ភ្នំពេញ៖សារលិខិត របស់ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាថ្លែងក្នុងឱកាសបើកបវេសនកាលឆ្នាំសិក្សា២០២០-២០២១ ថ្ងៃចន្ទ ១៣រោច ខែ បុស្ស ទោស័ក ព.ស ២៥៦៤ ត្រូវនឹងថ្ងៃទី ១១ ខែ មករា ឆ្នាំ២០២១៕SRP

ខេត្តព្រះវិហារ៖លោក ប្រាក់ សុវណ្ណ អភិបាលនិងជាប្រធានគណៈបញ្ជាការឯកភាពរដ្ឋបាលខេត្តព្រះវិហារ នៅថ្ងៃទី១១ ខែមករា ឆ្នាំ២០២០ ព្រឹកមិញ បានអញ្ជើញជាអធិបតី ក្នុងពិធីបិទវគ្គហ្វឹកហ្វឺនពង្រឹងយោធា ដល់នាយទាហាន នាយទាហានរង និងពលទាហានតំបន់ប្រតិបត្តិការ សឹករងព្រះវិហារប្រចាំឆ្នាំ២០២០។

មានប្រសាសន៍ក្នុងនោះដែរ លោក ប្រាក់សុវណ្ណ បានពាំនាំនូវការផ្តាំផ្ញើ និងសាកសួរសុខទុក្ខពីសំណាក់ សម្តេច តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលជានិច្ចកាលសម្តេចទាំងពីរតែងតែ គិតគូរយកចិត្តទុកដាក់បំផុត ចំពោះសុខទុក្ខ និងដោះស្រាយរាល់បញ្ហា លំបាករបស់បងប្អូនកងកម្លាំង តាមរយៈការផ្គត់ផ្គង់ សម្ភារជាតម្រូវការផ្សេងៗ សាងសង់លំនៅដ្ឋាន និងផ្តល់ដីសម្បទាន សម្រាប់បង្កបង្កើន ផលផងដែរ។ ជាពិសេស សម្ដេចទាំងទ្វេ តែងតែជួយឧបត្ថម្ភគាំទ្រគ្រប់បែបយ៉ាង ដើម្បីបង្កលក្ខណៈ ដល់ការរស់នៅ របស់កងកម្លាំងឱ្យមាន ស្ថានភាពល្អប្រសើរឡើងពីមួយ ឆ្នាំទៅមួយឆ្នាំ។

ជាមួយគ្នានេះដែរ ក្នុងនាមថ្នាក់ដឹកនាំ មន្រ្តីរាជការ និងប្រជាពលរដ្ឋ សូមគោរពថ្លែងអំណរគុណដ៏ខ្ពង់ខ្ពស់ ជូន សម្តេចតេជោ ដែលបានផ្តល់ជូននូវទឹកសុទ្ធចំនួន ១.០០០ កេស និង មីកញ្ចប់ចំនួន ៥០០ កេស ដើម្បីឧបត្ថម្ភដល់ ពលករ ដែលវិលត្រឡប់មកពីប្រទេសថៃ និងធ្វើចត្តាឡីស័កតាម០៧ មណ្ឌលចត្តាឡីស័ក ក្នុងខេត្តព្រះវិហារផងដែរ៕SRP

ខេត្តព្រះវិហារ៖យ៉ាងហោចណាស់មនុស្សចំនួន ៣នាក់ បានស្លាប់ភ្លាមៗ ដោយសាកសពខ្ទេចជាបំណែកៗ។

ហេតុការណ៍បានកើតឡើងនៅម៉ោងប្រមាណ៨ព្រឹក ថ្ងៃទី១១ ខែមករា ឆ្នាំ​២០២១ នៅ​ក្នុងសង្កាត់ប៉ាលហាល ក្រុងព្រះវិហារ។

ជនរងគ្រោះទាំង៣នាក់ ១.ឈ្មោះ តុញ សៅលី ភេទស្រី អាយុ​៣០ឆ្នាំ, ២.ឈ្មោះ ម៉ារី ហានណា ភេទស្រី អាយុ ១ឆ្នាំ និង ៣.ឈ្មោះ ឃឹន ចាន់តុលា ភេទស្រី អាយុ ៣៥ឆ្នាំ។

ប្រភពបានឱ្យដឹងថា គេ​បានឃើញ​រថយន្តយីឌុបដឹកស៊ីម៉ង់ត៌ ពាក់ស្លាកលេខភ្នំពេញ ៣E៩៣២១ បើកតាមផ្លូវ ក៏​មាន​រថយន្ត​ហាឡែនឌ័រ​១គ្រឿង ពាក់ស្លាកលេខ ភ្នំពេញ២AH៦១៧២ ប្រុងបើកចេញមក ខណ:នោះរថយន្តដឹកស៊ីម៉ង់ត៌បានស៊ីផ្លេ តែអ្នក​បើកបររថយន្ត​ហាឡែនឌ័រ​​ នៅតែបើកចេញមក ក៏​ត្រូវ​រថយន្ត​ដឹកស៊ីម៉ង់ត៌បុក រួចក៏រ៉េចង្កូតទៅបុកម៉ូតូ មួយគ្រឿងពាក់ស្លាកលេខ ព្រះវិហារ១A៤៩០៥ បណ្ដាលឲ្យស្ត្រីម្នាក់ ឈ្មោះអេង ស្រី អាយុ៥០ឆ្នាំ រងរបួសបាក់ជើង ក៏បន្តទៅបុកម៉ូតូហុងដា ពាក់ស្លាកលេខ ភ្នំពេញ ១N០៨៤២ ដែលកំពុងជិះតាមផ្លូវ ដោយ​មាន​ស្រ្តី៣នាក់ ដោយកិនម៉ូតូនោះស្លាប់តែម្តង។

ក្រោយ​កើតហេតុ អ្នក​បើករថយន្តដឹកស៊ីម៉ង់ត៌បានរត់គេចខ្លួន។ ចំណែកអ្នកបើករថយន្ត​ហាឡែនឌ័រ បានរងរបួស១ម្នាក់។

បើតាមសមត្ថកិច្ចបានបញ្ជាក់ថា មូលហេតុរថយន្តដឹកស៊ីម៉ង់ត៍បើកបរមានល្បឿនលឿន ចុះចំណោទ ហើយក៏បុករថយន្តហាយឡែនឌ័រ បន្តបុកម៉ូតូ២គ្រឿងទៀតតែម្ដង។

ទោះយ៉ាង ករណីនេះ ស្នងការប៉ូលិសខេត្តព្រះវិហារ បានដាក់បទបញ្ជា ដល់កម្លាំងគ្រប់ស្រុក ឆែកឆេ រថយន្តទាំងអស់ ដើម្បីចាប់តែកុងរថយន្តដឹកស៊ីម៉ង់ បង្កហេតុយកមកទទួលខុសត្រូវចំពោះមុខច្បាប់ផងដែរ៕SRP

ខេត្តសៀមរាប៖ម៉ូតូចំនួនពីរគ្រឿង បានបុកគ្នាបណ្ដាល ឲ្យមនុស្ស ២នាក់រងរបួសធ្ងន់។

ហេតយការណ៍បានកើតឡើងវេលាម៉ោង០៧និង២០នាទី ថ្ងៃទី១១ ខែមករា ឆ្នាំ២០២១​ នៅចំពុចភូមិដូនស្វា ឃុំចារឈូក​ ស្រុកអង្គរជុំ​ ខេត្តសៀមរាប។

សមត្ថកិច្ចស្រុកអង្គរជុំបានដឹងថាគ្រោះថ្នាក់ចរាចរណ៍នេះ រវាងម៉ូតូ និងម៉ូតូ ទិសដៅ​ បញ្ច្រាសទិសគ្នា។ ម៉ូតូទី១ម៉ាកហុងដានិច ពណ៌ស ពាក់ស្លាកលេខ១AC១៥៥១ សៀមរាប បើកបរដោយឈ្មោះ​នួន​ នឿត ភេទប្រុស​ អាយុ៦០ឆ្នាំ មានទីលំនៅភូមិ ថ្មី​ ឃុំចារឈូក​ ស្រុកអង្គរជុំ​ ខេត្តសៀមរាប​ បើកបរពីជើង​ ទៅត្បូង(របួសធ្ងន់​) បុកជាមួយម៉ូតូម៉ាកហុងដាទ្រីម ពណ៌ខ្មៅ ឆ្នាំ២០១៦ ពាក់ស្លាកលេខ១N ២២២៨ បន្ទាយមានជ័យ បើកបរដោយឈ្មោះ​ ឃុត​ ម៉ឹង​ ភេទប្រុស​ អាយុ៣៣ឆ្នាំ មានទីលំនៅភូមិ​ថ្នល់​ ឃុំចារឈូក​ ស្រុកអង្គរជុំ​ ខេត្តសៀមរាប​ ទៅជើងត្បូង ររបួសធ្ងន់។

បើតាមសមត្ថកិច្ចបានបញ្ជាក់ថា មូលហេតុ អ្នកបើកបរមិនប្រកាន់ស្ដាំ៕SRP

ខេត្តសៀមរាប៖អ្នកលេងជល់មាន់ចំនួន១១នាក់ ត្រូវបានអាវុធហត្ថឃាត់ខ្លួន។

ការបង្ក្រាបនេះធ្វើឡើង នៅរសៀលថ្ងៃទី១០ខែ មករា ម្សិលមិញ នៅចំណុចភូមិទំរឹង ឃុំរើល ស្រុកពួក ខេត្តសៀមរាប ដោយកម្លាំងមូលដ្ឋាន អាវុធហត្ថស្រុក ដឹកនាំដោយលោកវសេនីយ៍ត្រីជា សុីណាមេបញ្ជាការ។

អាវុធហត្ថបានឲ្យដឹងថាករណីនេះ សមត្ថកិច្ច ដកហូតវត្ថុតាង
. មាន់ជល់ចំនួន០៣ ក្បាល
. សង្វៀនជល់មាន់ចំនួន០២វង់
. ជញ្ជើងថ្លឹងចំនួន០១
. ឃាត់ខ្លួនមនុស្ស បានចំនួន១១នាក់។

អាវុធហត្ថបន្តថាអ្នកលេងទាំង១១នាក់ បានធ្វើការអប់រំ និងធ្វើកិច្ចសន្យា បញ្ឍប់ ហើយបានអោយត្រឡប់ទៅលំនៅដ្ឋានវិញ៕SRP

ខេត្តសៀមរាប៖បុរសម្នាក់ត្រូវបាននគរបាលក្រុងសៀមរាប ឃាត់ខ្លួន បញ្ជូនទៅតុលាការ បន្ទាប់ពីសាកសួរ ពាក់ព័ន្ធ ឆក់កាបូបភ្ញៀវបរទេស ដែលកំពុងជិះកង់កម្សាន្តនៅតំបន់អង្គរ។

ជនសង្ស័យ មានឈ្មោះឡាច ភីរម្យ ហៅទីន អាយុ៣៦ឆ្នាំ ស្នាក់នៅភូមិត្រពាំងសេះ សង្កាត់គោកចក ក្រុងសៀមរាប។

សូមរំលឹកថាកាលថ្ងៃទី០៨ ខែមករា ឆ្នាំ២០២១ វេលាម៉ោង១២ នៅចំណុចខាងជើងវត្តថ្មី តាមបណ្តោយផ្លូវកូម៉ៃ ស្ថិតនៅភូមិត្រពាំងសេះ សង្កាត់គោកចក ក្រុងសៀមរាប មានករណី ឆក់កាបូបដោយជនសង្ស័យ បានធ្វើសកម្មភាព ជិះម៉ូតូឆក់កាបូបរបស់ជនរងគ្រោះឈ្មោះMARQUT GENEIEVE ភេទស្រី អាយុ៧១ឆ្នាំជនជាតិបារាំង ដោយក្នុងកាបូបមានទូរស័ព្ទម៉ាកIphone6s plus ពណ៌ទឹកប្រាក់ចំនួន០១គ្រឿង លុយ១០០ដុល្លារ លុយខ្មែរ៨ម៉ឺនរៀល នឹងកាតATM ប័ណ្ណបើកបរ នឹងសម្ភារមួយចំនួន ខណៈ ជនរងគ្រោះ ជិះកង់មកពីប្រាសាទអង្គរ ដោយដាក់កាបូបក្នុងកន្រ្តក ពុំបានចងខ្សែកាបូបភ្ចាប់នឹងកង់។

ជនសង្ស័យ ត្រូវបាន កម្លាំងនគរបាលក្រុងសៀមរាប ឃាត់ខ្លួន នៅថ្ងៃទី០៩ ខែមករា ម្សិលមិញ នៅភូមិស្វាយព្រៃ សង្កាត់ស្វាយដង្គំ ក្រុងសៀមរាប ដឹកនាំដោយ លោកវរសេនីយ៍ទោ ដា ចំរើន អធិការ អធិការដ្ឋាននគរបាល ក្រុងសៀមរាប។

បុរសរូបនេះ សារភាពថា ពិតជាបានឆក់កាបូប ជនរងគ្រោះ ពិតប្រាកដមែន ហើយមានសារធាតុញៀន ផងដែរ៕SRP

ខេត្តឧត្តរមានជ័យ៖នគរបាល ស្រុកបន្ទាយអំពិល ឃាត់ខ្លួនជនសង្ស័យប្រុស ស្រីចំនួន០៥នាក់ ករណីជួញដូរនិងប្រើប្រាស់ដោយខុសច្បាប់នូវសារធាតុញៀន។

ការឃាត់ខ្លួននេះ ពីរទីតាំងផ្សេងគ្នា ធ្វើឡើង នៅថ្ងៃសៅរ៍ ថ្ងៃទី០៩ខែ មករា ឆ្នាំ២០២១ វេលាម៉ោង ៣និង៣០នាទីទៀបភ្លឺ ដល់ម៉ោង០៩និង៣០នាទី ដោយកម្លាំងជំនាញគ្រឿងញៀន ដឹកនាំដោយលោក វរសេនីយ៍ត្រី​ ឈាំង​ សុីណៃ​ អធិការរង​ស្រុក សហការ ជាមួយការិយាល័យគ្រឿងញៀន នៅចំណុចភូមិត្រពាំងអំពិល ឃុំគោកមន ស្រុកបន្ទាយអំពិល ខេត្តឧត្តរមានជ័យ។

ជនសង្ស័យ
– ទី១ ឈ្មោះ ឈឿត កញ្ញា ភេទប្រុស អាយុ២១ឆ្នាំ រស់នៅភូមិត្រពាំងអំពិល ឃុំគោកមន ស្រុកបន្ទាយអំពិល ខេត្តឧត្តរមានជ័យ មុខរបរមិនពិតប្រាកដ (មានថ្នាំ)។

– ទី២ ឈ្មោះ មៀច មេ ភេទប្រុស អាយុ១៦ឆ្នាំ រស់នៅភូមិត្រពាំងអំពិល ឃុំគោកមន ស្រុកបន្ទាយអំពិល ខេត្តឧត្តរមានជ័យ មុខរបរមិនពិតប្រាកដ (ប្រើប្រាស់)។

-ទី៣ ឈ្មោះ ឈឿត ដន ភេទប្រុស អាយុ២៥ឆ្នាំ រស់នៅភូមិត្រពាំងអំពិល ឃុំគោកមន ស្រុកបន្ទាយអំពិល ខេត្តឧត្តរមានជ័យ មុខរបរមិនពិតប្រាកដ (ប្រើប្រាស់)។

– ទី៤ ឈ្មោះ អន អូដ ភេទប្រុស អាយុ២៤ឆ្នាំ រស់នៅភូមិត្រពាំងអំពិល ឃុំគោកមន ស្រុកបន្ទាយអំពិល ខេត្តឧត្តរមានជ័យ មុខរបរមិនពិតប្រាកដ (ប្រើប្រាស់)។

ដកហូតបានថ្នាំញៀនប្រភេទម្សៅមេតំហ្វេតាមីន ICE ហៅ ម៉ាទឹកកក ចំនួន ០២កញ្ចប់ស្មើង៦.៩២ក្រាមថ្លឹងទាំងសំបកថង់, ទូរសព្ទដៃចំនួន ០១គ្រឿង,ម៉ូតូ ០១ គ្រឿង។

– ទី៥ ឈ្មោះ អាត ដឿម ភេទស្រី អាយុ៤១ឆ្នាំ រស់នៅភូមិត្រពាំងអំពិល ឃុំគោកមន ស្រុកបន្ទាយអំពិល ខេត្តឧត្តរមានជ័យ មុខរបរមិនពិតប្រាកដ ( ម្ចាស់ថ្នាំ)។

ដកហូតបានថ្នាំញៀនប្រភេទមេតំហ្វេតាមីន ICE ហៅ ម៉ាទឹកកក ចំនួន ០៥កញ្ចប់ស្មើនឹង 6.៧៩ក្រាមថ្លឹងទាំសបកថង ។

ចំពោះករណីនេះ កម្លាំងស្រុក កសាងសំណុំរឿង បញ្ជូនទៅការិយាល័យ ជំនាញខេត្ត ចាត់ការតាមនិតីវីធីច្បាប់៕SRP

ខេត្តព្រៃវែង៖នគរបាលខេត្តនិងស្រុក ប៉ុស្ដិ៍ បានបើកប្រតិបត្តិការ បង្រ្កាបល្បែងស៊ីសង កត់ឆ្នោតវៀតណាម ឃាត់មនុស្សចំនួន៣នាក់។

ការបង្ក្រាបនេះ០២កន្លែងផ្សេងគ្នា
ធ្វើឡើងនៅថ្ងៃទី០៩ ខែមករា ម្សិលមិញ
នៅក្នុងឃុំកំពង់ពពិល និងឃុំកំពង់ប្រាំង ស្រុកពារាំង ខេត្តព្រៃវែង។

ជនសង្ស័យ
ទី១-ឈ្មោះនួន គីម ភេទប្រុសអាយុ ៦០ឆ្នាំ នៅភូមិបទសន្ទ្រាឃុំកំពង់ពពិល ស្រុកពារាំងខេត្តព្រៃវែង។
ឃាត់ខ្លួនជាក់ស្ដែងនៅចំណុច
ភូមិបទសន្ទ្រា ចាប់យកបានរួមមាន៖ទូរស័ព្ទដៃ០១ គ្រឿង,បិច០១ដើម,លុយចំនួន១៥ ម៉ឺនរៀល,តារាងគាត់ឆ្នោតចំនួន០១ សន្លឹក។

ទី២-ឈ្មោះអេងចាន់ថនភេទស្រីអាយុ៤០ឆ្នាំ ទីលំនៅភូមិត្បូងដំរីឃុំកំពង់ចម្លង ស្រុកខ្សាច់ កណ្ដាល ខេត្តកណ្ដាល។
ឃាត់បានជាក់ស្ដែងនៅចំណុច វត្តល្វាកោង ឃុំកំពង់ប្រាំង ស្រុកពារាំងខេត្តព្រៃវែង ចាប់យកបានរួមមាន៖
ទូរស័ព្ទដៃ០១គ្រឿង,ប៊ិច០១ដើម,លុយចំនួន៣០ម៉ឺនរៀល,ក្រដាសតារាងគាត់ឆ្នោតចំនួន០២រសន្លឹក,សៀវភៅមួយក្បាល។

ទី៣-ឈ្មោះសេម ម៉ៅភេទស្រីអាយុ ៥៥ឆ្នាំនៅភូមិបទសន្ទ្រា ឃុំកំពង់ពពិល ស្រុកពារាំងខេត្តព្រៃវែង។
ឃាត់ជាក់ស្ដែងនៅចំណុចភូមិបទសន្ទ្រា ចាប់យកបានរួមមាន៖ទូរស័ព្ទដៃ០១គ្រឿង ,ប៊ិច០១ដើម,លុយចំនួន១២ម៉ឺនរៀល,តារាងកត់ឆ្នោតចំនួន០១សន្លឹក។
បច្ចុប្បន្នជនសង្ស័យនឹងវត្ថុតាងសមត្ថកិច្ចយើងកំពុងកសាងសំណុំរឿងបញ្ជូនទៅស្នងការខេត្តតាមនិតិវិធី៕SRP

ខេត្តសៀមរាប៖បុរសម្នាក់ ត្រូវ រណាអារឈើ ដាច់ វ័តចំក បណ្តាល ឲ្យស្លាប់ភ្លាមៗ។

ហេតការណ៍ បានកើតឡើង នៅព្រឹកថ្ងៃទី០៩ ខែមករា ឆ្នាំ២០២១ ក្នុងរោងសិប្បកម្មកែច្នៃឈើ មួយកន្លែង ស្ថិតក្នុងភូមិវាល សង្កាត់គោកចក ក្រុងសៀមរាប។

បើតាមប្រភពបានរាយការណ៍ថា
ជនរងគ្រោះ មានឈ្មោះ អ៊ូ ខៃ អាយុ៣៩ឆ្នាំ រស់នៅភូមិសង្កាត់ ខាងលើ។

សមត្ថកិច្ច នៅពុំទាន់បញ្ជាក់ពីមូលហេតុច្បាស់លាស់នៅឡើយនោះទេ។ ប៉ុន្តែការសន្និដ្ឋានអាច ដោយសារតែមានការធ្វេសប្រហែស៕SRP

ខេត្តព្រះវិហារ៖ប្រធានមន្ទីរកសិកម្ម រុក្ខា ប្រមាញ់ និង នេសាទ ខេត្តព្រះវិហារ លោក ពឹង ទ្រីដា សូមសំដែងនូវការអរគុណ ដល់សហគមន៍ព្រៃឈើ ក៏ដូចជា សមាជិក សហគមន៍ ទាំងអស់ ដែលបានចូលរួមចំណែក ក្នុងការ ការពារធនធាន ព្រៃឈើ សត្វព្រៃ ឱ្យនៅគង់វង្សយូរអង្វែង សម្រាប់ ជាប្រយោជន៍ ដល់សមាជិកសហគមន៍ ក្នុងមូលដ្ឋាន ក៏ដូចជា សម្រាប់ទុក ជា កេរ្តិ៍តំណែល កូនចៅជំនាន់ ក្រោយៗផងដែរ។

លោក ពឹង ទ្រីដា បានឱ្យដឹងថា សហគមន៍ព្រៃឈើ ដែលទទួលបានសម្ភារ បម្រើឱ្យការងារល្បាតព្រៃ នៅពេលមាននេះមាន៖

• សហគមន៍ព្រៃឈើត្រពាំងក្បាលដំរី
• សហគមន៍ព្រៃឈើឆែបលិច
• សហគមន៍ព្រៃឈើសង្កែ
• សហគមន៍ព្រៃឈើខ្លុងត្រពាំងស្អាង
• សហគមន៍ព្រៃឈើក្រសាំង
• សហគមន៍ព្រៃឈើសាអែម
• សហគមន៍ព្រៃឈើភ្នំដំបូក
• និងសហគមន៍ភ្នំព្រះឥន្ទទ្រង់។

ដោយសាហគមន៍នីមួយៗទទួលបានអង្រឹង ក្រម៉ា អាវភ្លៀង សាក់កាដូ តង់កៅស៊ូ ពិលឆ្លុះ ខ្សែចំណង និងសម្ភារ ការិយាល័យ មួយចំនួន ក៏ដូចជាកូនឈើ ប្រណិត គ្រញូង និងកូនឈើហូបផ្លែ សម្រាប់ យកទៅដាំដុះ ផងដែរ។

លោកប្រធានមន្ទីរ ក៏បានការណែនាំ ដល់សហគមន៍ ទាំងអស់ ពេលទទួលបានសម្ភារទាំងអស់នេះ ត្រូវថែរក្សា ឱ្យបានគង់វង្ស ដើម្បីជាប្រយោជន៍ ឱ្យការប្រើប្រាស់ បានយូរអង្វែង។
ជាពិសេស សូមចូលរួមជាមួយ រាជរដ្ឋាភិបាលកម្ពុជា ក្រសួងសុខាភិបាល ក្នុងការទប់ស្កាត់ការករាលដាល មេរោគកូវីដ-១៩ កុំឱ្យកើតលើយើង ក្រុមគ្រួសារ និងសហគមន៍ របស់យើង។

លោកមានប្រសាសន៍បែបនេះ នៅថ្ងៃទី០៨ ខែ មករា ម្សិលមិញ ស្ថិតនៅទីស្នាក់ការ សហគមន៍ព្រៃឈើឆែបលិច ស្ថិតក្នុងស្រុកឆែប ក្នុងឱកាសអញ្ជើញ ដឹកនាំមន្ត្រីនាំយក សម្ភារជាច្រើនប្រភេទ និងកូនឈើប្រណិត កូនឈើ ហូបផ្លែជាច្រើនប្រភេទផ្សេងទៀត ផ្តល់ជូនសហគមន៍ចំនួន៨ ក្នុងស្រុកឆែប ខេត្តព្រះវិហារ សម្រាប់ បម្រើឱ្យការងារ ចុះល្បាត ការពារព្រៃឈើ នៅតាមសហគមន៍ នីមួយៗ៕SRP

ខេត្តសៀមរាប៖អាជ្ញាធរ បានព្រមាន ចាត់វិធានការ ចំពោះរាល់ក្រុមហ៊ុនណា ដែលនៅបន្ត បិទស្លាក ផ្សព្វផ្សាយ ពាណិជ្ជកម្មលើដើមឈើ តាមដងផ្លូវជាតិទៅកាន់ប្រាសាទបន្ទាយស្រី។

ការព្រមាននេះ គឺបន្ទាប់ពីកម្លាំងចម្រុះ ស្រុកបន្ទាយស្រី ចុះបក និងហែកក្រដាសស្លាកពាណិជ្ជកម្ម តាមដើមឈើ ក្នុងមូលដ្ឋាន របស់ខ្លួន។

យោងតាមផេកផ្លូវការ របស់ លោកឃឹម ហ្វីណង់ អភិបាល ស្រុកបន្ទាយស្រី ដែលបានបង្ហោះនៅរសៀលថ្ងៃនេះ ថា៖ ចាប់ពីថ្ងៃនេះតទៅ នឹងមិនអនុញ្ញាត ឱ្យអ្នកផ្សាយពាណិជ្ជកម្ម ដើរបិទស្លាកផ្សព្វផ្សាយ ពាសវាល ពាសកាល តាមដើមឈើទៀតទេ! ក្រុមការងារចម្រុះ មួយ នឹងចាប់ផ្តើមដើរបកស្លាក ទាំងអស់នេះចេញ និងមិនឱ្យបិទឡើងវិញឡើយ។

សកម្មភាពទាំងនេះ តែងតែទើសភ្នែក យូរហើយ ស្ទើរតែគ្រប់ដើមឈើ ទាំងអស់ នៅតាមបណ្តោយផ្លូវទៅកាន់ ប្រាសាទបន្ទាយស្រី ត្រូវបានគ្របដណ្តប់ ទៅដោយស្លាកផ្សាយពាណិជ្ជកម្មស្អេកស្កះ យ៉ាងអនា ធិបតេយ្យ និងមិនមានច្បាប់អនុញ្ញាត ធ្វើឱ្យប៉ះពាល់ទៅដល់សោភ័ណភាព សាធារណៈ និងភាពស្អាតនៃបរិស្ថាននៅក្នុងស្រុក មិនសមនឹងភ្នែកអ្នកទេសចររាប់លាននាក់ ក្នុងមួយឆ្នាំៗ ដែលធ្វើដំណើរឆ្លងកាត់តាមដងផ្លូវនេះ។

ទម្លាប់ល្អត្រូវចេញពីរឿងតូចតាចទៅ ហើយដើម ឈើ ក៏មិនមែនជាកន្លែង សម្រាប់ផ្សាយពាណិជ្ជកម្ម ដោយគ្មានការ ទទួលខុសត្រូវនោះដែរ។ អាចចាត់ ទុកថា នេះជាសេចក្តីជូនដំណឹងទុកជាមុន ទៅដល់ក្រុមហ៊ុនទាំងឡាយ ដែលបានប្រព្រឹត្តសកម្មភាព ទាំងនេះក្នុងពេលកន្លងមក។

អាជ្ញាធរមូលដ្ឋាន នឹងចាប់ឱ្យក្រុមហ៊ុនផ្ទាល់ទទួលខុសត្រូវ និងធ្វើកិច្ចសន្យា ប្រសិនបើនៅតែបន្តសកម្មភាពអនាធិបតេយ្យ ដូច្នេះតទៅមុខទៀត។ ស្រួលរកមុខទេ ព្រោះមានលេខទូរស័ព្ទទំនាក់ទំនងនៅលើស្លាកទាំងនោះរួចស្រាប់ហើយ។

យោងតាមការអះអាង របស់អភិបាលស្រុក គេរំពឹងថា ដងផ្លូវទៅកាន់ប្រាសាទបន្ទាយស្រី នឹងមិនមានភាពអនាធិបតេយ្យ តាមដើមឈើដូចពេលកន្លងមកនោះឡើយ៕SRP

ខេត្តកំពង់ចាម​៖លោក​​ អ៊ុន​ ចាន់ដា​ អភិបាលខេត្តកំពង់ចាម​ បាន​ថ្លែង​ក្រេីន​រំលឹក​ដល់​មន្ត្រី​នគរបាល​ ឲ្យមានការ ប្តេជ្ញា ចិត្ត ដោយមោះមុត ក្នុងការការពារ និង​ថែរក្សា​រាជរដ្ឋាភិបាល​ ស្របច្បាប់ ដែលកេីតចេញពីឆន្ទៈរបស់ ប្រជាពលរដ្ឋ ព្រមទាំង​ចូលរួម​ទប់ស្កាត់​ការ​បង្ក​អុកឡុក​ និង​បំពុល​សង្គម​ ពីសំណាក់ក្រុមឧទ្ទាមក្រៅច្បាប់។

ការ​ស្នើ​ឡើង​ យ៉ាងដូច្នេះ ក្នុងឱកាសចូលរួមពិធីបេីកវគ្គបំប៉នជំនាញ​ ការពារថ្នាក់ដឹកនាំ អន្តរាគមន៍​ តម្រួត​បទ​បញ្ជា​ ចរាចរ​ នៅថ្ងៃទី០៨ ខែមករា​ ព្រឹកមិញនេះ នៅ​ស្នងការរដ្ឋាននគរបាល​ខេត្ត​កំពង់ចាម​។

លោក​​ អ៊ុន​ ចាន់ដា​ ក៏បាន​ថ្លែង​​កោតសរសើរ​ ដល់កងកម្លាំងទាំង៣ភេទ រួមនឹង​កម្លាំង​ប្រជាការពារ​ នៅតាមឃុំ-សង្កាត់ ដោយ​ក្នុង​ឆ្នាំ​២០២០ កន្លងមកនេះ បាន​ប្រឹងប្រែង​ពុះពារ​គ្រប់​ឧបសគ្គ​ ក្នុង​ការ​សម្រេច​ភារកិច្ច​ ប្រកបដោយស្មារតី ទទួលខុសត្រូវខ្ពស់ អនុវត្ត​តាម​គោល នយោបាយ របស់ រាជរដ្ឋាភិបាល ដោយ​លះបង់​កម្លាំង​កាយ​ចិត្ត​ ហ៊ាន​ធ្វើ​ពលិកម្ម​គ្រប់​បែបយ៉ាង​ ដេីម្បី​បុព្វហេតុ​ជាតិ​មាតុភូមិ​ និង​ការ​ប្តេជ្ញា​ចិត្ត​ខ្ពស់​ ប្តូរផ្តាច់​ការពារ​ រាជរដ្ឋាភិបាលស្របច្បាប់ ដោយ​មិន​អនុញ្ញាត​ ឲ្យក្រុមឧទ្ទាមក្រៅច្បាប់ ធ្វេី​សកម្មភាព​បង្ក​ អសន្តិសុខបានឡើយ។

អភិបាលខេត្ត ក៏​បាន​ស្នើ​ដល់​កងកម្លាំង​នគរបាល​ទាំងអស់​ ត្រូវមានការយកចិតទុកដាក់បង្កេីនការអភិវឌ្ឍ ចំណេះដឹងរបស់ខ្លួន ក្នុង​នោះ​ត្រូវ​​បន្ត​អនុវត្ត​ផែន ការយុទ្ធនាការ ប្រយុទ្ធប្រឆាំងគ្រឿងញៀន ខុសច្បាប់ និង​​បន្ត​ការអនុវត្ត​ច្បាប់​ចរាចរ​ផ្លូវ​គោក​ ​ដេីម្បី​ការពារ​អាយុជីវិត​ប្រជាពលរដ្ឋ​​ ព្រមទាំង​ទប់ស្កាត់​ អំពើជួញដូរមនុស្ស និង​ទប់ស្កាត់​ការ​ដាក់​ប៉ុស្តិ៍​ អាណាធិបតេយ្យទៀតផង ចំពោះ​កម្លាំង​ នគរបាលអគ្គីភ័យ ​ត្រូវ​ត្រៀម​លក្ខណៈ​ សម្បត្តិ ទុកជាមុន ដេីម្បី​ចេញ​អន្តរាគមន៍​ ឲ្យបានទាន់ពេលវេលា ក្នុង​ពេល​ដែលមាន​ អគ្គីភ័យកេីតឡើង។

យោងតាម លោក​ឧត្ដមសេនីយ៍​ទោ​ ឯម​ កុសល​ ស្នងការ​នគរបាល​ខេត្ត​កំពង់ចាម​ បាន​ឲ្យដឹងថា​​ ក្នុង​រយៈពេល​​១ឆ្នាំ​២០២០កន្លង​មក​នេះ​ បទល្មើស​ព្រហ្មទណ្ឌ​ កេីតឡេីង៤៤លេីក ប្រៀបធៀប​ នឹងឆ្នាំមុនថយចុះ២៤លើក ក្នុង​នោះ​បង្គ្រាប​បាន​៤៣លេីក​ ឃាត់​ខ្លួន​៧៦នាក់​ បទល្មើស​រំលោភ​ សេពសន្ថវៈ៨លេីក ឃាត់​ខ្លួន​៩នាក់​ បទល្មើស​គ្រឿងញៀន​២៥៤លេីក​ ការ​បង្គ្រាប​កេីនឡេីង​៦៩លេីក​ ក្នុង​នោះ​ករណី​ជួញ​ដូរ​បាន​២៣៣លេីក​ និង​ករណី​ប្រេីប្រាស់​បាន​២១លេីក​ ឃាត់​ខ្លួន​៩៨២នាក់​ បទល្មើស​ល្បែង​ស៊ីសង​ខុសច្បាប់​៩១លេីក​ កេីនឡេីង​៥៧លេីក​ ឃាត់​ខ្លួន​២៦៤នាក់​ បទល្មើស​សេដ្ឋកិច្ច​៣៩លេីក​ ថយចុះ​៣២លេីក​ ឃាត់​ខ្លួន​១០នាក់​ ករណី​គ្រោះថ្នាក់​ចរាចរ​ ១៧៦លេីក​ ប្រៀបធៀប​នឹង​ឆ្នាំ​មុន​ថយចុះ​២៦លេីក​ បណ្តាល​ឲ្យ​ស្លាប់​៩៦នាក់​ ថយចុះ​២៤នាក់​ និង​របួស​២៥២នាក់​ ថយចុះ​២៣នាក់​៕SRP