«លោក ដា ចំរើន អធិការនគរបាលក្រុងសៀមរាប ទើបឡើងថ្មី»

ខេត្តសៀមរាប៖ប្រជាពលរដ្ឋរស់នៅក្នុងក្រុងសៀមរាប ហាក់សម្ដែងនូវក្ដីព្រួយបារម្ភយ៉ាងខ្លាំង ខណ:អំពើអសន្តិសុខ ចោរកម្ម លួចទ្រប្បសម្បត្តិ របស់ពួកគាត់បានកើតមានឡើងជាបន្តបន្ទាប់ ជាពិសេស ករណីលួចយកម៉ូតូតែម្ដង។

បើតាមភពពីពលរដ្ឋបានប្រាប់«បណ្ដាញសៀមរាបប៉ុស្ដិ៍»ថាករណីបាត់ម៉ូតូទី១ នៅសង្កាត់ស្វាយដង្គំ ក្រុងសៀមរាប វេលាម៉ោងទៀបភ្លឺ ថ្ងៃទី១៣ខែ វិច្ឆិកា ឆ្នាំ២០២០ ម្ដុំភោជនីយ៍ដ្ឋានកេសសកូល (ម៉ូតូម៉ាកZoomer០១៦)ពាក់ស្លាកលេខ សៀមរាប «១U៧៧៦៦»ពណ៌ផ្ទៃមេឃ។

ករណីទី២បាត់នៅថ្ងៃទី១៤ខែ០៩ឆ្នាំ២០២០ នៅភូមិធ្លោកអណ្ដូង សង្កាត់ស្លក្រាម ក្រុងសៀមរាប (ម៉ូតូម៉ាកហុងដាពណ៌ខ្មៅ ពាក់ស្លាកលេខ «សៀមរាប ១AH៤៤៩៤»។

ករណីទី៣ នៅយប់ថ្ងៃទី១៩ខែវិច្ឆិកា ឆ្នាំ២០២០ ស្ថិតនៅមុខបន្ទប់ជួល មួយគ្រឿង ក្នុងភូមិបន្ទាយចាស់ សង្កាត់ស្លក្រាម មួយគ្រឿង។

ករណីទី៤នៅយប់ថ្ងៃទី២០ខែ វិច្ឆិកា ឆ្នាំ ២០២០ នៅក្នុងសង្កាត់សាលាកំរើក ក្រុងសៀមរាប មួយគ្រឿង។

ករណីទី៥នៅយប់ថ្ងៃទី២០ ខែវិច្ឆិកា​ឆ្នាំ២០២០ នៅក្នុងភូមិសាស្ត្រ សង្កាត់ជ្រាវ មួយគ្រឿង។

ករណីទី៦ ព្រឹកថ្ងៃទី២១ខែវិច្ឆិកាឆ្នាំ២០២០ នៅក្រោយស្តាតចាស់ ក្នុងភូមិសាលាកន្សែង សង្កាត់ស្វាយដង្គំ ក្រុងសៀមរាប មួយគ្រឿង។

ករណីទី៧ បាត់នៅព្រឹកថ្ងៃទី២១ខែវិច្ចកាឆ្នាំ២០២០ស្ថិតនៅភូមិជន្លង់ សង្កាត់សាលាកំរើក ក្រុងសៀមរាបមួយគ្រឿង ម៉ាកហុងដា ពណ៌ខ្មៅ ពាក់ស្លាកលេខ «សៀមរាប ១AJ២៩៤៨»។

សូមជម្រាបថាកាលពីថ្ងៃទី១៩ខែវិច្ឆិកាឆ្នាំ២០២០ មេប៉ូលិសក្រុងសៀមរាប ត្រូវបានធ្វើការផ្លាស់ប្ដូរ ដោយបានតែងតាំង លោក ដា ចំរើន ជាអធិការក្រុងសៀមរាប។ ទោះយ៉ាងណារហូតមកដល់ពេលនេះ បើទោះបីជាកន្លងទៅ នឹងបច្ចុប្បន្ន នៅក្រុងសៀមរាប មានអំពើចោរកម្ម បានកើតមានយ៉ាងច្រើន យ៉ាងណាក៏ដោយ រហូតមកដល់ពេលនេះ សមត្ថកិច្ច ក្រុងសៀមរាប ហាក់បីរក្សាភាព ស្ងប់ស្ងាត់ មិនទាន់ឃើញមានការបង្ក្រាបបានចោរមួយករណីនៅឡើយ។ ប្រការនេះ ពលរដ្ឋ សង្ឃឹមថាសមត្ថកិច្ច នឹងស្រាវជ្រាវ បង្ក្រាបពួកចោរទាំងនោះ មកអនុវត្តតាមផ្លូវច្បាប់ជាក់ជាមិនខានឡើយ ដើម្បីឲ្យក្រុងទេសចណ៍មួយនេះ មានសន្តិសុខល្អប្រសើរ៕SRP

ខេត្តបាត់ដំបង៖បុរសម្នាក់ មុខសញ្ញាលួចទ្រព្យសម្បត្តិ របស់ពលរដ្ឋ កន្លងមក ត្រូវកម្លាំងនគរបាលព្រហ្មទណ្ឌកំរិតធ្ងន់​ ស្នងការខេត្តបាត់ដំបង ចាប់ខ្លួន។

ការចាប់ខ្លួនធ្វើឡើងនៅថ្ងៃទី២១ខែវិច្ឆកាឆ្នាំ២០២០ ស្ថិតនៅត្រង់ចំណុចភោជនីយដ្ឋាន កោះតៃវ៉ាន់ ភូមិទួលតាឯក សង្កាត់ទួលតាឯក ក្រុងបាត់ដំបង។ ជនសង្ស័យ មានឈ្មោះ រស់ ផស់ អាយុ៣០ឆ្នាំ រស់នៅភូមិទួលតាឯក សង្កាត់ទួលតាឯក ក្រុងបាត់ដំបង។

ដោយពាក់ព័ន្ធពីបទលួច ទ្រព្យសម្បត្តិ នៅភូមិទួលតាឯក សង្កាត់ទួលតាឯក ក្រុងបាត់ដំបង កាលពីថ្ងៃទី២០ខែវិច្ឆកាឆ្នាំ២០២០វេលាម៉ោង១០នឹង០០នាទីពីម្សិលមិញ ដែលជនរងគ្រោះឈ្មោះ អ៊ូច សាលូន ភេទស្រី អាយុ៥០ឆ្នាំ រស់នៅភូមិកើតហេតុខាងលើ។

លោកវរសេនីយ៍ឯក លឹម ពុទ្ធីឡា ស្នងការរងទទួលផែនការងារនគរបាលព្រហ្មទណ្ឌខេត្ត បានឲ្យដឹងនៅល្ងាចថ្ងៃទី២១ខែវិច្ឆកា នេះថា ដោយមានការចង្អុលបង្ហាញ ពីលោកឧត្តមសេនីយ៍ត្រី សាត គឹមសាន ស្នងការខេត្តនិងការផ្តល់ព័ត៌មានពីជនរងគ្រោះ ទើបនគរបាល បានកំណត់មុខសញ្ញាបាន នឹងឈានដល់ការឃាត់ខ្លួនជនសង្ស័យ តែម្តង។ករណីនេះដកហូតវត្ថុតាងបានរួមមាន៖១/កាបូបដៃតូច១ មានខ្សែដៃពណ៌ទឹកប្រាក់១ខ្សែ, ផ្លាកដៃ១ខ្សែ, ក្រវិលពណ៌ប្រាក់១គូរ, បន្តោងពណ៌សលាយស្វាយ១។ បច្ចុប្បន្ននគរបាល កសាងសំណុំរឿង បញ្ជូនទៅកាន់សាលាដំបូងខេត្តបាត់ដំបង ដើម្បីអនុវត្តតាមផ្លូវច្បាប់៕SRPដោយប៊ុនថេត

ខេត្តសៀមរាប៖នគរបាលរដ្ឋបាលសង្កាត់គោកចក នៃក្រុងសៀមរាប នៅថ្ងៃទីនៅថ្ងៃទី២១ ខែ វិច្ឆិកា ឆ្នាំ២០២០ នេះ បានហៅម្ចាស់ទីតាំងហាងកាហ្វេ មួយកន្លែងមកធ្វើកិច្ចសន្យា កុំឲ្យមានការបើកល្បែងស៊ីសង ដល់អ្នកមកផឹកកាហ្វេ។

ទីតាំងហាងកាហ្វេ ស្ថិតនៅនៅផ្លូវបេតុង ភូមិវាល សង្កាត់គោកក ខាងលិចប៉ុស្តិ៍រដ្ឋបាល សង្កាត់គោកចក។

ប៉ូលិសបានឲ្យដឹងថា បន្ទាប់ពីមានព័ត៌មានថា ហាងកាហ្វេ ខាងលើ មានបើកល្បែងភ្នាល់ កម្លាំងប៉ុស្តិ៍បានចុះទៅដល់មជាក់ស្ដែង និង បាននាំម្ចាស់ផ្ទះឈ្មោះ ឃិ សុខាក់ ភេទ ស្រីអាយុ ៦០ឆ្នាំ មកសសកសួរនៅប៉ុស្តិ៍។

ស្ត្រីម្ចាស់ហាងកាហ្វេ បានប្រាប់សមត្ថកិច្ចថា ផ្ទះរបស់គាត់ ពិតជាបានលក់កាហ្វេ លេងអុកចត្រង្គ និងបើកមើល កីឡាប្រដាល់ ជាយូរឆ្នាំមកហើយ គាត់ទទួលភ្ញៀវដែលមកញ៉ាំ កាហ្វេ ជារាងរាល់ថ្ងៃ។ ប៉ុន្តែត្រង់ថាមានអ្នកណាឬជនខិលខូចណា ម្នាក់លួច ភ្នាល់គ្នាលួចលាក់ គាត់មិនបានដឹងនោះទេ។ នៅក្នុងនោះគាត់ក៏មានបិតបម្រាមហាមលេងល្បែងស៊ីសង នៅលើជញ្ជាំង ផ្ទះរបស់គាត់ផងដែរ។ ទោះយ៉ាងណាក៏ដោយ សមត្ថកិច្ចបានធ្វើកិច្ចសន្យា អប់រំ និង បញ្ឈប់អោយមានលេង ល្បែងស៊ីសងទៀត នៅលើទីតាំងហាងកាហ្វេរបស់គាត់។ ក្នុងករណី ដែលនៅតែបន្តសមត្ថកិច្ចនិង សុំគោលការណ៍ថ្នាក់ដឹកនាំចុះបង្ក្រាបយ៉ាងម៉ឺងម៉ាត់តែម្ដង៕SRP

ខេត្តសៀមរាប៖ក្រោយទទួលបានការអនុញ្ញាត ពីសម្តេច តេជោ ហ៊ុន សែន សម្រាប់គម្រោងស្ថាបនាហេដ្ឋារចនាសម្ព័ន្ធ ផ្លូវចំនួន ៣៨ខ្សែ ក្នុងក្រុងសៀមរាប ពេលនេះការអនុវត្តគម្រោងកំពុង ដំណើរការជាបណ្តើរៗ។

អាជ្ញាធរខេត្តសូមថ្លែងអំណរគុណដល់ ប្រជាពលរដ្ឋ និងសាធារណជន ដែលបានរុះរើដោយខ្លួនឯងនូវសំណង់ លំនៅឋានតូបលក់ដូរ របង និង សំណង់ការ្យផ្សេងៗទៀត ក្នុងគម្រោងស្ថាបនាហេដ្ឋារចនាសម្ព័ន្ធផ្លូវ៣៨ខ្សែ ក៏មានការៀបចំស្ថាបនាហេដ្ឋា រចនាសម្ព័ន្ធបណ្ដាញលូទឹកភ្លៀង និងទឹកកខ្វក់ចំនួន២៥ ខ្សែ ដូចមានក្នុងផែនទីភ្ជាប់មកជាមួយ។

ព័ត៌មានលម្អិតសូមអានសេចក្តីជូនដំណឹងដូចខាងក្រោម៖

ខេត្តកំពង់ចាម៖លោក​​ អ៊ុន​ ចាន់ដា​ អភិបាលខេត្ត​កំពង់ចាម​ នៅថ្ងៃទី២១ ខែវិច្ឆិកា​ នេះ បាន​អញ្ជើញ​ចុះ​ពិនិត្យ​ការ​បង្កបង្កើនផល​ ស្រូវស្តារឡើងវិញ ស្ថិត​នៅ​ក្នុង​ឃុំ​ល្វា​ ស្រុក​ព្រៃឈរ​ និង​ឃុំជើងព្រៃ ឃុំតាំងក្រសាំង​ ស្រុក​បាធាយ​ បន្ទាប់រងគ្រោះ ដោយជំនន់ទឹកភ្លៀង។
បេី​តាម​អាជ្ញាធរ​ស្រុក​ព្រៃឈរ​ បាន​ឲ្យដឹងថា​ ប្រជាពលរដ្ឋ ចំនួន​១៣២គ្រួសារ​ បាន​ធ្វេី​ការ​សាបព្រោះ​​ ដេីម្បី​​ស្តារឡើងវិញ​ លេីដំណាំស្រូវ ​ប្រមាណជា​ ​៧០%​ លេី​ផ្ទៃដី​ជាង​៨០​ហិកតា​ ដែល​រងការខូចខាត​ដោយ​ជំនន់​ទឹក​ភ្លៀង​កាលពី​ពេល​កន្លង​មក​ នៅតំបន់​ទំនប់តាឡូ ស្ថិត​ក្នុង​ភូមិ​មេម៊ាំង​ ឃុំ​ល្វា​ ស្រុក​ព្រៃឈរ​​។

គួរគួរបញ្ជាក់ថាក្រោយពីទទួលបានពូជស្រូវ ដែល​ជាអំណោយ ដ៏ថ្លៃថ្លាសម្តេច ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប្រជាកសិករ បានចាប់ផ្ដើមអនុវត្តការងារ បង្កបង្កើនផលស្ដារឡើងវិញ ជាលទ្ធផលគិតត្រឹមថ្ងៃទី២១ ខែវិច្ឆិកា ឆ្នាំ២០២០នេះ ផ្ទៃដីដែលរងការខូចខាត ចំនួន១.៩៦៧ហិកតា
បានស្តារឡើងវិញចំនួន១.៧០២ហិកតា ស្មើនឹង ៨៦ភាគរយ ក្នុងនោះ​៖​-ស្រុកកំពង់សៀម ខូចខាតចំនួន១១០ហិកតា បានស្ដារឡើងវិញចំនួន១១០ហិកតា ស្មើ១០០ភាគរយ
-ស្រុកស្ទឹងត្រង់ ខូចខាតចំនួន ៨០៧ ហិកតា បានស្តារឡើងវិញចំនួន ៥៨៣ហិកតា ស្មើ៧២ភាគរយ
-ស្រុកបាធាយ ខូចខាតចំនួន ៥៧៨ហិកតា បានឡើងវិញចំនួន ៥៧៨ហិកតា ស្នើនឹង ១០០ភាគរយ
-ស្រុកព្រៃឈរ ខូចខាតចំនួន ១៥៤ហិកតា បានស្ដារឡើងវិញចំនួន ១០៨ហិកតា ស្មើ៧០ភាគរយ។
-ស្រុកជើងព្រៃ ខូចខាតចំនួន ៣១៨ហិកតា បានស្ដារឡើងវិញចំនួន ១៤៣ហិកតា ស្មើ៤៤ភាគរយ​៕SRP

ខេត្តសៀមរាប៖មន្ទីរធនធានទឹកខេត្តសៀមរាប បានចេញសេចក្ដីណែនាំ ប្រាប់ដល់ប្រជាកសិករ ត្រូវធ្វើស្រូវប្រាំង បានតែមួយដង ប៉ុណ្ណោះ។ នេះបើតាមសេចក្ដីប្រកាសរបស់មន្ទីរធនធានទឹក និងឧតុនិយម ដែល «បណ្ដាញសៀមរាបប៉ុស្ដិ៍» ទើបទទួលបាននៅព្រឹកថ្ងៃ សៅរ៍ ទី២១ខែ វិច្ឆិកា ឆ្នាំ២០២០ នេះ។

មន្ទីរធនធានទឹកខេត្តសៀមរាបបានឲ្យដឹងថា យោងតាមការព្យាករណ៍ ក៏ដូចជាស្ថានភាពជាក់ស្តែងបានបង្ហាញយ៉ាងច្បាស់ថា ក្នុងឆ្នាំ ២០២០នេះ ព្រះ រាជាណាចក្រកម្ពុជា ក៏ដូចជាបណ្តាប្រទេសក្នុងតំបន់បានទទួលរងឥទ្ធិពលយ៉ាងធ្ងន់ធ្ងរពីបាតុភូតផ្សេងៗ ដោយបង្ក អោយមានកត្តាអវិជ្ជមានជាច្រើន ដូចជាធាតុអាកាសមានសភាពក្តៅហួតហែងខ្លាំង របាយទឹកភ្លៀងមានភាពរអាក់ អួលមិនស្មើគ្នា ពិសេសរបបទឹកទន្លេមេគង្គ និងទន្លេសាបមានការប្រែប្រួលខ្លាំង មានកំរិតទាបបំផុត ដែលមិនធ្លាប់ ជួបប្រទះក្នុងរយៈពេលកន្លងមក ដែលបណ្តាលអោយទឹកមិនបានជន់លិចក្នុងអាងទឹកទំនប់៧៨ នៅប៉ែកខាងក្រោម មានកំរិតទាប។

យោងលើស្ថានភាពដូចបានជម្រាបជូនខាងលើ មន្ទីរធនធានទឹក និងឧតុនិយមខេត្ត សូមធ្វើការណែនាំដូច ខាងក្រោម៖

១. ការងារបង្កបង្កើនផលស្រូវប្រាំងក្នុងឆ្នាំ ២០២០. ២០២១នេះ ធ្វើបានតែ ១ដង ប៉ុណ្ណោះ ដោយមិនអាចធ្វើ ស្រូវលើកទី២បានទេ បើទោះជាទឹកនៅតាមបណ្តាអាងដែលបានរក្សាទុកកន្លែងមួយចំនួនដែលមានទឹកជាធម្មជាតិក៏ ដោយ គូគប្បីរក្សាទឹកទាំងនោះទុកសម្រាប់ប្រើប្រាស់ប្រចាំថ្ងៃ និងដំណាំរួមផ្សំផ្សេងទៀត ក្រៅពីស្រូវ។

២.មន្ទីរ ស្ថាប័ន ពាក់ព័ន្ធ អាជ្ញាធរដែនដី គ្រប់លំដាប់ថ្នាក់ សូមចូលរួមចាត់វិធានការថែរក្សាទឹកទុកអោយបាន ល្អ ដើម្បីផ្គត់ផ្គង់សម្រាប់តែការប្រើប្រាស់ប្រចាំថ្ងៃតែប៉ុណ្ណោះ រហូតដល់មានភ្លៀងធ្លាក់ល្អប្រសើរឡើងវិញ៕SRP

ខេត្តសៀមរាប៖យ៉ាងហោចណាស់មនុស្សចំនួន៥ នាក់ បានរងរបួសធ្ងន់ស្រាល ដោយគ្រោះថ្នាក់ចរាចរណ៍ នៅស្រុកប្រាសាទបាគង នាថ្ងៃទី ២០ ខែវិច្ឆិកា ព្រឹកមិញនេះ។

របាយការណ៍ប៉ូលិសស្រុកប្រាសាទបាគង បានដឹងថា ករណីនេះ នៅចន្លោះគីឡូលេខ២៩៤. ២៩៥ ភូមិស្វាយជ័យឃុំត្រពាំងធំ លើផ្លូវជាតិលេខ៦ រវាងរថយន្តនិងរថយន្ត ទិសដៅផ្ទុយគ្នា។

របាយការណ៍បន្តថារថយន្តទីមួយម៉ាក HYUNDAI ពណ៌ខៀវពាក់ស្លាកលេខ ស្វាយរៀង3A 0958 សណ្តោងរឺម៉កពាក់ស្លាកលេខ ភ្នំពេញ 4A38 36 បើកបរដោយឈ្មោះ ម៉េង សុខឃង ភេទប្រុសអាយុ ២២ ឆ្នាំនៅភូមិព្រែកហូ សង្កាត់ព្រែកហូ ក្រុងតាខ្មៅ ខេត្តកណ្តាល បើកបរមានទិសដៅពីកើត ទៅលិច បុកនិងរថយន្តម៉ាកហ្វរធុនណឺ ពណ៌សពាក់ស្លាកលេខ សៀមរាប 2B4299 បើកបរដោយឈ្មោះ លុយ ស៊ីនិត ភេទប្រុអាយុ ៣៣ឆ្នាំ នៅភូមិស្ពានជ្រាវសង្កាត់សៀមរាប ក្រុងសៀមរាប (របួសធ្ងន់) និងរបួសអ្នករួមដំណើរ នៅក្នុងរថន្ត៤នាក់៖

1. ឈ្មោះ ស៊ិន ហុកលី ភេទប្រុសអាយុ៣៧ឆ្នាំ ភូមិខ្នារសង្កាត់ជ្រាវក្រុងសៀមរាប (របួសស្រាល)
2. ឈ្មោះ វី វិន ភេទស្រី អាយុ៣២ឆ្នាំ ភូមិខ្នារសង្កាត់ជ្រាវក្រុងសៀមរាប (របួសស្រាល)
3. ឈ្មោះ លី សៀវមី ភេទប្រុសអាយុ៣៧ឆ្នាំ ភូមិខ្នារសង្កាត់ជ្រាវក្រុងសៀមរាប (របួសស្រាល)
4. ឈ្មោះ សុខ ជា ភេទប្រុសអាយុ៣៧ឆ្នាំ ភូមិស្ពានជ្រាវ សង្កាត់សៀមរាប ក្រុងសៀមរាប (របួសស្រាល)។

អ្នកបើកបរ និង អ្នករួមដំណើរ រថយន្តហ្វរធុនណឺ បានបញ្ជូនទៅមន្ទីរពេទ្យ ដើម្បីសង្គ្រោះ។ រថយន្តរងការខូចខាតទាំងសាងខាង បានយកមករក្សាទុកនៅអធិការដ្ឋាននគរបាលស្រុកប្រាសាទបាគងដើម្បី កសាងសំណុំរឿងតាមផ្លូវច្បាប់។ មូលហេតុមូល «រថយន្តធុនធំរបើកបរមានល្បឿនលឿនខ្វះការប្រុងប្រយ័ត្ន»។

បើតាមលោកវរសេនីយ៌ឯក លឹម សម្បត្តិ អធិការនគរបាលស្រុកប្រាសាទបាគង បានបញ្ជាក់បន្ថែមថា ចំពោះហេតុការណ៍នេះ តៃកុងរថយន្តធំ ត្រូវបានកម្លាំងនគរបាលចាប់ឃាត់ខ្លួនបានផងដែរ៕SRP

ភ្នំពេញ៖ប្រទេសកូរ៉េខាងត្បូង បានឯកភាពជួយសាងសង់ស្ពានមួយខ្សែឆ្លងកាត់ទន្លេនៅភូមិសាស្ត្រក្នុងរាជធានីភ្នំពេញ ភ្ជាប់ទៅខេត្តកណ្តាល។

ការសម្រេចនេះបានធ្វើឡើងតបតាមសំណើរ របស់នាយករដ្ឋមន្ត្រីហ៊ុន សែន។ រដ្ឋមន្ត្រីក្រសួងសាធារណការ លោកទេសរដ្ឋមន្ត្រី ស៊ុន ចាន់ថុល បានប្រាប់សារព័ត៌មានក្នុងស្រុកថា  «តបតាមសំណើរបស់ សម្តេច ហ៊ុន សែន គេបានឯកភាព ជួយសាងសង់ស្ពានមួយ នៅក្នុងរាជធានីភ្នំពេញ របស់យើងហើយ។ តែក្រុមការងារបច្ចេកទេសនៃប្រទេសទាំងពីរកំពុងសិក្សា និងរើសទីតាំង»។

ទោះយ៉ាងណា រដ្ឋមន្ត្រីរូបនេះ មិនទាន់អាចបញ្ជាក់ពីទីតាំង និងទំហំទឹកប្រាក់ដែលត្រូវសាងសង់នៅឡើយទេ។ លោកគ្រាន់តែបញ្ជាក់ថា ជាស្ពានឆ្លងកាត់ទន្លេ និងមានទីតាំងក្នុងភូមិសាស្ត្ររាជធានីភ្នំពេញ។

ប្រមុខដឹកនាំកម្ពុជា សម្តេចតេជោ ហ៊ុន សែន ធ្លាប់បានលើកឡើងថា ក្នុងដំណើរទស្សនកិច្ច ទៅកាន់ប្រទេសកូរ៉េខាងត្បូង កាលពីដើមឆ្នាំ២០២០នេះ សម្តេចបានស្នើទៅកាន់ប្រធានាធិបតីកូរ៉េខាងត្បូង លោក មូន ចែអ៉ីន ជួយសាងសង់ស្ពានឆ្លងកាត់ទន្លេនៅកម្ពុជា។

សម្តេច ហ៊ុន សែន បានលើកឡើងថា បច្ចុប្បន្ន មានស្ពានមិត្តភាពកម្ពុជា-ចិន, ស្ពានមិត្តិភាពកម្ពុជា-ជប៉ុន ឆ្លងកាត់ទន្លេអស់ហើយ។ តែមិនទាន់មានស្ពានមិត្តភាពកម្ពុជា-កូរ៉េ ឆ្លងកាត់ទន្លេនៅឡើយ ដូច្នេះសម្តេចក៏បានស្នើប្រធានាធិបតីកូរ៉េ ជួយសាងសង់ស្ពានមិត្តភាពឆ្លងកាត់ទន្លេ។

សម្តេច ហ៊ុន សែន ក៏ធ្លាប់បានបញ្ជាក់ថា ស្ពានឆ្លងកាត់ទន្លេ ដែលសម្តេចចង់សាងសង់នោះ គឺតភ្ជាប់រាជធានីភ្នំពេញ ក្នុងភូមិសាស្ត្រទឹកដីជ្រោយចង្វា ឆ្ពោះទៅឃុំស្វាយជ្រុំ ស្រុកខ្សាច់កណ្តាល ខេត្តកណ្តាល។

ស្ពានឆ្លងកាត់ទន្លេតភ្ជាប់ពីរាជធានីភ្នំពេញ ឆ្ពោះទៅឃុំស្វាយជ្រុំ ជាសមិទ្ធផល មួយដែលពលរដ្ឋ ក្នុងរាជធានីភ្នំពេញ និងខេត្តកណ្តាល រំពឹងចង់ឃើញជាយូរណាស់មកហើយ។ បើសិនជាស្ពាននេះ លេចចេញជារូបរាង នឹងក្លាយជាសម្បត្តិដ៏មហាសាលសម្រាប់ប្រជាពលរដ្ឋ ធ្វើដំណើរ និងដឹកជញ្ជូនកសិផល ផងដែត៕SRP

ខេត្តព្រះវិហារ៖លោក នួន សុខុម នាយខណ្ឌរដ្ឋបាលព្រៃឈើខេត្តព្រះវិហារ នៅថ្ងៃទី២០ វិច្ឆិកា ឆ្នាំ២០២០ នេះ សហការជាមួយសង្កាត់រដ្ឋបាលព្រៃឈើ ជាំក្សាន្ត កងរាជអាវុធហត្ថខេត្ត ស្រុក ចុះបង្រ្កាបទីតាំងសិប្បកម្មកែច្នៃឈើខុសច្បាប់ ជនជាតិ​វៀតណាម ចំនួន២កន្លែង និងរកឃើញឈើប្រណិត ជាច្រើនដុំដែលបង្រាយតាមព្រៃក្បែរផ្ទះលាក់ផងដែរ។

ទីតាំងដែលជំនាញបង្រាបនេះ ស្ថិតភូមិចំបក់សែនជ័យ ឃុំស្រអែម ស្រុក​ជាំក្សាន្ត ខេត្តព្រះវិហារ​។

លោក នួន សុខុម នាយខណ្ឌរដ្ឋបាលព្រៃឈើ ខេត្តព្រះវិហារ បានឲ្យដឹងថា នៅពេលកម្លាំងសមត្ថកិច្ច ចុះទៅដល់ទីតាំង សិប្បកម្ម ខាងលើ ជនល្មើស ដែលជាជនជាតិវៀតណាម បានរត់គេចខ្លួនអស់ បន្សល់ទុកតែវត្ថុតាងកែច្នៃឈើ និងឈើប្រណីតជាច្រើនកំណាត់។

លោកថា មកដល់ម៉ោងនេះ សមត្ថកិច្ចចម្រុះ កំពុងប្រមូលយកវត្ថុតាងបទល្មើសព្រៃឈើ ទាំងអស់យកមករក្សាទុក នៅសង្កាត់រដ្ឋបាលព្រៃឈើ ជាំក្សាន្តដើម្បីវាស់វែងនឹងដោះស្រាយតាមនិតិវិធីច្បាប់៕SRP

ខេត្តកំពង់ចាម៖លោក ថៃ ពិសិដ្ឋ ត្រូវបានប្រកាស​តែងតាំង ជាប្រធានមន្ទីរមុខងារសាធារណៈខេត្តកំពង់ចាម ជំនួសលោក ម៉ម ភឿក ដែលបានទទួលភារកិច្ចថ្មី។

ពិធី​នេះ​ត្រូវ​បាន​ធ្វេី​ឡើង​នាព្រឹក​ថ្ងៃ​ទី​២០​ ខែវិច្ឆិកា​ ឆ្នាំ​២០២០​ ក្រោម​វត្តមាន​លោក​​ ព្រុំ​ សុខា​ រដ្ឋមន្ត្រី​ក្រសួង​មុខងារ​សាធារណៈ​ លោក​​ ខ្លូត​ ផន​ ប្រធាន​ក្រុមប្រឹក្សា​ខេត្ត​ និង​លោក​​ អ៊ុន​ ចាន់ដា​ អភិបាលខេត្ត​កំពង់ចាម​ ដោយមានការ​អញ្ជើញ​ចូលរួម​ពី​ប្រតិភូ​ក្រសួង​ អភិបាល​រង​ខេត្ត​ ថ្នាក់ដឹកនាំ​មន្ទីរអង្គភាព​ជុំវិញខេត្ត​ និង​មន្ត្រី​ពាក់ព័ន្ធ​ជាច្រើន​រូប​ផង​ដែរ​។

លោក​​ ព្រុំ​ សុខា​ បាន​ថ្លែង​ការ​កោតសរសើរ​ចំពោះ​ថ្នាក់ដឹកនាំ​អាជ្ញាធរ​ខេត្តកំពង់ចាម​ គ្រប់​ជំនាន់​ ក្នុង​ការ​ដឹកនាំ​ ក៏ដូចជា​ការ​អភិវឌ្ឍន៍​ខេត្ត​ ឲ្យ​កាន់តែ​មាន​ការ​រីកចម្រើន​គួរឲ្យ​កត់សម្គាល់​​ ពី​មួយថ្ងៃ​ទៅ​មួយថ្ងៃ​ ​ហើយ​លោក​​រដ្ឋមន្រ្តី​ ក៏​បាន​ធ្វេី​ការ​ផ្តាំផ្ញេីរ​​ដល់មន្ត្រី​មុខងារ​សាធារណៈ​ សូម​ឲ្យ​ពង្រីក​សមត្ថភាព​របស់​ខ្លួន​​ ឲ្យ​បានសាកសម​ជា​សេនាធិការ​ដែល​ជា​ទី​ទុកចិត្ត​របស់​ក្រុម​ប្រឹក្សា​ គណៈអភិបាល​ ក៏ដូចជា​ អភិបាលខេត្តពោលគឺ​ត្រូវ​​មាន​សមត្ថភាព​ ក្នុង​ការ​បម្រើ​សេវា​សាធារណៈ​ជូន​ប្រជាពលរដ្ឋ​ ឲ្យ​ដូចជា​អ្នក​បម្រើ​​សេវា​ឯកជន​ ធ្វើ​យ៉ាងណា​ត្រូវឲ្យ​អតិថិជនមានការ​សប្បាយ​ចិត្ត​នោះ​យើង​ក៏​សប្បាយ​ចិត្ត​ដូចគ្នា​ដែរ​។

លោក​​ អ៊ុន​ ចាន់ដា​ បានធ្វើការផ្តាំផ្ញើដល់លោកប្រធានមន្ទីរដែលទើបនឹងទទួលបានការតែងតាំង​ថ្មី​ ឲ្យ​បន្តនិរន្តរភាពការងារ និង​រក្សាសាមគ្គីភាពផ្ទៃក្នុងឲ្យបានល្អ​ ព្រមទាំង​មានរបៀបរបបបំពេញការងារ ឲ្យបានត្រឹមត្រូវ តាមនីតិវិធី និងសេចក្តីណែនាំផ្សេងៗ។ ត្រូវការពារផលប្រយោជន៍មន្ត្រីរាជការស៊ីវិល ដោយផ្អែកលើច្បាប់សហលក្ខន្តិកៈមន្ត្រីរាជការ​ស៊ីវិល ឬលិខិតបទដ្ឋានគតិយុត្តជាធរមាន​​ រួមទាំង​កិច្ចសហការល្អជាមួយមន្ទីរ អង្គភាពជុំវិញខេត្ត និងអាជ្ញាធរគ្រប់ជាន់ថ្នាក់​ ជាពិសេស​ ត្រូវមានគំនិតផ្តួចផ្តើម សិក្សាស្រាវជ្រាវ ស្វែងយល់បន្ថែមពាក់ព័ន្ធនឹងច្បាប់ និងលិខិតបទដ្ឋាន​នានា៕SRP

ខេត្តមណ្ឌលគិរី៖មេឈ្មួញរកស៊ីបទល្មើសព្រៃឈើឆ្លងដែន ប្រចាំខេត្តមណ្ឌលគិរី ម្នាក់បានគំរាមសម្លាប់ អ្នកសារព័ត៌មាន ចោល ព្រោះខឹងរឿងប្ដឹងរាយការណ៍ ទៅសមត្ថកិច្ច ពាក់ព័ន្ធការដឹកជញ្ជូនឈើរបស់ខ្លួន។ ឈ្មួញឈើ ដែលរងការចោទប្រកាន់ថា បានគំរាមសម្លាប់អ្នកសារព័ត៌មាន បនោះត្រូវបានគេស្គាល់ថាឈ្មោះ ស៊ូ ម៉ារិទ្ធ អតីតមេបញ្ជាការប៉េអឹមស្នាក់ការសន្តិសុខ៧៦១ ដែលកាលពីកន្លងមកបុគ្គលរូបនេះ ត្រូវអង្គភាពកាត់ឈ្មោះចេញពីក្របខ័ណ្ឌ ក្រោមហេតុផលថា៖ បានរកស៊ីបទល្មើសព្រៃឈើតាំងពីមុនរហូតដល់បច្ចុប្បន្ន។

សេចក្ដីរាយការណ៍បានប្រាប់អ្នកសារព័ត៌មានថា ជារៀងរាល់ថ្ងៃ ឈ្មួញឈើ ឈ្មោះ ស៊ូ ម៉ារិទ្ធ បានប្រើប្រាស់រថយន្តចំនួន៣គ្រឿង សម្រាប់ជាមធ្យោបាយដឹកជញ្ជូនឈើ ចេញពី«តំបន់ដែនជម្រកសត្វព្រៃកែវសីមា» ត្រង់ចំណុចភូមិអណ្ដូងក្រឡឹង ឃុំសែនមនោរម្យ ស្រុកអូរាំង ខេត្តមណ្ឌលគិរី ដើម្បីនាំយក ទៅចូលមកផ្ទះរបស់ខ្លួន នៅភូមិស្នែង ឃុំស្រែខ្ទុម ស្រុកកែវសីមា ខេត្តមណ្ឌលគិរី រួចទើបចល័តដឹកចេញទៅវៀតណាម តាមច្រករបៀង ង៉ាំ០៦ ឬង៉ាំ០៧ ស្រុកស្នួល ខេត្តក្រចេះ។ រថយន្តទាំង៣គ្រឿង របស់លោក ស៊ូ ម៉ារិទ្ធ សម្រាប់ដឹកជញ្ជូនឈើ

ទី១«ម៉ាកលុចស៊ីស៤៥០»

ទី២«រថយន្តធុនដ្រាពណ៌ស»

ទី៣«រថយន្តធុនដ្រាពណ៌ស»

បើតាមសេចក្ដីរាយការណ៍បញ្ជាក់ថា៖ បន្ទាប់ពីលោក ឃិន សុខន អ្នកសារព័ត៌មាន នៅខេត្តមណ្ឌលគិរី បានរាយការណ៍ ទៅ លោក កែវ សុភ័គ ប្រធានមន្ទីរបរិស្ថាន ខេត្តមណ្ឌលគិរី ពីដំណើររឿងបទល្មើសដូចខាងលើ ស្រាប់តែសាម៉ីខ្លួន ឈ្មោះ ស៊ូ ម៉ារិទ្ធ បានច្រឡោត ខឹងយ៉ាងខ្លាំង «គំរាមជាសំឡេងតាមប្រព័ន្ធTelegram កាលពីថ្ងៃទី១៩ ខែវិច្ឆិកា ឆ្នាំ២០២០ថា សំឡេង៖

ពាក់ព័ន្ធទៅនឹងសារសំឡេង គំរាមសម្លាប់អ្នកសារព័ត៌មាននេះ «បណ្ដាញសៀមរាបប៉ុស្ដិ៍ នៅមិនទាន់ ទទួលបានការបំភ្លឺពីលោក ស៊ូ ម៉ារិទ្ធ នៅឡើយទេ នាព្រឹកថ្ងៃសុក្រទី២០ខែវិច្ឆិកា នេះ។

ទោះយ៉ាងណា លោក ឃិន សុខន ចាងហ្វាង ព័ត៌មានរាល់ថ្ងៃ បានថ្លែងប្រាប់សារព័ត៌មានក្នុងស្រុកថា លោកកំពុងរៀបចំ ពាក្យបណ្ដឹង ប្ដឹងលោក ស៊ូ ម៉ារិទ្ធ ពីបទ«ជេរប្រមាថ» គំរាមសម្លាប់» តុលាការខេត្តមណ្ឌលគិរី ក្នុងពេលឆាប់ៗខាងមុខនេះ៕SRP

ខេត្តសៀមរាប៖សេចក្ដីរាយការណ៍ព័ត៌មានបឋមបានឲ្យដឹងថានៅមុននេះបន្តិចមានរថយន្តចំនួនពីរគ្រឿងបានបុកគ្នានៅស្រុកប្រាសាទបាគង។

សមត្ថកិច្ចស្រុកប្រាសាទបាគងបានឲ្យដឹងថាហេតុការណ៍បានកើតឡើងថ្ងៃសុក្រទី២០ខែវិច្ឆិកា ឆ្នាំ២០២០ នៅវេលាម៉ោងជាង៨ព្រឹក នេះនៅភូមិស្វាយជ័យ ស្រុកប្រាសាទបាគងខេត្តសៀមរាប។ ករណីគ្រោះថ្នាក់ចរាចរណ៍នេះ ក្នុងទិសដៅផ្ទុយគ្នា
ពីរលិចទៅកើត រវាងឡានម៉ាកហុីយ៉ាន់ដាយពាក់ស្លាកលេខ ភ្នំពេញ៤A ៤៨៣៦និងឡានម៉ាកតូយូតាពាកស្លាក
លេខ សៀមរាប២B ៤២៩៩។

សមត្ថកិច្ចបានបន្តថាក្រោយកើតហេតុ
ម្ចាស់ឡានហុីយ៉ានដាយ បានរត់គេចខ្លួនបាត់។ ចំណែកម្ចាស់ឡានតូយូតា ត្រូវឡានពេទ្យបញ្ជូនទៅព្យាបាលហើយ។ ទោះយ៉ាងណាពាក់ព័ន្ធករណីគ្រោះថ្នាក់ចរាចរណ៍នេះសមត្ថកិច្ចនៅមិនទាន់បញ្ជាក់អំពីមូលហេតុនៅឡើយទេ៕SRP