ខេត្តសៀមរាប៖មួយរយៈចុងក្រោយនេះគេសង្កេតឃើញមានក្មេងទំនើងជាច្រើន បានបង្កភាពអនាធិបតេយ្យ នៅក្រុងសៀមរាប ដោយខ្លះមានដាវ កាំបិតខ្លះទៀតដេញកាប់គ្នា បង្កអសន្តិសុខ សណ្ដាប់ធ្នាប់ យ៉ាងខ្លាំង ធ្វើឱ្យតំបន់ទេសចរណ៍សៀមរាបអង្គរ មួយនេះ ហាក់មិនមានសុវត្ថិភាព នោះទេ។ ហេតុដូច្នេះហើយទើបប្រជាពលរដ្ឋ តាមរយៈ សារព័ត៌មានសៀមរាប ប៉ុស្តិ៍ អំពាវនាវដ៏អាជ្ញាធរ សមត្ថកិច្ចបង្កើនការយកចិត្តទុកដាក់ទប់ស្កាត់និងបង្ក្រាបឲ្យមានប្រសិទ្ធភាព ជាពិសេសរលើការឆែកឆេរអាវុធជាតិផ្ទុះផងដែរ។

ក្រុមក្មេងទំនើង ចំនួន ៧ នាក់ត្រូវបានកម្លាំងអន្តរាគមន៍នៃស្នងការដ្ឋាននគរបាលខេត្តសៀមរាប បង្រ្កាប។

ការបង្ក្រាបធ្វើឡើង នៅយប់ថ្ងៃទី១២ ខែឧសភា ឆ្នាំ២០២៣ ដោយកម្លាំងអន្តរាគមន៍នៃស្នងការដ្ឋាននគរបាលខេត្តសៀមរាប ដឹកនាំដោយលោកជា រតនៈ នាយការិយាល័យអន្ដរាគមន៍ និងតម្រួតបទបញ្ជា។

បើតាមកម្លាំងអន្តរាគមន៍នគរបាលខេត្តសៀមរាប បានឱ្យដឹងថា ជនក្មេងទំនើងទាំង ៧ នាក់៖
១.ឈ្មោះ កើត រស្មី ភេទប្រុស អាយុ១៩ឆ្នាំ (ប្រើប្រាស់នូវសារធាតុញៀន ) រស់នៅភូមិ/ឃុំ រុនតាឯក ស្រុកបន្ទាយស្រី ខេត្តសៀមរាប ។

២.នូ វ៉ាន់រ៉ាវាត់ ភេទ ប្រុស អាយុ ១៦ឆ្នាំ (ប្រើប្រាស់នូវសារធាតុញៀន) រស់នៅភូមិសាលាកន្សែង សង្កាត់ស្វាយដង្គុំ ក្រុងសៀមរាប។

៣.ឈ្មោះ ជា កុយ ភេទ ប្រុស អាយុ ២១ ឆ្នាំ (ប្រើប្រាស់នូវសារធាតុញៀន) រស់នៅភូមិ វត្តដំណាក់ សង្កាត់សាលាកំរើក ក្រុងសៀមរាប។

៤.ឈ្មោះ ផាន់ មេងហៀង ភេទប្រុស អាយុ១៦ ឆ្នាំ (ក្មេងទំនើងបង្ហោះម៉ូតូ) រស់នៅភូមិល្អក់ ឃុំកណ្ដែក ស្រុកប្រាសាទបាគង ខេត្តសៀមរាប។
៥.ឈ្មោះ ពួន តុលា ភេទប្រុស អាយុ ២០ឆ្នាំ (ក្មេងទំនើងបង្ហោះម៉ូតូ) រស់នៅភូមិអញ្ចាញ សង្កាត់នគរធំ ក្រុងសៀមរាប។
៦.ឈ្មោះ សយ សារ៉ន អាយុ២៣ឆ្នាំ (ប្រើប្រាស់នូវសារធាតុញៀន) រស់នៅភូមិពោធិបន្ទាយជ័យ សង្កាត់សៀមរាប ក្រុងសៀមរាប។
៧.ឈ្មោះ ធេង សិរីមិនា ភេទប្រុស អាយុ១៥ ឆ្នាំ (ក្មេងទំនើង និងប្រើប្រាស់នូវសារធាតុញៀន)រស់នៅភូមិ នគរក្រៅ សង្កាត់គោកចក ក្រុងសៀមរាប។

ក្មេងទំនើងទាំង ៧ នាក់នេះ ត្រូវបានបញ្ជូនទៅកម្លាំងជំនាញតាមនីតិវិធី៕ដោយនាគខៀវ

លោក អ៊ុន ចាន់ដា សមាជិកគណៈកម្មធិការកណ្តាល ប្រធានគណៈកម្មាធិការគណបក្សខេត្ត និងជាប្រធានក្រុមការងារចុះមូលដ្ឋានក្រុងកំពង់ចាម បានណែនាំដល់ប្រធានគណបក្សសង្កាត់ទាំងពីរ ក៏ដូចជាក្រុមការងារស្នូល ត្រូវយកចិត្តទុកដាក់ខ្ពស់ លើការចិញ្ចឹមចលនាសមាជិកបក្ស និងការជួយសម្របសម្រួលដល់សមាជិកបក្សរាល់ពេលពួកគាត់មានតម្រូវការ ឬមានសំណូមពរ និង​ជួបបញ្ហាផ្សេងៗ ជា​ពិសេសគឺ​ត្រូវ​ផ្សារភ្ជាប់ទៅនឹងការផ្ដល់-ទទួលសេវាសាធារណៈ ដែលជាតម្រូវការចាំបាច់ប្រចាំថ្ងៃ របស់ពួកគាត់​ផងដែរ​។

ការណែនាំនៅថ្ងៃសៅរ៍នេះ ឱកាស បញ្ចូល​សមាជិក​គណបក្សប្រជាជន​កម្ពុជា​ ចំនួន​ ១៤២៣នាក់ ដែល​ជា​យុវជន​គ្រប់​អាយុ​បោះឆ្នោត​ នៅ​ក្រុងកំពង់ចាម​។

លោក អ៊ុន ចាន់ដា បានថ្លែង​ថា​ ការកសាងសមាជិកគណបក្ស នៅមូលដ្ឋាន គឺជាការងារសំខាន់មួយ ពោលគឺត្រូវបង្កើនការយកចិត្តទុកដាក់លើការធ្វើអំពើល្អ ដល់សមាជិកបក្សរបស់ខ្លួន រួមទាំងប្រជាពលរដ្ឋទូទៅ។ ពីព្រោះថា​ ប្រជាពលរដ្ឋខ្លះ ទោះបីមិនបានចូល ជាសមាជិកបក្សប្រជាជន ប៉ុន្តែមិនមែន បានន័យថា ពួកគាត់មិនបោះឆ្នោត គាំទ្រ គណបក្សប្រជាជនកម្ពុជានោះទេ ដូច្នេះមន្ត្រីបក្សមូលដ្ឋាន ក៏ត្រូវធ្វើអំពើល្អដាក់ពួកគាត់​ដូច​គ្នា​។

ប្រធានគណបក្សខេត្ត បានបន្តថា គណបក្សមូលដ្ឋាន ក៏ត្រូវត្រៀមឃោសនិក ដើម្បីបកស្រាយ​ អំពីគោលនយោបាយ គណបក្ស ផ្សព្វផ្សាយទៅកាន់ ប្រជាពលរដ្ឋ នៅតាមទីប្រជុំជននានា ហើយក៏ដើម្បីវាយបកទៅកាន់មជ្ឈដ្ឋានដែលវាយប្រហារមកលើគណបក្សប្រជាជនកម្ពុជាវិញដែរ​។

លោកអ៊ុន ចាន់ដា បានបញ្ជាក់ថា រាល់សកម្មភាពបក្សទាំងអស់ គឺត្រូវប្រកាន់ខ្ជាប់នូវស្មារតី ដើម្បីផលប្រយោជន៍គណបក្ស និងប្រជាជន ដើម្បីកសាងកម្លាំងឱ្យកាន់តែមុតមាំក្នុងការប្រជែងយកជ័យជម្នះ ក្នុងការបោះឆ្នោតជ្រើសតាំងតំណាងរាស្ត្រនីតិកាលទី៧ ដែល​នឹង​ឈានមកដល់ នាថ្ងៃអាទិត្យ ទី២៣ ខែកក្កដា ឆ្នាំ២០២៣ ខាងមុខនេះ​។

គួរ​បញ្ជាក់​ថា​ សមាជិក​ថ្មី​ ចំនួន​ ១៤២៣នាក់​ ដែល​សុំ​ចូលរួម​ជីវភាព​នយោបាយ​ជាមួយ​គណបក្សប្រជាជន​កម្ពុជា​ ក្រុង​កំពង់ចាម​ ក្នុង​នោះ​សមាជិក​មកពីសង្កាត់​បឹងកុក​ ចំនួន​ ៧១២នាក់ និង សង្កាត់​សំបួរមាស​ ចំនួន​ ៧១១នាក់​ ដែល​ជា​យុវជន​គ្រប់​អាយុ​បោះឆ្នោត​ និង​មាន​ឈ្មោះ​ក្នុង​បញ្ជី​បោះឆ្នោត​ផងដែរ​៕ដោយនាគខៀវ

ភ្នំពេញ៖សម្ដេចនាយករដ្ឋមន្ត្រី ហ៊ុន សែន បានរម្លឹកថានាឡិកានេះ បានជួយខ្ញុំច្រើនមិនឲ្យលោកស្តីបន្ទោស រឿងយកចង្ហាន់យឺត ពិសេសបំរើការក្នុងកងទ័ពមរហូតជារដ្ឋក្រសួងការបរទេស ១៩៧៩.១៩៨០ និងជាឧបនាយករដ្ឋមន្ត្រីរដ្ឋមន្ត្រីការបរទេស១៩៨១. ១៩៨២ មុនពេលប្តូរនាឡិកានេះ
ជាមួយបងជា សុីមក្នុងឆ្នាំ១៩៨២។

តាមរយ:បណ្ដាញតេលេក្រាម សម្ដេចតេជោ បានសរសេរថា៖ បានត្រឹមរូបថត! ខ្ញុំបានខិតខំស្វែងរក នាឡិកា ដែលខ្ញុំពាក់
តាំងពីមុនសង្គ្រាម ឆ្នាំ១៩៧០ ហើយមកដូរ
ជាមួយបងជា សុីមក្នុងឆ្នាំ១៩៨២។

ម្សិលមុិញ ខ្ញុំបានទទួលពីបណ្តាញសង្គមនូវរូបថត៣សន្លឹកដែលថតក្នុង១៩៧៩។នៅក្នុងរូបថតនេះ មាន នាឡិកាដែលពាក់នៅដៃខ្ញុំនេះហើយជានាឡិកាដែលខ្ញុំកំពុងស្វែងរក។

នាឡិកានេះមានប្រវត្តិវែងឆ្ងាយ តាំងពីខ្ញុំនៅជាក្មេងវត្ត។ ប្រហែលចុងឆ្នាំ១៩៦៩ ឬដើមឆ្នាំ១៩៧០ ដោយសារព្រះសង្ឃស្តីបន្ទោសរឿងយកចង្ហាន់យឺត ខ្ញុំសម្រេចបោកកូនជ្រូក យកប្រាក់សន្សំបានប្រាក់ជាង៥០០០រៀល យកទៅទិញនាឡិកា
ម៉ាកទីតូនីមួយគ្រឿង។

ប្រហែលដើម ខែមីនា១៩៧០ ខ្ញុំបានយកនាឡិកានេះ ទៅប្តូរជាមួយហាងនាឡិកានៅស្រុកមេមត់ ដោយយកម៉ាកទីតូនី
ដែលមានតម្លៃខ្ពស់ជាងរហូតដល់៨៧០០រៀលលុយជំនាន់នោះ(មាសមួយដំឡឹងតម្លៃ៣២០០រៀល)។
ដូចនេះនាឡិកានេះមានតម្លៃស្មើនិងជាង
២ដំឡឹងមាសនាពេលនោះ៕ដោយនាគខៀវ

លោកបណ្ឌិតហ៊ុន ហ៊ុន ម៉ាណែត បានប្រាប់ប្រជាពលរដ្ឋថា កាលពី ៤៥ឆ្នាំមុន សម្តេចតេជោ និងយុទ្ធមិត្តបានចូលរួមបង្កើតកងកម្លាំងប្រដាប់អាវុធសាមគ្គីសង្គ្រោះជាតិ កម្ពុជា ដើម្បីរំដោះប្រទេស និងប្រជាជន ឱ្យចេញផុតពីរបបប៉ុលពត ដែលបានគ្រប់គ្រងអំណាច ហើយបានកាប់សម្លាប់ប្រជាពលរដ្ឋយ៉ាងព្រៃផ្សៃសាហាវឃោរឃៅ។

ក្នុងពិធីកាត់ឫសសីមា និងសម្ពោធសមិទ្ធផលនានា ក្នុងវត្តសិរីមង្គល ស្ថិតក្នុងស្រុកកំរៀង ខេត្តបាត់ដំបង នៅថ្ងៃសុក្រនេះ លោកបណ្ឌិតហ៊ុន ម៉ាណែត ក៏បានណែនាំដល់ពលរដ្ឋទាំងអស់ ចូលរួមជាមួយ រាជរដ្ឋាភិបាល និង សម្តេចតេជោ ក្នុងការថែរក្សាឱ្យបាននូវបរិស្ថានសុខសន្តិភាព ស្ថិរភាព ព្រមទាំងឱកាសក្នុងការបន្តកសាងអភិវឌ្ឍប្រទេសឱ្យបានឋិតថេរយូរអង្វែង។

លោកហ៊ុន ម៉ាណែត បានលើកឡើងថា ក្រោមគោលនយោបាយ ដ៏ត្រឹមត្រូវរបស់រាជរដ្ឋាភិបាល បានកែប្រែស្រុកកំរៀងពីតំបន់ជម្លោះប្រដាប់អាវុធ អស្ថិរភាព មកជាតំបន់មានសុខសន្តិភាព សេរីភាព និងការអភិវឌ្ឍរីកចម្រើន ជាមួយនឹងការតភ្ជាប់ហេដ្ឋារចនាសម្ព័ន្ធផ្លូវថ្នល់ខ្វាត់ខ្វែង។

លោកហ៊ុន ម៉ាណែត បានគូសបញ្ជាក់ថា រាជរដ្ឋាភិបាលនឹងបន្តយកចិត្តទុកដាក់ ក្នុងការកសាងអភិវឌ្ឍប្រទេសជាតិ ជាមួយនឹងគោលបំណងអាទិភាពចម្បងឥតកែប្រែ គឺការធានានូវជីវភាពសុខសាន្ត និងសម្បូរសប្បាយ របស់ប្រជាពលរដ្ឋ តាមរយៈការបន្តជំរុញការអភិវឌ្ឍឱ្យកាន់តែប្រសើរដល់មូលដ្ឋានរបស់ប្រជាពលរដ្ឋ ជាជំហានៗនៅទូទាំងប្រទេស ក៏ដូចមូលដ្ឋានស្រុកកំរៀងនេះផងដែរ។

លោកក័បានប្រាប់ថា មកដល់បច្ចុប្បន្ន កម្លាំងសាមគ្គីភាពនេះ ក៏បានឋិតនៅយ៉ាងរឹងមាំ និងបានបន្តស្មារតី វីរភាព និងសកម្មភាពរួបរួមគ្នាបំពេញភារកិច្ចបម្រើជាតិមាតុភូមិ ដោយបានសម្រេចនូវសមិទ្ធផល យ៉ាងច្រើន អនេកជូនសង្គមជាតិ រាប់ទាំងការការពារនូវអាយុជីវិតរបស់ប្រជាពលរដ្ឋ និងការផ្តល់នូវឱកាស ក្តីសង្ឃឹម និងលំនឹងស្ថិរភាពសម្រាប់អនាគតទៅមុខ៕ដោយនាគខៀវ

ខេត្តបាត់ដំបង៖ជនសង័្សយចំនួន​០៣នាក់ត្រូវបានកម្លាំងនគរបាល ស្រុកបាណន់​ សហការជាមួយ នគរបាលក្រុងបាត់ដំបង​ និង កម្លាំងនគរបាលការិយាល័យនគរបាល​ព្រ​ហ្មទ័ណ្ឌកម្រិតស្រា​ល​ ធ្វើការឃាត់ខ្លួន មុខសញ្ញាប្រេី​ប្រា​ស់អាវុធខុសច្បាប់។

ជនសង្ស័យ
១-ឈ្មោះ​ ធុល​ សីហា​ ភេទប្រុស​ អាយុ២៥ឆ្នាំ​ រស់​នៅភូមិបែកចានថ្មី​ សង្កាត់ព្រែកព្រះស្តេច​ ក្រុងបាត់​ដំបង​ ខេត្តបាត់ដំបង។
២-ឈ្មោះ​ ទៀង​ ច័ន្ទ​ឌីណា​ ភេទប្រុ​ស​ អាយុ៣៥ឆ្នាំ​ ភូមិចុងទំនប់​ សង្កាត់ក្តុលដួនទាវ ក្រុងបាត់ដំបង​ខេត្តបាត់ដំបង។
៣-ឈ្មោះ​ ស៉ីង​ កុកឃាង​ ភេទប្រុស​ អាយុ២៥ឆ្នាំ​ រស់​នៅភូមិបវេល​ ឃុំបវេល​ ស្រុកបវេល​ ខេត្តបាត់ដំបង។

វត្ថុតាងដកហូតមាន៖
-អាវុធខ្លីម៉ាកRETAY​ ពណ៌ខ្មៅចំ នួន០២ដេីម​ បង់និងគ្រាប់មួយចំនួនផង ។
-រថយន្តម៉ាកPRUIS ពណ៌ខ្មៅ​ ស៊េរីឆ្នាំ2010​ ស្លាកលេខ ភ្នំពេញ​ 2BU-7671​ មួយគ្រឿង​។

ជនសង្ស័យ បានសារភាពថា​ ពួកគេប្រេីប្រាស់​អាអាវុធចំនួន០៤ដេីម បាញ់អស់ចំនួន៦០គ្រាប់ ដែលការបាញ់នេះ គឺជាការសាកអាវុធថ្មីរបស់ពួកគេ​ ដែលទេីបទិញបាន​ ហេី​យមូលហេតុដែលគេទិញអាវុធ មក​ប្រេីប្រាស់ដោយខុសច្បាប់បែប​នេះ គឺគេមានបំណងយកមកការពារខ្លួន។

សម​ត្ថកិច្ចបញ្ជូនពួកគេទៅវិនិច្ឆ័យទោសតាមផ្លូវច្បាប់ឯ បក្សពួកគេផ្សេង​ទៀត រួមទាំងអាវុធខ្លីផង​ សមត្ថកិច្ចនគរបាលកំណត់មុខសញ្ញាបានហេីយ​ កំពុងតាមប្រម៉ាញ់យកមកផ្តន្ទាទោស។

ហេតុការណ៍បាញ់បោះសេរីនេះកើតឡើងកាលពីថ្ងៃទី១០ ខែ​ឧ​សភា ឆ្នាំ២០២៣​ វេលាម៉ោងប្រ​មា​ណ១២ និង០០នាទី​ នៅវាលស្រែ ចំ​ណុចក្រុមទី០១ ភូមិប៉ោយស្វាយ ឃុំតាគ្រាមស្រុកបាណន់ ខេត្តបាត់ដំ​បង។

សូមជម្រាបថា ការឃាត់ខ្លួនធ្វើឡើង ថ្ងៃទី១១ខែ ឧសភា ឆ្នាំ២០២៣ ក្នុងក្រុងបាត់ដំបង អនុវត្តតាមយោបល់ដឹកនាំបញ្ជារបស់លោកឧត្តមសេនី​យ៍ទោ សាត គឹមសាន ស្នងការនគរបាលខេត្តបាត់ដំបង៕ដោយនាគខៀវ

ប្រាសាទនាគព័ន្ធ ជាគោលដៅទេសចរណ៍មួយដ៏មានភាពទាក់ទាញ ក្នុងចំណោមប្រាសាទបុរាណជាច្រើន ដែលមានទិសដៅទស្សនា តាមផ្លូវវង់ធំ ដោយធ្វើដំណើរចេញពីខ្លោងទ្វារដីឆ្នាំង នៃក្រុងអង្គរធំ។

ក្រោយពេលអាជ្ញាធរជាតិអប្សរា បានធ្វើការសាងសង់ស្ពានថ្មី ជំនួសស្ពានចាស់ សម្រាប់ធ្វើដំណើរឆ្លងកាត់ចូលទស្សនាប្រាសាទ និងការរៀបចំកែលម្អរ ជាពិសេសវង់ទស្សនា នៅបរិវេណផ្នែកខាងក្នុងនៃប្រាសាទនាគព័ន្ធ។ ធ្វើឱ្យប្រាសាទនាគព័ន្ធកាន់តែមានសម្រស់ស្រស់ស្អាត គ្រប់រដូវកាល ដោយភ្ញៀវទេសចរអាចទស្សនា និងផ្តិតយករូបភាព រុក្ខជាតិបៃតងខៀវខ្ចីដ៏ស្រស់បំព្រង នៅលើស្ពានឆ្លងកាត់បារាយណ៍ខាងជើង ទស្សនាសត្វស្លាបទឹកជាច្រើនប្រភេទហោះហើរស្វែងរកចំណី គួរជាទីគយគន់។ ចំណែកនាបរិវេណផ្នែកខាងក្នុងនៃប្រាសាទ ក្រុមការងារប្រចាំការនៅទីនោះ តែងកាប់ឆ្ការព្រៃឬមែកឈើ ដែលដុះស៊ុបត្រុប ធ្វើឱ្យភ្ញៀវទេសចរអាចទស្សនាជុំវិញប្រាសាទនាគព័ន្ធ តាមរយៈវង់ទស្សនាថ្មី។

លោកង៉ោ ពេជ្រ មន្ត្រីនាយកដ្ឋានអភិវឌ្ឍន៍ទេសចរណ៍ និងវប្បធម៌ នៃអាជ្ញាធរជាតិអប្សរា បានឱ្យដឹងថា មិនត្រឹមតែមានទេសភាពស្រស់ស្អាតនៃប្រាសាទនាគព័ន្ធ ប៉ុណ្ណោះទេ។ ថ្មីៗនេះ ក្រុមការងារបានរៀបចំ ឱ្យមានសួនស្មៅ ការបោសសម្អាតនាបរិវេណខាងក្រៅ និងខាងក្នុងបានស្អាតជាប្រចាំ។ ចំណតសម្រាប់ចតរថយន្ត និងម៉ូតូ មានរបៀបរៀបរយ ធ្វើឱ្យភ្ញៀវទេសចរ ដែលចូលមកទស្សនាប្រាសាទនាគព័ន្ធតែងបង្ហាញស្នាមញញឹមមិនចេះដាច់។

លោកបន្តថា នៅប្រាសាទនាគព័ន្ធមានប្លង់ សម្រាប់ផ្តិតយករូបភាពស្រស់ស្អាតជាច្រើនកន្លែង ដែលភ្ញៀវនិយមចូលមកថតរូបអនុស្សាវរីយ៍ មានដូចជា៖ នៅលើស្ពានសម្រាប់ឆ្លងចូលទៅទស្សនាប្រាសាទ ទិដ្ឋភាពថ្ងៃរះ ថ្ងៃលិច និងផ្តិតយករូបភាពជាមួយប្រាសាទជាដើម។

សូមជម្រាបថា ប្រាសាទនាគព័ន្ធត្រូវបានសាងសង់ឡើងនៅរជ្ជកាល ព្រះបាទជ័យវរ្ម័នទី៧ នាឆ្នាំ១១៩១ ដើម្បីឧទ្ទិសថ្វាយព្រះពុទ្ធសាសនាមហាយាន។ ប្រាសាទនេះ ត្រូវបានសាងសង់នៅលើកោះទំហំ ៣៥០ម៉ែត្រ បួនជ្រុង ដែលមានស្រះសន្សំទឹកបរិសុទ្ធ៤ ដោយរៀបចំឲ្យមាន ជាសញ្ញាលេខបូក ជានិមិត្ដរូបនៃសញ្ញាមន្ទីពេទ្យ៕ដោយនាគខៀវ

ភ្នំពេញ៖យោងតាមប្រភពបានបង្ហើបឲ្យដឹងថា ប្រធានគយចល័តតំបន់១ រាជធានីភ្នំពេញ នៃអគ្គនាយកដ្ឋានគយ និងរដ្ឋាករកម្ពុជា លោក អ៊ួន សុវណ្ណារ៉ា មិនបានទប់ស្កាត់ បទល្មើសទំនិញគេចពន្ធ និងការបង់ពន្ធមិនគ្រប់នោះទេ។ ដោយមិនខ្វាយខ្វល់ ពីការរកចំណូលបង់ពន្ធជូនរដ្ឋ តាមផែនការស្ថាប័នខ្លួនឡើយ។

ប្រភពបានបន្តទៀតថា កាលពីពេលថ្មីៗនេះ ក្រុមអនុលោម ឬ ក្រុមជំនួយការ សម្រាប់ចុះត្រួតពិនិត្យសាខាការិយាល័យគយ និងរដ្ឋាករកម្ពុជា តាមច្រកចេញចូលព្រំដែន និងនៅតាមផែស្ងួតនានា បានរកឃើញទំនិញគេចពន្ធ និងបង់ពន្ធគ្រប់ជាច្រើនប្រភេទស្ទើរគ្រប់កន្លែងទូទាំងប្រទេស។ ដោយក្រុមអនុលោម សេនាធិការនៃ អគ្គនាយកគយ និងរដ្ឋាករកម្ពុជា បានធ្វើឱ្យ ប្រធានការិយាល័យគយ មួយចំនួនរត់ចែកជើងគ្នា។

ចំណែកនៅក្នុងដែនសមត្ថកិច្ច របស់ លោក អ៊ួន សុវណ្ណារ៉ា តំបន់១ រាជធានីភ្នំពេញ ត្រូវបានក្រុមអនុលោម ចាប់ទំនិញគេចពន្ធ និងបង់ពន្ធមិនគ្រប់ នៅផែស្ងួត រាជធានីភ្នំពេញ កៀនស្វាយ ដោយផាកពិន័យជាប្រាក់ជាង ៦០ម៉ឺនដុល្លារ។

ប្រធានការិយាល័យគយ និងរដ្ឋាករកម្ពុជា ដែលរត់ខ្វែង ដៃជើង គ្នាទាំងយប់នោះ ក៏បានឡើងមកសុំជួបលោក គុណ ញឹម អគ្គនាយកគយ និងរដ្ឋាករកម្ពុជា ដើម្បីធ្វើការបកស្រាយ ការពារកំហុសរបស់ខ្លួន។ ខណៈនោះ អ្នកណាឡើងមកដោះស្រាយទាន់ពេលវេលាគឺរួចខ្លួន។ ឯអ្នកឡើងមកបកស្រាយ
មិនទាន់គឺប្រឈមត្រូវបានដកបញ្ឈរជើង។

ប្រភពដដែលបានបញ្ជាក់ថា ដោយការមើលឃើញករណី គយប្រចាំការិយាល័យ បង់ពន្ធជូនរដ្ឋ មិនគ្រប់តាមផែនការនោះ អគ្គនាយកគយ និងរដ្ឋាករកម្ពុជា ក៏បានចេញបញ្ជា ឱ្យ ក្រុមអនុលោម ចុះទៅត្រួតពិនិត្យទំនិញ ផែស្ងួតភ្នំពេញ រកឃើញថា ទំនិញគេចពន្ធរបស់ ក្រុមហ៊ុនសាំងហ្គាពួរ នៅផែស្ងួត ភ្នំពេញ ភាគច្រើន ជាផលិតផល មកពីប្រទេស លោកខាង លិចដែលត្រូវបង់ពន្ធថ្លៃជាងគេអស់។

ជុំវិញការលើកឡើងបែបនេះ សៀមរាប ប៉ុស្ដិ៍ មិនទាន់ទទួលបានការបកស្រាយបំភ្លឺពីលោក អ៊ួន សុវណ្ណារ៉ា ប្រធានគយចល័តតំបន់១ នៃរាជធានីភ្នំពេញ នៅឡើយទេដោយមិនមានលេខទំនាក់ទំនង៕ដោយនាគខៀវ

សមត្ថកិច្ចបានបង្ក្រាបបទល្មើសគ្រឿងញៀនទ្រង់ទ្រាយធំ ឈានដល់ការចាប់ខ្លួនមនុស្សចំនួន ៤នាក់ និងរឹបអូសថ្នាំញៀន ព្រមទាំងសារធាតុគីមីផ្សំជិត៨០គីឡូក្រាម។

ប្រតិបត្តិការនេះធ្វើឡើងនៅថ្ងៃទី០៩ ខែឧសភា ឆ្នាំ២០២៣ នៅភូមិតាសូ ឃុំឧត្តមសូរិយា ស្រុកត្រាំកក់ ខេត្តតាកែវ ដោយមានការសម្របសម្រួលពីលោក ឯក ឆេងហ៊ួត ព្រះរាជអាជ្ញា នៃអយ្យការអមសសាលាដំបូងខេត្តតាកែវ។

ជនសង្ស័យចំនួន៤នាក់ :
ទី១.ឈ្មោះ ទួន សាស្រា្ត
ទី២.ឈ្មោះ ហ្វាង យ៉ាងណាម
ទី៣.ឈ្មោះ ចាន់ វាសនា
ទី៤.ឈ្មោះ ផាន វណ្ណារ៉ា

វត្ថុតាងគ្រឿងញៀន សារធាតុញៀនទម្ងន់ ១១៨.៦៤ក្រាម (មេតំហ្វេតាមីន), សារធាតុគីមីផ្សំ (មិនច្បាស់) ទម្ងន់៧៩,១៧៦ក្រាម (៧៩គីឡូ ១៧៦ក្រាម) និងរថយន្ត១គ្រឿង៕ដោយនាគខៀវ

ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានចេញព្រះរាជក្រឹត្យត្រាស់បង្គាប់តែងតាំងឯកឧត្តម សូ ណារ៉ូ ជារដ្ឋមន្ត្រីប្រតិភូអមនាយករដ្ឋមន្ត្រី។

នេះបើយោងតាមព្រះរាជក្រឹត្យចុះថ្ងៃទី១១ ឧសភា ឆ្នាំ២០២៣៕ដោយនាគខៀវ

ទីតាំងល្បែងស៊ីសងខុសច្បាប់ ដ៏ធំមួយកន្លែង នៅភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ត្រូវបានកម្លាំងគណបញ្ជាការឯកភាព ខណ្ឌពោធិសែនជ័យ ដឹកនាំដោយលោក សក់ ច័ន្ទកញ្ញារិទ្ធ អភិបាលខណ្ឌពោធិ៍សែនជ័យ ចុះបង្ក្រាប នៅថ្ងៃទី១១ ខែឧសភា ឆ្នាំ ២០២៣នេះ ។

ក្នុងកិច្ចប្រតិបត្តិការ កម្លាំងបានចុះដល់ទីតាំង និងឃើញបុគ្គលិក និងអ្នកញៀនល្បែងកំពុងលេង ប៉ុន្តែបែរជាឃាត់មិនបានទៅវិញ រហូតបណ្ដោយឱ្យមានអ្នករើសម្ភារៈ និងរត់ចេញតាមច្រកក្រោយអស់ ដោយបន្សល់ត្រឹមតែវត្ថុតាងមួយចំនួនប៉ុណ្ណោះ។
ក្នុងនោះមានឧបករណ៍សម្រាប់លេងល្បែងមួយចំនួន តុបៀរបាល់ហ្គារ៉ាត់ ចំនួន ០៣តុ. ហ្គេមបាញ់ត្រី ចំនួន០២ទូធំ. បៀរចំនួន ៥កេះ និងហូតម៉ូតូចំនួន៣គ្រឿង។

បច្ចុប្បន្នសម្ភារៈត្រូវបានកម្លាំងគណៈបញ្ជាការឯកភាពខណ្ឌដកហូតយកទៅរក្សាទុកនៅសាលាខណ្ឌនិងធ្វើការបិទទីតាំងជាបណ្ដោះអាសន្ន ដើម្បីស្រាវជ្រាវម្ចាស់ចាត់ការតាមនីតិវិធី៕ដោយនាគខៀវ

សមត្ថកិច្ចរដ្ឋបាលព្រៃឈើខេត្តសៀមរាប បានបង្ក្រាបរថយន្តម៉ាក់នីហ្សាន់មួយគ្រឿងដែលដឹកឈើ ល្មើសច្បាប់។

លោក ម៉ុង ប៊ុនលីម នាយខណ្ឌរដ្ឋបាលព្រៃឈើសៀមរាប បានប្រាប់សៀមរាប ប៉ុស្តិ៍ ថា ពិតជាមានករណីបង្ក្រាបរថយន្ត ដឹកគ្រឿងសង្ហារឹមនេះមែន បច្ចុប្បន្នត្រូវបានរឹបអូសទុកនៅស្នាក់ការរដ្ឋបាលព្រៃឈើស្រុកសូទ្រនិគម នៅព្រឹកមិញនេះ។

ពាក់ព័ន្ធការបង្ក្រាបនេះ លោកនាយខណ្ឌមិនទាន់បញ្ជាក់លម្អិតនៅឡើយ៕ដោយនាគខៀវ

ខេត្តកំពង់ចាម​៖អភិបាលខេត្តំពង់ចាម​ លោក អ៊ុន​ ចាន់ដា​ បានលើកឡើងថា​ បញ្ហា​គ្រោះថ្នាក់​ចរាចរ​ណ៍នៅ​តែ​ជា​ក្តី​កង្វល់​ របស់​យើង​ទាំង​អស់​គ្នា​។ ការអះអាងបែបនេះ ខណៈ​ករណី​គ្រោះថ្នាក់​ចរាចរ​ណ៍កេីតឡេីង​ចំនួន​ ១៨ លើក​ កេីនជាង​ខែ​មុន​ចំនួន​ ២លើក​ បណ្ដាល​ឱ្យ​ស្លាប់​ប្រជាពលរដ្ឋ​ ចំនួន​ ៣នាក់​ និង​រងរបួស​ចំនួន​ ២៥នាក់​ កេីន​ជាង​ខែ​មុន​ចំនួន​ ៧នាក់​ ហើយ​កត្តា​ដែល​បណ្ដាល​ ឱ្យ​មាន​ករណី​គ្រោះថ្នាក់​ចរាចរ​កេីតឡេីង​ជា​បន្តបន្ទាប់​នេះ​ គឺ​មក​ពី​ការ​ធ្វេសប្រហែស​ របស់​អ្នក​ប្រេីប្រាស់​យានយន្ត​ និង​ការ​បេីកបរ​ដោយ​មិន​ប្រកាន់​ស្តាំ​ជាដើម​ ដែល​ទាមទារ​ត្រូវ​ឱ្យ​មាន​ការ​ប្រុងប្រយ័ត្ន​ខ្ពស់​។

លោកថ្លែង​បែប​នេះ​ក្នុងកិច្ចប្រជុំសាមញ្ញលើកទី៤៨ អាណត្តិទី៣ របស់ក្រុមប្រឹក្សាខេត្តកំពង់ចាម​ នៅថ្ងៃព្រហស្បតិ៍នេះ។

​ក្នុង​កិច្ច​ប្រជុំ​ លោក អ៊ុន​ ចាន់ដា​ បានលើក​ឡើង​ថា​ បទល្មើស​ព្រហ្មទណ្ឌ​ ក្នុង​ខែ​​ទៅ​នេះ​ កេីតឡេីង​ចំនួន​ ៤លើក​ ​កេីន​ជាង​ខែ​មុន​ចំនួន​ ២លើក​ ក្នុង​នោះ​មាន​ករណី​រំលោភ​សេពសន្ថវៈ​ ករណី​ចោរកម្ម​ ករណី​ឆក់​ និង​ករណី​អំពើ​ហិង្សា​ ដែល​សមត្ថកិច្ច​បង្ក្រាប​ បាន​ទាំង​ ៤ករណី​ ពាក់ព័ន្ធ​នឹង​ការ​បង្ក្រាប​ បទល្មើស​គ្រឿងញៀន​​ មាន​ចំនួន​ ២៤ករណី​ កេីនជាង​ខែ​មុន​ ១ករណី​ ក្នុង​នោះ​អាជ្ញាធរ​បាន​ធ្វើ​ការ​ផ្សព្វផ្សាយ​ អំពី​ផល​ប៉ះពាល់​នៃ​គ្រឿងញៀន​ ហើយ​ក៏​បាន​ឧបត្ថម្ភ​ថវិកា​ ដល់​កងកម្លាំង​សមត្ថកិច្ច​ ដែល​បាន​បង្ក្រាប​ក្នុង​ ១ករណី​ ចំនួន​ ១លានរៀល​ផងដែរ​។ ការឧបត្ថម្ភ​នេះ​យើង​នៅ​តែ​បន្ត​ទៅ​មុខ​ទៀត​ ដើម្បី​លេីក​ទឹកចិត្ត​ដល់​កងកម្លាំង​ ឱ្យ​បន្ត​ការ​ខិតខំ​បង្ក្រាប​បទល្មើស​គ្រឿងញៀន​ ឱ្យ​មាន​ប្រសិទ្ធភាព​ខ្ពស់​​ ខណៈ​ដែល​គោលដៅ​ឈ្មោះ​មុខសញ្ញា​ទាំងអស់​​​ មាន​នៅ​ក្នុង​ដៃ​របស់​សមត្ថកិច្ច​យេីង​ហើយ​ ទាំង​មុខសញ្ញា​ឈ្មោះ​ក្នុង​ដីកា​ របស់​តុលាការ​ និង​មុខសញ្ញា​ស្ថិត​ក្នុង​ការ​តាមដាន​ផងដែរ​។ ​

ពាក់ព័ន្ធ​នឹង​បញ្ហា​ល្បែង​ស៊ីសង​ ក្នុង​ខែ​នេះ​ យើង​បង្ក្រាប​បាន​ចំនួន​ ៥ករណី​ កេីន​ជាង​ខែ​មុន​ចំនួន​ ២ករណី​ ក្នុង​នោះ​ជល់​មាន់​ ២ករណី​ លេងបៀរ​ ១ករណី​ និង​ចាក់​អាប៉ោង​ចំនួន​​ ២ករណី​។

ទោះជា​យ៉ាងណា​យេីង​ត្រូវ​ខិតខំ​បន្ថែម​ទៀត​ ដើម្បី​ភូមិ​-ឃុំ​ មាន​សុវត្ថិភាព​ ប្រជាពលរដ្ឋ​រស់នៅ​បាន​សេចក្ដី​សុខ​ ដូច្នេះ​ទាមទារ​ធ្វេីយ៉ាងណា​ ឱ្យ​សមត្ថកិច្ច​យេីង​ដេីរ​លឿន​ ជាង​សភាពការណ៍​ ពោលគឺ​គ្រប់គ្រង​សភាពការណ៍​បាន​ទាន់ពេលវេលា​ និង​មាន​ប្រសិទ្ធភាព​ផងដែរ​។

បើតាមខ្លូត​ ផន ប្រធានក្រុមប្រឹក្សាខេត្តកំពង់ចាម បានលើកយកសេចក្កី ព្រាងរបៀបវារៈសំខាន់ៗ មកពិភាក្សា រួមមាន៖ ១-ពិនិត្យ និងអនុម័តសេចក្តីព្រាងកំណត់ហេតុនៃកិច្ចប្រជុំសាមញ្ញលើកទី៤៧ អាណត្តិទី៣ របស់​ក្រុមប្រឹក្សាខេត្តកំពង់ចាម។
២-ពិនិត្យ ពិភាក្សា និងអនុម័តសេចក្ដីព្រាងរបាយការណ៍បូកសរុបលទ្ធផលការងារប្រចាំខែមេសា និងទិសដៅការងារប្រចាំខែឧសភា ឆ្នាំ២០២៣ របស់រដ្ឋបាលខេត្តកំពង់ចាម។
៣-បញ្ហាផ្សេងៗ​៕SRP