ខេត្តកំពង់ធំ៖យ៉ាងហោចណាស់មនុស្សចំនួនពីរនាក់បានស្លាប់ភ្លាមៗនិងម្នាក់ទៀតបានរងរបួសករណីគ្រោះថ្នាក់ចរាចណ៍។ហេតុការណ៍បានកើតឡើង នៅថ្ងៃទី០២ខែឧសភាឆ្នាំ២០២០ វេលាម៉ោង០៤និង០៥នាទី នៅលើផ្លូវជាតិលេខ០៦ ចន្លោះគីឡូម៉ែត្រលេខ ៩៦-៩៧ ភូមិសូយោង ឃុំសូយោង ស្រុកតាំងគោក ខេត្តកំពង់ធំ។ ដោយរថយន្ដបុករថយន្តចតលើទ្រូងផ្លូវ ក្នុងទិសដៅស្របគ្នាពីត្បូងទៅជើង។

សមត្ថកិច្ចបានឲ្យដឹងថារថយន្តម៉ាកហ៊ីយានដាយ ពណ៌ខៀវ ផ្លាកលេខព្រះសីហនុ2A.2492 (ដឹកប្រេងម៉ាស៊ីន) បើកបរដោយឈ្មោះ ឌីម.ង៉ៃត  ភេទប្រុស អាយុ ៣១ឆ្នាំ មុខរបរបើកបររថយន្ត រស់នៅភូមិព្រៃស្មាច់ ឃុំព្រៃវិហារ ស្រុកព្រៃវិហារ ខេត្តកំពង់ស្ពឺ (របួសស្រាល)។អ្នករួមដំណើរចំនួន០២នាក់៖១/-ឈ្មោះ សោម.មុំ ភេទស្រី អាយុ ៣០ឆ្នាំ មុខរបរអាជីវករ(ប្រពន្ធអ្នកបើកបររថយន្ត)(ស្លាប់នៅកន្លែងកើតហេតុ)។២/-ឈ្មោះ សេង.ដុំ ភេទប្រុស អាយុ ៣៤ឆ្នាំ មុខរបរកម្មករ(បងថ្លៃអ្នកបើកបររថយន្ត រស់នៅភូមិ/ឃុំជាមួយគ្នា)(ស្លាប់នៅកន្លែងកើតហេតុ)។

ចំណែករថយន្តម៉ាកហ៊ីណូ ពណ៌បៃតង ផ្លាកលេខភ្នំពេញ3A-5247(ប្រភេទបែនដឹកដី) អ្នកបើកបរមិនស្គាល់អត្តសញ្ញាណ(គេចខ្លួនពីកន្លែងកើតហេតុបាត់)។

សមត្ថកិច្ចបានបញ្ជាក់ថាក្រោយកើតហេតុសមត្ថកិច្ចបានចុះវាស់វែងនិងធ្វើកំណត់ហេតុប្រមូលវត្ថុតាងរថយន្តទាំង២គ្រឿងយកមករក្សាទុកនៅអធិការដ្ឋាននគរបាលស្រុកតាំងគោក។ដោយឡែកអ្នករបួសបញ្ជូនទៅមន្ទីរពេទ្យ។ឯសពបានប្រគល់ជូនក្រុមគ្រួសារ។ បើតាមសមត្ថកិច្ចថាករណីគ្រោះថ្នាក់ចរាចរណ៍នេះសមត្ថកិច្ចជំនាញបានបញ្ជាក់ថាមូលហេតុបឋមបង្កឡើងដោយអ្នកបើកបររថយន្ដ បែនដឹកដី) ចតលើទ្រូងផ្លូវខ្ជីខ្ជា មិនដាក់ផ្លាកសញ្ញា។ ចំណែករថយន្ដម៉ាកហ៊ីយានដាយ បើកបរមានល្បឿនលឿនខ្វះការប្រុងប្រយ័ត្ន៕SRP

ខេត្តកំពង់ចាម៖លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម នៅរសៀលថ្ងៃទី២ខែឧសភា​ ម្សិលមិញបាន​អញ្ជើញ​នាំយកអំណោយ របស់ នាយឧត្ដមសេនីយ៍ សន្តិបណ្ឌិត អគ្គស្នងការនគរបាលជាតិ ប្រគល់​ជូន​ប្រជាពលរដ្ឋ​ ​​ជួប​ទុក្ខ​លំបាក០១គ្រួសារ ដែល​មាន​ឈ្មោះ ឈុន រិន ភេទប្រុស អាយុ៤៤ឆ្នាំ ពិការភាព ដោយសារគ្រោះថ្នាក់ចរាចរណ៍ (ពោះម៉ាយ) មានកូនប្រុសអាយុ៨ឆ្នាំម្នាក់នៅមើលថែទាំ និងស្នាក់នៅជាមួយម្ដាយបង្កើត ដែលមានសមាជិកគ្រួសារចំនួន៨នាក់ នៅ​ភូមិតាប៉ោង៣ ឃុំតាប្រុក ស្រុកចំការលើ ខេត្តកំពង់ចាម។
លោកស្នងការក៏បានធ្វេីការទំនាក់ទំនងទៅមន្ទីរពេទ្យ ដេីម្បីពិគ្រោះបញ្ហាជំងឺរបស់គាត់ ក្រែងអាចមានវិធីជួយសម្រួលដល់ការព្យាបាលឲ្យបានល្អប្រសេីរជាងនេះ​ផងដែរ​។
លោកឧត្តមសេនីយ៍ទោ ឯម កុសល បានថ្លែងថាពិតជាគួរឲ្យ​សង្វេគ​ណាស់ ពេលខ្ញុំ​បានទៅជួបផ្ទាល់​ ជាមួយ​ប្អូន​ប្រុស​ ពិការ​ភាព​​ ដើរមិនរួច​ ដោដោយសារតែគ្រោះថ្នាក់ចរាចរណ៍ ហើយ​ជីវភាព​ក៏មានការផ្លាស់ប្ដូរ ប្រពន្ធក៏ដាច់ចិត្តចាកចេញ​ បន្សល់​ទុកកូនប្រុសអាយុ៨ឆ្នាំ​ គ្មានលទ្ធភាពសូម្បីបញ្ជូនកូនទៅសាលារៀន​ និងត្រូវនៅជួយមេីលថែទាំ​ឪពុករបស់​ខ្លួន​ទៀត​។
លោក​ ឈុន​ រិន​ ដែលជាជនពិការភាព​ ក៏បានគោរពថ្លែងអំណរគុណ ចំពោះថ្នាក់ដឹកនាំគ្រប់លំដាប់ថ្នាក់​ ពិសេស​ នាយឧត្តមសេនីយ៍​​ សន្តិបណ្ឌិត អគ្គ​ស្នង​នគរបាល​ជាតិ​ លោកឧត្តមសេនីយ៍ស្នងការ​នគរបាលខេត្តកំពង់ចាម និងសហការី​ ដែលបានអញ្ជេីញដោយផ្ទាល់​ និងបាននាំយកថវិកា សម្ភារប្រេីប្រាស់ គ្រឿងឧបភោគបរិភោគមួយចំនួន​ ដេីម្បីជួយសម្រួលដល់ការលំបាករបស់ខ្លួន​។
ឆ្លៀត​ក្នុងឱកាសនោះដែរ​ លោក​ឧត្តមសេនីយ៍​ស្នងការ​ ក៏បាន​ធ្វើ​ការ​អំពាវនាវដល់​សាធារណជន​ បងប្អូន​ប្រជាពលរដ្ឋ​​ទាំងអស់​ ដែលបានធ្វេីចរាចរណ៍តាមដងផ្លូវ ត្រូវចូលរួម​គោរព​ច្បាប់​ចរាចរណ៍​ឲ្យបានគ្រប់ៗគ្នា ព្រោះ​ការ​ចូលរួមការពារ ប្រសេីរជាងព្យាបាល​។
​គួរ​បញ្ជាក់​ផង​ដែរថា​ អំណោយ​ដែល​ត្រូវ​ប្រគល់​ជូន​នាឱកាស​នោះ​ រួមមាន ថវិកា ចំនួន៨០០,០០០រៀល, អង្ករ ០២បេ (១០០គីឡូ), មី ០៤កេស, ទឹកសុទ្ធ ០២កេស, ទឹកផ្លែឈើ ០២កេស, ទឹកត្រី ០២យួរ, ទឹកស៊ីអុីវ ០២យួរ, ត្រីខ ០២យួរ, ក្រម៉ា ០៥, ម៉ាស់៥០ និងសម្ភារៈប្រើប្រាស់មួយចំនួនទៀត សរុបជាថវិកាចំនួន១,៦២០,០០០រៀល​ ផងដែរ​៕SRP

ខេត្តកំពង់ធំ៖រថយន្តដឹកឈើមួយគ្រឿងម៉ាកហ៊ីយ៉ាន់ដាយពណ៌សទ្រុងខៀវពាក់ស្លាកលេខ(ហ០១២៤ភ.ព៣)ផ្ទុកឈើអាពុះប្រភេទផ្តៀកចំនួន២៣ដុំប្រវែង៤ម៉េត្រគូបស្មើ៤,៥៨៩ម៉ែត្រគូបត្រូវបានកម្លាំងកងរាជអាវុធហត្ថខេត្តកំពង់ធំដឹងនាំដោយលោក អនុសេនីយ៍ឯក បូ រ៉ា អនុប្រធានមន្ទីរបច្ចេកទេសសន្តិសុខ ដោយមានការបញ្ជាក់ពីលោកវសេនីយ៍ទោ ឃុន ប៊ុនហូមេបញ្ជាការរងទទួលផែនស្រាវជ្រាវពត៌មានសន្តិសុខ បង្ក្រាបបាននៅវេលាម៉ោង១៣និង៤៨នាទីថ្ងៃទី០២ ខែឧសភា ឆ្នាំ២០២០ នៅចំណុចភូមិល្អក់ ឃុំកំពង់ថ្ម ស្រុកសន្ទុក ខេត្តកំពង់ធំ។ ការបង្ក្រាបនេះក្រោមបញ្ជារបស់លោក សាយ វាសនា ព្រះរាជអាជ្ញារងអមសាលាតំបូងខេត្តកំពង់ធំ។សមត្ថកិច្ចបានឲ្យដឹងថាវត្ថុតាងខាងលើត្រូវបានប្រគល់ជូនជំនាញរដ្ឋបាលព្រៃឈើផ្នែកកំពង់ថ្មបន្តនិតិវិធី។ទោះយ៉ាងណាសមត្ថកិច្ចមិនបានបញ្ជាក់ឈ្មោះម្ចាស់ឈើដែលរងការបង្ក្រាបនេះឡើយ៕SRP

ខេត្តសៀមរាបលោក វេង​ សាខុន​ រដ្ឋមន្រ្តីក្រសួងកសិកម្ម​ រុក្ខាប្រមាញ់​ និងនេសាទ​ នៅសៀលថ្ងៃមិញនេះ អមដំណេីរដោយ លោក​ ង៉ាន់ ភិរុណ អភិបាលរងខេត្ត​ តំណាងលោក ទៀ​ សីហា​ ​ អភិបាលខេត្តសៀមរាប​ បានអញ្ជេីញចុះពិនិត្យទីតាំងចិញ្ចឹមត្រី​ចំនួនពីរទីតាំង​ ដេីម្បីពិនិត្យអំពីការត្រៀមជាស្បៀងក្នុងអំឡុងពេលទប់ស្កាត់ជំងឺកូវីដ​ ១៩​ (COVID-19)​ ស្ថិតនៅក្រុងសៀមរាប។
សូមបញ្ជាក់ផងដែរថា ការចិញ្ចឹមត្រីនៅក្នុងខេត្តសៀមរាប មានចំនួនពីរប្រភេទគឺ​ ចិញ្ចឹមតាមបែ​ និងស្រះជាលក្ខណ:គ្រួសារ​ ដោយក្នុងរយ:ពេល ៤ខែដេីមឆ្នាំ២០២០នេះ​ ការចិញ្ចឹមត្រីនៅក្នុងខេត្តទទួលបានទិន្នផលសរុបចំនួន​ ៤,៦៩៤តោន​។ ក្នុងនោះការចិញ្ចឹមក្នុងបែមានចំនួន​ ២,៧១០តោន​ និងស្រះមានចំនួន​ ១,៩៨៤តោន៕SRP

ខេត្តសៀមរាប៖លោក​ ង៉ាន់ ភិរុណ អភិបាលរងខេត្ត បានណែនាំដល់សហគមន៍អោយបន្តការសហការគ្នាក្នុងការការពារព្រៃសហគមន៍​អោយបានគង់វង្ស​ ដេីម្បីជាប្រយោជន៍សាធារណះ​ ក៏ដូចជាការរក្សាបាននូវបរិស្ថានបៃតង​។
លោកបញ្ជាក់យ៉ាងដូច្នោះក្នុងពេល តំណាងលោកទៀ​ សីហា​ អភិបាល​ខេត្តសៀមរាប បានអញ្ជេីញចូលរួម​ក្នុងពិធីចែកសម្ភារដល់ប្រជាសហគមន៍ព្រៃឈេីនៅចំការពូជឈេីធ្នង់ចំនួន​ ៣សហគមន៍​ គឺ​ សហគមន៍ព្រៃខ្លុង​ សហគមន៍ព្រៃធ្នង់​ និងសហគមន៍តាច្រាញ់​ ស្ថិតក្នុងឃុំតាសៀម​ ស្រុកស្វាយលើ។
ជាមួយគ្នានោះដែរ​ លោក អភិបាលរង ក៏បាននាំយកអំណោយរបស់ លោក ទៀ សីហា រួមមាន វិទ្យុទាក់ទងចំនួន​ ០៩គ្រឿង​ អាវ​៦០​ ស្លាក​ហាមឈូកឆាយទន្រ្ទានដីព្រៃសហគមន៍ចំនួន ៣០០ស្លាក​ និងថវិកាចំនួន ១,២០០,០០០រៀល។ ដោយក្នុងមួយសហគមន៍ទទួលបានវិទ្យាទាក់ទងចំនួន​ ៣គ្រឿង​ អាវ​ ២០​ ស្លាកសញ្ញាចំនួន​ ១០០ស្លាក​ ថវិកាចំនួន ៤០០,០០០រៀល និងបានឧបត្ថម្ភថវិកាដល់កងកម្លាំងប្រដាប់អាវុធទាំង៣ចំនួន ១,២០០,០០០រៀល។ ដោយក្នុងមួយអង្គភាពទទួលបានថវិកាចំនួន ៤០០,០០០រៀល ព្រមទាំងបានចូលរួមដាំកូនឈេី​ ចុះពិនិត្យដេីមឈេីពូជ និងថតរូប​អនុស្សាវរីយ៍ផងដែរ៕SRP

សេចក្តីថ្លែងការណ៍
របស់សហភាពសហព័ន្ធអ្នកសារព័ត៌មានកម្ពុជា (ស.ស.ស.ក)
ក្នុងទិវាសេរីភាពសារព័ត៌មានពិភពលោក ៣ ឧសភា លើកទី២៧

សហភាពសហព័ន្ធអ្នកសារព័ត៌មានកម្ពុជា (ស.ស.ស.ក) សម្រាប់ឆ្នាំ២០២០នេះ ដូចគ្នានឹងសមាគម ក្លិប សហព័ន្ធនៅជុំវិញពិភពលោកដែរ គឺមិនរៀបចំពិធីជួបជុំដើម្បីប្រារព្ធ ទិវាសេរីភាពសារព័ត៌មានពិភពលោក ៣ ឧសភា  ដូចឆ្នាំ   មុនៗទេ ដោយសារនៅពេលនេះ ពិភពលោកទាំងមូល រួមទាំងប្រទេសកម្ពុជាយើងផង រងការរាតត្បាតពីជំងឺកូវីដ១៩នៅឡើយ។ ក្នុងន័យនេះ ស.ស.ស.ក សូមប្រែក្លាយទិវាសេរីភាពសារព័ត៌មានពិភពលោកឆ្នាំនេះ ទៅជាការប្តេជ្ញាចិត្ត រួមចំណែកជាមួយរាជរដ្ឋាភិបាល និងក្រសួងសុខាភិបាល បន្តចូលរួមផ្សព្វផ្សាយវិធានការនានាបម្រើការយល់ដឹងអំពីសុវត្ថិភាពសុខុមាលភាពដល់សាធារណជន។ «សុខភាព» ពោលគឺ «សិទ្ធិរស់រានមានជីវិត» ក្នុងពេលនេះ នៅតែជាអាទិភាពចម្បងបំផុត និងមានតម្លៃជាងអ្វីៗទាំងអស់។ ដរាបណាអាយុជីវិតត្រូវបានថែរក្សាការពារល្អប្រសើរ ទើបមនុស្សគ្រប់ៗរូបមានឱកាសអនុវត្តសិទ្ធិដទៃទៀត រួមទាំងសិទ្ធិសេរីភាពសារព័ត៌មាន និងសិទ្ធិបញ្ចេញមតិផងដែរ។

សហភាពសហព័ន្ធអ្នកសារព័ត៌មានកម្ពុជា រួមជាមួយប្រជាជនកម្ពុជា ពិតជាមានការត្រេកអរ ដែលកម្ពុជាយើងមានអ្នកឆ្លងជំងឺនេះក្នុងអត្រាទាប ហើយបងប្អូនដែលឆ្លងជំងឺនេះ ក៏ទទួលការយកចិត្តទុកដាក់ជួយព្យាបាលពីសំណាក់ក្រុមវេជ្ជបណ្ឌិតរហូតបានជាសះស្បើយជិតអស់ហើយ ដោយគ្មានអ្នកណាម្នាក់រងគ្រោះដល់អាយុជីវិតឡើយ។

សហភាពសហព័ន្ធអ្នកសារព័ត៌មានកម្ពុជា សូមយកឱកាសទិវាសេរីភាពសារព័ត៌មានឆ្នាំនេះ ប្រែក្លាយជាថ្ងៃនឹករលឹកនិងការដឹងគុណដល់រៀមច្បងសារព័ត៌មានរបស់យើងសរុប១៨រូប ដែលពួកគាត់បានដឹកដៃអ្នកទាំងឡាយក្នុងវិស័យនេះឆ្លងកាត់ដំណាក់កាលនីមួយៗ ហើយឥឡូវពួកគាត់ខ្លះក្លាយជាព្រឹទ្ធាចារ្យនិងមានវ័យជរាទៅហើយ។ ស.ស.ស.ក បានរៀបចំនូវអំណោយរួមមាន៖ អង្ករ ភេសជ្ជៈ សម្ភារប្រើប្រាស់ និងថវិកា ជូនដល់រៀមច្បងយើងក្នុងស្មារតីកតញ្ញូ    «ជួយគ្នាក្នុងគ្រាលំបាក» និង «ធ្វើបុណ្យទាន់ខែភ្លឺ»។

សហភាពសហព័ន្ធអ្នកសារព័ត៌មានកម្ពុជា ក្នុងឱកាសនេះដែរ សូមលើកទឹកចិត្តដល់មិត្តអ្នកសារព័ត៌មានទាំងអស់បន្តបំពេញតួនាទី ដោយប្រកាន់ខ្ជាប់គោលការណ៍វិជ្ជាជីវៈនិងសេចក្តីថ្លៃថ្នូរ ដើម្បីបន្តទទួលបានការគោរពស្រឡាញ់ និងការជឿទុកចិត្ត។ ជាមួយគ្នានេះ ស.ស.ស.ក សូមលើកទឹកចិត្តដល់មិត្តអ្នកសារព័ត៌មាន ចំណាយផ្នែកឬជ្រុងណាមួយនៃអាជីពខ្លួនជួយផ្សព្វផ្សាយអំពីសក្តានុពលប្រទេសជាតិរបស់យើង ដើម្បីរួមចំណែកបង្ហាញផ្ទះកម្ពុជាដ៏ល្អស្អាតទៅកាន់ឆាកអន្តរជាតិ និងកសាងមោទនភាពសម្រាប់អនាគតកូនៗនិងប្រជាជាតិយើង។ ព្រឹទ្ធាចារ្យខ្មែរយើងទូន្មានថា៖  «នៅពេលអ្នកមានគំនិតវិជ្ជមាន សូម្បីតែអ្នករកឃើញនូវចំណុចល្អឬពន្លឺតូច១ នោះអ្នកក៏នឹងអាចរកឃើញនូវទិសពិតប្រាកដ សម្រាប់ការដើរឆ្ពោះទៅមុខ»។ សូមជូនពរមិត្តសារព័ត៌មានទាំងអស់ទទួលបានជោគជ័យថ្មីៗថែមទៀតនៅក្នុងអាជីពជាមួយនឹងការតម្កល់ខ្ពស់ជានិច្ចនូវឧត្តមគតិជាតិនិយម «សេរីភាពក្រោមស្មារតីជាតិឯករាជ្យ»៕SRP

ខេត្តកំពង់ធំ៖សិស្សចំនួន០៣នាក់ ក្នុងចំណោម០៥នាក់ ត្រូវបាននគរបាលឃាត់ខ្លួនករណីគប់កញ្ចក់រថយន្ត។ ហេតុការណ៍បានកើតឡើងវេលា ម៉ោង២០និង៥៣នាទីនៅចំណុចផ្លូវជាតិលេខ០៦ភូមិទួុលសង្កែ ឃុំកំពង់ថ្ម ស្រុកសន្ទុក ខេត្តកំពង់ធំ។

វរសេនីយ៍ទោ ម៉ៅ. ចាន់ធី អធិការនគរបាលស្រុកសន្ទុក បានឲ្យដឹងថាករណី(គប់កញ្ចក់រថយន្ត)នេះ
ប្រព្រឹត្តដោយជនសង្ស័ចំនួន០៥នាក់៖
១.ឈ្មោះហ៊ាន់ ចាន់ឌី ភេទប្រុសអាយុ១៦ឆ្នាំនៅភូមិតាញ៉ោក ឃុំប្រាសាទ ស្រុកសន្ទុក។
២.ឈ្មោះវេង ម៉េងហ័រ ភេទប្រុសអាយុ១៥ឆ្នាំនៅភូមិទួុលសង្កែ ឃុំកំពង់ថ្ម ស្រុកសន្ទុក។
៣.ឈ្មោះម៉េត ភក្តី ភេទប្រុសអា
១៦ឆ្នាំនៅភូមិបន្ទាយចាស់ ឃុំត្នោតជុំ ស្រុកបារាយណ៍ ខេត្តកំពង់ធំ។ ទាំង៣នាក់ខាងលើជាសិស្សរៀនថ្នាក់ទី១០ វិទ្យាល័យកំពង់ថ្ម(ឃាត់ខ្លួន) ។
៤.ឈ្មោះ ជា ភេទប្រុស អាយុឆ្នាំនៅភូមិស្នោ ឃុំកំពង់ថ្ម(គេចខ្លួន)និងម្នាក់ទៀតមិនស្គាល់ឈ្មោះ(គេចខ្លួន)។
វរសេនីយ៍ទោ ម៉ៅ. ចាន់ធី បញ្ជាក់ថាជនសង្ស័យបានធ្វើសកម្មភាពជិ:ម៉ូតូឌុបគ្នាយកដុំថ្មគប់ទៅលើរថយន្ត២គ្រឿង។
ជនរងគ្រោះទីមួយឈ្មោះសំ សារឿន ភេទប្រុស អាយុ៦០ឆ្នាំនៅភូមិសាលាវិស័យ ឃុំសាលាវិស័យ ស្រុកប្រាសាទបល្ល័ង្គ ខេត្តកំពង់
ធំ។ រថយន្តម៉ាកហ៊ីហាន់ដាយពណ៌សពាក់ផ្លាកលេខកំពង់ចាម៣A៣៤៦៥(បែកកញ្ចក់មុខ)ទីពីរ.ឈ្មោះវ៉ែន បៃ ភេទប្រុសអាយុ
៤៨ឆ្នាំនៅភូមិបុស្សថ្លាន់ ឃុំស្វាយទាប ស្រុកចំកាលើ ខេត្តកំពង់ចាម។ រថយន្តម៉ាកភុយសូស៊ុបព័រពណ៌ខៀវពាក់ផ្លាកលេខតាកែវ៣A១៦៤៤(បែកកញ្ចក់មុខ)។​ វរសេនីយ៍ទោ ម៉ៅ. ចាន់ធី បានបញ្ជាក់ទៀតថាជនសង្ស័យខាងលើដែលឃាត់ខ្លួនបានឆ្លើយសារភាពទាំង៣នាក់ថាខ្លួុនពិតជាបានធ្វើសកម្មភាពយកដុំថ្មគប់ទៅលើរថយន្តរបស់់គេពិតមែន និងម៉ូតូ១គ្រឿងជាមធ្យោបាយជិ:ធ្វើសកម្មភាព។ ក្នុងនោះសមត្ថកិច្ចបានដកហូតម៉ាកហុងដាសេ១២៥សេរី២០១៩ផ្លាកលេខកំពង់ធំ១L៩៥៥៩លេខម៉ាសីុន៥៤៦៩៦៥៩ ផងដែរ។លោកអធិការថាជនសង្ស័យខាងលើមិនស្ថិតនៅក្នុងមុខសញ្ញាក្មេងទំនើងក្នុងបញ្ជី
គ្រប់គ្រងរបស់នគរបាលទេ។ជនសង្ស័យ នគរបាល កសាងសំណុំរឿងទៅតាមនីតិវិធី៕SRP

ខេត្តសៀមរាប៖កម្លាំងអាវុធហត្ថខេត្តសៀមរាប បានចាប់ខ្លួនស្ត្រីម្នាក់ នៅផ្សារក្រោម ករណី លួចកាត់ខ្សែក ក្មេងប្រុស។
ហេតុការណ៍បានកើតឡើងនៅវេលាម៉ោង ០៩និង០០នាទី ថ្ងៃទី០២ ខែឧសភា ឆ្នាំ២០២០ នៅចំណុច ផ្សារក្រោម ស្ថិតនៅភូមិវិហារចិន សង្កាត់ស្វាយដង្គំ ក្រុងសៀមរាប ខេត្តសៀមរាប។
ជនសង្ស័យឈ្មោះ សុខ លី អាយុ ២៥ឆ្នាំ មុខរបរ មិនពិតប្រាកដ ទីលំនៅបច្ចុប្បន្ន សង្កាត់ស្រះចក ខណ្ឌទួកគោក រាជធានីភ្នំពេញ បានធ្វើសកម្មភាពយកកន្ត្រៃកាត់ក្រចក កាត់ខ្សែកប្លាទីនទម្ងន់ ០៣ជី ពីកូនប្រុសជនរងគ្រោះ ឈ្មោះ សួស ដានី ភេទស្រី អាយុ ៣៣ឆ្នាំ មុខរបរ មេផ្ទះ ទីលំនៅបច្ចុប្បន្ន ភូមិវត្តដំណាក់ សង្កាត់សាលាកំរើក ក្រុងសៀមរាប ខេត្តសៀមរាប ខណៈពេលដែលជនរងគ្រោះឈរទិញបន្លែ។ ចំណែកកូនប្រុសរបស់ជនរងគ្រោះ គឺម្តាយរបស់ជនរងគ្រោះឈរបីនៅក្បែរគ្នាជនសង្ស័យ។ ហើយពេលនោះអ្នកដើរផ្សារជាមួយគ្នាឃើញទាន់ ក៏ស្រែកឆោឡោឡើង ហើយឃាត់ជនសង្ស័យខាងលើបានភ្លាមៗ។ ហើយជនរងគ្រោះបានរាយការណ៍មកសមត្ថកិច្ចកងរាជអាវុធហត្ថតែម្តង ។
ក្រោយពីស្តាប់ចម្លើយ ជនសង្ស័យបានសារភាពថា រូបខ្លួនទើបតែចុះពីលើរថយន្តក្រុងមកពីភ្នំពេញ ហើយរូបខ្លួនក៏បន្តដំណើរមកផ្សារក្រោម ហើយរូបខ្លួនពិតជាបានធ្វើសកម្មភាពកាត់ខ្សែកខាងលើពិតប្រាកដមែន។ករណីនេះដកហូតវត្ថុតាង ខ្សែកប្លាទីនទម្ងន់ ០៣ជី និងបណ្តោង ០១, កន្ត្រៃកាត់ក្រចក០១។បច្ចុប្បន្ន កម្លាំងជំនាញរៀបចំសំណុំរឿងទៅសាលាដំបូងខេត្តសៀមរាប ដើម្បីចាត់ការតាមផ្លូវច្បាប់៕SRP

ខេត្តសៀមរាប៖បុរសម្នាក់បានស្លាប់និងម្នាក់ទៀតបានរងរបួសដោយគ្រោះថ្នាក់ចរាចរណ៍។
ហេតុការណ៍បានកើតឡើងវេលាម៉ោង១០និង២០នាទីថ្ងៃទី០២ខែឧសភាឆ្នាំ២០២០នៅភូមិរំជៃច្រុះ ឃុំល្វែង
ឫស្សី ស្រុកជីក្រែង។ ករណីនេះគឺជិះម៉ូតូដួលដោយខ្លួនឯង។ ម៉ូតូម៉ាកវ៉េវអាល់ហ្វាពណ៌ខ្មៅគ្មានស្លាកលេខ។
សមត្ថកិច្ចបានឲ្យដឹងថាជនរងគ្រោះទី០១ឈ្មោះ គី គុន ភេទប្រុស អាយុ ១៤ឆ្នាំរស់នៅភូមិ ឃុំកេីតហេតុខាងលេី ( អ្នករួមដំណេីរ ស្លាប់ )។
០២ឈ្មោះសុឹម សុខ ភេទប្រុស អាយុ៥២ឆ្នាំទីលំនៅភូមិអូរដូងឃុំអង្សាគ្រង ស្រុកស្ទោងខេត្តកំពង់ធំ (អ្នកបេីកបរម៉ូតូរបួសធ្ងន់)។ជនរងគ្រោះបញ្ជូនទៅមន្ទីរពេទ្យស្រុកស្ទោងដើម្បីជួយសង្គោះ៕SRP

ភ្នំពេញ៖ សេចក្ដីរាយការណ៍បឋមបានឲ្យដឹងថាគយចល័ត នៅថ្ងៃទី៣០ ខែមេសា ឆ្នាំ២០២០ សហការ ជាមួយកម្លាំងអ.ហអង្គភាពសន្តិសុខ បានចុះឆែកឃ្លាំងកាត់តរថយន្តអត់ពន្ធមួយកន្លែង ឃាត់រថយន្តអត់ពន្ធបានចំនួន៤គ្រឿងរួមមាន÷
១/- ឃាត់បានរថយន្តម៉ាក Toyota HIGHLANDER ឆ្នាំ២០០៦ គ្មានស្លាកលេខ ចំនួន២គ្រឿង
២/- ឃាត់បានរថយន្តម៉ាក Lexus RX 330 ឆ្នាំ២០០៤ គ្មានស្លាកលេខ ចំនួន២គ្រឿង ។
ការចុះនេះធ្វើនៅនៅចំណុចសង្កាត់ទឹកល្អក់៣ ខណ្ឌទួលគោក រាជធានីភ្នំពេញ។ ករណីនេះអូសរថយន្តទាំងអស់ខាងលើ យកទៅរក្សាទុកនៅឃ្លាំងគយចល័ត ម្តុំទំនប់កប់ស្រូវ ដើម្បីរង់ចាំដោះស្រាយតាមច្បាប់៕SRP

ខេត្តសៀមរា៖នគរបាលខេត្តសៀមរាប ចាប់ខ្លួនបុរសម្នាក់ ករណីហិង្សា ដោយចេតនាមានស្ថានទោស។ហេតុការណ៍ឃាត់ខ្លួននៅថ្ងៃទី៣០ខែមេសាឆ្នាំ២០២០ ស្ថិតនៅភូមិអារញ្ញ សង្កាត់សៀមរាប ក្រុងសៀមរាប។

លោកឧត្តមសេនីយ៍ត្រី ភឹង ចិន្តារ៉េត ស្នងការរងទទួលផែនការងារព្រហ្មទណ្ឌ នៃស្នងការដ្ឋានខេត្តសៀមរាប បានឲ្យដឹងថា ជនសង្ស័យ ត្រូវបានឃាត់ខ្លួនដោយកម្លាំងការិយាល័យព្រហ្មទណ្ឌកំរិតធ្ងន់ ឈ្មោះភា លីហេង ភេទប្រុស អាយុ ២០ឆ្នាំរស់នៅភូមិអារញ្ញ សង្កាត់សៀមរាប ក្រុង.ខេត្តសៀមរាប។

ជនរងគ្រោះឈ្មោះភន់ សំណាង ភេទប្រុស អាយុ១៨ឆ្នាំរស់នៅភូមិជុំគ្នា បណ្តាលរងរបួសរយះក្បាល នឹងរយះដៃ ដេរជាច្រើនថ្នេរ។ ជនសង្ស័យបានឆ្លើយថាខ្លួនពិតជាវាយជនរងគ្រោះខាងលើខាងលើមែន។ សូមបញ្ជាក់ថាករណីហិង្សាបានកើតឡើងកាលពីថ្ងៃទី២៩
ខែមេសាឆ្នាំ២០២០ស្ថិតនៅភូមិអារញ្ញ សង្កាត់សៀមរាប ក្រុងសៀមរាប។ បច្ចុប្បន្នកសាងសំណុំរឿងបញ្ជូនខ្លួនទៅតុលាការដើម្បីចាត់ការតាមផ្លូវច្បាប់៕SRP

ខេត្តសៀមរាប៖មនុស្ស០២នាក់បានស្លាប់ភ្លាមៗ ដោយគ្រោះថ្នាក់ចរាចណ៍។
ហេតុការណ៍បានកើតឡើងវេលាម៉ោង១៧និង០០នាទី ថ្ងៃទី៣០ ខែមេសា ឆ្នាំ២០២០ នៅចំណុចភូមិសាលាកកោះ ឃុំកៀនសង្កែ ស្រុកសូទ្រនិគម ខខេត្តសៀមរាប លើកំណាត់ផ្លូវជាតិលេខ៦។
សមត្ថកិច្ចថាករណីគ្រោះថ្នាក់ចរាចរណ៍នេះ បង្កដោយ រថយន្តម៉ាកហ៊ីយិនដាយ ពណ៌ស ពាកស្លាកលេខភ្នំពេញ3D1494 សណ្ដោងរ៉ឹម៉ក ពាក់ស្លាកលេខព្រះសីហនុ 4A2096 បើកបរដោយឈ្មោះប៊ន់ ថាន ភេទប្រុស អាយុ២៤ឆ្នាំ ទីលំនៅភូមិលេខ២ ឃុំគងជ័យ ស្រុកអូរាំងឪ ខេត្តត្បូងឃ្មុំ។ ដោយបានបុកម៉ូតូម៉ាក C125 ហុងដាឌ្រីម ពណ៌ខ្មៅ ពាក់ស្លាកលេខស្ទឹងត្រែង 1B0780 បណ្ដាលអោយ ស្លាប់មនុស្ស០២នាក់ ៖១/ ឈ្មោះហ៊ីង អាត ភេទប្រុស អាយុ៥៩ឆ្នាំ នៅភូមិជាំធំ ឃុំកោះស្លែង ស្រុកថាឡាបរិវ៉ាត់ ខេត្តស្ទឹងត្រែង ស្លាប់ (ជាអ្នកបើកបរម៉ូតូ)។
២/ឈ្មោះហ៊ីង សុខ ភេទប្រុស អាយុ៧០ឆ្នាំ នៅភូមិជាំធំ ឃុំកោះស្លែង ស្រុកថាឡាបរិវ៉ាត់ ខេត្តស្ទឹងត្រែង (ស្លាប់) ។
បច្ចុប្បន្នសាកសពប្រគល់អោយក្រុមគ្រួសារធ្វើបុណ្យតាមប្រពៃណី។ ចំណែករថយន្ត និងម៉ូតូរក្សាទុកកន្លែងនគរបាលស្រុកដើម្បីរងចាំការដោះស្រាយតាមផ្លូវច្បាប់៕SRP