ខេត្តកំពង់ចាម៖លោក អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងជំងឺកូវីដ-១៩ នៅព្រឹកមិញនេះ បានដឹកនាំក្រុមការងារចុះពិនិត្យស្រាវជ្រាវ រកអ្នកពាក់ព័ន្ធ ជាបនបន្ទាន់ដើម្បីធ្វើតេស្តរកវីរុសកូវីដ-១៩ និងបន្តចុះពិនិត្យស្ថានភាពបិទខ្ទប់ ភូមិអកទៀង ស្ថិតនៅក្នុងឃុំតាំងក្រាំង ស្រុកបាធាយ ដែលមានពលរដ្ឋវិជ្ជមានកូវីដ-១៩។
ការចុះពិនិត្យនេះ បន្ទាប់ពីទទួលលទ្ធផលវិជ្ជមានកូវីត-១៩ លើកម្មករ កម្មការិនី ចំនួន៧នាក់ និងអ្នកប៉ះពាល់ជាង២០០នាក់ នៅរោងចក្រ លី ឈាងខប ស្ថិតនៅក្នុងភូមិបាធាយ ឃុំបាធាយ ស្រុកបាធាយ។
អភិបាលខេត្តកំពង់ចាម បានថ្លែងថា បន្ទាប់ពីរកឃើញករណីវិជ្ជមានកូវីដ-១៩ លើកម្មករ កម្មការិនី ចំនួន ៧នាក់ ក្នុងនោះក៏មានអ្នកពាក់ព័ន្ធជាង២០០នាក់ ដែលចាំបាច់ត្រូវឲ្យរោងចក្រកាត់ដេរ លី ឈាងខបនេះ ផ្អាកសកម្មភាពជាបណ្ដោះអាសន្ន រយៈពេល១៤ថ្ងៃ គឺចាប់ពីថ្ងៃទី១០ រហូតដល់ថ្ងៃទី២៣ ខែឧសភា ឆ្នាំ២០២១នេះ ដេីម្បីឲ្យកម្មករកម្មការិនីពាក់ព័ន្ធទាំងនោះ ធ្វើចត្តាឡីស័កតាមការកំណត់។
គួរបញ្ជាក់ថា រដ្ឋបាលខេត្តកំពង់ចាម បានចេញសេចក្តីប្រកាសព័ត៌មាន ស្តីពីករណីរកឃើញវិជ្ជមានកូវីដ-១៩ ចំនួន ១៦នាក់ ៖ ក្នុងនោះលទ្ធផលតេស្តរហ័សរកឃេីញវិជ្ជមានកូវីដ-១៩ ចំនួន ១១នាក់ គឺនៅស្រុកស្រីសន្ធរ ២នាក់, កងមាស ២នាក់ និងស្រុកបាធាយ ចំនួន ៧នាក់ ដោយឡែកលទ្ធផលបញ្ចាក់ពីវិទ្យាស្ថានសុខភាពសាធារណៈ ចំនួន ៥នាក់ទៀត ក្នុងនោះនៅស្រុកចំការលើ ៤នាក់ និងស្រុកកំពង់សៀម ១នាក់ និងករណីជាសះស្បើយ ចំនួន ៩នាក់ ផងដែរ កាលពីថ្ងៃទី៩ ខែឧសភា ឆ្នាំ២០២១នេះ៕SRP
ភ្នំពេញ៖លោកប្រាក់ សំអឿន អគ្គនាយកដ្ឋានរដ្ឋបាល ក្រសួងមហាផ្ទៃ ប្រាប់អភិបាល រាជធានី ខេត្ត ស្ដីពីការអនុញ្ញាតឲ្យដំណើរការដេញថ្លៃគម្រោងមូលនិធិឃុំ សង្កាត់ឡើងវិញ។ នេះបើយោងតាមសេចក្ដីប្រកាសមួយដែលបណ្ដាញ«សៀមរាបប៉ុស្ដិ៍» ទទួលបាននៅរសៀលថ្ងៃទី១០ ខែឧសភា ឆ្នាំ២០២១នេះ៕SRP
ខេត្តសៀមរាប៖នាយកគ្រប់គ្រងគេហទំព័រ«សៀមរាបប៉ុស្ដិ៍» លោកប៊ុត វិចិត្រ បានលើកឡើងថា បើទោះបីជាសេរីភាពខាងសារព័ត៌មានត្រូវបានគាំពារដោយច្បាប់ និងមានសិទ្ធិក្នុងការសរសេរបញ្ចេញមតិយ៉ាងណាក៏ដោយ ក៏នៅតែមានបញ្ហាប្រឈមមួយចំនួន។
ខេត្តកំពង់ចាម៖អភិបាលខេតកំពង់ចាម លោកអ៊ុន ចាន់ដា បានជំរុញឲ្យពលរដ្ឋប្រកបមុខរបរផ្សេងៗ ដេីម្បីបង្កើនជីវភាព និងការកាត់បន្ថយភាពក្រីក្រ។