើមស្លាប់បាត់ទៅហើយ។

របាយការណ៍ដដែលបញ្ជាក់ថា ការពិនិត្យសាកសព-ផ្នែកក្បាល , ក,ដងខ្លួន,អវយវះ គ្រប់ផ្នែកទាំងអស់ គ្មានស្លាកស្នាមអ្វីពាក់ព័ន្ធនឹងបទល្មើសព្រហ្មទណ្ឌនោះទេ។ ការសន្និដ្ឋាន:យោងតាមការបំភ្លឺពីសាក្សី ការពិនិត្យសាកសព និងតាមការបញ្ជាក់ពីលោកគ្រូពេទ្យកោសល្យវិច័យយើងសន្និដ្ឋានថា ស្លាប់ដោយសារ ឆ្លងចរន្តអគ្គិសនី។សាកសពបានប្រគល់អោយក្រុមគ្រួសារធ្វើបុណ្យតាមប្រពៃណី៕ដោយនាគខៀវ