ខេត្តបាត់ដំបង៖ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង ផ្ញើសារលិខិតជូនពរ គោរពជូន សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសចម្រើនជន្មាយុខួបគម្រប់ ៧០ឆ្នាំ ឈានចូល៧១ឆ្នាំ នាថ្ងៃទី៥ ខែសីហា ឆ្នាំ២០២២ ខាងមុខនេះ៕SRP

ភ្នំពេញ៖សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ផ្ញើសារជូនពរ គោរពជូន សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នាឱកាសខួបចម្រើនជន្មាយុ ៧០ ឈានចូល៧១ឆ្នាំ នាថ្ងៃទី៥ ខែសីហា ឆ្នាំ២០២២ខាងមុខនេះ៕SRP

ខេត្តតាកែវ៖នគបាលស្រុកត្រាំកក់ បានឃាត់ខ្លួនជនសង្ស័យ ពីររូប ដែលជាតំណាងក្រុមហ៊ុនយូនីស៊ីធី ដែលត្រូវបានចោទប្រកាន់ថា បានឆបោកប្រាក់់ប្រជាពលរដ្ឋ នៅក្នុងកំពត និងខេត្តតាកែវ កន្លងមកអស់រាប់ម៉ឺនដុល្លារ។

លោកឌុក ធីយ៉ា អធិការនគបាលស្រុកត្រាំកក់ បានថ្លែងឲ្យដឹងថា ការឃាត់ខ្លួនជនសង្ស័យទាំងពីរនាក់ នៅថ្ងៃម្សិលមិញ
បន្ទាប់ពីមានប្រជាពលរដ្ឋ ចំនួន៤នាក់ បានមកដាក់ពាក្យបណ្ដឹង ដល់សមត្ថកិច្ចស្រុកត្រាំកក់។

ជនសង្ស័យចំនួន២នាក់៖

ទី១ ឈ្មោះជៀន វុទ្ធី ភេទប្រុស អាយុ២៧ឆ្នាំ រស់នៅភូមិចំការបីឃុំពងទឹក ស្រុកដំណាក់ចង្អើរ ខេត្តកែប មុខងារជាតំណាងចែកចាយផលិផលក្រុមហ៊ុនយូនីស៊ីធី។ ទី២ ឈ្មោះ ឈិន វ៉េត ភេទប្រុស អាយុ៣៧ឆ្នាំ រស់នៅភូមិដំណាក់ទ្រព្យ ឃុំក្រាំងស្នាយ ស្រុកឈូក ខេត្តកំពត មុខងារជាតំណាងចែកចាយលក់ផលិផលក្រុមហ៊ុនយូនីស៊ីធី។ ដោយចោទប្រកាន់ពីបទ ឆបោក។

អធិការស្រុកត្រាំកក់ បានបន្តថា ជនរងគ្រោះដែលបានដាក់ពាក្យបណ្ដឹង ទី១ឈ្មោះ ចាន់ ចី ភេទប្រុស អាយុ៣៥ឆ្នាំ រស់នៅភូមិដំណាក់ឈើក្រម ឃុំស្នាយអញ្ជឹត ស្រុកជុំគីរី ខេត្តកំពត ត្រូវជនសង្ស័យឆបោកប្រាក់អស់ ២៨០០០ដុល្លារ និងប្រាក់រៀលអស់ ៦លានរៀល។
ទី២ ឈ្មោះ ណុប ចាន់ណា ភេទស្រីអាយុ៤០ឆ្នាំ រស់នៅភូមិប្រមូល ឃុំត្រមែង ស្រុកឈូក ខេត្តកំពត ត្រូវជនសង្ស័យឆបោកប្រាក់អស់៣៨៣០០ដុល្លារ។
ទី៣ឈ្មោះ កយ ជា ភេទស្រី អាយុ៤០ឆ្នាំ រស់នៅភូមិព្រៃខ្ជាយ ឃុំស្នាយអញ្ជឹត ស្រុកជុំគីរី ខេត្តកំពត ត្រូវជនសង្ស័យឆបោកប្រាក់អស់ប្រាក់អស់ ៧០០០ដុល្លារ។
នទី៤ ឈ្មោះ ស៊ឺម ហ៊ីម ភេទស្រី អាយុ៣៨ឆ្នាំ រស់នៅភូមិដំណាក់ទ្រព្យ ឃុំក្រាំងស្នាយ ស្រុកឈូក ខេត្តកំពត ត្រូវជនសង្ស័យឆបោកប្រាក់អស់ ៤០០០០ដុល្លារ។

អធិការស្រុកត្រាំកក់បានបន្ថែមថា ក្រោយពីទទួលបណ្ដឹងនឹងដោយមានបទបញ្ជាពីលោកឧត្ដមសេនីយ៍ទោស្នងការ ព្រមទាំងមានការដឹកនាំសម្របសម្រួលនីតិវិធីដោយ ឯកឧត្ដមព្រះរាជអាជ្ញាអមសាលាដំបូងខេត្តតាកែវ សមត្ថកិច្ចក៏បានឃាត់ខ្លួនជនសង្ស័យទាំងពីរនាក់ មកសាកសួរកសាងសំណុំរឿងតាមនីតិវិធីច្បាប់។

ដោយឡែក លោកស្រី កយ ជា តំណាងឲ្យក្រុមប្រជាពលរដ្ឋទាំង ៤នាក់ ខាងលើបានឲ្យដឹងថា ជនរងគ្រោះ សង្ឃឹមថាសមត្ថកិច្ចក៏ដូចជាតុលាការ នឹងជួយធ្វើយ៉ាងណាអោយជនសង្ស័យក៏ដូចជាតំណាងក្រុមហ៊ុនយូនីស៊ីធី សងប្រាក់ ត្រលប់មកពួកគាត់វិញព្រោះលុយ ដែលពួកគាត់យកទៅអោយក្រុមហ៊ុន គឺជាលុយដែលទៅខ្ចីតាមគ្រិះស្ថានហិរញ្ញវត្ថុ និងលុយមួយចំនួនទៀតបានទៅខ្ចីចងការគេដែលនាំឲ្យទាំងលុយការនិងដើមចេះតែឡើងរៀងរាល់ថ្ងៃ៕SRP

ខេត្តសៀមរាប៖លោក Park Sungjin បានឱ្យដឹងថា ការហោះហើរត្រង់ពីកូរ៉េមកកាន់ខេត្តសៀមរាបនឹងបើកឱ្យដំណើរការក្នុងពេលឆាប់ៗខាងមុខនេះ និងធ្វើឱ្យកំណើនភ្ញៀវទេសចរចូលមកកាន់ខេត្តសៀមរាប និង មានភាពប្រសើរឡើងវិញ។ ម៉្យាងទៀតលោម ក៏និងជម្រុញដល់កិច្ចទំនាក់ទំនង សហប្រតិបត្តិការរវាងខេត្ត ក្រុងសម្ព័ន្ធមេត្រី ឲ្យកាន់តែមានភាពល្អប្រសើរឡើងថែមទៀតផងដែរ។

លោក Park Sungjin អគ្គកុងស៊ុលនៃសាធារណរដ្ឋកូរ៉េ ប្រចាំខេត្តសៀមរាប បញ្ជាក់បែបនេះនៅថ្ងៃទីពុធ នេះ ក្នុងឱកាស លោកទៀ សីហា អភិបាលខេត្តសៀមរាប បាន អនុញ្ញាត លោកចូលជួបសម្តែងការគួរសមនិងជម្រាបលា មុនពេលបញ្ចប់អាណត្តិ អគ្គកុងស៊ុលប្រចាំខេត្ត នៅសាលាខេត្តសៀមរាប។

លោក Park Sungjin បានសម្តែងកោតសរសើរ ពីភាពដឹកនាំរបស់រាជរដ្ឋាភិបាលកម្ពុជា ដែលមាន សម្តេចតេជោ ហ៊ុន សែន ជា នាយករដ្ឋមន្ត្រី ក៏ដូចពីការយកចិត្តទុកដាក់ខ្ពស់របស់អាជ្ញាធរខេត្តសៀមរាប លើកិច្ចអភិវឌ្ឍន៍នូវគ្រប់ហេដ្ឋារចនាសម្ព័ន្ធ សំខាន់នៅក្នុងបរិបទកូវីដ-១៩ ខេត្តសៀមរាប មានកិច្ចអភិវឌ្ឍន៍លើហេដ្ឋារចនាសម្ព័ន្ធផ្លូវថ្នល់ ក្នុងក្រុងសៀមរាប ដែលជាក្រុងគោលដៅ ទេសចរណ៍វប្បធម៌ធម្មជាតិប្រវត្តិសាស្ត្រ ក្នុងការទាក់ទាញដល់ភ្ញៀវទេសចរជាតិ​ អន្តរជាតិ ចូលមកទស្សនាកម្សាន្ត ហើយក៏ជាទីក្រុងមួយដែលមានការអភិវឌ្ឍន៍ជឿនលឿនទៀតផង។

លោកក៏បានថ្លែងអំណរគុណផងដែរ ពីភាពយកចិត្តទុកដាក់ខ្ពស់ របស់ រាជរដ្ឋាភិបាលកម្ពុជា លើការងារសុខភាពសាធារណៈ សំខាន់ការចាក់វ៉ាក់សាំង ប្រឆាំងជំងឺកូវីដ-១៩ ជូនប្រជាពលរដ្ឋ ដោយមិនបានប្រកាន់ពូជសាសន៍ពណ៌សម្បុលដោយឥតគិតថ្លៃ សំខាន់ប្រជាជនកូរ៉េ នៅកម្ពុជាបានចាក់គ្រប់ៗគ្នាផងដែរ។ ម៉្យាងទៀត ក៏បានយកចិត្តទុកដាក់លើសន្តិសុខ សុវត្ថិភាពជូនដល់ ប្រជាជនកូរ៉េ ហើយដែលមានប្រជាជនកូរ៉េ ប្រមាណ ២​ ០០០នាក់កំពុងរស់នៅប្រកបមុខរបរការងារអាជីកម្មនៅខេត្តសៀមរាប។ លោកក៏បានបញ្ជាក់ថា ដោយបញ្ហាវិបត្តិកូវីដ បានធ្វើឱ្យមានភាព អសកម្មលើកិច្ចទំនាក់ទំនងសហប្រតិបត្តការ រវាងខេត្ត ក្រុងសម្ព័ន្ធមេត្រី នៃសាធារណរដ្ឋកូរ៉េ ជាមួយ ខេត្តសៀមរាប។

ក្នុងជំនួនលោក ទៀ សីហា បានលើកឡើងថាក្នុងរយៈពេល៣ឆ្នាំមកនេះ លោកអគ្គកុងស៊ុល បានធ្វើកិច្ចទំនាក់ទំនង សហប្រតិបត្តិការល្អ ជាមួយរដ្ឋបាលខេត្តសៀមរាប ទទួលបានលទ្ធផលជាផ្លែផ្កាគួឲ្យកត់សម្គាល់។ ម៉្យាងទៀតក្នុងពេលកន្លងមក អគ្គកុងស៊ុលកូរ៉េប្រចាំខេត្ត ក៏បានធ្វើការសម្របសម្រួល នូវការងារមួយចំនួន ជាមួយបណ្តាខេត្ត ក្រុងចងសម្ព័ន្ធមេត្រីភាពជាមួយខេត្តសៀមរាប។

លោក ទៀ សីហា ក៏បានលើកផងដែរថា ចំពោះកិច្ចទំនាក់ទំនង សហប្រតិបត្តិការជាមួយខេត្ត ក្រុងសម្ព័នមេត្រី ជាមួយខេត្តសៀមរាប ដែលបានអសកម្ម កន្លងមកដោយបញ្ហាជំងឺកូវីដ-១៩ ធ្វើឱ្យមានការអាក់ខាន ក៏ពិតមែន តែកិច្ចសហប្រតិបត្តិការ ទំនាក់ទំនងក៏រដ្ឋបាលខេត្តសៀមរាប នៅតែបន្តរក្សានូវចំណងមេត្រីភាពនឹងទៅមុខជានិច្ច។ ម៉្យាងទៀត នៅខែតុលាខាងមុខនេះ រដ្ឋបាលខេត្តសៀមរាប រៀបចំក្រុមប្រតិភូមួយ ដឹកនាំដោយលោកអភិបាលខេត្តផ្ទាល់ ទៅបន្តការចុះហត្ថលេខាកិច្ចការយោគយល់គ្នារ វាងខេត្ត​ ក្រុងសម្ព័ន្ធមេត្រី ក្នុងការរឹតចំណងមិត្តភាពនៃប្រទេស និង ប្រជាជនទាំងពីរ ឲ្យកាន់តែរឹងមាំថែមទៀត។

លោក ទៀ សីហា ក៏បានលើកផងដែរ ពីលទ្ធផលនៃកិច្ចសហប្រតិបត្តិការ កន្លងមក លើវិស័យអប់រំ សុខាភិបាល កសិកម្ម ការផ្តល់អាហារូបករណ៍ទៅសិក្សា ព្រមទាំងការផ្តល់នូវសម្ភារៈផ្សេងៗជាច្រើនទៀត សំខាន់ក្រុងស៊ូវ៉ុន ក៏បានបង្កើតភូមិមិត្តភាពស៊ូវ៉ុន ភ្នំក្រោម ព្រមទាំងសាងសង់ អគារសិក្សាថ្នាក់បឋម , អនុវិទ្យាល័យ និងវិទ្យាល័យទៀតផង។

អភិបាលខេត្ត បានថ្លែងអំណរគុណដល់រដ្ឋាភិបាលកូរ៉េ ដែលបានជម្រុញដល់វិស័យទេសចរណ៍ ចូលមកកម្ពុជា នៅថ្ងៃខាងមុខ តាមជើងហោះហើរឆ្ពោះត្រង់ មកខេត្តសៀមរាប នឹងធ្វើឲ្យវិស័យទេសចរណ៍ នៅខេត្តសៀមរាប មានការរីកចម្រើនឡើងវិញ ក្រោយពីបញ្ចប់វិបត្តិជំងឺកូវីដ-១៩៕SRP

ខេត្តកំពង់ចាម​៖លោកអ៊ុន​ ចាន់ដា​ អភិបាលខេត្តកំពង់ចាម​ ​បានថ្លែងអំណរគុណ​យ៉ាង​ជ្រាលជ្រៅ​ ចំពោះសមាគមនិកាយសាសនាចក្រ នៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយ​ ដែលបានជួយការកែលម្អអគារ និងសំណង់ហេដ្ឋារចនាសម្ព័ន្ធ និងបំពាក់សម្ភារបរិក្ខារបម្រើឲ្យមន្ទីរពេទ្យបង្អែក​ក្នុង​ខេត្តកំពង់ចាម​។

មាមានប្រសាសន៍បែប​នេះ​ក្នុង​ឱកាស​អនុញ្ញាត​ឲ្យ​​ប្រតិភូសមាគមន៍សាសនាចក្រ​ នៃព្រះយេស៊ូគ្រីស្ទ​ នៃពួកបរិសុទ្ធថ្ងៃចុងក្រោយ​ ចូល​ជួប​សម្ដែង​ការ​គួរសម​ និង​រាយការណ៍​អំពី​វឌ្ឍនភាព​នៃ​ការ​កែលំអ​មន្ទីរពេទ្យ​បង្អែក​ស្រុកព្រៃឈរ​ នៅថ្ងៃទី​៣​ ខែសីហា​ ឆ្នាំ​២០២២​ នៅ​សាលាខេត្តកំពង់ចាម​​។

គួររំលឹក​ថា​ កន្លងមក​នេះថ្នាក់ដឹកនាំ​សមាគម​និកាយ​សាសនា​ចក្រ​ នៃ​ព្រះ​យេស៊ូគ្រិស្ត​ នៃ​ពួក​បរិសុទ្ធ​ថ្ងៃ​ចុង​ក្រោយ​ បានជួយ​ឧបត្ថម្ភ​ ជា​សម្ភារៈ​បរិក្ខារ​ពេទ្យ​ ​ដេីម្បី​​ជួយ​សង្គ្រោះ​ ដល់​អាយុជីវិត​ប្រជាពលរដ្ឋ​យើង​​ ព្រមទាំង​បាន​ជួយ​បណ្ដុះបណ្ដាល​វិជ្ជាជីវៈ​​ដល់​មន្ត្រី​សុខាភិបាល​ នៅ​តាម​មណ្ឌលសុខភាព​ និង​មន្ទីរពេទ្យ​បង្អែក​មួយ​ចំនួន​​ ក្នុង​នោះ​ក៏​មាន​ការ​ជួយ​ដល់​​​មន្ទីរ​ពេទ្យ​បង្អែក​​ស្រុក​ជេីងព្រៃ​ ដែលមានទំហំទឹកប្រាក់​ប្រមាណ​ជាង២២​ម៉ឺន​ដុល្លារ​ ដោយបាន​ធ្វើការកែលម្អអគារ សំណង់ហេដ្ឋារចនាសម្ពន្ធ គិតជាថវិកា​ជាង១៥ម៉ឺន​ដុល្លារ​ និង​បំពាក់សម្ភារៈ បរិក្ខារបម្រើឲ្យមន្ទីរពេទ្យ ចំនួន ៣៤មុខ ស្មើនឹង ១៨៤គ្រឿង គិតជាថវិកាជាង៦ម៉ឺន​ដុល្លារ។​

ចំពោះ​មន្ទីរពេទ្យ​បង្អែក​ស្រុកស្រីសន្ធរ មានទំហំទឹកប្រាក់​ប្រមាណ​ជាង ២៦ម៉ឺនដុល្លារ ក្នុងនោះ​កែលម្អអគារ និងសំណង់ហេដ្ឋារចនាសម្ពន្ធ គិតជាថវិកាជាង១៥​ម៉ឺន​​ដុល្លារ និងបំពាក់សម្ភារៈ បរិក្ខារបម្រើឲ្យមន្ទីរពេទ្យ ចំនួន ៣០មុខ ស្មើនឹង ៥៩គ្រឿង គិតជាថវិកាជាង ១០​ម៉ឺន​ដុល្លារ​។​ ចំណែកមន្ទីរពេទ្យបង្អែកស្រុកកងមាស មានទំហំទឹកប្រាក់​ប្រមាណ​ជាង៧ម៉ឺន​ដុល្លារ ក្នុងនោះ​កែលម្អអគារ សំណង់ហេដ្ឋារចនាសម្ព័ន្ធ គិតជាថវិកាជាង៤ម៉ឺន​ដុល្លារ (សែសិបពីរពាន់បីរយប៉ែតសិបដុល្លារ)​ និងបំពាក់សម្ភារៈ បរិក្ខារបម្រើឲ្យមន្ទីរពេទ្យ ចំនួន ១មុខ ស្មើនឹង ១ គ្រឿង គិតជាថវិកាចំនួន ៣ម៉ឺន​ដុល្លារ​៕SRP

ខេត្តត្បូងឃ្មុំ​៖ប្រជាពលរដ្ឋ ចំនួន៧៥២គ្រួសារ ក្នុងស្រុកពញាក្រែក ខេត្តត្បូងឃ្មុំ ដែលរងការខូចខាតដំណាំស្រូវលើផ្ទៃដីប្រមាណ៥៤២ហិចតា ដោយទឹកជំនន់ក្នុងឆាំ្ន២០២២នេះ ត្រូវបាន សម្តេចតេជោ ហ៊ុនសែន នាយករដ្ឋមន្ត្រីនៃកម្ពុជា ផ្តល់ស្រូវពូជជាង៥៦តោន ដើម្បីជួយសម្រួលឲ្យបងប្អូនប្រជាកសិករ ធ្វើស្រែចំការស្តារជីវភាពឡើងវិញ​។

ការផ្ដល់នេះធ្វើឡើងក្នុងបរិវេណវត្តព្រៃនគរក្រៅ ស្ថិតក្នុងឃុំដូនតី ស្រុកពញាក្រែក ខេត្តត្បូងឃ្មុំ នៅថ្ងៃទី៣ ខែសីហា ឆ្នាំ២០២២នេះ ក្រោយ​វត្តមាន​ លោក វង់ សណ្តាប់ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងលោក ជាម ច័ន្ទសោភ័ណ អភិបាលខេត្តត្បូងឃ្មុំ។

គួរ​បញ្ជាក់​ថា ដោយក្នុងរដូវវស្សាឆ្នាំនេះ មានភ្លៀងធ្លាក់ខ្លាំង ជាបន្តបន្ទាប់ចាប់តាំងពីដើមខែឧសភាមក រួមផ្សំ ទឹកហូរពីផ្នែកខាងលើផង បានបណ្ដាលឲ្យស្រូវពង្រោះ របស់ប្រជាកសិករមួយចំនួនដែលទើបធ្វើការ ដាំដុះ បានរងនូវការជន់លិចខូចខាត ទាំងស្រុងជាច្រើនលើកច្រើនសារ រួមជាមួយផលប៉ះពាល់នៃវិបត្តិ ជំងឺកូវីដ-១៩ បណ្តាលឱ្យប្រជាកសិករ មានការខ្វះខាតពូជស្រូវយ៉ាងខ្លាំង សម្រាប់បង្កបង្កើនផលនៅ ពេលទឹកបានស្រុកទៅវិញ ។

ជាការឆ្លើយតបភ្លាមៗ ក្រោមការយកចិត្តទុកដាក់ខ្ពស់ពីសំណាក់ លោក ជាម ច័ន្ទសោភ័ណ បានចាត់ឲ្យរដ្ឋបាលស្រុកពញាក្រែក សហការ ជាមួយមន្ទីរកសិកម្មរុក្ខាប្រមាញ់ និងនេសាទខេត្តត្បូងឃ្មុំ បានចុះត្រួតពិនិត្យ វាយតម្លៃផលប៉ះពាល់ និងខូចខាតរបស់ប្រជាកសិករ ឃើញថាក្នុងឃុំដូនតី មានប្រជាកសិកររងគ្រោះ ចំនួន ៧៥២ គ្រួសារ លើផ្ទៃសរុប ៥៤២.៥៨ ហិកតា ត្រូវការគ្រាប់ពូជសរុបចំនួន ៥៦,៥៥០ គីឡូ ក្រាម ដើម្បីរាយការណ៍ និងស្នើសុំទៅគណៈកម្មាធិការគ្រប់គ្រងស្បៀងបម្រុងកម្ពុជា ហើយក៏ទទួល បាននូវគាំទ្រ និងនាំយកគ្រាប់ស្រូវពូជមកចែកជូនបងប្អូនប្រជាកសិករដោយឥតគិតថ្លៃនាថ្ងៃនេះ ដែលជាអំណោយដ៏ថ្លៃថ្លារបស់សម្តេចតេជោ ហ៊ុនសែន នាយករដ្ឋមន្ត្រី៕SRP

ខេត្តសៀមរាប៖រថយន្តក្រុងរបស់ក្រុមហ៊ុនវីរៈប៊ុនថាំ ដឹកភ្ញៀវទេសចរណ៍ ជនជាតិបរទេស បានបុកគោយន្តកន្ត្រៃបណ្តាលឲ្យស្លាប់មនុស្សចំនួន៣នាក់និងរបួសធ្ងន់ស្រាលចំនួន៥នាក់។

ហេតុការណ៍នេះកើតឡើងវេលាម៉ោង ១៧និង០០នាទី នៅថ្ងៃទី ០២ ខែសីហា ឆ្នាំ២០២២ ស្ថិតនៅតាមបណ្តោយផ្លូវជាតិលេខ៦ ភូមិគោកត្រុំ ឃុំស្រណាល ស្រុកក្រឡាញ់ ខេត្តសៀមរាប។

លោកជី បេងជន អធិការនគរបាលស្រុកក្រឡាញ់ បានមានប្រសាសន៍ឲ្យដឹងនៅព្រឹកនេះថា រថយន្តក្រុងម៉ាក Hyundai ពណ៌ស.ក្រហម ពាក់ផ្លាកលេខ ភ្នំពេញ 3E. 1209 បើក បរ ដោយឈ្មោះ មិនស្គាល់អត្តសញ្ញាណ បើកបរ ក្នុងទិសដៅពីកើតទៅលិច មានអ្នករួមណើរជាភ្ញៀវបរទេសចំនួន០៨នាក់។

ចំណែកអ្នកបើកគោយន្តកន្ត្រៃមួយគ្រឿង ម៉ាកគូប៊ូតា ពណ៌ក្រហម គ្មានផ្លាកលេខ បើកបរដោយឈ្មោះ គឹម កាន ភេទប្រុស អាយុ៣៧ឆ្នាំ រស់នៅភូមិតាខែក ឃុំទឹកជោរ ស្រុកព្រះនេត្រព្រះ ខេត្តបន្ទាយមានជ័យ បើកពីលិច ទៅកើត មានអ្នករួមដំណើរជាមួយចំនួន៨នាក់។

ប្រភពបានបញ្ជាក់ថា មូលហេតុ គ្រោះថ្នាក់ចរាចរណ៍ បណ្តាលមកពី អ្នកបើកបរ រថយន្តមិនប្រកាន់ស្តាំ។

លោកសោម វីរៈ នាយការិយាល័យនគរបាលចរាចរណ៍ផ្លូវគោកនៃស្នងការនគរបាលខេត្តសៀមរាប បានមានប្រសាសន៍ថា ក្រោយពេលកើតហេតុ កម្លាំងជំនាញបានចុះពិនិត្យនឹងប្រមូលវត្ថុតាង យកមករក្សាទុកនៅអធិការដ្ឋាននគរបាលស្រុកដើម្បីចាត់ការតាមនិតិវិធីច្បាប់៕SRP

ខេត្តកំពង់ចាម​៖លោក អ៊ុន​ ចាន់ដា​ បាន​ណែនាំ​ដល់​មន្ទីរ​អង្គភាព​ពាក់ព័ន្ធ​ទាំងអស់​ ដោយធ្វេីយ៉ាងណា​ត្រូវ​ពង្រឹង​ ការ​គ្រប់គ្រង​ និង​ប្រមូល​ចំណូល​ពន្ធ​ ឲ្យ​មាន​ប្រសិទ្ធិភាព​ ជៀសវាង​ការ​បាត់បង់​ប្រាក់​ចំណូល​ របស់​ជាតិ​ ក៏ដូចជា​ថវិកា​សម្រាប់​ធ្វើការ​អភិវឌ្ឍន៍​ ក្នុង​ខេត្តកំពង់ចាម​ផងដែរ​។

លោកអ៊ុន​ ចាន់ដា​ អភិបាលខេត្តកំពង់ចាម​ ក៏ប្រាប់មន្ត្រី ពាក់ព័ន្ធ​ទាំងអស់​ ឲ្យ​ជម្រុញ​ដល់​ក្រុមហ៊ុន​ សហគ្រាស​​ ដែល​ប្រកប​អាជីវកម្ម​នានា​ ត្រូវ​បំពេញបែបបទ​ស្នើសុំ​ប័ណ្ណ​ប៉ាតង់​ ដើម្បីគ្រប់គ្រង​ និងប្រមូលចំណូលពន្ធ ឲ្យមានប្រសិទ្ធភាព ស្របតាមការរីកចម្រើននៃ សេដ្ឋកិច្ច របស់ ព្រះរាជាណាចក្រកម្ពុជា។​

លោកណែនាំបែប​នេះ​ក្នុងកិច្ចប្រជុំពិភាក្សាលេីសេចក្តីព្រាងគម្រោងចំណូល ចំណាយថវិកា របស់រដ្ឋបាលខេត្តកំពង់ចាម សម្រាប់គ្រប់គ្រងការចំណាយឆ្នាំ២០២៣ នៅថ្ងៃទី​២​ ខែសីហា​ ឆ្នាំ​២០២២​។

ក្នុង​កិច្ចប្រជុំ​ អ៊ុន​ ចាន់ដា​ ក៏បានថ្លែងការកោតសរសើរ និងវាយតម្លៃខ្ពស់ ចំពោះកិច្ចខិតខំប្រឹងប្រែង របស់ថ្នាក់ដឹកនាំ និងមន្ត្រី​ពាក់ព័ន្ធ​ទាំងអស់​ ដែលបានចូលរួមចំណែកបំពេញភារកិច្ច អស់ពីកម្លាំងកាយចិត្ត និងសម្រេចបានលទ្ធផល ការងារគ្រប់គ្រង ប្រមូលចំណូលពន្ធ យ៉ាងល្អប្រសើរ នាពេល​កន្លង​មក​។

គួរ​បញ្ជាក់​ថា​ គម្រោងអភិវឌ្ឍសម្រាប់ឆ្នាំ ២០២៣ របស់សាលាខេត្តកំពង់ចាម​ មាន​ដូចជា​ ការថែទាំដីធ្លី សួនច្បារ ព្រៃឈើ​ ការថែទាំ ជួសជុលអគារផ្សេងៗ និងប្រសាទ​ ការថែទាំ ជួសជុលផ្លូវ ផ្លូវលំ ស្ពាន និងប្រព័ន្ធលូ​ ថែទាំ ជួសជុលផ្លូវសំបុកមាន់ និងស្លាកសញ្ញាចរាចរក្នុងក្រុងកំពង់ចាម​ និង​ការថែទាំប្រព័ន្ធធារាសាស្ត្រ​ សរុប ១៨ គម្រោង​ ដែល​សរុប​ថវិកា​ប្រមាណ​ជា​ 19.386.900.000​ រៀល​៕​SRP

ភ្នំពេញ៖សម្តេចតេជោហ៊ុន សែន នាយករដ្ឋមន្ត្រីបានអះអាងថាធ្លាប់ធ្វើវេទិការតាមភ្លឺស្រែជាង១០ដង ដើម្បីដោះស្រាយបញ្ហាជូនពលរដ្ឋ។

ការធ្វើវេទិកាតាមភ្ល្លឺស្រែរបស់សម្ដេចតេជោហ៊ុនសែន ផ្តោតសំខាន់លើការដោះស្រាយទឹក ការប្រើប្រាស់ពូជការប្រើប្រាស់ដី ជី ថ្នាំសម្លាប់សត្វល្អិត ការបែងចែកតំបន់ដាំដុះការចិញ្ចឹមត្រីនិងសត្វ។ល។

ក្នុងគណីផេកហ្វេសប៊ុករបស់សម្ដេចហ៊ុន សែននៅមុននេះបន្តិច បានសរសេរថា៖ ដើម្បីមានស្បៀងគ្រប់គ្រាន់សម្រាប់ចិញ្ចឹមប្រជាជនយើងត្រូវធ្វើវេទិការតាមភ្លឺស្រែជាមួយប្រជាជន។ ពេលនោះការពិភាក្សាផ្តោតសំខាន់លើការដោះស្រាយទឹក ការប្រើប្រាស់ពូជ ការប្រើប្រាស់ដី ជី ថ្នាំសម្លាប់សត្វល្អិត ការបែងចែកតំបន់ដាំដុះ ការចិញ្ចឹមត្រីនិង
សត្វ។ល។

សម្តេចតេជោបានបន្តថា៖ ការឆ្លងឆ្លើយរវាងប្រជាជននិងនាយករដ្ឋមន្ត្រីបានធ្វើឲ្យវេទិការមានជោគជ័យ ដែលយើងបានដោះស្រាយសំណូមពររបស់ប្រជាជន មិនត្រឹមតែវិស័យកសិកម្មប៉ុណ្ណោះទេ តែយើងបានដោះស្រាយ សាលារៀន ផ្លូវ ស្ពាន ស្រះទឹក អណ្តូងទឹក វត្តអារាម។ល។បានយ៉ាងច្រើនទៀតផង។

សម្ដេចបានបញ្ជាក់ថា៖ ពីប្រទេសដែលខ្វះស្រូវប្រម៉ាណ ១លានតោននាទសវត្សរ៍១៩៩០និងដើមឆ្នាំ២០០០ ពេលនេះយើងសល់ស្រូវជាង៦លានតោនជាមួយដំណាំកសិកម្មផ្សេងទៀត មានការរីកចំរើនយ៉ាងខ្លាំងដែលធ្វើឲ្យយើងដោះស្រាយបានតម្រូវការក្នុងស្រុកនិងការនាំចេញផងដែរ។

វេទិការតាមវាលស្រែ ធ្វើមិនតិចជាង១០ដងនោះទេ ដែលមាននៅខេត្តកណ្តាលកំពង់ស្ពឺ តាកែវ កំពង់ឆ្នាំង ពោសាត់កំពង់ធំ។

សម្ដេចបានបញ្ជាក់បន្ថែមថា កូនស្រីច្បងរបស់ខ្ញុំមានទម្លាប់ដើរតាមឪពុកតាំងពីតូច គេធ្លាប់ទៅតាមខ្ញុំបានប៉ុន្មានកន្លែងដែរ ក្នុងវេទិការតាមភ្លឺស្រែនេះ។

ស្តាប់ប្រជាជននិយាយទទួលដោះស្រាយសំណូមពរសមហេតុ សមផលរបស់ប្រជាជន ទើបយើងរៀបចំគោលនយោបាយបានត្រឹមត្រូវ។ ត្រូវធ្វើមន្ត្រីជើងពីរមិនត្រូវធ្វើមន្ត្រីជើង១០នោះឡើយ និងត្រូវរត់ទៅរកការងារធ្វើកុំរង់ចាំការងាររត់មករកយើង៕SRP

ខេត្តបាត់ដំបង៖លោកសុខ លូ និងលោកជំទាវ ម៉េត រ៉ាវីចិត្រ សុខ លូ បានផ្តល់អំណោយមនុស្សធម៌ ដល់អ្នកសារព័ត៌មានម្នាក់ ដែលមានជំងឺកំពុងសម្រាកព្យាបាលបន្តនៅផ្ទះ។

ការផ្ដល់អំណោយនេះរសៀលថ្ងៃចន្ទ ម្សិលមិញ តាមរយ:ក្រុមការងាររបស់លោកអភិបាលខេត្ត។

ក្រុមការងារបានចុះសួរសុខទុក្ខ និងនាំយកអំណោយផ្តល់ជូនដល់ លោក ពៅ សំអូន អាយុ ៥៤ឆ្នាំ មុខរបរជា អ្នកសារព័ត៌មាន ដែលមានជំងឺទឹកនោម និងកាត់ម្រាមជើង ហើយកំពុងសម្រាកព្យាបាលបន្តនៅផ្ទះ ស្ថិតក្នុងភូមិរំចេក៤ សង្កាត់រតនៈ ក្រុងបាត់ដំបង។

សូមបញ្ជាក់អំណោយដែលផ្តល់ជូនរូមមាន អង្ករចំនួន ២ការ៉ុង ស្មើនឹង ៥០គីឡូក្រាម មី ១កេស ទឹកបរិសុទ្ធ ១កេស ត្រីខ ១យួរ ទឹកសុីអុីវ១យួ ទឹកត្រី១យួ និងថវិកា ចំនួន ១,០០០,០០០រៀល ផងដែរ៕SRP

ខេត្តត្បូងឃ្មុំ​៖លោកពាង ណារិទ្ធ អភិបាលរងខេត្តត្បូងឃ្មុំ បានថ្លែងថា​ ការ​ប្រារព្ធ​ទិវាមច្ឆាជាតិនេះ មានគោលបំណងបំផុសប្រជាពលរដ្ឋ ឲ្យចូលរួមចំណែកការពារ អភិរក្ស និងអភិវឌ្ឍន៍វិស័យជលផល ក្នុងទិសដៅធានានិរន្តរភាព នៃធនធានជលផល ដើម្បីផលប្រយោជន៍ សេដ្ឋកិច្ចសង្គមជាតិ។​

លោកថ្លែង​បែប​នេះ​ក្នុង​ឱកាស​នាំយកកូនត្រីចម្រុះ​ប្រមាណ​១​ ៧០០០ក្បាល ប្រលែងនៅស្ទឹងបន្ទាយឆាក ឃុំដំរិល ស្រុកអូររាំងឪ ដែលជាកន្លែងប្រវត្តិសាស្ត្រហ្លួងព្រះស្តេចកន នៅថ្ងៃចន្ទម្សិលមិញ។

លោកពាង ណារិទ្ធ បានលើកឡើងថា បច្ចុប្បន្ននេះ ក្រោមការដឹកនាំប្រកបដោយគតិបណ្ឌិតរបស់សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានធ្វើកំណែទំរង់ស៊ីជម្រៅលើវិស័យជលផល ដោយបានធ្វើការ កាត់រំសាយចោល នូវឡូត៍នេសាទ ទឹកសាបទូទាំងប្រទេស ហើយប្រគល់ឲ្យសហគមន៍គ្រប់គ្រង និងប្រើប្រាស់ ប្រកបដោយនិរន្តភាព ដោយការធ្វើនេសាទ ជាលក្ខណៈគ្រួសារ ក្នុងគោលបំណង ដើម្បីលើកស្ទួយជីវភាព រស់នៅ និងផ្គត់ផ្គង់ស្បៀង ដល់ប្រជាពលរដ្ឋ មូលដ្ឋាន ដើម្បីកាត់បន្ថយភាពក្រីក្រ ស្របតាមយុទ្ធសាស្ត្រ ចតុកោណរបស់រាជរដ្ឋាភិបាល។

លោក ពាង ណារិទ្ធ បាន​បញ្ជក់ថា ជាក់ស្តែងទិវាមច្ឆាជាតិនាថ្ងៃនេះ បានប្រលែងកូនត្រីចម្រុះប្រមាណ ១​ ៧០០០ក្បាល និងមេត្រីពូជមួយចំនួនទៀតដូចជា កូនត្រីក្រាញ់ ត្រីកន្ធរ ត្រីប្រា ត្រីរាជ ត្រីគល់រាំង ត្រីឆ្ពិន ត្រីអណ្តែង ត្រីកាហែ ត្រីក្រាញ់ ដើម្បីធ្វើឲ្យអាងទឹកនេះសម្បូរណ៍ទៅដោយត្រី សម្រាប់បម្រើសេចក្តីត្រូវការ ហូបចុករបស់ ប្រជាពលរដ្ឋ ក្នុងតំបន់នេះផងដែរ។

បើតាមលោក ហេង ពិសិទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ បាន​ឲ្យដឹងថា សម្រាប់ខេត្តត្បូងឃ្មុំ ថោយទទួលបានការអនុញ្ញាតពី លោកជាម ច័ន្ទសោភ័ណ អភិបាលខេត្ត រៀបចំទិវាមច្ឆជាតិ ឆ្នាំ​២០២២ នៅក្នុងស្ទឹងបន្ទាយឆាក ស្រុកអូររាំងឪ។ ដែលបានប្រលែងកូនពូជត្រីក្នុងស្រុក សរុបចំនួន១៧.១១២ក្បាល រួមមាន៖ ត្រីប្រា(ធំ) ចំនួន ៥០គីឡូក្រាម ស្មើនិង១០០ក្បាល ត្រីរាជចំនួន ២ក្បាល ត្រីគល់រាំងចំនួន ១០ក្បាល ត្រីឆ្ពិនចំនួន ៧ ០០០ក្បាល ត្រីកាហែចំនួន ៥ ០០០ក្បាល និងត្រីក្រាញ់ចំនួន ៥ ០០០ក្បាល ចូលក្នុងស្ទឹងបន្ទាយឆាក ហៅស្ទឹងយ៉ាង ដើម្បីបង្កើនផលស្តុក នៅក្នុងធម្មជាតិ ឲ្យកាន់តែសម្បូរណ៍ឡើងថែមទៀត និង ក្លាយជាសហគមន៍ ស្រះជម្រកត្រី ក្នុងមូលដ្ឋានក្នុងស្រុកអូរាំងឪ នេះផងដែរ៕SRP

ភ្នំពេញ៖គណ:អចិន្ត្រៃយ៍នៃគណ:កម្មាធិការកណ្ដាល បក្សប្រជាជនកម្ពុជា បានចេញសេចក្ដីសម្រេចតែងតាំង ឯកឧត្តមហ៊ុន ម៉ានិត ជាអនុប្រធានទី១ នៃក្រុមការងារគណបក្ស ចុះមូលដ្ឋានខេត្តកំពង់ចាម។

នេះបើយោងតាម សម្រេចរបស់គណ:អចិន្ត្រៃយ៍នៃគណ:កម្មាធិការកណ្ដាល ចុះហត្ថលេខាដោយ សម្ដេចសាយ ឈុំ៕SRP