ភ្នំពេញ៖ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រ នៃ ព្រះរាជាណាចក្រ កម្ពុជា និងសម្តេចម៉ែ ព្រះមហាក្សត្រី នរោត្តម មុនីនាថ សីហនុ នៅព្រឹកថ្ងៃចន្ទ ថ្ងៃទី០១ ខែមីនា ឆ្នាំ២០២១នេះ បានយាងទៅទីក្រុងប៉េកាំង ប្រទេសចិន ដើម្បីពិនិត្យព្រះរាជសុខភាព។

សម្ដេចតេជោហ៊ុន សែន នាយករដ្ឋមន្ត្រី បានបញ្ជាក់ថា សូមព្រះអង្គ ទ្រង់ប្រកបដោយព្រះពលានុភាពខ្លាំងក្លា ព្រះបញ្ញាញាណវាងវៃ ព្រះរាជសុខភាពល្អបរិបូណ៌ ព្រះជន្មាយុយឺនយូរជាងរយព្រះវស្សា ដើម្បីគង់ប្រថាប់ជាម្លប់ដ៏ត្រជាក់ត្រជុំ ដល់ប្រជានុរាស្ត្រគ្រប់រូប រស់នៅក្នុងសុខសន្តិភាព តរៀងទៅ។

សូមជម្រាបថា សម្ដេច ហ៊ុន សែន និងភរិយា រួមព្រមទាំង មន្ត្រីជាន់ខ្ពស់រាជរដ្ឋាភិបាលកម្ពុជា ជាច្រើនរូបទៀត បានអញ្ជើញថ្វាយព្រះរាជដំណើររបស់ ព្រះមហាក្សត្រ និងសម្តេចម៉ែយាងទៅទីក្រុងប៉េកាំង ប្រទេសចិន៕SRP

ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រ នៃ ព្រះរាជាណាចក្រ កម្ពុជា និងសម្តេចម៉ែ ព្រះមហាក្សត្រី នរោត្តម មុនីនាថ សីហនុ នៅព្រឹកថ្ងៃចន្ទ ថ្ងៃទី០១ ខែមីនា ឆ្នាំ២០២១នេះ បានយាងទៅទីក្រុងប៉េកាំង ប្រទេសចិន ដើម្បីពិនិត្យព្រះរាជសុខភាព។

សម្ដេចតេជោហ៊ុន សែន នាយករដ្ឋមន្ត្រី បានបញ្ជាក់ថា សូមព្រះអង្គ ទ្រង់ប្រកបដោយព្រះពលានុភាពខ្លាំងក្លា ព្រះបញ្ញាញាណវាងវៃ ព្រះរាជសុខភាពល្អបរិបូណ៌ ព្រះជន្មាយុយឺនយូរជាងរយព្រះវស្សា ដើម្បីគង់ប្រថាប់ជាម្លប់ដ៏ត្រជាក់ត្រជុំ ដល់ប្រជានុរាស្ត្រគ្រប់រូប រស់នៅក្នុងសុខសន្តិភាព តរៀងទៅ។

សូមជម្រាបថា សម្ដេច ហ៊ុន សែន និងភរិយា រួមព្រមទាំង មន្ត្រីជាន់ខ្ពស់រាជរដ្ឋាភិបាលកម្ពុជា ជាច្រើនរូបទៀត បានអញ្ជើញថ្វាយព្រះរាជដំណើររបស់ ព្រះមហាក្សត្រ និងសម្តេចម៉ែយាងទៅទីក្រុងប៉េកាំង ប្រទេសចិន៕SRP

ភ្នំពេញ៖នាយករដ្ឋមន្ត្រីនៃព្រះរាជាណាចក្រកម្ពុជា សម្តេចតេជោ ហ៊ុន សែន បានលើកឡើងថា៖សូមកោតសរសើរចំពោះលោកជំទាវទាំងអស់ដែលបានប្រើប្រាស់ផលិតផលឆ្នៃប្រឌិតរបស់កូនខ្មែរនៅខេត្តសៀមរាប។

សម្ដេចតេជោបានបន្តថា៖ ប្រសិនបើកាបូបខ្មែរដែលធ្វើពីកំប្លោក ត្រូវបានប្រើប្រាស់ យ៉ាងទូលំទូលាយពីស្ត្រីខ្មែរ ច្បាស់ជាធ្វើអោយសិប្បកម្ម កែឆ្នៃ និងអ្នករក កំប្លោក ទទួលបាននូវប្រាក់ចំណូល និងបង្កើតបាននូវការងារធ្វើសម្រាប់ប្រជាជនយើង។

មួយប៉ុស្តិ៍នេះ ខ្ញុំមើលឃើញថា ប្រពន្ធខ្ញុំ នៅតែស្អាតដូចមុនរៀបការ។ នេះជាការសរសើររបស់ប្តី។

សូមជម្រាបថា រូបថត ដែលនាយករដ្ឋមន្ត្រី ហ៊ុនសែន បានបង្ហាញ នៅលើទំព័រ ផេកហ្វេសប៊ុក នេះ គឺថតនៅពេល សម្ដេច ប៊ុន រ៉ានី ហ៊ុនសែន អញ្ជើញមកទស្សនា នៅក្នុងខេត្តសៀមរាបកាលពីកន្លងទៅថ្មីៗនេះ ដោយទទួលស្វាគមន៍យ៉ាងកក់ក្ដៅ ពីសំណាក់ អាជ្ញាធរថ្នាក់ដឹកនាំខេត្តសៀមរាប ជាពិសេសលោកជំទាវ ទាង អេង ទៀ សីហា ភរិយា លោកទៀ សីហា អភិបាលខេត្តសៀមរាប៕SRP

ខេត្តសៀមរាប៖ក្រុមអ្នកជំនាញ ជួសជុលស្រះខាងជើងនៃ ប្រាសាទអង្គរវត្ត មកដល់ពេលនេះបានបញ្ចប់កិច្ចការស្រាវជ្រាវ បុរាណវិទ្យា រួចរាល់ហើយ ព្រមទាំងបានជួសជុល ច្រាំងស្រះបានចំនួន៥៦ម៉ែត្រ និងបញ្ចូលទឹកក្នុងស្រះចំនួន៦០០០០ម៉ែត្រគូប។

ទោះជាយ៉ាងនេះក្តី ទីនេះនៅតែបន្តបិទស្បៃខ្មៅមិនទាន់អនុញ្ញាត ឱ្យភ្ញៀវទេសចរចូលទៅ ផ្តិតរូបភាពប្រាសាទអង្គរវត្ត ពីស្រះនេះនៅឡើយ ព្រោះគម្រោងជួសជុល និងលើកតម្លៃ រចនាសម្ពន្ធ ស្រះនៅតែបន្ត អាចនឹងរួចរាល់ទាំងស្រុងនៅ២ឆ្នាំក្រោយ។

លោក ស្រ៊ុន តិច បុរាណវិទូ នៃនាយកដ្ឋានអភិរក្សប្រាសាទ ក្នុងឧទ្យានអង្គរ និងបុរាណវិទ្យាបង្ការនិងជាប្រធានគម្រោងជួសជុលរចនាសម្ពន្ធស្រះខាងជើងឱ្យដឹងថា ការងារទាំងនេះបានចាប់ផ្តើមកិច្ចការស្រាវជ្រាវ តាំងពីឆ្នាំ២០១៨ និងអនុវត្តការជួសជុលនៅឆ្នាំ២០២០។  បច្ចុប្បន្នមិនទាន់ បើកឱ្យភ្ញៀវចូល ផ្តិតរូបភាពទេ ព្រោះរចនាសម្ពន្ធ ស្រះខាងជើង ខូចខាតខ្លាំង មិនទាន់ជួសជុលរួចរាល់ទាំងស្រុង។  ស្របនឹងពេលនេះ ការរីករាតត្បាតនៃជំងឺកូវីដ១៩ក៏មិនមានភ្ញៀវមកទស្សនាដែរ។ ម្យ៉ាងវិញទៀត ក៏ទុកឱកាស ឱ្យអ្នកជំនាញស្រាវជ្រាវ និងអ្នកជួសជុលងាយស្រួលបំពេញការងារបានល្អផង។

លោកថា នាឆ្នាំ២០២១នេះ អាជ្ញាធរជាតិអប្សរានៅសល់កាំជណ្តើរ ស្រះ៣ជ្រុងទៀត ដែលត្រូវពង្រឹងនិងកំពុងតែកំណាយ មើលស្ថានភាពខូចខាត ជាក់ស្តែងដើម្បី លើកគម្រោងជួសជុលបន្ថែមចំនួន៦៥ម៉ែត្រឱ្យរួចរាល់ក្នុងរយៈពេល២ឆ្នាំទៀត តែបើជួបនឹងករណីស្រាវជ្រាវ វានឹងអាចពន្យារពេលយូរជាងនេះ។

រចនាសម្ពន្ធស្រះខាងជើង ខូចខាត ទ្រុឌទ្រោមដោយសារថ្មភក់ មានប្រតិកម្មខ្លាំង នឹងកម្តៅថ្ងៃជាមួយនឹងទឹកធ្វើឱ្យក្តៅសើមៗ បណ្តាលឱ្យថ្មភក់ងាយសឹករិចរិល ងាយនឹងបាក់បែក ហើយកន្លែងខ្លះបាត់ថ្ម ដែលធ្វើឱ្យមានចន្លោះ ប្រហោងបណ្តាលឱ្យទឹកហូរ នាំដីច្រោះចូលទៅក្នុងស្រះ។

ដូច្នេះក្រុមការងារ ត្រូវការសិក្សាស្រាវជ្រាវ ពីវិធីសាស្ត្រពង្រឹង ការបិទចន្លោះប្រហោងយ៉ាងម៉េចដើម្បីកុំឱ្យវាច្រោះទៀត។

បើតាម លោក ស្រ៊ុន តិច បញ្ជាក់ថា ការអភិរក្សសំណង់បុរាណ យើងអត់អាចកំណត់ បានដូចសំណង់សម័យទំនើបទេ យើងត្រូវការពេលវេលាយូរដើម្បីកុំឱ្យបាត់បង់នូវទម្រង់ដើមរបស់ស្រះ។ យើងមិនអាចធ្វើលឿនពេក ដោយមិនគិតគូរអំពីកិច្ចការស្រាវជ្រាវ បច្ចេកទេសបុរាណ វិស្វកម្មបុរាណ ការប្រើប្រាស់វត្ថុធាតុដើមនោះឡើយ។

ដូច្នេះមុននឹងយើង ធ្វើពីកន្លែងមួយទៅកន្លែងមួយ យើងត្រូវកំណាយ បើកដីមើលឱ្យអស់ពីស្ថានភាពដើមរបស់វា រួចសម្រង់ប្លង់គ្រប់ជ្រុងជ្រោយ រួចសិក្សាប្លង់ តើត្រូវរៀបម៉េចឱ្យដូចទម្រង់ដើម ដែលសំខាន់សម្រាប់កិច្ចការអភិរក្សមិនអាចកែប្រែវាបានទេ។

ចំពោះស្រះខាងជើង នៃប្រាសាទអង្គរវត្ត ក៏ធ្លាប់មានប្រវត្តិជួសជុលកាលពីឆ្នាំ១៩២២ ដោយលោក ហង់រី ម៉ាកហ្សាល់។ គាត់បានរៀបផ្នែកខាងជើងម្តងរួចមកហើយ ដោយលោកបានកែលម្អលើកថ្មឱ្យមានទម្រង់ចេញជារូបរាងស្រះ៕SRP

អត្ថបទ៖ កញ្ញា ហ៊ីង ស្រីរ័ត្ន
រូបភាព៖ លោក យី សុថា

ភ្នំពេញ៖សម្ដេច ហ៊ុន សែន នាយករដ្ឋមន្ត្រី នៅល្ងាចថ្ងៃទី២៨ ខែកុម្ភ: នេះ បានប្រកាសថាខ្ញុំសូមជំរាបបន្ថែមថា ប្រសិនបើពុំមានការប្រែប្រួលទេ ខ្ញុំនឹងទទួលចាក់វ៉ាក់សាំងនៅម៉ោង៨និង៣០នាទីព្រឹកថ្ងៃទី ៤ មីនា ២០២១ នៅមន្ទីរពេទ្យកាល់ម៉ែត្រ ដោយមានការធ្វើសន្និសីទសារព័ត៌មានផងដែរ។

តាមរយ:ហ្វេសប៊ុក របស់ សម្ដេចហ៊ុន សែន បានបង្ហាញថាបងប្អូនជនរួមជាតិជាទីគោពស្រឡាញ់! ដូចដែលក្រសួងសុខាភិបាល បានប្រកាសជូនដំណឹងរួចមកហើយថា កម្ពុជានឹងទទួលបានវ៉ាក់សាំងឈ្មោះអាស្រ្តាហ្សេនីកា(AstraZeneca)ដែលផលិតនៅឥណ្ឌាចំនួន ៣២៤,០០០ដូស ក្នុងចំណោម ១,១០៤,០០០ដូស ដែលកម្ពុជាត្រូវបានទទួលក្នុងឆមាសទី១ ឆ្នាំ២០២១ ដែលជាជំនួយបឋមផ្តល់ដោយមជ្ឈមណ្ឌលកូវ៉ាក់ (COVAX Facility)។

ប្រសិនបើពុំមានការប្រែប្រួលទេ វ៉ាក់សាំងនេះនឹងមកដល់កម្ពុជានៅម៉ោង១៩:៥០ល្ងាច ថ្ងៃទី២ មីនា២០២១។ ឯកឧត្តម ម៉ម ប៊ុនហេង នឹងតំណាងអោយរាជរដ្ឋាភិបាលកម្ពុជាទទួលយកវ៉ាក់សាំងនេះពីតំណាងអង្គការសុខភាពពិភពលោក និងតំណាងអង្គការយូនីសេហ្វប្រចាំកម្ពុជានៅយប់ថ្ងៃទី២ មីនា២០២១ នៅព្រលានយន្តហោះ អន្តរជាតិភ្នំពេញ។

នេះជាផ្លែផ្កានៃកិច្ចសហការអន្តរជាតិដែលកម្ពុជាបានធ្វើជាមួយដៃគូពហុភាគីជាមួយអង្គការសហប្រជាជាតិ ជាពិសេសជាមួយអង្គការសុខភាពពិភពលោក និងអង្គការយូនីសេហ្វ។ តាមគំរោងកូវ៉ាក់នឹងផ្តល់អោយយើងចំនួន ២០ភាគរយ នៃចំនួនប្រជាជន១៦លាននាក់ ដែលស្មើនឹង៣លាន២សែននាក់ ឬស្មើនឹងវ៉ាក់សាំងចំនួន ៦លាន៤សែនដូស។

កម្ពុជាសូមអរគុណចំពោះប្រទេសនានា ក្រុមហ៊ុន និង សប្បុរសជននៅលើសកលលោកដែលបានផ្តល់ជំនួយដល់យើងតាមរយៈកូវ៉ាក់៕SRP

ខេត្តមណ្ឌលគិរី៖សមត្ថកិច្ចចម្រុះ បានឃាត់រថយន្តយីឌុបដឹកឈើ ចំនួន១៣គ្រឿង របស់ ក្រុមហ៊ុន «លឹមរ៉ូយ៉ាល់» ដែលបានដឹកចេញស្រុកកោះញែក។

ការឃាត់រថយន្តដឹកឈើរបស់ ក្រុមហ៊ុន «លឹមរ៉ូយ៉ាល់» នេះធ្វើឡើង នៅថ្ងៃទី២៨ ខែកុម្ភ: ឆ្នាំ២០២១ នេះ នៅក្រុងសែនមនោរម្យ។

យោងតាមប្រភពបានឲ្យដឹងថា នៅក្នុងក្រុមហ៊ុន លឹមរ៉ូយ៉ាល់ នៅស្រុកកោះញែក ខេត្តមណ្ឌលគិរី មិនមានឈើ សម្រាប់កាប់ និងអារដឹកជញ្ជូន លក់ធ្វើអាជីវកម្ម បន្តទៀតនោះទេ ប៉ុន្តែ
ក្រុមហ៊ុនមួយនេះ មានឈើសម្រាប់ដឹកជញ្ជូនយ៉ាងគគ្រឹកគគ្រេង បែបនេះ គេនៅពុំទាន់ដឹងថាបានឈើមកពីប្រភណណានោះឡើយ។

សូមរំលឹកថា កន្លងទៅ ក្រុមហ៊ុនមួយនេះ ត្រូវបានគេសង្ស័យថា បានកាប់ឈើ ពីតំបន់ព្រៃការពារ អភិរក្សនានា ក្នុងស្រុកកោះញែក ខេត្តមណ្ឌលគិរី ហើយដឹកចូល ទៅក្នុងក្រុមហ៊ុន ដើម្បី អារច្រៀក និងដឹកលក់ ធ្វើអាជីវកម្មឆ្លងដែន យ៉ាងអនាធិបតេយ្យ។
ភាពមិនប្រក្រតី នេះ កាលពីអំឡុងចុងឆ្នាំ២០១៩ ត្រូវបានគេរកឃើញ រហូតមានប្រធានក្រុមហ៊ុនមួយចំនួនខ្លះ ត្រូវបានសមត្ថកិច្ចធ្វើការចាប់ខ្លួន នៅក្នុងខេត្តមណ្ឌលគិរី ដូចជាឧកញ៉ាសឹង សំអុល ជាដើម។
ជាមួយគ្នានេះកាលពីយប់ថ្ងៃទី១៨ ខែកុម្ភ: ឆ្នាំ២០២១ កន្លងទៅថ្មីៗនេះ គេបានសង្កេតឃើញ រថយន្តយីឌុបមួយគ្រឿង របស់ក្រុមហ៊ុនលឹមរ៉ូយ៉ាល់ ដឹកឈើ ចេញពីស្រុកកោះញែក ខេត្តមណ្ឌលគិរី ហើយឆ្លងដែនទៅប្រទេសវៀតណា ត្រង់ចំណុច៨៨ ស្ថិតនៅក្នុងឃុំ២ធ្នូ ស្រុកស្នួល ខេត្តក្រចេះ ច្រកត្រពាំងស្រែ(ច្រកវ៉ាលឺ)។ ក៏ប៉ុន្តែភាគីរថយន្តដឹកឈើបានអះអាងថា ឈើមានច្បាប់គឺដឹកចេញពីក្រុមហ៊ុន លឹម រ៉ូយ៉ាល់ ក្នុងស្រុកកោះញែក ខេត្តមណ្ឌលគីរី ដឹកទៅដាក់នៅរោងចក្រ នៅស្រុកស្នួល ខេត្តក្រចេះ។

ពាក់ព័ន្ធករណីនេះ បណ្ដាញ សៀមរាបប៉ុស្ដិ៍
នៅពុំទាន់ទទួលបាន ការបំភ្លឺពីតំណាងក្រុមហ៊ុន
«លឹមរ៉ូយ៉ាល់» នៅឡើយទេ៕SRP

ភ្នំពេញ៖គណៈរដ្ឋមន្ត្រី នៅថ្ងៃអាទិត្យ ទី២៨ ខែកុម្ភៈ ឆ្នាំ២០២១ នេះ បានចេញសេចក្ដីប្រកាសលទ្ធផល នៃសម័យ ប្រជុំគណៈអចិន្ត្រៃយ៍ ក្រោមអធិបតីភាពដ៏ខ្ពង់ខ្ពស់បំផុតរបស់ សម្ដេច តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា៕SRP

ខេត្តសៀមរាប៖មនុស្សចំនួន២នាក់បានរងរបួសដោយសារគ្រោះថ្នាក់ចរាចណ៍។ ហេតុការណ៍បានកើតឡើង នៅវេលាម៉ោង០០.២៥នាទី រំលងអាធ្រាត ថ្ងៃទី២៨ ខែកុម្ភ:
ឆ្នាំ២០២១ ចំណុចភូមិដំដែកផ្សារ ឃុំដំដែក ស្រុកសូទ្រនិគម ខេត្តសៀមរាប លើផ្លូវជាតិលេខ៦។

សមត្ថកិច្ចបានឲ្យដឹងថា គ្រោះថ្នាក់ចរាចរបនណ៍ នេះ បង្កដោយ រថយន្តម៉ាកហាយឡែនឌ័រ ពណ៌ត្រីអុី   ពាក់ស្លាកលេខ ខេមរភូមិន្ទ6 2.3664  បើកបុក រថយន្តម៉ាកហ៊ីយាយដាយ ពណ៌ស ពាក់ស្លាកលេខព្រះសីហនុ3A.2573 ពីក្រោយស្របទិសគ្នា ពីលិចទៅកើត ចតជញ្ចើមផ្លូវ  អ្នកបើកបរ មិនស្គាល់អត្តសញ្ញាណ(រត់គេចខ្លួនបាត់)។

សមត្ថកិច្ចបានបន្តថាករណីនេះ បណ្ដាលអោយរបួសស្រាល មនុស្ស០២នាក់ ជាអ្នកបើកបររថយន្តហាយឡែនឌ័រ និងអ្នករួមដំណើរម្នាក់ជាប្រពន្ធ។

ជនរងគ្រោះ
១/ឈ្មោះជុំ សារឿត ភេទប្រុស អាយុ៥៣ឆ្នាំ ទីលំនៅភូមិខ្នា សង្កាត់ជ្រាវ ក្រុងសៀមរាប ខេត្តសៀមរាប ជាអ្នកបើកបររថយន្ត ហាយឡែនឌ័រ របួសស្រាល
២/ឈ្មោះទូច ង៉ា ភេទស្រី អាយុ៤៨ឆ្នាំ នៅភូមិខ្នា សង្កាត់ជ្រាវ ក្រុងសៀមរាប ខេត្តសៀមរាបរបួសស្រាល។

រថយន្តទាំងពីរគ្រឿងសមត្ថកិច្ចយកទៅ រក្សាទុក នៅអធិការនគរបាលស្រុក។ ចំណែកអ្នករបួស បញ្ជូនទៅសង្គ្រោះនៅមន្ទីរពេទ្យបង្អែកស្រុក សូទ្រនិគម៕SRP

ខេត្តកំពង់ចាម៖ករណីឆេះ ឃ្លាំងស្តុក សាច់កំណាត់មួយកន្លែង នៅទល់មុខរោងចក្រ ផលិត ក្តារបន្ទះ ក្នុងភូមិអណ្ដូងច្រុះ ឃុំអំពិល ស្រុកកំពង់សៀម នាវេលាម៉ោង ១២និង៤០នាទី​ ថ្ងៃទី២៧​ ខែកុម្ភ: ម្សិលមិញ បណ្ដាលឲ្យខូចខាត ឡេវ៉ាល់ទ័រ ១គ្រឿង​ ឃ្លាំងមានទំហំ៣០x៤០ម៉ែត្រ កម្ពស់ ៦ម៉ែត្រ និង កម្ទេចសាច់កំណាត់ ទំងន់ ៤០០តោន គិតជាទឹកប្រាក់ ជាង២០ម៉ឺនដុល្លារ​អាមេរិក​ និងសម្ភារមួយចំនួនទៀត។

ភ្នាក់ងារបណ្ដាញសៀមរាបប៉ុស្តិ៍ បានរាយការណ៍ថា បន្ទាប់ពីមានហេតុការណ៍នេះ ភ្លាមៗ លោកអ៊ុន​ ចាន់ដា​ អភិបាលខេត្តកំពង់ចាម​ បាន​ដឹកនាំ​កម្លាំង​សមត្ថកិច្ច​ជំនាញ​ ចុះជួយអន្តរាគមន៍ពន្លត់ រហូតដល់ម៉ោង១៩និង២០នាទីយប់ ទើបរលត់ទាំងស្រុង។

ប្រតិបត្តិការ ជួយពន្លត់នេះ កម្លាំងចម្រុះ សរុបប្រមាណជា១៥០នាក់ ដោយប្រើប្រាស់ អស់ទឹកចំនួន ៩៩ស៊ឺទែន ស្មើនឹង៤៩៥ម៉ែត្រគូប​ និងត្រូវចំណាយ អស់រយៈពេលជាង៦ម៉ោង។

សូមជម្រាបថា គ្រោះអគ្គិភ័យនេះ កេីតឡើង ខណៈអ្នកយាមឃ្លាំង បានបិទទ្វារចាក់សោ ទៅទៅហូបបាយថ្ងៃត្រង រហូតមកដល់ ព្រឹកថ្ងៃទី២៨ កុម្ភ: នេះ នៅពុំទាន់ដឹងមូលហេតុនៅឡើយ៕SRP

ខេត្តសៀមរាប៖យ៉ាងហោចណាស់មនុស្សម្នាក់ បានស្លាប់និង ៣នាក់ទៀតបានរងរបួសធ្ងន់ស្រាល ដោយសារ រថយន្ត២គ្រឿងបុកគ្នា។

ហេតុការណ៍បានកើតឡើងវេលាម៉ោង ០៤និង៤០នាទី ថ្ងៃទី២៨ ខែកុម្ភ: ឆ្នាំ២០២១ នេះ នៅលេីផ្លូវជាតិលេខ ៦ ចំណុចភូមិថ្នល់ ឃុំល្វែងឫស្សី ស្រុកជីក្រែង។

សមត្ថកិច្ចស្រុកជីក្រែងបានរាយការណ៍ថា គ្រោះថ្នាក់ចរាចរណ៍ នេះគឺរវាងរថយន្តដឹកសាំង របស់ក្រុមហ៊ុន PTT ពណ៌សរ ខៀវ ពាក់ស្លាកលេខ ភ្នំពេញ4A1331 ពីលិច ទៅកេីត។ ចំណែករថយន្តដឹកជី ពណ៌សរ ពាក់ស្លាកលេខព្រះសីហនុ 3A5880
ពីកេីតទៅលិច។

សមត្ថកិច្ចបានបន្តថាករណីនេះ
បញ្រ្ចាសទិសគ្នា បណ្តាលអោយស្លាប់មនុស្សម្នាក់ នឹងរបួស៣នាក់។

ជនរងគ្រោះ
១.ឈ្មោះ តុលា ភេទប្រុសអាយុ ៣៥ឆ្នាំ មានទីលំនៅរាជធានីភ្នំពេញ អ្នកបេីកបររថយន្តពាក់ស្លាកលេខភ្នំពេញ4A 1331 ស្លាប់។
២. ឈ្មោះ ហង់ សំណាង ភេទប្រុសអាយុ ៣៣ឆ្នាំ ទីលំនៅស្រុកត្បូងឃ្មុំ ខេត្តត្បូងឃ្មុំ អ្នកបេីករថយន្តពាក់ស្លាកលេខព្រះសីហនុ3A5880 របួសធ្ងន់។
៣. ឈ្មោះ លឹម ប៊ុនធី ភេទប្រុសអាយុ ៤២ឆ្នាំ រស់នៅភូមិ ឃុំជាមួយគ្នា របួសស្រាល។
៤. ឈ្មោះ សៀវ ឡុង ភេទប្រុសអាយុ ៣៥ឆ្នាំ រស់នៅរាជធានីភ្នំពេញ របួសស្រាល។

ជនរងគ្រោះ ត្រូវបានបបញ្ជូនទៅមន្ទីរបង្អែកស្រុកសូទ្រនិគម។ ដោយឡែករថយន្តទាំង២គ្រឿង សមត្ថកិច្ច យកទៅរក្សាទុក នៅអធិការនគរបាល ស្រុកជីក្រែង៕SRP

ខេត្តព្រះវិហារ៖យោងតាមសេចក្ដីរាយការណ៍បានឲ្យដឹងនៅថ្ងៃទី ២៧ កុម្ភៈ២០២១ នេះថាឈ្មួញរកស៊ីឈើ ពីអ្នកប្តីប្រពន្ធ បានទិញផ្ទះគ្រោង របស់ឈ្មោះ យាយអឿន ដោយកំពុងតែលើកដាក់លើឡានហើយនឹងដឹកចេញនៅយប់នេះ។ ទីតាំងឈ្មួញលើកឈើដាក់ឡាន នេះ នៅចំណុចភូមិបុះធំ ឃុំប្រមេរ ស្រុកត្បែងមានជ័យ។

សេចក្ដីរាយការណ៍បានបន្តថាឈើដែលឈ្មួញទិញនេះគឺប្រភេទឈើគ្រោងផ្ទះចាស់។ចំណែកឈ្មួញឈ្មោះ សែមវិរះ នឹងប្រពន្ធ ឈ្មោះ ញ៉ ធីតា រស់នៅភូមិតារេនជោ ឃុំអង្កាញ់ ស្រុកទ្រាំងខេត្ត តាកែវ។

បើតាមប្រភពបន្តថាឈ្មួញទាំងពីនាក់ប្តីប្រពន្ធនេះ កន្លងមក ធ្លាប់បានសមត្ថកិច្ច ចាប់រថយន្តយកចូល ទៅផ្នែករដ្ឋបាលព្រៃឈើ ម្តងរួចមកហើយ។ ដោយឡែកថ្ងៃនេះពួកគេលើកឈើឡើង ឡានធុនធំ នឹងដឹកជញ្ជូន តទៅខេត្តតាកែវ ដោយអះអាងថាមាន លិខិតអនុញ្ញាតពីខេត្តនឹងស្រុក។

ពាក់ព័ន្ធករណីនេះជំនាញរដ្ឋបាលព្រៃឈើថាដោយសារ សាលាក្រុង ស្នើសុំ ទើបមិនហានប៉ះពាល់ នឹងលើកលែងអោយមួយលើកនេះតែម្តង៕SRP

ខេត្តបាត់ដំបង៖ក្រុមមន្ត្រីជំនាញខេត្តបាត់ដំបង នៅព្រឹកថ្ងៃទី ២៧ ខែកុម្ភៈ ឆ្នាំ ២០២១ នេះ បានចុះបង្ក្រាប ទីតាំងកាយយក អាចម៍ដីលក់ ដោយខុសច្បាប់ មួយកន្លែង។

ការចុះបង្ក្រាបនេះ ស្ថិតនៅត្រង់ចំណុចភូមិព្រៃផ្តាច់ ឃុំអូតាគី ស្រុកថ្មគោល ខេត្តបាត់ដំបង។

សុំបញ្ជាក់ថាទីតាំងកាយដីលក់ដោយខុសច្បាប់នេះ មានម្ចាស់ជីវកម្ម ឈ្មោះ លីចាន់ណារ៉ូ ភេទប្រុស បានកាយមានជម្រៅជាង១០ម៉ែត្រឯណោះ ដើម្បីយកទៅចាក់បំពេញដីឡូតិ៍។

បើតាម លោកអ៊ាន មាឃ ប្រធានមន្ទីររ៉ែនិងថាមពលខេត្ត បានប្រាប់ថា ចំពោះគ្រឿងចក្រ ដែលកំពុង ធ្វើសកម្មភាពកាយរណ្តៅដី នោះ លោកពុំបានដឹងនៅឡើយទេ។ លោកថានឹងចាត់ឲ្យមន្ត្រីជំនាញ ចុះផ្អាកសកម្មភាពជាបន្ទាន់។
បើតាមប្រធានមន្ទីររ៉ែនិងថាមពលខេត្ត បានបញ្ជាក់ថា គ្រឿងចក្រ នោះ គឺមិនទាន់មានលិខិតអនុញាត្ត នោះទេ។

សូមជម្រាបថាការចុះទៅបង្ក្រាបនេះ ក្រោយពីមានបណ្ដាញសារព័ត៌មាន បានធ្វើការផ្សព្វផ្សាយ កាលពីម្សិលមិញ៕SRPដោយប៊ុន ថេត

ខេត្តព្រះវិហារ៖បុរស ៣នាក់ត្រូវបាន កម្លាំងជំនាញការិយាល័យ ប្រឆាំងគ្រឿងញៀន សហការ ជាមួយ ជំនាញផ្នែកប្រឆាំងគ្រឿងញៀន នៃអធិការដ្ឋាន នគរបាល ស្រុក ត្បែង មានជ័យ និង នគរបាលរដ្ឋបាលឃុំប្រមេ ចាប់ខ្លួន ករណីរក្សាទុក ដឹកជញ្ជូន ឫ ជួញដូរ និងប្រើប្រាស់ដោយខុសច្បាប់នូវសារធាតុញៀន។

ការចាប់ខ្លួនធ្វើឡើងថ្ងៃទី ២៥ ខែ កុម្ភៈ ឆ្នាំ២០២១ នៅចំណុច ផ្ទះ របស់ ឈ្មោះ អ៊ាម នេសាន ស្ថិត ក្នុង ភូមិ បុស្ស ធំ ឃុំ ប្រមេ ស្រុក ត្បែង មានជ័យ ខេត្តព្រះវិហារ។

ជនសង្ស័យ
១-ឈ្មោះ អ៊ាម នេសាន អាយុ ៣៣ឆ្នាំ មុខរបរ កសិករ រស់ នៅ ភូមិ បុស្ស ធំ ឃុំ ប្រមេ ស្រុក ត្បែង មានជ័យ ខេត្ត ព្រះវិហារ (មុខ សញ្ញា ជួញ ដូរ ) ។

២-ឈ្មោះ ថាន់ ធា អាយុ ៤១ឆ្នាំ មុខរបរ មិន ពិតប្រាកដ រស់នៅ ភូមិ បុស្ស ធំ ឃុំ ប្រ មេ ស្រុក ត្បែង មានជ័យ ខេត្ត ព្រះវិហារ (មុខ សញ្ញា ប្រើប្រាស់) ។

៣-ឈ្មោះ ស៊ាន អរ អាយុ ២៨ ឆ្នាំ រស់នៅ ភូមិ បុស្ស ធំ ឃុំ ប្រ មេ ស្រុក ត្បែង មានជ័យ ខេត្ត ព្រះវិហារ (មុខ សញ្ញា ប្រើប្រាស់) ។

ករណីនេះដកវត្ថុតាងនិងសម្ភាររួមមាន
-ក្រាម ពណ៌ សថ្លា ប្រភេទ មេ តំ ហ្វេ តា មីន (ICE) ចំនួន ៧១ កញ្ចប់ តូច ស្មើនឹង ទម្ងន់ ១២៦.៥៩ ក្រាម
-ទូរស័ព្ទ ០៣គ្រឿង
-បារី អេឡិចត្រូនិច ០១ ដើម
-លុយ ចំនួន ១៧០.០០០.០ រៀល
-សម្ភារៈវិចខ្ចប់ និង ប្រើ ប្រាស់ គ្រឿង ញៀន មួយ ចំនួន ៕SRP