សម្តេចនាយករដ្ឋមន្ត្រី ហ៊ុន សែន បានព្រមានដល់ក្រុមប្រឆាំងក្រៅស្រុក កុំប្រមាថ និងកុំព្រហើនឱ្យសោះ ចំពោះករណីសម្តេចសម្រេចលុបចោល Facebook ដែលមានចំនួនអ្នកតាមដាន ១៤លាននាក់ ហើយថាបើកពួកគេតែព្រហើន សម្តេច អាចបញ្ជាឱ្យបិទ Facebook នៅកម្ពុជា ច្បាស់ណាស់ក្រុមប្រឆាំងនឹងដាច់ផ្ងារ បាត់ទំនាក់ទំនងប្រជាពលរដ្ឋក្នុងស្រុក។

សម្តេចតេជោ ហ៊ុន សែន បញ្ជាក់ថា បើទោះបីសម្តេចលុបចោល Facebook ក៏ពិតមែនប៉ុន្តែសម្តេចនៅតែរក្សាបានទំនាក់ទំនងជាមួយប្រជាពលរដ្ឋ តាមរយៈប្រព័ន្ធទំនាក់ទំនងសង្គមផ្សេងទៀត ដូចជា Telegram, TikTok ជាដើម។

សារព្រមានធ្វើឡើងនៅខេត្តពោធិ៍សាត់ ក្នុងឱកាសសំណេះសំណាល ជាមួយកម្មករ កម្មការិនី នៅថ្ងៃទី៣០ ខែមិថុនា ឆ្នាំ២០២៣នេះ។

សូមជម្រាបថានៅថ្ងៃព្រហស្បតិ៍ យប់មិញ សម្ដេចតេជោហ៊ុន សែន បានសរសេរសារនៅលើទំព័រតេឡេក្រាមថា៖
បងប្អូនជនរួមជាតិជាទីស្រឡាញ់!
ដោយសាររយៈពេលកន្លងមកមានការ
ក្លែងបន្លំគណនីហ្វេកបុក(Facebook)
ខ្ញុំជាច្រើនដែលមានរហូតជាង២០ដែលធ្វើ
ឲ្យមានការភ័នច្រឡំពីអ្នកប្រើប្រាស់Facebook ដូចគ្នា។ម្យ៉ាងទៀតមួយរយៈពេលចុងក្រោយនេះខ្ញុំបានរក
ឃើញបណ្តាញទំនាក់ទំនងដែលមាន
ប្រសិទ្ធភាពជាងគឺបណ្តាញតេឡេក្រាម
(Telegram)ដែលមិនបារម្មណ៍ពីការចូល
លួចដូចFacebook ។
អាស្រ័យហេតុនេះខ្ញុំសម្រេចបញ្ឈប់ជា
ស្ថាពរពីការប្រើប្រាស់Facebook
ដែលមានអ្នកចូលរួមជាង១៤លាននាក់។
ខ្ញុំសូមស្នើឲ្យជំនួយការខ្ញុំលុបចោលគណនីFacebook របស់ខ្ញុំភ្លាមនិងប្រាប់ទៅក្រុមហ៊ុនFacebook ឲ្យលុបឈ្មោះខ្ញុំចេញពីបញ្ជីFacebook ។
ខ្ញុំសូមការយោគយល់ពីអ្នករាប់អានខ្ញុំតាម
Facebook និងសូមបង្វែរមកភ្ជាប់ជាមួយ
ឆាណែលtelegram របស់ខ្ញុំវិញដើម្បី
ទទួលបានព័ត៌មាននិងមានយោបល់មកខ្ញុំ
តាមរយៈតេឡេក្រាមវិញ។
ខ្ញុំក៏បានបង្កើតគណនីTikTok ថ្មីនិងមាន
មនុស្ស២នាក់យកឈ្មោះខ្ញុំទៅបង្កើត
TikTok ដែលមួយមានអ្នកតាមជាង៣០មុឺននាក់ ចូលចិត្តជាង៤លាននាក់ ឯមួយទៀតមានអ្នកតាម១លាន២សែន
នាក់និងអ្នកចូលចិត្តជាង១២លាននាក់។
ចាប់ពីពេលនេះFacebook ណាមាន
ឈ្មោះហ៊ុន សែនគឺក្លែងក្លាយទាំងអស់៕ដោយនាគខៀវ

អភិបាលខេត្តកំពង់ចាមលោកអ៊ុន​ ចាន់ដា​ បាន​អំពាវនាវ​ដល់អាជីវករ​ និង​ប្រជាពលរដ្ឋ​ទាំងអស់​ សូម​ចូលរួម​ការពារ​សុខសន្តិភាព​ ដេីម្បី​បន្ត​ការ​អភិវឌ្ឍ​មរីកចម្រើន​ទៅ​មុខ​ទៀត​ ជាពិសេស​សូម​នាំគ្នា​ទៅ​បោះឆ្នោត តំណាងរាស្ត្រនីតិកាលទី៧ ដែល​នឹង​ឈានមកដល់ នាថ្ងៃអាទិត្យ ទី២៣ ខែកក្កដា ឆ្នាំ២០២៣ ខាងមុខនេះ​ ឱ្យ​បាន​គ្រប់​ៗ​គ្នា​ ផងដែរ​។

អភិបាល​ខេត្តកំពង់ចាម​ បានអះអាងថា​ បងប្អូន​អាជីវករ​ផ្សារ​ធំ​ជាង​ ៣០០តូប​ ទទួល​បាន​ដំបូល​ថ្មី​ ​ប្រមាណ​ជា​ ៣០០០ម៉ែត្រ​ការ៉េ​ ពី​សម្តេច​តេជោ​ ហ៊ុន​ សែន​។

លោកថ្លែង​បែប​នេះ​ក្នុង​ពេល​ប្រកាស​ជូន​ដំបូល​ផ្សារ​ដល់​អាជីវករ​ផ្សារ​ធំ​ ក្រុងកំពង់ចាម​ នៅថ្ងៃព្រហស្បតិ៍ម្សិលមិញ។

អភិបាលខេត្តកំពង់ចាម​ បានថ្លែងថា​ បន្ទាប់ពី​មើលឃើញ​នូវការលំបាក របស់បងប្អូនអាជីវករ ដោយនៅរដូវវស្សាទឹកលិច ហើយរដូវប្រាំងក្តៅខ្លាំង គ្មានខ្យល់ចេញចូលគ្រប់គ្រាន់​នោះ​ រដ្ឋបាល​ខេត្ត​ ក៏​បាន​ស្នើសុំ​ទៅ​ សម្តេច​តេជោ​ ហ៊ុន​ សែន​ ដេីម្បី​រៀបចំការសាងសង់ដំបូលផ្សារផ្សារ​ធំ​នេះ​ ក្នុង​ទំហំ​ប្រមាណ​ជាង​ ​៣០០០មែត្រការ៉េ ដែល​មាន​ជាង​ ៣០០តូប​លក់​ដូរ​ ដើម្បីកែលំអរបរិយាកាស នៃការលក់ដូរ ដោយផ្តល់នូវផាសុខភាព ជូន​អាជីវករ ក៏ដូចជា​បងប្អូនប្រជាពលរដ្ឋ​។

គួរ​បញ្ជាក់​ទៀត​ថា​ ​ផ្សារ​ទាំង​៣ក្នុង​ក្រុង​កំពង់ចាម​នេះ​ គឺផ្សារ​ធំ​ ផ្សារ​បឹង​កុក​ និង​ផ្សារ​សាមគ្គី​ ត្រូវ​បាន​គ្រប់គ្រងដោយគណៈអាជីវករផ្សារ​ ដែលបានបោះឆ្នោតជ្រើសរើស​ ឡើង​ដោយ​បងប្អូន​អាជីវករ​ អ្នក​លក់ដូរ​​ ក្នុង​ផ្សារ​នីមួយៗ​ដោយ​ផ្ទាល់​​នាពេល​កន្លងមក​។​ គេ​សង្កេត​ឃើញ​ថា​ ការ​គ្រប់​​​​​គ្រង​​​ផ្សារ​ មានសណ្តាប់ធ្នាប់ និង​អនាម័យ ហេីយ​ការទារថ្លៃភាស៊ីប្រកប​ដោយភាព​រីក​ចម្រើន​ ​​​និង​​​​​​អភិ​វឌ្ឍន៍ ដោយ​ចំណូលដែលបានមកពីការការប្រមូលភាស៊ី​ ត្រូវ​បាន​យក​ទៅជួសជុល កសាង រៀប​ចំ​សណ្តាប់​ធ្នាប់ ក្នុងផ្សារកាន់តែ​មាន​ភាព​ល្អប្រសើរឡើង ទៅតាមការប្តេជ្ញាចិត្ត របស់​គណៈ​អាជីវករ​ ចំពោះការយកពន្ធដា គឺខាងសាលាក្រុងលែងទទួលយកទៀតដែរ ដោយអនុគ្រោះទៅឲ្យគណៈអាជីវករ ដេីម្បី​យកថវិកាទាំងអស់នោះទៅធ្វើការដោះស្រាយ​ ក្នុង​ការ​កសាងអភិវឌ្ឍន៍ផ្សារជាបន្តបន្ទាប់ផងដែរ​៕

ខេត្តសៀមរាប៖ក្លឹបកីឡាវាយសីខេត្តសៀមរាប នៅថ្ងៃពុធ ទី២៨ ខែមិថុនា ឆ្នាំ២០២៣ ម្សិលមិញ បាននាំយកថវិកា ដែលបានមកពីការប្រកួតកីឡាវាយសីមិត្តភាព ទៅប្រគល់ជូន មន្ទីរពេទ្យកុមារអង្គរ។

សូមជម្រាបថាកាលពីថ្ងៃសុក្រ ទី២៣ ខែមិថុនា ឆ្នាំ២០២៣ កន្លងទៅនេះ លោក សេង សៀកហួរ EASY CASH, លោក PK ភក្ដី, លោក សោម សមសក្ដិ ប្រធានក្លឹបកីឡាវាយសីខេត្តសៀមរាប និងក្រុមអ្នកលេងវាយសីខេត្តសៀមរាប បានរៀបចំការប្រកួតវាយសីមិត្តភាពមួយ ក្រោមប្រធានបទ កីឡារស់នៅក្រោមដំបូលសន្តិភាព និងកីឡានាំមកនូវមិត្តភាព សុខភាព និងសាមគ្គីភាព ក្នុងគោលបំណងពង្រឹងកីឡា វាយសី នៅខេត្តសៀមរាប និងបង្ហាញចេញពីមិត្តភាព សាមគ្គីភាព និងការចែករំលែក ដែលប្រព្រឹត្តឡើងនៅ ក្លឹបកីឡាវាយសីខេត្តសៀមរាប។

ដំណើការកម្មវិធីទាំងមូល ប្រកបទៅដោយរលូន និងពោរពេញទៅដោយភាពស្វាហាប់ កីឡាករទាំងអស់បានបង្ហាញ នូវទេពកោសល្យ និងបច្ចេកទេស ក្នុងការលេងវាយសី បានយ៉ាងប្រសើរ។ ចំណែកឯថវិកាមួយចំនួនដែលសេសសល់ពីការរៀបចំការប្រកួតនេះ ត្រូវបានក្រុមការងារក្លឹបកីឡាវាយសីខេត្តសៀមរាប យកទៅប្រគល់ជូន មន្ទីរពេទ្យកុមារអង្គរ ដើម្បីធ្វើការចូលរួមក្នុងការឧបត្ថម្ភ ជួយកុមារកម្ពុជា ជាមួយមន្ទីរពេទ្យ ដែលបាននិងកំពុងបំពេញបេសកកម្មមនុស្សធម៌ ពិនិត្យនិងព្យាបាលជម្ងឺកុមារដោយឥតគិតថ្លៃ។

ក្លឹបកីឡាវាយសីខេត្តសៀមរាប សូមធ្វើការថ្លែងអំណរគុណ ចំពោះការចូលរួម ពីសំណាក់កីឡាករទាំងអស់ ក៏ដូចជាអ្នកគាំទ្រ និងក្រុមការងាររៀបចំកម្មវិធីប្រកួតនេះទាំងមូល។ សូមជូនពរដល់កីឡាករគ្រប់រូប ក៏ដូចជាលោក លោកស្រីទាំងអស់ សូមជួបប្រទះតែសំណាងល្អ សុខភាពមាំមួន រកទទួលទានមានបាន និងជោគជ័យគ្រប់ភារកិច្ច។

– លេខទូរស័ព្ទទំនាក់ទំនង៖ 078 88 19 19
– ទីតាំង៖ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

សមត្ថកិច្ចបានចាប់ខ្លួនគ្រូបង្រៀនគណិតវិទ្យា ល្បួងសិស្សស្រី អាយុ ១៥ឆ្នាំ ចូលផ្ទះសំណាក់ រួម-ដំណេក បានសម្រេចម្តង។

ការចាប់ខ្កួននៅថ្ងៃទី២៦ ខែមិថុនា ឆ្នាំ២០២៣ តាមពាក្យបណ្តឹង របស់ឪពុក ក្មេងស្រីរងគ្រោះ។

ជនសង្ស័យឈ្មោះ អ៊ុំ វុទ្ធី ភេទប្រុស អាយុ ៤៣ឆ្នាំ ជនជាតិខ្មែរ មុខរបរគ្រូបង្រៀន ផ្នែកគណិតវិទ្យា នៅអនុវិទ្យាល័យ បែកចាន ស្រុកអង្គស្នួល រស់នៅ ភូមិត្រពាំងក្រសាំង សង្កាត់បឹងធំ ខណ្ឌកំបូល រាជធានីភ្នំពេញ។

ការឃាត់ខ្លួនករណីល្បួង កូនសិស្សស្រី អាយុ ១៥ឆ្នាំម្នាក់ ចូលផ្ទះសំណាក់ (សំណាងណាស់) ស្ថិតនៅភូមិត្រពាំងសុក្រំ ឃុំបែកចាន ស្រុកអង្គស្នួល ខេត្តកណ្តាល។

ជនសង្ស័យ បានឆ្លើយសារភាពថា ខ្លួនពិតជា បានស្រឡាញ់ ជនរងគ្រោះ និងបបួលចូល ផ្ទះសំណាក់ និងបានធ្វើសកម្មភាព រួមភេទ ជាមួយជនរងគ្រោះបានសម្រេច មួយលើកមែន៕ដោយនាគខៀវ

ខេត្តសៀមរាប៖យុវជនម្នាក់បានស្លាប់ភ្លាមៗខណៈបើកម៉ូតូមានល្បឿនលឿនហើយទៅបុកនិងដើមឈើ។

ហេតុការណ៍បានកើតឡើង នៅថ្ងៃទី ២៧ ខែ មិថុនា ឆ្នាំ ២០២៣ វេលាម៉ោង ២២:១០នាទី នៅត្រង់ចំណុច ខាងត្បូងប៉ុស្តិ៍នគរបាលបេតិកភ័ណ្ឌ P.03ប្រហែល១០០ (ផ្លូវកូម៉ៃ) ស្ថិតនៅភូមិ ទក្សិណខាងត្បូង សង្កាត់គោកចក ក្រុងសៀមរាប ខេត្តសៀមរាប។

នាយការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តសៀមរាប លោក វរសេនីយ៍ទោ សោម វីរៈ បានប្រាប់អង្គភាពសៀមរាប ប៉ុស្ដិ៍ ថា គ្រោះថ្នាក់ចរាចរណ៍នេះ រវាងម៉ូតូបុកគល់ឈើម៉ូតូម៉ាក C.125 ពណ៌ខ្មៅ ផ្លាកលេខ 1X-9318 សៀមរាប អ្នកបើកបរឈ្មោះ ហាវ ស្នា ភេទប្រុស អាយុ២៤ឆ្នាំ បច្ចុប្បន្នស្នាក់នៅផ្ទះជួល ភូមិចុងកៅស៊ូ សង្កាត់ស្លក្រាម ក្រុងសៀមរាប មានទិសដៅ ពីជើងទៅត្បូង បុកដើមឈើនៅខាងកើតផ្លូវបណ្ដាលឲ្យស្លាប់តែម្ដងនៅកន្លែងកើតហេតុ (មិនពាក់មួកសុវត្ថិភាព)។

វរសេនីយ៍ទោ សោម វីរៈ បន្តថាក្នុងហេតុការណ៍នេះ
ខូចខាតម៉ូតូ១គ្រឿងធ្ងន់ផងដែរ។ មូលហេតុបើកបរម៉ូតូល្បឿនលឿន។

លោកបានបញ្ជាក់ថាមន្ត្រីជំនាញនគរបាលចរាចរណ៍ បានធ្វើការវាស់វែង ជុំវិញកន្លែងកើតហេតុ និងប្រគល់សាកសពជូនឪពុក ដើម្បីធ្វើបុណ្យតាមប្រពៃណី៕ដោយនាគខៀវ

ខេត្តសៀមរាបះភ្ញៀវចូលផឹកស៊ីក្នុងកញ្ចុះស្បូវ ស្រវឹង ជោកជាំជក់បារី បោះកន្ទុយ ឡើងលើ ប៉ះចំស្បូវ បណ្តាលឱ្យឆេះកញ្ចុះ អស់២ ផ្អើលពេញ ភោជនីយដ្ឋាន ហាយ វ៉េ រហូតដល់ សមត្ថកិច្ចមកជួយអន្តរាគមន៍ ពន្លត់។

ហេតុការណ៍នេះនៅក្នុងភោជនីយដ្ឋាន ហាយ វ៉េ បានកើតឡើងនៅវេលាម៉ោងប្រមាណ៥ ល្ងាច ថ្ងៃទី២៦ ខែ មិថុនា ឆ្នាំ២០២៣ ស្ថិតនៅ ផ្លូវចាក់ បេតុង មុខវត្ត ស្វាយដង្គំ ក្នុងភូមិស្វាយដង្គំ សង្កាត់ស្វាយដង្គំ ក្រុងសៀមរាប។

តាមប្រភពពី ពលរដ្ឋឃើញហេតុការណ៍ បានប្រាប់ថា
មុនពេលកើតហេតុ ពួកគេបានឃើញ រថយន្តទំនើប ៗ ប្រមាណជា ២ ទៅ ៣ គ្រឿង មកចូល ភោជនីយដ្ឋាន ហាយ វ៉េ ដើម្បី ផឹកស៊ី សប្បាយ ខណៈពេលនោះ បាន មួយសន្ទុះ ក្រោយមក ក៏ឃើញ អណ្តាតភ្លើង ឆេះចេញពីកញ្ចុះ ខាង ជើងជាប់ហ្នឹង កន្លែងគិតលុយ កណ្តាល ផ្អើលភ្ញៀវ។

មូលហេតុ ភ្ញៀវផឹកស៊ី ស្រវឹងជក់បារី ហើយ បោះ កន្ទុយឡើងទៅលើ ប៉ះចំស្បូវ បណ្តាលឱ្យឆេះតែម្ដង។

ប្រភពបានបញ្ជាក់ទៀតថា ក្រោយពេលកើតហេតុ សមត្ថ កិច្ចមូលដ្ឋាន បានចូលទៅសួរនាំ ម្ចាស់ និង អ្នក បង្កពី មូលហេតុកើតឡើង ស្រាប់តែ ម្ចាស់ ភោជនីយដ្ឋាន ហាយ វ៉េ បានតបវិញថា ពួកខ្ញុំ ត្រូវរ៉ូវ គ្នាអស់ហើយ មិនបាច់សួរនាំ ឬកត់ កំណត់ហេតុ អ្វី ទេ បញ្ចប់ត្រឹមនេះហើយ៕

ខេត្តកំពង់ចាម​៖មកដល់ពេលនេះ ក្រុមហ៊ុនទទួលការ កំពុងយកចិត្តទុកដាក់អនុវត្តគម្រោងស្ដារអាង នៅចំណុចភូមិ-ឃុំបាធាយ ស្រុកបាធាយ ខេត្តកំពង់ចាម ទៅតាមការណែនាំបច្ចេកទេស ពីស្ថាប័នជំនាញ ក្រោយពីមានការឯកភាពពីអាជ្ញាធរ លើសំណើសុំ របស់សហគមន៍ មេទឹកបឹងក្រោល ដើម្បី ស្ដារមេទឹកមួយនេះ ឱ្យ​មានជម្រៅជ្រៅ ដើម្បី បានស្តុកទឹក ទុក​បម្រើ​ដល់​ផលប្រយោជន៍ រួមទាំងអស់គ្នា ខណៈបច្ចុប្បន្ន​នេះ​ មានសភាពគោករាក់ ហើយប៉ុន្មានឆ្នាំ​ចុងក្រោយ​នេះ ទឹកទន្លេមេគង្គមិនបានហូរចូល តាមតម្រូវការនោះ​ឡើយ​។

បើ​តាម​លោក សៀម សុផល ប្រធានសហគមន៍មេទឹកបឹងក្រោល រស់នៅឃុំបាយ ស្រុកបាធាយ បានឱ្យដឹងថា​ ដោយសារបឹងក្រោលនេះ បានរីងរាក់ និងកង្វះខាតទឹកស្រោចស្រពស្រែប្រាំង ដែលមានទំហំប្រមាណជា ២០ហ.ត អស់រយៈពេលជាង ១០ឆ្នាំ មកហើយ ទើបតែពេលនេះ ពួកគាត់​បាន​សម្រេចស្នើទៅសុំអាជ្ញាធរ ដើម្បី ស្ដារមេទឹកនេះ​ឱ្យ​មានជម្រៅជ្រៅ សម្រាប់ស្តុកទឹក​បម្រើ​ដល់​ផលប្រយោជន៍ របស់​ប្រជាកសិករ ប្រមាណជា ១៩គ្រួសារ ដែលបង្កបង្កើនផល នៅក្នុងតំបន់មួយ​នោះ​។

បើតាមការបញ្ជាក់ ពីលោក ហ៊ីម ច័ន្ទមករា ម្ចាស់ក្រុមហ៊ុន ទទួលការគម្រោងស្ដារមេទឹក តំបន់​នោះ​ ក៏បាន​ឱ្យ​ដឹង​ដែរថា អ្វីដែលក្រុមរបស់លោកមកស្ដារអាង​ទឹក​នេះ គឺទទួលបានការស្នើសុំពីសហគមន៍ផ្ទាល់ ក៏ដូចជា ការឯកភាព និងការអនុញ្ញាតពីអាជ្ញាធរ ផងដែរ។ ហើយការស្ដារអាងនេះដែរ គឺយើងអនុវត្តទៅតាមការណែនាំបច្ចេកទេសពីស្ថាប័នជំនាញ នៅលើផ្ទៃដីទំហំប្រមាណជា ២ហ.ត ប៉ុណ្ណោះ។  មកដល់បច្ចុប្បន្ន ក្រុមហ៊ុនរបស់លោក បានអនុវត្តការងារ សម្រេចបានប្រមាណជា ៤០% ហើយ ដោយគ្រោងបញ្ចប់ នាពេលឆាប់ៗខាងមុខនេះ។

បើតាម លោក ឃុត ឃីម មេឃុំបាធាយ បានឱ្យដឹងថា​ មេទឹកបឹងក្រោលនេះ ពុំមែនស្ថិតនៅក្រោមការគ្រប់គ្រងរបស់រដ្ឋឡើយ ពោលគឺ ជាអាងកម្មសិទ្ធិរបស់បងប្អូនប្រជាពលរដ្ឋ បានរួមគ្នាថែរក្សា រាប់ចាប់តាំងពីសម័យសង្គមរាស្ត្រនិយមមក ដើម្បីធ្វើអាងទប់ទឹកសម្រាប់ស្រោចស្រពដំណាំ។

លោកបន្តថា ដោយស្ថានភាពទឹកក្នុងអាងនេះរីងរាក់ ពួកគាត់ក៏បានដាក់សំណើមកអាជ្ញាធរ ដើម្បី ស្ដារមេទឹកនេះ សម្រាប់​ប្រើប្រាស់​បម្រើ​ដល់សហគមន៍របស់គាត់ តទៅអនាគត។

បើតាមសេចក្ដីប្រកាសព័ត៌មាន របស់ លោក ផេន សុផល អភិបាលស្រុកបាធាយ បានគូសបញ្ជាក់ថា ផ្ទៃដីមេទឹកបឹងក្រោល នាបច្ចុប្បន្ន មានសភាពគោករាក់ ហើយប៉ុន្មានឆ្នាំមកនេះ ទឹកទន្លេមេគង្គមិនបានហូរចូលតាមតម្រូវការ របស់ប្រជាកសិករឡើយ ធ្វើ​ឱ្យ​មានការខ្វះខាតទឹក សម្រាប់ស្រោចស្រពផ្ទៃដីស្រែប្រាំង ប្រជាពលរដ្ឋ ជារៀងរាល់ឆ្នាំ។ ម្យ៉ាង​វិញ​ដីនៅតំបន់នេះ មិនមែនជាព្រៃលិចទឹកនោះទេ តែជាអាងសម្រាប់ស្តុកទឹកប្រើប្រាស់ របស់សហគមន៍ផ្ទាល់។ បន្ទាប់ពីទទួលបានការស្នើសុំ និងស្នាមមេដៃ របស់សហគមន៍ក្នុងតំបន់នោះ អាជ្ញាធរ ក៏​បានធ្វើការពិនិត្យលក្ខណៈបច្ចេកទេស ជាមួយមន្ត្រីជំនាញ និងមន្ទីរពាក់ព័ន្ធ ហើយក៏សម្រេចយល់ព្រមអនុញ្ញាត ជូនសហគមន៍ ដើម្បី ស្ដារមេទឹកនេះ ឱ្យ​មានជម្រៅជ្រៅ ដែលអាចរក្សាបានទឹកទុកប្រើប្រាស់ ដើម្បី ជាប្រយោជន៍រួមទាំងអស់គ្នា៕

ខេត្តកំពង់ចាម​៖ប្រជាពលរដ្ឋ​​ត្រេកអរ​សប្បាយរីករាយ​​ ជាខ្លាំង​ ខណៈ​អាជ្ញាធរ​ឃុំ​ត្រប់​ ឃុំ​សណ្តែក​ និង​ឃុំ​ទំនប់​ ស្រុក​បាធាយ​ ដែលបាន​ត​គម្រោង​សាងសង់​ផ្លូវ​ បេតុង​បន្ថែម​ ឱ្យ​បាន​ចំនួន​វែង​ជាង​ពេល​ដាក់​ដេញ​ថ្លៃ​ និង​ចំណាយ​ថវិកា​​ ទាប​ជាង​តម្លៃ​ប៉ាន់ស្មាន​ច្រើន​ទៀត​ផង​​ ពោលគឺ​ការ​សាងសង់​បាន​រឹងមាំ​ល្អ​ ដោយ​គ្មាន​ស្នាម​ប្រេះស្រាំ​ឡើយ​ នេះ​ជា​ការ​បញ្ជាក់​របស់​លោកយាយ​ លោកតា​ ក្នុង​មូលដ្ឋាន​ឃុំ​ទាំង​៣ខាង​លើ​កាលពី​ល្ងាច​ថ្ងៃ​ទី​២៥​ ខែមិថុនា​ ឆ្នាំ​២០២៣​។

បេីតាម​លោក​ ង៉ោ​ ជោត​ មេឃុំ​ត្រប់​ បាន​ឱ្យដឹងថា​ គម្រោង​ផ្លូវ​បេតុង​ដែល​បាន​ដាក់​ដេញ​ថ្លៃ​ដោយ​មាន​ការ​ប្រកួតប្រជែង​នាពេល​​កន្លងទៅ​នេះ​ គឺ​មាន​ប្រវែង​ ​៣៦៥ម៉ែត្រ​ ក្នុង​តម្លៃ​ប៉ាន់ស្មាន​​ ២៦៨លានរៀល​ ហើយ​ដេញ​បាន​ដោយ​ឈ្មោះ​ អៀម​ អេម​ ក្នុង​តម្លៃ​ ៥៨លានរៀល​ ចំណែក​ថវិកា​ដែល​នៅ​សេសសល់​ ក្រុមប្រឹក្សា​ឃុំ​បាន​ប្រជុំ​ជាមួយ​ប្រជាពលរដ្ឋ​ក្នុង​សហគមន៍​ បន្ទាប់​មក​គណៈកម្មការ​លទ្ធកម្ម​ ក៏​បាន​សម្រេច​ត​គម្រោង​ធ្វើ​​​ផ្លូវ​ឱ្យ​​​បាន​វែង​បន្ថែម​ទៀត​។

លោក​មេឃុំ​ បាន​បញ្ជាក់​ថា​​ គម្រោង​ដេញ​ថ្លៃ​ផ្លូវ​បេតុង​នេះ​ ក្នុង​១ម៉ែត្រ​ការ៉េ​ តម្លៃ​៣២០០០រៀល​ ដោយ​ឃើញ​ថា​មាន​ទឹក​ដៃ​ល្អ​ គណៈកម្មការ​ ​ក៏​បាន​ស្នេីសុំ​ឱ្យ​ក្រុមហ៊ុន​ធ្វើ​បន្ត​ ​ដោយ​ពេល​ធ្វើ​គម្រោង​គោល​មាន​ការ​ខាតបង់​ថវិកា​ច្រើន​ ខាង​ក្រុមហ៊ុន​បាន​ឯកភាព​គ្នា​ តគម្រោង​ក្នុង​១ម៉ែត្រ​ការ៉េ​តម្លៃ​ ១០ម៉ឺន​រៀល​ មានន័យ​ថា​តម្លៃ​នេះ​​នៅ​តែ​ទាប​ជាង​តម្លៃ​ប៉ាន់ស្មាន​ ដែល​បច្ចេកទេស​បាន​លេីក​ក្នុង​១ម៉ែត្រ​ការ៉េ​តម្លៃ​ ១៤៦៩០០រៀល​ អញ្ចឹង​វា​ទាប​ជាង​ក្នុង​១ម៉ែត្រ​ការ៉េ​ ៤៦៩០០រៀល​ ទេីប​សម្រេច​ឱ្យ​ក្រុមហ៊ុន​ធ្វើ​បន្ត​នោះ​។

លោក​មេឃុំ​ សណ្តែក​ បានឱ្យដឹងថា​ កញ្ចប់​ថវិកា​គម្រោង​មូលនិធិ​ឃុំ​ឆ្នាំ​២០២៣នេះ​ គឺ​មាន​ចំនួន​៣៨៩លានរៀល​ សម្រាប់​កសាង​ផ្លូវ​បេតុង​​ប្រវែង​​ ៥០៥ម៉ែត្រ​ បន្ទាប់ពី​ដាក់​ដេញ​ថ្លៃ​ស្រប​តាម​​នីតិវិធី​មក​ ក្រុមហ៊ុន​ លោក​ ឆេីត​ ឆេន​ ទទួល​យក​ក្នុង​តម្លៃ​ទាប​ជាង​គេ​ ៧៥លានរៀល​ ដូច្នេះ​យើង​នៅសល់​កញ្ចប់​ថវិកា​ទៀត​ បន្ទាប់​ពី​មាន​ការ​ប្រជុំ​​ឯកភាព​គ្នា​ ដោយ​មាន​យល់ស្រប​ពី​ព្រះសង្ឃ​ និង​ប្រជាពលរដ្ឋ​ផង​នោះ​​ យើង​ក៏​បាន​ស្នេី​សុំ​ឱ្យ​ក្រុមហ៊ុន​ដដែល​នេះ​ តគម្រោង​ដេីម្បី​បំពេញ​តាម​​សេចក្ដី​ត្រូវ​ការ​របស់​បងប្អូន​ប្រជាពលរដ្ឋ​ ហើយ​​ខាង​ក្រុម​ហ៊ុន​ក៏​បាន​ស្នើសុំ​តំឡើង​តម្លៃ​ខ្លះ​ ​ព្រោះ​ថា​តម្លៃ​ដេញ​ថ្លៃ​មុន​នោះ​វា​ទាប​ពេក​ ធ្វើ​ឱ្យ​​ក្រុម​ហ៊ុន​មាន​ការ​ខាតបង់​ថវិកា​ច្រើន​។

លោក​មេឃុំ​ ទំនប់​ បានឱ្យដឹងថា​ គម្រោង​សាងសង់​​ផ្លូវ​បេតុង​ក្នុង​មូលដ្ឋាន​ ​ប្រវែង​ ៣៥០ម៉ែត្រ​ តម្លៃ​ប៉ាន់ស្មាន​ ២៣៥លានរៀល​​ ក្រុម​ហ៊ុន​ ម៉ន​ សុផន​ ទទួល​យក​តម្លៃ​ទាប​ជាង​គេ​ ក្នុង​តម្លៃ​ ៨០លានរៀល​ ដូច្នេះ​កញ្ចប់​ថវិកា​យេីង​​នៅ​សល់​ បន្ទាប់ពី​ប្រជុំ​សិក្សា​ឯកភាព​គ្នា​គ្រប់​ភាគី​ បាន​សម្រេច​តគម្រោង​ចំនួន​ ១៣១២ម៉ែត្រ​ទៀត​។

លោកយាយ​ លោកតា​​ ក៏​បាន​ថ្លែង​អំណរគុណ​ចំពោះ​រាជរដ្ឋាភិបាល​ ក៏ដូចជា​អាជ្ញាធរ​គ្រប់​លំដាប់​ថ្នាក់​ ដែល​មាន​ទឹកចិត្ត​បម្រើ​ និង​អភិវឌ្ឍ​ក្នុង​មូលដ្ឋាន​ឱ្យ​មាន​ការ​រីកចម្រើន​​ ជាពិសេស​បាន​កសាង​អភិវឌ្ឍ​ពី​ផ្លូវ​ដី​ ទៅ​ជា​ផ្លូវ​បេតុង​ ប្រយោជន៍​ដល់​ការ​ប្រើប្រាស់​របស់​បងប្អូន​ប្រជាពលរដ្ឋ​ ក្នុង​ការ​ដឹក​ជញ្ជូន​កសិផល​ ក៏ដូចជា​ការ​ធ្វើ​ដំណើរ​បាន​ងាយស្រួល​ និង​ឆាប់រហ័ស​ផងដែរ​៕

សម្តេចតេជោហ៊ុន សែន បានមានប្រសាសន៍បន្តទៀតថា កំណើនសេដ្ឋកិច្ចកម្ពុជានឹងកើនឡើងក្នុងកម្រិត៥,៦% នៅឆ្នាំ២០២៣នេះ និងនៅឆ្នាំ២០២៤ សេដ្ឋកិច្ចកម្ពុជា នឹងបន្តកើនឡើងក្នុងរង្វង់ ៦,៦% ដែលកំណើនទាំងនេះ បានផ្តល់ផលប្រយោជន៍ដល់ប្រទេសជាតិ និងប្រជាជនកម្ពុជាគ្រប់ៗគ្នា។

សម្តេចបានមានប្រសាសន៍ថា កម្ពុជានឹងក្លាយជាប្រទេសអធិរាជនាំគ្រាប់ស្វាយចន្ទីទៅកាន់ទីផ្សាយអន្តរជាតិ ខណៈដែលបច្ចុប្បន្នកម្ពុជាបាននាំគ្រាប់ស្វាយចន្ទីក្នុងចំនួនដ៏ច្រើន ដែលពេលនេះកម្ពុជាយើងក្រោមតែប្រទេសកូឌីវ័រមួយបន្តិចប៉ុណ្ណោះ ដែលបច្ចុប្បន្នជាប្រទេសនាំគ្រាប់ស្វាយចន្ទីច្រើនជាងគេបំផុត ទៅកាន់ទីផ្សារអន្តរជាតិ។ សម្តេចបន្តទៀតថា ពីមុនកម្ពុជាជាប្រទេសនាំចូលទំនិញដ៏ច្រើនពីប្រទេសក្បែរខាងដូចជាពីប្រទេសវៀតណាម និងប្រទេសថៃជាដើម តែបច្ចុប្បន្នកម្ពុជា បានប្រែពីប្រទេសនាំទំនិញ ក្លាយជាប្រទេសនាំចេញដ៏ច្រើនទៅកាន់ទីផ្សារអន្តរជាតិ រួមទាំងទៅប្រទេសវៀតណាមផងដែរ។

សម្តេចតេជោ ហ៊ុន សែន បានមានប្រសាន៍ថា គណបក្សប្រជាជនកម្ពុជា នៅតែជាគណបក្សដ៏ល្អមួយសម្រាប់ប្រជាជនកម្ពុជា ដែលធានាបាននូវសុខសន្តិភាព សេរីភាព និងការអភិវឌ្ឍលើគ្រប់វិស័យនៅក្នុងប្រទេសកម្ពុជា។ក្នុងមួយឆ្នាំៗ រាជរដ្ឋាភិបាលត្រូវប្រឹងប្រែងបង្កើតការងារថ្មីបន្ថែមទៀត យ៉ាងហោចណាស់ក្នុងរង្វង់៣០ម៉ឺនកន្លែង ដើម្បីធានាភាពមានការងារធ្វើសម្រាប់ប្រជាជនកម្ពុជា ហើយចាប់ពីខែសីហា ឆ្នាំនេះទៅ កម្ពុជានឹងត្រូវបណ្ដុះបណ្ដាលយុវជនក្រីក្រ១លានកន្លះ ដោយរដ្ឋជាអ្នកចំណាយ។

សម្តេចតេជោ ហ៊ុន សែន មានប្រសាសន៍ថា កត្តាសុខសន្តិភាព គឺជាការចាប់ផ្តើមដំបូងនៃការអភិវឌ្ឍនិងសកម្មភាពផ្សេងៗទៀត នៃវឌ្ឍនភាព រួមទាំងកំណើនការងារសម្រាប់កម្មករ-កម្មការិនីផងដែរ។ សម្តេចតេជោ បានប្រកាសមិនលើកលែងចំពោះជនណា ឬក្រុមប្រឆាំងណា ដែលមានបំណងបង្កការរំខាន អុកឡុក ឬធ្វើសកម្មភាពផ្សេងៗ ដើម្បីបំផ្លាញសុខសន្តិភាពនៅកម្ពុជានោះទេ។

សម្តេចតេជោ ហ៊ុន សែន មានប្រសាសន៍យ៉ាងដូច្នេះ ក្នុងឱកាស អញ្ជើញចុះជួបកម្មករ កម្មការិនី ជាង២ម៉ឺននាក់ នៅតំបន់សេដ្ឋកិច្ចពិសេស មេនហាតធេន (MANHATTAN) ក្រុងបាវិត ខេត្តស្វាយរៀងនៅថ្ងៃអាទិត្យ នេះ៕ដោយនាគខៀវ

លោក យឹម ឆៃលី បានថ្លែងថា​ ប្រជាជនកម្ពុជាបានជឿជាក់យ៉ាងមោះមុតលើការដឹកនាំរបស់ សម្តេចហ៊ុន សែន ដែលបានបញ្ចប់សង្រ្គាម នៅកម្ពុជា តាមនយោបាយឈ្នះ ឈ្នះ នាំប្រទេសជាតិ ឱ្យចេញផុតពីស្រមោលនៃអតីតកាលដ៏ខ្មៅងងឹត និងឈឺចាប់បំផុត មកកាន់សម័យដ៏ភ្លឺថ្លា ដែលពោរពេញដោយក្តីសង្ឃឹម និងបានអភិវឌ្ឍរីកចម្រើនលើគ្រប់វិស័យរហូតបច្ចុប្បន្ន ពោលគឺ​សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្រ្តី គឺជាមហារដ្ឋបុរសមួយរូប ដែលមានឆន្ទៈមោះមុត និងទឹកចិត្តស្នេហាជាតិពិតប្រាកដ ដើម្បីដឹកនាំ និងកសាងប្រទេសជាតិយើង​ នេះគឺជាប្រវត្តិសាស្រ្តមួយដែលគ្មាននរណាម្នាក់អាចមើលរំលងបាន​។

លោក យឹម ឆៃលី​ ក៏បានថ្លែង​ថា​ ចំពោះ​​គោលនយោបាយ​យុទ្ធសាស្ត្រ​​ របស់​គណបក្ស​ ត្រូវ​ក្តាប់​ឱ្យ​បាន​​ច្បាស់​​ថា​ គណបក្ស​ប្រជាជន​កម្ពុជា​ ជា​គណបក្ស​មួយ​ ដែល​មាន​បទពិសោធន៍​គ្រប់គ្រាន់​ ក្នុងដំណើរការលទ្ធិប្រជាធិបតេយ្យ នៅកម្ពុជា​ គឺ​ការ​បោះឆ្នោត​៥ឆ្នាំ​ម្តង​ ប្រកប​ដោយ​ភាព​ជោគជ័យ​ ធ្វើ​ឱ្យ​ប្រជាជនកម្ពុជា គ្រប់រូប មានសិទ្ឋិសេរីភាពពេញលេញ រស់នៅប្រកបដោយភាព សុខក្សេមក្សាន្ត ក្រោមម្លប់សន្តិភាពដ៏ពេញបរិបូរណ៏។

លោកក៏បានសូម​ឱ្យ​បន្ត​ចូលរួម​ពង្រឹងសន្តិសុខ សុវត្ថិភាព និងសណ្តាប់ធ្នាប់សាធារណៈ ឱ្យបានកាន់តែរឹងមាំ ដោយចាត់គ្រប់វិធានការ ប្រកបដោយប្រសិទ្ធភាព ដើម្បីទប់ស្កាត់ឧបាយកល ដែលប៉ុនប៉ងធ្វើឱ្យរាំងស្ទះ ដល់ដំណើរការ លទ្ធិប្រជាធិបតេយ្យ និងដំណើរការបោះឆ្នោត នៅកម្ពុជា​ ហើយ​បន្តគាំទ្រសម្តេចតេជោ ហ៊ុន សែន ជានាយករដ្ឋមន្ត្រី គ្រប់អាណត្តិ និងគាំទ្រឯកឧត្តមបណ្ឌិត​ ហ៊ុន ម៉ាណែត ជាបេក្ខភាពនាយករដ្ឋមន្ត្រីបន្តវេន​ផងដែរ​។

លោកយឹម ឆៃលី សមាជិកអចិន្ត្រៃយ៍គណៈកម្មាធិការកណ្តាល ប្រធានក្រុមការងារចុះជួយខេត្តកំពង់ចាម ក័បានថ្លែង​ប្រាប់​ សមាជិក​បក្ស​ស្រុកចំការលើ​​ ត្រូវ​​ក្តាប់​ឱ្យ​ជាប់​អំពី​គោលនយោបាយ​ ជា​យុទ្ធសាស្ត្រ​របស់​គណបក្ស​ប្រជាជន​ និង​​ក្តាប់​ឱ្យ​បាន​​ផែនការ​សកម្មភាព​ដ៏​ត្រឹមត្រូវ​ របស់​ គណបក្ស​ខេត្ត​ រួម​នឹង​ក្រុម​ការងារ​ថ្នាក់​ជាតិ​ និង​ថ្នាក់​ក្រោម​ជាតិ​ ដែល​បាន​ធ្វើ​កន្លង​មក​ ដើម្បីត្រៀមខ្លួន ឲ្យបានល្អក្នុងការដណ្តើមជ័យជំនះលើការបោះឆ្នោតជ្រើសរើស តំណាងរាស្ត្រអាណត្តិទី៧ ឆ្នាំ២០២៣ នាពេលខាងមុននេះ។

លោកថ្លែង​បែប​នេះ​ក្នុងពិធីជួបសំណេះសំណាលជាមួយ​ប្រធាន អនុប្រធានក្រុមបក្ស និងសមាជិក​ សមាជិកាគណបក្សប្រជាជនកម្ពុជាស្រុក​ចំការលេី​ ប្រមាណ​ជាង​៨០០០នាក់ នៅថ្ងៃអាទិត្យនេះ៕ដោយនាគខៀវ

ថ្លែងនៅថ្ងៃអាទិត្យនេះ ក្នុងឱកាស ចុះសួរសុខទុកនិងសំណេះសំណាល និងប្រគល់ផ្ទះចំនួន ១០៨ ខ្នង ជូនប្រជាពលរដ្ឌ នៅស្រុកបន្ទាយស្រី សម្តេចពិជ័យសេនា ទៀ បាញ់ បានអំពាវនាវដល់ប្រជាពលរដ្ឋ ដែលមានឈ្មោះក្នុងបញ្ជីបោះឆ្នោត គ្រប់រូបអញ្ជើញទៅបោះឆ្នោត ជ្រើសតាំងតំណាងរាស្ត្រ នីតិកាលទី៧ នៃរដ្ឋសភា នៅថ្ងៃទី២៣ ខែកក្កដាឆ្នាំ២០២៣ ខាងមុខនេះ ឱ្យបានគ្រប់ៗគ្នា។

សម្តេចទៀ បាញ់ ក៏បាននាំមកនូវការផ្តាំផ្ញើសួរសុខទុក្ខរបស់ សម្តេចតេជោ ហ៊ុន សែន ដល់បងប្អូនប្រជាពលរដ្ឋ ទាំងអស់ ដែលបានបន្ដការគាំទ្រគណបក្សប្រជាជន ដើម្បីឲ្យប្រទេសជាតិ ទទួលបាននូវ សុខសន្តិភាព ស្ថិរភាពនយោបាយ មានការអភិវឌ្ឍលើគ្រប់វិស័យ។ ដូច្នេះ សូមប្រជាពលរដ្ឋ ទៅបោះឆ្នោត គាំទ្រ គណបក្សប្រជាជនកម្ពុជា ដែលមានសម្តេចតេជោ ហ៊ុន សែន ជាប្រធានគណបក្ស ព្រោះថា នៅគ្រប់កាលៈទេសៈណាក៏ដោយ មានសម្តេចតេជោ ហ៊ុន សែន គឺមិនអនុញ្ញាតឲ្យកើតមានសង្រ្គាមនៅកម្ពុជាឡើយ។

សម្តេចទៀ បាញ់ មានប្រសាសន៍ថា ផ្ទះទាំង ១០៨ខ្នងនេះ បានមកពីការខិតខំប្រឹងប្រែង ចូលរួមពីក្រុមការងាររាជរដ្ឋាភិបាល ចុះជួយមូលដ្ឋាន អាជ្ញាធរមូលដ្ឋាន បានរួមសាមគ្គីគ្នា ដើម្បីសម្រួលដល់ការរស់នៅរបស់ប្រជាពលរដ្ឋ ដែលជួបផលលំបាកកន្លងមក ដោយគណបក្សប្រជាជនកម្ពុជា តែងតែយកចិត្តទុកដាក់ដល់បងប្អូនជានិច្ច៕ដោយនាគខៀវ